صحیح بخاری 6671: بَابُ إِذَا حَنِثَ نَاسِيًا فِي الأَيْمَانِ

اسحاق بن ابراہیم نے ہم سے بیان کیا کہ انہوں نے عبدالعزیز بن عبدالصمد سے سنا۔ منصور (بن معتمر) نے ہم سے بیان کیا۔ منصور نے ابراہیم (نخعی) سے، ابراہیم نے علقمہ سے، علقمہ نے حضرت ابن مسعود رضی اللہ عنہ سے روایت کی کہ نبی اللہ ﷺ نے اُن کو ظہر کی نماز پڑھائی اور آپؐ نے زیادہ یا کم پڑھی۔ منصور نے کہا: میں نہیں جانتا کہ ابراہیم نے یہ شک کیا یا علقمہ نے۔ (حضرت ابن مسعودؓ نے) کہا: آپؐ سے کہا گیا: یا رسول اللہ! کیا نماز چھوٹی ہوگئی ہے یا آپؐ بھول گئے ہیں؟ آپؐ نے فرمایا: کیا بات ہے؟ لوگوں نے کہا: آپؐ نے اتنی اتنی رکعتیں پڑھی ہیں۔ کہتے تھے: آپؐ نے ان کو دو اور سجدے کرائے۔ پھر آپؐ نے فرمایا: یہ دو سجدے اُس شخص کے لئے ہیں جو نہیں جانتا کہ اس نے اپنی نماز کو زیادہ پڑھا ہے یا کم پڑھا ہے تو وہ سوچ سمجھ کر صحیح بات کو معلوم کرے۔ (پھر اگر کم پڑھی ہو) تو اُن کو پورا کرے جو باقی رہ گئی ہوں، پھر دو سجدے کرے۔

حَدَّثَنِي إِسْحَاقُ بْنُ إِبْرَاهِيمَ سَمِعَ عَبْدَ الْعَزِيزِ بْنَ عَبْدِ الصَّمَدِ حَدَّثَنَا مَنْصُورٌ عَنْ إِبْرَاهِيمَ عَنْ عَلْقَمَةَ عَنِ ابْنِ مَسْعُودٍ ـ رضى الله عنه أَنَّ نَبِيَّ اللَّهِ صلى الله عليه وسلم صَلَّى بِهِمْ صَلاَةَ الظُّهْرِ فَزَادَ أَوْ نَقَصَ مِنْهَا ـ قَالَ مَنْصُورٌ لاَ أَدْرِي إِبْرَاهِيمُ وَهِمَ أَمْ عَلْقَمَةُ ـ قَالَ قِيلَ يَا رَسُولَ اللَّهِ أَقَصُرَتِ الصَّلاَةُ أَمْ نَسِيتَ قَالَ " وَمَا ذَاكَ ". قَالُوا صَلَّيْتَ كَذَا وَكَذَا. قَالَ فَسَجَدَ بِهِمْ سَجْدَتَيْنِ ثُمَّ قَالَ " هَاتَانِ السَّجْدَتَانِ لِمَنْ لاَ يَدْرِي زَادَ فِي صَلاَتِهِ أَمْ نَقَصَ فَيَتَحَرَّى الصَّوَابَ فَيُتِمُّ مَا بَقِيَ ثُمَّ يَسْجُدُ سَجْدَتَيْنِ ".

Urdu translation: Hazrat Syed Zain-ul-Abidin Waliullah Shah

باب 15: بَابُ إِذَا حَنِثَ نَاسِيًا فِي الأَيْمَانِ

آج 10 میں سے 10 باقی