صحیح بخاری 4944: باب {غَيْرِ الْمَغْضُوبِ عَلَيْهِمْ وَلاَ الضَّالِّينَ}
عمر (بن حفص بن غیاث) نے ہم سے بیان کیا کہ میرے باپ نے مجھے بتایا، (اُنہوں نے کہا:) اعمش نے ہم سے بیان کیا، انہوں نے ابراہیم (نخعی) سے روایت کی، انہوں نے کہا: حضرت عبداللہ (بن مسعودؓ) کے ساتھی حضرت ابودرداءؓ کے پاس آئے۔ حضرت ابودرداءؓ نے ان کی تلاش کی اور ان کو پالیا اور انہوں نے پوچھا: عبداللہ بن مسعودؓ کی قراءت کے مطابق تم میں سے کون پڑھتا ہے؟ انہوں نے کہا: ہم سبھی۔ حضرت ابودرداءؓ نے پوچھا: تم میں سے حافظ کون ہے؟ تو انہوں نے علقمہ کی طرف اشارہ کیا۔ حضرت ابودرداءؓ نے کہا: تم نے عبداللہ بن مسعودؓ کو وَاللَّيْلِ اِذَا يَغْشَى کس طرح پڑھتے ہوئے سنا؟ علقمہ نے کہا: (یوں پڑھتے تھے) وَالذَّكَرِ وَالْأُنْثَى۔ حضرت ابودرداءؓ نے کہا: میں شہادت دیتا ہوں کہ میں نے نبی ﷺ کو اسی طرح پڑھتے سنا اور یہ لوگ مجھ سے یہ چاہتے ہیں کہ میں یوں پڑھوں: وَمَا خَلَقَ الذَّكَرَ وَالْاُنْثٰۤى اللہ کی قسم میں تو اِن کی پیروی نہیں کرنے کا۔
باب 2: باب {غَيْرِ الْمَغْضُوبِ عَلَيْهِمْ وَلاَ الضَّالِّينَ}