نیکیوں کی معراج حاصل کرنے کے لئے تمام نیکیاں بجالانا ضروری ہے

$2004
581
34
خطبات مسرور
نیکیوں کی معراج حاصل کرنے کے لئے تمام نیکیاں بجالانا
ضروری ہے
لغویات ایک حد کے بعد گناہ میں شمار ہونے لگتی ہیں
۲۰ را گست ۲۰۰۴ء بمطابق ۲۰ ظهور ۱۳۸۳ هجری شمسی بمقام مئی مارکیٹ، منہائم (جرمنی)
الغوامور کی تفصیلات اور ان سے بچنے کی ضرورت
انٹرنیٹ کا استعمال جو ایک بہت بڑی لغو چیز ہے۔۔۔۔۔Chatting کے نقصانات اور خطرات
سکریٹ نوشی کے نقصانات ،اس سے جان چھڑائیں

خطبات مسرور
$2004
582
تشهد وتعوذ اور سورۃ فاتحہ کی تلاوت کے بعد فرمایا:
قَدْ أَفْلَحَ الْمُؤْمِنُوْنَ الَّذِيْنَ هُمْ فِى صَلَاتِهِمْ حَشِعُوْنَ۔وَالَّذِيْنَ هُمْ عَنِ
اللَّغْوِ مُعْرِضُوْنَ۔وَالَّذِيْنَ هُمْ لِلزَّكَوةِ فَعِلُوْنَ۔وَالَّذِيْنَ هُمْ لِفُرُوْجِهِمْ حَفِظُوْنَ إِلَّا عَلَى
اَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُوْمِيْنَ۔فَمَنِ ابْتَغَى وَرَاءَ ذَلِكَ
فَأُوْلَئِكَ هُمُ الْعَدُونَ۔وَالَّذِيْنَ هُمْ لَا مَنتِهِمْ وَعَهْدِهِمْ رَاعُوْنَ۔وَالَّذِيْنَ هُمْ عَلَى
صَلَوتِهِمْ يُحَافِظُوْنَ۔أَوْلَئِكَ هُمُ الْوَرِثُوْنَ الَّذِيْنَ يَرِثُوْنَ الْفِرْدَوْسَ هُمْ فِيْهَا
خلِدُونَ (سورة المومنون آيات 2 تا 12)
انسان دنیا میں بہت سی ایسی باتیں کر جاتا ہے کہ جو برائیوں کی طرف لے جانے والی اور
خدا تعالیٰ سے دور کرنے والی ہوتی ہیں اور اچھے بھلے سمجھدار لوگ جن کو دین کا بھی علم ہوتا ہے وہ بھی بعض
دفعہ ایسی باتیں کر رہے ہوتے ہیں کہ حیرت ہوتی ہے کہ اس قسم کے لوگ بھی ایسی باتیں کر سکتے ہیں۔یہ باتیں، یہ حرکتیں جو جان بوجھ کر کی جا رہی ہوں یا انجانے میں کی جارہی ہوں لغو، فضول یا بیہودہ
حرکتوں میں شمار ہوتی ہیں۔اور ایسی حرکتیں کرنے والے یا با تیں کرنے والے سمجھتے ہیں کہ یہ تو ہلکی پھلکی
باتیں ہیں مذاق کی باتیں ہیں، دل لگانے کی باتیں یا حرکتیں ہیں۔لیکن اُن
کو پتہ نہیں چلتا کہ یہی باتیں
بعض دفعہ پھر برائیوں کی طرف لے جانے والی اور خدا تعالیٰ کے احکامات سے پرے ہٹانے والی بن
جاتی ہیں۔اس لئے ایک مومن کو ہمیشہ ان سے بچنا چاہئے۔کیونکہ اپنی فلاح اور کامیابی کے لئے بھی
اور اللہ تعالیٰ کی رضا حاصل کرنے کے لئے بھی ان سے بچنا انتہائی ضروری ہے۔یہ آیات جو میں نے تلاوت کی ہیں ان میں اللہ تعالیٰ نے اپنی رضا حاصل کرنے والوں،

$2004
583
خطبات مسرور
اپنے فضلوں اور اپنی رحمتوں کے وارث بننے والوں، اپنی جنتوں کے وارث بنے والوں کے لئے
مختلف طریقے سکھائے ہیں کہ اگر ان راستوں پر چلو گے اس طرح اپنی اصلاح کرو گے تو پھر میری
جنتوں کے وارث ٹھہرو گے گویا کہ اللہ تعالیٰ نے ہمیں یہ بتایا کہ میری جنتوں تک پہنچنے کی جو سیڑھی ہے
اس کے یہ یہ قدم ہیں، یہ یہ درجے ہیں۔ہر سیڑھی پر قدم رکھتے ہوئے اگر میری رضا حاصل کرنے کی
کوشش کرو گے تو فردوس کے مالک ہو گے۔یعنی میری اُس جنت کے وارث ہو گے جو تمام جنتوں کا
مجموعہ ہے۔وہ اعمال کیا ہیں جن سے اللہ تعالیٰ کی جنتوں کے وارث ہو گے۔جیسا کہ میں نے کہا کہ
اس کے مختلف درجے ہیں۔فرمایا پہلا زینہ یا درجہ نمازوں میں عاجزی دکھانا ہے۔دوسرا ز مینہ یہ ہے
کہ لغویات سے پر ہیز کرنا۔تیسرا درجہ اللہ کی راہ میں اپنا مال خرچ کرنا ہے۔پھر چوتھی سیڑھی یا درجہ یہ
ہے کہ فروج کی حفاظت کرنا یعنی شرم گاہوں کی۔اسی طرح منہ آنکھ کان وغیرہ کی بھی حفاظت کرنا اور
ان کا صحیح استعمال کرنا۔پھر پانچواں قدم اس سیڑھی کا ہے کہ اللہ تعالیٰ اور اس کی مخلوق سے کئے گئے
عہدوں اور وعدوں کی ادائیگی۔پھر چھٹا درجہ ہے کہ نمازوں کی حفاظت کرنے والے یہ لوگ ہوتے
ہیں۔یعنی ایک فکر کے ساتھ اپنی نمازوں کی بروقت ادائیگی کی طرف توجہ رکھتے ہیں۔تو جیسا کہ
میں نے پہلے بتایا ہے کہ اللہ تعالیٰ فرماتا ہے کہ فردوس کے وارث بننے کے لئے ، میری جنتوں کے
وارث بننے کے لئے تمہیں یہ تمام منزلیں طے کرنی ہوں گی۔ان میں سے کسی درجے کو بھی کم نہ سمجھو۔یہ
تمہیں بتدریج اُس معیار تک پہنچانے کے لئے ہیں جو اللہ تعالیٰ کی رضا کا معیار ہے۔اس لئے ان
آیات کے شروع میں ہی بتا دیا کہ تمہاری فلاح، تمہاری کامیابی تمہارا اپنے مقصد کو حاصل کرنے کا
دعوی اسی صورت میں حقیقت ہو گا جب ہر درجے اور اس سیڑھی کا ہر قدم جس پر تم کامیابی سے چڑھ
جاؤ تمہیں اگلے قدم یا اگلے درجے کی طرف لے جانے والا ہو۔پس نیکیوں کی معراج حاصل کرنے
و

$2004
584
خطبات مسرور
کے لئے تمام نیکیاں بجالا نا ضروری ہے۔اس لئے کسی ایک نیکی کو بھی کسی صورت میں بھی کم نہ سمجھو۔کیونکہ آخری منزل پر پہنچنے تک ہر وقت یہ خطرہ ہے۔جب تک تم آخری منزل تک پہنچ نہیں جاتے یہ
خطرہ سر پر منڈلا رہا ہے کہ کسی ایک قدم پر کسی ایک سیڑھی پر سے بھی تمہارا پاؤں کہیں پھسل نہ جائے۔اگر پاؤں پھسلا تو تم پھر اپنی پہلی حالت میں واپس آ جاؤ گے۔اس لئے وہی مومن فلاح پانے والے
ہوں گے جو ہر سیڑھی پر پاؤں رکھتے ہوئے اپنے مقصد حیات کو حاصل کر کے اللہ تعالیٰ کی جنتوں تک
پہنچ جائیں گے اور جب وہاں پہنچ جائیں گے تو فرمایا پھر فکر کی کوئی بات نہیں ہے تم اس میں ہمیشہ رہنے
والے ہو کیونکہ اب تمہاری اس محنت کی قدر کرتے ہوئے اللہ تعالیٰ بھی تمہاری حفاظت کرے گا۔ان آیات میں بیان کیا گیا نیکیوں کو حاصل کرنے کا ہر درجہ کیونکہ ایک تفصیل چاہتا ہے اور
حضرت اقدس مسیح موعود علیہ الصلوۃ والسلام نے بھی اس کی بڑی تفصیل سے تفسیر بیان فرمائی ہے۔ساروں کی تفصیل تو بیان نہیں ہوسکتی، اس وقت میں نسبتاً ذرا تفصیل سے اس سیڑھی کے دوسرے
درجے یعنی ﴿وَالَّذِيْنَ هُمْ عَنِ اللَّغْوِ مُعْرِضُون کے بارے میں کچھ کہوں گا۔لغو باتوں اور لغوحرکتوں اور لغویات میں ڈوبنے کی یہ بیماری آجکل کچھ زیادہ جڑ پکڑ رہی
ہے۔اور اسی وجہ سے یہ بیماری تقویٰ میں بھی روک بنتی ہے۔اور اس طرح غیر محسوس طور پر اس کا حملہ
ہو رہا ہے کہ اس بیماری کی گرفت میں آنے کے بعد بھی انسان کو یہ احساس نہیں ہوتا کہ وہ کس بیماری
میں گرفتار ہے اور کیونکہ پورا معاشرہ ہر جگہ اور ہر علاقے میں ہر ملک میں اس بیماری میں مبتلا ہے اس
لئے اس بیماری کے پیٹ میں آ کر بھی پتہ نہیں لگتا کہ ہم اس بیماری میں گرفتار ہیں۔بعض قریبی
عزیزوں کو بھی اس وقت پتہ چلتا ہے جب ان لغویات کی وجہ سے ان کے حقوق متاثر ہورہے ہوتے
ہیں۔بیویاں بھی اس وقت شور مچاتی ہیں جب ان کے اور ان کے بچوں کے حقوق مارے جارہے
ہوں۔اس سے پہلے وہ بھی معاشرے کی روشنی کا نام دے کر اپنے خاوندوں کی ہاں میں ہاں ملا رہی

$2004
585
خطبات مسرور
ہوتی ہیں۔بلکہ بعض دفعہ خود بھی ان لغویات میں شامل ہورہی ہوتی ہیں تو اسی طرح ماں باپ ، دوست
احباب اس وقت تک کچھ توجہ نہیں دیتے جب تک پانی سر سے اونچا نہیں ہو جا تا۔نظام جماعت کو بھی
پتہ نہیں لگ رہا ہوتا جب تک کسی دوست یا عزیز رشتہ دار کی طرف سے یہ نہ پتہ چل جائے کہ لغویات
میں مبتلا ہے۔بظاہر ایک شخص مسجد میں بھی آ رہا ہوتا ہے اور جماعتی خدمات بھی بجالا رہا ہوتا ہے اور
اس کے ساتھ ساتھ بعض قسم کی غلط حرکتوں میں لغویات میں بھی مبتلا ہوتا ہے اس لئے یہ نہایت اہم
مضمون ہے جس پر کچھ کہنا ضروری ہے۔جیسا کہ میں نے کہا تھا کہ بعض لوگ بعض باتیں اور حرکتیں ایسی کر رہے ہوتے ہیں جوان
کے نزدیک کوئی برائی نہیں ہوتی حالانکہ وہ لغویات میں شمار ہورہی ہوتی ہیں اور نیکیوں سے
جانے والی ہوتی ہیں۔اور بعض دفعہ جائز بات بھی غلط موقع پرلغو ہو جاتی ہے۔سے دور
اب میں بعض تفسیر میں بیان کرتا ہوں۔علامہ فخر الدین رازی وَالَّذِيْنَ هُمْ عَنِ اللَّغْوِ
مُعْرِضُون کی تفسیر کے تحت لکھتے ہیں کہ اس بارے میں متعد دا قوال ہیں۔بہت سے لوگوں نے کہا
ہے۔ایک یہ کہ اللغو میں تمام حرام اور تمام مکر وہ شامل ہیں۔دوسرے یہ کہ اللغو سے مراد صرف ہر
حرام ہے۔تیسرے یہ کہ اللغو کا لفظ خصوصی طور پر قول و کلام میں معصیت پر دلالت کرتا ہے۔پھر یہ
کہ اللغو سے مراد وہ حلال ہے جس کی حاجت نہیں۔( تفسیر کبیر رازی صفحه ۷۹ جلد ۲۳)
تو مختلف مفسرین نے جو اس کے مختلف معنی کئے ہیں یعنی حرام چیزیں لغویات میں شامل
ہیں ، ایک تو اس کی یہ تفسیر ہوگئی جو بڑی واضح ہے۔مکروہ چیزیں لغویات میں شامل ہیں۔پھر ایک نے
یہ لکھا ہے کہ لغو کا لفظ خاص طور پر بات چیت میں غلط اور گناہ کی باتیں کرنے کو کہتے ہیں۔اور ایک معنی
یہ ہیں کہ ایسا جائز یا حلال کام بھی جس کی کسی مومن کو ضرورت نہیں ہے وہ بھی اگر وہ کرتا ہے تو وہ بھی
لغویات میں شمار ہوتا ہے۔تو دیکھیں لغویات سے بچنے کے لئے کس قدر باریکی میں جا کر لوگوں نے
اس کے معنے نکالے ہیں۔

$2004
586
مسرور
حضرت خلیفتہ المسیح الاول رضی اللہ تعالیٰ عنہ فرماتے ہیں کہ: ” اللغو میں کل باطل، کل
معاصی ، لغو میں داخل ہیں، تاش، گنجوفہ چوسرسب ممنوع ہیں۔گپیں ہانکنا، نکتہ چینیاں وغیرہ۔“
حقائق الفرقان جلد 3 صفحه (171
یعنی ہر قسم کا جھوٹ غلط اور گناہ کی باتیں تاش کھیلنا، اس قسم کی اور کھیلیں۔آجکل دکانوں پر
مشینیں پڑی ہوتی ہیں چھوٹے بچوں کو جوئے کی عادت ڈالنے کے لئے ، رقم ڈالنے کے بعد بعض
نمبروں
کی گیمیں ہوتی ہیں کہ یہ ملا ، اتنے پیسے ڈالو تو اتنے پیسے نکل آئیں گے تو اس طرح جیتنے سے
اتنی بڑی رقم حاصل ہو جائے گی ، یہ سب لغو چیزیں ہیں۔اسی طرح بیٹھ کر مجلسیں جمانا، گپیں ہانکنا، پھر
دوسروں پر بیٹھ کے اعتراض وغیرہ کرنا یہ سب ایسی باتیں ہیں جو لغویات میں شامل ہیں۔وَالَّذِيْنَ هُمْ عَنِ اللَّغْوِ مُعْرِضُونَ ﴾ کی وضاحت میں حضرت اقدس مسیح موعود علیہ
الصلوۃ والسلام فرماتے ہیں کہ : ” دوسرا کام مومن کا یعنی وہ کام جس سے دوسرے مرتبہ تک قوت ایمانی
پہنچتی ہے اور پہلے کی نسبت ایمان کچھ قوی ہو جاتا ہے، عقلِ سلیم کے نزدیک یہ ہے کہ مومن اپنے دل
کو جو خشوع کے مرتبہ تک پہنچ چکا ہے لغو خیالات اور لغو شغلوں سے پاک کرے۔کیونکہ جب تک
مومن میدادنی قوت حاصل نہ کر لے کہ خدا کے لئے لغو باتوں اور لغو کاموں کو ترک کر سکے جو کچھ بھی
مشکل نہیں اور صرف گناہ بے لذت ہے اس وقت تک یہ طمع خام ہے کہ مومن ایسے کاموں سے
دستبردار ہو سکے جن سے دستبردار ہونا نفس پر بہت بھاری ہے اور جن کے ارتکاب میں نفس کو کوئی
فائدہ یا لذت ہے۔پس اس سے ثابت ہے کہ پہلے درجے کے بعد کہ ترک تکبر ہے ( یعنی پہلا درجہ
ترک تکبر ہے عاجزی دکھانا ) دوسرا درجہ ترک لغویات ہے۔اور اس درجہ پر وعدہ جو لفظ افلح سے کیا
گیا ہے یعنی فوز مرام اس طرح پر پورا ہوتا ہے کہ مومن کا تعلق جب لغو کاموں اور لغوشغلوں سے ٹوٹ
جاتا ہے تو ایک خفیف سا تعلق خدا تعالیٰ سے اس کو ہو جاتا ہے اور قوت ایمانی بھی پہلے سے زیادہ بڑھ
جاتی ہے۔اور خفیف تعلق اس لئے ہم نے کہا کہ لغویات سے تعلق بھی خفیف ہی ہوتا ہے (جیسا کہ

587
$2004
خطبات مسرور
پہلے فرمایا کہ باقی گناہوں کے نسبت بعض لغویات چھوڑنی بڑی آسان ہوتی ہیں ) پس خفیف تعلق
چھوڑنے سے خفیف تعلق ہی ملتا ہے“۔( ضمیمه براهین احمدیه حصه پنجم روحانی خزائن جلد 21 صفحه 230-231)
تو فرمایاافلح کا وعدہ تو اللہ تعالیٰ نے ان لغو کاموں کو چھوڑنے سے پورا کرنا ہے لیکن جیسے
کہ پہلے بھی بتایا ہے یہ کامیابی کا ایک حصہ ہے جو خدا تعالیٰ کی طرف لے جانے والا ہے، ایک درجہ
ہے کہ لغو کام جب انسان چھوڑتا ہے تو خدا تعالیٰ بھی اپنے بندے سے کچھ تعلق جوڑتا ہے اس کے تعلق
میں بھی کچھ اضافہ ہوتا ہے اور پھر ایمان میں بھی اضافہ ہوتا ہے۔ایک دوسری جگہ آپ فرماتے ہیں کہ: ”ایسے مومن کو خدا تعالیٰ کی طرف کچھ رجوع تو ہو جاتا
ہے مگر اس رجوع کے ساتھ لغو باتوں اور لغو کاموں اور لغوشغلوں کی پلیدی لگی رہتی ہے جس سے وہ
انس اور محبت رکھتا ہے۔ہاں
کبھی نماز میں خشوع کے حالات بھی اس سے ظہور میں آتے ہیں لیکن
دوسری طرف لغو حرکات بھی اس کے لازم حال رہتی ہیں اور لغو تعلقات اور لغو مجلسیں اور لغو ہنسی ٹھٹھا
اس کے گلے کا ہار بنارہتا ہے گویاوہ دورنگ رکھتا ہے کبھی کچھ کبھی کچھے“۔66
( ضمیمه براهین احمدیه حصه پنجم روحانی خزائن جلد 21 صفحه (235)
تو دیکھیں یہاں آپ نے فرمایا کہ یہ لغویات جن سے تعلقات ہیں تمہارے گلے کا ہار بن
رہے ہوتے ہیں۔یہاں جلسوں پر آتے ہیں خطبہ جمعہ سنتے ہیں، نمازوں میں
کبھی کبھی بڑا ذوق شوق
بھی پیدا ہو جاتا ہے لیکن یہ جو لغو تعلقات ہیں یہ تمہارے گلے کا ہار بنے ہوئے ہیں۔ان مجلسوں،
اجتماعوں اور نمازوں کے بعد تمہارے دل پر جو اثر ہوتا ہے اس کی وجہ سے تم نیکیوں کے راستے اختیار
کرنا چاہتے ہو۔لیکن یہ جو لغو تعلقات ہیں، یہ فضول قسم کے جو لوگ ہیں اور فضول قسم کے لوگوں کی جو
دوستیاں ہیں یہ تمہیں پھر واپس انہیں راستوں پر ڈال دیتی ہیں۔جلسوں کے بعد اجتماعوں کے بعد،
جمعہ کے بعد دل پر بعض دفعہ بڑا گہرا اثر ہوتا ہے اور انسان ارادہ کرتا ہے کہ اب میں نے نیکی کی طرف

$2004
588
خطبات مسرور
ہی آگے قدم بڑھانا ہے۔لیکن جب شام ہوتی ہے گھر سے نکلے بازار گئے ،کوئی کام کرنے کے لئے
گئے ، کوئی دوست مل گیا بڑی محبت کا اظہار کیا بڑے طریقے سے بڑی خوبیاں گنوا کر کسی لاٹری کا
تعارف کرا دیا۔تمہارے پیسے بھی اس نے اس طرح ضائع کئے کہ لالچ تو یہ دیا کہ پیسے ضائع نہیں
ہوں گے لیکن حقیقت میں پیسے ضائع ہو رہے ہوتے ہیں۔اور وہ آپ کے پیسوں کے ساتھ اپنے
پیسے بھی ضائع کر رہا ہوتا ہے۔یا پھر رقمیں جیتنے کے لئے جیسا کہ میں نے پہلے کہا کہ مختلف جگہوں پر
بعض مشینیں لگی ہوتی ہیں بعض گیمز پڑی ہوتی ہیں خاص طور پر نو جوان اور بچے ، ویسے تو بڑے بھی
اس میں کافی دلچسپی لیتے ہیں ، باتوں باتوں میں ہی ان کو کھیلنے میں لگا دیا۔اس طرح وہ دوستوں کی
باتوں میں آگئے۔یا ایسے دوست جن کو سگریٹ پینے کی عادت ہوتی ہے ان کے ساتھ تعلق کی وجہ سے
سگریٹ کی عادت پڑ جاتی ہے۔پھر بڑھتے بڑھتے دوسری نشہ آور اشیاء بھی استعمال کرنا شروع کر
دیتے ہیں۔تو ایسے لوگ جو اس طرح بگاڑنے کی کوشش کریں غلط قسم کے بیہودہ اور لغولوگوں کے
زمرے میں آتے ہیں، ان سے تعلقات ختم کرنے چاہئیں۔جلسہ کے دنوں میں بھی بعض دفعہ بعض ایسے نو جوان یہاں آ جاتے ہیں جو نشے کے عادی
ہوتے ہیں چاہے ایک آدھ ہی ہو۔کیونکہ اتنی جرات کر کے وہی لوگ آتے ہیں جو نشہ کا کاروبار
کرنے والوں کے بعض دفعہ ایجنٹ بھی ہوتے ہیں۔اور یہاں آ کر نو جوانوں کو باتوں باتوں میں
لغویات میں ڈال دیتے ہیں۔یہ جو لغویات ہیں ایک حد کے بعد یہ گناہ میں شمار ہونے لگ جاتی ہیں تو
اس طرح آپ
کو بعض لوگ گناہ میں ڈالنے کی کوشش کرتے ہیں۔پھر لغو مجلسیں ہیں جہاں بیٹھ کر لوگوں
کے متعلق باتیں ہو رہی ہوتی ہیں ہنسی ٹھٹھا کیا جارہا ہوتا ہے۔یہ تمام مجالس بھی لغو مجالس ہیں ان سے
بچنے کی کوشش کرنی چاہئے۔خاص طور پر یہ دن جو جلسے کے دن ہیں یہ آپ کی اصلاح کے دن ہیں،
ایک ٹریننگ کے لئے آپ یہاں اکٹھے ہوتے ہیں۔ان دنوں میں اگر ان برائیوں سے بچنے کی

$2004
589
خطبات مسرور
کوشش کریں اور اپنے پہ فرض کر لیں کہ ہم نے صرف اور صرف جلسے کے پروگراموں سے ہی فائدہ
اٹھانا ہے کسی بھی قسم کی فضول یا لغو باتوں میں نہیں پڑنا تا کہ ہمارے اندر پاک تبدیلیاں پیدا ہوں،
تا کہ ہماری یہ کوشش ہو کہ ہم کامیابی کی سیڑھی کے اگلے قدم پر پاؤں رکھنے کے قابل ہوسکیں تو ایسے
لوگوں کی دعوت پر جو برائی کی طرف بلانے کی دعوت دیتے ہیں قرآن کے حکم کے مطابق عمل کریں
که ﴿وَإِذَا مَرُّوْا بِاللَّغْوِ مَرُّوا كِرَامًا ﴾۔یعنی جب وہ لغویات کے پاس سے گزرتے ہیں تو وقار
کے ساتھ گزرتے ہیں۔بغیر اس طرف توجہ دیئے گزر جاتے ہیں۔تو جہاں یہ حکم ہے کہ لغو کے پاس
سے وقار کے ساتھ منہ پرے کر کے گزر جاؤ وہاں اس آیت میں اس سے پہلے یہ کم بھی ہے کہ
﴿وَالَّذِيْنَ لَا يَشْهَدُونَ الزُّوْرَ کہ ایسے تعلقات جولوگوں سے ہنسی ٹھٹھا کرنے والے ہیں جو
لوگوں کے خلاف منصوبے بنانے والے ہیں وہ جھوٹے بھی ہوتے ہیں۔کیونکہ کہیں بھی جھوٹی گواہی
کی ضرورت پڑے تو وہ دریغ نہیں کرتے۔اس لئے یاد رکھو کہ یہ لوگ تمہیں بھی جھوٹ بلوانے کی
کوشش کریں گے۔تمہارے سے بھی ایسی حرکات سرزد کر وا ئیں گے کہ تم بھی جھوٹ بولنے پر مجبور ہو
جاؤ۔اس لئے جب کبھی ایسے لوگ تمہارے قریب آئیں تو یاد رکھو کہ شیطان تمہارے خلاف حرکت
میں آ گیا ہے اب اپنی خیر منالو، اب تم جھوٹ بولنے کے لئے تیار ہو جاؤ اب تم بھی جرائم میں ملوث
ہونے والے ہو۔اس لئے بہتر ہے کہ اگر تم سچے ہو، بچے بننا چاہتے ہو، اپنا دامن بچانا چاہتے ہو تو ان
لوگوں سے بچ کر رہوتا کہ ہمیشہ سچ پر قائم رہو کیونکہ یہ سب لغو تعلقات والے لوگ ہیں۔اس لئے
بڑے وقار سے ان لوگوں سے پہلو بچاتے ہوئے پرے ہو جاؤ، ایک طرف ہو جاؤ۔ان کی دوستی کی
باتیں، ان کی چکنی چوپڑی باتیں تمہیں ان لغویات میں کہیں ملوث نہ کر دیں یہ بہت احتیاط کی
ضرورت ہے۔یادرکھیں کہ یہ ہنسی ٹھیٹھے اور دوسروں کے جذبات کا خیال نہ رکھنے والی باتیں جب منہ
سے نکلیں گی تو مزید برائیوں کی دلدل میں پھنساتی چلی جائیں گی۔اس لئے اللہ تعالیٰ نے ہمیں پہلے

590
$2004
خطبات مسرور
ہی وارننگ دے دی ہے کہ جھوٹ جو سب برائیوں کی جڑ ہے اس سے پر ہیز کرو اس سے بچو تا کہ تمام
لغویات سے بچے رہو۔حضرت ابو ہریرہ رضی اللہ تعالیٰ عنہ روایت کرتے ہیں کہ رسول اللہ صلی اللہ علیہ وسلم نے
فرمایا کہ منافق کی تین نشانیاں ہیں۔جب گفتگو کرتا ہے تو جھوٹ بولتا ہے، جب وعدہ کرتا ہے تو وعدہ
خلافی کرتا ہے، جب اس کے پاس امانت رکھی جاتی ہے تو خیانت سے کام لیتا ہے۔(بخاری کتاب الادب باب قول الله تعالى يا ايها الذين امنوا اتقوا الله وكونوا مع الصدقين
تو یہاں مزید کھول دیا کہ جھوٹ ایسی چھوٹی برائی نہیں ہے کہ کبھی کبھی بول لیا تو کوئی حرج
نہیں۔یہ ایک ایسی حرکت ہے جو منافقت کی طرف لے جانے والی ہے۔ہر کوئی اپنا جائزہ لے تو بڑی
فکر کی حالت پیدا ہو جاتی ہے کہ ذرا ذراسی بات پر بعض دفعہ اپنے آپ کو بچانے کے لئے یا مذاق میں
یا کوئی چیز حاصل کرنے کے لئے جھوٹ بول رہے ہوتے ہیں ، غلط بیانی سے کام لے رہے ہوتے
ہیں۔پھر وعدہ خلافی ہے یہ بھی جھوٹ کی ہی ایک قسم ہے۔قرض لے کر ٹال مٹول کر دیا وعدہ خلافی
کرتے رہے، توفیق ہوتے ہوئے بھی واپس کرنے کی نیت کیونکہ نہیں ہوتی اس لئے ٹالتے رہے۔پھر اس کے علاوہ بھی روزمرہ کے ایسے معاملات ہیں کہ جن میں انسان اپنے وعدوں کا پاس نہیں
رکھتا۔پھر میاں بیوی کے بعض جھگڑے صرف اس لئے ہور ہے ہوتے ہیں کہ بیوی کو یہ شکوہ ہوتا ہے
کہ خاوند نے فلاں وعدہ کیا تھا پورا نہیں کیا۔مثلاً یہ وعدہ کر لیا کہ جب میں اپنے کام سے واپس آ
جاؤں تو فلاں جگہ جائیں گے۔اس کو پورا نہیں کیا بلکہ واپس آ کے اپنے دوستوں کی مجلسوں میں گئیں
مارنے کے لئے چلا گیا۔یا اس نے یہ وعدہ کیا تھا کہ آئندہ میرے ماں باپ سے حسن سلوک کرے گا
یا کرے گی کیونکہ یہ عورت و مرد دونوں کی طرف سے ہوتا ہے اور پھر اس کو پورا نہیں کیا۔تو یہی چھوٹی
چھوٹی وجہیں ہیں جو جھگڑوں کی بنیاد بنتی ہیں۔جہاں تک اس کا تعلق ہے، ایک دوسرے کے رشتوں
کا ، ماں باپ کا خیال رکھنا، یہ تو چیز ایسی ہے کہ یہ تو رحمی رشتوں کے زمرے میں آتا ہے۔ان سے تو

$2004
591
خطبات مسرور
ویسے ہی حسن سلوک کرنے کا حکم ہے۔وعدہ نہ بھی کیا ہو تو حکم ہے کہ حسن سلوک کرو۔پھر امانت میں
خیانت کرنے والے ہیں کچھ عرصہ تو ایمانداری دکھا کے اپنی ایمانداری کا کسی پر رعب جما لیتے ہیں،
اور اس کے بعد پھر خیانت کے مرتکب ہو رہے ہوتے ہیں تو یہ تمام باتیں جھوٹ ہی کی قسم ہیں
اور لغویات میں شمار ہوتی ہیں کیونکہ ہر وہ چیز جو شیطان کی طرف لے جانے والی ہے وہ لغو ہے۔حضرت عبداللہ رضی اللہ تعالیٰ عنہ روایت کرتے ہیں کہ نبی کریم صلی اللہ علیہ وسلم نے فرمایا :
صدق فرمانبرداری کی طرف رہنمائی کرتا ہے اور فرمانبرداری جنت کی طرف لے جاتی ہے۔اور ایک
شخص مسلسل سچ بولتا رہتا ہے یہاں تک کہ اللہ تعالیٰ کے علم میں صدیق ہو جاتا ہے اور جھوٹ
نافرمانیوں کی طرف لے جاتا ہے اور نافرمانیاں دوزخ کی طرف لے جاتی ہیں اور ایک شخص مسلسل
جھوٹ بولتا رہتا ہے یہاں تک کہ وہ اللہ تعالیٰ کے ہاں کذاب شمار ہونے لگتا ہے۔(بخاری کتاب الادب باب قول الله تعالیٰ یا ایها الذین امنوا اتقوا الله وكونوا مع الصدقين)
تو دیکھیں جھوٹ ایک ایسی لغو حرکت ہے جو جب عادت بن جائے تو ایسے شخص کا شمار اللہ
کے نزدیک کذاب کے طور پر ہوتا ہے۔اور کا ذب (جھوٹا) جو ہے وہ پھر کبھی ہدایت پانے والا نہیں
ہوتا۔وہ ہدایت سے دور جانے والا ہوتا ہے۔اور پھر اس کا ٹھکانہ بھی دوزخ ہے۔حضرت ابو ہریرہ رضی اللہ تعالیٰ عنہ روایت کرتے ہیں کہ رسول اللہ صلی اللہ علیہ وسلم نے
فرمایا میری امت میں سے حقیقی مفلس وہ ہے جو قیامت کے دن نماز ، روزہ اور زکوۃ کے ساتھ آئے گا
اور اس نے کسی کو گالی دی ہوگی، کسی پر بہتان لگایا ہوگا اور کسی کا مال کھایا ہو گا اور کسی کا خون بہایا ہوگا
اور کسی کو مارا ہوگا۔پس اس کی نیکیاں ان لوگوں کو دے دی جائیں گی جن کے ساتھ اس نے یہ سلوک
کیا ہوگا۔اگر اس کی نیکیاں اس کا حساب برابر ہونے سے قبل ختم ہو گئیں تو ان لوگوں کے جو گناہ ہیں اس
ظلم کرنے کی وجہ سے اس کے سر پہ ڈال دیئے جائیں گے اور پھر اس کو آگ میں پھینک دیا جائے گا۔(مسلم کتاب البر والصلة باب تحريم الظلم

$2004
592
مسرور
تو دیکھیں ان لغویات کی وجہ سے جو اس سے سرزد ہوئی ہوں گی اس کی نماز روزہ زکوۃ وغیرہ
اس کو کوئی فائدہ نہیں دے رہا۔اس لئے اللہ تعالیٰ کا قرب حاصل کرنے کے لئے جیسا کہ میں نے
پہلے کہا ہر سیڑھی پر قدم رکھنا ضروری ہے۔ورنہ انجام کا رایسے لوگوں کا یہی حال ہوتا ہے کہ ان کا ٹھکانہ
پھر جہنم ہوتا ہے۔پس کسی پر بلا وجہ الزام تراشی کرنا یا کسی کا مال کھانا یا کسی بات کو معمولی سمجھنا کہ یہ ایسا
گناہ نہیں ہے کوئی ایسی گناہ کی حرکت کر لینا۔فرمایا کہ اس کی سزا بھی کسی کا خون بہانے کے برابر
ہے۔بعض لوگوں کی عادت ہوتی ہے یونہی بدظنی کرتے ہوئے الزام لگا دیتے ہیں، بغیر تحقیق کے یہ
سوچ لیتے ہیں کہ فلاں نے میری شکایت کی ہوگی۔یا فلاں نے فلاں شخص کو میرے خلاف ابھارا ہے
وہ تو ہے ہی ایسا اور ویسا۔تو بلا سوچے سمجھے ایسے الزام لگانا بھی ٹھیک نہیں ہے۔اگر دوسرے شخص نے
تمہارے خلاف واقعی ایسی حرکت کی ہے تو اس کا گناہ اس کے سر ہے تم کیوں بہتان لگا کر، ان
لغویات میں پڑ کر اپنے سر اس کا گناہ لیتے ہو۔ایک دوسرے کا مال بھی بعض لوگ ہوشیاری دکھا کے کھا جاتے ہیں۔یا درکھو کہ تم نے اس دنیا
میں تو ہوشیاری دکھالی لیکن اس دن کا خیال بھی کرو کہ جب جس کا مال کھایا ہے اس کا گناہ بھی اس حدیث
کے مطابق، یہ جو انذار کیا گیا ہے، اس مال کھانے والے کے سر پر ہی پڑے گا۔اس لئے اس دنیا میں
بہت پھونک پھونک کے قدم رکھنے کی ضرورت ہے بلکہ ہر ہلکی سی برائی بھی بعض دفعہ خوفناک انجام تک
لے جاتی ہے۔اس لئے ہمیشہ اللہ تعالیٰ کے آگے جھکے رہنا چاہئے اس کا فضل مانگتے رہنا چاہئے۔ایک روایت میں آتا ہے حضرت ابو ہریرہ رضی اللہ تعالیٰ عنہ روایت کرتے ہیں کہ رسول
اللہ صلی اللہ علیہ وسلم نے فرمایا کہ کسی شخص کے اسلام کی خوبی یہ ہے کہ وہ اس بات کو ترک کر دے جس
سے اس کا کوئی تعلق نہیں۔(ترمذی۔کتاب الزهد باب فيمن تكلم بكلمة يضحك بها الناس)

$2004
593
مسرور
بعض لوگوں کی عادت ہوتی ہے کہ بلا وجہ دوسروں کو مشورے دینے لگ جاتے ہیں۔کسی
نے کوئی مشورہ نہ بھی پوچھا ہو تو عادتاً مشورہ دیتے ہیں یا بعض ایسی باتیں کر جاتے ہیں جو کسی کی دل
شکنی کا یا اس کے لئے مایوسی کا باعث بن جاتی ہے۔مثلاً کسی نے کارخریدی، کہ دیا یہ کار تو اچھی نہیں
فلاں زیادہ اچھی ہے۔وہ بیچارہ پیسے خرچ کر کے ایک چیز لے آتا ہے اس پہ اعتراض کر دیا یا پھر اور
اسی طرح کی چیز لی اس پہ اعتراض کر دیا۔اس کی وجہ سے پھر دوسرا فریق جس پہ اعتراض ہورہا ہوتا
ہے وہ پھر بعض دفعہ مایوسی میں چڑ بھی جاتا ہے اور پھر تعلقات پر بھی اثر پڑتا ہے۔تو بلا ضرورت کی جو
باتیں ہیں وہ بھی لغویات میں شمار ہوتی ہیں۔بعض دفعہ دو آدمی باتیں کر رہے ہیں تیسر ا بلا وجہ ان میں
دخل اندازی شروع کر دے، یہ بھی غلط چیز ہے لغویات میں اس کا شمار ہے۔حضرت اقدس مسیح موعود علیہ الصلوۃ والسلام فرماتے ہیں کہ: ” رہائی یافتہ مومن وہ لوگ
ہیں جو لغو کاموں اور لغو باتوں اور لغو حرکتوں اور لغو مجلسوں اور لغو صحبتوں سے اور لغو تعلقات سے اور لغو
جوشوں سے کنارہ کش ہو جاتے ہیں۔(تفسیر حضرت مسیح موعود عليه السلام جلد سوم سورة النحل يا سورة يس صفحه 359 )
تو یہ تمام لغویات جن کی حضرت اقدس مسیح موعود علیہ الصلوۃ والسلام نے نشان دہی فرمائی
ہے یہ کیا ہیں؟ جیسا کہ ایک حدیث میں آیا کسی پر الزام تراشی کرنا ، بغیر ثبوت کے کسی کو بلاوجہ بدنام
کرنا، اس کے افسران تک اس کی غلط رپورٹ کرنا ، عدالتوں میں بلاوجہ اپنی ذاتی انا کی وجہ سے کسی کو
کھینچنا، گھریلو جھگڑوں میں میاں بیوی کے ایک دوسرے پر گندے اور غلیظ الزامات لگانا پھر سینما وغیرہ
میں گندی فلمیں ( گھروں میں بھی بعض لوگ لے آتے ہیں ) دیکھنا، تو یہ تمام لغویات ہیں۔پھر انٹرنیٹ کا غلط استعمال ہے یہ بھی ایک لحاظ سے آجکل کی بہت بڑی لغو چیز ہے۔اس
نے بھی کئی گھروں کو اجاڑ دیا ہے۔ایک تو یہ رابطے کا بڑا ستا ذریعہ ہے پھر اس کے ذریعہ سے بعض
لوگ پھرتے پھراتے رہتے ہیں اور پتہ نہیں کہاں تک پہنچ جاتے ہیں۔شروع میں شغل کے طور پر

$2004
594
خطبات مسرور
سب کام ہو رہا ہوتا ہے پھر بعد میں یہی شغل عادت بن جاتا ہے اور گلے کا ہار بن جاتا ہے چھوڑنا
مشکل ہو جاتا ہے کیونکہ یہ بھی ایک قسم کا نشہ ہے اور نشہ بھی لغویات میں ہے۔کیونکہ جو اس پر بیٹھتے ہیں
بعض دفعہ جب عادت پڑ جاتی ہے تو فضولیات کی تلاش میں گھنٹوں بلاوجہ، بے مقصد وقت ضائع کر
رہے ہوتے ہیں۔تو یہ سب لغو چیزیں ہیں۔آجکل بعض ویب سائٹس ہیں جہاں جماعت کے خلاف
یا جماعت کے کسی فرد کے خلاف گندے غلیظ پراپیگنڈے یا الزام لگانے کا سلسلہ شروع ہوا ہوا ہے۔تو
لگانے والے تو خیر اپنی دانست میں یہ سمجھ رہے ہوتے ہیں، اپنی عقل کے مطابق کہ یہ مغلظات بک
کے وہ جماعت کو کوئی نقصان پہنچارہے ہیں حالانکہ اُن کی ان لغویات پر کسی کی بھی کوئی نظر نہیں ہوتی۔جماعت کا شاید اعشاریہ ایک فیصد بھی طبقہ اس کو نہ دیکھتا ہو، اس کو شاید پتہ بھی نہ ہو۔تو بہر حال یہ تمام
لغویات ہیں اس لئے وہ جو ان گندے غلیظ الزاموں کے جواب دینے کی کوشش کرتے ہیں، بعض
نو جوانوں میں یہ جوش پیدا ہو جاتا ہے تو اس جوش کی وجہ سے وہ جواب دینے کی کوشش کرتے ہیں ان
کو بھی اس سے بچنا چاہئے۔جماعت کی اپنی ایک ویب سائٹ ہے اگر کوئی اعتراض کسی کی نظر میں
قابل جواب ہو کسی کی نظر سے گزرے تو وہ اعتراض انہیں بھیج دینا چاہئے۔انٹرنیٹ پر بیٹھے ہوتے
ہیں پتہ ہے اس کا پتہ کیا ہے۔اور اگر کسی کے ذہن میں اس اعتراض کا کا کوئی جواب
آیا ہوتو وہ جواب
بھی بے شک بھیج دیں۔لیکن وہاں پر خود کسی کے اعتراض کا جواب نہیں دینا۔ہو سکتا ہے آپ کو جواب
دینا صحیح نہ آتا ہو کیونکہ جہاں آپ بھیجیں گے خود ہی چیک کر لیں گے۔پہلی بات تو یہ ہے کہ اس
اعتراض کا جواب دینا بھی ہے کہ نہیں یا اس معاملے میں پڑنا صرف لغویات یا صرف وقت کا ضیاع ہی
ہے۔کیونکہ اعتراض کرنے والے کی اصلاح تو ہونی نہیں ہوتی کیونکہ اگر ان کا یہ مقصد ہو، یہ نیت ہو
کہ انہوں نے اپنی اصلاح کرنی ہے یا کوئی فائدہ اٹھانا ہے تو پھر اتنی غلیظ اور گندی زبان استعمال نہیں
ہوتی ، شریفانہ زبان استعمال کی جاتی ہے۔اور بعض اعتراضوں کے جواب کا تو دوسروں کو فائدہ بھی

$2004
595
خطبات مسرور
نہیں ہوتا۔پھر جیسا کہ میں نے کہا ہے کہ اگر کسی کے پاس جواب ہو تو اس جماعتی نظام کے تحت
جواب بھیج دیں خود ہی نظام اس کو دیکھ لے گا کہ آیا جو جواب آپ نے بھیجا ہے درست ہے یا اس سے
بہتر جواب دیا جا سکتا ہے۔تو بہر حال مقصد یہ ہے کہ جماعت کے کسی بھی فرد کا وقت بلا مقصد ضائع
نہیں ہونا چاہئے اس لئے جس حد تک ان لغویات سے بچا جاسکتا ہے، بچنا چاہئے اور جو اس ایجاد کا
بہتر مقصد ہے اس سے فائدہ اٹھانا چاہئے۔علم میں اضافے کے لئے انٹرنیٹ کی ایجاد کو استعمال کریں۔یہ نہیں ہے کہ یا اعتراض والی
ویب سائٹس تلاش کرتے رہیں یا انٹرنیٹ پر بیٹھ کے مستقل باتیں کرتے رہیں۔آجکل چیٹنگ
(Chatting) جسے کہتے ہیں۔بعض دفعہ یہ چیٹنگ مجلسوں کی شکل اختیار کر جاتی ہے اس میں بھی پھر
لوگوں پہ الزام تراشیاں بھی ہو رہی ہوتی ہیں ، لوگوں کا مذاق بھی اڑایا جا رہا ہوتا ہے تو یہ بھی ایک وسیع
پیمانے پر مجلس کی ایک شکل بن چکی ہے اس لئے اس سے بھی بچنا چاہئے۔پھر غلط صحبتوں کے بارے میں فرمایا کہ یہ بھی لغویات میں شمار ہوتی ہیں ان سے بھی بچو۔اگر براه راست ان مجلسوں اور ان صحبتوں میں نہیں بھی شامل ہو تو پھر بھی ایسی مجلسوں میں ایسے لوگوں
کی صحبتوں میں بیٹھنا جہاں غیر تعمیری گفتگو یا کام ہو رہے ہوں تمہیں بھی متاثر کر سکتا ہے۔پھر بعض
تعلقات ایسے ہوتے ہیں جو متاثر کر رہے ہوتے ہیں۔کسی شخص کا تمہارے پر بڑا اچھا اثر ہے اس کی
ہر بات کو بڑی اہمیت دیتے ہو لیکن اگر وہ نظام جماعت کے خلاف بات کرتا ہے یا امیر کے خلاف
بات کرتا ہے یا کسی عہدیدار کے خلاف بات کرتا ہے تو اس پر اعتماد کرتے ہوئے اس پر یقین کر لیتے
ہو حالانکہ اس وقت اپنی عقل سے کام لینا چاہئے۔یہ نہ سمجھو کہ جو کچھ بھی وہ کہہ رہا ہے وہ سچ اور حق
بات ہی کہہ رہا ہے۔بلکہ انصاف اور عقل کا تقاضا تو یہ ہے کہ نظام تک بات پہنچاؤ۔یہ بات اس بات
کرنے والے
کو بھی کہو کہ اگر یہ بات ہے جس طرح تم کہہ رہے ہو تو امیر تک بات پہنچا و یا بالا انتظام

$2004
596
خطبات مسرور
تک بات پہنچاؤ تا کہ اصلاح ہو جائے۔تو جب آپ اس طرح کہیں گے تو آپ کو خود اندازہ ہو
جائے گا کہ یہ شخص صحیح نہیں کیونکہ وہ نہ خود بات آگے پہنچانے پر راضی ہوگا اور نہ آپ کو اجازت دے گا
کہ آپ بات آگے پہنچائیں ایسے لوگوں کا کام صرف باتیں کرنا اور فتنہ پھیلانا ہوتا ہے اس لئے ایسے
تعلقات لغو تعلقات ہیں ان سے بھی بچیں۔پھر فرمایا بعض دفعہ تمہارے جوش بھی لغو ہوتے ہیں۔کہیں سے اڑتی اڑتی بات اپنے یا
اپنے کسی عزیز کے بارے میں سن لی اور فورا جوش میں آگئے اور جس کی طرف بات منسوب کی گئی ہے
اس سے لڑنے مرنے پر آمادہ ہو گئے۔تو یہ تمام ایسی چیزیں ہیں جو لغویات ہیں۔مومن کا کام یہ ہے کہ
ہمیشہ ڈرتے ڈرتے اپنی زندگی گزارنے کی کوشش کرے اور ہمیشہ اس حکم پر عمل کرنے کی کوشش کرنی
چاہئے کہ مسلمان وہ ہے جس کی زبان اور ہاتھ سے دوسرے محفوظ رہیں۔زبان ایک ایسی چیز ہے جس
کا اچھا استعمال سب کو آپ کا گرویدہ بنا سکتا ہے اور اس کا غلط استعمال دوست کو بھی دشمن بنا سکتا ہے۔حضرت اقدس مسیح موعود علیہ الصلوۃ والسلام فرماتے ہیں : ” ایک اور بات بھی ضروری ہے
جو ہماری جماعت کو اختیار کرنی چاہئے اور وہ یہ ہے کہ زبان کو فضول گوئیوں سے پاک رکھا جاوے۔زبان وجود کی ڈیوڑھی ہے اور زبان کو پاک کرنے سے گویا خدا تعالیٰ وجود کی ڈیوڑھی میں آ جاتا ہے۔جب خدا تعالی ڈیوڑھی میں آ گیا تو پھر اندر آنا کیا تعجب ہے۔(ملفوظات جلد2 صفحه 182 الحكم (31 مارچ 1902 |
یعنی ہمارے جسم کا اندر داخل ہونے کا جو دروازہ ہے، جو مین گیٹ (Main Gate) ہے،
راستہ ہے، وہ زبان ہے اگر یہ لغو اور فضول باتوں سے پاک ہے تو سمجھو کہ تمہارے وجود میں داخل
ہونے کا راستہ صاف اور پاک ہے۔اور اللہ تعالیٰ کیونکہ خوبصورت ، پاک اور صاف چیزوں کو پسند
کرتا ہے تو اس طرح تمہاری پاک زبان کی وجہ سے خدا تعالیٰ بھی تمہارے قریب آ جائے گا۔تو جب
تمہاری پاک زبان سے خدا تعالیٰ تمہارے اتنے قریب آ گیا تو پھر عین ممکن ہے کہ تمہارے دوسرے

597
$2004
خطبات مسرور
اعمال بھی ایسے ہو جائیں جو اللہ تعالیٰ کی پسند کے اعمال ہوں اور پھر تمہارا سارا وجود خدا تعالیٰ کا
پسندیدہ وجود بن جائے۔پھر آجکل کی لغویات میں سے ایک چیز سگریٹ وغیرہ بھی ہیں جیسا کہ مختصر سا میں پہلے ذکر
کر آیا ہوں۔نوجوانوں میں اس کی عادت پڑتی ہے اور پھر تمام زندگی یہ جان نہیں چھوڑتی سوائے ان
کے جن کی قوت ارادی مضبوط ہو۔اور پھر سگریٹ کی وجہ سے بعض لوگوں کو اور نشوں کی عادت بھی پڑ
جاتی ہے۔ایک دفعہ ایک شخص نے امریکہ سے تمباکو نوشی سے متعلق اس کے بہت سے مجرب نقصان
ظاہر کرتے ہوئے اشتہار دیا تو حضرت اقدس مسیح موعود علیہ الصلوۃ والسلام کو بھی اشتہار سنایا گیا تو
آپ نے
فرمایا کہ: " اصل میں ہم اس لئے اسے سنتے ہیں کہ اکثر نو عمر لڑ کے ، نو جوان
تعلیم یافتہ بطور
فیشن ہی کے اس بلا میں گرفتار و مبتلا ہو جاتے ہیں تا وہ ان باتوں کو سن کر اس مضر چیز کے نقصانات سے
بچیں۔یعنی جو لوگ مبتلا ہوتے ہیں وہ یہ باتیں سنیں تو اس کے نقصانات سے بچیں۔فرمایا: ”اصل
میں تمبا کو ایک دھواں ہوتا ہے جو اندرونی اعضاء کے واسطے مضر ہے۔اسلام لغو کاموں سے منع کرتا
ہے اور اس میں نقصان ہی ہوتا ہے۔لہذا اس سے پر ہیز ہی اچھا ہے“۔(ملفوظات جلد3 صفحه 110 الحكم 28 فروری 1903
تو وہ لوگ جو اس لغو عادت میں مبتلا ہیں کوشش کریں کہ اس سے جان چھڑا ئیں۔اور
والدین خاص طور پر بچوں
پر نظر رکھیں کیونکہ آجکل بچوں کونشوں کی با قاعدہ پلاننگ کے ذریعے عادت
بھی ڈالی جاتی ہے۔اور پھر آہستہ آہستہ یہ ہو جاتا ہے کہ بیچارے بچوں کے برے حال ہو جاتے
ہیں۔آپ یہاں بھی دیکھیں کس قدر لوگ ان نشوں کی وجہ سے اپنی زندگیاں برباد کر رہے ہیں۔ایک
بہت بڑی تعداد ان ملکوں میں جن میں آپ رہ رہے ہیں ، آپ دیکھیں گے سگریٹ پینے کی وجہ سے
حشیش یا دوسرے نشوں میں مبتلا ہو گئی۔اور اپنے کاموں سے بھی گئے ، اپنی ملازمتوں سے بھی گئے ،

$2004
598
خطبات مسرور
اپنی نوکریوں سے بھی گئے ، اپنے کاروباروں سے بھی گئے ، اپنے گھروں سے بھی بے گھر ہوئے اور
زندگیاں برباد ہوئیں۔بیوی بچوں کو بھی مشکل میں ڈالا۔خود پارکوں، فٹ پاتھوں یا پکیوں کے نیچے
زندگیاں گزار رہے ہیں۔گندے غلیظ حالت میں ہوتے ہیں۔لوگوں کے آگے ہاتھ پھیلا رہے
ہوتے ہیں۔ڈسٹ بنوں (Dust Bins) سے گلی سڑی چیزیں چن چن کے کھا رہے ہوتے ہیں۔تو
یہ سب اس لغو عادت کی وجہ سے ہی ہے۔اس لئےکسی بھی لغو چیز کو چھوٹا نہیں سمجھنا چاہئے۔یہی چھوٹی
چھوٹی باتیں پھر بڑی بن جایا کرتی ہیں۔حضرت اقدس مسیح موعود علیہ الصلوۃ والسلام فرماتے ہیں کہ : ”حدیث میں آیا ہے ومن
حُسْنِ الْإِسْلَامِ تَرْكُ مَالَا يَعْنِيْهِ یعنی اسلام کا حسن یہ بھی ہے کہ جو چیز ضروری نہ ہو وہ چھوڑ دی
جاوے۔اسی طرح پر یہ پان، حقہ زردہ ( یعنی تمبا کو جو پان میں کھاتے ہیں) افیون وغیرہ ایسی ہی
چیز میں ہیں۔بڑی سادگی یہ ہے کہ ان چیزوں سے پر ہیز کرے کیونکہ اگر کوئی اور بھی نقصان ان کا
بفرض محال نہ ہو تو بھی اس سے ابتلا آ جاتے ہیں اور انسان مشکلات میں پھنس جاتا ہے مثلاً قید ہو
جاوے تو روٹی تو ملے گی لیکن بھنگ چرس یا اور اشیاء نہیں دی جائیں گی۔یا اگر قید نہ ہو (اور ) کسی ایسی جگہ
میں ہو جو قید کے قائمقام ہوتو پھر بھی مشکلات پیدا ہو جاتے ہیں۔عمدہ صحت کو کسی بیہودہ سہارے سے کبھی
ضائع کرنا نہیں چاہئے۔شریعت نے خوب فیصلہ کیا ہے کہ ان مضر صحت چیزوں کو مضر ایمان قرار دیا ہے اور ان
سب
کی سردار شراب ہے۔یہ سچی بات ہے کہ نشوں اور تقویٰ میں عداوت ہے۔افیون کا نقصان بھی بہت بڑا
ہوتا ہے۔طبی طور پر یہ شراب سے بھی بڑھ کر ہے اور جس قدر قوی لے کر انسان آیا ہے ان کو ضائع کر دیتی ہے۔(ملفوظات جلد2 صفحه 219 الحكم 10 جولائی (1902
اور اب تو افیون سے بھی زیادہ خطرناک نشے پیدا ہو چکے ہیں۔پس ان لغویات سے بچنے
والے ہی تقویٰ پر قائم رہ سکتے ہیں۔اور اللہ تعالیٰ کا قرب پانے والوں میں شمار ہو سکتے ہیں۔یہاں
جس طرح فرمایا کہ افیون کا نشہ شراب سے بڑھ کر ہے اس کا مطلب یہ نہیں ہے کہ شراب کبھی پی لی تو
کوئی حرج نہیں۔اللہ تعالیٰ نے اس کو حرام قرار دیا ہے اور یہ حرام ہے۔ان ملکوں میں کیونکہ شراب

$2004
599
خطبات مسرور
بہت عام ہے اور محبتیں بھی ایسی مل جاتی ہیں جہاں شراب پینے والے مل جاتے ہیں اس لئے اس
بارے میں بہت زیادہ احتیاط کی ضرورت ہے۔فرمایا کہ : ” شراب جو ام الخبائث ہے اسے حلال سمجھا گیا ہے اس سے انسان خشوع و
خضوع سے جو کہ اصل جز و اسلام ہے بالکل بے خبر ہو جاتا ہے۔ایک شخص جو رات دن نشہ میں رہتا
ہے ہوش اس کے بجاہی نہیں ہوتے تو اسے دوسری بدیوں کے ارتکاب میں کیا رکاوٹ ہوسکتی ہے۔موقع موقع پر ہر ایک بات مثل، زنا، چوری، قمار بازی و غیرہ کر سکتا ہے۔ہماری شریعت میں قطعا اس
کو بند کر دیا ہے۔یہاں تک لکھ دیا ہے کہ یہ شیطان کے عمل سے ہے تا کہ خدا کا تعلق ٹوٹ جاوے“۔تو شراب کا جو نشئی ہے وہ بھی مختلف جرائم میں گرفتار ہوتا ہے۔بلکہ ان ملکوں میں بھی جہاں
جہاں شراب کی اجازت ہے آپ دیکھیں گے کہ بعض لوگ نشے میں بعض قسم کی حرکات کر جاتے ہیں
اور پھر جیلوں میں چلے جاتے ہیں۔اور پھر یہاں کے معاشرے کے مطابق بعض شریف لوگ بظاہر
شراب کے نشے میں دھت ہوتے ہیں اور سڑکوں پر گرے پڑے ہوتے ہیں، پولیس ان کو اٹھا کے
لے جاتی ہے۔پھر جوا وغیرہ ہے یہ بھی لغویات ہیں۔یہ بھی اسی وجہ سے پیدا ہوتی ہیں۔شرابیوں کو عام
طور پر جوا کھیلنے کی بھی عادت ہوتی ہے۔کسی بھی نشہ کرنے والے کو عادت ہوتی ہے تاکہ زیادہ سے
زیادہ پیسے بنیں۔تو حضرت اقدس مسیح موعود علیہ الصلوۃ والسلام نے یہ سمجھایا کہ یہ تمام چیزیں جو ہیں یہ
لغویات اور فضولیات میں شمار ہیں اس لئے ان سے بچو۔پھر آپ فرماتے ہیں: کہ اللہ اللہ ! کیا ہی عمدہ قرآنی تعلیم ہے کہ انسان کی عمر کو خبیث اور
مضر اشیاء کے ضرر سے بچالیا۔یہ منشی چیزیں شراب وغیرہ انسان کی عمر کو بہت گھٹا دیتی ہیں اس کی قوت

$2004
600
خطبات مسرور
کو برباد کر دیتی ہیں اور بڑھاپے سے پہلے بوڑھا کر دیتی ہیں۔یہ قرآنی تعلیم کا احسان ہے کہ
کروڑوں مخلوق ان گناہ کے امراض سے بچ گئی جو ان نشہ کی چیزوں سے پیدا ہوتی ہیں۔اور یہ تو
آجکل کی میڈیکل میں ثابت شدہ ہے کہ شراب ہزاروں دماغ کے سیل اور خلیوں کو نقصان پہنچا دیتی
ہے اور آہستہ آہستہ آدمی کی بہت ساری دماغی کمزوریاں ظاہر ہونا شروع ہو جاتی ہیں۔تو جیسا کہ
آپ نے فرمایا کہ ” شراب وغیرہ تو اس میں شراب کے ساتھ اور بھی نشے جو آجکل نئے نئے نکل
آئے ہیں شامل ہو گئے ہیں۔پس ان ملکوں میں رہتے ہوئے خاص طور پر جہاں منظم طریقوں سے
نشوں کا کاروبار ہوتا ہے اور شراب کی تو ویسے بھی یہاں اجازت ہے بہت استغفار کرتے ہوئے اور
اپنے پہلو بچاتے ہوئے ان چیزوں سے بچیں اور بچنے کی کوشش کریں۔پھر آپ فرماتے ہیں کہ : " خدا کو چھوڑ کر بدی اور گند میں رہنا صرف خدا کی نافرمانی ہی
نہیں بلکہ اس میں خدا تعالیٰ پر ایمان میں بھی شک ہوتا ہے۔حدیث میں آیا ہے کہ چور جب چوری
کرتا ہے تو ایمان اس میں نہیں ہوتا اور زانی جب زنا کرتا ہے تو ایمان اس میں نہیں ہوتا۔یاد رکھو کہ
وسو سے جو بلا ارادہ دل میں پیدا ہوتے ہیں ان پر مواخذہ نہیں ہوتا۔جب پکی نیت انسان کسی کام کی
کرے تو اللہ تعالیٰ مواخذہ کرتا ہے۔اچھا آدمی وہی ہے جو دل کو ان باتوں سے ہٹا دے۔ہر ایک عضو
کے گناہوں سے بچے۔ہاتھ سے کوئی بدی کا کام نہ کرے۔کان سے کوئی بری بات چغلی غیبت ، گلہ
وغیرہ نہ سنے۔آنکھ سے محرمات پر نظر نہ ڈالے۔پاؤں سے کسی گناہ کی جگہ چل کر نہ جاوے“۔(ملفوظات جلد3 صفحه 139 البدر 13 مارچ (1903
کہتے ہیں بعض عادتیں چھٹ نہیں سکتیں۔فرماتے ہیں کہ: ”انسان عادت کو چھوڑ سکتا ہے۔بشرطیکہ اس میں ایمان ہو اور بہت سے ایسے آدمی دنیا میں موجود ہیں جو اپنی پرانی عادات کو چھوڑ بیٹھتے
ہیں۔دیکھا گیا ہے کہ بعض لوگ جو ہمیشہ سے شراب پیتے چلے آئے ہیں بڑھاپے میں آ کر جبکہ
عادت کا چھوڑ نا خود بیمار پڑنا ہوتا ہے یا بلا کسی خیال کے چھوڑ بیٹھتے ہیں اور تھوڑی سی بیماری کے بعد

آج 10 میں سے 10 باقی