کتاب 43: كتاب الفضائل
صحیح مسلم, حصہ 3
صحیح مسلم 4247
حضرت انسؓ بیان کرتے ہیں کہ اللہ کے نبیﷺ نے فرمایا کہ تمہیں اس (حوض) میں آسمان کے ستاروں کی تعداد میں سونے اور چاندی کی صراحیاں دکھائی دیں گی۔ ایک اور روایت میں أَوْ أَکْثَرُ مِنْ عَدَدِ نُجُومِ السَّمَائِ کے الفاظ ہیں یعنی آسمان کے ستاروں کی تعداد سے زیادہ۔
وَحَدَّثَنِيهِ زُهَيْرُ بْنُ حَرْبٍ حَدَّثَنَا الْحَسَنُ بْنُ مُوسَى حَدَّثَنَا شَيْبَانُ عَنْ قَتَادَةَ حَدَّثَنَا أَنَسُ بْنُ مَالِكٍ أَنَّ نَبِيَّ اللَّهِ صلى الله عليه وسلم قَالَ مِثْلَهُ وَزَادَ " أَوْ أَكْثَرُ مِنْ عَدَدِ نُجُومِ السَّمَاءِ " .
Urdu translation: Noor Foundation
صحیح مسلم 4248
حضرت جابر بن سمرہؓ سے روایت ہے کہ رسول اللہ ﷺ نے فرمایا سنو! میں حوض پر تمہارا پیش رو ہوں گا اور اس کے دونوں کناروں کے درمیان فاصلہ صنعاء اور ایلہ کے درمیان فاصلہ جتنا ہو گا اور گویا صراحیاں اس میں ستارے ہوں گے۔
Urdu translation: Noor Foundation
صحیح مسلم 4249
عامر بن سعد بن ابی وقاصؓ سے روایت ہے۔ انہوں نے کہا کہ میں نے حضرت جابر بن سمرہؓ کی طرف اپنے غلام نافع کے ہاتھ لکھ بھیجا کہ مجھے اس میں سے کچھ بتائیے جو آپ نے رسول اللہﷺ سے سنا۔ وہ کہتے ہیں کہ انہوں نے مجھے (جوابًا) لکھا کہ میں نے آپؐ کو فرماتے ہوئے سنا کہ میں حوض پر پیش رو ہوں گا۔
Urdu translation: Noor Foundation
صحیح مسلم 4250
حضرت سعدؓ سے روایت ہے کہ میں نے احد کے دن رسول اللہﷺ کے دائیں اور بائیں دو آدمیوں کو دیکھا جو سفید کپڑے پہنے ہوئے تھے۔ نہ تو اس سے قبل میں نے انہیں دیکھا تھا اور نہ ہی اس کے بعد۔ ان کی مراد جبرائیل اور میکائیل علیہما السلام تھے۔
Urdu translation: Noor Foundation
صحیح مسلم 4251
حضرت سعد بن ابی وقاصؓ بیان کرتے ہیں کہ میں نے احد کے دن رسول اللہﷺ کے دائیں اور آپؐ کے بائیں دو آدمیوں کو جو سفید کپڑے پہنے ہوئے تھے وہ آپؐ کی طرف سے زبردست جنگ کر رہے تھے دیکھا۔ نہ تو میں نے انہیں اس سے پہلے کبھی دیکھا نہ ہی بعد میں۔
Urdu translation: Noor Foundation
صحیح مسلم 4252
حضرت انس بن مالکؓ سے روایت ہے کہ رسول اللہﷺ سب لوگوں سے زیادہ حسین تھے اور سب لوگوں سے زیادہ سخی تھے۔ سب لوگوں سے زیادہ بہادر تھے اور ایک رات اہلِ مدینہ نے خطرہ محسوس کیا کچھ لوگ اس آواز کی طرف گئے تو رسول اللہﷺ انہیں واپس آتے ہوئے ملے۔ آپؐ آواز کی طرف ان سے پہلے چلے گئے تھے اور آپؐ ابو طلحہؓ کے گھوڑے پر بغیر زین کے سوار تھے اور آپؐ کے گلے میں تلوار تھی اور آپؐ فرما رہے تھے گھبرا نے کی کوئی بات نہیں، گھبرا نے کی کوئی بات نہیں۔ آپﷺ نے فرمایا کہ ہم نے اس (گھوڑے) کو سمندر پایا ہے یا فرمایا یہ سمندر ہے۔ راوی کہتے ہیں حالانکہ وہ گھوڑا بہت سُست ہوا کرتا تھا۔
Urdu translation: Noor Foundation
صحیح مسلم 4253
حضرت انسؓ بیان کرتے ہیں کہ مدینہ میں ایک دفعہ خوف کی حالت پیدا ہوئی۔ نبی ﷺ نے حضرت ابو طلحہؓ کا گھوڑا مستعار لیا جسے مندوب کہا جاتا تھا اور آپؐ اس پر سوار ہوئے۔ پھر فرمایا ہم نے کوئی خوف (کی بات) نہیں دیکھی اور ہم نے اس (گھوڑے) کو سمندر پایا ہے۔ ایک اور روایت میں فَرَسًا لَنَا کے الفاظ ہیں اور انہوں نے لِأَبِی طَلْحَۃَ نہیں کہا۔
Urdu translation: Noor Foundation
صحیح مسلم 4254
حضرت ابن عباسؓ سے روایت ہے کہ رسول اللہﷺ خیر و بھلائی میں سب لوگوں سے زیادہ سخی تھے۔ لیکن رمضان کے مہینہ میں آپؐ سب سے زیادہ سخی ہوتے تھے۔ جبرائیل علیہ السلام ہر سال رمضان میں آپؐ سے ملتے یہاں تک کہ وہ (رمضان) گزر جاتا۔ پھر رسول اللہﷺ انہیں قرآن سناتے۔ جب جبرائیلؑ آپؐ سے ملتے تو رسول اللہﷺ خیر و بھلائی میں تیز آندھی سے بھی بڑھ کر سخی ہوتے۔
Urdu translation: Noor Foundation
صحیح مسلم 4255
حضرت انس بن مالکؓ سے روایت ہے کہ میں نے دس سال تک رسول اللہﷺ کی خدمت کی۔ اللہ کی قسم! آپؐ نے مجھے کبھی اُفّ تک نہیں کہا۔ نہ تو آپؐ نے مجھے کسی کام کے بارہ میں فرمایا کہ تُم نے یہ کیوں کیا اور (نہ ہی یہ فرمایا کہ) تم نے ایسا کیوں نہ کیا۔ ایک اور روایت میں یہ اضافہ ہے کہ (یہ خدمت) ایسی نہیں تھی جو نوکر کیا کرتا ہے اور اس روایت میں وَاللَّہِ کا لفظ نہیں ہے۔
Urdu translation: Noor Foundation
صحیح مسلم 4256
حضرت انسؓ سے روایت ہے کہ جب رسول اللہﷺ مدینہ تشریف لائے تو حضرت ابو طلحہؓ نے میرا ہاتھ پکڑ ا اور مجھے رسول اللہﷺ کے پاس لے گئے اور عرض کیا یا رسولؐ اللہ! انسؓ سمجھدار بچہ ہے۔ یہ آپؐ کی خدمت کرے گا۔ حضرت انسؓ کہتے ہیں پھر میں نے سفر و حضر میں آپؐ کی خدمت کی۔ اللہ کی قسم! میرے کسی کام کے بارہ میں جو میں نے کیا آپؐ نے کبھی نہیں فرمایا کہ تم نے یہ کام اس طرح کیوں کیا اور نہ ہی کسی کام کے بارہ میں جو میں نے نہیں کیا آپؐ نے فرمایا کہ تم نے یہ (کام) اس طرح کیوں نہ کیا۔
Urdu translation: Noor Foundation
صحیح مسلم 4257
حضرت انسؓ سے روایت ہے کہ میں نے رسول اللہ ﷺ کی نو ۹ سال تک خدمت کی۔ میرے علم میں نہیں کہ کبھی آپؐ نے مجھ سے فرمایا ہو کہ تم نے اس اس طرح کیوں کیا۔ نہ ہی آپؐ نے کبھی میرا کوئی عیب نکالا۔
Urdu translation: Noor Foundation
صحیح مسلم 4258
حضرت انسؓ بیان کرتے ہیں کہ رسول اللہﷺ اخلاق میں سب لوگوں سے زیادہ اچھے تھے۔ ایک روز آپؐ نے مجھے کسی کام کے لئے بھیجا۔ میں نے کہہ دیا بخدا میں نہیں جاؤں گا لیکن میرے دل میں تھا کہ اس بات کے لئے اللہ کے نبیﷺ نے مجھے حکم دیا ہے میں جاؤں گا۔ چنانچہ میں نکلا یہاں تک کہ بچوں کے پاس سے گزرا اور وہ بازار میں کھیل رہے تھے تو رسول اللہﷺ نے پیچھے سے اچانک مجھے گردن کے پچھلے حصہ سے پکڑا۔ وہ کہتے ہیں کہ میں نے آپؐ کی طرف دیکھا۔ آپؐ ہنس رہے تھے۔ پھر آپؐ نے فرمایا: اے اُنَیس! کیا تم وہاں گئے ہو جہاں میں نے تمہیں (جانے کا) کہا تھا؟ وہ کہتے ہیں میں نے کہا جی ہاں یا رسولؐ اللہ! میں جا رہا ہوں۔ حضرت انسؓ کہتے ہیں کہ خدا کی قسم میں نے آپؐ کی نو ۹ سال خدمت کی ہے۔ میرے علم میں نہیں کہ کسی کام پر جو میں نے کیا ہو آپؐ نے فرمایا ہو کہ تم نے یہ یہ کیوں کیا یا کسی کام کے بارہ میں جسے میں نے چھوڑا ہو (فرمایا ہو) کہ تم نے یہ یہ کیوں نہ کیا۔
قَالَ أَنَسٌ وَاللَّهِ لَقَدْ خَدَمْتُهُ تِسْعَ سِنِينَ مَا عَلِمْتُهُ قَالَ لِشَىْءٍ صَنَعْتُهُ لِمَ فَعَلْتَ كَذَا وَكَذَا أَوْ لِشَىْءٍ تَرَكْتُهُ هَلاَّ فَعَلْتَ كَذَا وَكَذَا .
Urdu translation: Noor Foundation
صحیح مسلم 4259
حضرت انس بن مالکؓ بیان کرتے ہیں کہ رسول اللہ ﷺ سب لوگوں سے زیادہ خوبصورت اخلاق والے تھے۔
Urdu translation: Noor Foundation
صحیح مسلم 4260
حضرت جابر بن عبداللہؓ بیان کرتے ہیں کہ کبھی ایسا نہیں ہوا کہ رسول اللہﷺ سے کوئی چیز مانگی گئی ہو اور آپؐ نے ’’نہ‘‘ کہا ہو۔
Urdu translation: Noor Foundation
صحیح مسلم 4261
موسیٰ بن انس اپنے والد سے روایت کرتے ہیں کہ جب بھی رسول اللہ ﷺ سے اسلام پر کوئی چیز مانگی گئی آپؐ نے وہ عطا فرمائی۔ وہ کہتے ہیں ایک شخص آپؐ کے پاس آیا۔ آپؐ نے اسے دو پہاڑوں کے درمیان (کی تمام) بکریاں عطا فرمائیں۔ وہ اپنی قوم کی طرف لوٹا اور کہا اے میری قوم! اسلام لے آؤ۔ محمد ﷺ تو اتنا دیتے ہیں کہ فاقہ کا ڈر نہیں رہتا۔
Urdu translation: Noor Foundation
صحیح مسلم 4262
حضرت انسؓ سے روایت ہے کہ ایک شخص نے نبیﷺ سے دو پہاڑوں کے درمیان جتنی (بھی) بکریاں تھیں مانگ لیں۔ آپؐ نے اسے وہ عطا فرما دیں۔ پھر وہ اپنی قوم کے پاس آیا اور کہا اے میری قوم ! اسلام لے آؤ۔ خدا کی قسم ! محمدﷺ تو اتنا دیتے ہیں کہ غُربت کا ڈر نہیں رہتا۔ حضرت انسؓ کہتے ہیں کہ بعض اوقات کوئی آدمی صرف دنیا کے لئے اسلام قبول کرتا تھا مگر جو نہی اسلام قبول کرتا تو اسلام اسے دنیا وما فیھا سے بڑھ کر محبوب ہو جاتا تھا۔
Urdu translation: Noor Foundation
صحیح مسلم 4263
ابنِ شہاب سے روایت ہے کہ رسول اللہ ﷺ نے الفتح یعنی فتحِ مکہ کا غزوہ سرانجام دیا رسول اللہ ﷺ ان مسلمانوں کے ساتھ نکلے جو آپؐ کے ہمراہ تھے۔ حُنین کے مقام پر انہوں نے جنگ کی تو اللہ نے اپنے دین اور مسلمانوں کی مدد فرمائی۔ اس روز رسول اللہ ﷺ نے صفوان بن امیّہ کو سو 100 اونٹ دئیے پھر سو دیئے پھر سو (اور) دیئے۔ ابنِ شہاب کہتے ہیں کہ مجھے سعید بن مسّیب نے بتایا کہ حضرت صفوانؓ نے کہا کہ خدا کی قسم ! مجھے رسول اللہ ﷺ نے دیا اور جو دیا، جبکہ لوگوں میں سے سب سے زیادہ مجھے آپؐ کی ذات سے بُغض تھا آپؐ مجھے عطا فرماتے رہے یہانتک کہ آپؐ مجھے سب لوگوں سے زیادہ محبوب ہو گئے۔
Urdu translation: Noor Foundation
صحیح مسلم 4264
حضرت جابرؓ بن عبداللہ بیان کرتے ہیں کہ رسول اللہﷺ نے فرمایا کہ اگر ہمارے پاس بحرین کا مال آیا تو میں تمہیں ایسے اور ایسے اور ایسے دوں گا۔ آپؐ نے اپنے دونوں ہاتھوں کو اکٹھا کرتے ہوئے ارشاد فرمایا لیکن بحرین کا مال آنے سے قبل نبیﷺ کی وفات ہو گئی۔ پھر وہ (مال) آپؐ کے بعد حضرت ابو بکرؓ کے پاس آیا۔ آپؓ نے ایک اعلان کرنے والے کو حکم دیا کہ جس کا نبیﷺ کے ذمہ کوئی وعدہ یا قرض ہو تو اسے چاہئے کہ وہ آئے۔ اس پر میں کھڑا ہوگیا اور عرض کیا کہ نبیﷺ نے فرمایا تھا کہ اگر بحرین کا مال آیا تو میں تمہیں ایسے اور ایسے اور ایسے دوں گا۔ اس پر حضرت ابو بکرؓ نے ایک اوک بھرا پھر مجھ سے فرمایا کہ اس کی گنتی کرو۔ چنانچہ میں نے گنا تو وہ پانچ سو نکلے۔ پھر آپؓ نے فرمایا کہ اس سے دو گنا اور لے لو۔ حضرت جابر بن عبداللہؓ سے روایت ہے جب نبیﷺ فوت ہو گئے تو حضرت ابو بکرؓ کے پاس علاء بن حضرمی کی طرف سے مال آیا۔ اس پر حضرت ابو بکرؓ نے فرمایا: جس کسی کا نبیﷺ کے ذمہ کوئی قرض یا آپؐ کی طرف سے کوئی وعدہ ہو تو اسے چاہئے کہ وہ ہمارے پاس آئے۔۔۔ باقی روایت پہلی روایت کی طرح ہے۔
وَحَدَّثَنَا إِسْحَاقُ أَخْبَرَنَا سُفْيَانُ عَنِ ابْنِ الْمُنْكَدِرِ عَنْ جَابِرٍ وَعَنْ عَمْرٍو عَنْ مُحَمَّدِ بْنِ عَلِيٍّ عَنْ جَابِرٍ أَحَدُهُمَا يَزِيدُ عَلَى الآخَرِ ح
وَحَدَّثَنَا ابْنُ أَبِي عُمَرَ - وَاللَّفْظُ لَهُ - قَالَ قَالَ سُفْيَانُ سَمِعْتُ مُحَمَّدَ بْنَ الْمُنْكَدِرِ يَقُولُ سَمِعْتُ جَابِرَ بْنَ عَبْدِ اللَّهِ قَالَ سُفْيَانُ وَسَمِعْتُ أَيْضًا عَمْرَو بْنَ دِينَارٍ يُحَدِّثُ عَنْ مُحَمَّدِ بْنِ عَلِيٍّ قَالَ سَمِعْتُ جَابِرَ بْنَ عَبْدِ اللَّهِ وَزَادَ أَحَدُهُمَا عَلَى الآخَرِ قَالَ قَالَ رَسُولُ اللَّهِ صلى الله عليه وسلم " لَوْ قَدْ جَاءَنَا مَالُ الْبَحْرَيْنِ لَقَدْ أَعْطَيْتُكَ هَكَذَا وَهَكَذَا وَهَكَذَا " . وَقَالَ بِيَدَيْهِ جَمِيعًا فَقُبِضَ النَّبِيُّ صلى الله عليه وسلم قَبْلَ أَنْ يَجِيءَ مَالُ الْبَحْرَيْنِ فَقَدِمَ عَلَى أَبِي بَكْرٍ بَعْدَهُ فَأَمَرَ مُنَادِيًا فَنَادَى مَنْ كَانَتْ لَهُ عَلَى النَّبِيِّ صلى الله عليه وسلم عِدَةٌ أَوْ دَيْنٌ فَلْيَأْتِ . فَقُمْتُ فَقُلْتُ إِنَّ النَّبِيَّ صلى الله عليه وسلم قَالَ " لَوْ قَدْ جَاءَنَا مَالُ الْبَحْرَيْنِ أَعْطَيْتُكَ هَكَذَا وَهَكَذَا وَهَكَذَا " . فَحَثَى أَبُو بَكْرٍ مَرَّةً ثُمَّ قَالَ لِي عُدَّهَا . فَعَدَدْتُهَا فَإِذَا هِيَ خَمْسُمِائَةٍ فَقَالَ خُذْ مِثْلَيْهَا. حَدَّثَنَا مُحَمَّدُ بْنُ حَاتِمِ بْنِ مَيْمُونٍ حَدَّثَنَا مُحَمَّدُ بْنُ بَكْرٍ أَخْبَرَنَا ابْنُ جُرَيْجٍ أَخْبَرَنِي عَمْرُو بْنُ دِينَارٍ عَنْ مُحَمَّدِ بْنِ عَلِيٍّ عَنْ جَابِرِ بْنِ عَبْدِ اللَّهِ قَالَ وَأَخْبَرَنِي مُحَمَّدُ بْنُ الْمُنْكَدِرِ عَنْ جَابِرِ بْنِ عَبْدِ اللَّهِ قَالَ لَمَّا مَاتَ النَّبِيُّ صلى الله عليه وسلم جَاءَ أَبَا بَكْرٍ مَالٌ مِنْ قِبَلِ الْعَلاَءِ بْنِ الْحَضْرَمِيِّ فَقَالَ أَبُو بَكْرٍ مَنْ كَانَ لَهُ عَلَى النَّبِيِّ صلى الله عليه وسلم دَيْنٌ أَوْ كَانَتْ لَهُ قِبَلَهُ عِدَةٌ فَلْيَأْتِنَا . بِنَحْوِ حَدِيثِ ابْنِ عُيَيْنَةَ .
Urdu translation: Noor Foundation
صحیح مسلم 4265
حضرت انس بن مالکؓ بیان کرتے ہیں کہ رسول اللہﷺ نے فرمایا رات میرے ہاں بچہ کی ولادت ہوئی۔ میں نے اس کا نام اپنے باپ ابراہیم کے نام پر رکھا ہے۔ پھر آپؐ نے اسے ایک لوہار ابو سیف کی بیوی امّ سیف کے پاس بھیج دیا۔ حضورؐ اس کے پاس جانے کے لئے چلے اور میں بھی آپؐ کے ساتھ گیا۔ ہم ابو سیف کے پاس پہنچے اور وہ بھٹی دھونک رہا تھا۔ اس کا گھر دھوئیں سے بھر گیا تھا۔ تو میں تیزی سے رسول اللہﷺ کے آگے چلا۔ میں نے کہا اے ابو سیف! رُک جاؤ، رسول اللہﷺ تشریف لا رہے ہیں۔ وہ رُک گیا۔ پھر نبیﷺ نے بچہ کو بلوایا اور اسے اپنے ساتھ چمٹایا پھر جو اللہ نے چاہا آپؐ نے فرمایا۔ حضرت انسؓ کہتے ہیں میں نے دیکھا ہے کہ وہ (بچہ) رسول اللہﷺ کے سامنے آخری سانس لے رہا تھا اور رسول اللہﷺ کی آنکھوں میں آنسو آگئے۔ پھر آپؐ نے فرمایا آنکھ آنسو بہاتی ہے اور دل غمگین ہوتا ہے مگر ہم اس کے سوا کچھ نہیں کہتے سوائے اس کے جس میں ہمارے رب کی رضا ہے۔ خدا کی قسم اے ابراہیمؓ! یقینا ہم تیری وجہ سے غمگین ہیں۔
Urdu translation: Noor Foundation
صحیح مسلم 4266
حضرت انسؓ بن مالک بیان کرتے ہیں کہ میں نے رسول اللہﷺ سے بڑھ کر بچّوں پر شفقت کرنے والا کوئی نہیں دیکھا۔ وہ کہتے ہیں کہ ابراہیم کے لئے مدینہ کے بالائی مضافات میں دودھ پلانے کا انتظام تھا اور حضور وہاں جایا کرتے تو ہم بھی آپؐ کے ساتھ ہوتے۔ آپؐ گھر میں داخل ہوتے تو وہاں بہت دھواں ہوتا۔ ابراہیم کا رضاعی باپ لوہار تھا۔ پس حضورؐ اسے (ابراہیم کو) لیتے اور اسے بوسہ دیتے پھر واپس آجاتے۔ عمرو نے کہا کہ جب ابراہیم کی وفات ہوئی تو رسول اللہﷺ نے فرمایا کہ ابراہیم میرا بیٹا ہے اور اس کی وفات شیرخوارگی میں ہوئی ہے اس کے لئے یقینًا اس کی دو رضاعی مائیں ہیں جو اس کی رضاعت جنّت میں مکمل کریں گی۔
Urdu translation: Noor Foundation