صحیح بخاری 2972: باب الْجَعَائِلِ وَالْحُمْلاَنِ فِي السَّبِيلِ
مسدد نے ہم سے بیان کیا۔ یحيٰ بن سعید نے ہمیں بتایا کہ یحيٰ بن سعید انصاری سے روایت ہے۔ انہوں نے کہا: ابوصالح (ذکوان زیات) نے مجھ سے بیان کیا، کہا: میں نے حضرت ابوہریرہ رضی اللہ عنہ سے سنا۔ کہتے تھے کہ رسول اللہ ﷺ نے فرمایا: اگر یہ خیال نہ ہوتا کہ میں اپنی امت کو مشقت میں ڈال دوں گا تو میں کسی لشکر میں شامل ہونے سے باز نہ رہتا۔ (یعنی ہر جنگ میں شامل ہوتا) لیکن میں سواری کے جانور ہر ایک کو دینے کے لئے نہیں پاتا اور میں اتنی سواریاں کہاں سے مہیا کر سکتا ہوں کہ سب کو دوں اور مجھ پر یہ بھی گراں گزرتا ہے کہ وہ (یعنی صحابہ) جہاد کے وقت میرے پیچھے رہ جائیں اور میری تو خواہش ہے کاش میں اللہ کی راہ میں لڑوں اور مارا جاؤں۔ پھر زندہ کیا جاؤں۔ پھر مارا جاؤں۔ پھر زندہ کیا جاؤں۔
حَدَّثَنَا مُسَدَّدٌ حَدَّثَنَا يَحْيَى بْنُ سَعِيدٍ عَنْ يَحْيَى بْنِ سَعِيدٍ الأَنْصَارِيِّ قَالَ حَدَّثَنِي أَبُو صَالِحٍ قَالَ سَمِعْتُ أَبَا هُرَيْرَةَ ـ رضى الله عنه ـ قَالَ قَالَ رَسُولُ اللَّهِ صلى الله عليه وسلم " لَوْلاَ أَنْ أَشُقَّ عَلَى أُمَّتِي مَا تَخَلَّفْتُ عَنْ سَرِيَّةٍ وَلَكِنْ لاَ أَجِدُ حَمُولَةً وَلاَ أَجِدُ مَا أَحْمِلُهُمْ عَلَيْهِ وَيَشُقُّ عَلَىَّ أَنْ يَتَخَلَّفُوا عَنِّي وَلَوَدِدْتُ أَنِّي قَاتَلْتُ فِي سَبِيلِ اللَّهِ فَقُتِلْتُ ثُمَّ أُحْيِيتُ ثُمَّ قُتِلْتُ ثُمَّ أُحْيِيتُ ".
آج 10 میں سے 10 باقی