صحیح بخاری 6549: باب صِفَةِ الْجَنَّةِ وَالنَّارِ

معاذ بن اسد نے ہم سے بیان کیا کہ عبداللہ (بن مبارک) نے ہمیں خبر دی۔ مالک بن انس نے ہمیں بتایا، مالک نے زید بن اسلم سے، زید نے عطاء بن یسار سے، عطاء نے حضرت ابوسعید خدریؓ سے روایت کی۔ اُنہوں نے کہا: رسول اللہ ﷺ نے فرمایا: اللہ تبارک و تعالیٰ جنتیوں سے فرمائے گا۔ اے جنتیو! وہ کہیں گے۔ حاضر ہیں ہم اے ہمارے ربّ اور جو ارشاد ہو بجا لانے کے لئے تیار ہیں۔ تو وہ فرمائے گا: کیا تم خوش ہوگئے؟ وہ کہیں گے۔ ہمیں کیا ہے کہ ہم خوش نہ ہوں جبکہ تو نے ہمیں وہ کچھ دیا ہے جو اپنی مخلوق میں سے کسی کو بھی تو نے نہ دیا۔ وہ فرمائے گا: میں تم کو اِن تمام نعمتوں سے بڑھ کر دوں گا۔ وہ کہیں گے: اے ربّ اِن نعمتوں سے بڑھ کر اور کونسی چیز ہے؟ وہ فرمائے گا: میں اپنی رضامندی تم پر اُتارتا ہوں۔ اب اس کے بعد کبھی بھی تم پر ناراض نہیں ہوں گا۔

حَدَّثَنَا مُعَاذُ بْنُ أَسَدٍ أَخْبَرَنَا عَبْدُ اللَّهِ أَخْبَرَنَا مَالِكُ بْنُ أَنَسٍ عَنْ زَيْدِ بْنِ أَسْلَمَ عَنْ عَطَاءِ بْنِ يَسَارٍ عَنْ أَبِي سَعِيدٍ الْخُدْرِيِّ قَالَ قَالَ رَسُولُ اللَّهِ صلى الله عليه وسلم " إِنَّ اللَّهَ يَقُولُ لأَهْلِ الْجَنَّةِ يَا أَهْلَ الْجَنَّةِ. يَقُولُونَ لَبَّيْكَ رَبَّنَا وَسَعْدَيْكَ. فَيَقُولُ هَلْ رَضِيتُمْ فَيَقُولُونَ وَمَا لَنَا لاَ نَرْضَى وَقَدْ أَعْطَيْتَنَا مَا لَمْ تُعْطِ أَحَدًا مِنْ خَلْقِكَ. فَيَقُولُ أَنَا أُعْطِيكُمْ أَفْضَلَ مِنْ ذَلِكَ. قَالُوا يَا رَبِّ وَأَىُّ شَىْءٍ أَفْضَلُ مِنْ ذَلِكَ فَيَقُولُ أُحِلُّ عَلَيْكُمْ رِضْوَانِي فَلاَ أَسْخَطُ عَلَيْكُمْ بَعْدَهُ أَبَدًا ".

باب 51: باب صِفَةِ الْجَنَّةِ وَالنَّارِ

آج 10 میں سے 10 باقی