حدیقۃ الصالحین 5224: اللہ تعالیٰ اور اس کے رسولؐ سے محبت

حضرت اسید بن حضیر انصاریؓ کے بارہ میں روایت ہے کہ ایک دن لوگوں میں بیٹھے ہنسی مذاق کی باتیں کر رہے تھے ــــ آپؓ کی طبیعت میں مزاح پایا جاتا تھا ــــ کہ نبیﷺ نے ان کے پہلو میں اپنی چھڑی چبھوئی۔ اس پر وہ کہنے لگے میں نے تو بدلہ لینا ہے آپؐ نے فرمایا اچھا آؤ اور بدلہ لے لو۔ اس پر وہ کہنے لگے آپؐ نے تو قمیض پہنی ہوئی ہے اور میں تو ننگے بدن ہوں اس پر نبیﷺ نے بدلہ دینے کے لئے اپنی قمیض کو اوپر اٹھایا۔ یہ دیکھ کر حضرت اسید بن حضیرؓ آپﷺ سے لپٹ گئے اور جسد مبارک کے بوسے پر بوسے لینے لگے اور کہنے لگے کہ یا رسول اللہ! میرا تو یہ مقصد تھا (میں نے تو یہ برکت حاصل کرنے کے لئے دل میں یہ تدبیر سوچی تھی)۔

عَنْ أُسَيْدِ بْنِ حُضَيْرٍ رَجُلٍ مِنَ الْأَنْصَارِ قَالَ بَيْنَمَا هُوَ يُحَدِّثُ الْقَوْمَ وَكَانَ فِيهِ مِزَاحٌ بَيْنَا يُضْحِكُهُمْ فَطَعَنَهُ النَّبِيُّ صَلَّى اللَّهُ عَلَيْهِ وَسَلَّمَ فِي خَاصِرَتِهِ بِعُودٍ فَقَالَ أَصْبِرْنِي فَقَالَ اصْطَبِرْ قَالَ إِنَّ عَلَيْكَ قَمِيصًا وَلَيْسَ عَلَيَّ قَمِيصٌ فَرَفَعَ النَّبِيُّ صَلَّى اللَّهُ عَلَيْهِ وَسَلَّمَ عَنْ قَمِيصِهِ فَاحْتَضَنَهُ وَجَعَلَ يُقَبِّلُ كَشْحَهُ قَالَ إِنَّمَا أَرَدْتُ هَذَا يَا رَسُولَ اللَّهِ

کتاب 6: اللہ تعالیٰ اور اس کے رسولؐ سے محبت

آج 10 میں سے 10 باقی