صحیح مسلم 264: كتاب الإيمان
حضرت عبداللہ بن مسعودؓ سے روایت ہے وہ کہتے ہیں کہ رسول اللہﷺ نے فرمایا: میں خوب جانتا ہوں کہ آگ والوں میں سب سے آخر پر کون نکلے گا اور اہلِ جنت میں سے سب سے آخر پر کون جنت میں داخل ہوگا۔ وہ ایک آدمی ہے جو گھٹنوں کے بل آگ سے نکلے گا۔ اللہ تبارک و تعالیٰ اس سے فرمائے گا جاؤ اور جنت میں داخل ہو جاؤ۔ وہ اس (جنت) کے پاس جائے گا تو اسے خیال دلایا جائے گا کہ جنت تو بھر چکی ہے۔ وہ واپس جائے گا اور کہے گا اے میرے رب! مَیں نے اسے بھر اہوا پایا ہے۔ اللہ تبارک و تعالیٰ اس سے فرمائے گا جاؤ اور جنت میں داخل ہو جاؤ۔ وہ اس کے پاس آئے گا اسے خیال دلایا جائے گا کہ وہ بھری ہوئی ہے۔ وہ واپس جائے گا کہے گا اے میرے رب! میں نے اسے بھر اہوا پایا ہے۔ اللہ تعالیٰ اس سے کہے گا جاؤ اور جنت میں داخل ہو جاؤ۔ تیرے لئے دنیا کے برابر اور اس سے دس گنا ہے۔ یا فرمایا تیرے لئے دس دنیا کے برابر ہے۔ وہ کہے گا کیا تو مجھ سے تمسخر کرتا ہے یا مذاق کرتا ہے۔ تُو تو بادشاہ ہے۔ حضرت عبداللہؓ کہتے ہیں مَیں نے رسول اللہﷺ کو دیکھا۔ آپؐ ہنسے اور خوب ہنسے۔ راوی کہتے ہیں کہا جاتا تھا کہ یہ سب سے کم درجہ کا جنتی ہوگا۔
حَدَّثَنَا عُثْمَانُ بْنُ أَبِي شَيْبَةَ وَإِسْحَاقُ بْنُ إِبْرَاهِيمَ الْحَنْظَلِيُّ كِلاَهُمَا عَنْ جَرِيرٍ قَالَ عُثْمَانُ حَدَّثَنَا جَرِيرٌ عَنْ مَنْصُورٍ عَنْ إِبْرَاهِيمَ عَنْ عَبِيدَةَ عَنْ عَبْدِ اللَّهِ بْنِ مَسْعُودٍ قَالَ قَالَ رَسُولُ اللَّهِ صلى الله عليه وسلم " إِنِّي لأَعْلَمُ آخِرَ أَهْلِ النَّارِ خُرُوجًا مِنْهَا وَآخِرَ أَهْلِ الْجَنَّةِ دُخُولاً الْجَنَّةَ رَجُلٌ يَخْرُجُ مِنَ النَّارِ حَبْوًا فَيَقُولُ اللَّهُ تَبَارَكَ وَتَعَالَى لَهُ اذْهَبْ فَادْخُلِ الْجَنَّةَ فَيَأْتِيهَا فَيُخَيَّلُ إِلَيْهِ أَنَّهَا مَلأَى فَيَرْجِعُ فَيَقُولُ يَا رَبِّ وَجَدْتُهَا مَلأَى . فَيَقُولُ اللَّهُ تَبَارَكَ وَتَعَالَى لَهُ اذْهَبْ فَادْخُلِ الْجَنَّةَ - قَالَ - فَيَأْتِيهَا فَيُخَيَّلُ إِلَيْهِ أَنَّهَا مَلأَى فَيَرْجِعُ فَيَقُولُ يَا رَبِّ وَجَدْتُهَا مَلأَى فَيَقُولُ اللَّهُ لَهُ اذْهَبْ فَادْخُلِ الْجَنَّةَ فَإِنَّ لَكَ مِثْلَ الدُّنْيَا وَعَشَرَةَ أَمْثَالِهَا أَوْ إِنَّ لَكَ عَشَرَةَ أَمْثَالِ الدُّنْيَا - قَالَ - فَيَقُولُ أَتَسْخَرُ بِي - أَوْ أَتَضْحَكُ بِي - وَأَنْتَ الْمَلِكُ " قَالَ لَقَدْ رَأَيْتُ رَسُولَ اللَّهِ صلى الله عليه وسلم ضَحِكَ حَتَّى بَدَتْ نَوَاجِذُهُ . قَالَ فَكَانَ يُقَالُ ذَاكَ أَدْنَى أَهْلِ الْجَنَّةِ مَنْزِلَةً .
Urdu translation: Noor Foundation
کتاب 1: كتاب الإيمان