صحیح مسلم 1463: كتاب صلاة العيدين
حضرت ابو سعید خدریؓ سے روایت ہے کہ رسول اللہﷺ عید الاضحی اور عید الفطر کے دن نکلتے تھے اور نماز سے ابتداء کرتے تھے۔ پھر جب اپنی نماز پڑھ لیتے اور سلام پھیرتے تو کھڑے ہو جاتے اور لوگوں کی طرف توجہ فرماتے اور لوگ اپنی نماز کی جگہ بیٹھے ہوتے۔ پھر اگر آپ کو کسی دستہ یا لشکر کے بھجوانے کی ضرورت ہوتی تو لوگوں سے اس کا ذکر کرتے یا اس کے علاوہ کوئی کام ہوتا اس کا انہیں ارشاد فرماتے اور آپؐ فرمایا کرتے صدقہ دو، صدقہ دو، صدقہ دو اور سب سے زیادہ صدقہ عورتیں دیتی تھیں۔ پھر آپؐ واپس تشریف لے جاتے تھے ایسا ہی ہوتا رہا یہانتک کہ مروان بن الحکم (امیر) ہوا پس میں مروان کے ہاتھ میں ہاتھ دیئے ہوئے نکلا، یہانتک کہ ہم عید گاہ پہنچے۔ جب ہم عید گاہ پہنچے تو دیکھا کثیر بن الصلت نے مٹی اور اینٹوں سے منبر بنایا تھا مروان اپنا ہاتھ مجھ سے کھینچنے لگا گویا کہ وہ مجھے منبر کی طرف کھینچ کر لے جانے لگا جبکہ میں اسے نماز کی طرف کھینچ رہا تھا۔ جب میں نے اس سے یہ بات دیکھی تو میں نے کہا نماز سے ابتداء (کا طریق) کہاں گیا؟ اس نے کہا نہیں اے ابو سعیدؓ! جو تم جانتے ہو وہ ترک کیا جا چکا۔ میں نے کہا ہر گز نہیں اس ذات کی قسم جس کے ہاتھ میں میری جان ہے تم اس سے بہتر نہیں لا سکو گے جو میں جانتا ہوں (میں نے) تین مرتبہ کہا پھر وہ چلا گیا۔
حَدَّثَنَا يَحْيَى بْنُ أَيُّوبَ وَقُتَيْبَةُ وَابْنُ حُجْرٍ قَالُوا حَدَّثَنَا إِسْمَاعِيلُ بْنُ جَعْفَرٍ عَنْ دَاوُدَ بْنِ قَيْسٍ عَنْ عِيَاضِ بْنِ عَبْدِ اللَّهِ بْنِ سَعْدٍ عَنْ أَبِي سَعِيدٍ الْخُدْرِيِّ أَنَّ رَسُولَ اللَّهِ صلى الله عليه وسلم كَانَ يَخْرُجُ يَوْمَ الأَضْحَى وَيَوْمَ الْفِطْرِ فَيَبْدَأُ بِالصَّلاَةِ فَإِذَا صَلَّى صَلاَتَهُ وَسَلَّمَ قَامَ فَأَقْبَلَ عَلَى النَّاسِ وَهُمْ جُلُوسٌ فِي مُصَلاَّهُمْ فَإِنْ كَانَ لَهُ حَاجَةٌ بِبَعْثٍ ذَكَرَهُ لِلنَّاسِ أَوْ كَانَتْ لَهُ حَاجَةٌ بِغَيْرِ ذَلِكَ أَمَرَهُمْ بِهَا وَكَانَ يَقُولُ " تَصَدَّقُوا تَصَدَّقُوا تَصَدَّقُوا " . وَكَانَ أَكْثَرَ مَنْ يَتَصَدَّقُ النِّسَاءُ ثُمَّ يَنْصَرِفُ فَلَمْ يَزَلْ كَذَلِكَ حَتَّى كَانَ مَرْوَانُ بْنُ الْحَكَمِ فَخَرَجْتُ مُخَاصِرًا مَرْوَانَ حَتَّى أَتَيْنَا الْمُصَلَّى فَإِذَا كَثِيرُ بْنُ الصَّلْتِ قَدْ بَنَى مِنْبَرًا مِنْ طِينٍ وَلَبِنٍ فَإِذَا مَرْوَانُ يُنَازِعُنِي يَدَهُ كَأَنَّهُ يَجُرُّنِي نَحْوَ الْمِنْبَرِ وَأَنَا أَجُرُّهُ نَحْوَ الصَّلاَةِ فَلَمَّا رَأَيْتُ ذَلِكَ مِنْهُ قُلْتُ أَيْنَ الاِبْتِدَاءُ بِالصَّلاَةِ فَقَالَ لاَ يَا أَبَا سَعِيدٍ قَدْ تُرِكَ مَا تَعْلَمُ . قُلْتُ كَلاَّ وَالَّذِي نَفْسِي بِيَدِهِ لاَ تَأْتُونَ بِخَيْرٍ مِمَّا أَعْلَمُ . ثَلاَثَ مِرَارٍ ثُمَّ انْصَرَفَ .
Urdu translation: Noor Foundation
کتاب 8: كتاب صلاة العيدين