کتاب 36: فیصلے
مؤطا امام مالک, حصہ 3
مؤطا امام مالک 1439
نعمان بن بشیر سے رویات ہے کہ میرے باپ مجھ کو رسول اللہ کے پاس لے کر آئے اور کہا یا رسول اللہ میں نے اس بیٹے کو اپنا ایک غلام ہبہ کیا ہے رسول اللہ نے فرمایا کیا سب بیٹوں کو تو نے ایسا ہی غلام دیا بولا نہیں تو آپ صلی اللہ علیہ وسلم نے فرمایا رجوع کر ہبہ سے
Urdu translation, translator not named, from an open hadith text collection
مؤطا امام مالک 1440
مجھ سے مالک نے بیان کیا، انہوں نے ابن شہاب سے، انہوں نے عروہ بن زبیر سے، انہوں نے نبی کریم صلی اللہ علیہ وسلم کی زوجہ مطہرہ حضرت عائشہ رضی اللہ عنہا سے روایت کی کہ انہوں نے کہا: حضرت ابو بکر صدیق رضی اللہ عنہ نے انہیں غابہ میں اپنے مال میں سے ایسے کھجور کے درخت ہبہ کئے تھے جن کا پھل بیس وسق ہوتا تھا۔ جب ان کی وفات کا وقت آیا تو فرمایا: اللہ کی قسم اے میری پیاری بیٹی! لوگوں میں سے کوئی ایسا نہیں جس کا میرے بعد مالدار ہونا مجھے تم سے زیادہ پسند ہو، اور نہ کوئی ایسا ہے جس کا میرے بعد محتاج ہونا مجھ پر تم سے زیادہ گراں ہو۔ اور میں نے تمہیں ایسے درخت ہبہ کئے تھے جن کا پھل بیس وسق ہوتا ہے، اگر تم نے ان کا پھل توڑ لیا ہوتا اور انہیں اپنے قبضہ میں لے لیا ہوتا تو وہ تمہارے ہوتے، لیکن آج وہ وارثوں کا مال ہے، اور وہ تمہارے دو بھائی اور تمہاری دو بہنیں ہیں، پس اسے اللہ کی کتاب کے مطابق آپس میں تقسیم کر لو۔ حضرت عائشہ رضی اللہ عنہا نے کہا: میں نے عرض کیا: اے ابا جان! اللہ کی قسم اگر وہ اتنا اتنا بھی ہوتا تو میں اسے چھوڑ دیتی۔ (میری بہن) تو صرف اسماء ہیں، تو دوسری کون ہے؟ حضرت ابو بکر رضی اللہ عنہ نے فرمایا: بنت خارجہ کے پیٹ میں جو ہے، میرا خیال ہے کہ وہ لڑکی ہے۔
AI-translated (from Arabic)
مؤطا امام مالک 1441
مجھ سے امام مالک نے ابن شہاب سے، انہوں نے عروہ بن زبیر سے، انہوں نے عبدالرحمن بن عبد القاری سے روایت کی کہ حضرت عمر بن خطاب رضی اللہ عنہ نے فرمایا: ان لوگوں کا کیا حال ہے جو اپنے بیٹوں کو عطیے دیتے ہیں، پھر انہیں اپنے پاس روکے رکھتے ہیں۔ پھر اگر ان میں سے کسی کا بیٹا فوت ہو جائے تو کہتا ہے: میرا مال میرے قبضہ میں ہے، میں نے یہ کسی کو نہیں دیا تھا۔ اور اگر وہ خود فوت ہونے لگے تو کہتا ہے: یہ میرے بیٹے کا ہے، میں نے یہ اسے دے دیا تھا۔ جو شخص کوئی عطیہ دے اور جسے عطیہ دیا گیا وہ اس پر قبضہ نہ کرے، یہاں تک کہ اگر (دینے والا) فوت ہو جائے تو وہ اس کے وارثوں کا ہو، تو وہ عطیہ باطل ہے۔
AI-translated (from Arabic)
مؤطا امام مالک 1442
مجھ سے امام مالک نے داؤد بن حصین سے، انہوں نے ابو غطفان بن طریف مُرّی سے روایت کی کہ حضرت عمر بن خطاب رضی اللہ عنہ نے فرمایا: جو شخص صلہ رحمی کے لئے یا صدقہ کے طور پر کوئی ہبہ کرے تو وہ اسے واپس نہیں لے سکتا، اور جو شخص کوئی ایسا ہبہ کرے جس سے سمجھا جائے کہ اس کا مقصد صرف بدلہ پانا تھا تو وہ اپنے ہبہ پر حق رکھتا ہے، اگر اسے اس سے راضی نہ کیا جائے تو وہ اسے واپس لے سکتا ہے۔ یحییٰ نے کہا: میں نے امام مالک کو یہ فرماتے سنا: ہمارے ہاں متفقہ طریق یہ ہے کہ جب بدلے کی خاطر دیا گیا ہبہ اس شخص کے پاس جسے ہبہ کیا گیا، زیادتی یا کمی کے ساتھ بدل جائے تو جسے ہبہ کیا گیا اس پر لازم ہے کہ وہ اس کے مالک کو اس کی وہ قیمت ادا کرے جو اس دن تھی جس دن اس نے اس پر قبضہ کیا تھا۔
AI-translated (from Arabic)
مؤطا امام مالک 1443
جابر بن عبداللہ انصاری سے روایت ہے کہ رسول اللہ صلی اللہ علیہ وسلم نے فرمایا جو شخص کسی کو عمریٰ دے اس کے واسطے اور اس کے وارثوں کے واسطے تو پھر وہ عمرہ اس کا ہو جاتا ہے دینے ولاے کو پھر نہیں مل سکتا ۔
Urdu translation, translator not named, from an open hadith text collection
مؤطا امام مالک 1444
عبدالرحمن بن قاسم نے سنا مکحول سے پوچھتے ہوئے قاسم سے عمریٰ کے متعلق کیا قول ہے لوگوں کا اس میں قاسم نے کہا میں نے تو لوگوں کو اپنی شرطین پوری کرتے وہئے پایا اپنے مالوں میں اور جو کچھ وہ دیا رکتے تھے اس کو بھی پورا کرتے تھے ۔
Urdu translation, translator not named, from an open hadith text collection
مؤطا امام مالک 1445
نافع سے روایت ہے کہ عبداللہ بن عمر وارث ہوئے ام المومنین حفصہ کے وہ اپنا گھر زید بن خطاب کی بیٹی کو زندگی پھر رہنے کر دے گئی تھیں جب وہ مر گئیں تو عبداللہ بن عمر نے اس گھر کو لے لیا اپنا سمجھ کر ۔
Urdu translation, translator not named, from an open hadith text collection
مؤطا امام مالک 1446
زید بن خالد جہنی سے روایت ہے کہ ایک شخص آیا رسول اللہ صلی اللہ علیہ وسلم کے پاس اور پوچھا آپ صلی اللہ علیہ وسلم سے لقطہ کو فرمایا آپ صلی اللہ علیہ وسلم نے پہچان رکھ طرف اس کا لقطہ ہو خواہ چمڑے میں ہو یا کپڑے میں ہو پاور پہچان رکھ بندھن اس کا پھر ایک برس تک لوگوں سے اس کا حال کہا کر اگر اس کا مالک مل جائے تو اس کے دے دے نہیں تو لے لے پھر اس نے کہا گر کوئی بکری بہکی بھٹکی مل جائے یا رسول اللہ صلی اللہ علیہ وسلم آپ صلی اللہ علیہ وسلم نے فرمایا بکری تیرے کام میں آئے گی یا تیرے بھائی کے نہیں تو بھیڑیا کھا جائے گا پھر اس شخص نے کہا اگر اونٹ بھولا ملے آپ صلی اللہ علیہ وسلم نے فرمایا اونٹ سے تجھے کیا کام وہ تو اپنے ساتھ اپنا پانی رکھتا ہے اور موزے رکھتا ہے جہاں اس کو پانی مل جاتا ہے پی لیتا ہے جو درخت ملتا ہے کھالیتا ہے یہاں تک کہ مالک اس کا اس کو پا لیاتا ہے
Urdu translation, translator not named, from an open hadith text collection
مؤطا امام مالک 1447
معاویہ بن عبد اللہ بن بدر الجہنی رحمۃ اللہ علیہ سے روایت ہے ان کے باپ نے بیان کیا کہ انہوں نے شام کے راستہ میں ایک منزل میں جہاں لوگ اتر چکے تھے ایک تھیلی پائی جس میں اسی دینار تھے انہوں نے حضرت عمر رضی اللہ تعالیٰ عنہ سے بیان کیا آپ نے کہا مسجدوں کے دروازوں پر لوگوں سے کہا کر اور جو شخص شام سے آئے اس سے بیان کیا کر ایک برس تک جب ایک برس گزر جائے پھر تجھ کو اختیار ہے ۔
Urdu translation, translator not named, from an open hadith text collection
مؤطا امام مالک 1448
نافع سے روایت ہے کہ ایک شخص نے لقطہ پایا اس کو عبداللہ بن عمر کے پاس لے آیا اور پوچھا کیا کہتے ہو اس باب میں عبداللہ بن عمر نے کہا لوگوں سے پوچھا اور بتا اس نے کہا میں پوچھ اور بتا چکا عبداللہ بن عمر نے کہا اور سہی اس نے کہا میں پوچھ بتا چکا ہوں عبداللہ نے کہا میں کبھی تجھ کو حکم نہ کروں گا اس کے کھانے کا اگر تو چاہتا تو اس کو نہ لیتا ۔
Urdu translation, translator not named, from an open hadith text collection
مؤطا امام مالک 1449
سلیمان بن یسار سے روایت ہے کہ ثابت بن ضحاک انصاری نے ایک اونٹ پایا حرہ میں اس کو رسی سے باندھا اور حضرت عمر سے بیان کیا حضرت عمر نے کہا تین مرتبہ اس کو بتاؤ ثابت نے کہا اپنی زمین کی خبر لیتے سے میں مجبور ہو گیا حضرت عمر نے کہا جہاں سے تو نے اس اونٹ کو پایا ہے وہیں چھوڑ دے ۔
Urdu translation, translator not named, from an open hadith text collection
مؤطا امام مالک 1450
سعید بن مسیب سے روایت ہے کہ حضرت عمر بن خطاب کعبہ سے اپنی پیٹھ لگائے ہوئے بیٹھے تھے فرمایا جو شخص گم ہوئی چیز اٹھائے وہ خود گمراہ ہے ۔
Urdu translation, translator not named, from an open hadith text collection
مؤطا امام مالک 1451
ابن شہاب کہتے تھے کہ حضرت عمر کے زمانے میں جو اونٹ گمے ہوئے ملتے تھے وہ چھوڑ دئے جاتے تھے بچے جنا کرتے تھے کوئی انہیں نہ لیتا تھا۔ جب حضرت عثمان کا زمانہ ہوا تو انہوں نے حکم کیا کہ بتائے جائیں پھر بیچ کر ان کی قیمت بیت المال میں رکھی جائے۔ جب مالک آئے تو اس کو دیدی جائے۔
Urdu translation, translator not named, from an open hadith text collection
مؤطا امام مالک 1452
شرجیل بن سعید بن سعد بن عبادہ سے روایت ہے کہ سعد بن عبادہ رسول اللہ صلی اللہ علیہ وسلم کے ساتھ جہاد کر نکلے ان کی ماں مدینہ میں مرنے لگیں لوگوں نے ان سے کہا وصیت کروں انہوں نے کہا کیا وصیت کروں مال تو سعد کا ہے پھر مر گئیں سعد کے آنے سے پہلے۔ جب سعد آئے لوگوں نے بیان کیا سعد نے رسول سے پوچھا کہ اگر میں اپنی ماں کی طرف سے لللہ دوں تو اس کو فائدہ ہوگا۔ رسول اللہ نے فرمایا ہاں پھر سعد نے کہا فلاں فلاں باغ صدقہ ہے میرے ماں کی طرف سے۔
Urdu translation, translator not named, from an open hadith text collection
مؤطا امام مالک 1453
مجھ سے امام مالک نے ہشام بن عروہ سے، انہوں نے اپنے والد سے، انہوں نے نبی کریم صلی اللہ علیہ وسلم کی زوجہ مطہرہ حضرت عائشہ رضی اللہ عنہا سے روایت کی کہ ایک شخص نے رسول اللہ صلی اللہ علیہ وسلم سے عرض کیا: میری والدہ اچانک فوت ہو گئی ہیں، اور میرا خیال ہے کہ اگر وہ بات کر سکتیں تو صدقہ کرتیں، تو کیا میں ان کی طرف سے صدقہ کروں؟ رسول اللہ صلی اللہ علیہ وسلم نے فرمایا: ہاں۔
AI-translated (from Arabic)
مؤطا امام مالک 1454
حضرت عائشہ رضی اللہ تعالیٰ عنہا سے روایت ہے کہ ایک شخص نے رسول اللہ صلی اللہ علیہ وسلم سے کہا کہ میرے ماں کا دم یکایک نکل گیا اگر بات کرنے پاتی تو ضرور صدقہ کرتی کیا میں اس کی طرف سے صدقہ کروں آپ صلی اللہ علیہ وسلم نے فرمایا ہاں ۔ ایک شخص انصاری نے اپنے والدین کو کھجور کے درخت صدقہ میں دئیے پھر والدین مر گئے تو وہی شخص اس کا وارث ہو اس نے رسول اللہ صلی اللہ علیہ وسلم سے بیان کیا آپ صلی اللہ علیہ وسلم نے فرمایا اتجھے صدقہ کا ثواب ہوا اب میراث میں اس کو لے لے
Urdu translation, translator not named, from an open hadith text collection