صحیح بخاری 6873: باب قَوْلِ اللَّهِ تَعَالَى {وَمَنْ أَحْيَاهَا}
عبداللہ بن یوسف نے ہم سے بیان کیا کہ لیث نے ہمیں بتایا۔ یزید (بن ابی حبیب) نے ہم سے بیان کیا۔ یزید نے ابوالخیر سے، ابوالخیر نے (عبدالرحمٰن بن عسیلہ) صنابحی سے، صنابحی نے حضرت عبادہ بن صامت رضی اللہ عنہ سے روایت کی۔ اُنہوں نے کہا: میں بھی اُن نقیبوں میں سے ہوں جنہوں نے رسول اللہ ﷺ کی بیعت کی۔ ہم نے آپؐ کی یہ بیعت کی تھی کہ کسی چیز کو بھی اللہ کا شریک نہ ٹھہرائیں گے اور نہ چوری کریں گے اور نہ زنا کریں گے اور نہ اُس نفس کو قتل کریں گے جس کو اللہ نے معزز قرار دیا اور نہ ہم لُوٹ مار کریں گے اور نہ ہم احکام الٰہی کی نافرمانی کریں گے۔ ہمیں جنت ملے گی اگر ہم نے یہ کیا اور اگر ہم اِن میں سے کسی گناہ کا ارتکاب کر بیٹھے تو اس کا فیصلہ اللہ کے سپرد ہے۔
حَدَّثَنَا عَبْدُ اللَّهِ بْنُ يُوسُفَ حَدَّثَنَا اللَّيْثُ حَدَّثَنَا يَزِيدُ عَنْ أَبِي الْخَيْرِ عَنِ الصُّنَابِحِيِّ عَنْ عُبَادَةَ بْنِ الصَّامِتِ ـ رضى الله عنه ـ قَالَ إِنِّي مِنَ النُّقَبَاءِ الَّذِينَ بَايَعُوا رَسُولَ اللَّهِ صلى الله عليه وسلم بَايَعْنَاهُ عَلَى أَنْ لاَ نُشْرِكَ بِاللَّهِ شَيْئًا وَلاَ نَسْرِقَ وَلاَ نَزْنِيَ وَلاَ نَقْتُلَ النَّفْسَ الَّتِي حَرَّمَ اللَّهُ وَلاَ نَنْتَهِبَ وَلاَ نَعْصِيَ بِالْجَنَّةِ إِنْ فَعَلْنَا ذَلِكَ فَإِنْ غَشِينَا مِنْ ذَلِكَ شَيْئًا كَانَ قَضَاءُ ذَلِكَ إِلَى اللَّهِ.
آج 10 میں سے 10 باقی