کتاب 86: كتاب الحدود

صحیح بخاری, حصہ 5

صحیح بخاری 6852

عیاش بن ولید نے مجھ سے بیان کیا کہ عبدالاعلیٰ (بن عبدالاعلیٰ) نے ہمیں بتایا۔ معمر (بن راشد) نے ہم سے بیان کیا۔ معمر نے زہری سے، زہری نے سالم سے، سالم نے حضرت عبداللہ بن عمرؓ سے روایت کی کہ رسول اللہ ﷺ کے زمانے میں لوگوں کو غلہ بغیر ماپ تول کے خریدنے اور اپنے ٹھکانوں میں پہنچنے سے پہلے بیچنے پر سزا دی جاتی تھی۔

حَدَّثَنِي عَيَّاشُ بْنُ الْوَلِيدِ حَدَّثَنَا عَبْدُ الأَعْلَى حَدَّثَنَا مَعْمَرٌ عَنِ الزُّهْرِيِّ عَنْ سَالِمٍ عَنْ عَبْدِ اللَّهِ بْنِ عُمَرَ أَنَّهُمْ كَانُوا يُضْرَبُونَ عَلَى عَهْدِ رَسُولِ اللَّهِ صلى الله عليه وسلم إِذَا اشْتَرَوْا طَعَامًا جِزَافًا أَنْ يَبِيعُوهُ فِي مَكَانِهِمْ حَتَّى يُئْوُوهُ إِلَى رِحَالِهِمْ.

Urdu translation: Hazrat Syed Zain-ul-Abidin Waliullah Shah

صحیح بخاری 6853

عبدان نے ہم سے بیان کیا کہ عبداللہ (بن مبارک) نے ہمیں بتایا۔ یونس نے ہمیں خبر دی۔ یونس نے زہری سے روایت کی کہ عروہ نے مجھے بتایا۔ عروہ نے حضرت عائشہ رضی اللہ عنہا سے روایت کی۔ اُنہوں نے کہا رسول اللہ صلی اللہ علیہ وسلم نے کبھی بھی کسی معاملہ میں جو آپؐ کی ذات سے متعلق ہوتا انتقام نہیں لیا۔ جب اللہ کی حرمتوں کی ہتک کی جاتی تو آپؐ اللہ کے لئے انتقام لیتے۔

حَدَّثَنَا عَبْدَانُ أَخْبَرَنَا عَبْدُ اللَّهِ أَخْبَرَنَا يُونُسُ عَنِ الزُّهْرِيِّ أَخْبَرَنِي عُرْوَةُ عَنْ عَائِشَةَ ـ رضى الله عنها ـ قَالَتْ مَا انْتَقَمَ رَسُولُ اللَّهِ صلى الله عليه وسلم لِنَفْسِهِ فِي شَىْءٍ يُؤْتَى إِلَيْهِ حَتَّى تُنْتَهَكَ مِنْ حُرُمَاتِ اللَّهِ فَيَنْتَقِمَ لِلَّهِ.

Urdu translation: Hazrat Syed Zain-ul-Abidin Waliullah Shah

صحیح بخاری 6854

علی بن عبداللہ (مدینی) نے ہم سے بیان کیا کہ سفیان (بن عیینہ) نے ہمیں بتایا کہ زہری نے حضرت سہل بن سعدؓ سے نقل کیا کہ اُنہوں نے کہا: میں نے دو لعان کرنے والوں (عورت اور مرد) کو دیکھا اور میں اس وقت پندرہ برس کا تھا۔ اُن دونوں میں علیحدگی کرا دی گئی۔ اس عورت کے خاوند نے کہا: اگر میں نے اس کو رکھا تو میں نے اس کے متعلق جھوٹ کہا: سفیان نے کہا: میں نے یہ حدیث زہری سے یاد رکھی کہ (آپؐ نے فرمایا:) اگر یہ ایسا ایسا بچہ جنی تو وہ سچا ہے اور اگر یہ ایسا ایسا بچہ جنی گویا کہ وہ رنگ میں گرگٹ ہے تو وہ جھوٹا ہے اور میں نے زہری سے سنا وہ کہتے تھے: وہ اسی کے مشابہ بچہ جنی جس کی شکل مکروہ تھی۔

حَدَّثَنَا عَلِيٌّ حَدَّثَنَا سُفْيَانُ قَالَ الزُّهْرِيُّ عَنْ سَهْلِ بْنِ سَعْدٍ قَالَ شَهِدْتُ الْمُتَلاَعِنَيْنِ وَأَنَا ابْنُ خَمْسَ عَشْرَةَ فَرَّقَ بَيْنَهُمَا فَقَالَ زَوْجُهَا كَذَبْتُ عَلَيْهَا إِنْ أَمْسَكْتُهَا. قَالَ فَحَفِظْتُ ذَاكَ مِنَ الزُّهْرِيِّ " إِنْ جَاءَتْ بِهِ كَذَا وَكَذَا فَهْوَ وَإِنْ جَاءَتْ بِهِ كَذَا وَكَذَا كَأَنَّهُ وَحَرَةٌ فَهُوَ ". وَسَمِعْتُ الزُّهْرِيَّ يَقُولُ جَاءَتْ بِهِ لِلَّذِي يُكْرَهُ

Urdu translation: Hazrat Syed Zain-ul-Abidin Waliullah Shah

صحیح بخاری 6855

علی بن عبداللہ نے ہم سے بیان کیا کہ سفیان (بن عیینہ) نے ہمیں بتایا۔ ابوزناد نے ہم سے بیان کیا۔ ابوزناد نے قاسم بن محمد سے روایت کی۔ اُنہوں نے کہا: حضرت ابن عباسؓ نے لعان کرنے والے مرد اور عورت کا ذکر کیا تو عبداللہ بن شداد نے پوچھا: کیا یہ وہی عورت ہے جس کے متعلق رسول اللہ ﷺ نے فرمایا تھا کہ اگر میں کسی عورت کو بغیر ثبوت کے سنگسار کرنے والا ہوتا تو اس کو کرتا؟ اُنہوں نے کہا: نہیں وہ ایک اور عورت تھی جو کھلے عام بدکاری کی مرتکب ہوئی تھی۔

حَدَّثَنَا عَلِيُّ بْنُ عَبْدِ اللَّهِ حَدَّثَنَا سُفْيَانُ حَدَّثَنَا أَبُو الزِّنَادِ عَنِ الْقَاسِمِ بْنِ مُحَمَّدٍ قَالَ ذَكَرَ ابْنُ عَبَّاسٍ الْمُتَلاَعِنَيْنِ فَقَالَ عَبْدُ اللَّهِ بْنُ شَدَّادٍ هِيَ الَّتِي قَالَ رَسُولُ اللَّهِ صلى الله عليه وسلم " لَوْ كُنْتُ رَاجِمًا امْرَأَةً عَنْ غَيْرِ بَيِّنَةٍ ". قَالَ لاَ تِلْكَ امْرَأَةٌ أَعْلَنَتْ.

Urdu translation: Hazrat Syed Zain-ul-Abidin Waliullah Shah

صحیح بخاری 6856

عبداللہ بن یوسف نے ہم سے بیان کیا کہ لیث (بن سعد) نے ہمیں بتایا۔ یحيٰ بن سعید نے ہم سے بیان کیا۔ یحيٰ نے عبدالرحمٰن بن قاسم سے، عبدالرحمٰن نے قاسم بن محمد سے، قاسم نے حضرت ابن عباس رضی اللہ عنہما سے روایت کی۔ اُنہوں نے کہا: نبی ﷺ کے پاس دو لعان کرنے والوں کا ذکر کیا گیا تو عاصم بن عدی نے اس کے متعلق ایک بات کہی اور کہہ کر لوٹ گئے اور اُن کی قوم میں سے ایک شخص ان کے پاس آیا شکایت کرنے لگا کہ اس نے اپنی بیوی کے ساتھ ایک شخص کو پایا ہے۔ حضرت عاصمؓ نے کہا: میں اپنی اس بات کی وجہ سے ہی اس میں مبتلا ہوا ہوں اور وہ اس کو نبی ﷺ کے پاس لے آئے تو اس شخص نے آپؐ سے اس آدمی کے متعلق بیان کیا جسے اس نے اپنی بیوی کے ساتھ پایا اور یہ شخص زرد رنگ کا دبلا سیدھے بالوں والا تھا اور جس آدمی کے متعلق اس نے دعویٰ کیا تھا کہ اسے اس نے اپنی بیوی کے پاس پایا ہے گندمی رنگ، سڈول، پُرگوشت جسم تھا۔ نبی ﷺ نے فرمایا: اے اللہ اصل حقیقت کھول دے۔ تو وہ اُس مرد کے ہمشکل جنی جس کے متعلق اس کے خاوند نے ذکر کیا تھا کہ اس نے اس کو اس کے پاس دیکھا۔ نبی ﷺ نے ان دونوں کے درمیان لعان کرایا۔ یہ سن کر ایک شخص نے حضرت ابن عباسؓ سے اسی مجلس میں پوچھا کہ کیا یہ وہی عورت تھی جس کے متعلق نبی ﷺ نے فرمایا تھا اگر بغیر ثبوت کے میں کسی کو سنگسار کرتا تو اس عورت کو کرتا؟ حضرت ابن عباسؓ نے کہا: نہیں وہ ایک اور عورت تھی جو اسلام میں ہوکر کھلے طور پر بدکاری کرتی تھی۔

حَدَّثَنَا عَبْدُ اللَّهِ بْنُ يُوسُفَ حَدَّثَنَا اللَّيْثُ حَدَّثَنَا يَحْيَى بْنُ سَعِيدٍ عَنْ عَبْدِ الرَّحْمَنِ بْنِ الْقَاسِمَ عَنِ الْقَاسِمِ بْنِ مُحَمَّدٍ عَنِ ابْنِ عَبَّاسٍ ـ رضى الله عنهما ـ ذُكِرَ التَّلاَعُنُ عِنْدَ النَّبِيِّ صلى الله عليه وسلم فَقَالَ عَاصِمُ بْنُ عَدِيٍّ فِي ذَلِكَ قَوْلاً ثُمَّ انْصَرَفَ وَأَتَاهُ رَجُلٌ مِنْ قَوْمِهِ يَشْكُو أَنَّهُ وَجَدَ مَعَ أَهْلِهِ فَقَالَ عَاصِمٌ مَا ابْتُلِيتُ بِهَذَا إِلاَّ لِقَوْلِي فَذَهَبَ بِهِ إِلَى النَّبِيِّ صلى الله عليه وسلم فَأَخْبَرَهُ بِالَّذِي وَجَدَ عَلَيْهِ امْرَأَتَهُ وَكَانَ ذَلِكَ الرَّجُلُ مُصْفَرًّا قَلِيلَ اللَّحْمِ سَبِطَ الشَّعَرِ وَكَانَ الَّذِي ادَّعَى عَلَيْهِ أَنَّهُ وَجَدَهُ عِنْدَ أَهْلِهِ آدَمَ خَدْلاً كَثِيرَ اللَّحْمِ فَقَالَ النَّبِيُّ صلى الله عليه وسلم " اللَّهُمَّ بَيِّنْ ". فَوَضَعَتْ شَبِيهًا بِالرَّجُلِ الَّذِي ذَكَرَ زَوْجُهَا أَنَّهُ وَجَدَهُ عِنْدَهَا فَلاَعَنَ النَّبِيُّ صلى الله عليه وسلم بَيْنَهُمَا فَقَالَ رَجُلٌ لاِبْنِ عَبَّاسٍ فِي الْمَجْلِسِ هِيَ الَّتِي قَالَ النَّبِيُّ صلى الله عليه وسلم " لَوْ رَجَمْتُ أَحَدًا بِغَيْرِ بَيِّنَةٍ رَجَمْتُ هَذِهِ ". فَقَالَ لاَ تِلْكَ امْرَأَةٌ كَانَتْ تُظْهِرُ فِي الإِسْلاَمِ السُّوءَ.

Urdu translation: Hazrat Syed Zain-ul-Abidin Waliullah Shah

صحیح بخاری 6857

عبدالعزیز بن عبداللہ نے ہم سے بیان کیا کہ سلیمان (بن بلال) نے ہمیں بتایا۔ اُنہوں نے ثور بن زید سے، ثور نے ابوالغیث (سالم) سے، ابوالغیث نے حضرت ابوہریرہؓ سے، حضرت ابوہریرہؓ نے نبی ﷺ سے روایت کی۔ آپؐ نے فرمایا: سات ہلاک کرنے والے گناہوں سے بچتے رہو۔ لوگوں نے کہا: یا رسول اللہ ! وہ کیا گناہ ہیں۔ آپؐ نے فرمایا: اللہ کا شریک ٹھہرانا اور جادو کرنا اور اُس نفس کو قتل کرنا جس کا قتل اللہ نے حرام کیا ہے سوائے اِس کے کہ جائز طور پر اُسے قتل کیا جائے اور سود کھانا اور یتیم کا مال کھانا اور جنگ کے دن پیٹھ پھیرنا اور انجان پاکدامن مؤمن عورتوں پر زنا کی تہمت لگانا۔

حَدَّثَنَا عَبْدُ الْعَزِيزِ بْنُ عَبْدِ اللَّهِ حَدَّثَنَا سُلَيْمَانُ عَنْ ثَوْرِ بْنِ زَيْدٍ عَنْ أَبِي الْغَيْثِ عَنْ أَبِي هُرَيْرَةَ عَنِ النَّبِيِّ صلى الله عليه وسلم قَالَ " اجْتَنِبُوا السَّبْعَ الْمُوبِقَاتِ ". قَالُوا يَا رَسُولَ اللَّهِ وَمَا هُنَّ قَالَ " الشِّرْكُ بِاللَّهِ وَالسِّحْرُ وَقَتْلُ النَّفْسِ الَّتِي حَرَّمَ اللَّهُ إِلاَّ بِالْحَقِّ وَأَكْلُ الرِّبَا وَأَكْلُ مَالِ الْيَتِيمِ وَالتَّوَلِّي يَوْمَ الزَّحْفِ وَقَذْفُ الْمُحْصَنَاتِ الْمُؤْمِنَاتِ الْغَافِلاَتِ ".

Urdu translation: Hazrat Syed Zain-ul-Abidin Waliullah Shah

صحیح بخاری 6858

مسدد نے ہم سے بیان کیا کہ یحيٰ بن سعید نے ہمیں بتایا۔ اُنہوں نے فضیل بن غزوان سے، فضیل نے (عبدالرحمٰن) بن ابی نُعم سے، اُنہوں نے حضرت ابوہریرہ رضی اللہ عنہ سے روایت کی۔ حضرت ابو ہریرہؓ نے کہا: میں نے ابوالقاسمﷺ سے سنا۔ آپؐ فرماتے تھے: جس نے اپنے غلام لونڈی کو زنا سے متہم کیا جبکہ وہ اس بہتان سے بری ہے جو اُس نے باندھا تو قیامت کے دن اُسے کوڑے لگائے جائیں گے سوائے اس کے کہ وہ ایسا ہو جیسا اُس نے کہا۔

حَدَّثَنَا مُسَدَّدٌ حَدَّثَنَا يَحْيَى بْنُ سَعِيدٍ عَنْ فُضَيْلِ بْنِ غَزْوَانَ عَنِ ابْنِ أَبِي نُعْمٍ عَنْ أَبِي هُرَيْرَةَ ـ رضى الله عنه ـ قَالَ سَمِعْتُ أَبَا الْقَاسِمِ صلى الله عليه وسلم يَقُولُ " مَنْ قَذَفَ مَمْلُوكَهُ وَهْوَ بَرِيءٌ مِمَّا قَالَ جُلِدَ يَوْمَ الْقِيَامَةِ إِلاَّ أَنْ يَكُونَ كَمَا قَالَ ".

Urdu translation: Hazrat Syed Zain-ul-Abidin Waliullah Shah

صحیح بخاری 6859

محمد بن یوسف نے ہم سے بیان کیا کہ (سفیان) بن عیینہ نے ہمیں بتایا۔ اُنہوں نے زُہری سے، زُہری نے عبیداللہ بن عبداللہ بن عتبہ سے، عبیداللہ نے حضرت ابوہریرہؓ اور حضرت زید بن خالد جہنیؓ سے روایت کی۔ اُن دونوں نے کہا: ایک شخص نبی ﷺ کے پاس آیا اور کہا: میں آپؐ کو اللہ کی قسم دیتا ہوں کہ آپؐ نے ضرور ہی ہمارے درمیان کتاب اللہ کے مطابق فیصلہ کرنا ہے۔ اس کا مخالف کھڑا ہوا اور وہ اُس سے زیادہ سمجھدار تھا وہ بولا: اس نے سچ کہا، اللہ کی کتاب کے موافق ہمارے درمیان فیصلہ فرماویں اور مجھے اجازت دیں یا رسول اللہ کہ میں بیان کروں۔ نبی ﷺ نے فرمایا: کہو۔ اُس نے کہا: میرا بیٹا اِس شخص کے گھر والوں کے پاس ملازم تھا تو اُس نے اِس کی بیوی سے زنا کیا۔ تو میں نے ایک سو بکری اور ایک نوکر دے کر اِس سے اُس کو چھڑا لیا اور میں نے اہل علم میں سے کئی لوگوں سے مسئلہ پوچھا تو اُنہوں نے مجھے بتایا کہ میرے بیٹے کو سو کوڑے پڑنے چاہئیں اور اُسے ایک سال کے لئے جلا وطن کرنا چاہیئے اور اس شخص کی بیوی کو سنگسار کرنا چاہیئے۔ آپؐ نے سن کر فرمایا: اُس ذات کی قسم جس کے ہاتھ میں میری جان ہے کہ میں کتاب اللہ کے مطابق ہی تم دونوں کے درمیان فیصلہ کروں گا۔ ایک سو بکری اور وہ نوکر تمہیں واپس ملے گا اور تمہارے بیٹے کو سو کوڑے مارے جائیں اور ایک سال کے لئے اُسے جلا وطن کر دیا جائے اور اے اُنیسؓ! کل صبح تم اس شخص کی بیوی کے پاس جاؤ اور اس سے پوچھو اگر وہ اقرار کرے تو اس کو سنگسار کر دو۔ چنانچہ اس نے اقرار کیا اور حضرت اُنیسؓ نے اس کو سنگسار کیا۔

حَدَّثَنَا مُحَمَّدُ بْنُ يُوسُفَ حَدَّثَنَا ابْنُ عُيَيْنَةَ عَنِ الزُّهْرِيِّ عَنْ عُبَيْدِ اللَّهِ بْنِ عَبْدِ اللَّهِ بْنِ عُتْبَةَ عَنْ أَبِي هُرَيْرَةَ وَزَيْدِ بْنِ خَالِدٍ الْجُهَنِيِّ قَالاَ جَاءَ رَجُلٌ إِلَى النَّبِيِّ صلى الله عليه وسلم فَقَالَ أَنْشُدُكَ اللَّهَ إِلاَّ قَضَيْتَ بَيْنَنَا بِكِتَابِ اللَّهِ. فَقَامَ خَصْمُهُ وَكَانَ أَفْقَهَ مِنْهُ فَقَالَ صَدَقَ اقْضِ بَيْنَنَا بِكِتَابِ اللَّهِ وَأْذَنْ لِي يَا رَسُولَ اللَّهِ. فَقَالَ النَّبِيُّ صلى الله عليه وسلم " قُلْ ". فَقَالَ إِنَّ ابْنِي كَانَ عَسِيفًا فِي أَهْلِ هَذَا فَزَنَى بِامْرَأَتِهِ فَافْتَدَيْتُ مِنْهُ بِمِائَةِ شَاةٍ وَخَادِمٍ وَإِنِّي سَأَلْتُ رِجَالاً مِنْ أَهْلِ الْعِلْمِ فَأَخْبَرُونِي أَنَّ عَلَى ابْنِي جَلْدَ مِائَةٍ وَتَغْرِيبَ عَامٍ وَأَنَّ عَلَى امْرَأَةِ هَذَا الرَّجْمَ. فَقَالَ " وَالَّذِي نَفْسِي بِيَدِهِ لأَقْضِيَنَّ بَيْنَكُمَا بِكِتَابِ اللَّهِ الْمِائَةُ وَالْخَادِمُ رَدٌّ عَلَيْكَ وَعَلَى ابْنِكَ جَلْدُ مِائَةٍ وَتَغْرِيبُ عَامٍ وَيَا أُنَيْسُ اغْدُ عَلَى امْرَأَةِ هَذَا فَسَلْهَا فَإِنِ اعْتَرَفَتْ فَارْجُمْهَا ". فَاعْتَرَفَتْ فَرَجَمَهَا.

Urdu translation: Hazrat Syed Zain-ul-Abidin Waliullah Shah

صحیح بخاری 6860

محمد بن یوسف نے ہم سے بیان کیا کہ (سفیان) بن عیینہ نے ہمیں بتایا۔ اُنہوں نے زُہری سے، زُہری نے عبیداللہ بن عبداللہ بن عتبہ سے، عبیداللہ نے حضرت ابوہریرہؓ اور حضرت زید بن خالد جہنیؓ سے روایت کی۔ اُن دونوں نے کہا: ایک شخص نبی ﷺ کے پاس آیا اور کہا: میں آپؐ کو اللہ کی قسم دیتا ہوں کہ آپؐ نے ضرور ہی ہمارے درمیان کتاب اللہ کے مطابق فیصلہ کرنا ہے۔ اس کا مخالف کھڑا ہوا اور وہ اُس سے زیادہ سمجھدار تھا وہ بولا: اس نے سچ کہا، اللہ کی کتاب کے موافق ہمارے درمیان فیصلہ فرماویں اور مجھے اجازت دیں یا رسول اللہ کہ میں بیان کروں۔ نبی ﷺ نے فرمایا: کہو۔ اُس نے کہا: میرا بیٹا اِس شخص کے گھر والوں کے پاس ملازم تھا تو اُس نے اِس کی بیوی سے زنا کیا۔ تو میں نے ایک سو بکری اور ایک نوکر دے کر اِس سے اُس کو چھڑا لیا اور میں نے اہل علم میں سے کئی لوگوں سے مسئلہ پوچھا تو اُنہوں نے مجھے بتایا کہ میرے بیٹے کو سو کوڑے پڑنے چاہیں اور اُسے ایک سال کے لئے جلاوطن کرنا چاہیئے اور اس شخص کی بیوی کو سنگسار کرنا چاہیئے۔ آپؐ نے سن کر فرمایا: اُس ذات کی قسم جس کے ہاتھ میں میری جان ہے کہ میں کتاب اللہ کے مطابق ہی تم دونوں کے درمیان فیصلہ کروں گا۔ ایک سو بکری اور وہ نوکر تمہیں واپس ملے گا اور تمہارے بیٹے کو سو کوڑے مارے جائیں اور ایک سال کے لئے اُسے جلا وطن کردیا جائے اور اے اُنیسؓ ! کل صبح تم اس شخص کی بیوی کے پاس جاؤ اور اس سے پوچھو اگر وہ اقرار کرے تو اس کو سنگسار کردو۔ چنانچہ اس نے اقرار کیا اور حضرت اُنیسؓ نے اس کو سنگسار کیا۔

حَدَّثَنَا مُحَمَّدُ بْنُ يُوسُفَ حَدَّثَنَا ابْنُ عُيَيْنَةَ عَنِ الزُّهْرِيِّ عَنْ عُبَيْدِ اللَّهِ بْنِ عَبْدِ اللَّهِ بْنِ عُتْبَةَ عَنْ أَبِي هُرَيْرَةَ وَزَيْدِ بْنِ خَالِدٍ الْجُهَنِيِّ قَالاَ جَاءَ رَجُلٌ إِلَى النَّبِيِّ صلى الله عليه وسلم فَقَالَ أَنْشُدُكَ اللَّهَ إِلاَّ قَضَيْتَ بَيْنَنَا بِكِتَابِ اللَّهِ. فَقَامَ خَصْمُهُ وَكَانَ أَفْقَهَ مِنْهُ فَقَالَ صَدَقَ اقْضِ بَيْنَنَا بِكِتَابِ اللَّهِ وَأْذَنْ لِي يَا رَسُولَ اللَّهِ. فَقَالَ النَّبِيُّ صلى الله عليه وسلم " قُلْ ". فَقَالَ إِنَّ ابْنِي كَانَ عَسِيفًا فِي أَهْلِ هَذَا فَزَنَى بِامْرَأَتِهِ فَافْتَدَيْتُ مِنْهُ بِمِائَةِ شَاةٍ وَخَادِمٍ وَإِنِّي سَأَلْتُ رِجَالاً مِنْ أَهْلِ الْعِلْمِ فَأَخْبَرُونِي أَنَّ عَلَى ابْنِي جَلْدَ مِائَةٍ وَتَغْرِيبَ عَامٍ وَأَنَّ عَلَى امْرَأَةِ هَذَا الرَّجْمَ. فَقَالَ " وَالَّذِي نَفْسِي بِيَدِهِ لأَقْضِيَنَّ بَيْنَكُمَا بِكِتَابِ اللَّهِ الْمِائَةُ وَالْخَادِمُ رَدٌّ عَلَيْكَ وَعَلَى ابْنِكَ جَلْدُ مِائَةٍ وَتَغْرِيبُ عَامٍ وَيَا أُنَيْسُ اغْدُ عَلَى امْرَأَةِ هَذَا فَسَلْهَا فَإِنِ اعْتَرَفَتْ فَارْجُمْهَا ". فَاعْتَرَفَتْ فَرَجَمَهَا.

Urdu translation: Hazrat Syed Zain-ul-Abidin Waliullah Shah

آج 10 میں سے 10 باقی