صحیح بخاری 6817: باب لِلْعَاهِرِ الْحَجَرُ
ابوالولید نے ہم سے بیان کیا کہ لیث نے ہمیں بتایا۔ اُنہوں نے ابن شہاب سے، ابن شہاب نے عروہ سے، عروہ نے حضرت عائشہ رضی اللہ عنہا سے روایت کی۔ آپؓ فرماتی تھیں: سعد (بن ابی وقاصؓ) اور عبد بن زمعہؓ نے آپس میں جھگڑا کیا تو نبی ﷺ نے فرمایا: عبد بن زمعہؓ یہ تمہارا ہے۔ بچہ اُسی کا ہوتا ہے جس کے بستر پر پیدا ہو۔ اور اے سودہؓ! تم اس سے پردہ کیجیو۔ قتیبہ نے لیث سے روایت کرتے ہوئے ہم سے اتنا اور بیان کیا اور زنا کار کو پتھر پڑتے ہیں۔
حَدَّثَنَا أَبُو الْوَلِيدِ حَدَّثَنَا اللَّيْثُ عَنِ ابْنِ شِهَابٍ عَنْ عُرْوَةَ عَنْ عَائِشَةَ ـ رضى الله عنها ـ قَالَتِ اخْتَصَمَ سَعْدٌ وَابْنُ زَمْعَةَ فَقَالَ النَّبِيُّ صلى الله عليه وسلم " هُوَ لَكَ يَا عَبْدُ بْنَ زَمْعَةَ الْوَلَدُ لِلْفِرَاشِ وَاحْتَجِبِي مِنْهُ يَا سَوْدَةُ ". زَادَ لَنَا قُتَيْبَةُ عَنِ اللَّيْثِ " وَلِلْعَاهِرِ الْحَجَرُ ".
Urdu translation: Hazrat Syed Zain-ul-Abidin Waliullah Shah
آج 10 میں سے 10 باقی