تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 2

Urdu text of the edition of the Ahmadiyya Muslim Jamaat.

۱۸۷۲ء (تخمیناً) ’’مولانا مولوی عبد الکریم صاحب نے ایک خواب اپنا عرض کیا جس میں انہوں نے بجلی دیکھی تھی۔اس پر حضرت اقدسؑ نے فرمایا کہ شاید کوئی ۳۰ برس کا عرصہ گذرا ہوگا کہ مَیں نے بھی ایک خواب دیکھا کہ اَب جس مقام پر مدرسہ کی عمارت ہے وہاں بڑی کثرت سے بجلی چمک رہی ہے۔بجلی چمکنے کی یہ تعبیر ہوتی ہے کہ وہاں آبادی ہوگی۔‘‘ (البدر جلد ۱ نمبر۸ مورخہ ۱۹ دسمبر۱۹۰۲ء صفحہ ۵۸ کالم نمبر۳) ۱۸۷۲ء (تخمیناً) ’’تخمیناً دس برس کا عرصہ ہوا ہے جو میں نے خواب میں حضرت مسیح علیہ السلام کو دیکھا اور مسیح نے اور مَیں نے ایک جگہ ایک ہی برتن میں کھانا کھایا اور کھانے میں ہم دونوں ایسے بے تکلّف اور بامحبت تھے کہ جیسے دو حقیقی بھائی ہوتے ہیں اور جیسے قدیم سے دو رفیق اور دلی دوست ہوتے ہیں اور بعد اُس کے اسی مکان میں جہاں اَب یہ عاجز اس حاشیہ کو لکھ رہا ہے مَیں اور مسیح اور ایک اور کامل اور مکمل سیّد آلِ رسولؐ دالان میں خوش دلی سے ایک عرصہ تک کھڑے رہے اور سیّد صاحب کے ہاتھ میں ایک کاغذ تھا۔اُس میں بعض افرادِ خاصۂ اُمّتِ محمدیہ کے نام لکھے ہوئے تھے اور حضرت ِ خداوند تعالیٰ کی طرف سے اُن کی کچھ تعریفیں لکھی ہوئی تھیں۔چنانچہ سیّد صاحب نے اس کاغذ کو پڑھنا شروع کیا جس سے یہ معلوم ہوتا تھا کہ وہ مسیح کو اُمّت ِ محمدیہ کے اُن مراتب سے اطلاع دینا چاہتے ہیں کہ جو عنداللہ اُن کے لئے مقرر ہیں اور اُس کاغذ میں عبارت تعریفی تمام ایسی تھی کہ جو خالص خدائے تعالیٰ کی طرف سے تھی۔سو جب پڑھتے پڑھتے وہ کاغذ اخیر تک پہنچ گیا اور کچھ تھوڑا ہی باقی رہا تب اِس عاجز کا نام آیا جس میں خدائے تعالیٰ کی طرف سے یہ عبارت تعریفی عربی زبان میں لکھی ہوئی تھی۔ھُوَ مِنِّیْ بِـمَنْزِلَۃِ تَوْحِیْدِیْ و تَفْرِیْدِیْ فَکَادَ اَنْ یُّعْرَفَ بَیْنَ النَّاسِ۔یعنی وہ مجھ سے ایسا ہے جیسے میری توحید اور تفرید سو عنقریب لوگوں میں مشہور کیا جائے گا۔یہ اخیر فقرہ فَکَادَ اَنْ یُّعْرَفَ بَیْنَ النَّاسِ اسی وقت بطورِ الہام بھی القا ہوا۔‘‘ (براہین احمدیہ حصہ سوم۔روحانی خزائن جلد ۱ صفحہ ۲۸۰،۲۸۱ حاشیہ در حاشیہ نمبر ۱) ۱۸۷۲ء (تخمیناً) (الف) ’’ایک دفعہ میں نے باوا نانک صاحب کو خواب میں دیکھا کہ اُنہوں نے اپنے تئیں مسلمان ظاہر کیا ہے؎۱ اور میں نے دیکھا کہ ایک ہندو ان کے چشمہ سے پانی پی رہا ہے پس مَیں نے اس ہندو کو کہا کہ ۱ حضرت مسیح موعود علیہ السلام تحریر فرماتے ہیں۔’’میری خواب میں جو باوا نانک صاحب نے اپنے آپ کو مسلمان ظاہر کیا اس سے یہی مراد تھی کہ ایک زمانہ میں ان کا مسلمان ہونا پبلک پر ظاہر ہوجائے گا چنانچہ اِسی امر کے لیے کتاب سَت بچن تصنیف کی گئی تھی اور یہ جو مَیں نے ہندوؤں کو کہا کہ یہ چشمہ گدلا ہے ہمارے چشمہ سے پانی پیؤاس سے یہ مراد تھی کہ ایسا زمانہ

کہ یہ چشمہ گدلا ہے ہمارے چشمے سے پانی پیو۔تیس برس کا عرصہ ہوا ہے جبکہ مَیں نے یہ خواب یعنی باوا نانک صاحب کو مسلمان دیکھا۔اُسی وقت اکثر ہندوؤں کو سنایا گیا تھا اور مجھے یقین تھا کہ اس کی کوئی تصدیق پیدا ہوجائے گی چنانچہ ایک مدّت کے بعدوہ پیشگوئی بکمال صفائی پوری ہوگئی اور تین سو برس کے بعد وہ چولہ ہمیں دستیاب ہوگیا کہ جو ایک صریح دلیل باوا صاحب کے مسلمان ہونے پر ہے۔یہ چولہ جو ایک قسم کا پیراہن ہے بمقام ڈیرہ نانک؎۱ باوا نانک صاحب کی اولاد کے پاس بڑی عزت اور حرمت سے بطور تبرک محفوظ ہے۔‘‘ (نزول المسیح۔روحانی خزائن جلد ۱۸صفحہ ۵۸۱،۵۸۲) (ب) ’’یہ بھی یاد رہے کہ میں نے دو مرتبہ باوا نانک صاحب کو کشفی حالت میں دیکھا ہے اور اُن کو اِس بات کا اقراری پایا ہے کہ انہوں نے اُسی نُور سے روشنی حاصل کی ہے۔فضولیاں اور جھوٹ بولنا مُردار خوروں کا کام ہے۔مَیں وہی کہتا ہوں کہ جو میں نے دیکھا ہے۔اسی و جہ سے میں باوا نانک صاحب کو عزت کی نظرسے دیکھتا ہوں کیونکہ مجھے معلوم ہے کہ وہ اُس چشمے سے پانی پیتے تھے جس سے ہم پیتے ہیں اور خدا تعالیٰ جانتا ہے کہ مَیں اُس معرفت سے بات کررہا ہوں کہ جو مجھے عطا کی گئی ہے۔‘‘ (از اشتہار مورخہ ۱۸؍اپریل ۱۸۹۷ء۔مجموعہ اشتہارات جلد دوم صفحہ ۲۷۶ مطبوعہ ۲۰۱۸ء) ۱۸۷۲ء (قریباً) ’’مارٹن کلارک والے مقدّمہ سے قریباً پچیس سال پہلے میں ایک دفعہ خواب میں دیکھ چکا تھا کہ مَیں ایک عدالت میں کسی حاکم کے سامنے حاضر ہوں اور نماز کا وقت آگیا ہے تو مَیں نے اُس حاکم سے نماز کے لئے اجازت طلب کی تو اُس نے کشادہ پیشانی سے مجھے اجازت دی۔چنانچہ اِس کے مطابق اس مقدمہ میں عین دورانِ مقدمہ میں جبکہ مَیں نے کپتان ڈگلس سے نماز کے لئے اجازت چاہی تو اس نے بڑی خوشی سے مجھے اجازت دے دی۔‘‘ (نزول المسیح۔روحانی خزائن جلد ۱۸ صفحہ ۵۸۸) ۱۸۷۲ء(قریباً) ’’ مَیں نے ایک دفعہ خواب دیکھا کہ بٹالہ کے مکانات میں ایک حویلی ہے اُس میں ایک سیاہ کمبل پر میں بیٹھا ہوں اور لباس بھی کمبل ہی کی طرح پہنا ہوا ہے گویا کہ دنیا سے الگ ہوا ہوں۔اتنے میں ایک لمبے قد کا شخص آیا اور مجھے پوچھتا ہے کہ میرزا غلام احمد غلام مرتضیٰ کا بیٹا کہاں ہے؟ مَیں نےکہا بقیہ حاشیہ۔آنے والا ہے کہ اہلِ ہنود اور سکّھوں پر اِسلام کی حقّانیت صاف طور سے کھل جائے گی اورباوا صاحب کا چشمہ جس کو حال کے سکّھوں نے اپنی کم فہمی سے گدلا بنا رکھا ہے وہ میرے ذریعہ صاف کیا جائے گا۔‘‘ (نزول المسیح۔روحانی خزائن جلد۱۸ صفحہ ۵۸۳) ۱ ضلع گورداسپور (شمس)

مَیں ہوں۔کہنے لگا کہ مَیں نے آپ کی تعریف سنی ہے کہ آپ کو اسرار دینی اور حقائق اور معارف میں بہت دخل ہے، یہ تعریف سن کر ملنے آیا ہوں۔مجھے یاد نہیں کہ مَیں نے کیا جواب دیا۔اِس پر اُس نے آسمان کی طرف منہ کیا اور اس کی آنکھوں سے آنسو جاری تھے اور بہہ کر رخسار پر پڑتے تھے۔ایک آنکھ اُوپر تھی اور ایک نیچے اور اس کے منہ سے حسرت بھرے یہ الفاظ نکل رہے تھے۔’’ تہی دستانِ عشرت را ‘‘ اس کا مطلب میں نے یہ سمجھا کہ یہ مرتبہ انسان کو نہیں ملتا جب تک کہ وہ اپنے اوپر ایک ذبح اور موت وارد نہ کرے۔اس مقام پر عرب؎۱ صاحب نے حضرت کا یہ شعر پڑھا جس میں یہ کلمہ منسلک تھا کہ مے خواہدنگارِ من تہیدستانِ عشرت را ؎۲ حضرت نے فرمایا کہ ’’ میں نے پھر اس کلمہ کو اس مصرعہ میں جوڑ دیا کہ یاد رہے۔‘‘ (البدر۳؎ جلد ۲ نمبر ۳ مورخہ ۶؍ فروری ۱۹۰۳ء صفحہ ۱۸، ۱۹ ) ۱۸۷۳ء (تخمیناً) ’’مَیں مرزا صاحب (والد صاحب) کے وقت میں زمینداروں کے ساتھ ایک مقدمہ پر امرتسر میں کمشنر کی عدالت میں تھا۔فیصلہ سے ایک دن پہلے کمشنر زمینداروں کی نہایت رعایت کرتا ہوا اور ان کی شرارتوں کی پرواہ نہ کرکے عدالت میں کہتا تھا کہ یہ غریب لوگ ہیں تم ان پر ظلم کرتے ہو۔اس رات کو میں نے خواب میں دیکھا کہ وہ انگریز ایک چھوٹے سے بچہ کی شکل میں میرے پاس کھڑا ہے اور میں اس کے سر پر ہاتھ پھیر رہا ہوں۔صبح کو جب ہم عدالت میں گئے تو اُس کی حالت ایسی بدلی ہوئی تھی کہ گویا وہ پہلا انگریز ہی نہ تھا۔اُس نے زمینداروں کو بہت ہی ڈانٹا اور مقدّمہ ہمارے حق میں فیصلہ کیا اور ہمارا سارا خرچہ بھی اُن سے دلایا۔‘‘ (الحکم جلد۵نمبر۲۲ مورخہ ۱۷؍جون ۱۹۰۱ء صفحہ ۳) ۱۸۷۴ء (قریباً) ’’مَیں نے خواب میں ایک فرشتہ ایک لڑکے کی صورت میں دیکھا جو ایک اونچے چبوترے پر بیٹھا ہوا تھا اور اُس کے ہاتھ میں ایک پاکیزہ نان تھا جو نہایت چمکیلا تھا؎۴، وہ نان اُس نے مجھے دیا اور کہا کہ ۱ ابوسعید صاحب (مرزا بشیر احمد) ۲ (ترجمہ از مرتّب) کیوں کہ میرا محبوب آرام طلبی کی زندگی سے الگ رہنے والے لوگوں کو دوست رکھتا ہے۔۳ (نوٹ از ناشر) الحکم مورخہ ۲۴؍جنوری ۱۹۰۳ ء صفحہ ۸ میں بھی یہ خواب باختلافِ الفاظ درج ہے۔۴ حضرت مسیح موعود علیہ السلام تحریر فرماتے ہیں۔’’اور بہت بڑا تھا گویا چارنان کے مقدار پر تھا۔‘‘ (حقیقۃ الوحی۔روحانی خزائن جلد ۲۲ صفحہ ۲۹۰)

یہ تیرے لئے اور تیرے ساتھ کے درویشوں کے لئے ہے۔یہ اُس زمانہ کی خواب ہے جبکہ مَیں نہ کوئی شہرت اور نہ کوئی دعویٰ رکھتا تھا اور نہ میرے ساتھ درویشوں کی کوئی جماعت تھی مگر اب میرے ساتھ بہت سی وہ جماعت ہے جنہوں نے خود دین کو دنیا پر مقدم رکھ کر اپنے تئیں درویش بنادیا ہے اور اپنے وطنوں سے ہجرت کرکے اور اپنے قدیم دوستوں اور اقارب سے علیحدہ ہوکر ہمیشہ کے لئے میری ہمسائیگی میںآ آباد ہوئے ہیں۔اور نان سے میں نے یہ تعبیر کی تھی کہ خدا ہمارا اور ہماری جماعت کا آپ متکفّل ہوگا اور رزق کی پریشانگی ہم کو پراگندہ نہیں کرے گی۔چنانچہ سالہائے دراز سے ایسا ہی ظہور میں آرہا ہے۔‘‘ (نزول المسیح۔روحانی خزائن جلد ۱۸ صفحہ ۵۸۴، ۵۸۵) ۱۸۷۴ء (قریباً) ’’ مجھے خواب میں دکھلایا گیا کہ ایک بڑی لمبی نالی ہے کہ جو کئی کوس تک چلی جاتی ہے اور اُس نالی پر ہزار ہا بھیڑیں لٹائی ہوئی ہیں اس طرح پر کہ بھیڑوں کا سر نالی کے کنارہ پر ہے۔اِس غرض سے کہ تا ذبح کرنے کے وقت اُن کا خون نالی میں پڑے اور باقی حصّہ اُن کے وجود کا نالی سے باہر ہے اور نالی شرقاً غرباً واقع ہے اور بھیڑوں کے سر نالی پر جنوب کی طرف سے رکھے گئے ہیں اور ہر ایک بھیڑ پر ایک قصاب بیٹھا ہے اور اُن تمام قصابوں کے ہاتھ میں ایک ایک چھری ہے جوہر ایک بھیڑ کی گردن پر رکھی ہوئی ہے اور آسمان کی طرف اُن کی نظر ہے۔گویا خدا تعالیٰ کی اجازت کے منتظر ہیں اور مَیں اُس میدان میں شمالی طرف پھر رہا ہوں اور دیکھتا ہوں کہ وہ لوگ جو دراصل فرشتے ہیں بھیڑوں کے ذبح کرنے کے لئے مستعد بیٹھے ہیں۔محض آسمانی اجازت کی انتظار ہے تب میں ان کے نزدیک گیا اور میں نے قرآن شریف کی یہ آیت پڑھی۔قُلْ مَا یَعْبَؤُا بِکُمْ رَبِّیْ لَوْ لَا دُعَآ ؤُکُمْ یعنی ان کو کہہ دے کہ میرا خدا تمہاری پروا کیا رکھتا ہے اگر تم اس کی پرستش نہ کرو اور اس کے حکموں کو نہ سنو۔اور میرا یہ کہنا ہی تھا کہ فرشتوں نے سمجھ لیا کہ ہمیں اجازت ہوگئی۔گویا میرے منہ کے لفظ خدا کے لفظ؎ ۱ تھے۔تب فرشتوں نے جو قصابوں کی شکل میں بیٹھے ہوئے تھے فی الفور اپنی بھیڑوں پر چھریئیں پھیر دیں اور ۱ حضرت مسیح موعود علیہ السلام فرماتے ہیں۔’’معلوم ہوتا ہے کہ چونکہ خلیفہ جو ہوتا ہے وہ آسمان سے ہوتا ہے اس لئے میں نے جو آواز دی تو انہوں نے سمجھا کہ حکم ہوگیا اور جو آواز آسمان سے آنی تھی وہ میں نے کہی۔‘‘ (البدر مورخہ ۱۶؍ جنوری ۱۹۰۳ ء صفحہ ۹۰)

چھریوں کے لگنے سے بھیڑوں نے ایک درد ناک طور پر تڑپنا شروع کیا۔تب اُن فرشتوں نے سختی سے ان بھیڑوں کی گردن کی تمام رگیں کاٹ دیں اور کہا کہ تم چیز کیا ہو گوہ کھانے والی بھیڑیں ہی ہو۔مَیں نے اس کی یہ تعبیر کی کہ ایک سخت وبا ہوگی اور اس سے بہت لوگ اپنی شامتِ اعمال سے مریں گے اور میں نے یہ خواب بہتوں کو سنادی جن میں سے اکثر لوگ اب تک زندہ ہیں اور حلفاً بیان کرسکتے ہیں۔پھر ایسا ہی ظہور میں آیا اور پنجاب اور ہندوستان اور خاص کر امرتسر اور لاہور میں اس قدر ہیضہ پھوٹا کہ لاکھوں جانیں اس سے تلف ہوئیں اور اس قدر موت کا بازار گرم ہوا کہ مُردوں کو گاڑیوں پر لادکر لے جاتے تھے اور مسلمانوں کا جنازہ پڑھنا مشکل ہوگیا۔‘‘ (تریاق القلوب۔روحانی خزائن جلد ۱۵صفحہ ۲۶۳،۲۶۴) ۱۸۷۵ء (قریباً) ’’فطرتاً بعض طبائع کو بعض طبائع سے مناسبت ہوتی ہے۔اسی طرح میری روح اور سیّد عبد القادر کی روح کو خمیر فطرت سے باہم ایک مناسبت ہے۔جس پر کشوفِ۱؎ صحیحہ صریحہ سے مجھ کو اطلاع ملی ہے۔اِس بات پر تیس برس کے قریب زمانہ گذر گیا ہےکہ جب ایک رات مجھے خدا نے اطلاع دی کہ اُس نے مجھے اپنے لئے اختیار کرلیا ہے۔تب یہ عجیب اتفاق ہوا کہ اُسی رات ایک بڑھیا کو خواب آئی جس کی عمر قریباً اَسّی برس کی تھی اور اُس نے صبح مجھ کو آکر کہا کہ میں نے رات سیّد عبدالقادر جیلانی رضی اللہ عنہ کو خواب میں دیکھا ہے اور ساتھ اُن کے ایک اور بزرگ تھے اور دونوں سبز پوش تھے اور رات کے پچھلے حصہ کا وقت تھا۔دوسرا بزرگ عمر میں اُن سے کچھ چھوٹا تھا۔پہلے انہوں نے ہماری جامع مسجد میں نماز پڑھی اور پھر مسجد کے باہر صحن میں نکل آئے اور میں اُن کے پاس کھڑی تھی۔اتنے میں مشرق کی طرف ایک چمکتا ہوا ستارہ نکلا تب اُس ستارہ کو دیکھ کر سیّد عبدالقادر بہت خوش ہوئے اور ستارہ کی طرف مخاطب ہوکر کہا۔السَّلام علیکم اور ایسا ہی اُن کے رفیق نے السَّلام علیکم کہا۔اور وہ ستارہ میں تھا۔اَلْمُؤْمِنُ یَرٰی وَ یُرٰی لَہٗ۔‘‘۲؎ (ضمیمہ براہین احمدیہ حصّہ پنجم۔روحانی خزائن جلد ۲۱ صفحہ ۲۲۴ حاشیہ) ۱۸۷۵ء (تخمیناً) ’’اس جگہ ایک نہایت روشن کشف یاد آیا اور وہ یہ ہے کہ ایک مرتبہ؎۳ نمازِ مغرب کے بعد عین ۱ (نوٹ از حضرت مرزا بشیر احمدؓ ) اس جگہ ان کشوف کا تفصیلی ذکر نہیں ہے بلکہ ان کی طرف صرف اشارہ کیا گیا ہے۔۲ (ترجمہ از ناشر) مومن کوئی رؤیا دیکھتا ہے یا اس کے بارہ میں کسی کو رؤیا دکھائی جاتی ہے۔۳ (نوٹ از حضرت مرزا بشیر احمدؓ) کتاب البریّہ روحانی خزائن جلد ۱۳ صفحہ ۱۹۷، ۱۹۸کے حاشیہ سے معلوم ہوتا ہے کہ یہ کشف حضرت مسیح موعود علیہ الصلوٰۃ والسلام کے والد ماجد رحمۃ اللہ علیہ کی وفات سےکسی قدر قبل کا ہے۔

عین بیداری میں ایک تھوڑی سی غَیبتِ حِس سے جو خفیف سے نشاء سے مشابہ تھی ایک عجیب عالم ظاہر ہوا کہ پہلے یک دفعہ چند آدمیوں کے جلد جلد آنے کی آواز آئی جیسے بسُرعت چلنے کی حالت میں پانو کی جوتی اور موزہ کی آواز آتی ہے پھر اسی وقت پانچ آدمی نہایت وجیہہ اور مقبول اور خوبصورت سامنے آگئے یعنی جناب پیغمبرِخدا صلی اللہ علیہ وسلم و حضرت علی و حَسنَین و فاطمہ زَہرا رضی اللہ عنـہم اجمعین اور ایک نے اُن میں سے اور ایسا یاد پڑتا ہے کہ حضرت فاطمہ رضی اللہ عنہانے نہایت محبت اور شفقت سے مادرِ مہربان کی طرح اس عاجز کا سر اپنی ران پر رکھ لیا۔پھر بعد اس کے ایک کتاب مجھ کو دی گئی جس کی نسبت یہ بتلایا گیا کہ یہ تفسیر قرآن ہے۔جس کو علی نے تالیف کیا ہے اور اب علی؎۱ وہ تفسیر تجھ کودیتا ہے۔فَالْـحَمْدُ لِلّٰہِ عَلٰی ذَالِکَ۔‘‘ (براہین احمدیہ حصہ چہارم۔روحانی خزائن جلد ۱ صفحہ ۵۹۸،۵۹۹ حاشیہ در حاشیہ نمبر ۳ نیز دیکھئے تحفہ گولڑویہ روحانی خزائن جلد ۱۷ صفحہ ۱۱۸) ۱ حضرت مسیح موعود علیہ السلام نے اس کشف کی بعض تفصیلات جو دوسری جگہ بیان فرمائی ہیں وہ درج ذیل ہیں۔(الف) وَ کُنْتُ ذَاتَ یَوْمٍ فَرَغْتُ مِنْ فَرِیْضَۃِ الْمَسَآءِ وَ سُنَنِـھَا وَ اَنَا مُسْتَیْقِظٌ مَا اَخَذَنِیْ نَوْمٌ وَ لَا سِنَۃٌ وَمَا کُنْتُ مِنَ النَّائِـمِیْنَ۔فَبَیْنَـمَا اَنَا کَذَالِکَ اِذَا سَمِعْتُ صَوْتَ صَکِّ الْبَابِ فَنَظَرْتُ فَاِذَا الْمُدَکُّوْنَ یَـاْتُوْنَنِیْ مُسَارِعِیْنَ۔فَاِذَا دَنَوْا مِنِّیْ عَرَفْتُ أَنَّـہُمْ خَـمْسَۃٌ مُبَارَکَۃٌ أَعْنِیْ عَلِیًّا مَعَ ابْنَیْہِ وَ زَوْجَتِہِ الزَّھْرَاءُ وَسَیِّدِ الْمُرْسَلِیْنَ۔اَللّٰھُمَّ صَلِّ وَ سَلِّمْ عَلَیْہِ وَ آلِہٖ اِلٰی یَوْمِ الدِّیْنِ۔وَ رَأَیْتُ أَنَّ الزَّھْرَاءَ وَضَعَتْ رَأْسِیْ عَلٰی فَـخِذِھَا وَ نَظَرَتْ بِنَظَرَاتِ تَـحَنُّنٍ کُنْتُ اَعْرِفُ فِیْ وَجْھِھَا فَفَھِمْتُ فِیْ نَفْسِیْ أَنَّ لِیْ نِسْبَۃٌ بِالْـحُسَیْنِ وَأُشَابِـھُہٗ فِیْ بَعْضِ صِفَاتِہٖ وَ سَوَانِـحِہٖ وَاللّٰہُ یَعْلَمُ وَ ھُوَ اَعْلَمُ الْعَالَمِیْنَ۔وَ رَاَیْتُ اَنَّ عَلِیًّا رَضِیَ اللّٰہُ عَنْہُ یُرِیْــنِیْ کِتَابًـا وَّ یَقُوْلُ ھٰذَا تَفْسِیْرُ الْقُرْاٰنِ اَنَا اَلَّفْتُہٗ وَاَمَرَنِیْ رَبِّیْ اَنْ اُعْطِیَکَ۔فَبَسَطْتُّ اِلَیْہِ یَدِیْ وَاَخَذْتُہٗ۔وَکَانَ رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ یَـرَیٰ وَ یَسْمَعُ وَ لَا یَتَکَلَّمُ کَاَ نَّہٗ حَزِیْنٌ لِّاَجْلِ بَعْضِ اَحْزَانِیْ۔وَرَاَیْتُہٗ فَاِذَا الْوَجْہُ ھُوَ الْوَجْہُ الَّذِیْ رَاَیْتُ مِنْ قَبْلُ اَنَـارَتِ الْبَیْتُ مِنْ نُّورِہٖ۔فَسُبْحَانَ اللّٰہِ خَالِقِ النُّوْرِ وَالنُّوْرَانِیِّیْنَ۔‘‘ (آئینہ کمالات اسلام۔روحانی خزائن جلد ۵ صفحہ ۵۴۹،۵۵۰) (ترجمہ ازمرتّب) ایک روز میں نماز مغرب کے فرائض و سنن سے فارغ ہوا اور ابھی میں بیدار ہی تھا نہ تو مجھے نیند آئی تھی اور نہ میں اونگھ رہا تھا اور نہ ہی میں سویا ہوا تھا۔میں اسی حالت میں تھا کہ میں نے دروازے کے بند کرنے کی آوازسنی۔میں نے نظر اٹھا کر دیکھا تو چند آدمیوں کو تیز قدموں سے اپنی طرف آتے ہوئے پایا۔پس جب وہ میرے قریب ہوئے تو میں نے انہیں پہچان لیا کہ وہ پنج تن پاک تھے یعنی علیؓ اپنے دونوں بیٹوں کے ساتھ اور اپنی بیوی فاطمۃ الزھراءؓکے ساتھ اورسید المرسلین صلی اللہ علیہ وسلم تھے۔اے اللہ آپؐ اور آپؐ کی آل پر قیامت کے دن تک درود و سلام بھیج۔

۱۸۷۶ء (قریباً) ’’حضرت والد صاحب کے زمانہ میں ہی جبکہ ان کا زمانہ وفات بہت نزدیک تھا ایک مرتبہ ایسا اتفاق ہوا کہ ایک بزرگ معمر پاک صورت مجھ کو خواب میں دکھائی دیا اور اُس نے یہ ذکر کر کے کہ کسی قدر بقیہ حاشیہ۔اور میں نے دیکھا کہ فاطمۃ الزھراءؓ نے میرا سر اپنی ران پر رکھا اور انہوں نے مجھے شفقت سے دیکھا جو میں ان کے چہرہ سے پہچان رہا تھا۔پس میں اس سے یہ سمجھا کہ مجھے حسینؓ کے ساتھ ایک نسبت ہے اور میں ان کی بعض صفات میں ان سے ملتا ہوں اور اللہ جانتا ہے اور وہ سب سے زیادہ جاننے والا ہے۔میں نے دیکھا کہ علی رضی اللہ عنہ مجھے ایک کتاب دکھاتے اور کہتے ہیں کہ یہ قرآن کی تفسیر ہے جس کو میں نے تالیف کیا ہے اور مجھے خدا نے حکم دیا ہے کہ میں آپ کو دوں۔تب میں نے ہاتھ بڑھا کر اسے لے لیا اور رسول اللہ صلی اللہ علیہ وسلم دیکھ رہے تھے اور سن رہے تھے مگر آپؐ بولتے نہیں تھے گویا آپؐ میرے بعض غموں کی وجہ سے غمگین تھے اور میں نے جب آپؐ کو دیکھا تو آپؐ کا وہی چہرہ تھا جو میں نے پہلے دیکھا تھا آپؐ کے نور سے گھر روشن ہوگیا۔پس پاک ہے وہ خدا جو نور اور نورانی وجودوں کا خالق ہے۔(ب) ’’فَاَعْطَانِیْ تَفْسِیْرَ کِتَابِ اللّٰہِ الْعَلَّامِ وَقَالَ ھٰذَا تَفْسِیْرِیْ۔وَالْاٰنَ اُوْلِیْتَ فَھُنِّیْتَ بِـمَا اُوْتِیْتَ فَبَسَطْتُّ یَدِیْ وَاَخَذْ۔تُ التَّفْسِیْرَوَشَکَرْتُ اللّٰہَ الْمُعْطِیَ الْقَدِیْرَ۔وَوَجَدْتُّہٗ ذَا خَلْقٍ قَوِیْمٍ وَّخُلْقٍ صَمِیْمٍ وَّمُتَوَاضِعًا مُّنْکَسِرًا وَّمُتَھَلِّلًا مُّنَوَّرًا۔وَاَقُوْلُ حَلْفًا اَ نَّہٗ لَاقَانِیْ حِبًّا وَّ اَلْفًا۔وَاُلْقِیَ فِیْ رُوْعِیْ اَنَّہٗ یَعْرِفُنِیْ وَعَقِیْدَتِیْ وَیَعْلَمُ مَا اُخَالِفُ الشِّیْعَۃَ فِیْ مَسْلَــکِیْ وَمَشْـرَبِیْ وَلٰکِنْ مَا شَـمَخَ بِاَنْفِہٖ عَنْفًا وَّ مَا نَـاٰ بِـجَانِبِہٖ اَنْفًا بَلْ وَافَانِیْ وَصَافَانِیْ کَالْمُحِبِّیْنَ الْمُخْلِصِیْنَ۔وَاَظْھَرَ الْمَحَبَّۃَ کَالْمُصَافِیْنَ الصَّادِقِیْنَ۔وَکَانَ مَعَہُ الْـحُسَیْنُ بَلِ الْـحَسَنَیْنِ وَسَیِّدُ الرُّسُلِ خَاتَمُ النَّبِیِّیْنَ۔وَکَانَتْ مَعَھُمْ فَتَاۃٌ جَـمِیْلَۃٌ صَالِـحَۃٌ جَلِیْلَۃٌ مُّبَارَکَۃٌ مُّطَھَّرَۃٌ مُّعَظَّمَۃٌ مُّوَقَّرَۃٌ بَاھِرَۃُ السُّفُوْرِ ظَاھِرَۃُ النُّوْرِ۔وَ وَجَدْ تُّـھَا مُـمْتَلَأَ ۃً مِّنَ الْـحُزْنِ وَلٰکِنْ کَانَتْ کَاتِـمَۃً۔وَ اُلْقِیَ فِیْ رُوْعِیْ اَنَّـھَا الزَّھْرَاءُ فَاطِـمَۃُ فَـجَاءَتْنِیْ وَ اَنَـا مُضْطَجِـــعٌ فَقَعَدَ تْ وَوَضَعَتْ رَاْسِیْ عَلٰی فَـخِذِھَا وَتَلَطَّفَتْ۔وَرَاَیْتُ اَنَّـھَا لِبَعْضِ اَحْزَانِیْ تَـحْزُنُ وَتَضْجَرُ وَتَتَحَنَّنُ وَتَقْلَقُ کَاُمَّھَاتٍ عِنْدَ مَصَائِبِ الْبَنِیْنَ۔فَعُلِّمْتُ اَنِّیْ نَزَلْتُ مِنْھَا بِـمَنْزِلَۃِ الْاِبْنِ فِیْ عُلَقِ الدِّیْنِ۔وَخَطَرَ فِیْ قَلْبِیْ اَنَّ حُزْنَـھَا اِشَارَۃٌ اِلٰی مَا سَاَرٰی ظُلْمًا مِّنَ الْقَوْمِ وَاَھْلِ الْوَطَنَ وَالْمُعَادِیْنَ۔ثُمَّ جَآءَنِی الْـحَسَنَانِ وَکَا نَا یُبْدِاٰنِ الْمَحَبَّۃَ کَا لْاِخْوَانِ۔وَ وَافَیَانِیْ کَالْمُوَاسِیْنَ۔وَکَانَ ھٰذَاکَشْفًا مِّنْ کُشُوْفِ الْیَقْظَۃِ وَقَدْ مَضَتْ عَلَیْہِ بُرْھَۃٌ مِّنْ سِنِیْنَ۔‘‘ (سِـرّالـخلافۃ۔روحانی خزائن جلد ۸ صفحہ ۳۵۸،۳۵۹) (ترجمہ از مرتّب) پس (حضرت علیؓ نے) مجھے کتاب اللہ کی تفسیر دی اور کہا کہ یہ میری تفسیر ہے اور اب آپ اس کے مستحق ہیں۔آپ کو اس کتاب کا ملنا مبارک ہو۔پھر میں نے ہاتھ بڑھا کر تفسیر لے لی اور اللہ کا شکر ادا کیا۔میں نے آپ کو

روزے انوار سماوی کی پیشوائی کے لئے رکھنا سُنّتِ خاندانِ نبوت ہے۔اس بات کی طرف اشارہ کیا کہ میں اس سنت ِ اہلِ بیتِ رسالت کو بجا لاؤں۔سو میں نے کچھ مدت تک التزامِ صوم کو مناسب سمجھا… اور اس قسم کے روزہ کے عجائبات میں سے جو میرے تجربہ میں آئے وہ لطیف مکاشفات ہیں جو اُس زمانہ میں میرے پر کھلے۔چنانچہ بعض گذشتہ نبیوں کی ملاقاتیں ہوئیں اور جو اعلیٰ طبقہ کے اولیا اس اُمت میں گذر چکے ہیں اُن سے ملاقات ہوئی۔ایک دفعہ عین بیداری کی حالت میں جناب رسول اللہ صلی اللہ علیہ وسلم کو معہ حسنین و علی رضی اللہ عنہ و فاطمہ رضی اللہ عنہا کے دیکھا اور یہ خواب نہ تھی بلکہ ایک بیداری کی قسم تھی غرض اسی طرح پر کئی مقدس لوگوں کی ملاقاتیں ہوئیں جن کا ذکر کرنا موجب تطویل ہے اور علاوہ اس کے انوار روحانی تمثیلی طور پر برنگ ستون سبز و سرخ ایسے دلکش ودلستان طور پر نظر آتے تھے۔جن کا بیان کرنا بالکل طاقت ِ تحریر سے باہر ہے۔وہ نورانی ستون جو سیدھے آسمان کی طرف گئے ہوئے تھے جن میں سے بعض چمکدار سفید اور بعض سبز اور بعض سرخ تھے ان کو دل سے ایسا تعلق تھا کہ ان کو دیکھ کر دل کو نہایت سرور پہنچتا تھا اور دنیا میں کوئی بھی ایسی لذّت نہیں ہوگی جیسا کہ ان کو دیکھ کر دل اور روح کو لذّت آتی تھی۔میرے خیال میں ہے کہ وہ ستون خدا اور بندہ کی محبت کی ترکیب سے ایک تمثیلی صورت میں ظاہر کئے گئے تھے یعنی وہ ایک نور تھا جو دل سے نکلا اور دوسرا وہ نور تھا جو اوپر سے نازل ہوا اور دونوں کے ملنے سے ایک ستون کی بقیہ حاشیہ۔خوب تنومند اور اعلیٰ اخلاق کا مالک پایا۔متواضع منکسرالمزاج، چمکتے ہوئے روشن چہرہ والا۔میں حلفاً کہتا ہوں کہ آپ مجھ سے بڑی محبت اور شفقت سے ملے اور میرے دل میں ڈالا گیا کہ آپ مجھے پہچانتے ہیںاور آپ کو میرے عقیدہ کا بھی علم ہے اور آپ یہ بھی جانتے ہیںکہ میرا مسلک اور مشرب شیعوں کے مخالف ہے لیکن آپ اسے بُرا نہیں مناتے بلکہ آپ مجھ سے مخلص محبوں کی طرح ملے اور بڑی محبت کا اظہار کیا۔آپ کے ساتھ حسنین اور سیّد الرسل خاتم النبیینؐ بھی تھے اور ان کے ساتھ ایک خوبصورت نوجوان عورت بھی جو صالحہ، عالی مرتبہ، نیک سیرت اور باوقار تھی جس کے چہرہ سے نور ٹپک رہا تھا اور میں نے اس کو غم سے بھرا ہوا پایا جسے وہ چھپا رہی تھی۔میرے دل میں ڈالا گیا کہ یہ بی بی فاطمۃ الزہراء ہیں آپ میرے پاس آئیں۔میں لیٹا ہوا تھا آپ بیٹھ گئیں اور میرا سر اپنی ران پر رکھا اور شفقت فرمانے لگیں۔میں نے دیکھا کہ میرے بعض غموں کی و جہ سے آپ غمگین اور پریشان تھیں جیسے مائیں اپنے بیٹوں کے مصائب کے وقت پریشان ہوتی ہیں۔پھر مجھے بتایا گیا کہ میری حیثیت دینی تعلق کے لحاظ سے بمنزلہ بیٹے کے ہے اور میرے دل میں یہ خیال آیا کہ آپ کے غم میں اس ظلم کی طرف اشارہ ہے جو مجھے قوم اور اہلِ وطن اور دشمنوں کی طرف سے پہنچنے والا ہے۔پھر حسنین میرے پاس آئے اور دونوں مجھ سے بھائیوں کی طرح محبت کا اظہار کرتے تھے اور شفیق ہمدردوں کی طرح مجھے ملے اور یہ کشف بیداری والے کشوف میں سے تھا جس پر کئی سال گذر چکے ہیں۔

کی صورت پیدا ہوگئی۔یہ روحانی امور ہیں کہ دنیا اُن کو نہیں پہچان سکتی کیونکہ وہ دنیا کی آنکھوں سے بہت دور ہیں لیکن دنیا میں ایسے بھی ہیں جن کو ان امور سے خبر ملتی ہے۔غرض اس مدت تک روزہ رکھنے سے جو میرے پر عجائبات ظاہر ہوئے وہ انواع اقسام کے مکاشفات تھے… لیکن میں ہر ایک کو یہ صلاح نہیں دیتا کہ ایسا کرے اور نہ میں نے اپنی مرضی سے ایسا کیا… یاد رہے کہ میں نے کشف ِ صریح کے ذریعہ سے خدا تعالیٰ سے اطلاع پاکر جسمانی سختی کشی کا حصہ آٹھ یا نو ماہ تک لیا اور بھوک اور پیاس کا مزہ چکھا اور پھر اس طریق کو علی الدّوام بجالانا چھوڑدیا اور کبھی کبھی اس کو اختیار بھی کیا۔‘‘ (کتاب البریّہ۔روحانی خزائن جلد۱۳ صفحہ ۱۹۷ تا ۲۰۰ حاشیہ) ۱۸۷۶ء ’’ایک دفعہ میں نے فرشتوں کو انسان کی شکل پر دیکھا۔یاد نہیں کہ دوتھے یا تین۔آپس میں باتیں کرتے تھے اور مجھے کہتے تھے کہ تُو کیوں اس قدر مشقت اُٹھاتا ہے۔اندیشہ ہے کہ بیمار نہ ہو جاوے۔میں نے سمجھا کہ یہ جو ۶ ماہ کے روزے رکھے ہیں ان کی طرف اشارہ ہے۔‘‘؎۱ (البدر؎۲ جلد۱نمبر ۱۲ مورخہ ۱۶؍ جنوری ۱۹۰۳ ء صفحہ ۹۰ ) جون۱۸۷۶ء ’’ جب حضرت والد صاحب کا انتقال ہوا مجھے ایک خواب میں بتلایا گیا تھا کہ اب ان کے انتقال کا وقت قریب ہے۔میں اُس وقت لاہور میں تھا جب مجھے یہ خواب آیا تھا تب میں جلدی سے قادیان میں پہنچا اور اُن کو مرضِ زحیر میں مبتلا پایا لیکن یہ امید ہرگز نہ تھی کہ وہ دوسرے دن میرے آنے سے فوت ہوجائیں گے۔کیونکہ مرض کی شدت کم ہوگئی تھی اور وہ بڑے استقلال سے بیٹھے رہتے تھے۔دوسرے دن شدتِ دوپہر کے وقت ہم سب عزیز اُن کی خدمت میں حاضر تھے کہ مرزا صاحب نے مہربانی سے مجھے فرمایا کہ اس وقت تم ذرا آرام کرلو کیونکہ جون کا مہینہ تھا اور گرمی سخت پڑتی تھی۔میں آرام کے لئے ایک چوبارہ میں چلا گیا اور ایک نوکر پیر دبانے لگا کہ اتنے میں تھوڑی سی غنودگی ہوکر مجھے الہام ہوا۔وَالسَّمَآءِ وَالطَّا رِقِ ؎۳ ۱ اس مقام پر حضرت اقدسؑ نے اپنا واقعہ مجاہدہ اور ششماہی روزہ کا بیان فرمایا … (اور) فرمایا۔’’ان روزوں کو میں نے مخفی طور پر رکھا۔بعض دفعہ اظہار میں سلب ِ رحمت کا اندیشہ ہوتا ہے۔‘‘ (البدر مورخہ ۱۶؍ جنوری ۱۹۰۳ء صفحہ ۹۰) ۲ (نوٹ از ناشر) الحکم مورخہ ۱۷؍ جنوری ۱۹۰۳ء صفحہ ۵ میں یہ کشف باختلافِ الفاظ درج ہے۔۳ (نوٹ از مولانا عبد اللطیف بہاولپوری) دیکھئے ذکر ِ حبیب ؑ مؤ لفہ حضرت مفتی محمد صادق صاحبؓ صفحہ ۲۲۴ مطبوعہ دسمبر ۱۹۳۶ء

یعنی قسم ہے آسمان کی جو قضاء و قدر کا مبدء ہے اور قسم ہے اُس حادثہ کی جو آج آفتاب کے غروب کے بعد نازل ہوگا۔اور مجھے سمجھا یا گیا کہ یہ الہام بطور عزا پُرسی خدا تعالیٰ کی طرف سے ہے اور حادثہ یہ ہے کہ آج ہی تمہارا والد آفتاب کے غروب کے بعد فوت ہوجائے گا…… اور میرے والد صاحب اسی دن بعد غروب آفتاب فوت ہوگئے۔‘‘ ؎۱ (کتاب البریّہ۔روحانی خزائن جلد ۱۳ صفحہ ۱۹۲تا۱۹۵حاشیہ) جون ۱۸۷۶ء ’’جب مجھے حضرت والد صاحب مرحوم کی وفات کی نسبت اللہ جل شانہٗ کی طرف سے یہ الہام ہوا جو میں نے ابھی ذکر کیا ہے تو بشریت کی و جہ سے مجھے خیال آیا کہ بعض وجوہ آمدن حضرت والد صاحب کی زندگی سے وابستہ ہیں پھر نہ معلوم کیا کیا ابتلاء ہمیں پیش آئے گا۔تب اُسی وقت یہ دوسرا الہام ہوا۔اَلَیْسَ اللّٰہُ بِکَا فٍ عَبْدَہٗ یعنی کیا خدا اپنے بندے کو کافی نہیں ہے اور اس الہام نے عجیب سکینت اور اطمینان بخشا اور فولادی میخ کی طرح میرے دل میں دھنس گیا۔پس مجھے اُس خدا ئے عزّوجلّ کی قسم ہے جس کے ہاتھ میں میری جان ہے کہ اس نے اپنے اس مبشّرانہ الہام کو ایسے طور سے مجھے سچا کرکے دکھلایا کہ میرے خیال اور گمان میں بھی نہ تھا۔میرا وہ ایسا متکفل ہوا کہ کبھی کسی کا باپ ہرگز ایسا متکفّل نہیں ہوگا۔‘‘ (کتاب البریّہ۔روحانی خزائن جلد ۱۳ صفحہ ۱۹۴، ۱۹۵ حاشیہ) ۱۸۷۶ء ’’بعض اوقات خواب یاکشف میں روحانی امور جسمانی شکل پر متشکل ہوکر مثل انسان نظر آجاتے ہیں۔مجھے یاد ہے کہ جب میرے والد صاحب غَفَرَ اللہُ لَہٗ جو ایک معزز رئیس اور اپنی نواح میں عزت کے ساتھ مشہور تھے انتقال کرگئے تو اُن کے فوت ہونے کے بعد دوسرے یا تیسرے روز ایک عورت نہایت خوبصورت خواب میں مَیں نے دیکھی جس کا حُلیہ ابھی تک میری آنکھوں کے سامنے ہے اور اُس نے بیان کیا کہ میرا نام راؔنی ہے اور مجھے اشارات سے کہا کہ میں اس گھر کی عزت اور وجاہت ہوں اور کہا کہ میں چلنے کو تھی مگر تیرے لئے رہ گئی۔‘‘ (ازالہ اوہام۔روحانی خزائن جلد ۳ صفحہ ۲۰۵، ۲۰۶)؎۲ فرمایا ’’رؤیا میں عورت سے مراد اقبال اور فتح مندی اور تائید ِ الٰہی ہوتی ہے۔‘‘ (بدر جلد ۲ نمبر ۲۴ مؤرخہ۱۴؍جون۱۹۰۶ ء صفحہ۲ کالم نمبر ۳) ۱ (نوٹ از سیّد عبد الحی) حضرت مرزا غلام مرتضیٰ صاحب کی وفات ۳ ؍جون ۱۸۷۶ء کو ہوئی تھی۔۲ دیکھئے الحکم مورخہ ۱۰ ؍جولائی ۱۹۰۴ء صفحہ ۱۲۔(عبد اللطیف بہاولپوری)

۱۸۷۶ء ’’انہیں دنوں میں مَیں نے ایک نہایت خوبصورت مرد دیکھا اور میں نے اسے کہا کہ تم ایک عجیب خوبصورت ہو۔تب اُس نے اشارہ سے میرے پر ظاہر کیا کہ میں تیرا بخت ِ بیدار ہوں۔اور میرے اس سوال کے جواب میں کہ تُو عجیب خوبصورت آدمی ہے اُس نے یہ جواب دیا کہ ہاں میں درشنی آدمی ہوں۔‘‘ (ازالہ اوہام۔روحانی خزائن جلد ۳ صفحہ ۲۰۶)؎۱ ۱۸۷۷ء ’’ مرزا اعظم بیگ سابق اکسٹرا اسسٹنٹ کمشنر نے ہمارے بعض بے دخل شرکاء کی طرف سے ہماری جائداد کی ملکیت میں حصہ دار بننے کے لئے ہم پر نالش دائر کی اور ہمارے بھائی مرزا غلام قادر صاحب مرحوم اپنی فتح یابی کا یقین رکھ کر جواب دہی میں مصروف ہوئے۔میں نے جب اس بارہ میں دعا کی تو خدائے علیم کی طرف سے مجھے الہام ہوا کہ اُجِیْبُ کُلَّ دُعَآئِکَ اِلَّا فِیْ شُرَکَآ ئِکَ؎۲ پس میں نے سب عزیزوں کو جمع کرکے کھول کر سنادیا کہ خدائے علیم نے مجھے خبر دی ہے کہ تم اس مقدمہ میں ہرگز فتح یاب نہ ہوگے اس لئے اس سے دست بردار ہوجانا چاہیے لیکن انہوں نے ظاہری وجوہات اور اسباب پر نظر کرکے اور اپنی فتح یابی کو متیقن خیال کرکے میری بات کی قدر نہ کی اور مقدمہ کی پیروی شروع کردی اور عدالت ماتحت میں میرے بھائی کو فتح بھی ہوگئی۔لیکن خدائے عالم الغیب کی وحی کے بر خلاف کس طرح ہوسکتا تھا بالآخر چیف کورٹ میں میرے بھائی کو شکست ہوئی اور اس طرح اس الہام کی صداقت سب پر ظاہر ہوگئی۔‘‘ (نزول المسیح۔روحانی خزائن جلد ۱۸ صفحہ ۵۹۰، ۵۹۱) ۱۸۷۷ء ’’میں تیری ساری دعائیں قبول کروں گا مگر شرکاء کے بارہ میں نہیں۔‘‘ (حقیقۃ الوحی۔روحانی خزائن جلد ۲۲ صفحہ ۲۵۴ ) ’’اُردو میں بھی الہام ہوا تھا جو یہی؎۳ فقرہ ہے۔اس الہام میں جس قدر خدا نے اپنے اس عاجز بندہ کو عزت دی ۱ دیکھئے البدر مورخہ ۱۶ جولائی ۱۹۰۴ء صفحہ ۴ و الحکم مورخہ ۱۰ جولائی ۱۹۰۴ء صفحہ ۱۲۔(سیّد عبد الحی ٔ) ۲ (نوٹ از مولانا جلال الدین شمسؓ) انجامِ آتھم۔روحانی خزائن جلد ۱۱ صفحہ ۱۸۱ میں یہ الہام یوں مرقوم ہے یَا اَحْـمَدُ اُجِیْبُ کُلَّ دُعَآئِکَ اِلَّا فِیْ شُـرَکَآئِکَ۔۳ (نوٹ از حضرت مرزا بشیر احمدؓ)’’یہی ‘‘ کے لفظ سے مراد الہام ’’اُجِیْبُ کُلَّ دُعَآئِکَ اِلَّا فِیْ شُرَکَآئِکَ ‘‘ کا ترجمہ (میں تیری ساری دعائیں قبول کروں گا مگر شرکاء کے بارہ میں نہیں) ہے جسے حضورؑنے حقیقۃالوحی۔روحانی خزائن جلد ۲۲ صفحہ ۲۵۴کے متن میں درج فرمایا ہے اور وہیں سے لے کر یہاں درج کیا گیا ہے۔

دی ہے وہ ظاہر ہے۔ایسا فقرہ مقام محبت میں استعمال ہوتا ہے اورخاص شخص کے لئے استعمال ہوتا ہے ہر ایک کے لئے استعمال نہیں ہوتا ہے۔‘‘ (حقیقۃ الوحی۔روحانی خزائن جلد ۲۲صفحہ۲۵۴ حاشیہ) ۱۸۷۷ء ’’ تخمیناً پندرہ یاسولہ سال کا عرصہ گذرا ہوگا یا شاید اس سے کچھ زیادہ ہوکہ اِس عاجز نے اسلام کی تائید میں آریوں کے مقابل پر ایک عیسائی کے مطبع میں جس کا نام رلیا رام تھا اور وہ وکیل بھی تھا اور امرتسر میں رہتا تھا اور اُس کا ایک اخبار بھی نکلتا تھا ایک مضمون بغرض طبع ہونے کے ایک پیکٹ کی صورت میں جس کی دونوں طرفیں کھلی تھیں، بھیجا، اور اُس پیکٹ میں ایک خط بھی رکھ دیا۔چونکہ خط میں ایسے الفاظ تھے جن میں اسلام کی تائید اور دوسرے مذاہب کے بطلان کی طرف اشارہ تھا اور مضمون کے چھاپ دینے کے لئے تاکید بھی تھی اس لئے وہ عیسائی مخالفت ِ مذہب کی و جہ سے افروختہ ہوا اور اتفاقاً اُس کو دشمنانہ حملہ کے لئے یہ موقع ملا کہ کسی علیحدہ خط کا پیکٹ میں رکھنا قانوناً ایک جرم تھا جس کی اس عاجز کو کچھ بھی اطلاع نہ تھی اور ایسے جرم کی سزا میں قوانین ڈاک کے رُو سے پانسو روپیہ جرمانہ یا چھ ماہ تک قید؎۱ہے۔سو اس نے مخبر بن کر افسرانِ ڈاک سے اس عاجز پر مقدمہ دائر کرادیا اور قبل اس کے جو مجھے اِس مقدمہ کی کچھ اطلاع ہو رؤیامیں اللہ تعالیٰ نے میرے پر ظاہر کیا کہ رلیا رام وکیل نے ایک سانپ میرے کاٹنے کے لئے مجھ کو بھیجا ہے اور میں نے اُسے مچھلی کی طرح تل کر واپس بھیج دیا ہے۔میں جانتا ہوں کہ یہ اِس بات کی طرف اشارہ تھا کہ آخر وہ مقدمہ جس طرز سے عدالت میں فیصلہ پایا وہ ایک ایسی نظیر ہے جو وکیلوں کے کام میں آسکتی ہے۔غرض میں اِس جرم میں صدر ضلع گورداسپورہ میں طلب کیا گیا اور جن جن وکلاء سے مقدمہ کے لئے مشورہ لیا گیا اُنہوں نے یہی مشورہ دیا کہ بجز دروغ گوئی کے اور کوئی راہ نہیں اور یہ صلاح دی کہ اِس طرح اظہار دے دو کہ ہم نے پیکٹ میں خط نہیں ڈالا رلیا رام نے خود ڈال دیا ہوگا اور نیز بطور تسلی دہی کےکہا کہ ایسا بیان کرنے سے شہادت پرفیصلہ ہوجائے گا اور دو چار جھوٹے گواہ دے کر بریّت ہوجائے گی ورنہ صورت مقدمہ سخت مشکل ہے اور کوئی طریق رہائی نہیں مگر میں نے اُن سب کو جواب دیا کہ میں کسی حالت میں راستی کو چھوڑنا نہیں چاہتا جو ہوگا سو ہوگا۔تب اُسی دن یا دوسرے دن مجھے ایک انگریز کی عدالت میں پیش کیا گیا اور میرے مقابل پر ۱ (نوٹ از مولانا عبد اللطیف بہاولپوری) جس زمانہ کا یہ واقعہ ہے اُس زمانہ میں یہ قانون تھا۔دیکھئے ۱۸۶۶ء کے ایکٹ نمبر ۱۴ دفعہ ۱۲، ۵۶ اور نیز گورنمنٹ آف انڈیا کے نوٹیفیکیشن نمبر ۲۴۲۴ مورخہ ۷؍دسمبر ۱۸۷۷ء دفعہ ۴۳۔

·

آج 10 میں سے 10 باقی