صحیح بخاری 6602: باب {وَكَانَ أَمْرُ اللَّهِ قَدَرًا مَقْدُورًا}
مالک بن اسماعیل نے ہم سے بیان کیا کہ اسرائیل نے ہمیں بتایا۔ انہوں نے عاصم (بن سلیمان) سے، عاصم نے ابوعثمان سے، ابوعثمان نے حضرت اُسامہؓ سے روایت کی۔ اُنہوں نے کہا: میں نبی ﷺ کے پاس تھا کہ اتنے میں آپؐ کے پاس آپؐ کی ایک بیٹی کا قاصد آیا کہ اُن کا بیٹا نزع کی حالت میں ہے۔ اور اس وقت آپؐ کے پاس حضرت سعد (بن عبادہؓ)، حضرت اُبَیّ بن کعبؓ اور حضرت معاذ (بن جبلؓ) بیٹھے ہوئے تھے تو آپؐ نے ان کو کہلا بھیجا۔ اللہ ہی کے لئے ہے جو وہ لے اور اللہ ہی کے لئے ہے جو وہ دے۔ ہر چیز کی ایک مدت مقرر ہے اس لئے چاہیے کہ وہ صبر کرے اور اللہ کی رضا مندی حاصل کرے۔
حَدَّثَنَا مَالِكُ بْنُ إِسْمَاعِيلَ حَدَّثَنَا إِسْرَائِيلُ عَنْ عَاصِمٍ عَنْ أَبِي عُثْمَانَ عَنْ أُسَامَةَ قَالَ كُنْتُ عِنْدَ النَّبِيِّ صلى الله عليه وسلم إِذْ جَاءَهُ رَسُولُ إِحْدَى بَنَاتِهِ وَعِنْدَهُ سَعْدٌ وَأُبَىُّ بْنُ كَعْبٍ وَمُعَاذٌ أَنَّ ابْنَهَا يَجُودُ بِنَفْسِهِ. فَبَعَثَ إِلَيْهَا " لِلَّهِ مَا أَخَذَ وَلِلَّهِ مَا أَعْطَى كُلٌّ بِأَجَلٍ فَلْتَصْبِرْ وَلْتَحْتَسِبْ ".
Urdu translation: Hazrat Syed Zain-ul-Abidin Waliullah Shah
آج 10 میں سے 10 باقی