صحیح بخاری 139: باب إِسْبَاغِ الْوُضُوءِ
ہم سے عبد اللہ بن مسلمہ نے بیان کیا۔ انہوں نے مالک سے، مالک نے موسیٰ بن عقبہ سے، موسیٰ نے گریب سے، جو کہ حضرت ابن عباس کے (آزاد کردہ) غلام تھے۔ انہوں نے حضرت اسامہ بن زید سے روایت کی کہ انہوں نے (حضرت اسامہ سے سنا۔ وہ کہتے تھے: رسول اللہ ﷺ عرفات سے واپس آئے۔ جب گھاٹی میں پہنچے تو آپ نے اتر کر پیشاب کیا۔ پھر وضو کیا اور وضو پوری طرح نہ کیا۔ تو میں نے پوچھا: یا رسول اللہ! کیا آپ نماز پڑھیں گے؟ فرمایا: نماز تو آگے جا کر پڑھیں گے۔ پھر آپ سوار ہو گئے۔ آپ جب مزدلفہ پہنچے تو آپ نے اتر کر وضو کیا اور پورے طور پر وضو کیا۔ پھر نماز کی تکبیر کہی گئی تو آپ نے مغرب کی نماز پڑھی۔ اس کے بعد ہر شخص نے اپنا اونٹ اپنے ڈیرے میں بٹھایا۔ پھر عشاء کی نماز کی تکبیر کہی گئی اور آپ نے نماز پڑھائی اور ان دونوں کے درمیان آپ نے کوئی نماز نہ پڑھی۔
Urdu translation: Hazrat Syed Zain-ul-Abidin Waliullah Shah