صحیح بخاری 5026: باب اغْتِبَاطِ صَاحِبِ الْقُرْآنِ
ہمیں علی بن ابراہیم نے بتایا کہ ہم سے روح (بن عبادہ) نے بیان کیا کہ ہمیں شعبہ نے سلیمان (بن مہران اعمش) سے روایت کرتے ہوئے بتایا۔ انہوں نے کہا: میں نے ذکوان سے سنا۔ وہ حضرت ابوہریرہؓ سے روایت کرتے تھے کہ رسول اللہ ﷺ نے فرمایا: رشک نہیں کرنا چاہیے مگر دو ہی آدمیوں پر۔ ایک وہ شخص جس کو اللہ نے قرآن کا علم دیا ہو اور وہ اس کو رات دن پڑھتا ہے اور اس کے پڑوسی نے اس کو سنا اور کہا: اے کاش مجھے بھی ویسے ہی دیا جائے جو فلاں کو دیا گیا اور پھر میں بھی ویسے ہی کروں جیسے یہ کرتا ہے۔ اور دوسرا وہ شخص جس کو اللہ نے مال دیا ہو اور وہ اسے حق میں خرچ کرتا ہے۔ پھر ایک شخص کہے کاش مجھے بھی ویسے ہی دیا جائے جو فلاں کو دیا گیا، پھر میں بھی وہی کروں جو وہ کرتا ہے۔
حَدَّثَنَا عَلِيُّ بْنُ إِبْرَاهِيمَ حَدَّثَنَا رَوْحٌ حَدَّثَنَا شُعْبَةُ عَنْ سُلَيْمَانَ سَمِعْتُ ذَكْوَانَ عَنْ أَبِي هُرَيْرَةَ أَنَّ رَسُولَ اللَّهِ صلى الله عليه وسلم قَالَ " لاَ حَسَدَ إِلاَّ فِي اثْنَتَيْنِ رَجُلٌ عَلَّمَهُ اللَّهُ الْقُرْآنَ فَهُوَ يَتْلُوهُ آنَاءَ اللَّيْلِ وَآنَاءَ النَّهَارِ فَسَمِعَهُ جَارٌ لَهُ فَقَالَ لَيْتَنِي أُوتِيتُ مِثْلَ مَا أُوتِيَ فُلاَنٌ فَعَمِلْتُ مِثْلَ مَا يَعْمَلُ وَرَجُلٌ آتَاهُ اللَّهُ مَالاً فَهْوَ يُهْلِكُهُ فِي الْحَقِّ فَقَالَ رَجُلٌ لَيْتَنِي أُوتِيتُ مِثْلَ مَا أُوتِيَ فُلاَنٌ فَعَمِلْتُ مِثْلَ مَا يَعْمَلُ ".
Urdu translation: Hazrat Syed Zain-ul-Abidin Waliullah Shah
آج 10 میں سے 10 باقی