تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
Urdu text of the edition of the Ahmadiyya Muslim Jamaat.
بِسْمِ اللّٰهِ الرَّحْمٰنِ الرَّحِيْمِ اَلْـحَمْدُ لِلّٰہِ رَبِّ الْعٰلَمِیْنَ۔وَالصَّلٰوۃُ وَالسَّلَامُ عَلٰی رَسُوْلِہٖ مُـحَمَّدٍ وَّ اٰلِہٖ وَاَصْـحَابِہٖ اَجْـمَعِیْنَ یعنی وحی مقدّس و رؤیا و کشوف حضرت مسیح موعود علیہ الصلوٰۃ والسلام زمانہ تحصیلِ علم (الف؎۱) ’’ رَأَیْتُ ذَاتَ لَیْلَۃٍ وَّ اَنَـا غُلَامٌ حَدِیْثُ السِّنِّ کَاَنِّیْ فِیْ بَیْتٍ لَطِیْفٍ نَّظِیْفٍ یُذْکَرُ فِیْـھَا رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ۔فَقُلْتُ اَیُّـھَاالنَّاسُ اَیْنَ رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ۔فَاَشَارُوْا اِلٰی حُـجْرَۃٍ۔فَدَخَلْتُ مَعَ الدَّاخِلِیْنَ۔فَبَشَّ بِیْ حِیْنَ وَافَیْتُہٗ۔وَحَیَّانِیْ بِاَحْسَنِ مَاحَیَّیْتُہٗ۔وَ مَا اَنْسٰی حُسْنَہٗ وَجَـمَالَہٗ وَمَلَاحَتَہٗ وَتَـحَنُّنَہٗ اِلٰی یَوْمِیْ ھٰذَا۔شَغَفَنِیْ حُبًّا وَّ جَذَبَـنِیْ بِوَجْہٍ حَسِیْنٍ۔قَالَ مَا ھٰذَا بِیَمِیْنِکَ یَـا اَحْـمَدُ۔فَنَظَرْتُ فَاِذَا کِتَابٌ بِیَدِی الْیُمْنٰی وَخَطَرَ بِقَلْبِیْ اَنَّہٗ مِنْ ۱؎ (ترجمہ از مرتّب) اوائل ایّامِ جوانی میں ایک رات میں نے (رؤیا میں) دیکھا کہ میں ایک عالی شان مکان میں ہوں جو نہایت پاک اور صاف ہے اور اس میں آنحضرت صلی اللہ علیہ وسلم کا ذکر اور چرچا ہورہا ہے۔میں نے لوگوں سے دریافت کیا کہ حضورؐ کہاں تشریف فرما ہیں۔انہوں نے ایک کمرے کی طرف اشارہ کیا۔چنانچہ میں دوسرے لوگوں کے ساتھ مل کر اُس کے اندر چلا گیا اور جب میں حضورؐ کی خدمت میں پہنچا تو حضورؐ بہت خوش ہوئے اور آپؐ نے مجھے بہتر طور پر میرے سلام کا جواب دیا۔آپؐ کا حسن و جمال اور ملاحت اور آپؐ کی پُر شفقت و پُر محبت نگاہ مجھے اب تک یاد ہے اور وہ مجھے کبھی بھول نہیں سکتی۔آپؐ کی محبت نے مجھے فریفتہ کرلیا اور آپؐ کے حسین و جمیل چہرہ نے مجھے اپنا گرویدہ بنالیا۔اس وقت آپؐ نے مجھے فرمایا کہ اے احمد تمہارے دائیں ہاتھ میں کیا چیز ہے۔جب میں نے اپنے دائیں ہاتھ کی طرف دیکھا تو معلوم ہوا کہ میرے ہاتھ میں ایک کتاب ہے اور وہ مجھے اپنی ہی ایک تصنیف معلوم ہوئی۔
مُّصَنَّفَاتِیْ۔قُلْتُ یَـا رَسُوْلَ اللّٰہِ کِتَابٌ مِّنْ مُّصَنَّفَاتِیْ۔قَالَ مَا اسْـمُ کِتابِکَ فَنَظَرْتُ اِلَی الْکِتَابِ مَرَّۃً اُخْرٰی وَ اَنَـا کَالْمُتَحَیِّرِیْنَ۔فَوَجَدْتُّہٗ یُشَابِہُ کِتَابًـا کَانَ فِیْ دَارِ کُتُبِیْ وَاسْـمُہٗ قُطْبِیٌّ قُلْتُ یَـا رَسُوْلَ اللّٰہِ اِسْـمُہٗ قُطْبِیٌّ۔قَالَ اَرِنِیْ کِتَا۔بَکَ الْقُطْبِیَّ فَلَمَّا اَخَذَہٗ وَ مَسَّتْہُ یَدُہٗ فَاِذَا ھِیَ ثَـمَرَۃٌ لَّطِیْفَۃٌ تَسُـرُّ النَّاظِرِیْنَ۔فَشَقَّقَھَا کَمَایُشَقَّقُ الثَّمَرُ فَـخَرَجَ مِنْـھَاعَسَلٌ مُّصَفًّی کَمَآءٍ مَّعِیْنٍ۔وَرَاَیْتُ بِلَّۃَ الْعَسَلِ عَلٰی یَدِہِ الْیُمْنٰی مِنَ الْبَنَانِ اِلَی الْمِرْفَقِ کَانَ الْعَسَلُ یَتَقَاطَرُ مِنْـھَا۔وَ کَاَنَّہٗ یُرِیْنِیْ اِیَّاہُ لِیَجْعَلَنِیْ مِنَ الْمُتَعَجِّبِیْنَ۔ثُمَّ اُلْقِیَ فِیْ قَلْبِیْ اَنَّ عِنْدَ اُسْکُفَّۃِ الْبِیْتِ مَیِّتٌ قَدَّرَاللّٰہُ اِحْیَآءَہٗ بِـھٰذِہِ الثَّمَرَۃِ وَقَدَّ۔رَ اَنْ یَّکُوْنَ النَّبِیُّ صَلَّی اللّٰہُ عَلَیْہِ وَسَلَّمَ مِنَ الْمُحْیِیْنَ۔فَبَیْنَـمَا اَنَـا فِیْ ذٰلِکَ الْـخَیَالِ فَاِذَاالْمَیِّتُ جَآءَ نِیْ حَیًّا وَّ ھُوَ یَسْعٰی وَقَامَ وَرَآءَ ظَھْرِیْ وَفِیْہِ ضُعْفٌ کَاَنَّہٗ مِنَ الْجَآئِعِیْنَ۔فَنَظَرَ النَّبِیُّ صَلَّی اللّٰہُ عَلَیْہِ وَسَلَّمَ اِلَیَّ مُتَبَسِّمًا وَّ جَعَلَ الثَّمَرَۃَ قِطْعَاتٍ وَّاَکَلَ قِطْعَۃً مِّنْھَا وَ اٰتَـانِیْ کُلَّ مَا بَقِیَ وَالْعَسَلُ یَـجْرِیْ مِنَ الْقِطْعَاتِ کُلِّھَا وَ قَالَ یَـا اَحْـمَدُ اَعْطِہٖ قِطْعَۃً مِّنْ ھٰذِہٖ لِیَاْکُلَ وَیَتَقَوّٰی بقیہ ترجمہ۔میں نے عرض کیا۔حضورؐ یہ میری ایک تصنیف ہے۔آپؐ نے پوچھا اس کتاب کا کیا نام ہے۔تب میں نے حیران ہوکر کتاب کو دوبارہ دیکھا تو اسے اس کتاب کے مشابہ پایا جو میرے کتب خانہ میں تھی اور جس کا نام قطبی ہے۔میں نے عرض کیا یا رسول اللہ اس کا نام قطبی ہے۔فرمایا اپنی یہ کتاب قطبی مجھے دکھا۔جب حضور ؐ نے اسے لیا تو حضورؐ کا مبارک ہاتھ لگتے ہی وہ ایک لطیف پھل بن گیاجو دیکھنے والوں کے لئے پسندیدہ تھا۔جب حضورؐ نے اسے چیرا جیسے پھلوں کو چیرتے ہیں تو اس سے بہتے پانی کی طرح مصفّا شہد نکلا اور میں نے شہد کی طراوت آنحضرت صلی اللہ علیہ وسلم کے داہنے ہاتھ پر انگلیوں سے کہنیوں تک دیکھی اور شہد حضورؐ کے ہاتھ سے ٹپک رہا تھا اور آنحضرت صلی اللہ علیہ وسلم گویا مجھے اس لئے وہ دکھا رہے ہیں تا مجھے تعجب میں ڈالیں۔پھر میرے دل میں ڈالا گیا کہ دروازے کی چوکھٹ کے پاس ایک مردہ پڑا ہے جس کا زندہ ہونا اللہ تعالیٰ نے اس پھل کے ذریعہ مقدر کیا ہوا ہے اور یہی مقدر ہے کہ نبی کریم صلی اللہ علیہ وسلم اس کو زندگی عطا کریں۔مَیں اِسی خیال میں تھا کہ دیکھا کہ اچانک وہ مُردہ زندہ ہوکر دوڑتا ہوا میرے پاس آگیا اور میرے پیچھے کھڑا ہوگیا مگر اس میں کچھ کمزوری تھی گویا وہ بھوکا تھا تب نبی کریم صلی اللہ علیہ وسلم نے مسکرا کر میری طرف دیکھا اور اس پھل کے ٹکڑے کئے اور ایک ٹکڑا ان میں سے حضورؐ نے خود کھایا اور باقی سب مجھے دے دیئے ان سب ٹکڑوں سے شہد بہہ رہا تھا۔اور فرمایا۔اے احمد اس مُردہ کو ایک ٹکڑا دے دو تا اسے کھا کر قوت پائے۔
فَاَعْطَیْتُہٗ فَاَخَذَ یَـأْکُلُ عَلٰی مَقَامِہٖ کَالْـحَرِیْصِیْنَ۔ثُمَّ رَاَیْتُ اَنَّ کُرْسِیَّ النَّبِیِّ صَلَّی اللّٰہُ عَلَیْہِ وَسَلَّمَ قَدْ رُفِعَ حَتّٰی قَرُبَ مِنَ السَّقْفِ وَ رَاَیْتُہٗ فَاِذَا وَجْھُہٗ یَتَلَأْ۔لَأُ کَاَنَّ الشَّمْسَ وَ الْقَمَرَ ذَرَّتَـا عَلَیْہِ وَکُنْتُ اَنْظُرُ اِلَیْہِ وَ عَبَرَاتِیْ جَارِیَۃٌ ذَوْقًا وَّ وَجْدًا۔ثُمَّ اسْتَیْقَظْتُ وَ اَنَا مِنَ الْبَاکِیْنَ۔فَاَلْقَی اللّٰہُ فِیْ قَلْبِیْ اَنَّ الْمَیِّتَ ھُوَالْاِسْلَامُ۔وَ سَیُحْیِیْہِ اللّٰہُ عَلٰی یَدِیْ بِفُیُوْضٍ رُوْحَانِیَّۃٍ مِّنْ رُّسُوْلِ اللّٰہِ صَلَّی اللّٰہُ عَلَیْہِ وَسَلَّمَ وَ مَا یُدْرِیْکُمْ لَعَلَّ الْوَقْتَ قَرِیْبٌ فَکُوْنُوْامِنَ الْمُنْتَظِرِیْنَ وَ فِیْ ھٰذِہِ الرُّؤْیَـا رَبَّانِیْ رَسُوْلُ اللّٰہِ صَلَّی اللّٰہُ وَسَلَّمَ بِیَدِہٖ وَ کَلَامِہٖ وَ اَنْـوَارِہٖ وَ ھَدِیَّۃِ اَثْـمَارِہٖ۔‘‘؎۱ (آئینہ کمالاتِ اسلام۔روحانی خزائن جلد ۵ صفحہ۵۴۸،۵۴۹) (ب) ’’اِس اَحقر نے ۱۸۶۴ء؎۲ یا۱۸۶۵ عیسوی میں یعنی اسی زمانے کے قریب کہ جب یہ ضعیف اپنی عمر کے پہلے حِصّہ میں ہنوز تحصیلِ علم میں مشغول تھا جناب خاتم الانبیاء صلی اللہ علیہ وسلم کو خواب میں دیکھا اور اُس وقت اِس عاجز کے ہاتھ میں ایک دینی کتاب تھی کہ جو خود اِس عاجز کی تالیف معلوم ہوتی تھی۔آنحضرت صلی اللہ علیہ وسلم نے اس کتاب کو دیکھ کر عربی زبان میں پُوچھا کہ تُو نے اِس کتاب کا کیا نام رکھا ہے۔خاکسار نے عرض کیا کہ اس کا نام مَیں بقیہ ترجمہ۔مَیں نے دیا تو اس نے حریصوں کی طرح اسی جگہ ہی اسے کھانا شروع کردیا۔پھر میں نے دیکھا کہ آنحضرت صلی اللہ علیہ وسلم کی کرسی اونچی ہوگئی ہے حتی کہ چھت کے قریب جا پہنچی ہے اور میں نے دیکھا کہ اس وقت آپؐ کا چہرہ مبارک ایسا چمکنے لگا کہ گویا اس پر سورج اور چاند کی شعاعیں پڑرہی ہیں۔میں آپؐ کے چہرہ مبارک کی طرف دیکھ رہا تھا اور ذوق اور وجد کی و جہ سے میرے آنسو بہہ رہے تھے۔پھر میں بیدار ہوگیا اور اس وقت بھی میں کافی رو رہا تھا تب اللہ تعالیٰ نے میرے دل میں ڈالا کہ وہ مُردہ شخص اسلام ہے اور اللہ تعالیٰ آنحضرت صلی اللہ علیہ وسلم کے روحانی فیوض کے ذریعہ سے اسے اب میرے ہاتھ پر زندہ کرے گا اور تمہیں کیا پتہ شاید یہ وقت قریب ہو اس لئے تم اس کے منتظر رہو اور اس رؤیامیں آنحضرت صلی اللہ علیہ وسلم نے اپنے دست ِ مبارک سے اپنے پاک کلام سے اپنے انوار سے اور اپنے (باغِ قدس کے) پھلوں کے ہدیہ سے میری تربیت فرمائی تھی۔۱ (نوٹ از مولانا جلال الدین شمسؓ) یہ رؤیا براہین احمدیہ میں بھی مذکور ہے مگر اس میں اس کے شروع کا اور آخر کا حصہ اس تفصیل سے بیان نہیں ہوا اس لئے اسے آئینہ کمالاتِ اسلام میں سے لے کر درج کیا گیا ہے۔۲ (نوٹ از حضرت مرزا بشیر احمدؓ) یہ تاریخ غالباً سرسری طورپر ایک موٹے اندازہ کی بناء پر لکھی گئی ہے کیونکہ یہ رؤیا حضور کے زمانہ آغازِ جوانی کا ہے جبکہ آپ ہنوز تحصیلِ علم میں مشغول تھے جس کے بعد کچھ عرصہ آپ سیالکوٹ تشریف فرمارہے اورتریاق القلوب روحانی خزائن جلد ۱۵ صفحہ ۲۵۶ سے معلوم ہوتا ہے کہ راجہ تیجاسنگھ صاحب کی وفات
نے قطبی رکھا ہے۔جس نام کی تعبیر اَب اِس اشتہاری کتاب؎۱کے تالیف ہونے پر یہ کھلی کہ وہ ایسی کتاب ہے کہ جو قطب ستارہ کی طرح غیر متزلزل اورمستحکم ہے جس کے کامل استحکام کو پیش کرکے دس ہزارروپیہ کا اِشتہار دیاگیا ہے۔غرض آنحضرتؐ نے وہ کتاب مجھ سے لے لی اورجب وہ کتاب حضرت مقدس نبوی کے ہاتھ میں آئی تو آنجنابؐ کا ہاتھ مبارک لگتے ہی ایک نہایت خوش رنگ اورخوبصورت میوہ بن گئی کہ جو امرود سے مشابہ تھا مگر بقدر تربُوزتھا۔آنحضرتؐ نے جب اُس میوہ کو تقسیم کرنے کے لئے قاش قاش کرنا چاہا تو اس قدر اس میں سے شہدنکلا کہ آنجناب کا ہاتھ مبارک مِرفق تک شہد سے بھر گیا۔تب ایک مُردہ کہ جو دروازہ سے باہر پڑا تھا آنحضرتؐ کے معجزہ سے زندہ ہوکر اس عاجز کے پیچھے آکھڑا ہوا اور یہ عاجز آنحضرتؐ کے سامنے کھڑا تھا جیسے ایک مستغیث حاکم کے سامنے کھڑا ہوتا ہے اور آنحضرتؐ بڑے جاہ و جلال اور حاکمانہ شان سے ایک زبردست پہلوان کی طرح کرسی پر جلوس فرما رہے تھے۔پھر خلاصہ کلام یہ کہ ایک قاش آنحضرت صلی اللہ علیہ وسلم نے مجھ کو اس غرض سے دی کہ تا میں اس شخص کو دوں کہ جو نئے سرے زندہ ہوا اور باقی تمام قاشیں میرے دامن میں ڈال دیں اور وہ ایک قاش میں نے اُس نئے زندہ کو دے دی اور اس نے وہیں کھالی۔پھر جب وہ نیا زندہ اپنی قاش کھاچکا تو میں نے دیکھا کہ آنحضرتؐ کی کرسی مبارک اپنے پہلے مکان سے بہت ہی اونچی ہوگئی اور جیسے آفتاب کی کرنیں چھوٹتی ہیں ایسا ہی آنحضرتؐ کی پیشانی مبارک متواتر چمکنے لگی کہ جو دین ِ اسلام کی تازگی اور ترقی کی طرف اشارت تھی۔تب اُسی نُور کے مشاہدہ کرتے کرتے آنکھ کھل گئی۔وَالْـحَمْدُ لِلہِ عَلٰی ذٰلِکَ۔‘‘ (براہین احمدیہ حصہ سوم۔روحانی خزائن جلد ۱ صفحہ ۲۷۴ تا ۲۷۶ حاشیہ در حاشیہ نمبر۱) نوجوانی کے زمانہ میں ’’وَرَاَیْتُ فِیْ غُلَوَآءِ شَبَابِیْ وَ عِنْدَ دَوَاعِی التَّصَابِیْ کَاَنِّیْ دَخَلْتُ فِیْ مَکَانٍ۔وَفِیْہِ حَفَدَتِیْ وَخَدَمِیْ فَقُلْتُ طَھِّرُوْا فِرَاشِیْ فَاِنَّ وَقْتِیْ قَدْ جَآءَ ثُمَّ اسْتَیْقَظْتُ وَخَشِیْتُ عَلٰی نَفْسِیْ وَذَھَبَ وَھْلِیْ اِلٰی اَنَّنِیْ مِنَ الْمَائِتِیْنَ۔‘‘؎۲ (آئینہ کمالات اسلام۔روحانی خزائن جلد ۵ صفحہ ۵۴۸) بقیہ حاشیہ۔(جو۱۸۶۲ء میں ہوئی تھی۔دیکھئے کتاب رؤسائے پنجاب) کا واقعہ انہی ایام کا ہے جب حضور سیالکوٹ میں رہتے تھے۔پس یہ رؤیا دراصل ۱۸۶۴ء سے کئی سال قبل کا ہے۔وَاللہُ اَعْلَمُ بِالصَّوَابِ۔۱ یعنی براہین احمدیہ۔(مرزا بشیر احمد) ۲ (ترجمہ از مرتّب) میں نے ایک دفعہ اوائل ایامِ جوانی میں اور جب کہ کھیل کود کے اسباب کی طرف طبائع کا میلان
۱۸۶۱ء (تخمیناً) ’’مجھے یاد ہے کہ شاید چونتیس برس کا عرصہ گزرا ہوگا کہ میں نے خواب میں دیکھا کہ ایک جگہ شیطان سیاہ رنگ اور بدصورت کھڑا ہے۔اوّل اس نے میری طرف توجہ کی اور میں نے اس کو مُنہ پر طمانچہ مار کر کہا کہ دُور ہو اَے شیطان۔تیرا مجھ میں حصہ نہیں۔اور پھر وہ ایک دوسرے کی طرف گیا اور اس کو اپنے ساتھ کرلیا اور جس کو ساتھ کرلیا اس کو میں جانتا تھا۔اتنے میں آنکھ کُھل گئی۔اسی دن یا اس کے بعد اس شخص کو مرگی پڑی جس کو میں نے خواب میں دیکھا تھا کہ شیطان نے اس کو ساتھ کرلیا تھا اور صرع کی بیماری میں گرفتار ہوگیا۔اِس سے مجھے یقین ہوا کہ شیطان کی ہمراہی کی تعبیر مرگی ہے۔‘‘ (معیار المذاہب۔روحانی خزائن جلد ۹ صفحہ ۴۸۳ حاشیہ) ۱۸۶۲ء ’’ لالہ بھیم سین صاحب کو جو سیالکوٹ میں وکیل ہیں ایک مرتبہ میں نے خواب کے ذریعہ سے را جہ تیجا سنگھ کی موت کی خبر پاکر اُن کو اطلاع دی کہ وہ را جہ تیجا سنگھ جن کو سیالکوٹ کے دیہات جاگیر کے عوض میں تحصیل بٹالہ میں دیہات مع اس کے علاقہ کی حکومت کے ملے تھے فوت ہوگئے ہیں اور انہو ں نے اس خواب کو سن کر بہت تعجب کیا اورجب قریب دو بجے بعد دوپہر کے وقت ہوا تو مسٹر پرنسب؎۱ صاحب کمشنر امرتسر ناگہانی طور پر سیالکوٹ میں آگئے اور انہوں نے آتے ہی مسٹرمکنیب؎۲ صاحب ڈپٹی کمشنر سیالکوٹ کو ہدایت کی کہ راجہ تیجا سنگھ کے باغات وغیرہ کی جو ضلع سیالکوٹ میں واقع ہیں بہت جلد ایک فہرست تیار ہونی چاہیے کیونکہ وہ کل بٹا لہ میں فوت ہوگئے۔تب لالہ بھیم سین نے اس خبر موت پر اطلاع پاکر نہایت تعجب کیا کہ کیونکر قبل از وقت اس کے مرنے کی خبر ہوگئی اور یہ نشان آج سے بیس برس پہلے کتاب براہین احمدیہ میں درج ہے دیکھو صفحہ ۲۵۶۔‘‘؎۳ (تریاق القلوب۔روحانی خزائن جلد ۱۵ صفحہ ۲۵۶، ۲۵۷) بقیہ ترجمہ۔ہوتا ہے، رؤیا میں دیکھا کہ مَیں ایک مکان کے اندر داخل ہوا ہوں جس میں میرے خادم اور نوکر چاکر موجود ہیں۔مَیں نے انہیں کہا کہ میرے مکان کو درست اور میرے بستر کو پاک و صاف کرو کیونکہ اب میرا وقت آگیا ہے۔اِس کے بعدمیری آنکھ کُھل گئی۔اُس وقت مجھ پر اپنی جان کے متعلق خطرہ و اندیشہ کی حالت طاری ہوئی اور میرا خیال اس طرف گیا کہ اب میری موت کا وقت آگیا ہے۔خاکسار مرتب عرض کرتا ہے کہ ’’فَاِنَّ وَقْتِیْ قَدْ جَآءَ‘‘سے حضور نے اس وقت یہ تعبیر لی تھی کہ میرے مرنے کا وقت آگیا ہےمگر جیسا کہ بعد کے حالات سے ظاہر ہوا اس سے مراد یہ تھی کہ میری بعثت کا وقت آگیا ہے اور اس کی تائید آپ کے دوسرے الہام’’ بخرام کہ وقت ِتو نزدیک رسید‘‘ سے بھی ہوتی ہے۔وَاللہُ اَعْلَمُ بِالصَّوَابِ۔(مرزا بشیراحمد) ۱ Mr Prinsep ۲ Mr۔McNabb ۳ براہین احمدیہ ہر چہار حصص روحانی خزائن جلد ۱ صفحہ ۲۸۴ حاشیہ در حاشیہ نمبر ۱۔(ناشر)
۱۸۶۵ء(قریباً) ’’تیس برس کا عرصہ ہوا کہ مجھے صاف صاف مکاشفات کے ذریعہ سے اُن ؎۱کے حالات دریافت ہوئے تھے۔اگر میں جزماً کہوں تو شاید غلطی ہو مگر میں نے اُسی زمانہ میں ایک دفعہ عالمِ کشف میں اُن سے ملاقات کی یا کوئی ایسی صورتیں تھیں جو ملاقات سے مشابہ تھیں۔چونکہ زمانہ بہت گزر گیا ہے اس لئے اصل صورت اُس کشف کی میرے ذہن سے فرو ہوگئی ہے۔‘‘ (ست بچن۔روحانی خزائن جلد ۱۰ صفحہ ۱۴۱ حاشیہ) ۱۸۶۵ء(قریباً) ’’چونکہ خدا تعالیٰ جانتا تھا کہ دشمن میری موت کی تمنا کریں گے تا یہ نتیجہ نکالیں کہ جھوٹا تھا تبھی جلدی مر گیا اس لئے پہلے ہی سے اُس نے مجھے مخاطب کرکے فرمایا۔ثَـمَانِیْنَ حَوْلًا اَوْ قَرِیْبًا مِّنْ ذَالِکَ۔اَوْتَزِیْدُ عَلَیْہِ سِنِیْنًا۔وَتَرٰی نَسْلًا بَعِیْدًا۔یعنی تیری عمر اَسّی برس کی ہوگی یا دو چار کم یا چند سال زیادہ اور تو اس قدر عمر پائے گا کہ ایک دُور کی نسل کو دیکھ لے گا۔اور یہ الہام قریباً پینتیس برس سے ہوچکا ہے۔‘‘ (اربعین نمبر ۳۔روحانی خزائن جلد ۱۷ صفحہ ۴۱۸،۴۱۹ و ضمیمہ تحفہ گولڑویہ۔روحانی خزائن جلد ۱۷ صفحہ ۶۶) ۱۸۶۸ء ’’ ایک مقدمہ میں کہ اس عاجز کے والد مرحوم کی طرف سے اپنے زمینداری حقوق کے متعلق کسی رعیت پر دائر تھا۔اِس خاکسار پر خواب میں یہ ظاہر کیا گیا کہ اِس مقدمہ میں ڈگری ہوجائے گی چنانچہ اس عاجز نے وہ خواب ایک آریہ؎۲ کو کہ جو قادیان میں موجود ہے بتلا دی۔پھر بعد اس کے ایسا اتفاق ہوا کہ اخیر تاریخ پر صرف مدّعا علیہ معہ اپنے چند گواہوں کے عدالت میں حاضر ہوا اور اِس طرف سے کوئی مختار وغیرہ حاضر نہ ہوا۔شام کو مدّعا علیہ اور سب گواہوں نے واپس آکر بیان کیا کہ مقدمہ خارج ہوگیا۔اِس خبر کو سنتے ہی وہ آریہ تکذیب اور استہزاء سے پیش آیا۔اُس وقت جس قدر قلق اور کرب گزرا بیان میں نہیں آسکتا کیونکہ قریب قیاس معلوم نہیں ہوتا تھا کہ ایک گروہِ کثیر کا بیان جن میں بے تعلق آدمی بھی تھے خلاف واقعہ ہو۔اس سخت حزن اور غم کی حالت میں نہایت شدّت سے الہام ہوا کہ جو آ ہنی میخ کی طرح دل کے اندر داخل باوا نانک رحمۃ اللہ علیہ۔(مرزا بشیر احمد) ۲ لالہ شرمپت (بحوالہ تریاق القلوب۔روحانی خزائن جلد ۱۵ صفحہ ۲۰۶) (مرزا بشیر احمد)
ہوگیا اور وہ یہ تھا۔ڈگری ہوگئی ہے۔مسلمان ہے! یعنی کیا تو باور نہیں کرتا اور باوجود مسلمان ہونے کے شک کو دخل دیتا ہے۔آخر تحقیق کرنے سے معلوم ہوا کہ فی الحقیقت ڈگری ؎۱ ہی ہوئی تھی اور فریق ثانی نے حکم کے سننے میں دھوکا کھایا تھا۔‘‘ (براہین احمدیہ حصہ چہارم۔روحانی خزائن جلد ۱ صفحہ ۶۵۸،۶۵۹ حاشیہ در حاشیہ نمبر ۴) ۱۸۶۸ء ’’ ایک وکیل صاحب سیالکوٹ میں ہیں جن کا نام لالہ بھیم سین ہے ایک مرتبہ جب انہوں نے اِس ضلع میں وکالت کا امتحان دیا تو میں نے ایک خواب کے ذریعہ سے اُن کو بتلایا کہ خدا تعالیٰ کی طرف سے ایسا مقدّر ہے کہ اس ضلع کے کُل اشخاص جنہوں نے وکالت یا مختاری کا امتحان دیا ہے فیل ہوجائیں گے مگر سب میں سے صرف تم ایک ہو کہ وکالت میں پاس ہوجاؤ گے اور یہ خبر میں نے تیس کے قریب اور لوگوں کو بھی بتلائی۔چنانچہ ایسا ہی ہوا اور سیالکوٹ کی تمام جماعت کی جماعت جنہوں نے وکالت یا مختار کاری کا امتحان دیا تھا فیل کئے گئے اور صرف لالہ بھیم سین پاس ہوگئے… اور یہ نشان آج سے بیس برس پہلے کتاب براہین احمدیہ میں درج ہے۔دیکھو صفحہ۲۵۶۔‘‘۲؎ (تریاق القلوب۔روحانی خزائن جلد ۱۵ صفحہ ۲۵۶) ۱۸۶۸ء(قریباً) ’’ ایک دفعہ میں نے خواب میں دیکھا کہ میرے بھائی غلام قادر صاحب سخت بیمار ہیں۔سو یہ خواب بہت سے آدمیوں کو سنایا گیا۔چنانچہ اس کے بعد وہ سخت بیمار ہوگئے۔تب میں نے ان کے لئے دعا شروع کی تو دوبارہ میں نے خواب میں دیکھا کہ ہمارے ایک بزرگ فوت شدہ اُن کو بلا رہے ہیں۔اِس خواب کی تعبیربھی موت ہوا کرتی ہے چنانچہ ان کی بیماری بہت بڑھ گئی اور وہ ایک مُشتِ استخواں سے رہ گئے۔۱ حضرت مسیح موعود علیہ السلام تحریر فرماتے ہیں۔’’حاکم مجوز نے جس کا نام حافظ ہدایت علی تھا صرف مدّعا علیہ کے بیان پر کہ ہمیں حسب ِفیصلہ صاحب کمشنر درخت کاٹ لینے کا حق حاصل ہے مقدمہ کو خارج کردیا اور مدّعا علیہ کو حکم سنا کر معہ اس کے گواہوں کے رخصت کردیا۔اس پر انہوں نے گاؤں میں آکر مشہور کردیا کہ مقدمہ خارج ہوگیا ہےلیکن جب وہ عدالت کے کمرہ سے نکل گئے تو اس وقت مِثل خواں نے جو اتفاقاً باہر گیا ہوا تھا حاکم کو کہا کہ آپ نے اس مقدمہ میں دھوکا کھایا ہے اور جو فریق ثانی نے نقل روبکار صاحب کمشنر پیش کی ہے وہ حکم تو فنانشل صاحب کے حکم سے منسوخ ہوچکا ہے اور اس نے روبکار دکھلا دی۔تب ہدایت علی کی عقل نے چکر کھایا اور اسی وقت اپنی روبکار پھاڑ دی اور ڈگری کی۔‘‘ ( نزول المسیح۔روحانی خزائن جلد ۱۸ صفحہ ۵۲۱،۵۲۲) ۲ براہین احمدیہ ہر چہار حصص روحانی خزائن جلد ۱ صفحہ ۲۸۴ حاشیہ در حاشیہ نمبر ۱۔(ناشر)
اس پر مجھے سخت قلق ہوا اور میں نے ان کی شفاء کے لئےاللہ تعالیٰ کی طرف توجہ کی… سو جب مَیں دعا میں مشغول ہوا تو میں نے کچھ دنوں کے بعد خواب میں دیکھا کہ برادرمذکورپورے تندرست کی طرح بغیر سہارے کے مکان میں چل رہے ہیں چنانچہ بعد میں اللہ تعالیٰ نے اُن کو شفاء بخشی اور وہ اس واقعہ کے بعد پندرہ ؎۱برس تک زندہ رہے۔‘‘ (نزول المسیح۔روحانی خزائن جلد ۱۸ صفحہ ۵۹۵) ۱۸۶۸ء(تخمیناً) ’’ایک شخص سہج رام نام امرتسر کی کمشنری میں سر رشتہ دار تھا اور پہلے وہ ضلع سیالکوٹ میں صاحب ڈپٹی کمشنر کا سر رشتہ دار تھا اور وہ مجھ سے ہمیشہ مذہبی بحث رکھا کرتا تھا اور دین ِ اسلام سے فطرتاً ایک کینہ رکھتا تھا اور ایسا اتفاق ہوا کہ میرے ایک بڑے بھائی تھے۔انہوں نے تحصیلداری کا امتحان دیا تھا اور امتحان میں پاس ہوگئے تھے اوروہ ابھی گھر میں قادیان میں تھے اور نوکری کے امیدوار تھے۔ایک دن مَیں اپنے چوبارہ میں عصر کے وقت قرآن شریف پڑھ رہا تھا جب مَیں نے قرآن شریف کا دوسرا صفحہ اُلٹانا چاہا تو اسی حالت میں میری آنکھ کشفی رنگ پکڑ گئی اور میں نے دیکھا کہ سہج رام سیاہ کپڑے پہنے ہوئے اور عاجزی کرنے والوں کی طرح دانت نکالے ہوئے میرے سامنے آکھڑا ہوا جیسا کہ کوئی کہتا ہے کہ میرے پر رحم کرادو۔مَیں نے اُس کو کہا کہ اب رحم کا وقت نہیں اور ساتھ ہی خدا تعالیٰ نے میرے دل میں ڈالا کہ اسی وقت یہ شخص فوت ہوگیا ہے اور کچھ خبر نہ تھی۔بعد اس کے میں نیچے اترا اور میرے بھائی کے پاس چھ سات آدمی بیٹھے ہوئے تھے اور اُن کی نوکری کے بارہ میں باتیں کررہے تھے۔میں نے کہا کہ اگر پنڈت سہج رام فوت ہوجائے تو وہ عہدہ بھی عمدہ ہے۔ان سب نے میری بات سن کر قہقہہ مارکر ہنسی کی کہ کیا چنگے بھلے کو مار تے ہو۔دوسرے دن یا تیسرے دن خبر آگئی کہ اُسی گھڑی سہج رام ناگہانی موت سے اِس دنیا سے گزر گیا۔‘‘ (حقیقۃ الوحی، روحانی خزائن جلد ۲۲ صفحہ ۳۰۹) ۱۸۶۸ء یا ۱۸۶۹ء (الف) ’’ ۱۸۶۸ء یا ۱۸۶۹ء میں بھی ایک عجیب الہام اردو میں ہوا تھا… اور تقریب اِس الہام کی یہ پیش آئی تھی کہ مولوی ابو سعید محمد حسین صاحب بٹالوی کہ جو کسی زمانہ میں اس عاجز کے ہم مکتب بھی تھے جب نئے نئے مولوی ہوکر بٹالہ میں آئے اور بٹالیوں کو اُن کے خیالات گراں گزرے تو تب ایک شخص نے مولوی صاحب ممدوح سے کسی اختلافی مسئلہ میں بحث کرنے کے لئے اس ناچیز کو بہت مجبور کیا۔چنانچہ اُس کے کہنے کہانے سے یہ عاجز شام کے وقت اُس شخص کے ہمراہ مولوی صاحب ممدوح کے مکان پر گیا اور مولوی صاحب کو معہ ان ۱ (نوٹ از حضرت مرزا بشیر احمدؓ) میرزا غلام قادر صاحب کی وفات۱۸۸۳ ء میں ہوئی تھی۔(کتاب رؤسائے پنجاب)
کے والد صاحب کے مسجد میں پایا۔پھر خلاصہ یہ کہ اس احقر نے مولوی صاحب موصوف کی اس وقت کی تقریر کو سن کر معلوم کرلیا کہ ان کی تقریر میں کوئی ایسی زیادتی نہیں کہ قابلِ اعتراض ہو اس لئے خاص اللہ کے لئے بحث کو ترک کیا گیا۔رات کو خداوند ِ کریم نے اپنے الہام اور مخا طبت میں اُسی ترکِ بحث کی طرف اشارہ کرکے فرمایا کہ تیرا خدا تیر ے اس فعل سے راضی ہوا اور وہ تجھے بہت برکت دے گا یہاں تک کہ بادشاہ تیرے کپڑوں سے برکت ڈھونڈیں گے۔پھر بعد اس کے عالمِ کشف میں وہ بادشاہ دکھلائے گئے جو گھوڑوں پر سوار تھے۔چونکہ خا لصاً خدا اور اس کے رسول کے لئے انکسار اور تذلل اختیار کیا گیا اس لئے اس محسنِ مطلق نے نہ چاہا کہ اُس کو بغیر اجر کے چھوڑے۔‘‘ (براہین احمدیہ حصہ چہارم۔روحانی خزائن جلد ۱صفحہ ۶۲۱،۶۲۲ حاشیہ در حاشیہ نمبر ۳) (ب) ’’مجھے اللہ جلّ شانہٗنے یہ خوشخبری بھی دی ہے کہ وہ بعض امراء اور ملوک کو بھی ہمارے گروہ میں داخل کرے گا اور مجھے اس نے فرمایا کہ میں تجھے برکت پر برکت دوں گا۔یہاں تک کہ بادشاہ تیرے کپڑوں سے برکت۱؎ ڈھونڈیں گے۔‘‘ (برکات الدعا۲؎۔روحانی خزائن جلد ۶ صفحہ ۳۵) (ج) ’’عالم کشف میں مجھے وہ بادشاہ دکھلائے گئے جو گھوڑوں پر سوار تھے اورکہا گیا کہ یہ ہیں جو اپنی گردنوں پر تیری اطاعت کا جُوا اُٹھائیں گے اورخداانہیں برکت دے گا۔‘‘ (تجلّیاتِ الٰہیہ۔روحانی خزائن جلد ۲۰ صفحہ ۴۰۹ حاشیہ) (د) ’’اِنِّیْ۳؎ رَاَیْتُ فِیْ مُبَشِّـرَۃٍ اُرِیْتُـھَا جَـمَاعَۃً مِّنَ الْمُؤْمِنِیْنَ الْمُخْلِصِیْنَ وَالْمُلُوْکِ الْعَادِ لِیْنَ ۱ حضرت مسیح موعود علیہ السلام فرماتے ہیں۔’’یہ برکت ڈھونڈنے والے بیعت میں داخل ہوں گے اور ان کے بیعت میں داخل ہونے سے گویا سلطنت بھی اس قوم کی ہوگی۔پھر مجھے کشفی رنگ میں وہ بادشاہ دکھائے بھی گئے۔وہ گھوڑوں پر سوار تھے اور چھ سات سے کم نہ تھے۔‘‘ (الحکم مورخہ ۲۴؍ اکتوبر ۱۹۰۲ ء صفحہ ۱۰ ) ۲ نیز ’’ قادیان کے آریہ اور ہم۔روحانی خزائن جلد ۲۰ صفحہ ۴۲۰‘‘ (ناشر) ۳ (ترجمہ از مرتّب) میں نے ایک مبشر خوا ب میں مخلص مومنوں اور عادل اور نیکوکار بادشاہوں کی ایک جماعت دیکھی
الصَّالِـحِیْنَ۔بَعْضُھُمْ مِّنْ ھٰذَا الْمُلْکِ وَبَعْضُہُمْ مِّنَ الْعَرَبِ وَبَعْضُہُمْ مِّنْ فَارِسَ وَ بَعْضُہُمْ مِّنْ بِلَادِ الشَّامِ وَ بَعْضُہُمْ مِّنْ اَرْضِ الرُّوْمِ وَ بَعْضُہُمْ مِّنْ بِلَادٍ لَّا اَعْرِفُھَا ثُمَّ قِیْلَ لِیْ مِنْ حَضْرَۃِ الْغَیْبِ اِنَّ ھٰٓؤُ لَاءِ یُصَدِّقُوْنَکَ وَ یُؤْ مِنُوْنَ بِکَ وَیُصَلُّوْنَ عَلَیْکَ وَیَدْ عُوْنَ لَکَ وَاُعْطِیْ لَکَ بَرَکَاتٍ حَتّٰی یَتَبَرَّکَ الْمُلُوْکُ بِثِیَابِکَ وَ اُدْخِلُھُمْ فِی الْمُخْلِصِیْنَ۔ھٰذَا رَاَیْتُ فِی الْمَنَامِ وَاُلْھِمْتُ مِنَ اللّٰہِ الْعَلَّامِ۔‘‘ (لُـجّۃ النّور۔روحانی خزائن جلد ۱۶ صفحہ ۳۳۹،۳۴۰) ۱۸۷۰ء (الف) ’’عرصہ تخمیناًبارہ برس کا ہوا ہے کہ ایک ہندو ؎۱ صاحب کہ جو اَب آریہ سماج قادیان کے ممبر اور صحیح و سلامت موجود ہیں۔حضرت خاتم الرّسل صلی اللہ علیہ وسلم کے معجزات اور آنجناب کی پیشین گوئیوں سے سخت منکر تھا… اس ہندو صاحب کا ایک عزیز ؎۲کسی ناگہانی پیچ میں آکر قید ہوگیا اور اُس کے ہمراہ ایک اور ہندو؎۳ بھی قید ہوا اور اُن دونوں کا چیف کورٹ میں اپیل گزرا۔اُس حیرانی اور سرگردانی کی حالت میں ایک دن اُس آریہ صاحب نے مجھ سے یہ بات کہی کہ غیبی خبر اِسے کہتے ہیں کہ آج کوئی یہ بتلاسکے کہ اس ہمارے مقدمہ کا انجام کیا ہے… تب میرے دل میں خدا کی طرف سے یہی جوش ڈالا گیا کہ خدا اُس کو اسی مقدمہ میں شرمندہ اور لاجواب کرے اور مَیں نے دعا کی کہ اے خداوند ِ کریم تیرے نبی کریمؐ کی عزت اور عظمت سے یہ شخص سخت منکر ہے اور تیرے نشانوں اور پیشین گوئیوں سے جو تُونے اپنے رسول پر ظاہر فرمائیں سخت انکاری ہے اور اس مقدمہ کی آخری حقیقت کھلنے سے یہ لاجواب ہوسکتا ہے اور تو ہربات پر قادر ہے جو چاہتا ہے کرتا ہے اور کوئی امر تیرے علم محیط سے مخفی نہیں۔تب خدا نے جو اپنے سچے دین اسلام کا حامی ہے اور اپنے رسولؐ کی عزت اور عظمت چاہتا ہے رات کے بقیہ ترجمہ۔جن میں سے بعض اسی ملک (ہند ) کے تھے اور بعض عرب کے۔بعض فارس کے اور بعض شام کے بعض روم کے اور بعض دوسرے بلاد کے تھے جن کو مَیں نہیں جانتا۔اس کے بعد مجھے خدا تعالیٰ کی طرف سے بتایا گیا کہ یہ لوگ تیری تصدیق کریں گے اور تجھ پر ایمان لائیں گے اور تجھ پر درود بھیجیں گے اورتیرے لئے دعائیں کریں گے اور میں تجھے بہت برکتیں دوں گا یہاں تک کہ بادشاہ تیرے کپڑوں سے برکت ڈھونڈیں گے اور میں ان کو مخلصوں میں داخل کروں گا۔یہ وہ خواب ہے جو میں نے دیکھی اور وہ الہام ہے جو خدائے علّام کی طرف سے مجھے ہوا۔۱ لالہ شرمپت (مرزا بشیر احمد) ۲ لالہ بشمبر داس (مرزا بشیر احمد) ۳ خوشحال چَند نامی (مرزا بشیر احمد)
وقت رؤیا میں کُل حقیقت مجھ پر کھول دی اور ظاہر کیا کہ تقدیرِ الٰہی میں یوں مقدّر ہے کہ اس کی مثل چیف کورٹ سے عدالت ِ ماتحت میں پھر واپس آئے گی اور پھر اس عدالت ِ ماتحت میں نصف قید اُس کی تخفیف ہوجائے گی مگر بَری نہیں ہوگا اور جو اُس کا دوسرا رفیق ہے وہ پوری قید بُھگت کر خلاصی پائے گا اور بَری وہ بھی نہیں ہوگا۔پس میں نے اِس خواب سے بیدار ہوکر اپنے خداوند ِ کریم کا شکر کیا جس نے مخالف کے سامنے مجھ کو مجبور ہونے نہ دیا اور اسی وقت مَیں نے یہ رؤیاایک جماعتِ کثیر کو سنا دیا اور اُس ہندو صاحب کو بھی اُسی دن خبر کردی۔‘‘ (براہین احمدیہ حصّہ سوم۔روحانی خزائن جلد ۱صفحہ ۲۷۷ تا ۲۷۹ حاشیہ در حاشیہ نمبر۱) (ب) ’’ بشمبر داس بقید ایک سال مقید ہوگیا تھا اور اس کے بھائی شرمپت نام نے جو سرگرم آریہ ہے مجھ سے دعا کی التجا کی تھی اور نیز یہ پوچھا تھا کہ اس کا انجام کیا ہوگا۔مَیں نے دعا کی اور کشفی نظر سے مَیں نے دیکھا کہ مَیں اس دفتر میں گیا ہوں جہاں اس کی قید کی مثل تھی۔مَیں نے اس مثل کو کھولا اور برس کا لفظ کاٹ کر اُس کی جگہ چھ مہینے لکھ دیا اور پھر مجھے الہامِ الٰہی سے بتلایا گیا کہ مثل چیف کورٹ سے واپس آئے گی اور برس کی جگہ چھ مہینے رہ جائے گی لیکن بَری نہیں ہوگا۔چنانچہ میں نے یہ تمام کشفی واقعات شرمپت آریہ کو جو اَب تک زندہ موجود ہے نہایت صفائی سے بتلادیئے۔اور جب میں نے بتلایا اور بعینہٖ وہ باتیں ظہور میں آگئیں تو اُس نے میری طرف لکھا کہ آپ خدا کے نیک بندے ہو اس لئے اُس نے آپ پر غیب کی باتیں ظاہر کردیں۔‘‘ (سراج منیر۔روحانی خزائن جلد ۱۲ صفحہ ۳۷) ۱۸۷۰ء (تخمیناً) (الف) ’’ اِس رؤیاصادقہ میں کہ ایک کشفِ صریح کی قسم تھی یہ معلوم کرایا گیا تھا کہ ایک کھتری ہندو بشمبر داس نامی جو اَ ب تک قادیان میں بقیدِ حیات موجو دہے مقدمہ فوجداری سے بَری نہیں ہوگا مگر آدھی قید تخفیف ہوجائے گی لیکن اُس کا دُوسرا ہم قید خوشحال نامی کہ وہ بھی اب تک قادیان میں زندہ موجود ہے ساری قید بھگتے گا۔سو اِس جُزوِ کشف کی نسبت یہ ابتلا پیش آیا کہ جب چیف کورٹ سے حسبِ پیشگوئی ایں عاجز مثل مقدمہ مذکورہ واپس آئی تو متعلّقینِ مقدّمہ نے اُس واپسی کو بریت پر حمل کرکے گانوءں میں یہ مشہور کردیا کہ دونوں ملزم جُرم سے بَری ہوگئے ہیں۔مجھ کو یاد ہے کہ رات کے وقت میں یہ خبر مشہور ہوئی اور یہ عاجز مسجد میں عشاء کی نماز پڑھنے کو طیار تھا کہ ایک نے نمازیوں میں سے بیان کیا کہ یہ خبر بازار میں پھیل رہی ہے اور ملزمان گانوءںمیں آگئے ہیں۔سو چونکہ یہ عاجز علانیہ لوگوں میں کہہ چکا تھا کہ دونوں مجرم ہرگز جرم سے بَری نہیں ہوں گے اِس لئے جو کچھ غم
اور قلق اور کرب اُس وقت گزرا سو گزرا۔تب خدا نے کہ جو اِس عاجز بندہ کا ہریک حال میں حامی ہے نماز کے اوّل یا عین نمازمیں بذریعہ الہام یہ بشارت دی لَاتَـخَفْ اِنَّکَ اَنْتَ الْاَعْلٰی؎۱ اور پھر فجر کو ظاہر ہوگیا کہ وہ خبر بَری ہونے کی سراسر جھوٹی تھی اورانجام کار وہی ظہور میں آیا کہ جو اِس عاجز کو خبر دی گئی تھی جس کو شرمپت نامی ایک آریہ اور چنددوسرے لوگوں کے پاس قبل از وقوع بیان کیا گیا تھا۔‘‘ (براہین احمدیہ حصّہ چہارم۔روحانی خزائن جلد ۱ صفحہ ۶۵۷،۶۵۸ حاشیہ در حاشیہ نمبر ۴ ) (ب) ’’جب بشمبر داس کی قید کی نسبت چیف کورٹ میں اپیل دائر کیا گیا تو نمازِ عشاء کے وقت جب مَیں اپنی بڑی مسجد؎۲ میں تھا علی محمدنام ایک مُلّاں ساکن قادیان نے جو اَب تک زندہ اورہمارے سلسلہ کا مخالف ہے میرے پاس آکر بیان کیا کہ اپیل منظورہوگئی اور بشمبرداس بَری ہوگیا اور کہا کہ بازار میں اِس خوشی کا ایک جوش برپا ہے۔تب اس غم سے میرے پر وہ حالت گزری جس کو خدا جانتا ہے۔اُس غم سے مَیں محسوس نہیں کرسکتا تھا کہ میں زندہ ہوں یا مر گیا۔تب اسی حالت میں نماز شروع کی گئی۔جب میں سجدہ میں گیا تب مجھے یہ الہام ہوا۔لَاتَـحْزَنْ اِنَّکَ اَنْتَ الْاَعْلٰی یعنی غم نہ کر تجھی کو غلبہ ہوگا۔تب میں نے شرمپت کو اس سے اطلاع دی اور حقیقت یہ کھلی کہ اپیل صرف لیا گیا ہے یہ نہیں کہ بشمبرداس بَری کیا گیا ہے۔‘‘ (قادیان کے آریہ اور ہم۔روحانی خزائن جلد ۲۰ صفحہ ۴۳۶) ۱۸۷۱ء( تخمیناً) ’’تیس برس سے زیادہ عرصہ ہوا جب میں تپ سے سخت بیمار ہوا۔اس قدر شدید تپ مجھے چڑھی ہوئی تھی کہ گویا بہت سے انگارے سینے پر رکھے ہوئے معلوم ہوتے تھے۔اِس اثنائے میں مجھے الہام ہوا۔وَ اَمَّا مَا یَنْفَعُ النَّاسَ فَیَمْکُثُ فِی الْاَرْضِ۔‘‘ ۳؎ (الحکم جلد ۶ نمبر ۲۸ مورخہ۱۰؍ اگست۱۹۰۲ء صفحہ ۱۱ کالم نمبر ۲) ۱ (ترجمہ از مرتّب) خوف مت کر تُو ہی غالب رہے گا۔۲ مسجد اقصٰی (شمس) ۳ (ترجمہ از مرتّب) اور جو وجود لوگوں کے لئے نفع رساں ہو وہ زمین پر زیادہ دیر تک قائم رہتا ہے۔