سنن ابن ماجہ 529: کتاب الطھارة و سننھا

حضرت ابو ہریرہ ؓ نے بیان کیا کہ ایک اعرابی مسجد میں داخل ہوا اور رسول اللہ ﷺ تشریف فرما تھے۔ اُس نے دعا کی اے اللہ مجھے بخش دے اور محمد (ﷺ) کو اور کسی کو ہمارے ساتھ نہ بخشنا۔ رسول اللہ ﷺ ہنس پڑے اور فرمایا تو نے (اللہ کی) وسیع (رحمت) کو محدود کر دیا۔ پھر وہ مڑا اور مسجد کے ایک کونے میں آیا اور ٹانگیں چوڑی کر کے پیشاب کرنے لگا۔ بعد میں جب اس اعرابی کو سوجھ بوجھ حاصل ہو گئی تو کہنے لگا میرے ماں باپ آپؐ پر فدا ہوں آپؐ اُٹھ کر میری طرف آئے آپؐ نے نہ تو ڈانٹا اور نہ بُرا بھلا کہا بلکہ فرمایا یہ مسجد ہے اس میں پیشاب نہیں کیا جاتا۔ یہ تو صرف اللہ کے ذکر کے لئے اور نماز کے لئے بنائی جاتی ہے۔ پھر آپؐ نے ایک ڈول پانی لانے کا حکم فرمایا اور اس کے پیشاب پر بہا دیا گیا۔

حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا عَلِيُّ بْنُ مُسْهِرٍ عَنْ مُحَمَّدِ بْنِ عَمْرٍو عَنْ أَبِي سَلَمَةَ عَنْ أَبِي هُرَيْرَةَ قَالَ دَخَلَ أَعْرَابِيٌّ الْمَسْجِدَ وَرَسُولُ اللَّهِ ـ صلى الله عليه وسلم ـ جَالِسٌ فَقَالَ اللَّهُمَّ اغْفِرْ لِي وَلِمُحَمَّدٍ وَلاَ تَغْفِرْ لأَحَدٍ مَعَنَا . فَضَحِكَ رَسُولُ اللَّهِ ـ صلى الله عليه وسلم ـ وَقَالَ " لَقَدِ احْتَظَرْتَ وَاسِعًا " . ثُمَّ وَلَّى حَتَّى إِذَا كَانَ فِي نَاحِيَةِ الْمَسْجِدِ فَشَجَ يَبُولُ . فَقَالَ الأَعْرَابِيُّ بَعْدَ أَنْ فَقِهَ فَقَامَ إِلَىَّ بِأَبِي وَأُمِّي . فَلَمْ يُؤَنِّبْ وَلَمْ يَسُبَّ . فَقَالَ " إِنَّ هَذَا الْمَسْجِدَ لاَ يُبَالُ فِيهِ وَإِنَّمَا بُنِيَ لِذِكْرِ اللَّهِ وَلِلصَّلاَةِ " . ثُمَّ أَمَرَ بِسَجْلٍ مِنَ مَاءٍ فَأُفْرِغَ عَلَى بَوْلِهِ .

Urdu translation: Noor Foundation

کتاب 2: کتاب الطھارة و سننھا

آج 10 میں سے 10 باقی