کتاب 5: كتاب الغسل
صحیح بخاری
صحیح بخاری 248
ہم سے عبداللہ بن یوسف نے بیان کیا، کہا: مالک نے ہمیں بتلایا۔ انہوں نے ہشام سے۔ ہشام نے اپنے باپ سے، ان کے باپ نے حضرت عائشہ ﷺ کی بیوی سے روایت کی کہ نبی ﷺ جب غسل جنابت کرتے تو آپ اپنے دونوں ہاتھ دھوتے۔ پھر اسی طرح وضو کرتے کہ جس طرح نماز کے لیے وضو کیا کرتے تھے۔ پھر اپنی اُنگلیاں پانی میں ڈالتے اور ان سے اپنے بالوں کی جڑوں میں خلال کرتے۔ پھر اپنے دونوں ہاتھوں سے اپنے سر پر تین چلو ڈالتے۔ پھر اپنے سارے بدن پر (پانی) بہاتے۔
صحیح بخاری 249
ہم سے محمد بن یوسف نے بیان کیا، کہا: سفیان نے ہمیں بتلایا۔ انہوں نے اعمش سے، اعمش نے سالم بن ابی جعد سے، سالم نے کریب سے، کریب نے حضرت ابن عباس سے، حضرت ابن عباس نے حضرت میمونہ نبی ﷺ کی بیوی سے روایت کی۔ وہ کہتی تھیں کہ رسول اللہ ﷺ نے جس طرح آپ اپنی نماز کے لیے وضو کرتے تھے وضو کیا، مگر پاؤں نہیں ہوئے اور آپ نے اپنی شرم گاہ کو دھویا اور اس آلائش کو بھی جو آپ کو لگ گئی تھی۔ اس کے بعد آپ نے اپنے اوپر پانی بہا دیا۔ پھر آپ نے دونوں پاؤں کو ایک طرف کر کے ان کو دھویا۔ یہ ہے آپ کا غسل جنابت۔
صحیح بخاری 250
آدم بن ابی ایاس نے ہم سے بیان کیا۔ کہا: ابو ذئب کے بیٹے نے ہمیں بتلایا انہوں نے زہری ہے۔ زہری نے عروہ سے۔ عروہ نے حضرت عائشہ سے روایت کی۔ وہ کہتی تھیں کہ میں اور نبی ﷺ ایک ہی برتن یعنی پیالے سے جسے دوہنی کہتے ہیں، نہایا کرتے تھے۔
صحیح بخاری 251
ہم سے عبد اللہ بن محمد نے بیان کیا ، کہا: عبد الصمد نے مجھ سے بیان کیا۔ انہوں نے کہا: شعبہ نے مجھے بتلایا۔ کہا: ابوبکر بن حفص نے مجھ سے بیان کیا ، کہا: میں نے ابوسلمہ سے سنا۔ وہ کہتے تھے: میں اور حضرت عائشہ کا بھائی، حضرت عائشہ کے پاس اندر گئے اور ان کے بھائی نے ان سے نبی ﷺ کے نہانے کے متعلق پوچھا تو حضرت عائشہ نے ایک برتن منگوایا جو تقریباً صاع کے برابر تھا اور وہ نہائیں اور اپنے سر پر پانی ڈالا۔ اور ہمارے اور ان کے درمیان پردہ تھا۔ ابوعبد اللہ (بخاری) نے کہا کہ یزید بن ہارون اور بہنر اور جدی نے شعبہ سے روایت کرتے ہوئے یہ الفاظ کہے: ایک صاع کے اندازے کے برابر۔
صحیح بخاری 252
ہم سے عبد اللہ بن محمد نے بیان کیا، کہا: بیچی بن آدم نے ہمیں بتلایا، انہوں نے کہا، زہیر نے ہم سے بیان کیا کہ ابو اسحاق سے مروی ہے کہ انہوں نے کہا، ابو جعفر نے ہمیں بتلایا کہ وہ اور ان کے باپ حضرت جابر بن عبد اللہ کے پاس تھے اور ان کے پاس کچھ اور لوگ بھی بیٹھے تھے، انہوں نے حضرت جابر سے غسل کے متعلق پوچھا تو انہوں نے کہا: ایک صاع (پانی) تمہیں کافی ہے۔ ایک شخص بولا: مجھے تو کافی نہیں ہوتا۔ حضرت جابر نے کہا: جس کے بال تم سے زیادہ تھے اور جو تم سے بہتر تھا، اس کو تو کافی ہوا کرتا تھا۔ پھر اس نے ایک ہی کپڑے میں ہماری امامت بھی کی۔
صحیح بخاری 253
قَالَ أَبُو عَبْدِ اللَّهِ كَانَ ابْنُ عُيَيْنَةَ يَقُولُ أَخِيرًا عَنِ ابْنِ عَبَّاسٍ عَنْ مَيْمُونَةَ وَالصَّحِيحُ مَا رَوَى أَبُو نُعَيْمٍ.
ہم سے ابونعیم نے بیان کیا ، کہا: ابن عیینہ نے ہمیں بتلایا۔ انہوں نے عمرو سے۔ عمرو نے جابر بن زید سے، جابر نے حضرت ابن عباس سے روایت کی کہ نبی ﷺ اور حضرت میمونہ ایک ہی برتن سے نہایا کرتے تھے۔ اور یزید بن ہارون اور بہنبر اور جدی نے شعبہ سے روایت کرتے ہوئے (اس کی مقدار) ایک صاع بیان کی۔
ابو عبد الله (بخاری) نے کہا: ابن عیینہ اپنی آخری عمر میں یوں روایت کیا کرتے تھے: حضرت ابن عباس سے مروی ہے کہ انہوں نے حضرت میمونہ سے روایت کی۔۔۔ اور درست وہی ہے جو ابونُعیم نے روایت کیا۔
صحیح بخاری 254
ہم سے ابو نعیم نے بیان کیا، کہا کہ زہیر نے ہمیں بتلایا۔ انہوں نے ابو اسحاق سے روایت کی، کہتے تھے کہ مجھے سلیمان بن صرد نے بتلایا، کہا: حضرت جبیر بن مطعم نے مجھے بتلایا۔ کہا: رسول اللہ ﷺ نے فرمایا: میں تو اپنے سر پر تین بار پانی ڈالتا ہوں اور آپ نے اپنے دونوں ہاتھوں سے اشارہ کر کے بتلایا۔
صحیح بخاری 255
مجھ سے محمد بن بشار نے بیان کیا ، کہا: غندر نے ہم سے بیان کیا۔ انہوں نے کہا: شعبہ نے ہمیں بتلایا۔ انہوں نے مخول بن راشد سے مخول نے محمد بن علی سے۔ محمد نے حضرت جابر بن عبداللہ سے روایت کی وہ کہتے تھے : نبی ﷺ اپنے سر پر تین بار پانی ڈالا کرتے تھے۔
صحیح بخاری 256
ہم سے ابو نعیم نے بیان کیا، کہا: معمر بن بیٹی بن سام نے ہم سے بیان کیا، انہوں نے کہا: ابو جعفر نے مجھ سے بیان کیا۔ کہتے تھے: حضرت جابر نے مجھ سے کہا: تمہارے چا کا بیٹا میرے پاس آیا۔ حسن بن محمد بن حنفیہ کی طرف اشارہ تھا۔ اس نے پوچھا: جنابت کا غسل کس طرح کیا جائے؟ میں نے کہا: نبی ﷺ تین چلولیا کرتے تھے اور ان کو اپنے سر پر ڈالتے پھر اپنے سارے جسم پر پانی ڈالتے۔ اس پر حسن نے مجھے کہا: میں بہت بالوں والا آدمی ہوں تو میں نے کہا: نبی ﷺ تجھ سے زیادہ بالوں والے تھے۔
صحیح بخاری 257
ہم سے موسیٰ بن اسماعیل نے بیان کیا، کہا: عبدالواحد نے ہمیں بتلایا۔ انہوں نے اعمش سے۔ اعمش نے سالم بن ابی جعد سے۔ سالم نے کریب ہے۔ کریب نے حضرت ابن عباس سے روایت کی۔ وہ کہتے تھے: حضرت میمونہ نے کہا: میں نے نبی ﷺ کے لیے نہانے کا پانی رکھا تو آپ نے اپنے دونوں ہاتھ دو یا تین دفعہ دھوئے۔ پھر آپ نے اپنے بائیں ہاتھ پر پانی ڈالا۔ پھر اپنی شرم گاہ ہوئی۔ پھر اپنا ہاتھ زمین پر ملا۔ پھر کلی کی اور ناک میں پانی لیا اور اپنا منہ اور دونوں ہاتھ دھوئے۔ اس کے بعد آپ نے اپنے جسم پر پانی ڈالا پھر اپنی جگہ سے ایک طرف ہو گئے اور اپنے دونوں پاؤں دھوئے۔
صحیح بخاری 258
ہم سے محمد بن شنی نے بیان کیا، کہا: ابو عاصم نے ہمیں بتلایا۔ انہوں نے حنظلہ سے۔ حنظلہ نے قاسم سے۔ قاسم نے حضرت عائشہ سے روایت کی۔ وہ کہتی تھیں: نبی ﷺ جب غسل جنابت کرتے تو حلاب جیسی کوئی چیز منگواتے اور اپنی تھیلی میں لیتے اور اپنے سر کی دائیں طرف سے شروع کرتے پھر بائیں سے اور پھر اپنے سر کے درمیان * دونوں ہاتھوں سے ڈال کر دھوتے۔
صحیح بخاری 259
ہم سے عمر بن حفص بن غیاث نے بیان کیا، کہا: میرے باپ نے ہم سے بیان کیا کہ اعمش نے ہمیں بتلایا، کہا: سالم نے مجھے بتلایا۔ انہوں نے کریب سے۔ کریب نے حضرت ابن عباس سے روایت کی۔ انہوں نے کہا: حضرت میمونہ نے ہمیں بتلایا۔ وہ کہتی تھیں: میں نے نبی عے کے لیے نہانے کا پانی برتن میں ڈالا تو آپ نے اپنے دائیں ہاتھ سے اپنے بائیں ہاتھ پر پانی ڈالا اور انہیں دھویا۔ پھر اپنی شرم گاہ دھوئی۔ پھر اپنا ہاتھ زمین پر رکھا اور مٹی سے اسے ملا اور اس کو دھویا۔ پھر کلی کی اور ناک میں پانی لیا۔ پھر اپنا چہرہ دھویا اور اپنے سر پر پانی بہایا پھر ایک طرف ہو گئے اور اپنے دونوں پاؤں دھوئے۔ پھر ایک رومال لایا گیا تو آپ نے اس سے نہیں پونچھا۔
صحیح بخاری 260
ہم سے عبداللہ بن زبیر حمیدی نے بیان کیا، کہا: سفیان نے ہم سے بیان کیا۔ انہوں نے کہا: اعمش نے ہمیں بتلایا۔ اعمش نے سالم بن ابی جعد سے۔ سالم نے کریب سے۔ کریب نے حضرت ابن عباس سے۔ حضرت ابن عباس نے حضرت میمونہ نے روایت کی کہ نبی ﷺ نے غسل جنابت کیا اور اپنی شرم گاہ کو اپنے ہاتھ سے دھویا اور پھر ہاتھ دیوار سے رگڑا۔ پھر اسے دھویا۔ اس کے بعد آپ نے وضو کیا جیسا کہ آپ نماز کے لیے وضو کیا کرتے تھے۔ جب اپنے غسل سے فارغ ہوئے تو آپ نے اپنے دونوں پاؤں دھوئے۔
صحیح بخاری 261
ہم سے عبد اللہ بن مسلمہ نے بیان کیا، کہا کہ افلح نے ہمیں بتلایا۔ انہوں نے قاسم سے۔ قاسم نے حضرت عائشہ سے روایت کی۔ وہ کہتی تھیں کہ میں اور نبی ﷺ ایک ہی برتن سے اکٹھے نہایا کرتے تھے۔ ہمارے ہاتھ باری باری اس میں پڑتے۔
صحیح بخاری 262
ہم سے مسدد نے بیان کیا۔ کہا: حماد نے ہمیں بتلایا۔ انہوں نے ہشام سے۔ ہشام نے اپنے باپ سے۔ انہوں نے حضرت عائشہ سے روایت کی۔ کہتی تھیں کہ رسول اللہ ﷺ جب جنابت کا غسل فرماتے تو آپ اپنے ہاتھ کو دھوتے۔
صحیح بخاری 263
ہم سے ابو الولید نے بیان کیا، کہا: شعبہ نے ہمیں بتلایا، انہوں نے ابوبکر بن حفص سے۔ ابوبکر نے عروہ ہے۔ عروہ نے حضرت عائشہ سے روایت کی۔ وہ کہتی تھیں کہ میں اور نبی ﷺ ایک ہی برتن سے جنابت کا فنسل کیا کرتے۔ اور عبدالرحمن بن قاسم سے بھی اسی طرح مروی ہے۔ انہوں نے اپنے باپ سے۔ ان کے باپ نے حضرت عائشہؓ سے روایت کی۔
صحیح بخاری 264
ہم سے ابوالولید نے بیان کیا، کہا: شعبہ نے ہمیں بتلایا۔ انہوں نے عبداللہ بن عبد اللہ بن جبر سے روایت کی۔ کہتے تھے کہ میں نے حضرت انس بن مالک کو یہ کہتے سنا کہ نبی ﷺ اور آپ کی بیویوں میں سے کوئی بیوی ایک ہی برتن سے اکٹھے نہایا کرتے تھے۔ مسلم اور وہب (بن جریر) نے شعبہ سے روایت کرتے ہوئے ”مِنَ الْجَنَابَةِ“ کے الفاظ بڑھائے۔
صحیح بخاری 265
ہم سے محمد بن محبوب نے بیان کیا، کہا: عبدالواحد نے ہم سے بیان کیا۔ انہوں نے کہا: اعمش نے ہمیں بتلایا۔ انہوں نے سالم بن ابی جعد سے۔ سالم نے حضرت ابن عباس کے مولی کریب ہے۔ کریب نے حضرت ابن عباس سے روایت کی۔ وہ کہتے تھے کہ حضرت میمونہ نے کہا: میں نے رسول اللہ ﷺ کے لیے پانی رکھا کہ آپ اس سے نہائیں۔ آپ نے اپنے دونوں ہاتھوں پر پانی ڈالا اور انہیں دو دو یا تین بار دھویا۔ پھر اپنے دائیں ہاتھ سے اپنے بائیں ہاتھ پر پانی ڈالا اور اپنی شرم گاہ کی جگہیں دھوئیں۔ پھر اپنا ہاتھ زمین پر رگڑا۔ پھر کلی کی اور ناک میں پانی لیا۔ پھر اپنا منہ اور دونوں ہاتھ دھوئے اور اپنا سر تین بار دھویا۔ اس کے بعد آپ نے اپنے جسم پر پانی ڈالا۔ پھر آپ اس جگہ سے ایک طرف ہوگئے، جہاں آپ کھڑے تھے اور اپنے دونوں پاؤں دھوئے۔
صحیح بخاری 266
ہم سے موسیٰ بن اسماعیل نے بیان کیا، کہا: ہم سے ابو عوانہ نے بیان کیا کہ اعمش نے ہمیں بتلایا۔ انہوں نے سالم بن ابی جعد سے۔ ابو جعد نے حضرت ابن عباس کے مولیٰ کریب سے۔ کریب نے حضرت ابن عباس سے۔ حضرت ابن عباس نے حارث کی بیٹی حضرت میمونہ سے روایت کی کہ وہ کہتی تھیں: میں نے رسول اللہ ﷺ کے لیے نہانے کا پانی رکھا اور آپ کو پردہ کیا تو آپ نے اپنے ہاتھ پر پانی ڈالا۔ اسے ایک دفعہ یا دو دفعہ دھویا۔ سلیمان کہتے تھے کہ میں نہیں جانتا کہ انہوں نے تیسری دفعہ کا ذکر کیا یا نہیں۔ پھر اپنے دائیں ہاتھ سے اپنے بائیں ہاتھ پر ڈالا اور اپنی شرمگاہ کو دھویا۔ پھر اپنے ہاتھ کو زمین پر یا دیوار پر رگڑا۔ پھر کلی کی اور ناک میں پانی لیا اور اپنا منہ اور دونوں ہاتھ دھوئے اور اپنا سر دھویا۔ پھر اپنے بدن پر پانی ڈالا۔ پھر ایک طرف ہو گئے اور اپنے دونوں پاؤں دھوئے تو میں نے آپ کو ایک کپڑا دیا۔ آپ نے اپنے ہاتھ سے اس طرح جھاڑ کر پونچھ دیا اور اسے نہ چاہا۔
صحیح بخاری 267
ہم سے محمد بن بشار نے بیان کیا، کہا: ابن ابی عدی اور یحیی بن سعید نے ہمیں بتلایا۔ انہوں نے شعبہ سے۔ شعبہ نے ابراہیم بن محمد بن منتشر۔ انہوں نے اپنے باپ سے روایت کی کہ وہ کہتے تھے: میں نے حضرت عائشہ کے پاس اس کا ذکر کیا تو انہوں نے کہا: اللہ عبد الرحمن کے باپ پر رحم کرے۔ میں رسول اللہ ﷺ کو خوشبو لگایا کرتی تھی اور آپ اپنی تمام بیویوں کے پاس چکر لگاتے۔ صبح احترام باندھتے اور آپ خوشبو سے مہک رہے ہوتے۔