صحیح بخاری 3013: باب أَهْلِ الدَّارِ يُبَيَّتُونَ فَيُصَابُ الْوِلْدَانُ وَالذَّرَارِيُّ
اور زُہری سے روایت ہے کہ انہوں نے عبیداللہ سے سنا۔ وہ حضرت ابن عباسؓ سے روایت کرتے تھے کہ (انہوں نے کہا:) حضرت صعب (بن جثامہؓ) نے عورتوں اور بچوں کے بارے میں ہم سے مذکورہ بالا حدیث بیان کی۔ (سفیان نے کہا:) عمرو (بن دینار) یہ حدیث بسند ابن شہاب ہم سے بیان کیا کرتے تھے۔ انہوں نے نبی ﷺ سے روایت کی۔ پھر ہم نے زُہری سے یہ حدیث یوں سنی انہوں نے کہا: عبیداللہ نے مجھے بتایا۔ انہوں نے حضرت ابن عباسؓ سے، حضرت ابن عباس نے حضرت صعب (بن جثامہؓ) سے روایت کی۔ انہوں نے کہا کہ نبی کریم ﷺ نے یہ الفاظ فرمائے: ’’وہ انہی میں سے ہیں‘‘ اور جس طرح عمرو نے بیان کیا ہے، آپؐ نے یہ نہیں فرمایا تھا کہ ’’وہ اپنے آباء ہی کی اولاد ہیں۔‘‘
وَعَنِ الزُّهْرِيِّ أَنَّهُ سَمِعَ عُبَيْدَ اللَّهِ عَنِ ابْنِ عَبَّاسٍ حَدَّثَنَا الصَّعْبُ فِي الذَّرَارِيِّ كَانَ عَمْرٌو يُحَدِّثُنَا عَنِ ابْنِ شِهَابٍ عَنِ النَّبِيِّ صلى الله عليه وسلم فَسَمِعْنَاهُ مِنَ الزُّهْرِيِّ قَالَ أَخْبَرَنِي عُبَيْدُ اللَّهِ عَنِ ابْنِ عَبَّاسٍ عَنِ الصَّعْبِ قَالَ " هُمْ مِنْهُمْ " وَلَمْ يَقُلْ كَمَا قَالَ عَمْرٌو " هُمْ مِنْ آبَائِهِمْ ".
باب 146: باب أَهْلِ الدَّارِ يُبَيَّتُونَ فَيُصَابُ الْوِلْدَانُ وَالذَّرَارِيُّ
آج 10 میں سے 10 باقی