صحیح مسلم 3931: كتاب اللباس والزينة
سعید بن ابو الحسن سے روایت ہے کہ ایک شخص حضرت ابن عباسؓ کے پاس آیا اور کہا کہ میں ایسا شخص ہوں کہ جو یہ صورتیں بناتا ہوں۔ پس آپ مجھے اس بارہ میں فتویٰ دیں۔ حضرت ابن عباسؓ نے کہا کہ میرے پاس آؤ۔ چنانچہ وہ ان کے قریب آیا۔ پھر حضرت ابن عباسؓ نے کہا کہ میرے قریب ہو جاؤ۔ وہ اور قریب ہو گیا یہاں تک کہ حضرت ابن عباسؓ نے اپنا ہاتھ اس کے سر پر رکھ دیا اور کہا کہ میں تمہیں ایسی بات بتاؤں گا جو میں نے رسول اللہﷺ سے سنی ہے۔ میں نے رسول اللہﷺ کو فرماتے ہوئے سنا ہے کہ ہر صورت بنانے والا آگ میں جائے گا۔ اس کی ہر تصویر میں اس کے لئے جان ڈالے گا اور وہ اسے جہنم میں عذاب دے گی۔ اور (ابن عباسؓ) نے فرمایا اگر تم نے لازمًا (یہی کام) کرنا ہے تو درخت بناؤ اور وہ جس میں جان نہیں ہے۔
قَالَ مُسْلِمٌ قَرَأْتُ عَلَى نَصْرِ بْنِ عَلِيٍّ الْجَهْضَمِيِّ عَنْ عَبْدِ الأَعْلَى بْنِ عَبْدِ الأَعْلَى حَدَّثَنَا يَحْيَى بْنُ أَبِي إِسْحَاقَ عَنْ سَعِيدِ بْنِ أَبِي الْحَسَنِ قَالَ جَاءَ رَجُلٌ إِلَى ابْنِ عَبَّاسٍ فَقَالَ إِنِّي رَجُلٌ أُصَوِّرُ هَذِهِ الصُّوَرَ فَأَفْتِنِي فِيهَا . فَقَالَ لَهُ ادْنُ مِنِّي . فَدَنَا مِنْهُ ثُمَّ قَالَ ادْنُ مِنِّي . فَدَنَا حَتَّى وَضَعَ يَدَهُ عَلَى رَأْسِهِ قَالَ أُنَبِّئُكَ بِمَا سَمِعْتُ مِنْ رَسُولِ اللَّهِ صلى الله عليه وسلم سَمِعْتُ رَسُولَ اللَّهِ صلى الله عليه وسلم يَقُولُ " كُلُّ مُصَوِّرٍ فِي النَّارِ يَجْعَلُ لَهُ بِكُلِّ صُورَةٍ صَوَّرَهَا نَفْسًا فَتُعَذِّبُهُ فِي جَهَنَّمَ " . وَقَالَ إِنْ كُنْتَ لاَ بُدَّ فَاعِلاً فَاصْنَعِ الشَّجَرَ وَمَا لاَ نَفْسَ لَهُ . فَأَقَرَّ بِهِ نَصْرُ بْنُ عَلِيٍّ .
Urdu translation: Noor Foundation
آج 10 میں سے 10 باقی