صحیح بخاری 6400: باب الدُّعَاءِ فِي السَّاعَةِ الَّتِي فِي يَوْمِ الْجُمُعَةِ

مسدد نے ہم سے بیان کیا کہ اسماعیل بن ابراہیم نے ہمیں بتایا۔ ایوب نے ہمیں خبر دی۔ ایوب نے محمد (بن سیرین) سے، محمد نے حضرت ابوہریرہ رضی اللہ عنہ سے روایت کی۔ انہوں نے کہا: ابوالقاسم ﷺ نے فرمایا: جمعہ میں ایک ایسی گھڑی ہے کہ جس کو جو مسلمان بھی ایسے وقت میں پا لیتا ہے کہ وہ کھڑا نماز پڑھ رہا ہو تو جو بھلائی بھی وہ مانگے گا تو ضرور ہی وہ اس کو عطا فرمائے گا اور آپؐ نے اپنے ہاتھ سے اشارہ کیا۔ ہم سمجھے کہ آپؐ کی یہ مراد ہے کہ وہ گھڑی بہت ہی تھوڑی ہے۔ یعنی ہمیں بتاتے ہیں کہ وہ تھوڑی دیر تک رہتی ہے۔

حَدَّثَنَا مُسَدَّدٌ حَدَّثَنَا إِسْمَاعِيلُ بْنُ إِبْرَاهِيمَ أَخْبَرَنَا أَيُّوبُ عَنْ مُحَمَّدٍ عَنْ أَبِي هُرَيْرَةَ ـ رضى الله عنه ـ قَالَ قَالَ أَبُو الْقَاسِمِ صلى الله عليه وسلم " فِي الْجُمُعَةِ سَاعَةٌ لاَ يُوَافِقُهَا مُسْلِمٌ وَهْوَ قَائِمٌ يُصَلِّي يَسْأَلُ خَيْرًا إِلاَّ أَعْطَاهُ ". وَقَالَ بِيَدِهِ قُلْنَا يُقَلِّلُهَا يُزَهِّدُهَا.

Urdu translation: Hazrat Syed Zain-ul-Abidin Waliullah Shah

باب 61: باب الدُّعَاءِ فِي السَّاعَةِ الَّتِي فِي يَوْمِ الْجُمُعَةِ

آج 10 میں سے 10 باقی