صحیح مسلم 2150: كتاب الحج
حضرت عبداللہ بن عمر رضی اللہ عنہما فتنہ کے زمانہ میں عمرہ کرنے کے لئے نکلے اور کہا اگر میں بیت اللہ سے روک دیا گیا تو ہم وہی کریں گے جو ہم نے رسول اللہﷺ کی معیّت میں کیا تھا۔ پھر وہ (حضرت عبداللہ بن عمرؓ) نکلے اور عمرہ کا احرام باندھا اور چلتے رہے یہاں تک کہ جب بیداء پہنچے تو اپنے ساتھیوں کی طرف متوجہ ہوئے اور فرمایا (روک دئیے جانے کی صورت میں) ان دونوں (حج و عمرہ) کا معاملہ ایک ہی ہے۔ میں تمہیں گواہ ٹھہراتا ہوں کہ میں نے حج کو عمرہ کے ساتھ (اپنے اوپر) واجب کیا۔ پھر وہ نکلے یہاں تک کہ جب بیت اللہ کے پاس آئے تو اس کے سات چکر لگائے اور صفا اور مروہ کے درمیان بھی سات۔ اس سے زیادہ نہیں کیا اور ان کا خیال تھا کہ یہی ان کے لئے کافی ہے اور انہوں نے قربانی کی۔
وَحَدَّثَنَا يَحْيَى بْنُ يَحْيَى قَالَ قَرَأْتُ عَلَى مَالِكٍ عَنْ نَافِعٍ أَنَّ عَبْدَ اللَّهِ بْنَ عُمَرَ - رضى الله عنهما - خَرَجَ فِي الْفِتْنَةِ مُعْتَمِرًا وَقَالَ إِنْ صُدِدْتُ عَنِ الْبَيْتِ صَنَعْنَا كَمَا صَنَعْنَا مَعَ رَسُولِ اللَّهِ صلى الله عليه وسلم فَخَرَجَ فَأَهَلَّ بِعُمْرَةٍ وَسَارَ حَتَّى إِذَا ظَهَرَ عَلَى الْبَيْدَاءِ الْتَفَتَ إِلَى أَصْحَابِهِ فَقَالَ مَا أَمْرُهُمَا إِلاَّ وَاحِدٌ أُشْهِدُكُمْ أَنِّي قَدْ أَوْجَبْتُ الْحَجَّ مَعَ الْعُمْرَةِ . فَخَرَجَ حَتَّى إِذَا جَاءَ الْبَيْتَ طَافَ بِهِ سَبْعًا وَبَيْنَ الصَّفَا وَالْمَرْوَةِ سَبْعًا لَمْ يَزِدْ عَلَيْهِ وَرَأَى أَنَّهُ مُجْزِئٌ عَنْهُ وَأَهْدَى .
Urdu translation: Noor Foundation
آج 10 میں سے 10 باقی