صحیح بخاری 5057: باب مَنْ رَايَا بِقِرَاءَةِ الْقُرْآنِ أَوْ تَأَكَّلَ بِهِ أَوْ فَخَرَ بِهِ
محمد بن کثیر نے ہم سے بیان کیا کہ سفیان (ثوری) نے ہمیں خبر دی۔ انہوں نے اعمش سے، اعمش نے خیثمہ (بن عبدالرحمٰن) سے، خیثمہ نے سُوَید بن غفلہ سے روایت کی۔ انہوں نے کہا کہ حضرت علی رضی اللہ عنہ نے بیان کیا: میں نے نبی ﷺ سے سنا۔ آپؐ فرماتے تھے: آخری زمانہ میں کچھ ایسے لوگ پیدا ہوں گے جو نوجوان ہوں گے، عقل کے بے وقوف ہوں گے، ایسی باتیں کریں گے جو جہان کی بہتر باتوں میں سے ہوں گی، اسلام سے ایسے نکل جائیں گے جیسے تیر شکار کے پار ہو جاتا ہے۔ ان کے ایمان اُن کے حلقوں سے نیچے نہیں اتریں گے۔ جہاں کہیں بھی تم ان سے ملو انہیں مار ڈالو کیونکہ ان کو مار ڈالنا اس شخص کے لئے قیامت کے دن ثواب کا موجب ہوگا جو ان کو مار ڈالے گا۔
Urdu translation: Hazrat Syed Zain-ul-Abidin Waliullah Shah
باب 36: باب مَنْ رَايَا بِقِرَاءَةِ الْقُرْآنِ أَوْ تَأَكَّلَ بِهِ أَوْ فَخَرَ بِهِ