صحیح بخاری 5978: باب صِلَةِ الْوَالِدِ الْمُشْرِكِ
(عبداللہ بن زبیر) حمیدی نے ہم سے بیان کیا۔ سفیان نے ہمیں بتایا۔ ہشام بن عروہ نے ہمیں بتایا۔ (کہا:) مجھے میرے باپ نے بتایا کہ حضرت اسماء بنت ابی بکر رضی اللہ عنہما نے مجھ سے بیان کیا۔ وہ کہتی تھیں: میری ماں نبی ﷺ کے زمانہ میں شوق سے میرے پاس آئیں۔ میں نے نبی ﷺ سے پوچھا: کیا میں ان سے نیک سلوک کروں؟ آپؐ نے فرمایا: ہاں۔ (سفیان) ابن عیینہ کہتے تھے: اللہ تعالیٰ نے اس کے متعلق یہ آیت نازل کی ہے: یعنی اللہ تمہیں اُن لوگوں کے ساتھ سلوک کرنے سے نہیں روکتا جو تم سے دین کی وجہ سے نہیں لڑتے۔
حَدَّثَنَا الْحُمَيْدِيُّ حَدَّثَنَا سُفْيَانُ حَدَّثَنَا هِشَامُ بْنُ عُرْوَةَ أَخْبَرَنِي أَبِي أَخْبَرَتْنِي أَسْمَاءُ ابْنَةُ أَبِي بَكْرٍ ـ رضى الله عنهما ـ قَالَتْ أَتَتْنِي أُمِّي رَاغِبَةً فِي عَهْدِ النَّبِيِّ صلى الله عليه وسلم فَسَأَلْتُ النَّبِيَّ صلى الله عليه وسلم آصِلُهَا قَالَ " نَعَمْ ". قَالَ ابْنُ عُيَيْنَةَ فَأَنْزَلَ اللَّهُ تَعَالَى فِيهَا {لاَ يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ}
Urdu translation: Hazrat Syed Zain-ul-Abidin Waliullah Shah
آج 10 میں سے 10 باقی