صحیح مسلم 223: كتاب الإيمان
حضرت عائشہؓ نبیﷺ کی زوجہ مطہرہ بیان کرتی ہیں کہ پہلے پہل رسول اللہﷺ پر نیند میں سچی رویاء سے وحی کی ابتداء ہوئی اور آپؐ جو بھی رؤیا دیکھتے وہ صبحِ صادق کی طرح پوری ہو جاتی تھی۔ پھر آپؐ کو خلوت پسند آنے لگی اور آپؐ غارِ حرا میں تنہا رہتے تھے اور کئی راتیں عبادت میں مصروف رہتے (تحنّث کے معنے عبادت کے ہیں) قبل اس کے کہ آپؐ اپنے اہل کی طرف لوٹتے اور اس غرض کے لئے توشہ لیتے۔ پھر آپؐ حضرت خدیجہؓ کی طرف واپس آتے اور اتنی ہی (راتوں کے لئے) توشہ لیتے یہاں تک کہ آپؐ کے پاس اچانک حق آ گیا اور آپؐ غارِ حرا میں تھے آپؐ کے پاس فرشتہ آیا اور اس نے کہا: پڑھ! فرمایا: میں تو پڑھنے والا نہیں۔ آپؐ نے فرمایا: اس نے مجھے پکڑ لیا اور مجھے اس قدر بھینچا کہ میری طاقت جواب دے گئی پھر اس نے مجھے چھوڑ دیا اور کہا: پڑھ۔ میں نے کہا: میں تو پڑھنے والا نہیں تو اس نے مجھے پکڑ لیا اور دوسری دفعہ بھینچا اور میری طاقت جواب دے گئی۔ پھر اس نے مجھے چھوڑ دیا اور کہا پڑھ۔ میں نے کہا: میں تو پڑھنے والا نہیں۔ تو اس نے مجھے پکڑ لیا اور تیسری دفعہ بھینچا یہاں تک کہ میری طاقت جواب دے گئی پھر اس نے مجھے چھوڑ دیا اور کہا اِقْرَا بِاسْمِ رَبِّکَ الَّذِیْ خَلَقَ (ترجمہ) پڑھ اپنے رب کے نام کے ساتھ جس نے پیدا کیا۔ اس نے انسان کو ایک چمٹ جانے والے لوتھڑے سے پیدا کیا، پڑھ اور تیرا رب سب سے زیادہ معزز ہے۔ جس نے قلم کے ذریعہ سکھایا۔ انسان کو وہ کچھ سکھایا جو وہ نہیں جانتا تھا۔ (العلق: 2 تا 6) چنانچہ رسول اللہﷺ ان (آیات کے ساتھ) واپس لوٹے اور آپؐ کے کندھوں کے پٹھے کانپ رہے تھے۔ یہاں تک کہ آپؐ حضرت خدیجہؓ کے پاس آئے اور کہا: مجھے کپڑا اوڑھا دو، مجھے کپڑا اوڑھا دو۔ چنانچہ انہوں نے آپؐ کو کپڑا اوڑھا دیا اور پھر آپؐ سے وہ گھبراہٹ جاتی رہی۔ پھر آپؐ نے حضرت خدیجہؓ سے فرمایا: اے خدیجہ! میرے ساتھ کیا گزری اور پھر ان کو ساری بات بتائی۔ آپؐ نے فرمایا: مجھے تو (اتنی بڑی ذمہ داری لیتے ہوئے) اپنی جان کا ڈر ہے۔ حضرت خدیجہؓ نے آپؐ سے عرض کیا: ہر گز نہیں، آپؐ کو خوشخبری ہو۔ بخدا اللہ تعالیٰ آپؐ کو کبھی رسوا نہیں کرے گا۔ بخدا بلا شبہ آپؐ صلہ رحمی کرتے ہیں اور سچ بولتے ہیں اور تھکے ہاروں کے بوجھ اُٹھاتے ہیں اور خوبیاں جو معدوم ہو چکی ہیں بجا لاتے ہیں اور مہمان نوازی کرتے ہیں اور مصائبِ حقّہ (حوادثِ زمانہ) پر مدد کرتے ہیں۔ پھر حضرت خدیجہؓ آپؐ کو ورقہ بن نوفل بن اسد بن عبدالعزٰی کے پاس لے گئیں۔ وہ حضرت خدیجہؓ کے چچا کے بیٹے تھے، ان کے باپ کے بھائی کے بیٹے، اور ایک ایسے شخص تھے جو زمانہ جاہلیت میں عیسائی ہو گئے تھے۔ اور عربی لکھنا (پڑھنا) جانتے تھے اور انجیل میں سے عربی زبان میں جتنا اللہ چاہے کہ لکھیں وہ لکھا کرتے تھے وہ بہت بوڑھے تھے اور نابینا ہو گئے تھے۔ حضرت خدیجہؓ نے ان سے کہا: اے میرے چچا! اپنے بھتیجے کی بات سنیں۔ ورقہ بن نوفل نے کہا: اے میرے بھتیجے! تم کیا دیکھتے ہو؟ رسول اللہﷺ نے جو دیکھا تھا ان کو بتایا تو ورقہ نے آپؐ سے کہا: یہ تو وہی فرشتہ ہے جو موسیٰؑ پر اترا تھا۔ کاش میں اس وقت جوان ہوتا اور زندہ ہوتا جب تیری قوم تجھے نکال دے گی تو رسول اللہﷺ نے فرمایا: کیا وہ مجھے نکال دیں گے؟ ورقہ نے کہا ہاں، جب بھی کوئی شخص تیرے جیسا پیغام لایا ہے تو اس سے دشمنی کی گئی ہے اور اگر میں نے تیرا زمانہ پایا تو میں تیری زبردست مدد کروں گا۔ حضرت عائشہؓ سے روایت ہے وہ کہتی ہیں کہ پہلے پہل جو وحی رسول اللہﷺ کو ہوئی۔ اس کے آگے راوی نے یونس جیسی روایت بیان کی سوائے ان کی اس بات کے کہ خدا کی قسم اللہ آپؐ کو کبھی غم نہیں پہنچائے گا نیز انہوں نے کہا کہ حضرت خدیجہؓ نے فرمایا: اے میرے چچا کے بیٹے! اپنے بھتیجے کی بات سنو۔ ابن شہاب کہتے ہیں کہ میں نے عروہ بن زبیر کو کہتے ہوئے سنا کہ نبیﷺ کی زوجہ مطہرہ حضرت عائشہؓ نے فرمایا نبیﷺ حضرت خدیجہؓ کے پاس تشریف لائے اور آپؐ کا دل دھڑک رہا تھا۔ اور پھر یونس اور معمر والی روایت کی مانند بیان کیا اور ان دونوں کی روایت میں یہ ذکر نہیں کیا اَوَّلُ مَا بُدِیَٔ بِہِ رَسُوْلُ اللّٰہِﷺ مِنَ الْوَحْیِ الرُّؤْیَا الصَّالِحَۃُ رسول اللہﷺ پر وحی کی ابتدا رؤیا صادقہ کے ساتھ ہوئی اور یونس کے اس قول کی متابعت کی ہے خدا کی قسم اللہ آپؐ کو رسوا نہیں کرے گا نیز حضرت خدیجہؓ کے اس قول کا ذکر کیا ہے ’’اے میرے چچا کے بیٹے! اپنے بھتیجے کی بات سنئے‘‘۔
حَدَّثَنِي أَبُو الطَّاهِرِ أَحْمَدُ بْنُ عَمْرِو بْنِ عَبْدِ اللَّهِ بْنِ عَمْرِو بْنِ سَرْحٍ أَخْبَرَنَا ابْنُ وَهْبٍ قَالَ أَخْبَرَنِي يُونُسُ عَنِ ابْنِ شِهَابٍ قَالَ حَدَّثَنِي عُرْوَةُ بْنُ الزُّبَيْرِ أَنَّ عَائِشَةَ زَوْجَ النَّبِيِّ صلى الله عليه وسلم أَخْبَرَتْهُ أَنَّهَا قَالَتْ كَانَ أَوَّلُ مَا بُدِئَ بِهِ رَسُولُ اللَّهِ صلى الله عليه وسلم مِنَ الْوَحْىِ الرُّؤْيَا الصَّادِقَةَ فِي النَّوْمِ فَكَانَ لاَ يَرَى رُؤْيَا إِلاَّ جَاءَتْ مِثْلَ فَلَقِ الصُّبْحِ ثُمَّ حُبِّبَ إِلَيْهِ الْخَلاَءُ فَكَانَ يَخْلُو بِغَارِ حِرَاءٍ يَتَحَنَّثُ فِيهِ - وَهُوَ التَّعَبُّدُ - اللَّيَالِيَ أُولاَتِ الْعَدَدِ قَبْلَ أَنْ يَرْجِعَ إِلَى أَهْلِهِ وَيَتَزَوَّدُ لِذَلِكَ ثُمَّ يَرْجِعُ إِلَى خَدِيجَةَ فَيَتَزَوَّدُ لِمِثْلِهَا حَتَّى فَجِئَهُ الْحَقُّ وَهُوَ فِي غَارِ حِرَاءٍ فَجَاءَهُ الْمَلَكُ فَقَالَ اقْرَأْ . قَالَ " مَا أَنَا بِقَارِئٍ - قَالَ - فَأَخَذَنِي فَغَطَّنِي حَتَّى بَلَغَ مِنِّي الْجَهْدَ ثُمَّ أَرْسَلَنِي فَقَالَ اقْرَأْ . قَالَ قُلْتُ مَا أَنَا بِقَارِئٍ - قَالَ - فَأَخَذَنِي فَغَطَّنِي الثَّانِيَةَ حَتَّى بَلَغَ مِنِّي الْجَهْدَ ثُمَّ أَرْسَلَنِي فَقَالَ اقْرَأْ . فَقُلْتُ مَا أَنَا بِقَارِئٍ فَأَخَذَنِي فَغَطَّنِي الثَّالِثَةَ حَتَّى بَلَغَ مِنِّي الْجَهْدَ ثُمَّ أَرْسَلَنِي . فَقَالَ { اقْرَأْ بِاسْمِ رَبِّكَ الَّذِي خَلَقَ }-{ خَلَقَ الإِنْسَانَ مِنْ عَلَقٍ }-{ اقْرَأْ وَرَبُّكَ الأَكْرَمُ }-{ الَّذِي عَلَّمَ بِالْقَلَمِ }-{ عَلَّمَ الإِنْسَانَ مَا لَمْ يَعْلَمْ} " . فَرَجَعَ بِهَا رَسُولُ اللَّهِ صلى الله عليه وسلم تَرْجُفُ بَوَادِرُهُ حَتَّى دَخَلَ عَلَى خَدِيجَةَ فَقَالَ " زَمِّلُونِي زَمِّلُونِي " . فَزَمَّلُوهُ حَتَّى ذَهَبَ عَنْهُ الرَّوْعُ ثُمَّ قَالَ لِخَدِيجَةَ " أَىْ خَدِيجَةُ مَا لِي " . وَأَخْبَرَهَا الْخَبَرَ قَالَ " لَقَدْ خَشِيتُ عَلَى نَفْسِي " . قَالَتْ لَهُ خَدِيجَةُ كَلاَّ أَبْشِرْ فَوَاللَّهِ لاَ يُخْزِيكَ اللَّهُ أَبَدًا وَاللَّهِ إِنَّكَ لَتَصِلُ الرَّحِمَ وَتَصْدُقُ الْحَدِيثَ وَتَحْمِلُ الْكَلَّ وَتَكْسِبُ الْمَعْدُومَ وَتَقْرِي الضَّيْفَ وَتُعِينُ عَلَى نَوَائِبِ الْحَقِّ . فَانْطَلَقَتْ بِهِ خَدِيجَةُ حَتَّى أَتَتْ بِهِ وَرَقَةَ بْنَ نَوْفَلِ بْنِ أَسَدِ بْنِ عَبْدِ الْعُزَّى وَهُوَ ابْنُ عَمِّ خَدِيجَةَ أَخِي أَبِيهَا وَكَانَ امْرَأً تَنَصَّرَ فِي الْجَاهِلِيَّةِ وَكَانَ يَكْتُبُ الْكِتَابَ الْعَرَبِيَّ وَيَكْتُبُ مِنَ الإِنْجِيلِ بِالْعَرَبِيَّةِ مَا شَاءَ اللَّهُ أَنْ يَكْتُبَ وَكَانَ شَيْخًا كَبِيرًا قَدْ عَمِيَ . فَقَالَتْ لَهُ خَدِيجَةُ أَىْ عَمِّ اسْمَعْ مِنِ ابْنِ أَخِيكَ . قَالَ وَرَقَةُ بْنُ نَوْفَلٍ يَا ابْنَ أَخِي مَاذَا تَرَى فَأَخْبَرَهُ رَسُولُ اللَّهِ صلى الله عليه وسلم خَبَرَ مَا رَآهُ فَقَالَ لَهُ وَرَقَةُ هَذَا النَّامُوسُ الَّذِي أُنْزِلَ عَلَى مُوسَى صلى الله عليه وسلم يَا لَيْتَنِي فِيهَا جَذَعًا يَا لَيْتَنِي أَكُونُ حَيًّا حِينَ يُخْرِجُكَ قَوْمُكَ . قَالَ رَسُولُ اللَّهِ صلى الله عليه وسلم " أَوَمُخْرِجِيَّ هُمْ " . قَالَ وَرَقَةُ نَعَمْ لَمْ يَأْتِ رَجُلٌ قَطُّ بِمَا جِئْتَ بِهِ إِلاَّ عُودِيَ وَإِنْ يُدْرِكْنِي يَوْمُكَ أَنْصُرْكَ نَصْرًا مُؤَزَّرًا " .وَحَدَّثَنِي مُحَمَّدُ بْنُ رَافِعٍ حَدَّثَنَا عَبْدُ الرَّزَّاقِ أَخْبَرَنَا مَعْمَرٌ قَالَ قَالَ الزُّهْرِيُّ وَأَخْبَرَنِي عُرْوَةُ عَنْ عَائِشَةَ أَنَّهَا قَالَتْ أَوَّلُ مَا بُدِئَ بِهِ رَسُولُ اللَّهِ صلى الله عليه وسلم مِنَ الْوَحْىِ . وَسَاقَ الْحَدِيثَ بِمِثْلِ حَدِيثِ يُونُسَ . غَيْرَ أَنَّهُ قَالَ فَوَاللَّهِ لاَ يُحْزِنُكَ اللَّهُ أَبَدًا . وَقَالَ قَالَتْ خَدِيجَةُ أَىِ ابْنَ عَمِّ اسْمَعْ مِنِ ابْنِ أَخِيكَ .وَحَدَّثَنِي عَبْدُ الْمَلِكِ بْنُ شُعَيْبِ بْنِ اللَّيْثِ قَالَ حَدَّثَنِي أَبِي عَنْ جَدِّي قَالَ حَدَّثَنِي عُقَيْلُ بْنُ خَالِدٍ قَالَ ابْنُ شِهَابٍ سَمِعْتُ عُرْوَةَ بْنَ الزُّبَيْرِ يَقُولُ قَالَتْ عَائِشَةُ زَوْجُ النَّبِيِّ صلى الله عليه وسلم فَرَجَعَ إِلَى خَدِيجَةَ يَرْجُفُ فُؤَادُهُ وَاقْتَصَّ الْحَدِيثَ بِمِثْلِ حَدِيثِ يُونُسَ وَمَعْمَرٍ وَلَمْ يَذْكُرْ أَوَّلَ حَدِيثِهِمَا مِنْ قَوْلِهِ أَوَّلُ مَا بُدِئَ بِهِ رَسُولُ اللَّهِ صلى الله عليه وسلم مِنَ الْوَحْىِ الرُّؤْيَا الصَّادِقَةُ . وَتَابَعَ يُونُسَ عَلَى قَوْلِهِ فَوَاللَّهِ لاَ يُخْزِيكَ اللَّهُ أَبَدًا . وَذَكَرَ قَوْلَ خَدِيجَةَ أَىِ ابْنَ عَمِّ اسْمَعْ مِنِ ابْنِ أَخِيكَ .
Urdu translation: Noor Foundation
کتاب 1: كتاب الإيمان