سیرة النبیﷺ
سیرت النبی ﷺ (جلد اوّل), حصہ 20
سيرة النبي ع
283
جلد 1
فَيَتَحَنَّتُ فِيْهِ وَهُوَ التَّعَبُّدُ اللَّيَالِيَ ذَوَاتِ الْعَدَدِ قَبْلَ أَنْ يَنْزِعَ إِلَى أَهْلِهِ
وَيَتَزَوَّدُ لِذلِكَ ثُمَّ يَرْجِعُ إِلى خَدِيجَةَ فَيَتَزَوَّدُ لِمِثْلِهَا حَتَّى جَاءَهُ الْحَقُّ
وَهُوَ فِي غَارِ حِرَاءٍ فَجَاءَهُ الْمَلَكُ فَقَالَ اقْرَأْ قَالَ مَا أَنَا بِقَارِءٍ قَالَ
فَأَخَذَنِي فَغَطَّنِى حَتَّى بَلَغَ مِنِّي الْجَهْدَ ثُمَّ أَرْسَلَنِي فَقَالَ اقْرَأْ قُلْتُ مَا أَنَا
بِقَارِءٍ فَأَخَذَنِيْ فَغَطَّنِي الثَّانِيَةَ حَتَّى بَلَغَ مِنِّي الْجَهْدَ ثُمَّ أَرْسَلَنِيْ فَقَالَ اقْرَأْ
فَقُلْتُ مَا أَنَا بِقَارِءٍ فَأَخَذَنِيْ فَغَطَّنِي الثَّالِثَةَ ثُمَّ أَرْسَلَنِي فَقَالَ اقْرَأْ بِاسْمِ
رَبِّكَ الَّذِي خَلَقَ خَلَقَ الْإِنْسَانَ مِنْ عَلَقٍ اِقْرَأْ وَرَبُّكَ الْأَكْرَمُ فَرَجَعَ
بهَا رَسُوْلُ اللهِ صَلَّى اللهُ عَلَيْهِ وَسَلَّمَ يَرْجُفُ فُؤَادُهُ فَدَخَلَ عَلَى خَدِيجَةَ
بِئْتِ خُوَيْلِدٍ فَقَالَ زَمِلُوْنِي زَمِلُوْنِي فَرَمَّلُوْهُ حَتَّى ذَهَبَ عَنْهُ الرَّوْعُ فَقَالَ
لِخَدِيجَةَ وَأَخْبَرَهَا الْخَبَرَ لَقَدْ خَشِيْتُ عَلَى نَفْسِي فَقَالَتْ خَدِيْجَةُ كَلَّا
وَاللهِ مَا يُخْزِيْكَ اللهُ أَبَدًا إِنَّكَ لَتَصِلُ الرَّحِمَ وَتَحْمِلُ الْكَلَّ وَتَكْسِبُ
الْمَعْدُوْمَ وَتَقْرِى الضَّيْفَ وَتُعِيْنُ عَلَى نَوَائِبِ الْحَقِّ فَانْطَلَقَتْ بِهِ خَدِيْجَةُ
حَتَّى أَتَتْ بِهِ وَرَقَةَ بْنَ نَوُفَلِ بْنِ أَسَدِ بْنِ عَبْدِ الْعُزَّى ابْنَ عَمِّ خَدِيجَةَ
وَكَانَ امْرَأَ قَدْ تَنَصَّرَ فِى الْجَاهِلِيَّةِ وَكَانَ يَكْتُبُ الْكِتَابَ الْعِبْرَانِيُّ
فَيَكْتُبُ مِنَ الْإِنْجِيلِ بِالْعِبْرَانِيَّةِ مَا شَاءَ اللهُ أَنْ يَكْتُبَ وَكَانَ شَيْخًا كَثِيرًا
قَدْ عَمِيَ فَقَالَتْ لَهُ خَدِيجَةُ يَا ابْنَ عَمِّ اسْمَعُ مِنْ ابْنِ أَخِيْكَ فَقَالَ لَهُ
وَرَقَةُ يَا ابْنَ أَخِي مَاذَا تَرَى فَأَخْبَرَهُ رَسُوْلُ اللهِ صَلَّى اللهُ عَلَيْهِ وَسَلَّمَ
خَبَرَ مَا رَأَى فَقَالَ لَهُ وَرَقَةُ هذَا النَّامُوسُ الَّذِي نَزَّلَ اللَّهُ عَلَى مُوسَى
يَا لَيْتَنِيْ فِيهَا جَدَعَا لَيْتَنِى أَكُوْنُ حَيَّا إِذْ يُخْرِجُكَ قَوْمُكَ فَقَالَ رَسُوْلُ
اللهِ صَلَّى اللهُ عَلَيْهِ وَسَلَّمَ أَوَمُخْرجى هُمُ قَالَ نَعَمُ لَمْ يَأْتِ رَجُلٌ قَطُّ
بِمِثْلِ مَا جِئْتَ بِهِ إِلَّا عُوْدِى وَإِنْ يُدْرِكُنِى يَوْمُكَ أَنْصُرُكَ نَصْرًا مُؤَخَّرًا
ثُمَّ لَمْ يَنْشَبُ وَرَقَةُ أَنْ تُوُقِيَ وَفَتَرَ الْوَحْيُ 108 حضرت عائشہ فرماتی ہیں کہ
سيرة النبي علي
6☑
284
جلد 1
شروع شروع میں رسول کریم ﷺ کو سچی خوا ہیں آنی شروع ہوئی تھیں۔آپ جو
خواب دیکھتے وہ اپنے وقت پر اس طرح ظاہراً پوری ہوتی جیسے پو پھوٹتی ہے۔اس کے
بعد آپ کے دل میں علیحدگی کی محبت ڈالی گئی پس آپ غار حرا میں جا کر علیحدہ بیٹھا
کرتے تھے اور کچھ راتیں رہ کر وہاں عبادت کیا کرتے تھے ایک خدا کی۔( کیونکہ
نبوت سے پہلے بھی آپ نے کبھی شرک نہیں کیا ) اور پھر گھر کی طرف واپس تشریف
لاتے تھے۔اور پھر اس کام کے لیے کھانا وغیرہ لے جاتے پھر واپس تشریف لاتے اور
اتنی ہی راتوں کے لیے کچھ کھانا لے جاتے یہاں تک کہ آپ کے پاس حق آ گیا ( یعنی
وحی نازل ہوئی ) اور آپ اُس وقت غار حرا میں ہی تھے۔آپ کے پاس ایک فرشتہ آیا
اور اس نے کہا کہ پڑھ ! آپ نے جواباً فرمایا کہ میں تو پڑھنا نہیں جانتا۔آپ فرماتے
تھے کہ اس پر فرشتہ نے مجھے پکڑ لیا اور اپنے ساتھ چمٹا لیا اور اس قدر بھینچا کہ طاقتِ
برداشت نہ رہی۔پھر مجھے چھوڑ دیا اور کہا کہ پڑھ ! میں نے کہا کہ میں تو پڑھنا نہیں
جانتا۔اس پر اس نے پھر مجھے پکڑا اور اپنے ساتھ چمٹا کر زور سے بھینچا حتی کہ
طاقت برداشت نہ رہی۔پھر اس نے مجھے چھوڑ دیا اور کہا کہ پڑھ ! یہ آیات لے کر
(یعنی یاد کر کے ) رسول کریم ﷺ واپس تشریف لے آئے اور آپ کا دل دھڑک رہا
تھا۔وہاں سے آ کر آپ سیدھے حضرت خدیجہ کے پاس تشریف لے گئے اور فرمایا کہ
مجھے کپڑا اوڑھاؤ کپڑا اوڑھاؤ! اس پر آپ کے اوپر کپڑا ڈال دیا گیا اور آپ لیٹے
رہے یہاں تک کہ خوف جاتا رہا۔پھر حضرت خدیجہ کو تمام قصہ سنایا اور فرمایا کہ میں تو
اپنی جان پر ڈرتا ہوں (یعنی مجھے خوف ہے کہ مجھ سے کیا معاملہ ہونے لگا ہے ) اس پر
حضرت خدیجہ نے فرمایا کہ ہر گز نہیں خدا کی قسم! ہر گز نہیں ! ( یعنی ڈر درست نہیں ) خدا
آپ
کو کبھی ذلیل نہیں کرے گا کیونکہ تو رشتہ داروں کے ساتھ نیک سلوک کرتا اور
کمزوروں کا بوجھ اٹھاتا ہے اور تمام وہ نیک اخلاق جو دنیا سے معدوم ہو چکے ہیں اُن
پر عامل ہے اور مہمان کی اچھی طرح سے خاطر کرتا ہے اور کچی مصیبتوں میں لوگوں کی
ย
سيرة النبي علي
285
جلد 1
مدد کرتا ہے۔یہ کہہ کر حضرت خدیجہ رضی اللہ عنہا نے آنحضرت ﷺ کو ساتھ لیا اور
ورقہ بن نوفل بن اسد بن عبد العزی جو حضرت خدیجہ کے چا کے بیٹے یعنی چچا زاد بھائی
تھے ان کے پاس پہنچیں جو جاہلیت کے زمانہ میں مسیحی مذہب اختیار کر چکے تھے اور
عبرانی میں انجیل کے بعض حصص جن کی اللہ تعالیٰ ان کو توفیق دیتا لکھا کرتے تھے (یعنی
اپنی جوانی میں ) اور اُس وقت وہ بوجہ بڑھاپے کے اندھے ہو چکے تھے۔حضرت خدیجہ
نے اُن سے کہا کہ اے میرے چچا کے بیٹے ! اپنے بھائی کے بیٹے کی بات سن۔ورقہ
نے آنحضرت ﷺ سے پوچھا کہ اے میرے بھائی کے بیٹے ! کیا بات ہے؟ آپ
نے جو کچھ گزرا تھا آپ کے سامنے دہرایا۔اس پر ورقہ نے کہا کہ یہ وہی فرشتہ ہے جو اللہ تعالیٰ
نے حضرت موستی پر نازل فرمایا تھا۔اے کاش! میں اُس وقت جوان ہوتا۔اے کاش ! میں
اُس وقت زندہ ہوتا جب تیری قوم تجھے نکال دے گی۔اس پر رسول کریم ﷺ نے
فرمایا کہ کیا وہ مجھے نکال دیں گے؟ انہوں نے کہا کہ ہاں! کوئی شخص اس تعلیم کے
ساتھ نہیں آیا جس کے ساتھ تو آیا ہے مگر لوگوں نے اس سے دشمنی کی ہے۔اور اگر
مجھے تیرا زمانہ ملا ( یعنی جس وقت تیری تعلیم کا اعلان ہوگا اور لوگ مخالفت کریں گے
ور نہ نبی تو آپ اسی دن سے ہو گئے تھے اور وحی قرآن نازل ہونی شروع ہو گئی تھی )
تو میں تیری بڑی مدد کروں گا۔پھر کچھ ہی دنوں کے بعد ورقہ فوت ہو گئے اور وحی ایک
عرصہ کے لیے بند ہوگئی۔ممکن ہے اس حدیث کے یہاں نقل کرنے پر بعض لوگوں کو تعجب ہوا ہو کہ اس
حدیث کے اس جگہ نقل کرنے سے کیا مطلب ہے اور اس سے آنحضرت ﷺ کے
انکسار کا کیا پتہ چلتا ہے لیکن جیسا کہ میں اِنْشَاءَ اللهُ ابھی بتاؤں گا یہ حدیث آپ کی
منکسرانہ طبیعت پر تیز روشنی ڈالتی ہے جس سے معلوم ہوتا ہے کہ انکسار سے آپ کا دل
معمور تھا اور کسی زمانہ میں بھی آپ سے یہ خلق نیک جدا نہیں ہوا۔انکسار کے ساتھ کام
کرنا دلالت کرتا ہے کہ یہ صفت کس شان کے ساتھ آپ کے اندر تھی ورنہ بعض لوگ
الله
سيرة النبي علي
286
جلد 1
صرف ستی کی وجہ سے انکسار کرتے ہیں۔اس حدیث سے ہمیں معلوم ہوتا ہے کہ رسول کریم ﷺ کے سامنے جو فرشتہ آیا
اس نے آپ سے کہا کہ پڑھ اور آپ نے اس کے جواب میں کہا کہ میں پڑھنا نہیں
جانتا۔اب سوال یہ پیدا ہوتا ہے کہ آپ کا اس انکار سے کیا مطلب تھا ؟ آیا یہ کہ آپ
تحریر پڑھنا نہیں جانتے یا یہ کہ عربی زبان کا دہرانا بھی نہیں جانتے ؟ کیونکہ قراءت کا
لفظ عربی زبان میں دو معنوں میں استعمال ہوتا ہے۔ایک معنی اس کے کسی تحریر کو
پڑھنے کے ہیں اور دوسرے معنی کسی مقررہ عبارت کو اپنی زبان سے دہرانے کے
ہیں۔چنانچہ جب کوئی شخص کسی کتاب کو پڑھے تو اُس کی نسبت بھی کہیں گے کہ يَقْرَءُ
الْكِتَابَ اور جب وہ کسی عبارت کو دہرائے گا تو اسے بھی کہیں گے کہ يَقْرَءُ وہ پڑھتا
ہے جیسا کہ قرآن کریم کو حفظ پڑھنا بھی قراءت کہلاتا ہے۔پس اب سوال یہ ہے کہ
آیا رسول الله علی نے جو یہ فرمایا کہ میں پڑھنا نہیں جانتا تو اس سے کیا مراد ہے؟
آیا یہ کہ آپ تحریر نہیں پڑھ سکتے یا یہ کہ آپ کسی عبارت کو جو عربی زبان میں ہو دہرا
بھی نہیں سکتے ؟ اگر یہ ثابت ہو کہ آپ کا مطلب یہ تھا کہ آپ تحریر نہیں پڑھ سکتے تب تو
بات صاف ہے کیونکہ تاریخ سے ثابت ہے کہ آپ لکھنا پڑھنا نہیں جانتے تھے لیکن یہ
مطلب رسول کریم ﷺ کا نہیں ہوسکتا کیونکہ صحیح احادیث سے ہرگز ثابت نہیں ہوتا کہ
آپ کے سامنے اس فرشتہ نے کوئی تحریر رکھی تھی اور کہا تھا کہ اسے پڑھو، تا آپ جواب
دیتے کہ میں پڑھنا نہیں جانتا بلکہ جو کچھ صحیح اور مرفوع احادیث سے ثابت ہوتا ہے وہ
یہی ہے کہ ایک فرشتہ آپ کے سامنے آیا اور اس نے آ کر آپ سے کہا کہ آپ
پڑھیں اور کوئی تحریر آپ کے سامنے پیش نہیں کی۔چنانچہ بخاری کی جو حدیث او پر نقل
کی گئی ہے اُس سے بھی یہی ثابت ہے کہ اس فرشتہ نے آپ کے سامنے کوئی تحریر نہیں
رکھی بلکہ صرف ہوشیار کرنے کے لیے کہا کہ پڑھ ! جیسا کہ جب کسی شخص سے کوئی الفاظ
کہلوانے ہوں تو کہلوانے والا عام طور پر کہہ دیا کرتا ہے کہ کہو۔پس اس فرشتہ نے بھی
سيرة النبي ع
287
جلد 1
یہی آپ سے کہا تھا کہ دہراؤ یعنی جو لفظ میں کہتا ہوں اُن کو دہراتے جاؤ۔چنانچہ
تیسری دفعہ فرشتہ نے منہ سے ہی الفاظ کہے نہ کہ کوئی تحریر رکھی۔اگر پڑھوانا مد نظر ہوتا
اور اس فرشتہ کا آپ کو گھونٹنا اس لیے ہوتا کہ آپ کو تحریر پڑھنا آجائے تو ایسا ہونا
چاہیے تھا کہ وہ آخری دفعہ آپ کے سامنے تحریر رکھ دیتا اور آپ کو پہلے پڑھنا نہیں
جانتے تھے لیکن معجزانہ طور پر پڑھنے لگ جاتے لیکن آخری دفعہ فرشتہ کا منہ سے الفاظ
کہہ کر آپ کو دہرانے کے لیے کہنا صاف ثابت کرتا ہے کہ اُس وقت آپ کے
سامنے کوئی تحریر نہ رکھی گئی تھی بلکہ صرف زبانی آپ سے ایک عبارت دہرانے کو کہا گیا
تھا۔اور یہ استدلال جو ہم نے کیا ہے اس کے خلاف عبید بن عمیر کی روایت نہیں پیش
کی جاسکتی جس میں لکھا ہے کہ رسول کریم ﷺ نے فرمایا کہ میرے سامنے جبریل نے
ایک تحریر رکھی تھی جو دیباج پر لکھی ہوئی تھی 109۔کیونکہ ایک تو یہ حدیث اس پائے کی
نہیں جس پائے کی حدیث بخاری کی ہے پھر یہ مرسل حدیث ہے اس لیے اس روایت
کے مقابلہ میں جو او پر نقل کی گئی ہے نہیں رکھی جا سکتی۔سوم خود عبید بن عمیر کی اپنی
روایت میں اس کے خلاف ہے کیونکہ وہ بیان کرتے ہیں کہ جب جبریل نے آپ
سے کہا کہ پڑھیں تو آپ نے فرمایا کہ میں کیا پڑھوں؟ اور یہ فقرہ کہ ” میں کیا پڑھوں“
صاف ثابت کرتا ہے کہ آپ کے سامنے کوئی تحریر نہ تھی۔اگر تحریر ہوتی تو آپ کیا
پڑھوں کا جملہ کیونکر استعمال فرما سکتے تھے۔غرض حق یہی ہے کہ آنحضرت ﷺ سے
اس فرشتہ نے کوئی تحریر پڑھنے کو نہیں کہا بلکہ یہی کہا کہ آپ کہیں (یعنی جو کچھ میں
کہوں ) اس کے جواب میں آپ نے فرمایا کہ میں تو قراءت نہیں جانتا۔لیکن اب
ایک اور سوال پیدا ہوتا ہے اور وہ یہ کہ جبکہ آپ سے صرف عربی کے بعض فقرات
دہرانے کو کہا گیا تھا تو آپ نے کیوں فرمایا کہ میں پڑھنا نہیں جانتا حالانکہ یہ کام آپ
آسانی سے کر سکتے تھے۔آپ کی مادری زبان عربی تھی اور آپ اس زبان میں کلام
کیا کرتے تھے پھر آپ نے یہ کیوں فرمایا کہ میں پڑھنا نہیں جانتا۔اور نہ آپ عربی
سيرة النبي علي
288
جلد 1
کے کلمات کے دہرانے سے عاجز تھے کہ کہا جائے کہ آپ نے اس بات سے بھی انکار
کیا۔بلکہ اصل بات یہی ہے کہ آپ نے فرشتہ کو دیکھتے ہی خوب سمجھ لیا تھا کہ یہ کس
غرض کے لیے آیا ہے کیونکہ قبل از وقت آپ کو رویائے صالحہ کے ذریعہ اس کام کے
لئے تیار کر دیا گیا تھا۔اور پھر ایک علیحدہ جگہ میں یک لخت ایک شخص کا نمودار ہونا
صاف ظاہر کرتا تھا کہ یہ کوئی انسان نہیں بلکہ فرشتہ ہے۔پس آپ کے دل میں یہ خیال
پیدا ہو گیا تھا کہ یہ کوئی فرشتہ ہے اور مجھے کوئی کام سپرد کرنے آیا ہے اور آپ نے
خدا تعالیٰ کی عظمت کی طرف نگاہ کر کے اپنی جبینِ نیاز خدا تعالیٰ کے آگے جھکا دی اور
عرض کیا کہ جو کچھ مجھے پڑھایا جانے لگا ہے میں تو اس لائق نہیں اور یہ جو کچھ آپ نے
فرمایا بالکل درست اور بجا تھا۔اللہ تعالیٰ کے حضور میں یہی کلمہ کہنا بجا تھا اور آپ نے
اس کے فرشتہ کو یہی جواب دیا کہ اس بادشاہ کی خدمت کے میں کہاں لائق تھا۔شاید
کوئی شخص کہے کہ یہ تو جھوٹ تھا آپ تو لائق تھے تو اس کا جواب یہ ہے کہ یہ اعتراض
نادانی کے باعث ہے۔جو لوگ جس قدر خدا تعالیٰ کے قریب ہوتے ہیں اُسی قدر اُس
سے خائف ہوتے ہیں اور اس کے جلال سے ڈرتے ہیں۔بے شک رسول
کریم ﷺ سب سے زیادہ اس کام کے لائق تھے۔لیکن ان کا
دل سب انسانوں سے زیادہ خدا تعالیٰ کے خوف سے پُر تھا۔پس انہوں نے خدا تعالیٰ
کے جلال کو دیکھتے ہوئے عذر کیا کہ میں تو اس کام کے لائق نہیں۔اگر آپ اپنے آپ
کو سب سے لائق سمجھتے ہوئے ایسا کہتے تب بے شک آپ پر الزام آ سکتا تھا۔بعد
کے واقعات نے ثابت کر دیا کہ آپ اللہ تعالیٰ کے جبروت اور جلال پر نظر کرتے
ہوئے واقعہ میں اپنے آپ کو اس کی امانت کے اٹھانے کے قابل خیال نہ کرتے تھے
اور یہ بات آپ کے درجہ کی بلندی پر دلالت کرتی ہے کہ آپ باوجود عظیم الشان
طاقتوں کے مالک ہونے کے خدا تعالیٰ کے جلال پر ایسے فدا تھے کہ آپ نے اپنے نفس
کی خوبیوں کو کبھی دیکھا ہی نہیں اور اسی کے جلال کے مطالعہ میں لگے رہے۔کیا اس سے
سيرة النبي علي
289
جلد 1
بڑھ کر بھی انکسار کی کوئی اور مثال دنیا میں موجود ہے؟ موسی کی ایک مثال قرآن کریم
سے معلوم ہوتی ہے لیکن آپ کے مقابلہ میں وہ بھی کچھ نہیں۔کیونکہ گو حضرت موسی نے
اپنے آپ کو اس قابل نہ سمجھا اور نبوت کے بوجھ اٹھانے سے انکار کیا لیکن اپنے بھائی کی
طرف اشارہ کیا۔پس انہوں نے اپنی دانست میں ایک آدمی کو اس قابل خیال کیا کہ
وہ اس بوجھ کو اٹھا لے گا لیکن آنحضرت علی نے اپنی نسبت عجیب پیرایہ میں عذر کیا
اور کسی کو پیش نہیں کیا جو آپ کے عظیم قرب پر دلالت کرتا ہے اور ثابت ہوتا ہے کہ
آپ حضرت موسی سے شان میں افضل تھے کہ آپ نے اس امانت کے اٹھانے کے
لیے کسی انسان پر نظر نہیں کی بلکہ صرف اپنی کمزوری کا اقرار کر کے خدا تعالیٰ کے انتخاب
پر صاد کیا۔غرض آپ کا نبوت کے ملنے سے بھی پہلے یہ انکسار کا نمونہ دکھانا ثابت کرتا
ہے کہ آپ کی طبیعت میں ہی انکسار داخل تھا۔اور نادان ہے وہ جو خیال کرے کہ
آپ نے نبوت کے ساتھ اس رنگ کو اختیار کیا۔اس جگہ ایک اور بات بھی یاد رکھنی چاہیے کہ انکسار جیسا کہ عام طور پر لوگوں کا
خیال ہے اس کا نام نہیں کہ کوئی آدمی اپنے آپ کو لائق سمجھتے ہوئے کہے کہ میں تو یہ کام
نہیں کر سکتا۔یہ تو جھوٹ ہے اور جھوٹ بھی اچھی صفت نہیں ہو سکتی۔انکسار درحقیقت
ایثار کی ایک قسم ہے جو ایک تھوڑی سی تبدیلی کے ساتھ انکسار نام پاتی ہے اور
منکسر المزاج نہ اس شخص کو کہیں گے جو نالائق ہو کر اپنی نالائقی کا اقرار کرے اور نہ
اسے کہیں گے جو اپنے آپ کو لائق سمجھ کر اپنے نالائق ہونے کا اعلان کرے بلکہ
منکسر المزاج وہ شخص ہے جو لائق اور صاحب فضیلت ہو کر دوسروں کی خوبیوں پر
لیاقت اور فضیلت کے مطالعہ میں ایسا مشغول ہو کہ اپنی لیاقت اور فضیلت اس کی
نظروں سے پوشیدہ ہو جائے اور ہر موقع پر دوسروں کی لیاقت اور فضیلت اس کے
سامنے آ جائے۔اور یہ صفت اس لیے اچھی ہوتی ہے کہ خدا تعالیٰ کے حضور میں تو یہ
ادب کا صحیح طریق ہے اور بندوں میں اس کے ذریعہ سے فسادمٹ جاتے ہیں کیونکہ
سيرة النبي علي
290
جلد 1
تمام فساد تکبر یا عدم انکسار سے پیدا ہوتے ہیں۔تکبر جب لوگوں میں پھیل جائے تب تو
بہت ہی فساد ہوگا کیونکہ ہر ایک شخص کہے گا میں دوسروں سے بڑا ہو جاؤں۔لیکن اگر
تکبر نہ ہو اور انکسار بھی نہ ہو تب بھی فساد ہو جائے گا کیونکہ اکثر جھگڑے اُسی وقت
ہوتے ہیں جبکہ طرفین میں سے ہر ایک شخص اپنے حق پر اڑا ر ہے۔اگر ایک ان میں
سے اپنے حق کو ترک کر دے تو پھر سب جھگڑے بند ہو جائیں۔پس انکسار دنیا کے
امن وامان کے بڑھانے میں ایک زبر دست آلہ ہے اور ایثار کے ساتھ مل کر فساد کو
بیخ و بن سے اکھیڑ دیتا ہے ورنہ جھوٹ بولنا انکسار نہیں کہلا تا۔جیسا کہ ان دنوں عام طور
پر سمجھا جاتا ہے۔اور نہ انکسار اس کو کہتے ہیں کہ کوئی شخص سستی اور غفلت کی وجہ سے
کام سے جی چرائے۔بعض لوگ جنہیں کام کی عادت نہیں ہوتی ستی سے ان کا پالا پڑا
ہوا ہوتا ہے وہ انکسار کے پردہ میں اپنا پیچھا چھڑانا چاہتے ہیں لیکن اس کا نام انکسار
نہیں ، وہ غفلت اور سستی ہے۔منکسر المزاج وہی شخص ہے کہ وہ کام کی اہلیت رکھتے
ہوئے پھر خدا تعالیٰ کے جلال پر نظر کرتے ہوئے اپنی کمزوری کا مقر ہو۔لیکن جب اس
کے کام سپرد ہو تو پوری ہمت سے اس کام کو کرے جیسا کہ رسول کریم ﷺ نے کیا کہ
با وجود اس انکسار کے جب آپ کے سپر د اصلاح عالم کا کام کر دیا گیا تو وہی شخص جو
میں پڑھنا نہیں جانتا کہہ کر اپنی کمزوری کا اقرار کر رہا تھا رات اور دن اس تند ہی
سے اس کام کے بجالانے میں لگ گیا کہ دنیا دنگ ہوگئی اور کوئی انسان اس قدر کام کر
نے والا نظر نہیں آتا جس قدر کہ آنحضرت ﷺ نے کیا۔پس آپ کا انکسار سچا انکسار
تھا کیونکہ باوجود لیاقت رکھنے کے آپ نے خدا کے جلال کا ایسا مطالعہ کیا کہ اپنی
لیاقت کو بھلا دیا اور اللہ تعالیٰ کے نور کو اس طرح دیکھا کہ معلوم کر لیا کہ میری روشنی
صلى الله
در حقیقت اس نور کا سایہ ہے۔غرض آپ کے اس جواب سے کہ ”میں پڑھنا نہیں جانتا صاف ثابت ہوتا
ہے کہ آپ ہمیشہ سے انکسار میں کمال رکھتے تھے اور گوفرشتہ کا آپ کو بار بار چمٹا لینا
سيرة النبي علي
291
جلد 1
ایک یہ معنی بھی رکھتا ہے کہ اس ذریعہ سے آپ کو اپنے کمالات پر واقف کیا جانا تھا
میرے نزدیک تو اس کا ایک یہ بھی مطلب تھا کہ جب فرشتہ نے آپ کو اس بات کی خبر
دی کہ دنیا کو خدا کا کلام سنانے پر آپ مامور کیے گئے ہیں تو اس نے دیکھا کہ بجائے
اس کے کہ یہ شخص خوشی سے اچھل پڑے اور خود اس پیغام کو لے کر چل پڑے اور لوگوں
کو فخر یہ سنائے کہ خدا تعالیٰ نے یہ کام میرے سپرد کیا ہے اس نے تو وہ رنگ انکسار
اختیار کیا ہے جو کسی انسان نے اس سے پہلے اختیار نہ کیا تھا تو اس کا دل محبت کے جوش
سے بھر گیا اور بے اختیار ہو کر اس نے آپ کو اپنے ساتھ چمٹا لیا جو اور محبت کی لہر کا
ایک ظہور تھا جو اس کے دل میں پیدا ہو گئی تھی۔اور جب آپ کو گلے لگا کر اس نے
چھوڑا اور پھر وہی پیغام دیا اور پھر وہی جواب سنا تو محبت کی آگ نے ایک اور شعلہ
مارا اور پھر اس نے آپ کو گلے لگا لیا اور اسی طرح تیسری دفعہ کیا۔اور تیسری دفعہ کے
بعد آپ کے سامنے وحی الہی کے الفاظ پڑھے کہ اب تو آپ جو کچھ بھی کہیں یہ خدا کی
امانت آپ کے سپرد ہو گئی ہے اور آپ نے بلا چون و چرا اسے قبول کیا۔لیکن آپ
کے انکسار کو دیکھو کہ اب بھی تسلی نہیں ہوئی۔اس قدر اصرار سے حکم ملتا ہے لیکن بھاگے
بھاگے حضرت خدیجہ کے پاس جاتے ہیں اور فرماتے ہیں کہ مجھے اپنی جان پر ڈر آتا
ہے۔اے نبیوں کے سردار! اے انسانی کمالات کے جامع ! اے بنی نوع انسان کے
لیے ایک ہی رہنما! تجھ پر میری جان قربان ہو۔تو اب بھی اپنے کمالات سے آنکھیں
بند کرتا ہے اور یہی خیال کرتا ہے کہ میں اس قابل کہاں جو اس وحدہ لاشریک کے
پیغام کا اٹھانے والا بنوں۔فرشتہ تاکید پر تاکید کرتا ہے اور پیغام الہی آپ تک پہنچاتا
ہے لیکن باوجود اس کے آپ ابھی تک اپنے حسن سے آنکھیں بند کیے ہوئے ہیں اور
بار بار یہی فرماتے ہیں کہ میں اس قابل کہاں حتی کہ گھر آ کر اپنی غمگسار حضرت خدیجہ
سے فرماتے ہیں کہ میں اپنی جان پر خائف ہوں۔چونکہ یہ فقرہ بھی اپنے اندر ایک حکمت رکھتا ہے اس لیے اس کے سمجھانے کے
سيرة النبي علي
292
جلد 1
لیے بھی تشریح کی ضرورت ہے۔الہام انسان کو دو طرح ہوتے ہیں۔کبھی ترقی کے
لیے، کبھی حجت کے لیے۔یعنی کبھی تو خدا تعالیٰ انسان کو اس کے درجہ کے بلند کر نے
کے لیے مخاطب فرماتا ہے اور کبھی اس پر حجت قائم کرنے کے لیے۔چنانچہ بہت سے
لوگ جو خدا تعالیٰ کے حضور میں خاص قرب نہیں رکھتے ان کو بھی الہام ہو جاتے ہیں اور
وہ نادانی سے اس پر اترا جاتے ہیں حالانکہ وہ ان کے لیے آزمائش اور ان پر حجت ہوتے
ہیں۔اس غلط فہمی کا نتیجہ یہ ہوتا ہے کہ بجائے ان الہامات سے فائدہ اٹھا نے کے وہ
فخر و تکبر میں پڑ جاتے ہیں اور آخر ہلاک ہو جاتے ہیں۔رسول کریم ع چونکہ تواضع
کے عالی مقام پر پہنچے تھے جب آپ کو الہام ہوا تو آپ گھبرائے کہ ایسا نہ ہو کہ یہ کلام
مجھ پر بطور آزمائش اور حجت نازل ہوا ہو اور یہ اپنا خوف حضرت خدیجہ کے آگے بیان
فرمایا جس پر انہوں نے آپ کو تسلی دلائی اور بتایا کہ جو اخلاق آپ کے ہیں اور جس
مقام پر آپ ہیں کیا ایسے لوگوں کو بھی خدا تعالیٰ ضائع کرتا ہے؟ اور اپنا یقین ظاہر
کرنے کے لیے انہوں نے قسم کھائی کہ تیرے جیسے کاموں والا انسان کبھی ضائع نہیں
ہوسکتا۔حجت اور آزمائش کے لیے تو ان کے الہام ہو سکتے ہیں جن کے اعمال میں
کمزوری ہو یا متکبر ہوں۔جو شخص آپ جیسا غریبوں کا خبر گیر اور اخلاق حسنہ کا ظاہر
کرنے والا ہے کیا ان کو اللہ تعالیٰ تباہ کر سکتا ہے؟ غرض حضرت خدیجہ کا جواب ظاہر
کر رہا ہے کہ آنحضرت ﷺ نے جو یہ فرمایا کہ میں اپنی جان پر ڈرتا ہوں اس کا یہی
مطلب تھا کہ مجھے خوف ہے کہ میری آزمائش نہ ہو۔جس پر انہوں نے تسلی دی کہ آپ
آزمائش کے مقام سے بالا ہیں۔آپ پر یہ الہامات خدا تعالیٰ کے انعامات کے طور پر
نازل ہوئے ہیں چنانچہ آئندہ کی وحی نے آپ پر روزِ روشن کی طرح کھول دیا کہ آپ
خدا تعالیٰ کے مقبول تھے اور آپ نے اپنے طریق عمل سے بتا دیا کہ آپ کا کہنا کہ
میں کہاں اس الہام کا سنانے والا ہو سکتا ہوں“ صرف تواضع کے طور پر تھا نہ کہ بوجہ
ستی اور ڈر کے کیونکہ جس جرات اور زور سے آپ نے کام کیا اس کی نظیر کسی
سيرة النبي علي
نبی میں بھی نہیں ملتی۔293
جلد 1
کسی کو گالی دینے یا برا کہنے سے اس انسان کا تو کچھ
سخت کلامی سے پر ہیز نہیں بگڑتا لیکن پھر بھی انسان بالطبع اپنے دشمن
کے خلاف سخت الفاظ استعمال کرتا ہے اور ابتدائے عالم سے یہ مرض بنی نوع انسان
میں چلی آئی ہے۔اس میں کوئی شک نہیں کہ گالی دینا ایک لغو کام ہے۔سخت کلامی کرنا
ایک فضول حرکت ہے مگر اس کے لغو اور فضول ہونے کے باوجود گالی دینے والے
گالیاں دیتے ہیں اور سخت کلامی کرنے والے سخت کلامی کرتے ہیں۔اصل بات یہ ہے
کہ انسان کو جب غصہ یا جوش آئے تو وہ چاہتا ہے کہ اس کا اظہار کرے اور بہت دفعہ
جب اس کے غصہ کی کوئی انتہا نہیں رہتی اور جوش سے اس کی عقل ماری جاتی ہے تو وہ
عام الفاظ میں اپنے غصہ کا اظہار نہیں کر سکتا اور جب دیکھتا ہے کہ الفاظ میں میرے
غصہ کا اظہار نہیں ہو سکتا تو پھر ایسے الفاظ بولتا ہے کہ جو گو اس غصہ کے اظہار کرنے
والے نہ ہوں لیکن ان سے یہ ثابت ہو کہ اس شخص کو سخت طیش ہے۔چنانچہ اس لیے
سخت طیش میں تمام برائیوں کو انسان اپنے دشمن یا دکھ دینے والے کی طرف منسوب کرتا
ہے حالانکہ وہ سب برائیاں اس کی طرف منسوب نہیں ہوسکتیں لیکن اصل منشا گالی سے
کمال طیش کا اظہار ہوتا ہے۔گویا گالی دینا بھی ایک قسم کا مجاز ہوتا ہے جس کے ذریعہ
انتہاء غضب کا اظہار کیا جاتا ہے۔جو لوگ نہایت غصیلے ہوتے ہیں اور ذرا ذراسی بات
پر ان کا نفس جوش میں آجاتا ہے وہ گالیاں بھی زیادہ دیتے ہیں۔اور جو لوگ جس قدر
اپنے نفس پر قابو ر کھتے ہیں اُسی قدر گالیوں سے بچتے ہیں کیونکہ ان کو اس قدر غصہ نہیں
آتا کہ جس کو وہ عام الفاظ میں ادا نہ کر سکیں۔اور اگر آئے بھی تب بھی وہ اپنے نفس کو
جھوٹ سے محفوظ رکھتے ہیں کیونکہ گالیاں در حقیقت جھوٹ ہوتی ہیں کیونکہ بہت سی
باتیں انہیں ایسی کہی جاتی ہیں جو خلاف واقعہ ہوتی ہیں۔مثلاً بعض لوگ طیش میں آکر
اپنے مخالف کو حرامزادہ کہہ دیتے ہیں حالانکہ وہ اس گندے الزام سے بالکل پاک ہوتا
سيرة النبي علي
294
جلد 1
ہے۔اسی طرح اور بہت سی گالیاں ہیں کہ جو انسان اپنے مخالف کو دیتا ہے لیکن ان
کے اندر جو مضمون ادا کیا جاتا ہے وہ اس مخالف پر چسپاں نہیں ہوتا۔پس گالیاں دینا
در حقیقت ایک کمزوری ہے اور سخت طیش کے وقت انسان سے اس کا ظہور ہوتا ہے اور
اس کا کوئی فائدہ بھی نہیں ہوتا۔صرف گالی دینے والے کے ان خیالات کا اس سے پتہ
چلتا ہے جو وہ اس کے متعلق رکھتا ہے جسے گالی دیتا ہے۔غرض گالی دینے سے کوئی فائدہ
حاصل نہیں ہوتا ہاں ایک پُر غضب طبیعت کے جوش کا اظہار اس سے ہو جاتا ہے مگر پھر
بھی اکثر لوگ غضب میں گالیاں دیتے ہیں۔چنانچہ بعض لوگ جو عام طور پر نرم طبیعت
رکھتے ہیں جب ان کو بھی غصہ آ جائے تو اپنے مخالف کے حق میں گالی دے دیتے ہیں
اور جب کسی شخص سے سخت تکلیف پہنچے تب تو بڑے بڑے صابروں کے منہ سے بھی
گالی نکل جاتی ہے۔چنانچہ مسیح نامرئی جیسا صابر انسان جس کی زندگی اس کے صبر اور
اس کی استقامت پر دلالت کرتی ہے اور جس نے اپنے دشمنوں سے بڑی بڑی سخت
مصیبتیں برداشت کر کے بھی ان کے حق میں کوئی سخت کلمہ نہیں کہا اسے بھی ہم دیکھتے
ہیں کہ ایک موقع پر جب اس کے دشمنوں کی شرارت حد کو پہنچ گئی اور حملہ پر حملہ انہوں
نے اس پر کیا تو آخر تنگ آکر ایک دن اسے بھی اپنے دشمنوں کے حق میں کہنا پڑا کہ
سانیوں کے بچے مجھ سے معجزہ طلب کرتے ہیں 110 اور کون نہیں جانتا کہ وہ لوگ جو
حضرت مسیح کے مخالف تھے وہ انسانوں کے بچے تھے لیکن ان کی شرارتوں نے حضرت
مسیح کو اس قدر دق کیا کہ آخر تنگ آکر ان الفاظ میں انہیں اپنے غصہ کا اظہار کرنا
پڑا۔اسی طرح ایک دفعہ اپنے حواریوں سے جو ایک دفعہ ان کو سخت تکلیف پہنچی تو اپنے
ایک حواری کو انہوں نے شیطان کے لفظ سے یاد کیا 111 حالانکہ وہ وہی حواری تھا جسے
انہوں نے خود اپنے بعد خلیفہ مقرر کیا تھا۔غرض حضرت مسیح کی مثال سے یہ بات
صاف ہو جاتی ہے کہ کبھی بڑے سے بڑا صابر انسان بھی دشمن کی شرارت سے تنگ آ
کر ایسی گالی دے بیٹھتا ہے۔لیکن ہمارے آنحضرت ﷺ کو اللہ تعالیٰ نے وہ شان