صحیح بخاری 6124: باب قَوْلِ النَّبِيِّ صلى الله عليه وسلم: «يَسِّرُوا وَلاَ تُعَسِّرُوا»

اسحاق (بن راہویہ) نے مجھ سے بیان کیا کہ نضر نے ہمیں بتایا۔ شعبہ نے ہمیں خبر دی۔ انہوں نے سعید بن ابی بُردہ سے، سعید نے اپنے باپ سے، ان کے باپ نے ان کے دادا سے روایت کی۔ وہ کہتے تھے: جب رسول اللہ ﷺ نے اُن کو اور حضرت معاذ بن جبلؓ کو (یمن کی طرف) بھیجا تو آپؐ نے ان سے فرمایا: تم دونوں (لوگوں کے لیے) آسانی کرنا اور مشکلات میں نہ ڈالنا اور خوش رکھنا اور نفرت نہ دلانا اور تم دونوں ایک دوسرے سے مل جل کر کام کرنا۔ حضرت ابوموسیٰؓ نے کہا: یا رسول اللہ! ہم ایسی سرزمین میں ہوں گے جہاں شہد کی شراب (بنائی جاتی) ہے، جسے بِتْع کہتے ہیں اور ایک جَو کی شراب (بنائی جاتی) ہے جسے مِزر کہتے ہیں۔ رسول اللہ ﷺ نے فرمایا: ہر نشہ آور حرام ہے۔

حَدَّثَنِي إِسْحَاقُ حَدَّثَنَا النَّضْرُ أَخْبَرَنَا شُعْبَةُ عَنْ سَعِيدِ بْنِ أَبِي بُرْدَةَ عَنْ أَبِيهِ عَنْ جَدِّهِ قَالَ لَمَّا بَعَثَهُ رَسُولُ اللَّهِ صلى الله عليه وسلم وَمُعَاذَ بْنَ جَبَلٍ قَالَ لَهُمَا " يَسِّرَا وَلاَ تُعَسِّرَا وَبَشِّرَا وَلاَ تُنَفِّرَا وَتَطَاوَعَا ". قَالَ أَبُو مُوسَى يَا رَسُولَ اللَّهِ إِنَّا بِأَرْضٍ يُصْنَعُ فِيهَا شَرَابٌ مِنَ الْعَسَلِ يُقَالُ لَهُ الْبِتْعُ وَشَرَابٌ مِنَ الشَّعِيرِ يُقَالُ لَهُ الْمِزْرُ. فَقَالَ رَسُولُ اللَّهِ صلى الله عليه وسلم " كُلُّ مُسْكِرٍ حَرَامٌ ".

Urdu translation: Hazrat Syed Zain-ul-Abidin Waliullah Shah

باب 80: باب قَوْلِ النَّبِيِّ صلى الله عليه وسلم: «يَسِّرُوا وَلاَ تُعَسِّرُوا»

آج 10 میں سے 10 باقی