کتاب 86: كتاب الحدود
صحیح بخاری, حصہ 4
صحیح بخاری 6832
ابن شہاب نے کہا: اور عروہ بن زبیر نے مجھے بتایا کہ حضرت عمر بن خطاب ؓ نے جلا وطن کیا اور پھر اس کے بعد یہی دستور رہا۔
Urdu translation: Hazrat Syed Zain-ul-Abidin Waliullah Shah
صحیح بخاری 6833
یحيٰ بن بکیر نے ہم سے بیان کیا کہ لیث نے ہمیں بتایا۔ اُنہوں نے عقیل سے، عقیل نے ابن شہاب سے، ابن شہاب نے سعید بن مسیب سے، سعید نے حضرت ابوہریرہ رضی اللہ عنہ سے روایت کی کہ رسول اللہ ﷺ نے اس شخص کے متعلق جس نے زنا کیا اور وہ شادی شدہ نہ ہو یہ فیصلہ کیا کہ اس کو شرعی سزا دے کر ایک سال کے لئے جلا وطن کردیا جائے۔
Urdu translation: Hazrat Syed Zain-ul-Abidin Waliullah Shah
صحیح بخاری 6834
مسلم بن ابراہیم نے ہم سے بیان کیا کہ ہشام نے ہمیں بتایا۔ یحيٰ (بن ابی کثیر) نے ہم سے بیان کیا۔ یحيٰ نے عکرمہ سے، عکرمہ نے حضرت ابن عباس رضی اللہ عنہما سے روایت کی۔ انہوں نے کہا: نبی ﷺ نے مردوں میں سے ہیجڑے بننے والوں اور عورتوں میں سے اُن کو جو مردوں کی وضع قطع اختیار کریں ملعون قرار دیا اور فرمایا: اُن کو تم گھروں سے نکال دو اور آپؐ نے فلاں کو نکالا اور حضرت عمرؓ نے فلاں کو نکالا۔
Urdu translation: Hazrat Syed Zain-ul-Abidin Waliullah Shah
صحیح بخاری 6835
عاصم بن علی نے ہم سے بیان کیا کہ ابن ابی ذئب نے ہمیں بتایا۔ انہوں نے زہری سے، زہری نے عبیداللہ سے، عبیداللہ نے حضرت ابوہریرہؓ اور حضرت زید بن خالدؓ سے روایت کی کہ بدوی لوگوں میں سے ایک شخص نبی ﷺ کے پاس آیا اور آپؐ اس وقت (مسجد میں) بیٹھے ہوئے تھے۔ اُس نے کہا: یا رسول اللہ! اللہ کی کتاب کے مطابق فیصلہ فرماویں۔ (یہ سن کر) اس کا مخالف کھڑا ہوا اور اس نے کہا: اس نے سچ کہا ہے یا رسول اللہ! آپؐ اس کے لئے کتاب اللہ کے مطابق فیصلہ فرماویں۔ میرا بیٹا اس کے پاس ملازم تھا اور اُس نے اِس کی بیوی سے زنا کیا۔ مجھے لوگوں نے بتایا کہ میرے بیٹے کو سنگسار کیا جائے گا تو میں نے ایک سو بکری اور ایک لونڈی فدیہ میں دی۔ پھر میں نے اہل علم سے پوچھا تو اُنہوں نے کہا کہ میرے بیٹے کو ایک سو کوڑے پڑیں گے اور ایک سال کے لئے جلا وطن کیا جائے گا۔ آپؐ نے یہ سن کر فرمایا: اس ذات کی قسم جس کے ہاتھ میں میری جان ہے میں کتاب اللہ کے مطابق تمہارے درمیان فیصلہ کروں گا۔ بکریاں اور لونڈی جو ہیں تو وہ تمہیں واپس ملیں گی اور تمہارے بیٹے کو ایک سو کوڑے لگوائے جائیں اور ایک سال کے لئے جلا وطن کر دیا جائے اور اے اُنیسؓ! تم یوں کرو کہ اس شخص کی عورت کے پاس صبح جاؤ اور اس کو سنگسار کرو۔ چنانچہ حضرت اُنیسؓ دوسرے دن صبح گئے اور اُنہوں نے اس کو سنگسار کیا۔
Urdu translation: Hazrat Syed Zain-ul-Abidin Waliullah Shah
صحیح بخاری 6836
عاصم بن علی نے ہم سے بیان کیا کہ ابن ابی ذئب نے ہمیں بتایا۔ انہوں نے زہری سے، زہری نے عبیداللہ سے، عبیداللہ نے حضرت ابوہریرہؓ اور حضرت زید بن خالدؓ سے روایت کی کہ بدوی لوگوں میں سے ایک شخص نبی ﷺ کے پاس آیا اور آپؐ اس وقت (مسجد میں) بیٹھے ہوئے تھے۔ اُس نے کہا: یا رسول اللہ ! اللہ کی کتاب کے مطابق فیصلہ فرماویں۔ (یہ سن کر) اس کا مخالف کھڑا ہوا اور اس نے کہا: اس نے سچ کہا ہے یا رسول اللہ ! آپؐ اس کے لئے کتاب اللہ کے مطابق فیصلہ فرماویں۔ میرا بیٹا اس کے پاس ملازم تھا اور اُس نے اِس کی بیوی سے زنا کیا۔ مجھے لوگوں نے بتایا کہ میرے بیٹے کو سنگسار کیا جائے گا تو میں نے ایک سو بکری اور ایک لونڈی فدیہ میں دی۔ پھر میں نے اہل علم سے پوچھا تو اُنہوں نے کہا کہ میرے بیٹے کو ایک سو کوڑے پڑیں گے اور ایک سال کے لئے جلا وطن کیا جائے گا۔ آپؐ نے یہ سن کر فرمایا: اس ذات کی قسم جس کے ہاتھ میں میری جان ہے میں کتاب اللہ کے مطابق تمہارے درمیان فیصلہ کروں گا۔ بکریاں اور لونڈی جو ہیں تو وہ تمہیں واپس ملیں گی اور تمہارے بیٹے کو ایک سو کوڑے لگوائے جائیں اور ایک سال کے لئے جلا وطن کر دیا جائے اور اے اُنیسؓ ! تم یوں کرو کہ اس شخص کی عورت کے پاس صبح جاؤ اور اس کو سنگسار کرو۔ چنانچہ حضرت اُنیسؓ دوسرے دن صبح گئے اور اُنہوں نے اس کو سنگسار کیا۔
Urdu translation: Hazrat Syed Zain-ul-Abidin Waliullah Shah
صحیح بخاری 6837
عبداللہ بن یوسف نے ہم سے بیان کیا کہ مالک نے ہمیں بتایا۔ انہوں نے ابن شہاب سے، ابن شہاب نے عبید اللہ بن عبداللہ بن عتبہ سے، عبیداللہ نے حضرت ابوہریرہ اور حضرت زید بن خالد رضی اللہ عنہما سے روایت کی کہ رسول اللہ ﷺ سے لونڈی کے متعلق پوچھا گیا کہ اگر وہ زنا کرے اور شادی شدہ نہ ہو تو؟ آپؐ نے فرمایا: اگر زنا کرے تو اس کو کوڑے لگواؤ۔ پھر اگر زنا کرے تو پھر اس کو کوڑے لگواؤ۔ پھر اگر زنا کرے تو پھر اس کو کوڑے لگواؤ۔ پھر اس کے بعد اس کو بیچ ڈالو، گو ایک رسی کے بدلے۔ ابن شہاب نے کہا: میں نہیں جانتا کہ یہ آپؐ نے تیسری یا چوتھی بار کے بعد فرمایا۔
Urdu translation: Hazrat Syed Zain-ul-Abidin Waliullah Shah
صحیح بخاری 6838
عبداللہ بن یوسف نے ہم سے بیان کیا کہ مالک نے ہمیں بتایا۔ انہوں نے ابن شہاب سے، ابن شہاب نے عبید اللہ بن عبداللہ بن عتبہ سے، عبیداللہ نے حضرت ابوہریرہ اور حضرت زید بن خالد رضی اللہ عنہما سے روایت کی کہ رسول اللہ ﷺ سے لونڈی کے متعلق پوچھا گیا کہ اگر وہ زنا کرے اور شادی شدہ نہ ہو تو؟ آپؐ نے فرمایا: اگر زنا کرے تو اس کو کوڑے لگواؤ۔ پھر اگر زنا کرے تو پھر اس کو کوڑے لگواؤ۔ پھر اگر زنا کرے تو پھر اس کو کوڑے لگواؤ۔ پھر اس کے بعد اس کو بیچ ڈالو، گو ایک رسی کے بدلے۔ ابن شہاب نے کہا: میں نہیں جانتا کہ یہ آپؐ نے تیسری یا چوتھی بار کے بعد فرمایا۔
Urdu translation: Hazrat Syed Zain-ul-Abidin Waliullah Shah
صحیح بخاری 6839
عبداللہ بن یوسف نے ہم سے بیان کیا کہ لیث نے ہمیں بتایا۔ اُنہوں نے سعید مقبری سے، سعید نے اپنے باپ (کیسان) سے، اُن کے باپ نے حضرت ابوہریرہؓ سے روایت کی کہ اُنہوں نے حضرت ابوہریرہؓ کو کہتے سنا کہ نبی صلی اللہ علیہ وسلم نے فرمایا: اگر لونڈی زنا کرے اور اس کا زنا ثابت ہوجائے تو چاہیئے کہ وہ اس کو کوڑے لگائے اور ملامت نہ کرے۔ پھر اگر وہ زنا کرے پھر اس کو کوڑے لگائے اور ملامت نہ کرے۔ پھر اگر وہ تیسری بار زنا کرے تو پھر اس کو بیچ ڈالے گو بالوں کی ایک رسی کے بدلے۔ (لیث کی طرح) اسماعیل بن اُمیّہ نے بھی اس حدیث کو سعید سے، سعید نے حضرت ابوہریرہؓ سے، حضرت ابوہریرہؓ نے نبی ﷺ سے روایت کیا۔
Urdu translation: Hazrat Syed Zain-ul-Abidin Waliullah Shah
صحیح بخاری 6840
موسیٰ بن اسماعیل نے ہم سے بیان کیا کہ عبدالواحد (بن زیاد) نے ہمیں بتایا۔ (سلیمان) شیبانی نے ہم سے بیان کیا کہ میں نے حضرت عبداللہ بن ابی اوفیٰؓ سے رجم کے متعلق پوچھا تو اُنہوں نے کہا: نبی ﷺ نے رجم کیا۔ میں نے پوچھا: سورة النور سے پہلے یا اس کے بعد؟ اُنہوں نے کہا: میں نہیں جانتا۔ (عبدالواحد کی طرح) اس حدیث کو علی بن مسہر اور خالد بن عبداللہ اور (عبدالرحمٰن) محاربی اور عبیدہ بن حمید نے بھی شیبانی سے روایت کیا اور بعض راویوں نے (سورہ) نور کی بجائے (سورہ) مائدہ کہا اور پہلا قول زیادہ صحیح ہے۔
Urdu translation: Hazrat Syed Zain-ul-Abidin Waliullah Shah
صحیح بخاری 6841
اسماعیل بن عبداللہ نے ہم سے بیان کیا کہ مالک نے مجھے بتایا۔ اُنہوں نے نافع سے، نافع نے حضرت عبداللہ بن عمر رضی اللہ عنہما سے روایت کی کہ اُنہوں نے کہا: یہودی رسول اللہ ﷺ کے پاس آئے اور اُنہوں نے آپؐ سے بیان کیا کہ اُن میں سے ایک مرد اور عورت نے زنا کیا ہے۔ تو رسول اللہ ﷺ نے اُن سے پوچھا: تم رجم کے متعلق تورات میں کیا حکم پاتے ہو؟ تو اُنہوں نے کہا: ہم منہ کالا کرکے گدھے پر سوار کرتے ہیں۔ پھر اُنہیں کوڑے لگاتے جاتے ہیں۔ حضرت عبداللہ بن سلامؓ نے کہا: تم نے جھوٹ کہا ہے تورات میں تو رجم کا حکم موجود ہے۔ چنانچہ وہ تورات لائے اور اس کو کھولا تو اُن میں سے ایک نے رجم کے حکم پر اپنا ہاتھ رکھ دیا اور اس کے ماقبل اور ما بعد پڑھا۔ حضرت عبداللہ بن سلامؓ نے اُس سے کہا: اپنا ہاتھ اُٹھاؤ۔ اُس نے اپنا ہاتھ اُٹھایا تو کیا دیکھا کہ اُس میں رجم کا حکم ہے۔ یہودیوں نے کہا: اے محمدؐ! (عبداللہ بن سلامؓ) سچے ہیں۔ تورات میں رجم کا حکم ہے۔ رسول اللہ ﷺ نے اُن دونوں کے متعلق حکم دیا اور انہیں سنگسار کیا گیا۔ (حضرت عبد اللہؓ کہتے ہیں:) میں نے اُس مرد کو دیکھا کہ وہ اس عورت پر جھک جاتا تھا اور اُسے پتھروں سے بچاتا تھا۔
Urdu translation: Hazrat Syed Zain-ul-Abidin Waliullah Shah
صحیح بخاری 6842
عبداللہ بن یوسف نے ہم سے بیان کیا کہ مالک نے ہمیں بتایا۔ اُنہوں نے ابن شہاب سے، ابن شہاب عبیداللہ بن عبداللہ بن عتبہ بن مسعود سے، عبیداللہ نے حضرت ابوہریرہؓ اور حضرت زید بن خالدؓ سے روایت کی کہ اُن دونوں نے اُن کو بتایا کہ دو شخص رسول اللہ ﷺ کے پاس اپنا جھگڑا لائے اور اُن میں سے ایک نے کہا کہ کتاب اللہ کے موافق آپؐ ہمارے درمیان فیصلہ فرماویں اور دوسرے نے کہا: اور وہ ان دونوں میں زیادہ سمجھدار تھا۔ ہاں یا رسول اللہ! کتاب اللہ کے موافق ہمارے درمیان فیصلہ فرماویں اور مجھے اجازت دیں کہ بیان کروں آپؐ نے فرمایا: بیان کرو۔ اس نے کہا: میرا بیٹا اس شخص کے پاس ملازم تھا۔ مالک نے کہا: عَسِيفٌ کے معنی ہیں مزدور۔ اور اس نے اس کی بیوی سے زنا کیا۔ لوگوں نے مجھے بتایا کہ میرے بیٹے کو سنگسار کیا جائے گا۔ تو میں نے ایک سو بکری اور اپنی ایک لونڈی دے کر اُس سے اس کو چھڑا لیا۔ پھر میں نے اہل علم سے پوچھا، تو اُنہوں نے مجھے بتایا کہ میرے بیٹے کو سو کوڑے ہی پڑنے تھے اور ایک سال کے لئے شہر سے نکالا جانا تھا اور سنگسار تو اس کی عورت کو کیا جانا تھا۔ رسول اللہ ﷺ نے فرمایا: دیکھو! اس ذات کی قسم جس کے ہاتھ میں میری جان ہے میں کتاب اللہ کے موافق ہی تمہارے درمیان فیصلہ کروں گا۔ تمہاری بکریاں اور لونڈی جو ہیں تو وہ تمہیں واپس دی جائیں اور آپؐ نے اس کے بیٹے کو ایک سو کوڑے لگوائے اور ایک سال کے لئے اس کو جلا وطن کر دیا اور آپؐ نے اُنیس اسلمیؓ کو حکم دیا کہ وہ دوسرے شخص کی عورت کے پاس آئے اگر وہ اقرار کر لے تو پھر اس کو سنگسار کرو۔ چنانچہ اس نے اقرار کیا اور اُنیسؓ نے اس کو سنگسار کیا۔
Urdu translation: Hazrat Syed Zain-ul-Abidin Waliullah Shah
صحیح بخاری 6843
عبداللہ بن یوسف نے ہم سے بیان کیا کہ مالک نے ہمیں بتایا۔ اُنہوں نے ابن شہاب سے، ابن شہاب عبیداللہ بن عبداللہ بن عتبہ بن مسعود سے، عبیداللہ نے حضرت ابوہریرہؓ اور حضرت زید بن خالدؓ سے روایت کی کہ اُن دونوں نے اُن کو بتایا کہ دو شخص رسول اللہ ﷺ کے پاس اپنا جھگڑا لائے اور اُن میں سے ایک نے کہا کہ کتاب اللہ کے موافق آپؐ ہمارے درمیان فیصلہ فرماویں اور دوسرے نے کہا: اور وہ ان دونوں میں زیادہ سمجھدار تھا۔ ہاں یا رسول اللہ! کتاب اللہ کے موافق ہمارے درمیان فیصلہ فرماویں اور مجھے اجازت دیں کہ بیان کروں آپؐ نے فرمایا: بیان کرو۔ اس نے کہا: میرا بیٹا اس شخص کے پاس ملازم تھا۔ مالک نے کہا: عَسِيفٌ کے معنی ہیں مزدور۔ اور اس نے اس کی بیوی سے زنا کیا۔ لوگوں نے مجھے بتایا کہ میرے بیٹے کو سنگسار کیا جائے گا۔ تو میں نے ایک سو بکری اور اپنی ایک لونڈی دے کر اُس سے اس کو چھڑا لیا۔ پھر میں نے اہل علم سے پوچھا، تو اُنہوں نے مجھے بتایا کہ میرے بیٹے کو سو کوڑے ہی پڑنے تھے اور ایک سال کے لئے شہر سے نکالا جانا تھا اور سنگسار تو اس کی عورت کو کیا جانا تھا۔ رسول اللہ ﷺ نے فرمایا: دیکھو! اس ذات کی قسم جس کے ہاتھ میں میری جان ہے میں کتاب اللہ کے موافق ہی تمہارے درمیان فیصلہ کروں گا۔ تمہاری بکریاں اور لونڈی جو ہیں تو وہ تمہیں واپس دی جائیں اور آپؐ نے اس کے بیٹے کو ایک سو کوڑے لگوائے اور ایک سال کے لئے اس کو جلا وطن کر دیا اور آپؐ نے اُنیس اسلمیؓ کو حکم دیا کہ وہ دوسرے شخص کی عورت کے پاس آئے اگر وہ اقرار کر لے تو پھر اس کو سنگسار کرو۔ چنانچہ اس نے اقرار کیا اور اُنیسؓ نے اس کو سنگسار کیا۔
Urdu translation: Hazrat Syed Zain-ul-Abidin Waliullah Shah
صحیح بخاری 6844
اسماعیل (بن ابی اویس) نے ہم سے بیان کیا کہ مالک نے مجھے بتایا۔ اُنہوں نے عبدالرحمٰن بن قاسم سے، عبدالرحمٰن نے اپنے باپ سے، اُن کے باپ نے حضرت عائشہؓ سے روایت کی۔ آپؓ فرماتی تھیں: حضرت ابوبکر رضی اللہ عنہ آئے اور رسول اللہ ﷺ نے اپنا سر میری ران پر رکھا ہوا تھا اور کہنے لگے: تم نے رسول اللہ ﷺ اور لوگوں کو روکے رکھا ہے حالانکہ وہ کسی پانی کے پاس نہیں اور اُنہوں نے مجھے ملامت کی۔ اور میرے پہلو میں اپنے ہاتھ سے کونچ مارنے لگے اور مجھے ہلنے سے صرف یہی بات روکتی تھی کہ رسول اللہ ﷺ موجود تھے تو اس وقت اللہ نے تیمم کی آیت نازل کی۔
Urdu translation: Hazrat Syed Zain-ul-Abidin Waliullah Shah
صحیح بخاری 6845
یحيٰ بن سلیمان نے ہم سے بیان کیا کہ (عبداللہ) بن وہب نے مجھے بتایا۔ عمرو نے مجھے خبر دی کہ عبدالرحمٰن بن قاسم نے اُنہیں بتایا۔ عبدالرحمٰن نے اپنے باپ سے، اُن کے باپ نے حضرت عائشہؓ سے روایت کی۔ آپؓ فرماتی تھیں: حضرت ابوبکرؓ سامنے سے آئے اور مجھے زور سے ایک گھونسہ لگایا اور کہا: تم نے ایک ہار کے لئے لوگوں کو روک دیا؟ میں تو رسول اللہ ﷺ کی موجودگی کی وجہ سے ایسی بے حس و حرکت تھی گویا مجھ پر موت وارد تھی حالانکہ اس سے مجھے درد ہوئی۔ لَكَزَ اور وَكَزَ ایک ہی ہے۔
Urdu translation: Hazrat Syed Zain-ul-Abidin Waliullah Shah
صحیح بخاری 6846
موسیٰ (بن اسماعیل) نے ہم سے بیان کیا کہ ابوعوانہ نے ہمیں بتایا۔ عبدالملک (بن عمیر) نے ہم سے بیان کیا۔ عبدالملک نے حضرت مغیرہؓ کے منشی ورّاد سے، ورّاد نے حضرت مغیرہؓ سے روایت کی۔ وہ کہتے تھے کہ حضرت سعد بن عبادہؓ نے کہا: اگر میں اپنی بیوی کے ساتھ کسی مرد کو دیکھوں تو میں تلوار کی دھار سے اس کا کام تمام کر دوں۔ تو اُن کی یہ بات نبی ﷺ کو پہنچی تو آپؐ نے فرمایا: کیا تم سعدؓ کی غیرت سے تعجب کرتے ہو؟ میں اُن سے زیادہ غیرت مند ہوں اور اللہ مجھ سے بھی بڑھ کر غیرت مند ہے۔
Urdu translation: Hazrat Syed Zain-ul-Abidin Waliullah Shah
صحیح بخاری 6847
اسماعیل (بن ابی اویس) نے ہم سے بیان کیا کہ مالک نے مجھے بتایا۔ اُنہوں نے ابن شہاب سے، ابن شہاب نے سعید بن مسیب سے، سعید نے حضرت ابوہریرہ رضی اللہ عنہ سے روایت کی کہ رسول اللہ ﷺ کے پاس ایک اعرابی آیا اور کہنے لگا: یا رسول اللہ! میری بیوی نے ایک سیاہ رنگ کا لڑکا جنا ہے۔ آپؐ نے پوچھا: کیا تمہارے اونٹ ہیں؟ اس نے کہا: ہاں۔ آپؐ نے فرمایا: اُن کا رنگ کیسا ہے؟ اُس نے کہا: سرخ۔ آپؐ نے فرمایا: کیا اُن میں کوئی خاکی رنگ کا بھی ہے؟ اس نے کہا: ہاں۔ آپؐ نے فرمایا: یہ کہاں سے آیا؟ اس نے جواب دیا میں سمجھتا ہوں، اصل (آباء و اجداد) نے اس کو اپنے مشابہ کر لیا ہوگا۔ آپؐ نے فرمایا تو شاید تمہارا بیٹا بھی ایسا ہی ہو کہ جس کو اصل (آباء و اجداد) نے اپنے مشابہ کر لیا ہو۔
Urdu translation: Hazrat Syed Zain-ul-Abidin Waliullah Shah
صحیح بخاری 6848
عبداللہ بن یوسف نے ہم سے بیان کیا کہ لیث نے ہمیں بتایا۔ یزید بن ابی حبیب نے مجھ سے بیان کیا۔ یزید نے بکیر بن عبداللہ سے، بکیر نے سلیمان بن یسار سے، سلیمان نے عبدالرحمٰن بن جابر بن عبداللہ سے، عبدالرحمٰن نے حضرت ابوبردہ رضی اللہ عنہ سے روایت کی۔ اُنہوں نے کہا: نبی ﷺ فرمایا کرتے تھے: اللہ کی مقرر کردہ سزاؤں میں سے کسی سزا کے علاوہ دس کوڑوں سے زیادہ کوڑے نہ لگائے جائیں۔
Urdu translation: Hazrat Syed Zain-ul-Abidin Waliullah Shah
صحیح بخاری 6849
عمرو بن علی (فلاس) نے ہم سے بیان کیا کہ فضیل بن سلیمان نے ہمیں بتایا۔ مسلم بن ابی مریم نے ہم سے بیان کیا کہ عبدالرحمٰن بن جابر نے مجھے بتایا۔ عبدالرحمٰن نے اس شخص سے روایت کی کہ جس نے نبیؐ سے سنا تھا۔ آپؐ نے فرمایا: اللہ کی مقرر کردہ سزاؤں میں سے کسی سزا کے علاوہ دس کوڑوں سے زیادہ سزا نہ دی جائے۔
Urdu translation: Hazrat Syed Zain-ul-Abidin Waliullah Shah
صحیح بخاری 6850
یحيٰ بن سلیمان نے ہم سے بیان کیا کہ ابن وہب نے مجھے بتایا۔ عمرو (بن حارث) نے مجھے خبر دی کہ بکیر نے اُنہیں بتایا۔ اُنہوں نے کہا: ایک دفعہ جبکہ میں سلیمان بن یسار کے پاس بیٹھا ہوا تھا اتنے میں عبدالرحمٰن بن جابر آئے اور سلیمان بن یسار سے حدیث بیان کی۔ پھر سلیمان بن یسار ہماری طرف متوجہ ہوئے اور کہنے لگے: عبدالرحمٰن بن جابر نے مجھ سے بیان کیا ہے کہ اُن کے باپ نے اُنہیں بتایا کہ انہوں نے حضرت ابوبردہ انصاریؓ سے سنا۔ وہ کہتے تھے: میں نے نبیؐ ﷺ سے سنا۔ آپؐ فرماتے تھے: اللہ کی مقرر کردہ سزاؤں میں سے کسی سزا کے سوا دس کوڑوں سے زیادہ کوڑے نہ لگاؤ۔
Urdu translation: Hazrat Syed Zain-ul-Abidin Waliullah Shah
صحیح بخاری 6851
یحيٰ بن بکیر نے ہم سے بیان کیا کہ لیث نے ہمیں بتایا۔ اُنہوں نے عقیل سے، عقیل نے ابن شہاب سے روایت کی کہ ابوسلمہ نے ہم سے بیان کیا کہ حضرت ابوہریرہ رضی اللہ عنہ نے کہا: نبی ﷺ نے لگاتار روزے رکھنے سے منع فرمایا تو مسلمانوں میں سے کئی آدمیوں نے آپؐ سے کہا: یا رسول اللہ! آپؐ تو لگاتار روزے رکھتے ہیں؟ تو رسول اللہ ﷺ نے فرمایا: تم میں سے کون میری طرح ہے؟ میں تو رات ایسی حالت میں گزارتا ہوں کہ میرا ربّ مجھے کھلاتا ہے اور مجھے پلاتا ہے۔ جب وہ لگاتار روزے رکھنے کی بات نہ مان کر روزے رکھنے سے نہ رکے تو آپؐ بھی اُن کے ساتھ لگاتار روزے رکھنے لگے۔ ایک دن رکھا، پھر ایک دن اور رکھا۔ پھر لوگوں نے ہِلال دیکھا تو آپؐ نے فرمایا: اگر کچھ دنوں کے بعد نکلتا تو میں تمہارے ساتھ اور رکھتا جیسے کہ آپؐ اُن کو نصیحت دینے لگے تھے کہ جب اُنہوں نے نہ مانا۔ (عقیل کی طرح) شعیب (بن ابی حمزہ) اور یحيٰ بن سعید اور یونس نے بھی زہری سے یہی روایت کیا اور عبدالرحمٰن بن خالد نے بھی اس کو ابن شہاب سے نقل کیا۔ اُنہوں نے سعید سے، سعید نے حضرت ابوہریرہؓ سے، حضرت ابوہریرہؓ نے نبی ﷺ سے۔
Urdu translation: Hazrat Syed Zain-ul-Abidin Waliullah Shah