صحیح بخاری 3642: کتاب المناقب

علی بن عبداللہ نے ہم سے بیان کیا کہ سفیان (بن عیینہ) نے ہمیں بتایا کہ شبیب بن غرقدہ نے ہم سے بیان کیا، کہا: میں نے اپنے قبیلے والوں سے سنا۔ وہ حضرت عروہؓ سے روایت کرتے ہوئے بیان کرتے تھے کہ نبی ﷺ نے ان کو ایک دینار دیا کہ وہ اس سے آپؐ کے لئے ایک بکری خریدیں تو انہوں نے اس سے آپؐ کے لیے دو بکریاں خریدیں۔ ان میں سے ایک بکری ایک دینار پر بیچ دی۔ پھر وہ {آپؐ کے پاس} ایک دینار اور ایک بکری لے آئے۔ آنحضرت ﷺ نے ان کے لئے دعا کی کہ ان کی تجارت میں برکت ہو اور وہ ایسے تھے کہ اگر مٹی خریدتے تو اُس میں بھی فائدہ اٹھاتے۔ سفیان نے کہا: حسن بن عمارہ نے یہ حدیث شبیب سے روایت کرتے ہوئے ہمیں بتلائی۔ انہوں نے کہا کہ شبیب نے یہ حدیث حضرت عروہؓ سے سنی۔ پھر میں شبیب کے پاس آیا تو انہوں نے کہا: میں نے یہ حدیث حضرت عروہؓ سے نہیں سنی۔ انہوں نے کہا: میں نے اپنے قبیلہ والوں سے سنی۔ وہ اس حدیث کو حضرت عروہؓ سے نقل کرتے تھے۔

حَدَّثَنَا عَلِيُّ بْنُ عَبْدِ اللَّهِ أَخْبَرَنَا سُفْيَانُ حَدَّثَنَا شَبِيبُ بْنُ غَرْقَدَةَ قَالَ سَمِعْتُ الْحَىَّ يُحَدِّثُونَ عَنْ عُرْوَةَ أَنَّ النَّبِيَّ صلى الله عليه وسلم أَعْطَاهُ دِينَارًا يَشْتَرِي بِهِ شَاةً فَاشْتَرَى لَهُ بِهِ شَاتَيْنِ فَبَاعَ إِحْدَاهُمَا بِدِينَارٍ وَجَاءَهُ بِدِينَارٍ وَشَاةٍ فَدَعَا لَهُ بِالْبَرَكَةِ فِي بَيْعِهِ وَكَانَ لَوِ اشْتَرَى التُّرَابَ لَرَبِحَ فِيهِ. قَالَ سُفْيَانُ كَانَ الْحَسَنُ بْنُ عُمَارَةَ جَاءَنَا بِهَذَا الْحَدِيثِ عَنْهُ قَالَ سَمِعَهُ شَبِيبٌ مِنْ عُرْوَةَ فَأَتَيْتُهُ فَقَالَ شَبِيبٌ إِنِّي لَمْ أَسْمَعْهُ مِنْ عُرْوَةَ قَالَ سَمِعْتُ الْحَىَّ يُخْبِرُونَهُ عَنْهُ.

Urdu translation: Hazrat Syed Zain-ul-Abidin Waliullah Shah

باب 28: باب

آج 10 میں سے 10 باقی