کتاب 86: كتاب الحدود

صحیح بخاری, حصہ 2

صحیح بخاری 6792

عثمان بن ابی شیبہ نے ہم سے بیان کیا کہ عبدہ (بن سلیمان) نے ہمیں بتایا۔ اُنہوں نے ہشام (بن عروہ) سے، ہشام نے اپنے باپ سے روایت کی۔ اُنہوں نے کہا کہ حضرت عائشہؓ نے مجھے بتایا کہ نبی ﷺ کے زمانہ میں چور کا ہاتھ صرف ڈھال کی قیمت کے بدلے میں ہی کاٹا گیا تھا۔ چمڑے کی ڈھال ہو یا لوہے کی ڈھال۔ عثمان (بن ابی شیبہ) نے ہم سے بیان کیا کہ حمید بن عبدالرحمٰن نے ہمیں بتایا۔ ہشام نے ہم سے بیان کیا۔ ہشام نے اپنے باپ سے، اُن کے باپ نے حضرت عائشہؓ سے اسی طرح روایت کیا۔

حَدَّثَنَا عُثْمَانُ بْنُ أَبِي شَيْبَةَ حَدَّثَنَا عَبْدَةُ عَنْ هِشَامٍ عَنْ أَبِيهِ قَالَ أَخْبَرَتْنِي عَائِشَةُ أَنَّ يَدَ السَّارِقِ لَمْ تُقْطَعْ عَلَى عَهْدِ النَّبِيِّ صلى الله عليه وسلم إِلاَّ فِي ثَمَنِ مِجَنٍّ حَجَفَةٍ أَوْ تُرْسٍ.حَدَّثَنَا عُثْمَانُ حَدَّثَنَا حُمَيْدُ بْنُ عَبْدِ الرَّحْمَنِ حَدَّثَنَا هِشَامٌ عَنْ أَبِيهِ عَنْ عَائِشَةَ مِثْلَهُ.

Urdu translation: Hazrat Syed Zain-ul-Abidin Waliullah Shah

صحیح بخاری 6793

محمد بن مقاتل نے ہم سے بیان کیا کہ عبداللہ (بن مبارک) نے ہمیں خبر دی۔ ہشام بن عروہ نے ہمیں بتایا۔ ہشام نے اپنے باپ سے، ان کے باپ نے حضرت عائشہؓ سے روایت کی۔ وہ فرماتی تھیں: چمڑے کی ڈھال یا لوہے کی ڈھال سے کم قیمت کی چیز میں چور کا ہاتھ نہیں کاٹا جاتا تھا۔ اِن میں سے ہر ایک ڈھال قیمتی ہوتی۔ اس حدیث کو وکیع اور ابن ادریس نے ہشام سے، ہشام نے اپنے باپ سے مُرسل روایت کیا۔

حَدَّثَنَا مُحَمَّدُ بْنُ مُقَاتِلٍ أَخْبَرَنَا عَبْدُ اللَّهِ أَخْبَرَنَا هِشَامُ بْنُ عُرْوَةَ عَنْ أَبِيهِ عَنْ عَائِشَةَ قَالَتْ لَمْ تَكُنْ تُقْطَعُ يَدُ السَّارِقِ فِي أَدْنَى مِنْ حَجَفَةٍ أَوْ تُرْسٍ كُلُّ وَاحِدٍ مِنْهُمَا ذُو ثَمَنٍ. رَوَاهُ وَكِيعٌ وَابْنُ إِدْرِيسَ عَنْ هِشَامٍ عَنْ أَبِيهِ مُرْسَلاً.

Urdu translation: Hazrat Syed Zain-ul-Abidin Waliullah Shah

صحیح بخاری 6794

یوسف بن موسیٰ نے مجھ سے بیان کیا کہ ابواُسامہ نے ہمیں بتایا۔ اُنہوں نے کہا کہ ہشام بن عروہ نے ہمیں خبر دی۔ اُنہوں نے اپنے باپ سے، اُن کے باپ نے حضرت عائشہ رضی اللہ عنہا سے روایت کی۔ آپؓ فرماتی تھیں کہ نبی ﷺ کے زمانہ میں ڈھال کی قیمت سے کم میں چور کا ہاتھ نہیں کاٹا گیا خواہ وہ لوہے کی ڈھال ہو یا چمڑے کی ڈھال اور ان میں سے ہر ایک قیمتی تھی۔

حَدَّثَنِي يُوسُفُ بْنُ مُوسَى حَدَّثَنَا أَبُو أُسَامَةَ قَالَ هِشَامُ بْنُ عُرْوَةَ أَخْبَرَنَا عَنْ أَبِيهِ عَنْ عَائِشَةَ ـ رضى الله عنها ـ قَالَتْ لَمْ تُقْطَعْ يَدُ سَارِقٍ عَلَى عَهْدِ النَّبِيِّ صلى الله عليه وسلم فِي أَدْنَى مِنْ ثَمَنِ الْمِجَنِّ تُرْسٍ أَوْ حَجَفَةٍ وَكَانَ كُلُّ وَاحِدٍ مِنْهُمَا ذَا ثَمَنٍ.

Urdu translation: Hazrat Syed Zain-ul-Abidin Waliullah Shah

صحیح بخاری 6795

اسماعیل (بن ابی اویس) نے ہم سے بیان کیا کہ مالک بن انس نے مجھے بتایا۔ اُنہوں نے حضرت عبداللہ بن عمرؓ کے غلام نافع سے، نافع نے حضرت عبداللہ بن عمر رضی اللہ عنہما سے روایت کی کہ رسول اللہ ﷺ نے ایک ڈھال کی وجہ سے ہاتھ کاٹا جس کی قیمت تین درہم تھی۔ (مالک کی طرح) محمد بن اسحاق نے بھی اس کو روایت کیا اور لیث نے کہا: مجھ سے نافع نے (بجائے ثَمَنُهُ کے) قِيمَتُهُ بیان کیا۔

حَدَّثَنَا إِسْمَاعِيلُ حَدَّثَنِي مَالِكُ بْنُ أَنَسٍ عَنْ نَافِعٍ مَوْلَى عَبْدِ اللَّهِ بْنِ عُمَرَ عَنْ عَبْدِ اللَّهِ بْنِ عُمَرَ ـ رضى الله عنهما ـ أَنَّ رَسُولَ اللَّهِ صلى الله عليه وسلم قَطَعَ فِي مِجَنٍّ ثَمَنُهُ ثَلاَثَةُ دَرَاهِمَ. تَابَعَهُ مُحَمَّدُ بْنُ إِسْحَاقَ وَقَالَ اللَّيْثُ حَدَّثَنِي نَافِعٌ قِيمَتُهُ

Urdu translation: Hazrat Syed Zain-ul-Abidin Waliullah Shah

صحیح بخاری 6796

موسیٰ بن اسماعیل نے ہم سے بیان کیا کہ جویریہ نے ہمیں بتایا۔ اُنہوں نے نافع سے، نافع نے حضرت ابن عمرؓ سے روایت کی وہ کہتے تھے: نبیﷺ نے ایک ڈھال کی وجہ سے ہاتھ کاٹا جس کی قیمت تین درہم تھی۔

حَدَّثَنَا مُوسَى بْنُ إِسْمَاعِيلَ حَدَّثَنَا جُوَيْرِيَةُ عَنْ نَافِعٍ عَنِ ابْنِ عُمَرَ قَالَ قَطَعَ النَّبِيُّ صلى الله عليه وسلم فِي مِجَنٍّ ثَمَنُهُ ثَلاَثَةُ دَرَاهِمَ.

Urdu translation: Hazrat Syed Zain-ul-Abidin Waliullah Shah

صحیح بخاری 6797

مسدد نے ہم سے بیان کیا کہ یحيٰ (قطان) نے ہمیں بتایا۔ اُنہوں نے عبیداللہ سے، عبیداللہ نے کہا: نافع نے مجھ سے بیان کیا۔ نافع نے حضرت عبداللہؓ سے روایت کی۔ اُنہوں نے کہا: نبی ﷺ نے ایک ڈھال کی وجہ سے ہاتھ کاٹا جس کی قیمت تین درہم تھی۔

حَدَّثَنَا مُسَدَّدٌ حَدَّثَنَا يَحْيَى عَنْ عُبَيْدِ اللَّهِ قَالَ حَدَّثَنِي نَافِعٌ عَنْ عَبْدِ اللَّهِ قَالَ قَطَعَ النَّبِيُّ صلى الله عليه وسلم فِي مِجَنٍّ ثَمَنُهُ ثَلاَثَةُ دَرَاهِمَ.

Urdu translation: Hazrat Syed Zain-ul-Abidin Waliullah Shah

صحیح بخاری 6798

ابراہیم بن منذر نے ہم سے بیان کیا کہ ابو ضمرہ نے ہمیں بتایا۔ موسیٰ بن عقبہ نے ہم سے بیان کیا۔ موسیٰ نے نافع سے، نافع نے حضرت عبداللہ بن عمر رضی اللہ عنہما سے روایت کی۔ اُنہوں نے کہا: نبی ﷺ نے ایک ڈھال کی وجہ سے کہ جس کی قیمت تین درہم تھی ایک چور کا ہاتھ کاٹا۔ محمد بن اسحاق نے بھی اس کو روایت کیا اور لیث نے کہا: مجھ سے نافع نے (بجائے ثَمَنُهُ کے) قِيمَتُهُ بیان کیا۔

حَدَّثَنِي إِبْرَاهِيمُ بْنُ الْمُنْذِرِ حَدَّثَنَا أَبُو ضَمْرَةَ حَدَّثَنَا مُوسَى بْنُ عُقْبَةَ عَنْ نَافِعٍ أَنَّ عَبْدَ اللَّهِ بْنَ عُمَرَ ـ رضى الله عنهما ـ قَالَ قَطَعَ النَّبِيُّ صلى الله عليه وسلم يَدَ سَارِقٍ فِي مِجَنٍّ ثَمَنُهُ ثَلاَثَةُ دَرَاهِمَ. تَابَعَهُ مُحَمَّدُ بْنُ إِسْحَاقَ وَقَالَ اللَّيْثُ حَدَّثَنِي نَافِعٌ " قِيمَتُهُ ".

Urdu translation: Hazrat Syed Zain-ul-Abidin Waliullah Shah

صحیح بخاری 6799

موسیٰ بن اسماعیل نے ہم سے بیان کیا کہ عبدالواحد نے ہمیں بتایا۔ اعمش نے ہم سے بیان کیا۔ اعمش نے کہا: میں نے ابو صالح سے سنا۔ اُنہوں نے کہا: میں نے حضرت ابوہریرہؓ سے سنا۔ اُنہوں نے کہا: رسول اللہ ﷺ نے فرمایا: اللہ چور کو اپنی رحمت سے دور کرے۔ وہ انڈا چراتا ہے تو اس کا ہاتھ کاٹا جاتا ہے اور رسّی چراتا ہے تو اس کا ہاتھ کاٹا جاتا ہے۔

حَدَّثَنَا مُوسَى بْنُ إِسْمَاعِيلَ حَدَّثَنَا عَبْدُ الْوَاحِدِ حَدَّثَنَا الأَعْمَشُ قَالَ سَمِعْتُ أَبَا صَالِحٍ قَالَ سَمِعْتُ أَبَا هُرَيْرَةَ قَالَ قَالَ رَسُولُ اللَّهِ صلى الله عليه وسلم " لَعَنَ اللَّهُ السَّارِقَ يَسْرِقُ الْبَيْضَةَ فَتُقْطَعُ يَدُهُ وَيَسْرِقُ الْحَبْلَ فَتُقْطَعُ يَدُهُ ".

Urdu translation: Hazrat Syed Zain-ul-Abidin Waliullah Shah

صحیح بخاری 6800

اسماعیل بن عبداللہ نے ہم سے بیان کیا۔ اُنہوں نے کہا: ابن وہب نے مجھے بتایا۔ اُنہوں نے یونس سے، یونس نے ابن شہاب سے، ابن شہاب نے عروہ سے، عروہ نے حضرت عائشہؓ سے روایت کی کہ نبی ﷺ نے ایک عورت کا ہاتھ کاٹا۔ حضرت عائشہؓ فرماتی تھیں: اور اِس کے بعد وہ آیا کرتی تو میں اس کی ضرورت کو نبی ﷺ کے سامنے پیش کرتی اس نے توبہ کی تھی اور اس کی توبہ اچھی طرح ہوئی۔

حَدَّثَنَا إِسْمَاعِيلُ بْنُ عَبْدِ اللَّهِ قَالَ حَدَّثَنِي ابْنُ وَهْبٍ عَنْ يُونُسَ عَنِ ابْنِ شِهَابٍ عَنْ عُرْوَةَ عَنْ عَائِشَةَ أَنَّ النَّبِيَّ صلى الله عليه وسلم قَطَعَ يَدَ امْرَأَةٍ. قَالَتْ عَائِشَةُ وَكَانَتْ تَأْتِي بَعْدَ ذَلِكَ فَأَرْفَعُ حَاجَتَهَا إِلَى النَّبِيِّ صلى الله عليه وسلم فَتَابَتْ وَحَسُنَتْ تَوْبَتُهَا.

Urdu translation: Hazrat Syed Zain-ul-Abidin Waliullah Shah

صحیح بخاری 6801

عبداللہ بن محمد (جعفی) نے ہم سے بیان کیا کہ ہشام بن یوسف نے ہمیں بتایا۔ معمر نے ہمیں خبر دی۔ معمر نے زہری سے، زہری نے ابوادریس (خولانی) سے، ابوادریس نے حضرت عبادہ بن صامت رضی اللہ عنہ سے روایت کی۔ اُنہوں نے کہا: ایک جماعت کے ساتھ میں نے رسول اللہ ﷺ سے بیعت کی۔ آپؐ نے فرمایا: میں تم سے اس بات کی بیعت لیتا ہوں کہ تم کسی چیز کو بھی اللہ کا شریک نہ ٹھہراؤ اور نہ تم چوری کرو اور نہ اپنی اولاد کو قتل کرو اور نہ تم بہتان باندھو جسے تم اپنے سامنے دیکھتے بھالتے گھڑو اور بھلی بات میں میری نافرمانی نہ کرو۔ سو جس نے تم میں سے اس عہد کو پورا کیا تو اس کا اجر اللہ کے ذمہ ہوگا اور جس نے ان میں سے کوئی گناہ کیا اور دنیا میں اس کی وجہ سے اس کو پکڑا گیا تو یہ اس کے لئے کفارہ ہو گا اور اس کو گناہ سے پاک کرنے کا موجب ہو گا اور جس کی اللہ نے پردہ پوشی کی تو اُس کا معاملہ اللہ کے سپرد ہے اگر چاہے تو اُس کو سزا دے اگر چاہے تو اس کی پردہ داری کرتے ہوئے اس سے درگزر کر دے۔ ابوعبداللہ (امام بخاریؒ) نے کہا: اگر چور اپنے ہاتھ کاٹے جانے کے بعد توبہ کرلے تو اس کی شہادت قبول کی جائے گی اور اسی طرح ہر سزا یافتہ جب توبہ کرلے تو اس کی شہادت قبول کی جائے گی۔

حَدَّثَنَا عَبْدُ اللَّهِ بْنُ مُحَمَّدٍ الْجُعْفِيُّ حَدَّثَنَا هِشَامُ بْنُ يُوسُفَ أَخْبَرَنَا مَعْمَرٌ عَنِ الزُّهْرِيِّ عَنْ أَبِي إِدْرِيسَ عَنْ عُبَادَةَ بْنِ الصَّامِتِ ـ رضى الله عنه ـ قَالَ بَايَعْتُ رَسُولَ اللَّهِ صلى الله عليه وسلم فِي رَهْطٍ فَقَالَ " أُبَايِعُكُمْ عَلَى أَنْ لاَ تُشْرِكُوا بِاللَّهِ شَيْئًا وَلاَ تَسْرِقُوا وَلاَ تَقْتُلُوا أَوْلاَدَكُمْ وَلاَ تَأْتُوا بِبُهْتَانٍ تَفْتَرُونَهُ بَيْنَ أَيْدِيكُمْ وَأَرْجُلِكُمْ وَلاَ تَعْصُونِي فِي مَعْرُوفٍ فَمَنْ وَفَى مِنْكُمْ فَأَجْرُهُ عَلَى اللَّهِ وَمَنْ أَصَابَ مِنْ ذَلِكَ شَيْئًا فَأُخِذَ بِهِ فِي الدُّنْيَا فَهْوَ كَفَّارَةٌ لَهُ وَطَهُورٌ وَمَنْ سَتَرَهُ اللَّهُ فَذَلِكَ إِلَى اللَّهِ إِنْ شَاءَ عَذَّبَهُ وَإِنْ شَاءَ غَفَرَ لَهُ ". قَالَ أَبُو عَبْدِ اللَّهِ إِذَا تَابَ السَّارِقُ بَعْدَ مَا قُطِعَ يَدُهُ قُبِلَتْ شَهَادَتُهُ وَكُلُّ مَحْدُودٍ كَذَلِكَ إِذَا تَابَ قُبِلَتْ شَهَادَتُهُ.

Urdu translation: Hazrat Syed Zain-ul-Abidin Waliullah Shah

صحیح بخاری 6802

علی بن عبداللہ نے ہم سے بیان کیا کہ ولید بن مسلم نے ہمیں بتایا۔ اوزاعی نے ہم سے بیان کیا کہ یحيٰ بن ابی کثیر نے مجھے بتایا۔ اُنہوں نے کہا ابوقلابہ جرمی نے مجھ سے بیان کیا۔ ابوقلابہ نے حضرت انس رضی اللہ عنہ سے روایت کی۔ وہ کہتے تھے: عکل کے کچھ لوگ نبی ﷺ کے پاس آئے اور مسلمان ہو گئے۔ پھر اُنہوں نے مدینہ کی آب و ہوا کو ناموافق پایا تو آپؐ نے اُن سے فرمایا کہ وہ صدقہ کے اونٹوں میں چلے جائیں اور اُن کے پیشاب اور دودھ پئیں۔ چنانچہ اُنہوں نے ایسا ہی کیا اور وہ تندرست ہوگئے۔ پھر وہ مرتد ہوگئے اور چرواہوں کو مار ڈالا اور اونٹوں کو ہانک کر لے گئے۔ آپؐ نے اُن کے پیچھے سوار بھیجے اور اُن کو پکڑ کر لایا گیا تو آپؐ نے ان کے ہاتھ پاؤں کٹوا ڈالے اور اُن کی آنکھوں میں گرم سلائیاں پھروائیں۔ پھر اُن کے زخموں کو (خون بند کرنے کے لیے) نہیں داغا اور وہ اِسی طرح مر گئے۔

حَدَّثَنَا عَلِيُّ بْنُ عَبْدِ اللَّهِ حَدَّثَنَا الْوَلِيدُ بْنُ مُسْلِمٍ حَدَّثَنَا الأَوْزَاعِيُّ حَدَّثَنِي يَحْيَى بْنُ أَبِي كَثِيرٍ قَالَ حَدَّثَنِي أَبُو قِلاَبَةَ الْجَرْمِيُّ عَنْ أَنَسٍ ـ رضى الله عنه ـ قَالَ قَدِمَ عَلَى النَّبِيِّ صلى الله عليه وسلم نَفَرٌ مِنْ عُكْلٍ فَأَسْلَمُوا فَاجْتَوَوُا الْمَدِينَةَ فَأَمَرَهُمْ أَنْ يَأْتُوا إِبِلَ الصَّدَقَةِ فَيَشْرَبُوا مِنْ أَبْوَالِهَا وَأَلْبَانِهَا فَفَعَلُوا فَصَحُّوا فَارْتَدُّوا وَقَتَلُوا رُعَاتَهَا وَاسْتَاقُوا فَبَعَثَ فِي آثَارِهِمْ فَأُتِيَ بِهِمْ فَقَطَعَ أَيْدِيَهُمْ وَأَرْجُلَهُمْ وَسَمَلَ أَعْيُنَهُمْ ثُمَّ لَمْ يَحْسِمْهُمْ حَتَّى مَاتُوا.

Urdu translation: Hazrat Syed Zain-ul-Abidin Waliullah Shah

صحیح بخاری 6803

محمد بن صلت ابویعلیٰ (توزی) نے ہم سے بیان کیا کہ ولید (بن مسلم) نے ہمیں بتایا۔ اوزاعی نے مجھ سے بیان کیا۔ اوزاعی نے یحيٰ (بن ابی کثیر) سے، یحيٰ نے ابوقلابہ سے، ابوقلابہ نے حضرت انسؓ سے روایت کی کہ نبی ﷺ نے عرینہ کے لوگوں کے ہاتھ کٹوائے اور (خون بند کرنے کے لئے) اُن کو نہیں داغا یہاں تک کہ وہ اسی طرح مرگئے۔

حَدَّثَنَا مُحَمَّدُ بْنُ الصَّلْتِ أَبُو يَعْلَى حَدَّثَنَا الْوَلِيدُ حَدَّثَنِي الأَوْزَاعِيُّ عَنْ يَحْيَى عَنْ أَبِي قِلاَبَةَ عَنْ أَنَسٍ أَنَّ النَّبِيَّ صلى الله عليه وسلم قَطَعَ الْعُرَنِيِّينَ وَلَمْ يَحْسِمْهُمْ حَتَّى مَاتُوا.

Urdu translation: Hazrat Syed Zain-ul-Abidin Waliullah Shah

صحیح بخاری 6804

موسیٰ بن اسماعیل نے ہم سے بیان کیا۔ اُنہوں نے وہیب (بن خالد) سے، وہیب نے ایوب سے، ایوب نے ابوقلابہ سے، ابوقلابہ نے حضرت انس رضی اللہ عنہ سے روایت کی۔ اُنہوں نے کہا: عکل کے کچھ لوگ نبی ﷺ کے پاس آئے وہ صفہ میں ٹھہرے اور اُنہوں نے مدینہ کی آب و ہوا کو ناموافق پایا۔ اُنہوں نے کہا: یا رسول اللہ ہمیں دودھ منگوا دیں۔ آپؐ نے فرمایا: میں تمہارے لیے یہی مناسب پاتا ہوں کہ تم رسول اللہ ﷺ کے اونٹوں میں چلے جاؤ۔ چنانچہ وہ اونٹوں میں آئے اور اُنہوں نے اُن کے دودھ اور پیشاب پیے یہاں تک کہ وہ تندرست ہوگئے اور موٹے ہوگئے اور اُنہوں نے چرواہے کو مار ڈالا اور اونٹ ہانک کر لے گئے۔ اس پر فریادی نبی ﷺ کے پاس پہنچا۔ آپؐ نے تعاقب کرنے والوں کو اُن کے پیچھے بھیج دیا۔ تو ابھی دن اچھی طرح نہیں چڑھا تھا کہ اُن کو لے آئے۔ آپؐ نے سلائیاں گرم کرنے کا حکم دیا جو گرم کی گئیں اور پھر آپؐ نے اُن کی آنکھوں میں پھرائیں اور اُن کے ہاتھ اور پاؤں کٹوا ڈالے اور (خون بند کرنے کے لئے) اُن کو داغا نہیں۔ پھر وہ پتھریلی زمین میں ڈال دئیے گئے، پانی مانگتے تھے اور اُنہیں پانی نہیں دیا گیا یہاں تک کہ اسی طرح مر گئے۔ ابو قلابہ کہتے تھے: اُنہوں نے چوری کی، قتل کیا اور اللہ اور اس کے رسول سے جنگ کی۔

حَدَّثَنَا مُوسَى بْنُ إِسْمَاعِيلَ عَنْ وُهَيْبٍ عَنْ أَيُّوبَ عَنْ أَبِي قِلاَبَةَ عَنْ أَنَسٍ ـ رضى الله عنه ـ قَالَ قَدِمَ رَهْطٌ مِنْ عُكْلٍ عَلَى النَّبِيِّ صلى الله عليه وسلم كَانُوا فِي الصُّفَّةِ فَاجْتَوَوُا الْمَدِينَةَ فَقَالُوا يَا رَسُولَ اللَّهِ أَبْغِنَا رِسْلاً. فَقَالَ " مَا أَجِدُ لَكُمْ إِلاَّ أَنْ تَلْحَقُوا بِإِبِلِ رَسُولِ اللَّهِ صلى الله عليه وسلم ". فَأَتَوْهَا فَشَرِبُوا مِنْ أَلْبَانِهَا وَأَبْوَالِهَا حَتَّى صَحُّوا وَسَمِنُوا وَقَتَلُوا الرَّاعِيَ وَاسْتَاقُوا الذَّوْدَ فَأَتَى النَّبِيَّ صلى الله عليه وسلم الصَّرِيخُ فَبَعَثَ الطَّلَبَ فِي آثَارِهِمْ فَمَا تَرَجَّلَ النَّهَارُ حَتَّى أُتِيَ بِهِمْ فَأَمَرَ بِمَسَامِيرَ فَأُحْمِيَتْ فَكَحَلَهُمْ وَقَطَعَ أَيْدِيَهُمْ وَأَرْجُلَهُمْ وَمَا حَسَمَهُمْ ثُمَّ أُلْقُوا فِي الْحَرَّةِ يَسْتَسْقُونَ فَمَا سُقُوا حَتَّى مَاتُوا. قَالَ أَبُو قِلاَبَةَ سَرَقُوا وَقَتَلُوا وَحَارَبُوا اللَّهَ وَرَسُولَهُ.

Urdu translation: Hazrat Syed Zain-ul-Abidin Waliullah Shah

صحیح بخاری 6805

قتیبہ بن سعید نے ہم سے بیان کیا کہ حماد (بن زید) نے ہمیں بتایا۔ انہوں نے ایوب سے، ایوب نے ابو قلابہ سے، اُنہوں نے حضرت انس بن مالکؓ سے روایت کی کہ کچھ لوگ عکل کے یا کہا عرینہ کے اور میں یہی جانتا ہوں انہوں نے یہی کہا عکل کے لوگ مدینہ آئے، نبی صلی اللہ علیہ وسلم نے اُنہیں چند دودھیل اونٹنیوں کے متعلق حکم دیا اور اُن کو فرمایا کہ وہ جائیں اور ان کا پیشاب اور دودھ پئیں۔ چنانچہ انہوں نے ان کا دودھ اور پیشاب پیا۔ جب وہ اچھے ہوگئے تو انہوں نے چرواہے کو مار ڈالا اور اونٹ ہانک کر لے گئے۔ تو صبح سویرے نبی ﷺ کو یہ خبر پہنچی اور آپؐ نے تعاقب کرنے والوں کو اُن کے پیچھے بھیج دیا۔ دن ابھی نہیں چڑھا تھا کہ انہیں لایا گیا۔ آپؐ نے اُن کے متعلق حکم دیا اور اُن کے ہاتھ پاؤں کاٹ ڈالے اور ان کی آنکھ میں سلائیاں پھروا دیں، پتھریلی زمین میں وہ ڈال دئیے گئے، پانی مانگتے تھے اور انہیں پانی نہیں دیا جاتا تھا۔ ابو قلابہ نے کہا: یہ وہ لوگ ہیں جنہوں نے چوری کی، قتل کیا اور اپنے ایمان لانے کے بعد کافر ہو گئے اور اللہ اور اس کے رسول سے جنگ کی۔

حَدَّثَنَا قُتَيْبَةُ بْنُ سَعِيدٍ حَدَّثَنَا حَمَّادٌ عَنْ أَيُّوبَ عَنْ أَبِي قِلاَبَةَ عَنْ أَنَسِ بْنِ مَالِكٍ أَنَّ رَهْطًا مِنْ عُكْلٍ ـ أَوْ قَالَ عُرَيْنَةَ وَلاَ أَعْلَمُهُ إِلاَّ قَالَ مِنْ عُكْلٍ ـ قَدِمُوا الْمَدِينَةَ فَأَمَرَ لَهُمُ النَّبِيُّ صلى الله عليه وسلم بِلِقَاحٍ وَأَمَرَهُمْ أَنْ يَخْرُجُوا فَيَشْرَبُوا مِنْ أَبْوَالِهَا وَأَلْبَانِهَا فَشَرِبُوا حَتَّى إِذَا بَرِئُوا قَتَلُوا الرَّاعِيَ وَاسْتَاقُوا النَّعَمَ فَبَلَغَ النَّبِيَّ صلى الله عليه وسلم غُدْوَةً فَبَعَثَ الطَّلَبَ فِي إِثْرِهِمْ فَمَا ارْتَفَعَ النَّهَارُ حَتَّى جِيءَ بِهِمْ فَأَمَرَ بِهِمْ فَقَطَعَ أَيْدِيَهُمْ وَأَرْجُلَهُمْ وَسَمَرَ أَعْيُنَهُمْ فَأُلْقُوا بِالْحَرَّةِ يَسْتَسْقُونَ فَلاَ يُسْقَوْنَ. قَالَ أَبُو قِلاَبَةَ هَؤُلاَءِ قَوْمٌ سَرَقُوا وَقَتَلُوا وَكَفَرُوا بَعْدَ إِيمَانِهِمْ وَحَارَبُوا اللَّهَ وَرَسُولَهُ.

Urdu translation: Hazrat Syed Zain-ul-Abidin Waliullah Shah

صحیح بخاری 6806

محمد بن سلام نے ہم سے بیان کیا کہ عبداللہ (بن مبارک) نے ہمیں بتایا۔ انہوں نے عبیداللہ بن عمر سے، عبیداللہ نے خبیب بن عبدالرحمٰن سے، خبیب نے حفص بن عاصم سے، حفص نے حضرت ابوہریرہؓ سے، حضرت ابوہریرہؓ نے نبی ﷺ سے روایت کی۔ آپؐ نے فرمایا سات آدمی ہیں جنہیں اللہ قیامت کے دن اپنے سایہ میں رکھے گا جس دن کہ اس کے سایہ کے سوا کوئی اور سایہ نہ ہوگا۔ ایک عادل امام اور ایک نوجوان جو اللہ کی عبادت میں جوان ہوا ہو اور ایک وہ شخص جس نے خلوت میں اللہ کا ذکر کیا اور اس کی آنکھیں آنسوؤں سے بہہ پڑیں اور ایک وہ شخص جس کا دل مسجد میں لگا رہتا ہے اور دو وہ شخص جنہوں نے اللہ ہی کے لئے آپس میں محبت رکھی اور ایک وہ شخص جس کو عالی خاندان اور خوبصورت عورت نے اپنے ساتھ بدی کرنے کے لئے بلایا اور اس نے کہا میں اللہ سے ڈرتا ہوں اور ایک وہ شخص جس نے صدقہ کیا اور اس نے اس کو چھپایا یہاں تک کہ اس کا بایاں ہاتھ نہیں جانتا کہ اس کے دائیں ہاتھ نے کیا کیا۔

حَدَّثَنَا مُحَمَّدُ بْنُ سَلاَمٍ أَخْبَرَنَا عَبْدُ اللَّهِ عَنْ عُبَيْدِ اللَّهِ بْنِ عُمَرَ عَنْ خُبَيْبِ بْنِ عَبْدِ الرَّحْمَنِ عَنْ حَفْصِ بْنِ عَاصِمٍ عَنْ أَبِي هُرَيْرَةَ عَنِ النَّبِيِّ صلى الله عليه وسلم قَالَ " سَبْعَةٌ يُظِلُّهُمُ اللَّهُ يَوْمَ الْقِيَامَةِ فِي ظِلِّهِ يَوْمَ لاَ ظِلَّ إِلاَّ ظِلُّهُ إِمَامٌ عَادِلٌ وَشَابٌّ نَشَأَ فِي عِبَادَةِ اللَّهِ وَرَجُلٌ ذَكَرَ اللَّهَ فِي خَلاَءٍ فَفَاضَتْ عَيْنَاهُ وَرَجُلٌ قَلْبُهُ مُعَلَّقٌ فِي الْمَسْجِدِ وَرَجُلاَنِ تَحَابَّا فِي اللَّهِ وَرَجُلٌ دَعَتْهُ امْرَأَةٌ ذَاتُ مَنْصِبٍ وَجَمَالٍ إِلَى نَفْسِهَا قَالَ إِنِّي أَخَافُ اللَّهَ. وَرَجُلٌ تَصَدَّقَ بِصَدَقَةٍ فَأَخْفَاهَا حَتَّى لاَ تَعْلَمَ شِمَالُهُ مَا صَنَعَتْ يَمِينُهُ ".

Urdu translation: Hazrat Syed Zain-ul-Abidin Waliullah Shah

صحیح بخاری 6807

محمد بن ابی بکر نے ہم سے بیان کیا کہ عمر بن علی نے ہمیں بتایا۔ نیز خلیفہ (بن خیاط) نے مجھ سے بیان کیا کہ عمر بن علی نے ہمیں بتایا۔ ابو حازم نے ہم سے بیان کیا۔ اُنہوں نے حضرت سہل بن سعد ساعدیؓ سے روایت کی کہ نبی ﷺ نے فرمایا: جو میرے لئے اس چیز کا ضامن ہو جو اس کی دو ٹانگوں کے درمیان ہے اور نیز اس کا جو اس کے دو جبڑوں کے درمیان ہے تو میں اس کے لئے جنت کا ضامن ہوتا ہوں۔

حَدَّثَنَا مُحَمَّدُ بْنُ أَبِي بَكْرٍ حَدَّثَنَا عُمَرُ بْنُ عَلِيٍّ. وَحَدَّثَنِي خَلِيفَةُ حَدَّثَنَا عُمَرُ بْنُ عَلِيٍّ حَدَّثَنَا أَبُو حَازِمٍ عَنْ سَهْلِ بْنِ سَعْدٍ السَّاعِدِيِّ قَالَ النَّبِيُّ صلى الله عليه وسلم " مَنْ تَوَكَّلَ لِي مَا بَيْنَ رِجْلَيْهِ وَمَا بَيْنَ لَحْيَيْهِ تَوَكَّلْتُ لَهُ بِالْجَنَّةِ ".

Urdu translation: Hazrat Syed Zain-ul-Abidin Waliullah Shah

صحیح بخاری 6808

داؤد بن شبیب نے ہمیں بتایا کہ ہمام نے ہم سے بیان کیا۔ ہمام نے قتادہ سے روایت کی کہ حضرت انسؓ نے ہمیں بتایا۔ اُنہوں نے کہا: میں تم سے ایک ایسی حدیث بیان کروں گا جو میرے بعد تم سے کوئی بھی (یہ کہہ کر) بیان نہیں کرے گا کہ میں نے نبی ﷺ سے اس کو سنا۔ (حضرت انسؓ نے کہا:) میں نے نبی ﷺ سے سنا، آپؐ فرما رہے تھے وہ گھڑی نہیں برپا ہوگی یا فرمایا اس گھڑی کی علامتوں میں سے یہ ہے کہ علم اُٹھا لیا جائے گا اور جہالت کا غلبہ ہوگا اور شراب پی جائے گی اور زنا کثرت سے ہو گا اور مرد کم ہوں گے اور عورتیں زیادہ ہوں گی۔ یہاں تک کہ پچاس عورتوں کا ایک ہی سرپرست ہو گا۔

أَخْبَرَنَا دَاوُدُ بْنُ شَبِيبٍ حَدَّثَنَا هَمَّامٌ عَنْ قَتَادَةَ أَخْبَرَنَا أَنَسٌ قَالَ لأُحَدِّثَنَّكُمْ حَدِيثًا لاَ يُحَدِّثُكُمُوهُ أَحَدٌ بَعْدِي سَمِعْتُهُ مِنَ النَّبِيِّ صلى الله عليه وسلم سَمِعْتُ النَّبِيَّ صلى الله عليه وسلم يَقُولُ " لاَ تَقُومُ السَّاعَةُ ـ وَإِمَّا قَالَ مِنْ أَشْرَاطِ السَّاعَةِ ـ أَنْ يُرْفَعَ الْعِلْمُ وَيَظْهَرَ الْجَهْلُ وَيُشْرَبَ الْخَمْرُ وَيَظْهَرَ الزِّنَا وَيَقِلَّ الرِّجَالُ وَيَكْثُرَ النِّسَاءُ حَتَّى يَكُونَ لِلْخَمْسِينَ امْرَأَةً الْقَيِّمُ الْوَاحِدُ ".

Urdu translation: Hazrat Syed Zain-ul-Abidin Waliullah Shah

صحیح بخاری 6809

محمد بن مثنیٰ نے ہم سے بیان کیا کہ اسحاق بن یوسف نے ہمیں بتایا۔ فضیل بن غزوان نے ہمیں خبر دی۔ فضیل نے عکرمہ سے، عکرمہ نے حضرت ابن عباس رضی اللہ عنہما سے روایت کی۔ اُنہوں نے کہا: رسول اللہ ﷺ نے فرمایا: بندہ جب زنا کرتا ہے تو اس حالت میں زنا نہیں کرتا کہ وہ مؤمن ہو، اور جب وہ چوری کرتا ہے تو ایسی حالت میں چوری نہیں کرتا کہ وہ مؤمن ہو، اور جب وہ شراب پیتا ہے تو ایسی حالت میں شراب نہیں پیتا کہ وہ مؤمن ہو اور نہ ایسی حالت میں قتل کرتا ہے کہ وہ مؤمن ہو۔ عکرمہ نے کہا: میں نے حضرت ابن عباسؓ سے پوچھا: اس سے ایمان کیسے چھین لیا جاتا ہے؟ اُنہوں نے کہا: اس طرح، اور انہوں نے اپنی انگلیوں کو قینچی کیا پھر نکال لیں اور اگر وہ توبہ کرے تو ایمان اس کی طرف اس طرح لوٹ آتا ہے اور اُنہوں نے اپنی انگلیوں کو قینچی کیا۔

حَدَّثَنَا مُحَمَّدُ بْنُ الْمُثَنَّى أَخْبَرَنَا إِسْحَاقُ بْنُ يُوسُفَ أَخْبَرَنَا الْفُضَيْلُ بْنُ غَزْوَانَ عَنْ عِكْرِمَةَ عَنِ ابْنِ عَبَّاسٍ ـ رضى الله عنهما ـ قَالَ قَالَ رَسُولُ اللَّهِ صلى الله عليه وسلم " لاَ يَزْنِي الْعَبْدُ حِينَ يَزْنِي وَهْوَ مُؤْمِنٌ وَلاَ يَسْرِقُ حِينَ يَسْرِقُ وَهْوَ مُؤْمِنٌ وَلاَ يَشْرَبُ حِينَ يَشْرَبُ وَهْوَ مُؤْمِنٌ وَلاَ يَقْتُلُ وَهْوَ مُؤْمِنٌ ". قَالَ عِكْرِمَةُ قُلْتُ لاِبْنِ عَبَّاسٍ كَيْفَ يُنْزَعُ الإِيمَانُ مِنْهُ قَالَ هَكَذَا ـ وَشَبَّكَ بَيْنَ أَصَابِعِهِ ثُمَّ أَخْرَجَهَا ـ فَإِنْ تَابَ عَادَ إِلَيْهِ هَكَذَا وَشَبَّكَ بَيْنَ أَصَابِعِهِ

Urdu translation: Hazrat Syed Zain-ul-Abidin Waliullah Shah

صحیح بخاری 6810

آدم (بن ابی ایاس) نے ہم سے بیان کیا کہ شعبہ نے ہمیں بتایا۔ اُنہوں نے اعمش سے، اعمش نے ذکوان سے، ذکوان نے حضرت ابوہریرہؓ سے روایت کی۔ اُنہوں نے کہا: نبی ﷺ نے فرمایا: زانی جب زنا کرتا ہے تو ایسی حالت میں زنا نہیں کرتا کہ وہ مؤمن ہو، اور آدمی جب چوری کرتا ہے تو ایسی حالت میں نہیں کرتا کہ وہ مؤمن ہو، اور جب شراب پیتا ہے تو ایسی حالت میں نہیں پیتا کہ وہ مؤمن ہو اور اس کے بعد بھی توبہ میسر ہوتی ہے۔

حَدَّثَنَا آدَمُ حَدَّثَنَا شُعْبَةُ عَنِ الأَعْمَشِ عَنْ ذَكْوَانَ عَنْ أَبِي هُرَيْرَةَ قَالَ قَالَ النَّبِيُّ صلى الله عليه وسلم " لاَ يَزْنِي الزَّانِي حِينَ يَزْنِي وَهْوَ مُؤْمِنٌ وَلاَ يَسْرِقُ حِينَ يَسْرِقُ وَهْوَ مُؤْمِنٌ وَلاَ يَشْرَبُ حِينَ يَشْرَبُهَا وَهْوَ مُؤْمِنٌ وَالتَّوْبَةُ مَعْرُوضَةٌ بَعْدُ ".

Urdu translation: Hazrat Syed Zain-ul-Abidin Waliullah Shah

صحیح بخاری 6811

عمرو بن علی نے ہم سے بیان کیا کہ یحيٰ بن سعید نے ہمیں بتایا۔ سفیان (ثوری) نے ہم سے بیان کیا کہ منصور اور سلیمان نے مجھے بتایا۔ ان دونوں نے ابووائل سے، ابووائل نے ابومیسرہ سے، ابومیسرہ نے حضرت عبداللہ (بن مسعود) ؓ سے روایت کی۔ وہ کہتے تھے: میں نے کہا: یا رسول اللہ ! کونسا گناہ سب سے بڑا ہے؟ آپؐ نے فرمایا: یہ کہ تم اللہ کا شریک ٹھہراؤ حالانکہ اس نے تم کو پیدا کیا۔ میں نے کہا: پھر کونسا؟ آپؐ نے فرمایا: یہ کہ تم اپنی اولاد کو اس لئے مار ڈالو کہ کہیں وہ تمہارے ساتھ کھائے۔ میں نے کہا: پھر کونسا؟ آپؐ نے فرمایا: یہ کہ تم اپنے پڑوسی کی بیوی سے زنا کرو۔ یحيٰ نے کہا: اور ہم سے سفیان نے بیان کیا کہ واصل (بن حیان) نے مجھے بتایا۔ اُنہوں نے ابووائل سے، ابووائل نے حضرت عبداللہ (بن مسعود ؓ) سے روایت کی کہ میں نے پوچھا: یا رسول اللہ !… پھر اسی طرح نقل کیا۔ عمرو (بن علی فلاس) نے کہا: میں نے عبدالرحمٰن (بن مہدی) سے اس حدیث کا ذکر کیا اور عبدالرحمٰن نے یہ حدیث یوں بیان کی تھی کہ سفیان سے مروی ہے۔ انہوں نے اعمش اور منصور اور واصل سے، انہوں نے ابووائل سے، ابووائل نے ابومیسرہ سے روایت کی۔ اُنہوں نے کہا: اس سند کو بھی رہنے دو۔

حَدَّثَنَا عَمْرُو بْنُ عَلِيٍّ حَدَّثَنَا يَحْيَى حَدَّثَنَا سُفْيَانُ قَالَ حَدَّثَنِي مَنْصُورٌ وَسُلَيْمَانُ عَنْ أَبِي وَائِلٍ عَنْ أَبِي مَيْسَرَةَ عَنْ عَبْدِ اللَّهِ ـ رضى الله عنه ـ قَالَ قُلْتُ يَا رَسُولَ اللَّهِ أَىُّ الذَّنْبِ أَعْظَمُ قَالَ " أَنْ تَجْعَلَ لِلَّهِ نِدًّا وَهْوَ خَلَقَكَ ". قُلْتُ ثُمَّ أَىٌّ قَالَ " أَنْ تَقْتُلَ وَلَدَكَ مِنْ أَجْلِ أَنْ يَطْعَمَ مَعَكَ ". قُلْتُ ثُمَّ أَىٌّ قَالَ " أَنْ تُزَانِيَ حَلِيلَةَ جَارِكَ ". قَالَ يَحْيَى وَحَدَّثَنَا سُفْيَانُ حَدَّثَنِي وَاصِلٌ عَنْ أَبِي وَائِلٍ عَنْ عَبْدِ اللَّهِ قُلْتُ يَا رَسُولَ اللَّهِ مِثْلَهُ قَالَ عَمْرٌو فَذَكَرْتُهُ لِعَبْدِ الرَّحْمَنِ وَكَانَ حَدَّثَنَا عَنْ سُفْيَانَ عَنِ الأَعْمَشِ وَمَنْصُورٍ وَوَاصِلٍ عَنْ أَبِي وَائِلٍ عَنْ أَبِي مَيْسَرَةَ قَالَ دَعْهُ دَعْهُ.

Urdu translation: Hazrat Syed Zain-ul-Abidin Waliullah Shah

·

آج 10 میں سے 10 باقی