کتاب 87: كتاب الديات

صحیح بخاری

صحیح بخاری 6861

حَدَّثَنَا قُتَيْبَةُ بْنُ سَعِيدٍ حَدَّثَنَا جَرِيرٌ عَنِ الأَعْمَشِ عَنْ أَبِي وَائِلٍ عَنْ عَمْرِو بْنِ شُرَحْبِيلَ قَالَ قَالَ عَبْدُ اللَّهِ قَالَ رَجُلٌ يَا رَسُولَ اللَّهِ أَىُّ الذَّنْبِ أَكْبَرُ عِنْدَ اللَّهِ قَالَ " أَنْ تَدْعُوَ لِلَّهِ نِدًّا وَهْوَ خَلَقَكَ ". قَالَ ثُمَّ أَىٌّ قَالَ " ثُمَّ أَنْ تَقْتُلَ وَلَدَكَ أَنْ يَطْعَمَ مَعَكَ ". قَالَ ثُمَّ أَىٌّ قَالَ " ثُمَّ أَنْ تُزَانِيَ بِحَلِيلَةِ جَارِكَ ". فَأَنْزَلَ اللَّهُ عَزَّ وَجَلَّ تَصْدِيقَهَا {وَالَّذِينَ لاَ يَدْعُونَ مَعَ اللَّهِ إِلَهًا آخَرَ وَلاَ يَقْتُلُونَ النَّفْسَ الَّتِي حَرَّمَ اللَّهُ إِلاَّ بِالْحَقِّ وَلاَ يَزْنُونَ وَمَنْ يَفْعَلْ ذَلِكَ يَلْقَ أَثَامًا} الآيَةَ.

قتیبہ بن سعید نے ہم سے بیان کیا کہ جریر (بن عبدالحمید) نے ہمیں بتایا۔ اُنہوں نے اعمش سے، اعمش نے ابووائل سے، ابووائل نے عمرو بن شرحبیل سے روایت کی۔ اُنہوں نے کہا کہ حضرت عبداللہ (بن مسعودؓ) کہتے تھے: ایک شخص نے کہا: یا رسول اللہ! اللہ کے نزدیک کون سا گناہ سب سے بڑا ہے؟ آپؐ نے فرمایا: یہ کہ تم (کسی اور کو) اللہ کا ہم پلہ پکارو حالانکہ اُس (اللہ) نے تم کو پیدا کیا۔ اُس نے پوچھا: پھر کونسا گناہ؟ آپؐ نے فرمایا: پھر یہ کہ تم اپنی اولاد کو اس لئے مار ڈالو کہ کہیں وہ تمہارے ساتھ کھائیں۔ اُس نے پوچھا: پھر کونسا؟ آپؐ نے فرمایا: یہ کہ تم اپنے پڑوسی کی بیوی سے زنا کرو۔ پھر اللہ عزوجل نے اس کی تصدیق میں یہ آیت نازل کی۔ وہ لوگ جو اللہ کے سوا کسی اور معبود کو نہیں پکارتے اور نہ اس نفس کو قتل کرتے ہیں جس کو اللہ نے معزز کیا مگر جائز طور پر ہی اور نہ وہ زنا کرتے ہیں اور جو ایسا کرے گا وہ اپنے گناہ کی سزا کو دیکھ لے گا۔

صحیح بخاری 6862

حَدَّثَنَا عَلِيٌّ حَدَّثَنَا إِسْحَاقُ بْنُ سَعِيدِ بْنِ عَمْرِو بْنِ سَعِيدِ بْنِ الْعَاصِ عَنْ أَبِيهِ عَنِ ابْنِ عُمَرَ ـ رضى الله عنهما ـ قَالَ قَالَ رَسُولُ اللَّهِ صلى الله عليه وسلم " لَنْ يَزَالَ الْمُؤْمِنُ فِي فُسْحَةٍ مِنْ دِينِهِ مَا لَمْ يُصِبْ دَمًا حَرَامًا ".

علی (بن جعد) نے ہم سے بیان کیا کہ اسحاق بن سعید بن عمرو بن سعید بن عاص نے ہمیں بتایا۔ اُنہوں نے اپنے باپ سے، ان کے باپ نے حضرت ابن عمر رضی اللہ عنہما سے روایت کی۔ اُنہوں نے کہا: رسول اللہ ﷺ نے فرمایا مؤمن اپنے دین کی رو سے ہمیشہ آزادی میں رہتا ہے جب تک کہ وہ ناحق خون نہ کرے۔

صحیح بخاری 6863

حَدَّثَنِي أَحْمَدُ بْنُ يَعْقُوبَ حَدَّثَنَا إِسْحَاقُ سَمِعْتُ أَبِي يُحَدِّثُ عَنْ عَبْدِ اللَّهِ بْنِ عُمَرَ قَالَ إِنَّ مِنْ وَرْطَاتِ الأُمُورِ الَّتِي لاَ مَخْرَجَ لِمَنْ أَوْقَعَ نَفْسَهُ فِيهَا سَفْكَ الدَّمِ الْحَرَامِ بِغَيْرِ حِلِّهِ.

احمد بن یعقوب نے مجھ سے بیان کیا کہ اسحاق بن سعید نے ہمیں بتایا۔ انہوں نے کہا: میں نے اپنے باپ سے سنا۔ وہ حضرت عبداللہ بن عمرؓ سے روایت کرتے تھے۔ اُنہوں نے کہا وہ پیچیدہ اُمور جن میں ایک شخص اپنے آپ کو گرا لیتا ہے اور نکلنے کی کوئی راہ نہیں پاتا اُن میں ناجائز طور پر ممنوع شدہ خون بہانا بھی ہے۔

صحیح بخاری 6864

حَدَّثَنَا عُبَيْدُ اللَّهِ بْنُ مُوسَى عَنِ الأَعْمَشِ عَنْ أَبِي وَائِلٍ عَنْ عَبْدِ اللَّهِ قَالَ قَالَ النَّبِيُّ صلى الله عليه وسلم " أَوَّلُ مَا يُقْضَى بَيْنَ النَّاسِ فِي الدِّمَاءِ ".

عبیداللہ بن موسیٰ نے ہم سے بیان کیا اُنہوں نے اعمش سے، اعمش نے ابووائل سے، ابووائل نے حضرت عبداللہ بن مسعود ؓ سے روایت کی۔ اُنہوں نے کہا: نبی ﷺ نے فرمایا: لوگوں کے درمیان جن امور کا پہلے فیصلہ کیا جائے گا وہ خون ہے۔

صحیح بخاری 6865

حَدَّثَنَا عَبْدَانُ حَدَّثَنَا عَبْدُ اللَّهِ حَدَّثَنَا يُونُسُ عَنِ الزُّهْرِيِّ حَدَّثَنَا عَطَاءُ بْنُ يَزِيدَ أَنَّ عُبَيْدَ اللَّهِ بْنَ عَدِيٍّ حَدَّثَهُ أَنَّ الْمِقْدَادَ بْنَ عَمْرٍو الْكِنْدِيَّ حَلِيفَ بَنِي زُهْرَةَ حَدَّثَهُ وَكَانَ شَهِدَ بَدْرًا مَعَ النَّبِيِّ صلى الله عليه وسلم أَنَّهُ قَالَ يَا رَسُولَ اللَّهِ إِنْ لَقِيتُ كَافِرًا فَاقْتَتَلْنَا فَضَرَبَ يَدِي بِالسَّيْفِ فَقَطَعَهَا ثُمَّ لاَذَ بِشَجَرَةٍ وَقَالَ أَسْلَمْتُ لِلَّهِ. آقْتُلُهُ بَعْدَ أَنْ قَالَهَا قَالَ رَسُولُ اللَّهِ صلى الله عليه وسلم " لاَ تَقْتُلْهُ ". قَالَ يَا رَسُولَ اللَّهِ فَإِنَّهُ طَرَحَ إِحْدَى يَدَىَّ ثُمَّ قَالَ بَعْدَ مَا قَطَعَهَا آقْتُلُهُ قَالَ " لاَ تَقْتُلْهُ فَإِنْ قَتَلْتَهُ فَإِنَّهُ بِمَنْزِلَتِكَ قَبْلَ أَنْ تَقْتُلَهُ وَأَنْتَ بِمَنْزِلَتِهِ قَبْلَ أَنْ يَقُولَ كَلِمَتَهُ الَّتِي قَالَ ".

عبدان نے ہم سے بیان کیا کہ عبداللہ (بن مبارک) نے ہمیں بتایا۔ یونس نے ہم سے بیان کیا۔ یونس نے زہری سے روایت کی۔ عطاء بن یزید نے ہم سے بیان کیا کہ عبیداللہ بن عدی نے اُنہیں بتایا کہ حضرت مقداد بن عمرو کندیؓ نے جو بنو زہرہ کے حلیف تھے اُنہیں بتایا اور حضرت مقدادؓ نبی ﷺ کے ساتھ جنگ بدر میں شریک تھے۔ اُنہوں نے کہا: یا رسول اللہ! اگر کسی کافر سے میری مڈبھیڑ ہو اور ہم آپس میں لڑیں اور وہ تلوار میرے ہاتھ پر مار کر اس کو کاٹ ڈالے اور پھر کسی درخت کی آڑ لے لے اور کہے میں اللہ کے لئے مسلمان ہوگیا تو کیا میں اس کو یہ بات کہنے کے بعد مار ڈالوں؟ رسول اللہ ﷺ نے فرمایا: تم اس کو نہ مارو۔ انہوں نے کہا: یا رسول اللہ! اس نے تو میرا ایک ہاتھ گرا دیا اور پھر ہاتھ کو کاٹنے کے بعد یہ کہا، تو کیا میں اسے قتل کر سکتا ہوں؟ آپ نے فرمایا: اسے نہ قتل کرو اگر تم نے اسے قتل کیا تو وہ تمہارے اس مقام پر ہوگا جس پر تم اس کو قتل کرنے سے پہلے تھے اور تم اس کے مقام پر ہوگے جس پر کہ وہ اس کلمہ کے کہنے سے پہلے تھا جو اس نے کہا۔

صحیح بخاری 6866

وَقَالَ حَبِيبُ بْنُ أَبِي عَمْرَةَ عَنْ سَعِيدٍ عَنِ ابْنِ عَبَّاسٍ قَالَ قَالَ النَّبِيُّ صلى الله عليه وسلم لِلْمِقْدَادِ " إِذَا كَانَ رَجُلٌ مُؤْمِنٌ يُخْفِي إِيمَانَهُ مَعَ قَوْمٍ كُفَّارٍ فَأَظْهَرَ إِيمَانَهُ فَقَتَلْتَهُ فَكَذَلِكَ كُنْتَ أَنْتَ تُخْفِي إِيمَانَكَ بِمَكَّةَ مِنْ قَبْلُ ".

اور حبیب بن ابی عمرہ نے کہا سعید سے مروی ہے۔ سعید نے حضرت ابن عباسؓ سے روایت کی۔ اُنہوں نے کہا: نبی ﷺ نے حضرت مقدادؓ سے فرمایا: اگر کوئی مؤمن شخص کافر لوگوں کے ساتھ رہ کر اپنے ایمان کو چھپاتا ہو اور پھر وہ اپنے ایمان کو ظاہر کردے اور تم اُس کو مار ڈالو، تم بھی تو اِسی طرح اس سے پہلے مکہ میں اپنے ایمان کو چھپایا کرتے تھے۔

صحیح بخاری 6867

حَدَّثَنَا قَبِيصَةُ حَدَّثَنَا سُفْيَانُ عَنِ الأَعْمَشِ عَنْ عَبْدِ اللَّهِ بْنِ مُرَّةَ عَنْ مَسْرُوقٍ عَنْ عَبْدِ اللَّهِ ـ رضى الله عنه ـ عَنِ النَّبِيِّ صلى الله عليه وسلم قَالَ " لاَ تُقْتَلُ نَفْسٌ إِلاَّ كَانَ عَلَى ابْنِ آدَمَ الأَوَّلِ كِفْلٌ مِنْهَا ".

قبیصہ (بن عقبہ) نے ہم سے بیان کیا کہ سفیان (بن عیینہ) نے ہمیں بتایا۔ اُنہوں نے اعمش سے، اعمش نے عبداللہ بن مرہ سے، عبداللہ نے مسروق سے، مسروق نے حضرت عبداللہ (بن مسعود) رضی اللہ عنہ سے، حضرت عبداللہؓ نے نبی ﷺ سے روایت کی۔ آپؐ نے فرمایا: جو نفس بھی مارا جاتا ہے تو اُس کے گناہ کا ایک حصہ آدم کے پہلے بیٹے کے ذمہ ہوتا ہے۔

صحیح بخاری 6868

حَدَّثَنَا أَبُو الْوَلِيدِ حَدَّثَنَا شُعْبَةُ قَالَ وَاقِدُ بْنُ عَبْدِ اللَّهِ أَخْبَرَنِي عَنْ أَبِيهِ سَمِعَ عَبْدَ اللَّهِ بْنَ عُمَرَ عَنِ النَّبِيِّ صلى الله عليه وسلم قَالَ " لاَ تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ ".

ابوالولید نے ہم سے بیان کیا کہ شعبہ نے ہمیں بتایا۔ اُنہوں نے کہا: واقد بن عبداللہ نے مجھے بتایا۔ واقد نے اپنے باپ سے روایت کی۔ اُن کے باپ نے حضرت عبداللہ بن عمرؓ سے سنا۔ وہ نبیؐ ﷺ سے روایت کرتے تھے۔ آپؐ نے فرمایا: میرے بعد پھر کہیں کافر نہ ہو جانا کہ تم ایک دوسرے کی گردن اڑاتے پھرو۔

صحیح بخاری 6869

حَدَّثَنَا مُحَمَّدُ بْنُ بَشَّارٍ حَدَّثَنَا غُنْدَرٌ حَدَّثَنَا شُعْبَةُ عَنْ عَلِيِّ بْنِ مُدْرِكٍ قَالَ سَمِعْتُ أَبَا زُرْعَةَ بْنَ عَمْرِو بْنِ جَرِيرٍ عَنْ جَرِيرٍ قَالَ قَالَ النَّبِيُّ صلى الله عليه وسلم فِي حَجَّةِ الْوَدَاعِ " اسْتَنْصِتِ النَّاسَ لاَ تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ ". رَوَاهُ أَبُو بَكْرَةَ وَابْنُ عَبَّاسٍ عَنِ النَّبِيِّ صلى الله عليه وسلم.

محمد بن بشار نے ہم سے بیان کیا کہ غندر نے ہمیں بتایا۔ شعبہ نے ہم سے بیان کیا۔ شعبہ نے علی بن مدرک سے روایت کی۔ علی نے کہا: میں نے ابوزُرعہ بن عمرو بن جریر سے سنا وہ جریر سے روایت کرتے تھے۔ اُنہوں نے کہا: نبی ﷺ نے حجۃ الوداع میں مجھ سے فرمایا: لوگوں کو چپ کراؤ۔ (پھر فرمایا) کہیں میرے بعد پھر کافر نہ ہو جانا کہ تم ایک دوسرے کی گردن زنی کرتے رہو۔ اس حدیث کو حضرت ابوبکرہؓ اور حضرت ابن عباسؓ نے بھی نبی ﷺ سے روایت کیا۔

صحیح بخاری 6870

حَدَّثَنِي مُحَمَّدُ بْنُ بَشَّارٍ حَدَّثَنَا مُحَمَّدُ بْنُ جَعْفَرٍ حَدَّثَنَا شُعْبَةُ عَنْ فِرَاسٍ عَنِ الشَّعْبِيِّ عَنْ عَبْدِ اللَّهِ بْنِ عَمْرٍو عَنِ النَّبِيِّ صلى الله عليه وسلم قَالَ " الْكَبَائِرُ الإِشْرَاكُ بِاللَّهِ وَعُقُوقُ الْوَالِدَيْنِ ". أَوْ قَالَ " الْيَمِينُ الْغَمُوسُ ". شَكَّ شُعْبَةُ. وَقَالَ مُعَاذٌ حَدَّثَنَا شُعْبَةُ قَالَ " الْكَبَائِرُ الإِشْرَاكُ بِاللَّهِ وَالْيَمِينُ الْغَمُوسُ وَعُقُوقُ الْوَالِدَيْنِ ". أَوْ قَالَ " وَقَتْلُ النَّفْسِ ".

محمد بن بشار نے مجھ سے بیان کیا کہ محمد بن جعفر نے ہمیں بتایا۔ شعبہ نے ہم سے بیان کیا۔ شعبہ نے فراس (بن یحيٰ) سے، فراس نے شعبی سے، شعبی نے حضرت عبداللہ بن عمروؓ سے، حضرت عبداللہؓ نے نبیؐ سے روایت کی۔ آپؐ نے فرمایا: بڑے گناہ یہ ہیں۔ اللہ کا شریک ٹھہرانا اور والدین کی نافرمانی کرنا یا فرمایا: عمداً جھوٹی قسم کھانا۔ شعبہ نے بیان میں یہ شک کیا۔ اور معاذ (عنبری) نے کہا کہ ہم سے شعبہ نے بیان کیا۔ کہا: بڑے گناہ یہ ہیں۔ اللہ کا شریک ٹھہرانا اور عمداً جھوٹی قسم کھانا اور والدین کی نافرمانی کرنا یا کہا اور ناحق جان کو مار ڈالنا۔

صحیح بخاری 6871

حَدَّثَنَا إِسْحَاقُ بْنُ مَنْصُورٍ حَدَّثَنَا عَبْدُ الصَّمَدِ حَدَّثَنَا شُعْبَةُ حَدَّثَنَا عُبَيْدُ اللهِ بْنُ أَبِي بَكْرٍ سَمِعَ أَنَسَ بْنَ مَالِكٍ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ الْكَبَائِرُ. و حَدَّثَنَا عَمْرٌو حَدَّثَنَا شُعْبَةُ عَنِ ابْنِ أَبِي بَكْرٍ عَنْ أَنَسِ بْنِ مَالِكٍ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ أَكْبَرُ الْكَبَائِرِ الْإِشْرَاكُ بِـاللهِ وَقَــتْـلُ الـنَّـفْسِ وَعُقُوقُ الْـوَالِدَيْنِ
وَقَوْلُ الزُّورِ أَوْ قَالَ وَشَهَادَةُ الزُّورِ.

اسحاق بن منصور نے ہم سے بیان کیا کہ عبدالصمد (بن عبدالوارث) نے ہمیں بتایا۔ شعبہ نے ہم سے بیان کیا کہ عبیداللہ بن ابی بکر نے ہمیں بتایا۔ عبیداللہ نے حضرت انس بن مالک رضی اللہ عنہ سے سنا۔ وہ نبی ﷺ سے روایت کرتے تھے۔ آپؐ نے فرمایا: بڑے گناہ۔ نیز ہم سے عمرو (بن مرزوق) نے بیان کیا کہ ہمیں شعبہ نے بتایا۔ اُنہوں نے (عبیداللہ) ابن ابی بکر سے، اُنہوں نے حضرت انس بن مالکؓ سے، حضرت انسؓ نے نبی ﷺ سے روایت کی آپؐ نے فرمایا: بڑے سے بڑے گناہ یہ ہیں۔ اللہ کا شریک ٹھہرانا، جان کو مار ڈالنا اور والدین کی نافرمانی کرنا اور جھوٹ بولنا یا فرمایا اور جھوٹی شہادت دینا۔

صحیح بخاری 6872

حَدَّثَنَا عَمْرُو بْنُ زُرَارَةَ حَدَّثَنَا هُشَيْمٌ حَدَّثَنَا حُصَيْنٌ حَدَّثَنَا أَبُو ظَبْيَانَ قَالَ سَمِعْتُ أُسَامَةَ بْنَ زَيْدِ بْنِ حَارِثَةَ ـ رضى الله عنهما ـ يُحَدِّثُ قَالَ بَعَثَنَا رَسُولُ اللَّهِ صلى الله عليه وسلم إِلَى الْحُرَقَةِ مِنْ جُهَيْنَةَ ـ قَالَ ـ فَصَبَّحْنَا الْقَوْمَ فَهَزَمْنَاهُمْ ـ قَالَ ـ وَلَحِقْتُ أَنَا وَرَجُلٌ مِنَ الأَنْصَارِ رَجُلاً مِنْهُمْ ـ قَالَ ـ فَلَمَّا غَشِينَاهُ قَالَ لاَ إِلَهَ إِلاَّ اللَّهُ ـ قَالَ ـ فَكَفَّ عَنْهُ الأَنْصَارِيُّ فَطَعَنْتُهُ بِرُمْحِي حَتَّى قَتَلْتُهُ ـ قَالَ ـ فَلَمَّا قَدِمْنَا بَلَغَ ذَلِكَ النَّبِيَّ صلى الله عليه وسلم قَالَ فَقَالَ لِي " يَا أُسَامَةُ أَقَتَلْتَهُ بَعْدَ مَا قَالَ لاَ إِلَهَ إِلاَّ اللَّهُ ". قَالَ قُلْتُ يَا رَسُولَ اللَّهِ إِنَّمَا كَانَ مُتَعَوِّذًا. قَالَ " أَقَتَلْتَهُ بَعْدَ أَنْ قَالَ لاَ إِلَهَ إِلاَّ اللَّهُ ". قَالَ فَمَا زَالَ يُكَرِّرُهَا عَلَىَّ حَتَّى تَمَنَّيْتُ أَنِّي لَمْ أَكُنْ أَسْلَمْتُ قَبْلَ ذَلِكَ الْيَوْمِ.

عمرو بن زُرارہ نے ہم سے بیان کیا کہ ہشیم نے ہمیں بتایا۔ حصین (بن عبدالرحمٰن) نے ہم سے بیان کیا۔ حصین نے ابوظبیان سے، ابوظبیان نے کہا: میں نے حضرت اُسامہ بن زید بن حارثہ رضی اللہ عنہما سے سنا۔ اُنہوں نے بیان کرتے ہوئے کہا کہ رسول اللہ ﷺ نے ہمیں حُرقہ قبیلے کی طرف بھیجا جو جہینہ کی ایک شاخ ہیں۔ کہتے تھے: ہم نے اس قوم پر صبح کو چھاپا مارا اور اُن کو شکست دے کر بھگا دیا۔ بیان کرتے تھے کہ میں اور ایک انصاری شخص اُن میں سے ایک آدمی کے پیچھے لگے۔ کہتے تھے: جب ہم نے اس کو گھیر لیا اس نے لَا إِلَهَ إِلَّا اللهُ کہا۔ حضرت اُسامہؓ نے کہا: یہ سن کر انصاری اس سے رک گیا اور میں نے اپنا برچھا مار کر اُسے مار ڈالا۔ کہتے ہیں : جب ہم مدینہ میں آئے تو یہ خبر نبی ﷺ کو پہنچی۔ کہتے تھے: آپؐ نے مجھ سے فرمایا: اُسامہؓ کیا تم نے اُس کو لَا إِلَهَ إِلَّا اللهُ کہنے کے بعد مار ڈالا۔ کہتے تھے: میں نے کہا: یا رسول اللہ! وہ تو صرف جان بچا رہا تھا۔ آپؐ نے فرمایا: کیا تم نے اس کو لَا إِلَهَ إِلَّا اللهُ کہنے کے بعد مار ڈالا؟ حضرت اُسامہؓ کہتے تھے: آپؐ میرے سامنے یہی الفاظ دہراتے رہے یہاں تک کہ میں نے آرزو کی کاش میں اس دن سے پہلے مسلمان نہ ہوا ہوتا۔

صحیح بخاری 6873

حَدَّثَنَا عَبْدُ اللَّهِ بْنُ يُوسُفَ حَدَّثَنَا اللَّيْثُ حَدَّثَنَا يَزِيدُ عَنْ أَبِي الْخَيْرِ عَنِ الصُّنَابِحِيِّ عَنْ عُبَادَةَ بْنِ الصَّامِتِ ـ رضى الله عنه ـ قَالَ إِنِّي مِنَ النُّقَبَاءِ الَّذِينَ بَايَعُوا رَسُولَ اللَّهِ صلى الله عليه وسلم بَايَعْنَاهُ عَلَى أَنْ لاَ نُشْرِكَ بِاللَّهِ شَيْئًا وَلاَ نَسْرِقَ وَلاَ نَزْنِيَ وَلاَ نَقْتُلَ النَّفْسَ الَّتِي حَرَّمَ اللَّهُ وَلاَ نَنْتَهِبَ وَلاَ نَعْصِيَ بِالْجَنَّةِ إِنْ فَعَلْنَا ذَلِكَ فَإِنْ غَشِينَا مِنْ ذَلِكَ شَيْئًا كَانَ قَضَاءُ ذَلِكَ إِلَى اللَّهِ.

عبداللہ بن یوسف نے ہم سے بیان کیا کہ لیث نے ہمیں بتایا۔ یزید (بن ابی حبیب) نے ہم سے بیان کیا۔ یزید نے ابوالخیر سے، ابوالخیر نے (عبدالرحمٰن بن عسیلہ) صنابحی سے، صنابحی نے حضرت عبادہ بن صامت رضی اللہ عنہ سے روایت کی۔ اُنہوں نے کہا: میں بھی اُن نقیبوں میں سے ہوں جنہوں نے رسول اللہ ﷺ کی بیعت کی۔ ہم نے آپؐ کی یہ بیعت کی تھی کہ کسی چیز کو بھی اللہ کا شریک نہ ٹھہرائیں گے اور نہ چوری کریں گے اور نہ زنا کریں گے اور نہ اُس نفس کو قتل کریں گے جس کو اللہ نے معزز قرار دیا اور نہ ہم لُوٹ مار کریں گے اور نہ ہم احکام الٰہی کی نافرمانی کریں گے۔ ہمیں جنت ملے گی اگر ہم نے یہ کیا اور اگر ہم اِن میں سے کسی گناہ کا ارتکاب کر بیٹھے تو اس کا فیصلہ اللہ کے سپرد ہے۔

صحیح بخاری 6874

حَدَّثَنَا مُوسَى بْنُ إِسْمَاعِيلَ حَدَّثَنَا جُوَيْرِيَةُ عَنْ نَافِعٍ عَنْ عَبْدِ اللَّهِ ـ رضى الله عنه ـ عَنِ النَّبِيِّ صلى الله عليه وسلم قَالَ " مَنْ حَمَلَ عَلَيْنَا السِّلاَحَ فَلَيْسَ مِنَّا ". رَوَاهُ أَبُو مُوسَى عَنِ النَّبِيِّ صلى الله عليه وسلم.

موسیٰ بن اسماعیل نے ہم سے بیان کیا کہ جویریہ نے ہمیں بتایا۔ اُنہوں نے نافع سے، نافع نے حضرت عبداللہ بن عمر رضی اللہ عنہما سے، حضرت عبداللہؓ نے نبی ﷺ سے روایت کی۔ آپؐ نے فرمایا: جس نے ہم پر ہتھیار اُٹھائے تو وہ ہم میں سے نہیں ہے۔ اس حدیث کو حضرت ابوموسیٰؓ نے بھی نبی ﷺ سے روایت کیا۔

صحیح بخاری 6875

حَدَّثَنَا عَبْدُ الرَّحْمَنِ بْنُ الْمُبَارَكِ حَدَّثَنَا حَمَّادُ بْنُ زَيْدٍ حَدَّثَنَا أَيُّوبُ وَيُونُسُ عَنِ الْحَسَنِ عَنِ الأَحْنَفِ بْنِ قَيْسٍ قَالَ ذَهَبْتُ لأَنْصُرَ هَذَا الرَّجُلَ فَلَقِيَنِي أَبُو بَكْرَةَ فَقَالَ أَيْنَ تُرِيدُ قُلْتُ أَنْصُرُ هَذَا الرَّجُلَ. قَالَ ارْجِعْ فَإِنِّي سَمِعْتُ رَسُولَ اللَّهِ صلى الله عليه وسلم يَقُولُ " إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ ". قُلْتُ يَا رَسُولَ اللَّهِ هَذَا الْقَاتِلُ فَمَا بَالُ الْمَقْتُولِ قَالَ " إِنَّهُ كَانَ حَرِيصًا عَلَى قَتْلِ صَاحِبِهِ ".

عبدالرحمٰن بن مبارک نے ہم سے بیان کیا کہ حماد بن زید نے ہمیں بتایا۔ ایوب اور یونس نے ہم سے بیان کیا۔ ان دونوں نے حسن (بصری) سے، حسن نے احنف بن قیس سے روایت کی۔ اُنہوں نے کہا: میں گیا کہ اس شخص کی مدد کروں تو حضرت ابوبکرہؓ مجھ سے ملے اور پوچھنے لگے: تم کہاں کا قصد کر رہے ہو؟ میں نے کہا: میں اس شخص کی مدد کروں گا۔ اُنہوں نے کہا: لوٹ جاؤ کیونکہ میں نے رسول اللہ ﷺ سے سنا۔ آپؐ فرماتے تھے کہ جب دو مسلمان اپنی تلواروں سے آپس میں مقابلہ کریں تو قاتل و مقتول دونوں آگ میں ہوں گے۔ میں نے کہا: یا رسول اللہ! یہ تو قاتل ہوا تو مقتول کا کیا گناہ؟ آپؐ نے فرمایا: وہ بھی تو اپنے ساتھی کے مارنے پر حریص تھا۔

صحیح بخاری 6876

حَدَّثَنَا حَجَّاجُ بْنُ مِنْهَالٍ حَدَّثَنَا هَمَّامٌ عَنْ قَتَادَةَ عَنْ أَنَسِ بْنِ مَالِكٍ ـ رضى الله عنه ـ أَنَّ يَهُودِيًّا رَضَّ رَأْسَ جَارِيَةٍ بَيْنَ حَجَرَيْنِ فَقِيلَ لَهَا مَنْ فَعَلَ بِكِ هَذَا أَفُلاَنٌ أَوْ فُلاَنٌ حَتَّى سُمِّيَ الْيَهُودِيُّ فَأُتِيَ بِهِ النَّبِيُّ صلى الله عليه وسلم فَلَمْ يَزَلْ بِهِ حَتَّى أَقَرَّ بِهِ فَرُضَّ رَأْسُهُ بِالْحِجَارَةِ.

حجاج بن منہال نے ہم سے بیان کیا کہ ہمام (بن یحيٰ) نے ہمیں بتایا۔ اُنہوں نے قتادہ سے، قتادہ نے حضرت انس بن مالک رضی اللہ عنہ سے روایت کی کہ ایک یہودی نے ایک لڑکی کا سر دو پتھروں سے پیس ڈالا۔ اُس لڑکی سے پوچھا گیا یہ تم سے کس نے کیا؟ کیا فلاں شخص نے یا فلاں نے؟ یہاں تک کہ اُس یہودی کا نام لیا گیا۔ اُسے نبی ﷺ کے پاس لایا گیا۔ آپؐ اس سے پوچھتے رہے یہاں تک کہ اس نے اس فعل کا اقرار کیا اور پھر اُس کا سر بھی پتھر سے کچلا گیا۔

صحیح بخاری 6877

حَدَّثَنَا مُحَمَّدٌ أَخْبَرَنَا عَبْدُ اللَّهِ بْنُ إِدْرِيسَ عَنْ شُعْبَةَ عَنْ هِشَامِ بْنِ زَيْدِ بْنِ أَنَسٍ عَنْ جَدِّهِ أَنَسِ بْنِ مَالِكٍ قَالَ خَرَجَتْ جَارِيَةٌ عَلَيْهَا أَوْضَاحٌ بِالْمَدِينَةِ ـ قَالَ ـ فَرَمَاهَا يَهُودِيٌّ بِحَجَرٍ ـ قَالَ ـ فَجِيءَ بِهَا إِلَى النَّبِيِّ صلى الله عليه وسلم وَبِهَا رَمَقٌ فَقَالَ لَهَا رَسُولُ اللَّهِ صلى الله عليه وسلم " فُلاَنٌ قَتَلَكِ ". فَرَفَعَتْ رَأْسَهَا فَأَعَادَ عَلَيْهَا قَالَ " فُلاَنٌ قَتَلَكِ ". فَرَفَعَتْ رَأْسَهَا فَقَالَ لَهَا فِي الثَّالِثَةِ " فُلاَنٌ قَتَلَكِ ". فَخَفَضَتْ رَأْسَهَا فَدَعَا بِهِ رَسُولُ اللَّهِ صلى الله عليه وسلم فَقَتَلَهُ بَيْنَ الْحَجَرَيْنِ.

محمد (بن عبداللہ بن نمیر) نے ہم سے بیان کیا کہ عبداللہ بن ادریس نے ہمیں بتایا۔ انہوں نے شعبہ سے، شعبہ نے ہشام بن زید بن انس سے، ہشام نے اپنے دادا حضرت انس بن مالکؓ سے روایت کی۔ اُنہوں نے کہا: ایک لڑکی مدینہ میں باہر نکلی اس نے چاندی کے زیور پہنے ہوئے تھے۔ حضرت انسؓ کہتے تھے: ایک یہودی نے اس کو پتھر مار کر گھائل کردیا۔ کہتے تھے: اس لڑکی کو نبی ﷺ کے پاس لایا گیا۔ ابھی اس میں کچھ جان باقی تھی تو رسول اللہ ﷺ نے اس سے پوچھا۔ کیا فلاں شخص نے تمہیں مارا ہے؟ اس نے اپنا سر اُٹھایا۔ پھر آپؐ نے اس سے پوچھا۔ کیا فلاں نے تمہیں مارا ہے؟ اس نے اپنا سر اُٹھایا۔ پھر آپؐ نے تیسری مرتبہ اس سے پوچھا۔ کیا فلاں نے تمہیں مارا ہے؟ اُس نے اپنا سر جھکایا اور اس پر رسول اللہ ﷺ نے اس شخص کو بلایا اور آپؐ نے اس کو بھی دو پتھروں سے مار ڈالا۔

صحیح بخاری 6878

حَدَّثَنَا عُمَرُ بْنُ حَفْصٍ حَدَّثَنَا أَبِي حَدَّثَنَا الأَعْمَشُ عَنْ عَبْدِ اللَّهِ بْنِ مُرَّةَ عَنْ مَسْرُوقٍ عَنْ عَبْدِ اللَّهِ قَالَ قَالَ رَسُولُ اللَّهِ صلى الله عليه وسلم " لاَ يَحِلُّ دَمُ امْرِئٍ مُسْلِمٍ يَشْهَدُ أَنْ لاَ إِلَهَ إِلاَّ اللَّهُ وَأَنِّي رَسُولُ اللَّهِ إِلاَّ بِإِحْدَى ثَلاَثٍ النَّفْسُ بِالنَّفْسِ وَالثَّيِّبُ الزَّانِي وَالْمَارِقُ مِنَ الدِّينِ التَّارِكُ الْجَمَاعَةَ ".

عمر بن حفص نے ہم سے بیان کیا کہ میرے باپ نے ہمیں بتایا۔ اعمش نے ہم سے بیان کیا۔ اعمش نے عبداللہ بن مرہ سے، عبداللہ نے مسروق (بن اجدع) سے، مسروق نے حضرت عبداللہ (بن مسعودؓ) سے روایت کی۔ اُنہوں نے کہا: رسول اللہ ﷺ نے فرمایا: کسی مسلمان آدمی کا خون جائز نہیں جو یہ اقرار کرتا ہو کہ اللہ کے سوا کوئی معبود نہیں اور یہ کہ میں اللہ کا رسول ہوں، سوائے تین صورتوں میں سے ایک صورت میں، جس نے کسی نفس کو مار ڈالا ہو اور شادی شدہ زانی اور وہ شخص جو دین سے نکل گیا ہو اور جماعت کو چھوڑنے والا ہو۔

صحیح بخاری 6879

حَدَّثَنَا مُحَمَّدُ بْنُ بَشَّارٍ حَدَّثَنَا مُحَمَّدُ بْنُ جَعْفَرٍ حَدَّثَنَا شُعْبَةُ عَنْ هِشَامِ بْنِ زَيْدٍ عَنْ أَنَسٍ ـ رضى الله عنه ـ أَنَّ يَهُودِيًّا قَتَلَ جَارِيَةً عَلَى أَوْضَاحٍ لَهَا فَقَتَلَهَا بِحَجَرٍ فَجِيءَ بِهَا إِلَى النَّبِيِّ صلى الله عليه وسلم وَبِهَا رَمَقٌ فَقَالَ " أَقَتَلَكِ فُلاَنٌ ". فَأَشَارَتْ بِرَأْسِهَا أَنْ لاَ ثُمَّ قَالَ الثَّانِيَةَ فَأَشَارَتْ بِرَأْسِهَا أَنْ لاَ ثُمَّ سَأَلَهَا الثَّالِثَةَ فَأَشَارَتْ بِرَأْسِهَا أَنْ نَعَمْ فَقَتَلَهُ النَّبِيُّ صلى الله عليه وسلم بِحَجَرَيْنِ.

محمد بن بشار نے ہم سے بیان کیا کہ محمد بن جعفر نے ہمیں بتایا۔ شعبہ نے ہم سے بیان کیا۔ شعبہ نے ہشام بن زید سے، ہشام نے حضرت انس رضی اللہ عنہ سے روایت کی کہ ایک یہودی نے ایک لڑکی کو مار ڈالا کچھ زیوروں کی وجہ سے جو اس نے پہنے ہوئے تھے، اس نے اُس لڑکی کو پتھر سے مارا۔ لوگ اس لڑکی کو نبی ﷺ کے پاس لے آئے ابھی اس میں کچھ جان باقی تھی۔ آپؐ نے پوچھا: کیا تمہیں فلاں نے مارا ہے؟ اس نے سر سے اشارہ کیا نہیں۔ پھر آپؐ نے دوبارہ پوچھا، اس نے اپنے سر سے اشارہ کیا نہیں۔ پھر آپؐ نے تیسری بار پوچھا تو اس نے کہا: ہاں۔ نبی ﷺ نے اس قاتل کو دو پتھروں سے مروا ڈالا۔

صحیح بخاری 6880

حَدَّثَنَا أَبُو نُعَيْمٍ حَدَّثَنَا شَيْبَانُ عَنْ يَحْيَى عَنْ أَبِي سَلَمَةَ عَنْ أَبِي هُرَيْرَةَ أَنَّ خُزَاعَةَ قَتَلُوا رَجُلاً. وَقَالَ عَبْدُ اللَّهِ بْنُ رَجَاءٍ حَدَّثَنَا حَرْبٌ عَنْ يَحْيَى حَدَّثَنَا أَبُو سَلَمَةَ حَدَّثَنَا أَبُو هُرَيْرَةَ أَنَّهُ عَامَ فَتْحِ مَكَّةَ قَتَلَتْ خُزَاعَةُ رَجُلاً مِنْ بَنِي لَيْثٍ بِقَتِيلٍ لَهُمْ فِي الْجَاهِلِيَّةِ فَقَامَ رَسُولُ اللَّهِ صلى الله عليه وسلم فَقَالَ " إِنَّ اللَّهَ حَبَسَ عَنْ مَكَّةَ الْفِيلَ وَسَلَّطَ عَلَيْهِمْ رَسُولَهُ وَالْمُؤْمِنِينَ أَلاَ وَإِنَّهَا لَمْ تَحِلَّ لأَحَدٍ قَبْلِي وَلاَ تَحِلُّ لأَحَدٍ بَعْدِي أَلاَ وَإِنَّمَا أُحِلَّتْ لِي سَاعَةً مِنْ نَهَارٍ أَلاَ وَإِنَّهَا سَاعَتِي هَذِهِ حَرَامٌ لاَ يُخْتَلَى شَوْكُهَا وَلاَ يُعْضَدُ شَجَرُهَا وَلاَ يَلْتَقِطُ سَاقِطَتَهَا إِلاَّ مُنْشِدٌ وَمَنْ قُتِلَ لَهُ قَتِيلٌ فَهْوَ بِخَيْرِ النَّظَرَيْنِ إِمَّا يُودَى وَإِمَّا يُقَادُ ". فَقَامَ رَجُلٌ مِنْ أَهْلِ الْيَمَنِ يُقَالُ لَهُ أَبُو شَاهٍ فَقَالَ اكْتُبْ لِي يَا رَسُولَ اللَّهِ. فَقَالَ رَسُولُ اللَّهِ صلى الله عليه وسلم " اكْتُبُوا لأَبِي شَاهٍ ". ثُمَّ قَامَ رَجُلٌ مِنْ قُرَيْشٍ فَقَالَ يَا رَسُولَ اللَّهِ إِلاَّ الإِذْخِرَ فَإِنَّمَا نَجْعَلُهُ فِي بُيُوتِنَا وَقُبُورِنَا. فَقَالَ رَسُولُ اللَّهِ صلى الله عليه وسلم " إِلاَّ الإِذْخِرَ ". وَتَابَعَهُ عُبَيْدُ اللَّهِ عَنْ شَيْبَانَ فِي الْفِيلِ قَالَ بَعْضُهُمْ عَنْ أَبِي نُعَيْمٍ الْقَتْلَ. وَقَالَ عُبَيْدُ اللَّهِ إِمَّا أَنْ يُقَادَ أَهْلُ الْقَتِيلِ.

ابو نعیم نے ہم سے بیان کیا کہ شیبان نے ہمیں بتایا۔ انہوں نے یحيٰ (بن ابی کثیر) سے، یحيٰ نے ابو سلمہ سے، ابو سلمہ نے حضرت ابو ہریرہؓ سے روایت کی کہ خزاعہ نے ایک شخص کو مار ڈالا۔ اور عبداللہ بن رجاء نے کہا: ہم سے حرب (بن شداد) نے یحيٰ (بن ابی کثیر) سے روایت کرتے ہوئے بیان کیا کہ ہمیں ابو سلمہ نے بتایا کہ حضرت ابو ہریرہؓ نے ہم سے بیان کیا۔ جس سال مکہ فتح کیا گیا خزاعہ نے بنو لیث کے ایک شخص کو اپنے ایک مقتول کے بدلے جس کو زمانۂ جاہلیت میں مارا گیا تھا مار ڈالا۔ یہ دیکھ کر رسول اللہ ﷺ کھڑے ہوئے اور آپؐ نے فرمایا: اللہ نے مکہ سے ہاتھیوں کو روک دیا تھا اور اس نے اپنے رسول اور مومنوں کو مکہ والوں پر غالب کر دیا ہے۔ سنو! یہ مکہ مجھ سے پہلے کسی کے لئے جائز نہیں ہوا اور نہ ہی وہ میرے بعد کسی کے لئے جائز ہوگا۔ سنو! اور وہ میرے لئے بھی صرف دن کی ایک گھڑی کے لئے ہی جائز کیا گیا۔ سنو کہ وہ اب اس وقت حرم ہے اس کے کانٹے نہ اُکھیڑے جائیں اور اِس کے درخت نہ توڑے جائیں اور اس کی گری پڑی چیز کوئی نہ اُٹھائے مگر وہ جو اس کے متعلق اعلان کرنے والا ہو اور جس کا کوئی مارا جائے تو دو باتوں میں سے ایک بات کے اختیار کرنے کا وہ مجاز ہے یا اسے دیت دی جائے یا اس کا بدلہ لیا جائے۔ یہ سن کر اہل یمن میں سے ایک شخص کھڑا ہوا جسے ابو شاہؓ کہتے تھے اس نے کہا: یا رسول اللہ! مجھے یہ لکھ دیں۔ رسول اللہ نے فرمایا: ابو شاہؓ کو یہ حکم لکھ دو۔ پھر اس کے بعد قریش میں سے ایک شخص اُٹھا اُس نے کہا: یا رسول اللہ سوائے اذخر گھاس کے کیونکہ ہم اس کو اپنے گھروں اور قبروں میں کام میں لاتے ہیں تو رسول اللہ ﷺ نے فرمایا: اذخر کے سوا۔ اور (حرب بن شداد کی طرح) عبید اللہ (بن موسیٰ) نے بھی شیبان سے روایت کرتے ہوئے ہاتھیوں کے متعلق ذکر کیا۔ بعض راویوں نے ابو نعیم سے روایت کرتے ہوئے (قتیل کی بجائے) قتل کا لفظ نقل کیا اور عبید اللہ (بن موسیٰ) نے یوں کہا: یا مقتول کے وارثوں کو اس کا بدلہ دیا جائے۔

10 von 10 heute frei