صحیح بخاری 5283: باب شَفَاعَةِ النَّبِيِّ صلى الله عليه وسلم فِي زَوْجِ بَرِيرَةَ

محمد (بن سلام بیکندی) نے مجھ سے بیان کیا کہ عبدالوہاب (بن عبدالمجید ثقفی) نے ہمیں خبر دی کہ خالد (حذاء) نے ہمیں بتایا۔ انہوں نے عکرمہ سے، عکرمہ نے حضرت ابن عباسؓ سے روایت کی۔ (انہوں نے کہا:) بریرہؓ کا خاوند غلام تھا جسے مغیث کہتے تھے۔ مجھے ایسا یاد ہے گویا میں اب بھی اُس کو دیکھ رہا ہوں کہ وہ اُس کے پیچھے پیچھے روتے ہوئے چکر لگا رہا ہے۔ اُس کے آنسو اُس کی داڑھی پر بہہ رہے ہیں۔ نبی ﷺ نے حضرت عباسؓ سے فرمایا: عباسؓ ! کیا تمہیں اس سے تعجب نہیں آتا کہ مغیث کو بریرہؓ سے کس قدر محبت ہے اور بریرہؓ کو مغیث سے کیسی نفرت ہے۔ نبی ﷺ نے فرمایا: اگر تم اس کے پاس واپس چلی جاؤ؟ بریرہؓ نے کہا: یا رسول اللہ! کیا آپؐ مجھے حکم دیتے ہیں؟ آپؐ نے فرمایا: بلکہ سفارش ہی کرتا ہوں۔ اُس نے کہا: مجھے اس کی کوئی حاجت نہیں۔

حَدَّثَنَا مُحَمَّدٌ أَخْبَرَنَا عَبْدُ الْوَهَّابِ حَدَّثَنَا خَالِدٌ عَنْ عِكْرِمَةَ عَنِ ابْنِ عَبَّاسٍ أَنَّ زَوْجَ بَرِيرَةَ كَانَ عَبْدًا يُقَالُ لَهُ مُغِيثٌ كَأَنِّي أَنْظُرُ إِلَيْهِ يَطُوفُ خَلْفَهَا يَبْكِي وَدُمُوعُهُ تَسِيلُ عَلَى لِحْيَتِهِ فَقَالَ النَّبِيُّ صلى الله عليه وسلم لِعَبَّاسٍ " يَا عَبَّاسُ أَلاَ تَعْجَبُ مِنْ حُبِّ مُغِيثٍ بَرِيرَةَ وَمِنْ بُغْضِ بَرِيرَةَ مُغِيثًا ". فَقَالَ النَّبِيُّ صلى الله عليه وسلم " لَوْ رَاجَعْتِهِ ". قَالَتْ يَا رَسُولَ اللَّهِ تَأْمُرُنِي قَالَ " إِنَّمَا أَنَا أَشْفَعُ ". قَالَتْ لاَ حَاجَةَ لِي فِيهِ.

Urdu translation: Hazrat Syed Zain-ul-Abidin Waliullah Shah

باب 16: باب شَفَاعَةِ النَّبِيِّ صلى الله عليه وسلم فِي زَوْجِ بَرِيرَةَ

آج 10 میں سے 10 باقی