کتاب 65: كتاب التفسیر

صحیح بخاری, حصہ 25

صحیح بخاری 4953

یحيٰ بن بکیر نے ہم سے بیان کیا کہ لیث (بن سعد) نے ہمیں بتایا، انہوں نے عقیل سے، عقیل نے ابن شہاب سے روایت کی۔ نیز سعید بن مروان نے مجھ سے بیان کیا کہ محمد بن عبدالعزیز بن ابی رزمہ نے ہمیں بتایا۔ ابوصالح سلموَیہ نے ہمیں خبر دی، انہوں نے کہا: عبداللہ (بن مبارک) نے مجھے بتایا، عبداللہ نے یونس بن یزید سے، انہوں نے کہا: مجھے ابن شہاب نے خبر دی کہ عروہ بن زبیر نے انہیں بتایا، کہ نبی ﷺ کی زوجہ حضرت عائشہؓ نے فرمایا: پہلے پہل وحی کی جو قسم رسول اللہ ﷺ کو شروع ہوئی تو وہ نیند کی حالت میں سچی خوابوں کا دیکھنا تھا۔ آپؐ کوئی بھی ایسی خواب نہ دیکھتے تھے جو صبح صادق کے نمودار ہونے کی طرح واقع نہ ہو جاتی ہو۔ پھر اس کے بعد آپؐ کو تنہائی پسند ہوئی اور آپؐ غار حرا میں چلے جایا کرتے تھے اور وہاں عبادت کیا کرتے تھے۔ عروہ بن زبیر کہتے تھے کہ تَحَنُّث وہ عبادت تھی جو چند گنتی کی راتیں کیا کرتے تھے بغیر اس کے کہ آپؐ اپنے گھر والوں کی طرف لوٹیں اور اس غرض کے لئے آپؐ زاد لے لیتے، پھر حضرت خدیجہؓ کے پاس واپس آتے اور اتنا ہی اور زاد لیتے۔ یہاں تک کہ اچانک حق آپؐ کے پاس آیا اور اس وقت آپؐ غار حرا میں تھے۔ آپؐ کے پاس فرشتہ آیا، اس نے کہا: پڑھو۔ رسول اللہ ﷺ نے فرمایا: میں تو پڑھنا نہیں جانتا۔ فرماتے تھے: اس نے مجھے پکڑا اور اس زور سے بھینچا کہ مجھے سخت تکلیف پہنچی۔ پھر اس نے مجھے چھوڑ دیا اور کہا: پڑھو، میں نے کہا: میں تو پڑھا ہوا نہیں ہوں۔ پھر اس نے مجھے پکڑا اور دوبارہ اس زور سے بھینچا کہ مجھے سخت تکلیف پہنچی۔ پھر اس نے مجھے چھوڑ دیا اور کہا: پڑھو، میں نے کہا: میں تو پڑھا ہوا نہیں ہوں۔ پھر اس نے مجھے پکڑا اور تیسری بار مجھے اس زور سے بھینچا کہ اپنی انتہائی طاقت مجھ پر خرچ کر دی۔ پھر اس نے مجھے چھوڑ دیا اور کہا: اِقْرَاْ بِاسْمِ رَبِّكَ… یعنی پڑھ اپنے ربّ کے نام سے جس نے پیدا کیا انسان کو ایک لوتھڑے سے۔ پڑھ اور تیرا ربّ بڑا احسان کرنے والا ہے جس نے قلم کے ذریعہ سے سکھایا، انسان کو وہ کچھ سکھلایا جو وہ نہیں جانتا تھا۔ رسول اللہ ﷺ یہ آیتیں سن کر لوٹ آئے۔ آپؐ کے کندھے اور گردن کے درمیان کے پٹھے پھڑ پھڑا رہے تھے۔ آپؐ حضرت خدیجہؓ کے پاس آئے اور کہا: مجھے کمبل اڑھاؤ، کمبل اڑھاؤ، انہوں نے آپؐ کو کپڑا اڑھایا۔ جب آپؐ کا خوف جاتا رہا تو حضرت خدیجہؓ سے فرمایا: خدیجہؓ! مجھے کیا ہو گیا ہے۔ مجھے تو اپنی جان کا خدشہ ہے اور آپؐ نے حضرت خدیجہؓ کو وہ سارا واقعہ سنایا۔ حضرت خدیجہؓ بولیں: ہرگز نہیں، آپؐ کو خوشخبری ہو۔ اللہ کی قسم، اللہ آپؐ کو کبھی بھی رسوا نہیں کرے گا۔ کیونکہ آپؐ اللہ کی قسم صلہ رحمی کرتے ہیں اور سچی بات کہتے ہیں اور عاجز کو سہارا دیتے ہیں اور جس کے پاس نہ ہو اس کے لئے مہیا کرتے ہیں اور مہمان نوازی کرتے ہیں اور حق کی مشکلات میں مدد کرتے ہیں۔ حضرت خدیجہؓ آپؐ کو ساتھ لے کر ورقہ بن نوفل کے پاس آئیں اور وہ حضرت خدیجہؓ کے چچا زاد یعنی جو اُن کے باپ کا حقیقی بھائی تھا اس کے بیٹے تھے اور وہ ایسے شخص تھے جو زمانہ جاہلیت میں عیسائی ہو گئے تھے اور عربی لکھنا جانتے تھے اور انجیل میں سے جو اللہ لکھوانا چاہتا عربی میں لکھا کرتے تھے اور وہ بہت بوڑھے تھے اندھے ہو گئے تھے۔ حضرت خدیجہؓ نے کہا: چچا اپنے بھتیجے کی بات سنو۔ ورقہ نے کہا: بھتیجے تم کیا دیکھتے ہو؟ نبی ﷺ نے جو دیکھا تھا اس کا حال ان سے بیان کیا۔ ورقہ نے سن کر کہا: یہ تو وہ رازدار ہے جو موسیٰؑ پر نازل کیا گیا تھا، کاش کہ میں اس زمانہ میں جوان ہوتا، اے کاش کہ میں اس زمانہ میں زندہ رہوں۔ اس کے بعد ورقہ نے ایک اور بات کہی۔ رسول اللہ ﷺ نے فرمایا: کیا وہ مجھے نکال دیں گے؟ ورقہ نے کہا: ہاں کوئی شخص بھی وہ بات لے کر نہیں آیا جو تم لائے ہو مگر ضرور ہی اسے ستایا گیا اور اگر تمہارے زمانہ نے مجھے زندہ پایا تو میں کمر باندھ کر تمہاری مدد کروں گا۔ پھر اس کے بعد ورقہ زیادہ دیر نہیں رہا فوت ہوگیا اور وحی بھی کچھ دیر کے لئے موقوف ہو گئی جس سے رسول اللہ ﷺ افسردہ خاطر ہو گئے۔

حَدَّثَنَا يَحْيَى حَدَّثَنَا اللَّيْثُ عَنْ عُقَيْلٍ عَنِ ابْنِ شِهَابٍ حَدَّثَنِي سَعِيدُ بْنُ مَرْوَانَ حَدَّثَنَا مُحَمَّدُ بْنُ عَبْدِ الْعَزِيزِ بْنِ أَبِي رِزْمَةَ أَخْبَرَنَا أَبُو صَالِحٍ سَلْمَوَيْهِ قَالَ حَدَّثَنِي عَبْدُ اللَّهِ عَنْ يُونُسَ بْنِ يَزِيدَ قَالَ أَخْبَرَنِي ابْنُ شِهَابٍ أَنَّ عُرْوَةَ بْنَ الزُّبَيْرِ أَخْبَرَهُ أَنَّ عَائِشَةَ زَوْجَ النَّبِيِّ صلى الله عليه وسلم قَالَتْ كَانَ أَوَّلُ مَا بُدِئَ بِهِ رَسُولُ اللَّهِ صلى الله عليه وسلم الرُّؤْيَا الصَّادِقَةُ فِي النَّوْمِ فَكَانَ لاَ يَرَى رُؤْيَا إِلاَّ جَاءَتْ مِثْلَ فَلَقِ الصُّبْحِ ثُمَّ حُبِّبَ إِلَيْهِ الْخَلاَءُ فَكَانَ يَلْحَقُ بِغَارِ حِرَاءٍ فَيَتَحَنَّثُ فِيهِ ـ قَالَ وَالتَّحَنُّثُ التَّعَبُّدُ ـ اللَّيَالِيَ ذَوَاتِ الْعَدَدِ قَبْلَ أَنْ يَرْجِعَ إِلَى أَهْلِهِ وَيَتَزَوَّدُ لِذَلِكَ ثُمَّ يَرْجِعُ إِلَى خَدِيجَةَ فَيَتَزَوَّدُ بِمِثْلِهَا حَتَّى فَجِئَهُ الْحَقُّ وَهْوَ فِي غَارِ حِرَاءٍ فَجَاءَهُ الْمَلَكُ فَقَالَ اقْرَأْ. فَقَالَ رَسُولُ اللَّهِ صلى الله عليه وسلم " مَا أَنَا بِقَارِئٍ ". قَالَ " فَأَخَذَنِي فَغَطَّنِي حَتَّى بَلَغَ مِنِّي الْجُهْدُ ثُمَّ أَرْسَلَنِي. فَقَالَ اقْرَأْ. قُلْتُ مَا أَنَا بِقَارِئٍ. فَأَخَذَنِي فَغَطَّنِي الثَّانِيِةَ حَتَّى بَلَغَ مِنِّي الْجُهْدُ ثُمَّ أَرْسَلَنِي. فَقَالَ اقْرَأْ. قُلْتُ مَا أَنَا بِقَارِئٍ. فَأَخَذَنِي فَغَطَّنِي الثَّالِثَةَ حَتَّى بَلَغَ مِنِّي الْجُهْدُ ثُمَّ أَرْسَلَنِي. فَقَالَ {اقْرَأْ بِاسْمِ رَبِّكَ الَّذِي خَلَقَ }-{ خَلَقَ الإِنْسَانَ مِنْ عَلَقٍ }-{ اقْرَأْ وَرَبُّكَ الأَكْرَمُ }-{ الَّذِي عَلَّمَ بِالْقَلَمِ} ". الآيَاتِ إِلَى قَوْلِهِ {عَلَّمَ الإِنْسَانَ مَا لَمْ يَعْلَمْ} فَرَجَعَ بِهَا رَسُولُ اللَّهِ صلى الله عليه وسلم تَرْجُفُ بَوَادِرُهُ حَتَّى دَخَلَ عَلَى خَدِيجَةَ فَقَالَ " زَمِّلُونِي زَمِّلُونِي ". فَزَمَّلُوهُ حَتَّى ذَهَبَ عَنْهُ الرَّوْعُ قَالَ لِخَدِيجَةَ " أَىْ خَدِيجَةُ مَا لِي لَقَدْ خَشِيتُ عَلَى نَفْسِي ". فَأَخْبَرَهَا الْخَبَرَ. قَالَتْ خَدِيجَةُ كَلاَّ أَبْشِرْ فَوَاللَّهِ لاَ يُخْزِيكَ اللَّهُ أَبَدًا فَوَاللَّهِ إِنَّكَ لَتَصِلُ الرَّحِمَ وَتَصْدُقُ الْحَدِيثَ وَتَحْمِلُ الْكَلَّ وَتَكْسِبُ الْمَعْدُومَ وَتَقْرِي الضَّيْفَ وَتُعِينُ عَلَى نَوَائِبِ الْحَقِّ. فَانْطَلَقَتْ بِهِ خَدِيجَةُ حَتَّى أَتَتْ بِهِ وَرَقَةَ بْنَ نَوْفَلٍ وَهْوَ ابْنُ عَمِّ خَدِيجَةَ أَخِي أَبِيهَا وَكَانَ امْرَأً تَنَصَّرَ فِي الْجَاهِلِيَّةِ وَكَانَ يَكْتُبُ الْكِتَابَ الْعَرَبِيَّ وَيَكْتُبُ مِنَ الإِنْجِيلِ بِالْعَرَبِيَّةِ مَا شَاءَ اللَّهُ أَنْ يَكْتُبَ وَكَانَ شَيْخًا كَبِيرًا قَدْ عَمِيَ فَقَالَتْ خَدِيجَةُ يَا ابْنَ عَمِّ اسْمَعْ مِنِ ابْنِ أَخِيكَ. قَالَ وَرَقَةُ يَا ابْنَ أَخِي مَاذَا تَرَى فَأَخْبَرَهُ النَّبِيُّ صلى الله عليه وسلم خَبَرَ مَا رَأَى. فَقَالَ وَرَقَةُ هَذَا النَّامُوسُ الَّذِي أُنْزِلَ عَلَى مُوسَى لَيْتَنِي فِيهَا جَذَعًا لَيْتَنِي أَكُونُ حَيًّا. ذَكَرَ حَرْفًا. قَالَ رَسُولُ اللَّهِ صلى الله عليه وسلم " أَوَمُخْرِجِيَّ هُمْ ". قَالَ وَرَقَةُ نَعَمْ لَمْ يَأْتِ رَجُلٌ بِمَا جِئْتَ بِهِ إِلاَّ أُوذِيَ وَإِنْ يُدْرِكْنِي يَوْمُكَ حَيًّا أَنْصُرْكَ نَصْرًا مُؤَزَّرًا. ثُمَّ لَمْ يَنْشَبْ وَرَقَةُ أَنْ تُوُفِّيَ وَفَتَرَ الْوَحْىُ فَتْرَةً حَتَّى حَزِنَ رَسُولُ اللَّهِ صلى الله عليه وسلم.

Urdu translation: Hazrat Syed Zain-ul-Abidin Waliullah Shah

صحیح بخاری 4954

محمد بن شہاب کہتے تھے۔ مجھے ابو سلمہ (بن عبد الرحمٰن) نے بتایا کہ حضرت جابر بن عبداللہ انصاری رضی اللہ عنہما نے کہا: رسول اللہ ﷺ نے فرمایا اور آپؐ اس وقت وحی کے موقوف ہونے کے متعلق باتیں کر رہے تھے۔ آپؐ نے اپنی گفتگو کے اثناء میں فرمایا: ایک بار میں چلا جا رہا تھا کہ میں نے آسمان سے ایک آواز سنی۔ میں نے اپنی نظر جو اٹھائی تو کیا دیکھتا ہوں کہ وہی فرشتہ ہے جو میرے پاس حرا میں آیا تھا وہ آسمان اور زمین کے درمیان ایک کرسی پر بیٹھا ہے۔ میں اس سے ڈر گیا اور لوٹ گیا۔ میں نے کہا: مجھے کمبل اوڑھاؤ، مجھے کمبل اوڑھاؤ۔ انہوں نے آپؐ کو کپڑا اوڑھا دیا۔ پھر اللہ تعالیٰ نے یہ آیتیں نازل کیں یعنی اے بارانی کوٹ پہن کر کھڑے ہونے والے، کھڑا ہو جا اور دور دور جا کے لوگوں کو ہوشیار کر، اور اپنے ربّ کی بڑائی بیان کر، اور اپنے پاس رہنے والے لوگوں کو پاک کر، اور شرک کو مٹا ڈال۔ ابو سلمہ نے کہا: (رُجْز سے مراد) وہ بت ہیں جن کو زمانہ جاہلیت کے لوگ پوجا کرتے تھے۔ کہتے تھے: پھر اس کے بعد وحی لگاتار آنے لگی۔

قَالَ مُحَمَّدُ بْنُ شِهَابٍ فَأَخْبَرَنِي أَبُو سَلَمَةَ أَنَّ جَابِرَ بْنَ عَبْدِ اللَّهِ الأَنْصَارِيِّ ـ رضى الله عنهما ـ قَالَ قَالَ رَسُولُ اللَّهِ صلى الله عليه وسلم وَهْوَ يُحَدِّثُ عَنْ فَتْرَةِ الْوَحْىِ قَالَ فِي حَدِيثِهِ " بَيْنَا أَنَا أَمْشِي سَمِعْتُ صَوْتًا مِنَ السَّمَاءِ فَرَفَعْتُ بَصَرِي فَإِذَا الْمَلَكُ الَّذِي جَاءَنِي بِحِرَاءٍ جَالِسٌ عَلَى كُرْسِيٍّ بَيْنَ السَّمَاءِ وَالأَرْضِ فَفَرِقْتُ مِنْهُ فَرَجَعْتُ فَقُلْتُ زَمِّلُونِي زَمِّلُونِي ". فَدَثَّرُوهُ فَأَنْزَلَ اللَّهُ تَعَالَى {يَا أَيُّهَا الْمُدَّثِّرُ }-{ قُمْ فَأَنْذِرْ }-{ وَرَبَّكَ فَكَبِّرْ }-{ وَثِيَابَكَ فَطَهِّرْ }-{ وَالرِّجْزَ فَاهْجُرْ}. قَالَ أَبُو سَلَمَةَ وَهْىَ الأَوْثَانُ الَّتِي كَانَ أَهْلُ الْجَاهِلِيَّةِ يَعْبُدُونَ. قَالَ ثُمَّ تَتَابَعَ الْوَحْىُ.

Urdu translation: Hazrat Syed Zain-ul-Abidin Waliullah Shah

صحیح بخاری 4955

(یحيٰ) بن بکیر نے ہم سے بیان کیا کہ لیث (بن سعد) نے ہمیں بتایا، انہوں نے عقیل سے، عقیل نے ابن شہاب سے، ابن شہاب نے عروہ سے روایت کی کہ حضرت عائشہ رضی اللہ عنہا فرماتی تھیں: پہلے پہل جو قسم وحی کی رسول اللہ ﷺ سے شروع ہوئی وہ اچھی خوابیں تھیں۔ پھر آپؐ کے پاس فرشتہ آیا اور اس نے کہا: اپنے ربّ کا نام لے کر پڑھ جس نے (سب اشیاء کو) پیدا کیا (اور جس نے) انسان کو ایک خون کے لوتھڑے سے پیدا کیا (پھر ہم کہتے ہیں کہ قرآن کو) پڑھ کر سناتا رہ کیونکہ تیرا ربّ بڑا کریم ہے۔

حَدَّثَنَا ابْنُ بُكَيْرٍ حَدَّثَنَا اللَّيْثُ عَنْ عُقَيْلٍ عَنِ ابْنِ شِهَابٍ عَنْ عُرْوَةَ أَنَّ عَائِشَةَ ـ رضى الله عنها ـ قَالَتْ أَوَّلُ مَا بُدِئَ بِهِ رَسُولُ اللَّهِ صلى الله عليه وسلم الرُّؤْيَا الصَّالِحَةُ فَجَاءَهُ الْمَلَكُ فَقَالَ {اقْرَأْ بِاسْمِ رَبِّكَ الَّذِي خَلَقَ }-{ خَلَقَ الإِنْسَانَ مِنْ عَلَقٍ }-{ اقْرَأْ وَرَبُّكَ الأَكْرَمُ}

Urdu translation: Hazrat Syed Zain-ul-Abidin Waliullah Shah

صحیح بخاری 4956

عبداللہ بن محمد (مسندی) نے ہم سے بیان کیا کہ عبدالرزاق نے ہمیں بتایا۔ معمر نے ہمیں خبر دی۔ معمر نے زہری سے روایت کی۔ اور لیث (بن سعد) نے کہا: عقیل نے مجھے بتایا: محمد (بن شہاب) نے کہا: عروہ نے مجھے خبر دی، عروہ نے حضرت عائشہ رضی اللہ عنہا سے روایت کی۔ پہلے پہل جو رسول اللہ ﷺ کو شروع ہوئیں تو وہ سچی خوابیں تھیں۔ آپؐ کے پاس فرشتہ آیا اور اس نے کہا: اپنے ربّ کا نام لے کر پڑھ جس نے (سب اشیاء کو) پیدا کیا (اور جس نے) انسان کو ایک خون کے لوتھڑے سے پیدا کیا (پھر ہم کہتے ہیں کہ قرآن کو) پڑھ کر سناتا رہ کیونکہ تیرا ربّ بڑا کریم ہے۔ وہ ربّ جس نے قلم کے ساتھ علم سکھایا (ہے اور آئندہ بھی سکھائے گا۔)

حَدَّثَنَا عَبْدُ اللَّهِ بْنُ مُحَمَّدٍ حَدَّثَنَا عَبْدُ الرَّزَّاقِ أَخْبَرَنَا مَعْمَرٌ عَنِ الزُّهْرِيِّ ح وَقَالَ اللَّيْثُ حَدَّثَنِي عُقَيْلٌ قَالَ مُحَمَّدُ أَخْبَرَنِي عُرْوَةُ عَنْ عَائِشَةَ ـ رضى الله عنها. أَوَّلُ مَا بُدِئَ بِهِ رَسُولُ اللَّهِ صلى الله عليه وسلم الرُّؤْيَا الصَّادِقَةُ جَاءَهُ الْمَلَكُ فَقَالَ {اقْرَأْ بِاسْمِ رَبِّكَ الَّذِي خَلَقَ }-{ خَلَقَ الإِنْسَانَ مِنْ عَلَقٍ }-{ اقْرَأْ وَرَبُّكَ الأَكْرَمُ }-{ الَّذِي عَلَّمَ بِالْقَلَمِ}

Urdu translation: Hazrat Syed Zain-ul-Abidin Waliullah Shah

صحیح بخاری 4957

عبداللہ بن یوسف نے ہم سے بیان کیا کہ لیث نے ہمیں بتایا۔ انہوں نے عقیل سے، عقیل نے ابن شہاب سے روایت کی۔ اُنہوں نے کہا: میں نے عروہ سے سنا، حضرت عائشہ رضی اللہ عنہا فرماتی تھیں: پھر نبی ﷺ حضرت خدیجہؓ کے پاس لوٹ آئے۔ پھر فرمایا: مجھے کپڑا اُوڑھاؤ، مجھے کپڑا اُوڑھاؤ۔ پھر یہی حدیث بیان کی۔

حَدَّثَنَا عَبْدُ اللَّهِ بْنُ يُوسُفَ حَدَّثَنَا اللَّيْثُ عَنْ عُقَيْلٍ عَنِ ابْنِ شِهَابٍ قَالَ سَمِعْتُ عُرْوَةَ قَالَتْ عَائِشَةُ ـ رضى الله عنها ـ فَرَجَعَ النَّبِيُّ صلى الله عليه وسلم إِلَى خَدِيجَةَ فَقَالَ " زَمِّلُونِي زَمِّلُونِي ". فَذَكَرَ الْحَدِيثَ

Urdu translation: Hazrat Syed Zain-ul-Abidin Waliullah Shah

صحیح بخاری 4958

یحيٰ (بن موسیٰ) نے ہم سے بیان کیا کہ عبدالرزاق نے ہم سے بیان کیا۔ انہوں نے معمر سے، معمر نے عبدالکریم جزری سے، عبدالکریم نے عکرمہ سے روایت کی۔ (انہوں نے کہا:) حضرت ابن عباسؓ کہتے تھے: ابوجہل نے کہا: اگر میں محمد(ﷺ) کو کعبہ کے پاس نماز پڑھتے دیکھ پایا تو میں اس کی گردن کچل ڈالوں گا۔ یہ خبر نبی ﷺ کے پاس پہنچی تو آپؐ نے فرمایا: اگر وہ ایسا کرتا تو فرشتے اس کو پکڑ لیتے۔ (عبدالرزاق کی طرح) عمرو بن خالد نے بھی اس حدیث کو روایت کیا ہے۔ انہوں نے عبیداللہ (بن عمر و رَقی) سے، عبیداللہ نے عبدالکریم سے روایت کیا۔

حَدَّثَنَا يَحْيَى حَدَّثَنَا عَبْدُ الرَّزَّاقِ عَنْ مَعْمَرٍ عَنْ عَبْدِ الْكَرِيمِ الْجَزَرِيِّ عَنْ عِكْرِمَةَ قَالَ ابْنُ عَبَّاسٍ قَالَ أَبُو جَهْلٍ لَئِنْ رَأَيْتُ مُحَمَّدًا يُصَلِّي عِنْدَ الْكَعْبَةِ لأَطَأَنَّ عَلَى عُنُقِهِ. فَبَلَغَ النَّبِيَّ صلى الله عليه وسلم فَقَالَ " لَوْ فَعَلَهُ لأَخَذَتْهُ الْمَلاَئِكَةُ ". تَابَعَهُ عَمْرُو بْنُ خَالِدٍ عَنْ عُبَيْدِ اللَّهِ عَنْ عَبْدِ الْكَرِيمِ.

Urdu translation: Hazrat Syed Zain-ul-Abidin Waliullah Shah

صحیح بخاری 4959

محمد بن بشار نے ہم سے بیان کیا کہ غندر نے ہمیں بتایا، (انہوں نے کہا:) شعبہ نے ہم سے بیان کیا۔ انہوں نے کہا: میں نے قتادہ سے سنا، اُنہوں نے حضرت انس بن مالک رضی اللہ عنہ سے روایت کی کہ نبی ﷺ نے حضرت اُبَیّ (بن کعبؓ) سے فرمایا: اللہ نے مجھے یہ حکم دیا ہے کہ تمہارے سامنے لَمْ يَكُنِ الَّذِيْنَ سورة پڑھوں۔ حضرت اُبَیّ بن کعبؓ نے پوچھا: اللہ نے میرا نام لیا تھا؟ آپؐ نے فرمایا: ہاں۔ وہ یہ سن کر رو پڑے۔

حَدَّثَنَا مُحَمَّدُ بْنُ بَشَّارٍ حَدَّثَنَا غُنْدَرٌ حَدَّثَنَا شُعْبَةُ سَمِعْتُ قَتَادَةَ عَنْ أَنَسِ بْنِ مَالِكٍ ـ رضى الله عنه ـ قَالَ النَّبِيُّ صلى الله عليه وسلم لأُبَىٍّ. " إِنَّ اللَّهَ أَمَرَنِي أَنْ أَقْرَأَ عَلَيْكَ {لَمْ يَكُنِ الَّذِينَ كَفَرُوا} ". قَالَ وَسَمَّانِي قَالَ " نَعَمْ ". فَبَكَى.

Urdu translation: Hazrat Syed Zain-ul-Abidin Waliullah Shah

صحیح بخاری 4960

حسان بن حسان نے ہم سے بیان کیا کہ ہمام نے ہمیں بتایا، انہوں نے قتادہ سے، قتادہ نے حضرت انس رضی اللہ عنہ سے روایت کی، اُنہوں نے کہا: نبی ﷺ نے حضرت اُبَیؓ سے فرمایا کہ اللہ نے مجھے حکم دیا ہے کہ میں تمہارے سامنے قرآن پڑھوں۔ حضرت اُبَیؓ نے کہا: کیا اللہ نے آپؐ سے میرا نام لیا تھا؟ آپؐ نے فرمایا: اللہ نے تمہارا نام لے کر مجھے فرمایا۔ یہ سن کر حضرت اُبَیؓ رونے لگے۔ قتادہ کہتے تھے اور مجھے یہ بتایا گیا کہ آپؐ نے ان کیلئے یہ سورة پڑھی: لَمْ يَكُنِ الَّذِيْنَ كَفَرُوْا مِنْ اَهْلِ الْكِتٰبِ وہ لوگ جنہوں نے کفر کیا ہے یعنی اہلِ کتاب (اپنے کفر سے باز رہنے والے) نہ تھے۔

حَدَّثَنَا حَسَّانُ بْنُ حَسَّانَ حَدَّثَنَا هَمَّامٌ عَنْ قَتَادَةَ عَنْ أَنَسٍ ـ رضى الله عنه ـ قَالَ قَالَ النَّبِيُّ صلى الله عليه وسلم لأُبَىٍّ " إِنَّ اللَّهَ أَمَرَنِي أَنْ أَقْرَأَ عَلَيْكَ الْقُرْآنَ ". قَالَ أُبَىٌّ آللَّهُ سَمَّانِي لَكَ قَالَ " اللَّهُ سَمَّاكَ لِي ". فَجَعَلَ أُبَىٌّ يَبْكِي. قَالَ قَتَادَةُ فَأُنْبِئْتُ أَنَّهُ قَرَأَ عَلَيْهِ {لَمْ يَكُنِ الَّذِينَ كَفَرُوا مِنْ أَهْلِ الْكِتَابِ}

Urdu translation: Hazrat Syed Zain-ul-Abidin Waliullah Shah

صحیح بخاری 4961

احمد بن ابی داؤد ابوجعفر منادی نے ہم سے بیان کیا کہ روح (بن عبادہ) نے ہمیں بتایا کہ سعید بن ابی عروبہ نے ہمیں بتایا، انہوں نے قتادہ سے، قتادہ نے حضرت انس بن مالکؓ سے روایت کی کہ اللہ کے نبی ﷺ نے حضرت اُبَیّ بن کعبؓ سے فرمایا: اللہ نے مجھے حکم دیا ہے کہ میں تمہیں قرآن پڑھ کر سناؤں۔ حضرت اُبَیؓ نے کہا: کیا اللہ نے میرا نام لے کر آپؐ سے فرمایا؟ آپؐ نے فرمایا: ہاں۔ حضرت اُبَیؓ نے کہا: کیا رب العالمین کے پاس میرا بھی ذکر کیا گیا تھا؟ آپؐ نے فرمایا: ہاں۔ یہ سن کر ان کی آنکھوں سے آنسو بہنے لگے۔

حَدَّثَنَا أَحْمَدُ بْنُ أَبِي دَاوُدَ أَبُو جَعْفَرٍ الْمُنَادِي حَدَّثَنَا رَوْحٌ حَدَّثَنَا سَعِيدُ بْنُ أَبِي عَرُوبَةَ عَنْ قَتَادَةَ عَنْ أَنَسِ بْنِ مَالِكٍ أَنَّ نَبِيَّ اللَّهِ صلى الله عليه وسلم قَالَ لأُبَىِّ بْنِ كَعْبٍ " إِنَّ اللَّهَ أَمَرَنِي أَنْ أُقْرِئَكَ الْقُرْآنَ ". قَالَ آللَّهُ سَمَّانِي لَكَ قَالَ " نَعَمْ ". قَالَ وَقَدْ ذُكِرْتُ عِنْدَ رَبِّ الْعَالَمِينَ قَالَ " نَعَمْ ". فَذَرَفَتْ عَيْنَاهُ.

Urdu translation: Hazrat Syed Zain-ul-Abidin Waliullah Shah

صحیح بخاری 4962

اسماعیل بن عبداللہ نے ہم سے بیان کیا کہ مالک نے ہمیں بتایا۔ انہوں نے زید بن اسلم سے، زید نے ابو صالح سمان سے، ابو صالح نے حضرت ابو ہریرہ رضی اللہ عنہ سے روایت کی کہ رسول اللہ ﷺ نے فرمایا: گھوڑے تین قسم کے لوگوں کے لیے ہوتے ہیں۔ کسی شخص کے لئے اجر کا موجب اور کسی شخص کے لئے پردہ پوشی کا موجب اور کسی شخص کے لئے گناہ کا موجب۔ جس کو تو ثواب ملتا ہے وہ شخص ہے جس نے اللہ کی راہ میں ان کو باندھے رکھا اور چراگاہ یا باغ میں ان کی رسی لمبی کر دی تو انہوں نے رسی کی لمبائی میں جو کچھ اس چراگاہ یا باغ سے چرا تو اس قدر اس کے لئے نیکیاں ہوں گی۔ اگر وہ اپنی رسی توڑ کر ایک دو میل کودتے پھاندتے بھاگ جائیں تو ان کے قدموں کے نشان ان کی لید یہ بھی اس شخص کے لئے نیکی کا موجب ہو گی اور اگر وہ کسی ندی سے گزریں اور پانی پئیں اور وہ پانی نہ پلانا چاہتا ہو تو یہ بھی اس کے لئے نیکیوں کا موجب ہو گا۔ اس لئے یہ گھوڑے ایسے شخص کے لئے ثواب کا موجب ہیں اور ایک وہ شخص ہے جس نے ان کو روپیہ کمانے یا مانگنے سے بچنے کے لئے باندھا اور اللہ کے اس حق کو نہ بھولا جو کہ ان کی گردنوں میں ہے اور نہ اس حق کو جو ان کی پیٹھوں میں ہے تو یہ گھوڑے اس کے لئے پردہ پوشی کا موجب ہوں گے اور وہ شخص جس نے ان کو فخر اور دکھلاوے اور ضد بضدی مقابلہ کرنے کی وجہ سے باندھا تو وہ اس کے لئے عذاب کا موجب ہوں گے۔ اور رسول اللہ ﷺ سے گدھوں کے متعلق پوچھا گیا تو آپؐ نے فرمایا: ان کے متعلق سوائے اس اکیلی آیت کے جو سب پر حاوی ہے مجھ پر اور کچھ نازل نہیں ہوا۔ یعنی پھر جس نے ایک ذرہ کے برابر (بھی) نیکی کی ہو گی وہ اس (کے نتیجہ) کو دیکھ لے گا۔ اور جس نے ایک ذرہ کے برابر بھی بدی کی ہو گی وہ اس (کے نتیجہ) کو دیکھ لے گا۔

حَدَّثَنَا إِسْمَاعِيلُ بْنُ عَبْدِ اللَّهِ حَدَّثَنَا مَالِكٌ عَنْ زَيْدِ بْنِ أَسْلَمَ عَنْ أَبِي صَالِحٍ السَّمَّانِ عَنْ أَبِي هُرَيْرَةَ ـ رضى الله عنه ـ أَنَّ رَسُولَ اللَّهِ صلى الله عليه وسلم قَالَ " الْخَيْلُ لِثَلاَثَةٍ لِرَجُلٍ أَجْرٌ وَلِرَجُلٍ سِتْرٌ وَعَلَى رَجُلٍ وِزْرٌ فَأَمَّا الَّذِي لَهُ أَجْرٌ فَرَجُلٌ رَبَطَهَا فِي سَبِيلِ اللَّهِ فَأَطَالَ لَهَا فِي مَرْجٍ أَوْ رَوْضَةٍ فَمَا أَصَابَتْ فِي طِيَلِهَا ذَلِكَ فِي الْمَرْجِ وَالرَّوْضَةِ كَانَ لَهُ حَسَنَاتٍ وَلَوْ أَنَّهَا قَطَعَتْ طِيَلَهَا فَاسْتَنَّتْ شَرَفًا أَوْ شَرَفَيْنِ كَانَتْ آثَارُهَا وَأَرْوَاثُهَا حَسَنَاتٍ لَهُ وَلَوْ أَنَّهَا مَرَّتْ بِنَهَرٍ فَشَرِبَتْ مِنْهُ وَلَمْ يُرِدْ أَنْ يَسْقِيَ بِهِ كَانَ ذَلِكَ حَسَنَاتٍ لَهُ فَهْىَ لِذَلِكَ الرَّجُلِ أَجْرٌ وَرَجُلٌ رَبَطَهَا تَغَنِّيًا وَتَعَفُّفًا وَلَمْ يَنْسَ حَقَّ اللَّهِ فِي رِقَابِهَا وَلاَ ظُهُورِهَا فَهْىَ لَهُ سِتْرٌ وَرَجُلٌ رَبَطَهَا فَخْرًا وَرِئَاءً وَنِوَاءً فَهْىَ عَلَى ذَلِكَ وِزْرٌ. فَسُئِلَ رَسُولُ اللَّهِ صلى الله عليه وسلم عَنِ الْحُمُرِ. قَالَ " مَا أَنْزَلَ اللَّهُ عَلَىَّ فِيهَا إِلاَّ هَذِهِ الآيَةَ الْفَاذَّةَ الْجَامِعَةَ {فَمَنْ يَعْمَلْ مِثْقَالَ ذَرَّةٍ خَيْرًا يَرَهُ }-{ وَمَنْ يَعْمَلْ مِثْقَالَ ذَرَّةٍ شَرًّا يَرَهُ}

Urdu translation: Hazrat Syed Zain-ul-Abidin Waliullah Shah

صحیح بخاری 4963

یحيٰ بن سلیمان نے ہم سے بیان کیا انہوں نے کہا: (عبداللہ) بن وہب نے مجھے بتایا۔ انہوں نے کہا: مالک نے مجھے خبر دی۔ مالک نے زید بن اسلم سے، زید نے ابوصالح سمان سے، ابوصالح نے حضرت ابوہریرہ رضی اللہ عنہ سے روایت کی۔ (انہوں نے کہا:) نبی ﷺ سے گدھوں کے متعلق پوچھا گیا تو آپؐ نے فرمایا: ان کے متعلق مجھ پر کچھ نازل نہیں کیا گیا سوائے اس اکیلی آیت کے جو جامع ہے۔ یعنی پھر جس نے ایک ذرہ کے برابر (بھی) نیکی کی ہو گی وہ اس (کے نتیجہ) کو دیکھ لے گا۔ اور جس نے ایک ذرہ کے برابر بھی بدی کی ہو گی وہ اس (کے نتیجہ) کو دیکھ لے گا۔

حَدَّثَنَا يَحْيَى بْنُ سُلَيْمَانَ قَالَ حَدَّثَنِي ابْنُ وَهْبٍ قَالَ أَخْبَرَنِي مَالِكٌ عَنْ زَيْدِ بْنِ أَسْلَمَ عَنْ أَبِي صَالِحٍ السَّمَّانِ عَنْ أَبِي هُرَيْرَةَ رضى الله عنه سُئِلَ النَّبِيُّ صلى الله عليه وسلم عَنِ الْحُمُرِ فَقَالَ " لَمْ يُنْزَلْ عَلَىَّ فِيهَا شَىْءٌ إِلاَّ هَذِهِ الآيَةُ الْجَامِعَةُ الْفَاذَّةُ {فَمَنْ يَعْمَلْ مِثْقَالَ ذَرَّةٍ خَيْرًا يَرَهُ }-{ وَمَنْ يَعْمَلْ مِثْقَالَ ذَرَّةٍ شَرًّا يَرَهُ}".

Urdu translation: Hazrat Syed Zain-ul-Abidin Waliullah Shah

صحیح بخاری 4964

آدم (بن ابی ایاس) نے ہمیں بتایا کہ شیبان (بن عبدالرحمٰن) نے ہم سے بیان کیا۔ قتادہ نے ہمیں بتایا۔ اُنہوں نے حضرت انس رضی اللہ عنہ سے روایت کی۔ انہوں نے کہا: جب نبی ﷺ کو (معراج میں) آسمان پر لے جایا گیا، آپؐ نے فرمایا: تو میں ایک ندی پر پہنچا جس کے دونوں کناروں پر خولدار موتیوں کے خیمے لگے ہوئے تھے۔ میں نے کہا: جبرائیل یہ کیا ہے؟ انہوں نے کہا: یہ کوثر ہے۔

حَدَّثَنَا آدَمُ حَدَّثَنَا شَيْبَانُ حَدَّثَنَا قَتَادَةُ عَنْ أَنَسٍ ـ رضى الله عنه ـ قَالَ لَمَّا عُرِجَ بِالنَّبِيِّ صلى الله عليه وسلم إِلَى السَّمَاءِ قَالَ " أَتَيْتُ عَلَى نَهَرٍ حَافَتَاهُ قِبَابُ اللُّؤْلُؤِ مُجَوَّفًا فَقُلْتُ مَا هَذَا يَا جِبْرِيلُ قَالَ هَذَا الْكَوْثَرُ ".

Urdu translation: Hazrat Syed Zain-ul-Abidin Waliullah Shah

صحیح بخاری 4965

خالد بن یزید کاہلی نے ہم سے بیان کیا کہ اسرائیل نے ہمیں بتایا۔ انہوں نے ابو اسحاق سے، ابو اسحاق نے ابو عبیدہ سے، ابو عبیدہ نے حضرت عائشہ رضی اللہ عنہا سے روایت کی، ابو عبیدہ نے کہا میں نے حضرت عائشہؓ سے اللہ تعالیٰ کے اس قول یعنی (اے نبیؐ!) یقیناً ہم نے تجھے کوثر عطا کیا ہے، کے متعلق پوچھا، انہوں نے فرمایا: یہ ایک دریا ہے جو تمہارے نبی ﷺ کو دیا گیا۔ اس کے دونوں کناروں پر خولدار موتی ہیں جس کے برتن ستاروں کی تعداد میں ہیں۔ اس حدیث کو زکریا، ابو الاحوص اور مطرف نے ابو اسحاق سے روایت کیا۔

حَدَّثَنَا خَالِدُ بْنُ يَزِيدَ الْكَاهِلِيُّ حَدَّثَنَا إِسْرَائِيلُ عَنْ أَبِي إِسْحَاقَ عَنْ أَبِي عُبَيْدَةَ عَنْ عَائِشَةَ ـ رضى الله عنها ـ قَالَ سَأَلْتُهَا عَنْ قَوْلِهِ تَعَالَى {إِنَّا أَعْطَيْنَاكَ الْكَوْثَرَ} قَالَتْ نَهَرٌ أُعْطِيَهُ نَبِيُّكُمْ صلى الله عليه وسلم شَاطِئَاهُ عَلَيْهِ دُرٌّ مُجَوَّفٌ آنِيَتُهُ كَعَدَدِ النُّجُومِ. رَوَاهُ زَكَرِيَّاءُ وَأَبُو الأَحْوَصِ وَمُطَرِّفٌ عَنْ أَبِي إِسْحَاقَ.

Urdu translation: Hazrat Syed Zain-ul-Abidin Waliullah Shah

صحیح بخاری 4966

یعقوب بن ابراہیم نے ہم سے بیان کیا کہ ہشیم نے ہمیں بتایا کہ ابوبشر نے ہم سے بیان کیا، ابوبشر نے سعید بن جبیر سے، سعید نے حضرت ابن عباس رضی اللہ عنہما سے روایت کی۔ انہوں نے کوثر کے متعلق کہا کہ یہ وہ بھلائی ہے جو اللہ نے آنحضرت ﷺ کو دی۔ ابوبشر کہتے تھے: میں نے سعید بن جبیر سے کہا کہ لوگ خیال کرتے ہیں کہ وہ جنت میں ایک دریا ہوگا۔ سعید نے کہا: وہ دریا جو جنت میں ہوگا وہ بھی اس بھلائی سے ہے جو اللہ نے آنحضرت ﷺ کو عطا کی۔

حَدَّثَنَا يَعْقُوبُ بْنُ إِبْرَاهِيمَ حَدَّثَنَا هُشَيْمٌ حَدَّثَنَا أَبُو بِشْرٍ عَنْ سَعِيدِ بْنِ جُبَيْرٍ عَنِ ابْنِ عَبَّاسٍ ـ رضى الله عنهما ـ أَنَّهُ قَالَ فِي الْكَوْثَرِ هُوَ الْخَيْرُ الَّذِي أَعْطَاهُ اللَّهُ إِيَّاهُ. قَالَ أَبُو بِشْرٍ قُلْتُ لِسَعِيدِ بْنِ جُبَيْرٍ فَإِنَّ النَّاسَ يَزْعُمُونَ أَنَّهُ نَهَرٌ فِي الْجَنَّةِ. فَقَالَ سَعِيدٌ النَّهَرُ الَّذِي فِي الْجَنَّةِ مِنَ الْخَيْرِ الَّذِي أَعْطَاهُ اللَّهُ إِيَّاهُ.

Urdu translation: Hazrat Syed Zain-ul-Abidin Waliullah Shah

صحیح بخاری 4967

حسن بن ربیع نے ہم سے بیان کیا کہ ابوالاحوص نے ہمیں بتایا۔ انہوں نے اعمش سے، اعمش نے ابوالضحیٰ سے، ابوالضحیٰ نے مسروق سے، مسروق نے حضرت عائشہ رضی اللہ عنہا سے روایت کی۔ وہ بیان فرماتی ہیں کہ اِذَا جَآءَ نَصْرُ اللّٰهِ وَ الْفَتْحُ کے نازل ہونے کے بعد نبی ﷺ نے کوئی بھی نماز نہیں پڑھی مگر آپؐ اس میں یہ کہا کرتے تھے: پاک ذات ہے تو اے ہمارے ربّ اور اپنی حمد کے ساتھ، اے اللہ پردہ پوشی فرما کر مجھ سے درگزر فرما۔

حَدَّثَنَا الْحَسَنُ بْنُ الرَّبِيعِ حَدَّثَنَا أَبُو الأَحْوَصِ عَنِ الأَعْمَشِ عَنْ أَبِي الضُّحَى عَنْ مَسْرُوقٍ عَنْ عَائِشَةَ ـ رضى الله عنها ـ قَالَتْ مَا صَلَّى النَّبِيُّ صلى الله عليه وسلم صَلاَةً بَعْدَ أَنْ نَزَلَتْ عَلَيْهِ {إِذَا جَاءَ نَصْرُ اللَّهِ وَالْفَتْحُ} إِلاَّ يَقُولُ فِيهَا " سُبْحَانَكَ رَبَّنَا وَبِحَمْدِكَ اللَّهُمَّ اغْفِرْ لِي ".

Urdu translation: Hazrat Syed Zain-ul-Abidin Waliullah Shah

صحیح بخاری 4968

عثمان بن ابی شیبہ نے ہم سے بیان کیا کہ جریر (بن عبدالحمید) نے ہمیں بتایا۔ انہوں نے منصور (بن معتمر) سے، منصور نے ابوالضحیٰ سے، ابوالضحیٰ نے مسروق سے، مسروق نے حضرت عائشہ رضی اللہ عنہا سے روایت کی۔ وہ بیان فرماتی ہیں: رسول اللہ ﷺ اپنے رکوع اور سجدے میں یہ بہت کہا کرتے تھے۔ یعنی پاک ذات ہے تو اے ہمارے ربّ اور اپنی حمد کے ساتھ۔ اے اللہ پردہ پوشی فرما کر مجھ سے درگزر فرما۔ قرآن شریف سے آپؐ نے استنباط کیا۔

حَدَّثَنَا عُثْمَانُ بْنُ أَبِي شَيْبَةَ حَدَّثَنَا جَرِيرٌ عَنْ مَنْصُورٍ عَنْ أَبِي الضُّحَى عَنْ مَسْرُوقٍ عَنْ عَائِشَةَ ـ رضى الله عنها ـ قَالَتْ كَانَ رَسُولُ اللَّهِ صلى الله عليه وسلم يُكْثِرُ أَنْ يَقُولَ فِي رُكُوعِهِ وَسُجُودِهِ " سُبْحَانَكَ اللَّهُمَّ رَبَّنَا وَبِحَمْدِكَ اللَّهُمَّ اغْفِرْ لِي ". يَتَأَوَّلُ الْقُرْآنَ.

Urdu translation: Hazrat Syed Zain-ul-Abidin Waliullah Shah

صحیح بخاری 4969

عبداللہ بن ابی شیبہ نے ہم سے بیان کیا کہ عبدالرحمٰن (بن مہدی) نے ہمیں بتایا۔ انہوں نے سفیان (ثوری) سے، سفیان نے حبیب بن ابی ثابت سے، حبیب نے سعید بن جبیر سے، سعید نے حضرت ابن عباسؓ سے روایت کی کہ حضرت عمر رضی اللہ عنہ نے صحابہ سے اللہ تعالیٰ کے اس قول یعنی جب اللہ کی مدد اور کامل غلبہ آ جائے گا، کے متعلق پوچھا تو اُنہوں نے کہا: اس سے مراد شہروں اور محلات کا فتح کیا جانا ہے۔ حضرت عمر ؓ نے (مجھ سے) کہا: ابنِ عباسؓ تم کیا کہتے ہو ؟ انہوں نے کہا: یہ محمد ﷺ کی وفات ہے یا مثال ہے جو آپؐ کے لئے بیان کی گئی جس میں آپؐ کو آپؐ کی وفات کی خبر دی گئی ہے۔

حَدَّثَنَا عَبْدُ اللَّهِ بْنُ أَبِي شَيْبَةَ حَدَّثَنَا عَبْدُ الرَّحْمَنِ عَنْ سُفْيَانَ عَنْ حَبِيبِ بْنِ أَبِي ثَابِتٍ عَنْ سَعِيدِ بْنِ جُبَيْرٍ عَنِ ابْنِ عَبَّاسٍ أَنَّ عُمَرَ ـ رضى الله عنه ـ سَأَلَهُمْ عَنْ قَوْلِهِ تَعَالَى {إِذَا جَاءَ نَصْرُ اللَّهِ وَالْفَتْحُ} قَالُوا فَتْحُ الْمَدَائِنِ وَالْقُصُورِ قَالَ مَا تَقُولُ يَا ابْنَ عَبَّاسٍ قَالَ أَجَلٌ أَوْ مَثَلٌ ضُرِبَ لِمُحَمَّدٍ صلى الله عليه وسلم نُعِيَتْ لَهُ نَفْسُهُ.

Urdu translation: Hazrat Syed Zain-ul-Abidin Waliullah Shah

صحیح بخاری 4970

موسیٰ بن اسماعیل نے ہم سے بیان کیا کہ ابوعوانہ نے ہمیں بتایا۔ انہوں نے ابوبشر سے، ابوبشر نے سعید بن جبیر سے، سعید نے حضرت ابن عباسؓ سے روایت کی۔ انہوں نے کہا: حضرت عمرؓ مجھے ان بڑی عمر کے صحابہ کے ساتھ (گھر میں) بلایا کرتے تھے جو بدر میں شریک تھے ان میں سے کسی نے اپنے نفس میں بُرا منایا اور کہا: آپؓ اس کو ہمارے ساتھ کیوں بلاتے ہیں؟ حالانکہ ہمارے بھی اس جیسے بیٹے ہیں حضرت عمرؓ نے فرمایا: یہ اس حیثیت کا ہے جو تم جانتے ہو حضرت عمر ؓ نے ایک دن بلایا اور حضرت ابن عباسؓ کو بھی ان کے ساتھ اندر بلایا۔ میں یہی سمجھتا ہوں کہ آپؓ نے جو مجھے اس دن بلایا تو محض اس لئے کہ ان کو دکھلائیں۔ حضرت عمرؓ نے پوچھا کہ تم اللہ تعالیٰ کے اس قول یعنی ’’جب اللہ کی نصرت اور فتح آجائے‘‘ کے متعلق کیا سمجھتے ہو؟ تو ان میں سے بعض نے کہا: ہمیں حکم دیا گیا ہے کہ ہم اللہ کی حمد بیان کریں اور اس سے مغفرت کی دعا کریں، جب ہمیں نصرت اور فتح ہو اور ان میں سے بعض خاموش رہے اور کچھ نہ کہا۔ پھر انہوں نے مجھے فرمایا: ابن عباسؓ کیا تم بھی اسی طرح کہتے ہو؟ میں نے کہا: نہیں۔ انہوں نے فرمایا: پھر تم کیا کہتے ہو؟ میں نے کہا: رسول اللہ ﷺ کی وفات مراد ہے جس سے اللہ نے آپؐ کو آگاہ کیا۔ اللہ تعالیٰ نے فرمایا کہ جب اللہ کی نصرت اور فتح آ جائے تو یہ تمہاری وفات کی علامت ہے۔ اس لئے تو اپنے ربّ کی حمد سے تسبیح بیان کر اور اس سے مغفرت مانگ کیونکہ وہ تواّب ہے۔ حضرت عمرؓ نے یہ سن کر فرمایا: میں بھی اس سے یہی سمجھتا ہوں جو تم کہتے ہو۔

حَدَّثَنَا مُوسَى بْنُ إِسْمَاعِيلَ حَدَّثَنَا أَبُو عَوَانَةَ عَنْ أَبِي بِشْرٍ عَنْ سَعِيدِ بْنِ جُبَيْرٍ عَنِ ابْنِ عَبَّاسٍ قَالَ كَانَ عُمَرُ يُدْخِلُنِي مَعَ أَشْيَاخِ بَدْرٍ فَكَأَنَّ بَعْضَهُمْ وَجَدَ فِي نَفْسِهِ فَقَالَ لِمَ تُدْخِلُ هَذَا مَعَنَا وَلَنَا أَبْنَاءٌ مِثْلُهُ فَقَالَ عُمَرُ إِنَّهُ مِنْ حَيْثُ عَلِمْتُمْ. فَدَعَا ذَاتَ يَوْمٍ ـ فَأَدْخَلَهُ مَعَهُمْ ـ فَمَا رُئِيتُ أَنَّهُ دَعَانِي يَوْمَئِذٍ إِلاَّ لِيُرِيَهُمْ. قَالَ مَا تَقُولُونَ فِي قَوْلِ اللَّهِ تَعَالَى {إِذَا جَاءَ نَصْرُ اللَّهِ وَالْفَتْحُ} فَقَالَ بَعْضُهُمْ أُمِرْنَا نَحْمَدُ اللَّهَ وَنَسْتَغْفِرُهُ إِذَا نُصِرْنَا وَفُتِحَ عَلَيْنَا. وَسَكَتَ بَعْضُهُمْ فَلَمْ يَقُلْ شَيْئًا فَقَالَ لِي أَكَذَاكَ تَقُولُ يَا ابْنَ عَبَّاسٍ فَقُلْتُ لاَ. قَالَ فَمَا تَقُولُ قُلْتُ هُوَ أَجَلُ رَسُولِ اللَّهِ صلى الله عليه وسلم أَعْلَمَهُ لَهُ قَالَ {إِذَا جَاءَ نَصْرُ اللَّهِ وَالْفَتْحُ} وَذَلِكَ عَلاَمَةُ أَجَلِكَ {فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا}. فَقَالَ عُمَرُ مَا أَعْلَمُ مِنْهَا إِلاَّ مَا تَقُولُ.

Urdu translation: Hazrat Syed Zain-ul-Abidin Waliullah Shah

صحیح بخاری 4971

یوسف بن موسیٰ نے ہم سے بیان کیا کہ ابو اُسامہ نے ہمیں بتایا: اعمش نے ہم سے بیان کیا کہ عمرو بن مرہ نے ہمیں بتایا۔ عمرو نے سعید بن جبیر سے، سعید نے حضرت ابن عباس رضی اللہ عنہما سے روایت کی۔ اُنہوں نے کہا کہ جب یہ آیت وَاَنْذِرْ عَشِيْرَتَكَ الْاَقْرَبِيْنَ یعنی اور تو اپنے سب سے قریبی رشتہ داروں کو ڈرا یعنی اپنے قبیلہ میں سے چنیدہ کو، نازل ہوئی تو رسول اللہ ﷺ باہر گئے اور صفا پر چڑھے اور یَا صَبَاحَاہ زور سے پکارا۔ لوگوں نے کہا: یہ کون ہے؟ اور سن کر سب آپؐ کے پاس جمع ہوگئے۔ آپؐ نے فرمایا: بتاؤ تو سہی اگر میں تم کو یہ خبر دوں کہ کچھ سوار اس پہاڑ کے دامن سے نکل کر حملہ کریں گے کیا تم مجھے سچا سمجھو گے؟ انہوں نے کہا: ہم نے آپ کے متعلق کبھی جھوٹ کا تجربہ نہیں کیا۔ آپؐ نے فرمایا: تو پھر میں تمہیں ایک سخت عذاب کے آنے سے پیشتر ہی آگاہ کیے دیتا ہوں۔ ابو لہب نے کہا: تم پر تباہی! صرف اسی لئے تم نے ہمیں اکٹھا کیا تھا۔ پھر اُٹھ کر چل دیا اور یہ آیت نازل ہوئی: تَبَّتْ يَدَاۤ… یعنی ابو لہب کے دونوں ہاتھ تباہ ہو گئے اور وہ خود بھی تباہ ہو گیا۔ اعمش نے اس دن یوں پڑھا: وَقَدْ تَبَّ یعنی وہ خود بھی تباہ ہو گیا۔

حَدَّثَنَا يُوسُفُ بْنُ مُوسَى حَدَّثَنَا أَبُو أُسَامَةَ حَدَّثَنَا الأَعْمَشُ حَدَّثَنَا عَمْرُو بْنُ مُرَّةَ عَنْ سَعِيدِ بْنِ جُبَيْرٍ عَنِ ابْنِ عَبَّاسٍ ـ رضى الله عنهما ـ قَالَ لَمَّا نَزَلَتْ {وَأَنْذِرْ عَشِيرَتَكَ الأَقْرَبِينَ} وَرَهْطَكَ مِنْهُمُ الْمُخْلَصِينَ خَرَجَ رَسُولُ اللَّهِ صلى الله عليه وسلم حَتَّى صَعِدَ الصَّفَا فَهَتَفَ " يَا صَبَاحَاهْ ". فَقَالُوا مَنْ هَذَا فَاجْتَمَعُوا إِلَيْهِ. فَقَالَ " أَرَأَيْتُمْ إِنْ أَخْبَرْتُكُمْ أَنَّ خَيْلاً تَخْرُجُ مِنْ سَفْحِ هَذَا الْجَبَلِ أَكُنْتُمْ مُصَدِّقِيَّ ". قَالُوا مَا جَرَّبْنَا عَلَيْكَ كَذِبًا. قَالَ " فَإِنِّي نَذِيرٌ لَكُمْ بَيْنَ يَدَىْ عَذَابٍ شَدِيدٍ ". قَالَ أَبُو لَهَبٍ تَبًّا لَكَ مَا جَمَعْتَنَا إِلاَّ لِهَذَا ثُمَّ قَامَ فَنَزَلَتْ {تَبَّتْ يَدَا أَبِي لَهَبٍ وَتَبَّ} وَقَدْ تَبَّ هَكَذَا قَرَأَهَا الأَعْمَشُ يَوْمَئِذٍ.

Urdu translation: Hazrat Syed Zain-ul-Abidin Waliullah Shah

صحیح بخاری 4972

محمد بن سلام نے ہم سے بیان کیا کہ ابومعاویہ نے ہمیں خبر دی کہ اعمش نے ہم سے بیان کیا۔ اعمش نے عمرو بن مرہ سے، عمرو نے سعید بن جبیر سے، سعید نے حضرت ابن عباسؓ سے روایت کی کہ نبی ﷺ بطحاء کی طرف نکلے اور پہاڑ پر چڑھ گئے اور (بلند آواز سے) یا صباحاہ پکارنے لگے۔ یہ سن کر قریش آپؐ کے پاس اکٹھے ہوئے۔ آپؐ نے فرمایا: بتلاؤ تو سہی اگر میں تم سے یہ کہوں کہ دشمن تم پر صبح کو یا شام کو چھاپا مارنے والا ہے کیا تم مجھ کو سچا سمجھو گے؟ انہوں نے کہا: ہاں۔ آپؐ نے فرمایا: میں تم کو سخت عذاب کے آنے سے پیشتر ہی ڈرائے دیتا ہوں۔ ابولہب نے یہ سن کر کہا: کیا اس لئے تم نے ہمیں اکٹھا کیا تھا؟ تم پر تباہی۔ تب اللہ عز وجل نے یہ سورۃ آخر تک نازل کی تَبَّتْ يَدَاۤ اَبِيْ لَهَبٍ۔

حَدَّثَنَا مُحَمَّدُ بْنُ سَلاَمٍ أَخْبَرَنَا أَبُو مُعَاوِيَةَ حَدَّثَنَا الأَعْمَشُ عَنْ عَمْرِو بْنِ مُرَّةَ عَنْ سَعِيدِ بْنِ جُبَيْرٍ عَنِ ابْنِ عَبَّاسٍ أَنَّ النَّبِيَّ صلى الله عليه وسلم خَرَجَ إِلَى الْبَطْحَاءِ فَصَعِدَ إِلَى الْجَبَلِ فَنَادَى " يَا صَبَاحَاهْ ". فَاجْتَمَعَتْ إِلَيْهِ قُرَيْشٌ فَقَالَ " أَرَأَيْتُمْ إِنْ حَدَّثْتُكُمْ أَنَّ الْعَدُوَّ مُصَبِّحُكُمْ أَوْ مُمَسِّيكُمْ أَكُنْتُمْ تُصَدِّقُونِي ". قَالُوا نَعَمْ. قَالَ " فَإِنِّي نَذِيرٌ لَكُمْ بَيْنَ يَدَىْ عَذَابٍ شَدِيدٍ ". فَقَالَ أَبُو لَهَبٍ أَلِهَذَا جَمَعْتَنَا تَبًّا لَكَ. فَأَنْزَلَ اللَّهُ عَزَّ وَجَلَّ {تَبَّتْ يَدَا أَبِي لَهَبٍ} إِلَى آخِرِهَا.

Urdu translation: Hazrat Syed Zain-ul-Abidin Waliullah Shah

·

آج 10 میں سے 10 باقی