حضرت مرزا مسرور احمد ایدہ اللہ تعالیٰ بنصرہ العزیز

خلیفۃ المسیح الخامس، امام جماعت احمدیہ عالمگیر

حضرت مرزا مسرور احمد ایدہ اللہ تعالیٰ بنصرہ العزیز 15 ستمبر 1950ء کو ربوہ، پاکستان میں پیدا ہوئے۔ زرعی معاشیات میں تعلیم مکمل کرنے کے بعد 1977ء میں آپ نے اپنی زندگی خدمتِ اسلام کے لیے وقف کر دی۔ کئی سال آپ گھانا میں جماعت کے سکولوں کے پرنسپل رہے اور پھر ربوہ میں مرکزی دفاتر میں خدمات انجام دیں۔

22 اپریل 2003ء کو آپ خلیفۃ المسیح الخامس منتخب ہوئے۔ آپ جماعت احمدیہ عالمگیر کے روحانی اور انتظامی سربراہ ہیں جس کے افراد دو سو سے زیادہ ممالک میں موجود ہیں۔ اپنے خطباتِ جمعہ، پارلیمانوں سے خطابات اور امن کانفرنسوں میں آپ اللہ تعالیٰ کی عبادت، خدمتِ خلق، انصاف اور امن کی طرف بلاتے ہیں۔