کتاب 65: كتاب التفسیر

صحیح بخاری, حصہ 24

صحیح بخاری 4934

عمر بن حفص بن غیاث نے ہم سے بیان کیا کہ میرے باپ نے ہمیں بتایا کہ اعمش نے ہم سے بیان کیا۔ (انہوں نے کہا:) ابراہیم نے مجھے بتایا۔ ابراہیم نے اسود (بن یزید) سے، اسود نے حضرت عبداللہ (بن مسعودؓ) سے روایت کی۔ انہوں نے کہا: ایک بار ہم نبی ﷺ کے ساتھ غار میں تھے کہ اسی اثنا میں آپؐ پر سورۂ مرسلات نازل ہوئی۔ آپؐ اس کو پڑھ ہی رہے تھے اور میں آپؐ کے منہ سے اس کو سیکھ رہا تھا۔ اور ابھی آپؐ کا منہ اس (آیت) سے شیریں بیاں تھا کہ اتنے میں ایک سانپ ہم پر کُود پڑا۔ نبی ﷺ نے فرمایا: اس کو مار ڈالو۔ ہم جلدی سے اس پر لپکے مگر وہ نکل گیا۔ نبی ﷺ نے فرمایا: وہ تمہارے شر سے بچایا گیا جیسا کہ تم اس کے شر سے بچائے گئے۔ عمر (بن حفص) کہتے تھے: میں نے یہ (حدیث) اپنے باپ سے اُس غار میں یاد کی تھی جو منٰی میں ہے۔

حَدَّثَنَا عُمَرُ بْنُ حَفْصٍ حَدَّثَنَا أَبِي حَدَّثَنَا الأَعْمَشُ حَدَّثَنِي إِبْرَاهِيمُ عَنِ الأَسْوَدِ عَنْ عَبْدِ اللَّهِ قَالَ بَيْنَمَا نَحْنُ مَعَ النَّبِيِّ صلى الله عليه وسلم فِي غَارٍ إِذْ نَزَلَتْ عَلَيْهِ وَالْمُرْسَلاَتِ فَإِنَّهُ لَيَتْلُوهَا وَإِنِّي لأَتَلَقَّاهَا مِنْ فِيهِ وَإِنَّ فَاهُ لَرَطْبٌ بِهَا إِذْ وَثَبَتْ عَلَيْنَا حَيَّةٌ فَقَالَ النَّبِيُّ صلى الله عليه وسلم " اقْتُلُوهَا ". فَابْتَدَرْنَاهَا فَذَهَبَتْ فَقَالَ النَّبِيُّ صلى الله عليه وسلم " وُقِيَتْ شَرَّكُمْ كَمَا وُقِيتُمْ شَرَّهَا ". قَالَ عُمَرُ حَفِظْتُهُ مِنْ أَبِي فِي غَارٍ بِمِنًى.

Urdu translation: Hazrat Syed Zain-ul-Abidin Waliullah Shah

صحیح بخاری 4935

محمد (بن سلام بیکندی) نے مجھ سے بیان کیا کہ ابومعاویہ نے ہمیں خبر دی۔ انہوں نے اعمش سے، اعمش نے ابوصالح سے، ابوصالح نے حضرت ابوہریرہ رضی اللہ عنہ سے روایت کی، اُنہوں نے کہا: رسول اللہ ﷺ نے فرمایا: (صور کی) دو پھونکوں کے درمیان چالیس کا فاصلہ ہو گا۔ لوگوں نے پوچھا: چالیس دن؟ حضرت ابوہریرہؓ نے فرمایا : میں نہیں کہہ سکتا۔ اُنہوں نے پوچھا: چالیس مہینے؟ حضرت ابوہریرہؓ نے فرمایا : میں نہیں کہہ سکتا۔ لوگوں نے پوچھا: چالیس سال؟ حضرت ابوہریرہؓ نے فرمایا : میں نہیں کہہ سکتا۔ حضرت ابوہریرہؓ نے فرمایا : پھر اس کے بعد اللہ آسمان سے مینہ برسائے گا اور لوگ اس طرح نشوونما پائیں گے جیسے سبزیاں نشوونما پاتی ہیں۔ آدمی سے کوئی چیز باقی نہیں رہے گی جو بوسیدہ نہ ہو جائے سوائے ایک ہڈی کے اور وہ ریڑھ کا آخری سرا ہے۔ اور اسی سے قیامت کے دن ڈھانچا ترکیب دیا جائے گا۔

حَدَّثَنِي مُحَمَّدٌ أَخْبَرَنَا أَبُو مُعَاوِيَةَ عَنِ الأَعْمَشِ عَنْ أَبِي صَالِحٍ عَنْ أَبِي هُرَيْرَةَ ـ رضى الله عنه ـ قَالَ قَالَ رَسُولُ اللَّهِ صلى الله عليه وسلم " مَا بَيْنَ النَّفْخَتَيْنِ أَرْبَعُونَ ". قَالَ أَرْبَعُونَ يَوْمًا قَالَ أَبَيْتُ. قَالَ أَرْبَعُونَ شَهْرًا قَالَ أَبَيْتُ. قَالَ أَرْبَعُونَ سَنَةً قَالَ أَبَيْتُ. قَالَ " ثُمَّ يُنْزِلُ اللَّهُ مِنَ السَّمَاءِ مَاءً. فَيَنْبُتُونَ كَمَا يَنْبُتُ الْبَقْلُ لَيْسَ مِنَ الإِنْسَانِ شَىْءٌ إِلاَّ يَبْلَى إِلاَّ عَظْمًا وَاحِدًا وَهْوَ عَجْبُ الذَّنَبِ وَمِنْهُ يُرَكَّبُ الْخَلْقُ يَوْمَ الْقِيَامَةِ ".

Urdu translation: Hazrat Syed Zain-ul-Abidin Waliullah Shah

صحیح بخاری 4936

احمد بن مقدام نے ہم سے بیان کیا کہ فضیل بن سلیمان نے ہمیں بتایا کہ ابو حازم نے ہم سے بیان کیا (اُنہوں نے کہا:) حضرت سہل بن سعد رضی اللہ عنہ نے ہمیں بتایا، اُنہوں نے کہا: میں نے رسول اللہ ﷺ کو دیکھا آپؐ نے اپنی دونوں انگلیوں سے اشارہ کر کے فرمایا یعنی درمیانی انگلی سے اور اس سے جو انگوٹھے سے ملی ہے کہ میری بعثت اور وہ گھڑی ان دو کی طرح ہے۔ حضرت ابن عباسؓ نے فرمایا: أَغْطَشَ کے معنی ہیں اس نے تاریک بنایا۔ الطَّآمَّةُ سے مراد وہ ہے جو ہر چیز پر پھیل جائے گی۔

حَدَّثَنَا أَحْمَدُ بْنُ الْمِقْدَامِ حَدَّثَنَا الْفُضَيْلُ بْنُ سُلَيْمَانَ حَدَّثَنَا أَبُو حَازِمٍ حَدَّثَنَا سَهْلُ بْنُ سَعْدٍ ـ رضى الله عنه ـ قَالَ رَأَيْتُ رَسُولَ اللَّهِ صلى الله عليه وسلم قَالَ بِإِصْبَعَيْهِ هَكَذَا بِالْوُسْطَى وَالَّتِي تَلِي الإِبْهَامَ " بُعِثْتُ وَالسَّاعَةَ كَهَاتَيْنِ ".

Urdu translation: Hazrat Syed Zain-ul-Abidin Waliullah Shah

صحیح بخاری 4937

آدم (بن ابی ایاس) نے ہم سے بیان کیا کہ شعبہ (بن حجاج) نے ہمیں بتایا، (کہا:) قتادہ نے ہم سے بیان کیا۔ انہوں نے کہا: میں نے زرارہ بن اوفیٰ کو بیان کرتے ہوئے سنا کہ سعد بن ہشام سے روایت ہے۔ سعد نے حضرت عائشہؓ سے، حضرت عائشہؓ نے نبی ﷺ سے روایت کی کہ آپؐ نے فرمایا: جو شخص قرآن پڑھتا ہے اور وہ اس کا حافظ ہے اس کی اعلیٰ درجہ کے نیکو کار، معزز، لکھنے والوں کی سی حالت ہوگی اور جو شخص قرآن پڑھتا اور اس کو بار بار یاد کرتا ہے مگر اس کے لئے مشکل ہوتا ہے تو اس کو دو ثواب ملیں گے۔

حَدَّثَنَا آدَمُ حَدَّثَنَا شُعْبَةُ حَدَّثَنَا قَتَادَةُ قَالَ سَمِعْتُ زُرَارَةَ بْنَ أَوْفَى يُحَدِّثُ عَنْ سَعْدِ بْنِ هِشَامٍ عَنْ عَائِشَةَ عَنِ النَّبِيِّ صلى الله عليه وسلم قَالَ " مَثَلُ الَّذِي يَقْرَأُ الْقُرْآنَ وَهْوَ حَافِظٌ لَهُ مَعَ السَّفَرَةِ الْكِرَامِ الْبَرَرَةِ وَمَثَلُ الَّذِي يَقْرَأُ الْقُرْآنَ وَهْوَ يَتَعَاهَدُهُ وَهْوَ عَلَيْهِ شَدِيدٌ فَلَهُ أَجْرَانِ ".

Urdu translation: Hazrat Syed Zain-ul-Abidin Waliullah Shah

صحیح بخاری 4938

ابراہیم بن منذر نے ہم سے بیان کیا کہ معن (بن عیسیٰ) نے ہمیں بتایا، انہوں نے کہا: مالک نے مجھے بتایا، انہوں نے نافع سے، نافع نے حضرت عبد اللہ بن عمر رضی اللہ عنہما سے روایت کی کہ نبی ﷺ نے فرمایا: يَوْمَ يَقُوْمُ النَّاسُ لِرَبِّ الْعٰلَمِيْنَ سے مراد یہ ہے کہ لوگ قیامت کے دن رب العالمین کے سامنے کھڑے ہوں گے اور ان کی حالت یہ ہوگی کہ ان میں سے ایک اپنے آدھے کانوں تک پسینہ میں ڈوبا ہوگا۔

حَدَّثَنَا إِبْرَاهِيمُ بْنُ الْمُنْذِرِ حَدَّثَنَا مَعْنٌ قَالَ حَدَّثَنِي مَالِكٌ عَنْ نَافِعٍ عَنْ عَبْدِ اللَّهِ بْنِ عُمَرَ ـ رضى الله عنهما ـ أَنَّ النَّبِيَّ صلى الله عليه وسلم قَالَ " {يَوْمَ يَقُومُ النَّاسُ لِرَبِّ الْعَالَمِينَ} حَتَّى يَغِيبَ أَحَدُهُمْ فِي رَشْحِهِ إِلَى أَنْصَافِ أُذُنَيْهِ ".

Urdu translation: Hazrat Syed Zain-ul-Abidin Waliullah Shah

صحیح بخاری 4939

عمرو بن علی (فلاس) نے ہم سے بیان کیا کہ یحيٰ (بن سعید قطان) نے ہمیں بتایا، انہوں نے عثمان بن اسود سے روایت کی، انہوں نے کہا میں نے ابن ابی ملیکہ سے سنا، (انہوں نے کہا:) میں نے حضرت عائشہ رضی اللہ عنہا سے سنا، فرماتی تھیں: میں نے نبی ﷺ سے سنا۔ نیز سلیمان بن حرب نے ہم سے بیان کیا کہ حماد بن زید نے ہمیں بتایا، انہوں نے ایوب (سختیانی) سے، ایوب نے ابن ابی ملیکہ سے، انہوں نے حضرت عائشہؓ سے، حضرت عائشہؓ نے نبی ﷺ سے روایت کی۔ نیز مسدد نے ہم سے بیان کیا، انہوں نے یحيٰ (بن سعید قطان) سے، یحيٰ نے ابو یونس حاتم بن ابی صغیرہ سے، ابو یونس نے ابن ابی ملیکہ سے، انہوں نے قاسم (بن محمد) سے، قاسم نے حضرت عائشہ رضی اللہ عنہا سے روایت کی، وہ بیان کرتی ہیں: رسول اللہ ﷺ نے فرمایا: کوئی بھی ایسا نہیں ہوگا کہ جس سے حساب لیا جائے مگر وہ ہلاک نہ ہو (حضرت عائشہؓ ) کہتی تھیں: میں نے کہا: یا رسول اللہ! اللہ مجھے آپؐ پر فدا کرے، کیا اللہ عز و جل نہیں فرماتا: یعنی وہ شخص جو اپنی کتاب اپنے دائیں ہاتھ میں دیا جائے گا۔ عنقریب اس سے آسان حساب لیا جائے گا۔ آپؐ نے فرمایا: یہ تو حساب کا پیش کرنا ہے جو اُن کے سامنے پیش کیا جائے گا اور جس کے حساب میں چھان بین کی جائے گی وہ تباہ ہو گا۔

حَدَّثَنَا عَمْرُو بْنُ عَلِيٍّ حَدَّثَنَا يَحْيَى عَنْ عُثْمَانَ بْنِ الأَسْوَدِ قَالَ سَمِعْتُ ابْنَ أَبِي مُلَيْكَةَ سَمِعْتُ عَائِشَةَ ـ رضى الله عنها ـ قَالَتْ سَمِعْتُ النَّبِيَّ صلى الله عليه وسلم. حَدَّثَنَا سُلَيْمَانُ بْنُ حَرْبٍ حَدَّثَنَا حَمَّادُ بْنُ زَيْدٍ عَنْ أَيُّوبَ عَنِ ابْنِ أَبِي مُلَيْكَةَ عَنْ عَائِشَةَ عَنِ النَّبِيِّ صلى الله عليه وسلم. حَدَّثَنَا مُسَدَّدٌ عَنْ يَحْيَى عَنْ أَبِي يُونُسَ حَاتِمِ بْنِ أَبِي صَغِيرَةَ عَنِ ابْنِ أَبِي مُلَيْكَةَ عَنِ الْقَاسِمِ عَنْ عَائِشَةَ ـ رضى الله عنها ـ قَالَتْ قَالَ رَسُولُ اللَّهِ صلى الله عليه وسلم " لَيْسَ أَحَدٌ يُحَاسَبُ إِلاَّ هَلَكَ ". قَالَتْ قُلْتُ يَا رَسُولَ اللَّهِ جَعَلَنِي اللَّهُ فِدَاءَكَ أَلَيْسَ يَقُولُ اللَّهُ عَزَّ وَجَلَّ {فَأَمَّا مَنْ أُوتِيَ كِتَابَهُ بِيَمِينِهِ }-{ فَسَوْفَ يُحَاسَبُ حِسَابًا يَسِيرًا}. قَالَ " ذَاكَ الْعَرْضُ يُعْرَضُونَ وَمَنْ نُوقِشَ الْحِسَابَ هَلَكَ ".

Urdu translation: Hazrat Syed Zain-ul-Abidin Waliullah Shah

صحیح بخاری 4940

سعید بن نضر نے مجھ سے بیان کیا کہ ہشیم نے ہمیں خبر دی، کہ ابوبشر جعفر بن ایاس نے ہمیں بتایا، اُنہوں نے مجاہد سے روایت کی، مجاہد نے کہا: حضرت ابن عباسؓ کہتے تھے: لَتَرْكَبُنَّ طَبَقًا عَنْ طَبَقٍ سے مراد ہے کہ ایک حالت سے دوسری حالت میں بدلتے چلے جاؤ گے، تمہارے نبی ﷺ نے یہ فرمایا ہے۔

حَدَّثَنَا سَعِيدُ بْنُ النَّضْرِ أَخْبَرَنَا هُشَيْمٌ أَخْبَرَنَا أَبُو بِشْرٍ جَعْفَرُ بْنُ إِيَاسٍ عَنْ مُجَاهِدٍ قَالَ قَالَ ابْنُ عَبَّاسٍ {لَتَرْكَبُنَّ طَبَقًا عَنْ طَبَقٍ} حَالاً بَعْدَ حَالٍ قَالَ هَذَا نَبِيُّكُمْ صلى الله عليه وسلم.

Urdu translation: Hazrat Syed Zain-ul-Abidin Waliullah Shah

صحیح بخاری 4941

عبدان نے ہم سے بیان کیا، اُنہوں نے کہا: مجھے میرے والد (عثمان بن جبلہ) نے بتایا اُنہوں نے شعبہ سے، شعبہ نے ابواسحاق سے، ابواسحاق نے حضرت براء رضی اللہ عنہ سے روایت کی، انہوں نے کہا: نبی ﷺ کے ساتھیوں میں سے پہلے جو ہمارے پاس آئے وہ حضرت مصعب بن عمیرؓ اور حضرت ابن ام مکتومؓ تھے۔ وہ ہمیں قرآن پڑھانے لگے۔ پھر حضرت عمارؓ اور حضرت بلالؓ اور حضرت سعدؓ آئے۔ پھر ان کے بعد حضرت عمر بن خطابؓ مع بیس آدمیوں کے آئے۔ پھر اس کے بعد نبی ﷺ آئے تو میں نے مدینہ والوں کو نہیں دیکھا کہ وہ کسی بات سے ایسے خوش ہوئے ہوں جیسا کہ وہ نبی ﷺ کے آنے پر خوش ہوئے یہاں تک کہ میں نے بچیوں اور بچوں کو دیکھا وہ بھی کہہ رہے تھے یہ دیکھو رسول اللہ ﷺ آگئے اور آپؐ کے آجانے تک میں سَبِّحِ اسْمَ رَبِّكَ الْاَعْلَى اور اس جیسی کئی ایک سورتیں پڑھ چکا تھا۔

حَدَّثَنَا عَبْدَانُ قَالَ أَخْبَرَنِي أَبِي عَنْ شُعْبَةَ عَنْ أَبِي إِسْحَاقَ عَنِ الْبَرَاءِ ـ رضى الله عنه ـ قَالَ أَوَّلُ مَنْ قَدِمَ عَلَيْنَا مِنْ أَصْحَابِ النَّبِيِّ صلى الله عليه وسلم مُصْعَبُ بْنُ عُمَيْرٍ وَابْنُ أُمِّ مَكْتُومٍ فَجَعَلاَ يُقْرِئَانِنَا الْقُرْآنَ ثُمَّ جَاءَ عَمَّارٌ وَبِلاَلٌ وَسَعْدٌ ثُمَّ جَاءَ عُمَرُ بْنُ الْخَطَّابِ فِي عِشْرِينَ ثُمَّ جَاءَ النَّبِيُّ صلى الله عليه وسلم فَمَا رَأَيْتُ أَهْلَ الْمَدِينَةِ فَرِحُوا بِشَىْءٍ فَرَحَهُمْ بِهِ حَتَّى رَأَيْتُ الْوَلاَئِدَ وَالصِّبْيَانَ يَقُولُونَ هَذَا رَسُولُ اللَّهِ قَدْ جَاءَ. فَمَا جَاءَ حَتَّى قَرَأْتُ {سَبِّحِ اسْمَ رَبِّكَ الأَعْلَى} فِي سُوَرٍ مِثْلِهَا.

Urdu translation: Hazrat Syed Zain-ul-Abidin Waliullah Shah

صحیح بخاری 4942

موسیٰ بن اسماعیل نے ہم سے بیان کیا کہ وُہَیب نے ہمیں بتایا، ہشام (بن عروہ) نے ہم سے بیان کیا۔ انہوں نے اپنے باپ سے روایت کی، کہ اُن کو حضرت عبداللہ بن زمعہؓ نے بتایا کہ اُنہوں نے نبی ﷺ سے سنا۔ آپؐ تقریر فرما رہے تھے اور آپؐ نے (حضرت صالحؑ کی) اونٹنی کا اور اس شخص کا جس نے اس کو زخمی کیا تھا ذکر کیا۔ رسول اللہ ﷺ نے فرمایا: اِذِ انْۢبَعَثَ اَشْقٰىهَا کے یہ معنی ہیں کہ ایک زبردست موذی شخص جو اپنی قوم میں ایسے طاقت ور تھا جیسے ابو زمعہ، اس کے لئے اٹھ کھڑا ہوا۔ اور آپؐ نے عورتوں کا بھی ذکر کیا اور فرمایا: تم میں سے ایک لپکتا ہے اور اپنی عورت کو اس طرح مارنا شروع کر دیتا ہے، جیسے غلام کو مارا جاتا ہے پھر وہ اسی دن شام کو اس کے ساتھ ہم بستر بھی ہوتا ہے۔ پھر آپؐ نے ان کو یہ نصیحت کی کہ کسی کے گوز مارنے پر ہنسا نہ کرو اور آپؐ نے فرمایا کہ تم میں سے کوئی اس فعل سے ہنستا کیوں ہے جو خود بھی کرتا ہے۔ اور ابو معاویہ نے (اپنی سند میں یوں) کہا کہ ہمیں ہشام نے بتایا۔ انہوں نے اپنے باپ سے، اُنہوں نے حضرت عبداللہ بن زمعہؓ سے روایت کی کہ نبی ﷺ نے فرمایا: زبیر بن عوامؓ کے چچا ابو زمعہ جیسا (شخص)۔

حَدَّثَنَا مُوسَى بْنُ إِسْمَاعِيلَ حَدَّثَنَا وُهَيْبٌ حَدَّثَنَا هِشَامٌ عَنْ أَبِيهِ أَنَّهُ أَخْبَرَهُ عَبْدُ اللَّهِ بْنُ زَمْعَةَ أَنَّهُ سَمِعَ النَّبِيَّ صلى الله عليه وسلم يَخْطُبُ وَذَكَرَ النَّاقَةَ وَالَّذِي عَقَرَ فَقَالَ رَسُولُ اللَّهِ صلى الله عليه وسلم " {إِذِ انْبَعَثَ أَشْقَاهَا} انْبَعَثَ لَهَا رَجُلٌ عَزِيزٌ عَارِمٌ مَنِيعٌ فِي رَهْطِهِ مِثْلُ أَبِي زَمْعَةَ ". وَذَكَرَ النِّسَاءَ فَقَالَ " يَعْمِدُ أَحَدُكُمْ يَجْلِدُ امْرَأَتَهُ جَلْدَ الْعَبْدِ فَلَعَلَّهُ يُضَاجِعُهَا مِنْ آخِرِ يَوْمِهِ ". ثُمَّ وَعَظَهُمْ فِي ضَحِكِهِمْ مِنَ الضَّرْطَةِ وَقَالَ " لِمَ يَضْحَكُ أَحَدُكُمْ مِمَّا يَفْعَلُ ". وَقَالَ أَبُو مُعَاوِيَةَ حَدَّثَنَا هِشَامٌ عَنْ أَبِيهِ عَنْ عَبْدِ اللَّهِ بْنِ زَمْعَةَ قَالَ النَّبِيُّ صلى الله عليه وسلم " مِثْلُ أَبِي زَمْعَةَ عَمِّ الزُّبَيْرِ بْنِ الْعَوَّامِ ".

Urdu translation: Hazrat Syed Zain-ul-Abidin Waliullah Shah

صحیح بخاری 4943

قبیصہ بن عقبہ نے ہم سے بیان کیا کہ سفیان (ثوری) نے ہمیں بتایا، انہوں نے اعمش سے، اعمش نے ابراہیم (نخعی) سے، ابراہیم نے علقمہ (بن قیس) سے روایت کی، انہوں نے کہا: میں حضرت عبداللہ (بن مسعودؓ) کے کئی ساتھیوں کے ساتھ شام میں داخل ہوا۔ حضرت ابودرداءؓ نے ہمارے متعلق سنا اور وہ ہمارے پاس آئے۔ انہوں نے کہا: کیا تم میں کوئی ہے جو قرآن پڑھنا جانتا ہو۔ ہم نے کہا: ہاں۔ انہوں نے پوچھا: تم میں سے کون زیادہ قاری ہے؟ انہوں نے میری طرف اشارہ کیا۔ حضرت ابودرداءؓ نے کہا: پڑھو۔ میں نے پڑھا: وَالَّيْلِ اِذَا يَـغْـشَـى۰۰ وَالنَّهَارِ اِذَا تَجَلّٰى۰۰ وَالذَّكَرِ وَالْأُنْثَى یعنی رات کی قسم ہے جب وہ چھا جاتی ہے اور دن کی قسم ہے جب وہ روشن ہو جائے اور نرو مادہ کی قسم ہے۔ حضرت ابودرداءؓ نے کہا: کیا تم نے اس سورة کو اپنے استاذ (حضرت عبداللہ بن مسعودؓ) کے منہ سے سنا؟ میں نے کہا: ہاں۔ حضرت ابودرداءؓ نے کہا: اور میں نے بھی اس سورة کو نبی ﷺ کے منہ سے سنا تھا اور یہ لوگ ہماری نہیں مانتے۔

حَدَّثَنَا قَبِيصَةُ بْنُ عُقْبَةَ حَدَّثَنَا سُفْيَانُ عَنِ الأَعْمَشِ عَنْ إِبْرَاهِيمَ عَنْ عَلْقَمَةَ قَالَ دَخَلْتُ فِي نَفَرٍ مِنْ أَصْحَابِ عَبْدِ اللَّهِ الشَّأْمَ فَسَمِعَ بِنَا أَبُو الدَّرْدَاءِ فَأَتَانَا فَقَالَ أَفِيكُمْ مَنْ يَقْرَأُ فَقُلْنَا نَعَمْ. قَالَ فَأَيُّكُمْ أَقْرَأُ فَأَشَارُوا إِلَىَّ فَقَالَ اقْرَأْ. فَقَرَأْتُ {وَاللَّيْلِ إِذَا يَغْشَى }-{ وَالنَّهَارِ إِذَا تَجَلَّى }-{ وَالذَّكَرِ وَالأُنْثَى}. قَالَ أَنْتَ سَمِعْتَهَا مِنْ فِي صَاحِبِكَ قُلْتُ نَعَمْ. قَالَ وَأَنَا سَمِعْتُهَا مِنْ فِي النَّبِيِّ صلى الله عليه وسلم وَهَؤُلاَءِ يَأْبَوْنَ عَلَيْنَا.

Urdu translation: Hazrat Syed Zain-ul-Abidin Waliullah Shah

صحیح بخاری 4944

عمر (بن حفص بن غیاث) نے ہم سے بیان کیا کہ میرے باپ نے مجھے بتایا، (اُنہوں نے کہا:) اعمش نے ہم سے بیان کیا، انہوں نے ابراہیم (نخعی) سے روایت کی، انہوں نے کہا: حضرت عبداللہ (بن مسعودؓ) کے ساتھی حضرت ابودرداءؓ کے پاس آئے۔ حضرت ابودرداءؓ نے ان کی تلاش کی اور ان کو پالیا اور انہوں نے پوچھا: عبداللہ بن مسعودؓ کی قراءت کے مطابق تم میں سے کون پڑھتا ہے؟ انہوں نے کہا: ہم سبھی۔ حضرت ابودرداءؓ نے پوچھا: تم میں سے حافظ کون ہے؟ تو انہوں نے علقمہ کی طرف اشارہ کیا۔ حضرت ابودرداءؓ نے کہا: تم نے عبداللہ بن مسعودؓ کو وَاللَّيْلِ اِذَا يَغْشَى کس طرح پڑھتے ہوئے سنا؟ علقمہ نے کہا: (یوں پڑھتے تھے) وَالذَّكَرِ وَالْأُنْثَى۔ حضرت ابودرداءؓ نے کہا: میں شہادت دیتا ہوں کہ میں نے نبی ﷺ کو اسی طرح پڑھتے سنا اور یہ لوگ مجھ سے یہ چاہتے ہیں کہ میں یوں پڑھوں: وَمَا خَلَقَ الذَّكَرَ وَالْاُنْثٰۤى اللہ کی قسم میں تو اِن کی پیروی نہیں کرنے کا۔

حَدَّثَنَا عُمَرُ حَدَّثَنَا أَبِي حَدَّثَنَا الأَعْمَشُ عَنْ إِبْرَاهِيمَ قَالَ قَدِمَ أَصْحَابُ عَبْدِ اللَّهِ عَلَى أَبِي الدَّرْدَاءِ فَطَلَبَهُمْ فَوَجَدَهُمْ فَقَالَ أَيُّكُمْ يَقْرَأُ عَلَى قِرَاءَةِ عَبْدِ اللَّهِ قَالَ كُلُّنَا. قَالَ فَأَيُّكُمْ يَحْفَظُ وَأَشَارُوا إِلَى عَلْقَمَةَ. قَالَ كَيْفَ سَمِعْتَهُ يَقْرَأُ {وَاللَّيْلِ إِذَا يَغْشَى}. قَالَ عَلْقَمَةُ {وَالذَّكَرِ وَالأُنْثَى}. قَالَ أَشْهَدُ أَنِّي سَمِعْتُ النَّبِيَّ صلى الله عليه وسلم يَقْرَأُ هَكَذَا وَهَؤُلاَءِ يُرِيدُونِي عَلَى أَنْ أَقْرَأَ {وَمَا خَلَقَ الذَّكَرَ وَالأُنْثَى} وَاللَّهِ لاَ أُتَابِعُهُمْ.

Urdu translation: Hazrat Syed Zain-ul-Abidin Waliullah Shah

صحیح بخاری 4945

ابونعیم نے ہم سے بیان کیا کہ سفیان (بن عیینہ) نے ہمیں بتایا، انہوں نے اعمش سے، اعمش نے سعد بن عبیدہ سے، سعد نے ابو عبد الرحمٰن سلمی سے، انہوں نے حضرت علی رضی اللہ عنہ سے روایت کی، انہوں نے کہا: ہم بقیع غرقد میں ایک جنازہ (پڑھنے) کے لئے نبی ﷺ کے ساتھ تھے۔ آپؐ نے فرمایا: تم میں سے کوئی بھی ایسا نہیں کہ جس کا ٹھکانا جنت میں یا جس کا ٹھکانا آگ میں نہ لکھ دیا گیا ہو۔ صحابہ نے کہا: یا رسول اللہؐ! کیا ہم پھر اسی پر اعتماد نہ کر لیں۔ آپؐ نے فرمایا: عمل کرو کیونکہ ہر ایک کے لیے آسانی کی گئی ہے۔ پھر آپؐ نے یہ آیت پڑھی۔ یعنی پس جس نے (خدا کی راہ میں) دیا اور تقویٰ اختیار کیا اور نیک بات کی تصدیق کی اُسے تو ہم ضرور آسانی (کے مواقع) بہم پہنچائیں گے اور ایسا (شخص) جس نے بخل سے کام لیا اور بے پروائی کا اظہار کیا اور نیک بات کو جھٹلایا۔ اُسے ہم تکلیف (کا سامان) بہم پہنچائیں گے۔

حَدَّثَنَا أَبُو نُعَيْمٍ حَدَّثَنَا سُفْيَانُ عَنِ الأَعْمَشِ عَنْ سَعْدِ بْنِ عُبَيْدَةَ عَنْ أَبِي عَبْدِ الرَّحْمَنِ السُّلَمِيِّ عَنْ عَلِيٍّ ـ رضى الله عنه ـ قَالَ كُنَّا مَعَ النَّبِيِّ صلى الله عليه وسلم فِي بَقِيعِ الْغَرْقَدِ فِي جَنَازَةٍ فَقَالَ " مَا مِنْكُمْ مِنْ أَحَدٍ إِلاَّ وَقَدْ كُتِبَ مَقْعَدُهُ مِنَ الْجَنَّةِ وَمَقْعَدُهُ مِنَ النَّارِ ". فَقَالُوا يَا رَسُولَ اللَّهِ أَفَلاَ نَتَّكِلُ فَقَالَ " اعْمَلُوا فَكُلٌّ مُيَسَّرٌ ". ثُمَّ قَرَأَ {فَأَمَّا مَنْ أَعْطَى وَاتَّقَى }-{ وَصَدَّقَ بِالْحُسْنَى} إِلَى قَوْلِهِ لِلْعُسْرَى

Urdu translation: Hazrat Syed Zain-ul-Abidin Waliullah Shah

صحیح بخاری 4945B

مسدد نے ہم سے بیان کیا کہ عبدالواحد (بن زیاد) نے ہمیں بتایا کہ اعمش نے ہم سے بیان کیا انہوں نے سعد بن عبیدہ سے، سعد نے ابوعبدالرحمٰن سے، انہوں نے حضرت علی رضی اللہ عنہ سے روایت کی، انہوں نے کہا: ہم نبی ﷺ کے پاس بیٹھے تھے۔ پھر اُنہوں نے یہی حدیث بیان کی۔

حَدَّثَنَا مُسَدَّدٌ حَدَّثَنَا عَبْدُ الْوَاحِدِ حَدَّثَنَا الأَعْمَشُ عَنْ سَعْدِ بْنِ عُبَيْدَةَ عَنْ أَبِي عَبْدِ الرَّحْمَنِ عَنْ عَلِيٍّ ـ رضى الله عنه ـ قَالَ كُنَّا قُعُودًا عِنْدَ النَّبِيِّ صلى الله عليه وسلم فَذَكَرَ الْحَدِيثَ.

Urdu translation: Hazrat Syed Zain-ul-Abidin Waliullah Shah

صحیح بخاری 4946

بشر بن خالد نے ہم سے بیان کیا کہ محمد بن جعفر نے ہمیں بتایا، شعبہ نے ہم سے بیان کیا انہوں نے سلیمان (اعمش) سے، سلیمان نے سعد بن عبیدہ سے، سعد نے ابوعبدالرحمٰن سلمی سے، اُنہوں نے حضرت علی رضی اللہ عنہ سے، حضرت علیؓ نے نبی ﷺ سے روایت کی، (اُنہوں نے کہا:) آپؐ ایک جنازہ میں تھے۔ آپؐ نے ایک لکڑی لی اور زمین کریدنے لگے اور آپؐ نے فرمایا: تم میں سے کوئی بھی ایسا نہیں کہ جس کا ٹھکانا آگ میں یا جنت میں نہ بنایا گیا ہو۔ صحابہ نے کہا: یا رسول اللہ! کیا پھر ہم (اس پر) بھروسہ نہ کر بیٹھیں۔ آپؐ نے فرمایا: عمل کرو۔ ہر ایک کے لئے آسانی کی گئی ہے۔ (پھر آپؐ نے یہ آیت پڑھی:) جس نے دیا اور بدیوں سے بچا اور بھلی باتوں پر عمل کئے۔ شعبہ نے کہا: اور منصور (بن معتمر) نے بھی مجھے یہی بیان کیا اور میں نے سلیمان کی حدیث کے خلاف اس کو نہیں پایا۔

حَدَّثَنَا بِشْرُ بْنُ خَالِدٍ أَخْبَرَنَا مُحَمَّدُ بْنُ جَعْفَرٍ حَدَّثَنَا شُعْبَةُ عَنْ سُلَيْمَانَ عَنْ سَعْدِ بْنِ عُبَيْدَةَ عَنْ أَبِي عَبْدِ الرَّحْمَنِ السُّلَمِيِّ عَنْ عَلِيٍّ ـ رضى الله عنه ـ عَنِ النَّبِيِّ صلى الله عليه وسلم. أَنَّهُ كَانَ فِي جَنَازَةٍ فَأَخَذَ عُودًا يَنْكُتُ فِي الأَرْضِ فَقَالَ " مَا مِنْكُمْ مِنْ أَحَدٍ إِلاَّ وَقَدْ كُتِبَ مَقْعَدُهُ مِنَ النَّارِ أَوْ مِنَ الْجَنَّةِ ". قَالُوا يَا رَسُولَ اللَّهِ أَفَلاَ نَتَّكِلُ قَالَ " اعْمَلُوا فَكُلٌّ مُيَسَّرٌ {فَأَمَّا مَنْ أَعْطَى وَاتَّقَى }-{ وَصَدَّقَ بِالْحُسْنَى} الآيَةَ. قَالَ شُعْبَةُ وَحَدَّثَنِي بِهِ مَنْصُورٌ فَلَمْ أُنْكِرْهُ مِنْ حَدِيثِ سُلَيْمَانَ".

Urdu translation: Hazrat Syed Zain-ul-Abidin Waliullah Shah

صحیح بخاری 4947

یحيٰ (بن موسیٰ بلخی) نے ہم سے بیان کیا کہ وکیع نے ہمیں بتایا، انہوں نے اعمش سے، اعمش نے سعد بن عبیدہ سے، سعد نے ابوعبدالرحمٰن سے، اُنہوں نے حضرت علی رضی اللہ عنہ سے روایت کی، اُنہوں نے کہا: ہم نبی ﷺ کے پاس بیٹھے تھے آپؐ نے فرمایا: تم میں سے کوئی بھی ایسا نہیں جس کا ٹھکانا جنت میں یا جس کا ٹھکانا آگ میں نہ لکھ دیا گیا ہو۔ ہم نے کہا: یا رسول اللہ! کیا ہم اس پر بھروسہ نہ کریں؟ آپؐ نے فرمایا: نہیں، عمل کئے جاؤ کیونکہ ہر ایک کے لئے آسانی کی گئی ہے۔ پھر آپؐ نے یہ آیات پڑھیں۔ یعنی پس جس نے (خدا کی راہ میں) دیا اور تقویٰ اختیار کیا۔ اور نیک بات کی تصدیق کی۔ اُسے تو ہم ضرور آسانی (کے مواقع) بہم پہنچائیں گے۔ اور ایسا (شخص) جس نے بخل سے کام لیا اور بے پروائی کا اظہار کیا۔ اور نیک بات کو جھٹلایا۔ اُسے ہم تکلیف (کا سامان) بہم پہنچائیں گے۔

حَدَّثَنَا يَحْيَى حَدَّثَنَا وَكِيعٌ عَنِ الأَعْمَشِ عَنْ سَعْدِ بْنِ عُبَيْدَةَ عَنْ أَبِي عَبْدِ الرَّحْمَنِ عَنْ عَلِيٍّ ـ عَلَيْهِ السَّلاَمُ ـ قَالَ كُنَّا جُلُوسًا عِنْدَ النَّبِيِّ صلى الله عليه وسلم فَقَالَ " مَا مِنْكُمْ مِنْ أَحَدٍ إِلاَّ وَقَدْ كُتِبَ مَقْعَدُهُ مِنَ الْجَنَّةِ وَمَقْعَدُهُ مِنَ النَّارِ ". فَقُلْنَا يَا رَسُولَ اللَّهِ أَفَلاَ نَتَّكِلُ قَالَ " لاَ اعْمَلُوا فَكُلٌّ مُيَسَّرٌ ". ثُمَّ قَرَأَ {فَأَمَّا مَنْ أَعْطَى وَاتَّقَى }-{ وَصَدَّقَ بِالْحُسْنَى }-{ فَسَنُيَسِّرُهُ لِلْيُسْرَى} إِلَى قَوْلِهِ {فَسَنُيَسِّرُهُ لِلْعُسْرَى}

Urdu translation: Hazrat Syed Zain-ul-Abidin Waliullah Shah

صحیح بخاری 4948

عثمان بن ابی شیبہ نے ہم سے بیان کیا کہ جریر (بن عبدالحمید) نے ہمیں بتایا، اُنہوں نے منصور سے، منصور نے سعد بن عبیدہ سے، سعد نے ابوعبدالرحمٰن سلمی سے، ابوعبدالرحمٰن نے حضرت علی رضی اللہ عنہ سے روایت کی، انہوں نے کہا: ہم بقیع الغرقد میں ایک جنازہ میں تھے کہ اتنے میں رسول اللہ ﷺ ہمارے پاس آئے اور آپؐ بیٹھ گئے اور ہم آپؐ کے اردگرد بیٹھ گئے۔ آپؐ کے پاس چھڑی تھی آپؐ سر جھکا کر اپنی چھڑی سے زمین کریدنے لگے۔ پھر آپؐ نے فرمایا: تم میں سے کوئی بھی ایسا نہیں اور کوئی بھی ایسا نفس نہیں جسے پیدا کیا گیا مگر ضرور ہی اس کا ٹھکانا جنت میں یا آگ میں لکھ دیا گیا اور ضرور ہی اس کے متعلق یہ بھی لکھ دیا گیا ہے کہ بدبخت ہے یا نیک بخت۔ ایک شخص بولا: یا رسول اللہ ! کیا ہم اپنے اس نوشتہ پر بھروسہ نہ کریں اور عمل چھوڑ دیں جو ہم میں سے نیک بختوں سے ہوا وہ ضرور ہی نیک بختوں میں جا ملے گا اور جو ہم میں سے بد بختوں سے ہوا وہ بھی ضرور بد بختوں کے عمل کی طرف جائے گا۔ آپؐ نے فرمایا: جو تو نیک بخت ہیں تو انہیں ان کاموں کی توفیق دی جائے گی کہ جو نیک بختوں کے ہیں اور جو بد بخت ہیں تو انہیں ان کاموں کی توفیق دی جائے گی جو بد بختوں کے ہیں۔ پھر آپؐ نے یہ آیات پڑھیں۔ یعنی پس جس نے (خدا کی راہ میں) دیا اور تقویٰ اختیار کیا، اور نیک بات کی تصدیق کی۔

حَدَّثَنَا عُثْمَانُ بْنُ أَبِي شَيْبَةَ حَدَّثَنَا جَرِيرٌ عَنْ مَنْصُورٍ عَنْ سَعْدِ بْنِ عُبَيْدَةَ عَنْ أَبِي عَبْدِ الرَّحْمَنِ السُّلَمِيِّ عَنْ عَلِيٍّ ـ رضى الله عنه ـ قَالَ كُنَّا فِي جَنَازَةٍ فِي بَقِيعِ الْغَرْقَدِ فَأَتَانَا رَسُولُ اللَّهِ صلى الله عليه وسلم فَقَعَدَ وَقَعَدْنَا حَوْلَهُ وَمَعَهُ مِخْصَرَةٌ فَنَكَّسَ فَجَعَلَ يَنْكُتُ بِمِخْصَرَتِهِ ثُمَّ قَالَ " مَا مِنْكُمْ مِنْ أَحَدٍ وَمَا مِنْ نَفْسٍ مَنْفُوسَةٍ إِلاَّ كُتِبَ مَكَانُهَا مِنَ الْجَنَّةِ وَالنَّارِ وَإِلاَّ قَدْ كُتِبَتْ شَقِيَّةً أَوْ سَعِيدَةً ". قَالَ رَجُلٌ يَا رَسُولَ اللَّهِ أَفَلاَ نَتَّكِلُ عَلَى كِتَابِنَا وَنَدَعُ الْعَمَلَ فَمَنْ كَانَ مِنَّا مِنْ أَهْلِ السَّعَادَةِ فَسَيَصِيرُ إِلَى أَهْلِ السَّعَادَةِ وَمَنْ كَانَ مِنَّا مِنْ أَهْلِ الشَّقَاءِ فَسَيَصِيرُ إِلَى عَمَلِ أَهْلِ الشَّقَاوَةِ. قَالَ " أَمَّا أَهْلُ السَّعَادَةِ فَيُيَسَّرُونَ لِعَمَلِ أَهْلِ السَّعَادَةِ وَأَمَّا أَهْلُ الشَّقَاوَةِ فَيُيَسَّرُونَ لِعَمَلِ أَهْلِ الشَّقَاءِ ". ثُمَّ قَرَأَ {فَأَمَّا مَنْ أَعْطَى وَاتَّقَى }-{ وَصَدَّقَ بِالْحُسْنَى} الآيَةَ.

Urdu translation: Hazrat Syed Zain-ul-Abidin Waliullah Shah

صحیح بخاری 4949

آدم (بن ابی ایاس) نے ہم سے بیان کیا کہ شعبہ نے ہمیں بتایا، انہوں نے اعمش سے روایت کی، انہوں نے کہا: میں نے سعد بن عبیدہ سے سنا، انہوں نے ابوعبدالرحمٰن سُلمی سے روایت کی، وہ حضرت علی رضی اللہ عنہ سے روایت کرتے تھے۔ اُنہوں نے کہا: نبی ﷺ ایک جنازے میں تھے۔ آپؐ نے ایک چیز لی اور اس سے زمین کو کریدنا شروع کیا اور آپؐ نے فرمایا: تم میں سے کوئی بھی ایسا نہیں کہ جس کا ٹھکانا آگ میں یا جس کا ٹھکانا جنت میں نہ لکھ دیا گیا ہو۔ صحابہ نے کہا: یا رسول اللہ! کیا ہم اپنے اس نوشتہ پر اعتماد نہ کر بیٹھیں اور عمل چھوڑ دیں۔ آپؐ نے فرمایا: عمل کرو کیونکہ ہر ایک کو اس کام کے لئے توفیق دی جائے گی جس کے لئے وہ پیدا کیا گیا۔ جو اہل سعادت سے ہوا تو اس کو اہل سعادت کے کام کی توفیق دی جائے گی اور جو اہل شقاوت سے ہوا تو اس کو اہل شقاوت کے کاموں کی توفیق دی جائے گی۔ پھر آپؐ نے یہ آیات پڑھیں۔ یعنی پس جس نے (خدا کی راہ میں) دیا اور تقویٰ اختیار کیا۔ اور نیک بات کی تصدیق کی۔

حَدَّثَنَا آدَمُ حَدَّثَنَا شُعْبَةُ عَنِ الأَعْمَشِ قَالَ سَمِعْتُ سَعْدَ بْنَ عُبَيْدَةَ يُحَدِّثُ عَنْ أَبِي عَبْدِ الرَّحْمَنِ السُّلَمِيِّ عَنْ عَلِيٍّ ـ رضى الله عنه ـ قَالَ كَانَ النَّبِيُّ صلى الله عليه وسلم فِي جَنَازَةٍ فَأَخَذَ شَيْئًا فَجَعَلَ يَنْكُتُ بِهِ الأَرْضَ فَقَالَ " مَا مِنْكُمْ مِنْ أَحَدٍ إِلاَّ وَقَدْ كُتِبَ مَقْعَدُهُ مِنَ النَّارِ وَمَقْعَدُهُ مِنَ الْجَنَّةِ ". قَالُوا يَا رَسُولَ اللَّهِ أَفَلاَ نَتَّكِلُ عَلَى كِتَابِنَا وَنَدَعُ الْعَمَلَ قَالَ " اعْمَلُوا فَكُلٌّ مُيَسَّرٌ لِمَا خُلِقَ لَهُ أَمَّا مَنْ كَانَ مِنْ أَهْلِ السَّعَادَةِ فَيُيَسَّرُ لِعَمَلِ أَهْلِ السَّعَادَةِ وَأَمَّا مَنْ كَانَ مِنْ أَهْلِ الشَّقَاءِ فَيُيَسَّرُ لِعَمَلِ أَهْلِ الشَّقَاوَةِ ". ثُمَّ قَرَأَ {فَأَمَّا مَنْ أَعْطَى وَاتَّقَى }-{ وَصَدَّقَ بِالْحُسْنَى} الآيَةَ.

Urdu translation: Hazrat Syed Zain-ul-Abidin Waliullah Shah

صحیح بخاری 4950

احمد بن یونس نے ہم سے بیان کیا کہ زُہَیر نے ہمیں بتایا، کہ اسود بن قیس نے ہم سے بیان کیا، انہوں نے کہا: میں نے حضرت جندب بن سفیان رضی اللہ عنہ سے سنا، وہ کہتے تھے: رسول اللہ ﷺ بیمار ہوئے اور آپؐ دو یا تین راتیں (تہجد کے لئے) نہیں اٹھے ایک عورت آئی وہ کہنے لگی: محمدؐ! میں امید کرتی ہوں کہ تمہارے شیطان نے (نعوذ باللہ) تمہیں چھوڑ دیا ہوگا۔ میں نے اس کو نہیں دیکھا کہ وہ دو یا تین رات سے تمہارے پاس آیا ہو۔ تب اللہ عزوجل نے یہ آیات نازل کیں۔ یعنی چاشت کی قسم ہے اور رات کی قسم ہے جب وہ سکون کی حالت میں ہو جائے تیرے ربّ نے تجھے نہیں چھوڑا اور نہ ہی تجھ سے ناراض ہوا۔

حَدَّثَنَا أَحْمَدُ بْنُ يُونُسَ حَدَّثَنَا زُهَيْرٌ حَدَّثَنَا الأَسْوَدُ بْنُ قَيْسٍ قَالَ سَمِعْتُ جُنْدُبَ بْنَ سُفْيَانَ ـ رضى الله عنه ـ قَالَ اشْتَكَى رَسُولُ اللَّهِ صلى الله عليه وسلم فَلَمْ يَقُمْ لَيْلَتَيْنِ أَوْ ثَلاَثًا فَجَاءَتِ امْرَأَةٌ فَقَالَتْ يَا مُحَمَّدُ إِنِّي لأَرْجُو أَنْ يَكُونَ شَيْطَانُكَ قَدْ تَرَكَكَ لَمْ أَرَهُ قَرِبَكَ مُنْذُ لَيْلَتَيْنِ أَوْ ثَلاَثًا. فَأَنْزَلَ اللَّهُ عَزَّ وَجَلَّ {وَالضُّحَى }-{ وَاللَّيْلِ إِذَا سَجَى }-{ مَا وَدَّعَكَ رَبُّكَ وَمَا قَلَى}

Urdu translation: Hazrat Syed Zain-ul-Abidin Waliullah Shah

صحیح بخاری 4951

محمد بن بشار نے ہم سے بیان کیا کہ محمد بن جعفر غندر نے ہمیں بتایا، شعبہ نے ہم سے بیان کیا اُنہوں نے اسود بن قیس سے روایت کی۔ اُنہوں نے کہا: میں نے جندب بَجلی سے سنا کہ ایک عورت کہنے لگی: رسول اللہ! میں سمجھتی ہوں کہ تیرے دوست نے تیرے پاس آنے میں دیر کر دی ہے۔ تو یہ آیت نازل ہوئی کہ نہ تیرے ربّ نے تجھے ترک کیا ہے اور نہ تجھ سے ناراض ہوا ہے۔

حَدَّثَنَا مُحَمَّدُ بْنُ بَشَّارٍ حَدَّثَنَا مُحَمَّدُ بْنُ جَعْفَرٍ غُنْدَرٌ حَدَّثَنَا شُعْبَةُ عَنِ الأَسْوَدِ بْنِ قَيْسٍ قَالَ سَمِعْتُ جُنْدَبًا الْبَجَلِيَّ قَالَتِ امْرَأَةٌ يَا رَسُولَ اللَّهِ مَا أُرَى صَاحِبَكَ إِلاَّ أَبْطَأَكَ. فَنَزَلَتْ {مَا وَدَّعَكَ رَبُّكَ وَمَا قَلَى}

Urdu translation: Hazrat Syed Zain-ul-Abidin Waliullah Shah

صحیح بخاری 4952

حجاج بن منہال نے ہم سے بیان کیا کہ شعبہ نے ہمیں بتایا، انہوں نے کہا: مجھے عدی نے بتایا، عدی نے کہا: میں نے حضرت براء رضی اللہ عنہ سے سنا کہ نبی ﷺ ایک سفر میں تھے اور آپؐ نے عشاء کے وقت دو رکعتوں میں سے ایک رکعت میں سورة وَ التِّيْنِ وَ الزَّيْتُوْنِ پڑھی۔ تَقْوِيْم کے معنی ہیں پیدائش۔

حَدَّثَنَا حَجَّاجُ بْنُ مِنْهَالٍ حَدَّثَنَا شُعْبَةُ قَالَ أَخْبَرَنِي عَدِيٌّ قَالَ سَمِعْتُ الْبَرَاءَ ـ رضى الله عنه ـ أَنَّ النَّبِيَّ صلى الله عليه وسلم كَانَ فِي سَفَرٍ فَقَرَأَ فِي الْعِشَاءِ فِي إِحْدَى الرَّكْعَتَيْنِ بِالتِّينِ وَالزَّيْتُونِ. تَقْوِيمٍ الْخَلْقِ.

Urdu translation: Hazrat Syed Zain-ul-Abidin Waliullah Shah

·

آج 10 میں سے 10 باقی