صحیح مسلم 4982: كتاب صفة القيامة والجنة والنار
عبداللہ بن مِقسم سے روایت ہے انہوں نے حضرت عبداللہ بن عمرؓ کی طرف دیکھا۔ وہ کس طرح رسول اللہﷺ سے روایت بیان کر رہے ہیں آپؐ نے فرمایا اللہ عزّ وجل اپنے آسمانوں اور اپنی زمینوں کو اپنے دونوں ہاتھوں سے پکڑے گا اور فرمائے گا میں اللہ ہوں - اور آپؐ اپنی انگلیوں کو بند کرتے اور کھولتے تھے - میں بادشاہ ہوں، یہانتک کہ میں نے منبر کو دیکھا کہ وہ نیچے سے ہل رہا ہے میں سوچنے لگا کیا وہ گر تو نہیں جائے گا اور رسول اللہﷺ اس پر ہیں۔ ایک روایت میں (عَنْ عُبَیْدِ اللّٰہِ بنِ مِقْسَمٍ اَنَّہُ نَظَرَ اِلیٰ عَبْدِ اللّٰہِ ابنِ عُمَرَ کی بجائے) عَنْ عُبَیْدِ اللّٰہِ بْنِ مِقْسَمٍ عَنْ عَبْدِ اللّٰہِ ابنِ عُمَرَ قَالَ رَ أَیتُ رَسُولَ اللّٰہِﷺ عَلَی الْمِنْبَرِ وَھُوَ یَقُولُ یَأخُذُ الْجَبَّارُ عَزَّوَجَلَّ سَمَاوَاتِہِ وَاَرْضِیْہِ کے الفاظ ہیں یعنی میں نے رسول اللہﷺ کو منبر پر دیکھا۔ آپؐ فرما رہے تھے (خدائے) جبّار بزرگ و برتر آسمانوں اور زمینوں کو اپنے ہاتھوں میں لے گا۔ پھر راوی نے یعقوب کی روایت کی مانند روایت بیان کی۔
Urdu translation: Noor Foundation