صحیح مسلم 2760: كتاب العتق
ابراہیم التیمی اپنے والد سے روایت کرتے ہیں انہوں نے کہا حضرت علیؓ بن ابی طالب نے ہم سے خطاب کیا اور کہا جو شخص خیال کرتا ہے کہ ہمارے پاس اللہ کی کتاب اور اس تحریر کے علاوہ کچھ ہے جو ہم پڑھتے ہیں تو وہ غلط کہتا ہے۔ راوی کہتے ہیں کہ وہ تحریر آپؓ (حضرت علیؓ) کی تلوار کی میان سے لٹکی ہوئی تھی۔ اس میں اونٹوں کی عمروں اور زخموں کی (دیت) کا بیان تھا اور اس میں لکھا تھا نبیﷺ نے فرمایا عیر سے لے کر ثور تک مدینہ حرم ہے۔ جو کوئی اس میں نئی بات پیدا کرے یا کسی نئی بات پیدا کرنے والے کو پناہ دے تو اس پر اللہ اور اس کے فرشتوں اور سب لوگوں کی لعنت ہے۔ اس سے اللہ قیامت کے دن کوئی مال یا معاوضہ قبول نہیں کرے گا اور مسلمانوں کی ذمہ داری ایک ہے۔ جس کی کوشش ان کا ادنیٰ بھی کر سکتا ہے جو اپنے آپ کو اپنے باپ کے علاوہ کسی اور طرف منسوب کرے یا اپنے مالک کے سوا کسی اور کو مالک بنائے تو اس پر اللہ کی اور فرشتوں کی اور سب لوگوں کی لعنت ہے۔ اللہ قیامت کے دن اس سے کوئی معاوضہ یا مال قبول نہیں کرے گا۔
وَحَدَّثَنَا أَبُو كُرَيْبٍ حَدَّثَنَا أَبُو مُعَاوِيَةَ حَدَّثَنَا الأَعْمَشُ عَنْ إِبْرَاهِيمَ التَّيْمِيِّ عَنْ أَبِيهِ قَالَ خَطَبَنَا عَلِيُّ بْنُ أَبِي طَالِبٍ فَقَالَ مَنْ زَعَمَ أَنَّ عِنْدَنَا شَيْئًا نَقْرَأُهُ إِلاَّ كِتَابَ اللَّهِ وَهَذِهِ الصَّحِيفَةَ - قَالَ وَصَحِيفَةٌ مُعَلَّقَةٌ فِي قِرَابِ سَيْفِهِ - فَقَدْ كَذَبَ . فِيهَا أَسْنَانُ الإِبِلِ وَأَشْيَاءُ مِنَ الْجِرَاحَاتِ وَفِيهَا قَالَ النَّبِيُّ صلى الله عليه وسلم " الْمَدِينَةُ حَرَمٌ مَا بَيْنَ عَيْرٍ إِلَى ثَوْرٍ فَمَنْ أَحْدَثَ فِيهَا حَدَثًا أَوْ آوَى مُحْدِثًا فَعَلَيْهِ لَعْنَةُ اللَّهِ وَالْمَلاَئِكَةِ وَالنَّاسِ أَجْمَعِينَ لاَ يَقْبَلُ اللَّهُ مِنْهُ يَوْمَ الْقِيَامَةِ صَرْفًا وَلاَ عَدْلاً وَذِمَّةُ الْمُسْلِمِينَ وَاحِدَةٌ يَسْعَى بِهَا أَدْنَاهُمْ وَمَنِ ادَّعَى إِلَى غَيْرِ أَبِيهِ أَوِ انْتَمَى إِلَى غَيْرِ مَوَالِيهِ فَعَلَيْهِ لَعْنَةُ اللَّهِ وَالْمَلاَئِكَةِ وَالنَّاسِ أَجْمَعِينَ لاَ يَقْبَلُ اللَّهُ مِنْهُ يَوْمَ الْقِيَامَةِ صَرْفًا وَلاَ عَدْلاً " .
Urdu translation: Noor Foundation
کتاب 20: كتاب العتق