صحیح مسلم 1534: كتاب الجنائز

عبداللہ بن ابی ملیکہ بیان کرتے ہیں کہ حضرت عثمان بن عفّانؓ کی بیٹی مکہ میں وفات پا گئیں۔ وہ کہتے ہیں ہم آئے تاکہ ان کی نمازِ جنازہ میں شامل ہوں۔ وہ کہتے ہیں اس (جنازہ) میں حضرت ابن عمرؓ اور حضرت ابن عباسؓ بھی شامل تھے۔ وہ کہتے ہیں اور میں ان دونوں کے درمیان بیٹھا ہوا تھا۔ وہ مزید کہتے ہیں میں ان میں سے ایک کے ساتھ بیٹھا ہوا تھا کہ پھر دوسرے آئے اور میرے پہلو میں آ کر بیٹھ گئے۔ حضرت عبداللہؓ بن عمرؓ نے عمرو بن عثمان سے کہا اور وہ ان کے سامنے تھے۔ کیا تم رونے سے منع نہیں کرو گے؟ جبکہ رسول اللہﷺ نے فرمایا ہے کہ میت کو اس کے اہل کے اس پر رونے کی وجہ سے ضرور عذاب دیا جاتا ہے۔ حضرت ابن عباسؓ نے کہا کہ حضرت عمرؓ بَعْضَ ذَلِکَ کہا کرتے تھے (یعنی بعض انداز کے رونے پر)۔ پھر انہوں نے یہ روایت بیان کی اور کہا میں حضرت عمرؓ کے ساتھ مکّہ سے نکلا یہاں تک کہ جب ہم بیداء (مقام) پر پہنچے تو کیا دیکھتے ہیں کہ ایک قافلہ درخت کے سایہ میں اترا ہوا ہے۔ آپؓ نے کہا جاؤ اور دیکھو یہ قافلہ والے کون ہیں؟ میں نے دیکھا تو وہ حضرت صہیبؓ تھے۔ وہ کہتے ہیں میں نے آپ (حضرت عمرؓ) کو اطلاع دی۔ انہوں نے فرمایا اسے میرے پاس بلا لاؤ۔ وہ کہتے ہیں میں حضرت صہیبؓ کے پاس گیا اور میں نے کہا چلو اور امیر المؤمنین سے ملو۔ پھر جب حضرت عمرؓ پر حملہ ہوا حضرت صہیبؓ روتے ہوئے آئے وہ کہہ رہے تھے ہائے میرا بھائی! ہائے میرا دوست! حضرت عمرؓ نے کہا اے صہیب! کیا تم مجھ پر روتے ہو اور رسول اللہﷺ نے فرمایا ہے کہ میّت کو اپنے گھر والوں کے اس پر بعض (انداز سے) رونے کی وجہ سے عذاب ملتا ہے۔ پھر حضرت ابن عباسؓ نے کہا جب حضرت عمرؓ وفات پا گئے تو میں نے حضرت عائشہؓ سے اس (بات) کا تذکرہ کیا۔ انہوں نے کہا اللہ تعالیٰ حضرت عمرؓ پر رحم فرمائے۔ نہیں، اللہ کی قسم! رسول اللہﷺ نے یہ نہیں فرمایا کہ اللہ تعالیٰ مؤمن کو کسی کے رونے کی وجہ سے عذاب دیتا ہے بلکہ آپؐ نے فرمایا تھا کہ کافر کو اللہ تعالیٰ اس پر اس کے اہل کے رونے کی وجہ سے عذاب میں بڑھاتا ہے۔ (راوی) کہتے ہیں حضرت عائشہؓ نے کہا تمہارے لئے قرآن کافی ہے ’’اور کوئی بوجھ اٹھانے والی کسی کا بوجھ نہیں اٹھاتی‘‘ (الاسراء: 16) راوی کہتے ہیں اس پر حضرت ابن عباسؓ نے کہا اور اللہ ہی ہنساتا اور رُلاتا ہے (النجم: 44) ابن ابی ملیکہ کہتے ہیں اللہ کی قسم! حضرت ابن عمرؓ نے کچھ نہیں کہا۔ عبد الرحمان بن بشر کی روایت جو ابن ملیکہ سے ہے اس میں (بنت عثمانؓ بن عفان) کے بجائے کُنَّا فِی جَنَازَۃِ اُمِّ اَبَانَ بِنْتِ عُثْمَانَ کے الفاظ ہیں اور باقی روایت اس طرح ہے اور حضرت عمرؓ سے نبیﷺ تک مرفوع ہونے کی صراحت نہیں کی جیسے ایوب اور ابن جریج نے کی ہے اور ان دونوں کی روایت عمرو کی روایت سے زیادہ مکمل ہے۔

حَدَّثَنَا مُحَمَّدُ بْنُ رَافِعٍ وَعَبْدُ بْنُ حُمَيْدٍ قَالَ ابْنُ رَافِعٍ حَدَّثَنَا عَبْدُ الرَّزَّاقِ أَخْبَرَنَا ابْنُ جُرَيْجٍ أَخْبَرَنِي عَبْدُ اللَّهِ بْنُ أَبِي مُلَيْكَةَ قَالَ تُوُفِّيَتِ ابْنَةٌ لِعُثْمَانَ بْنِ عَفَّانَ بِمَكَّةَ قَالَ فَجِئْنَا لِنَشْهَدَهَا - قَالَ - فَحَضَرَهَا ابْنُ عُمَرَ وَابْنُ عَبَّاسٍ قَالَ وَإِنِّي لَجَالِسٌ بَيْنَهُمَا - قَالَ - جَلَسْتُ إِلَى أَحَدِهِمَا ثُمَّ جَاءَ الآخَرُ فَجَلَسَ إِلَى جَنْبِي فَقَالَ عَبْدُ اللَّهِ بْنُ عُمَرَ لِعَمْرِو بْنِ عُثْمَانَ وَهُوَ مُوَاجِهُهُ أَلاَ تَنْهَى عَنِ الْبُكَاءِ فَإِنَّ رَسُولَ اللَّهِ صلى الله عليه وسلم قَالَ " إِنَّ الْمَيِّتَ لَيُعَذَّبُ بِبُكَاءِ أَهْلِهِ عَلَيْهِ " . فَقَالَ ابْنُ عَبَّاسٍ قَدْ كَانَ عُمَرُ يَقُولُ بَعْضَ ذَلِكَ ثُمَّ حَدَّثَ فَقَالَ صَدَرْتُ مَعَ عُمَرَ مِنْ مَكَّةَ حَتَّى إِذَا كُنَّا بِالْبَيْدَاءِ إِذَا هُوَ بِرَكْبٍ تَحْتَ ظِلِّ شَجَرَةٍ فَقَالَ اذْهَبْ فَانْظُرْ مَنْ هَؤُلاَءِ الرَّكْبُ فَنَظَرْتُ فَإِذَا هُوَ صُهَيْبٌ - قَالَ - فَأَخْبَرْتُهُ فَقَالَ ادْعُهُ لِي . قَالَ فَرَجَعْتُ إِلَى صُهَيْبٍ فَقُلْتُ ارْتَحِلْ فَالْحَقْ أَمِيرَ الْمُؤْمِنِينَ . فَلَمَّا أَنْ أُصِيبَ عُمَرُ دَخَلَ صُهَيْبٌ يَبْكِي يَقُولُ وَاأَخَاهْ وَاصَاحِبَاهْ . فَقَالَ عُمَرُ يَا صُهَيْبُ أَتَبْكِي عَلَىَّ وَقَدْ قَالَ رَسُولُ اللَّهِ صلى الله عليه وسلم " إِنَّ الْمَيِّتَ يُعَذَّبُ بِبَعْضِ بُكَاءِ أَهْلِهِ عَلَيْهِ " . فَقَالَ ابْنُ عَبَّاسٍ فَلَمَّا مَاتَ عُمَرُ ذَكَرْتُ ذَلِكَ لِعَائِشَةَ فَقَالَتْ يَرْحَمُ اللَّهُ عُمَرَ لاَ وَاللَّهِ مَا حَدَّثَ رَسُولُ اللَّهِ صلى الله عليه وسلم " إِنَّ اللَّهَ يُعَذِّبُ الْمُؤْمِنَ بِبُكَاءِ أَحَدٍ " . وَلَكِنْ قَالَ " إِنَّ اللَّهَ يَزِيدُ الْكَافِرَ عَذَابًا بِبُكَاءِ أَهْلِهِ عَلَيْهِ " قَالَ وَقَالَتْ عَائِشَةُ حَسْبُكُمُ الْقُرْآنُ { وَلاَ تَزِرُ وَازِرَةٌ وِزْرَ أُخْرَى} قَالَ وَقَالَ ابْنُ عَبَّاسٍ عِنْدَ ذَلِكَ وَاللَّهُ أَضْحَكَ وَأَبْكَى . قَالَ ابْنُ أَبِي مُلَيْكَةَ فَوَاللَّهِ مَا قَالَ ابْنُ عُمَرَ مِنْ شَىْءٍ . وَحَدَّثَنَا عَبْدُ الرَّحْمَنِ بْنُ بِشْرٍ حَدَّثَنَا سُفْيَانُ قَالَ عَمْرٌو عَنِ ابْنِ أَبِي مُلَيْكَةَ كُنَّا فِي جَنَازَةِ أُمِّ أَبَانٍ بِنْتِ عُثْمَانَ وَسَاقَ الْحَدِيثَ وَلَمْ يَنُصَّ رَفْعَ الْحَدِيثِ عَنْ عُمَرَ عَنِ النَّبِيِّ صلى الله عليه وسلم كَمَا نَصَّهُ أَيُّوبُ وَابْنُ جُرَيْجٍ وَحَدِيثُهُمَا أَتَمُّ مِنْ حَدِيثِ عَمْرٍو .

Urdu translation: Noor Foundation

کتاب 11: كتاب الجنائز

مربوط حوالہ جات

خلفاء کی کتب

  • مذہب کے نام پر خون: اردو

قرآن کریم کی آیات

6:165

آج 10 میں سے 10 باقی