صحیح بخاری 7236: باب قَوْلِ الرَّجُلِ لَوْلاَ اللَّهُ مَا اهْتَدَيْنَا

عبدان نے ہم سے بیان کیا کہ میرے باپ نے مجھے بتایا۔ انہوں نے شعبہ سے روایت کی کہ ابواسحاق نے ہم سے بیان کیا۔ انہوں نے حضرت براء بن عازبؓ سے روایت کی۔ انہوں نے کہا: جنگ احزاب کے دن نبی ﷺ ہمارے ساتھ مٹی ڈھو رہے تھے اور میں نے آپؐ کو دیکھا کہ مٹی نے آپؐ کے پیٹ کی سفیدی کو ڈھانپ لیا تھا۔ آپؐ فرماتے تھے: اگر تو نہ ہوتا تو ہم کبھی راہ راست نہ پاتے اور نہ صدقہ دیتے اور نہ نمازیں پڑھتے۔ اس لئے تو ہم پر سکینت نازل فرما۔ اِنہوں نے، کبھی راوی نے یوں کہا: اِنہی لوگوں نے ہم پر تعدی کی ہے۔ جب کبھی انہوں نے فساد کرنا چاہا ہے ہم نے اس کا انکار کیا، ہم نے اس کا انکار کیا۔ آپؐ ان الفاظ پر اپنی آواز کو بلند کرتے۔

حَدَّثَنَا عَبْدَانُ أَخْبَرَنِي أَبِي عَنْ شُعْبَةَ حَدَّثَنَا أَبُو إِسْحَاقَ عَنِ الْبَرَاءِ بْنِ عَازِبٍ قَالَ كَانَ النَّبِيُّ صلى الله عليه وسلم يَنْقُلُ مَعَنَا التُّرَابَ يَوْمَ الأَحْزَابِ وَلَقَدْ رَأَيْتُهُ وَارَى التُّرَابُ بَيَاضَ بَطْنِهِ يَقُول
" لَوْلاَ أَنْتَ مَا اهْتَدَيْنَا نَحْنُ وَلاَ تَصَدَّقْنَا وَلاَ صَلَّيْنَا فَأَنْزِلَنْ سَكِينَةً عَلَيْنَا إِنَّ الأُلَى وَرُبَّمَا قَالَ الْمَلاَ قَدْ بَغَوْا عَلَيْنَا إِذَا أَرَادُوا فِتْنَةً أَبَيْنَا " أَبَيْنَا يَرْفَعُ بِهَا صَوْتَهُ.

باب 7: باب قَوْلِ الرَّجُلِ لَوْلاَ اللَّهُ مَا اهْتَدَيْنَا

آج 10 میں سے 10 باقی