کتاب 81: كتاب الرقاق

صحیح بخاری, حصہ 10

صحیح بخاری 6592

اور ابن ابی عدی نے شعبہ سے، شعبہ نے معبد بن خالد سے، معبد نے حضرت حارثہ (بن وہبؓ) سے روایت کرتے ہوئے اتنا بڑھایا کہ انہوں نے نبی ﷺ سے آپ کی یہ بات سنی کہ آپؐ کا حوض اتنا ہے جتنا صنعاء اور مدینہ کے درمیان فاصلہ ہے۔ تو حضرت مستوردؓ نے اُن سے کہا: کیا تم نے آنحضرت ﷺ سے یہ نہیں سنا کہ برتنوں کا بھی ذکر کیا ہو؟ اُنہوں نے کہا: نہیں۔ حضرت مستوردؓ نے کہا: اس حدیث میں تو یہ بھی تھا کہ برتن ستاروں کی طرح ہوں گے۔

وَزَادَ ابْنُ أَبِي عَدِيٍّ عَنْ شُعْبَةَ عَنْ مَعْبَدِ بْنِ خَالِدٍ عَنْ حَارِثَةَ سَمِعَ النَّبِيَّ صلى الله عليه وسلم قَوْلَهُ حَوْضُهُ مَا بَيْنَ صَنْعَاءَ وَالْمَدِينَةِ. فَقَالَ لَهُ الْمُسْتَوْرِدُ أَلَمْ تَسْمَعْهُ قَالَ الأَوَانِي. قَالَ لاَ. قَالَ الْمُسْتَوْرِدُ تُرَى فِيهِ الآنِيَةُ مِثْلَ الْكَوَاكِبِ.

Urdu translation: Hazrat Syed Zain-ul-Abidin Waliullah Shah

صحیح بخاری 6593

سعید بن ابی مریم نے ہم سے بیان کیا۔ اُنہوں نے نافع بن عمر سے روایت کی۔ اُنہوں نے کہا: ابن ابی ملیکہ نے مجھے بتایا۔ ابن ابی ملیکہ نے حضرت اسماء بنت ابی بکر رضی اللہ عنہما سے روایت کی۔ وہ کہتی تھیں: نبی ﷺ نے فرمایا: میں حوض پر ہوں گا اور جو تم میں سے میرے پاس (پانی پینے کے لئے) آئیں گے ان کو دیکھتا رہوں گا اور کچھ لوگوں کو میرے سامنے سے پکڑ کر لے جائیں گے۔ میں کہوں گا: اے میرے ربّ! یہ میرے ہیں اور میری اُمّت میں سے ہیں۔ تو کہا جائے گا: کیا تمہیں علم ہوا جو انہوں نے تمہارے بعد کیا؟ اللہ کی قسم وہ اپنی ایڑیوں کے بل پھرتے رہے۔ (یہ حدیث بیان کرکے) ابن ابی ملیکہ یہ دعا کیا کرتے تھے۔ اے اللہ! ہم تیری پناہ لیتے ہیں اس سے کہ ہم اپنی ایڑیوں کے بل پھر جائیں یا ہمیں اپنے دین سے بہکا یا جائے۔ یہ جو سورة مؤمنون میں ہے عَلَى اَعْقَابِكُمْ تَنْكِصُوْنَ اس کے معنی ہیں ایڑیوں کے بل اُلٹے پھرتے ہیں۔

حَدَّثَنَا سَعِيدُ بْنُ أَبِي مَرْيَمَ عَنْ نَافِعِ بْنِ عُمَرَ قَالَ حَدَّثَنِي ابْنُ أَبِي مُلَيْكَةَ عَنْ أَسْمَاءَ بِنْتِ أَبِي بَكْرٍ ـ رضى الله عنهما ـ قَالَتْ قَالَ النَّبِيُّ صلى الله عليه وسلم " إِنِّي عَلَى الْحَوْضِ حَتَّى أَنْظُرُ مَنْ يَرِدُ عَلَىَّ مِنْكُمْ وَسَيُؤْخَذُ نَاسٌ دُونِي فَأَقُولُ يَا رَبِّ مِنِّي وَمِنْ أُمَّتِي. فَيُقَالُ هَلْ شَعَرْتَ مَا عَمِلُوا بَعْدَكَ وَاللَّهِ مَا بَرِحُوا يَرْجِعُونَ عَلَى أَعْقَابِهِمْ ". فَكَانَ ابْنُ أَبِي مُلَيْكَةَ يَقُولُ اللَّهُمَّ إِنَّا نَعُوذُ بِكَ أَنْ نَرْجِعَ عَلَى أَعْقَابِنَا أَوْ نُفْتَنَ عَنْ دِينِنَا. {أَعْقَابِكُمْ تَنْكِصُونَ} تَرْجِعُونَ عَلَى الْعَقِبِ.

Urdu translation: Hazrat Syed Zain-ul-Abidin Waliullah Shah

آج 10 میں سے 10 باقی