تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 10
Urdu text of the edition of the Ahmadiyya Muslim Jamaat.
ہے وہ مجھے دی گئی اور چار لڑکے مجھے عطا کئے گئے۔‘‘ (تریاق القلوب۔روحانی خزائن جلد ۱۵ صفحہ ۲۰۳، ۲۰۴) ۱۸۸۴ء ’’اِنَّ اللّٰہَ بَشَّرَنِیْ فِیْ اَبْنَائِیْ بَشَارَۃً بَعْدَ بَشَارَۃٍ حَتّٰی بَلَّغَ عَدَ دَ ھُمْ اِلٰی ثَلٰثَۃٍ وَ اَنْبَاَنِیْ بِـھِمْ قَبْلَ وُجُوْ دِھِمْ بِا۔لْاِلْھَامِ۔‘‘؎۱ (انجام آتھم۔روحانی خزائن جلد ۱۱ صفحہ ۱۸۲) ۳۰؍ دسمبر ۱۸۸۴ء ’’ اِنِّیْ فَضَّلْتُکَ عَلَی الْعَالَمِیْنَ۔قُلْ اُرْسِلْتُ اِلَیْکُمْ جَـمِیْعًا‘‘۔؎۲ (از مکتوب بنام حاجی محمد ولی اللہ صاحب آف کپورتھلہ۔مکتوبات احمد جلد ۱ صفحہ ۳۹۸ مطبوعہ ۲۰۰۸ء) اوائل مارچ ۱۸۸۵ء ’’مصنّف کو اس بات کا بھی علم دیا گیا ہے کہ وہ مجدّدِ وقت ہے اور روحانی طور پر اُس کے کمالات مسیح بن مریم کے کمالات سے مشابہ ہیں اور ایک کو دوسرے سے بشدّت مناسبت و مشابہت ہے اور اس کو خواص انبیاء و رسل کے نمونہ پر محض بہ برکت ِ متابعت حضرت خیر البشر و افضل الرسل صلی اللہ علیہ و آلہٖ وسلم اُن بہتوں پر اکابر اولیاء سے فضلیت دی گئی ہے کہ جو اس سے پہلے گذرچکے ہیں اور اُس کے قدم پر چلنا موجب نجات و سعادت و برکت اور اس کے برخلاف چلنا موجب بُعد وحرمان ہے۔‘‘ (اشتہار ضمیمہ سُرمہ چشم آریہ۔روحانی خزائن جلد ۲ صفحہ ۳۲۰) ۸؍ مارچ ۱۸۸۵ء ’’عاجز مؤلف براہین احمدیہ حضرت قادر مطلق جلّ شانہ کی طرف سے مامور ہوا ہے کہ نبی ناصری اسرائیلی (مسیح) کی طرز پر کمال مسکینی فروتنی و غربت و تذلّل و تواضع سے اصلاح خلق کے لئے کوشش کرے… اس لئے یہ قرار پایا ہے کہ بالفعل بغرضِ اتمام حجت یہ خط… مع اشتہار انگریزی؎۳… شائع کیا جائے اور اُس کی ایک ایک کاپی بخدمت معز ز پادری صاحبان… اور بخدمت معزز برہمو صاحبان و آریہ صاحبان و نیچری صاحبان و حضرات مولوی صاحبان… ارسال کی جاوے۔۱ (ترجمہ از مرتّب) اللہ تعالیٰ نے مجھے اپنے بیٹوں کے بارہ میں بشارت کے بعد بشارت دی یہاں تک کہ ان کی تعداد تین تک پہنچائی اور مجھے ان کی پیدائش سے پہلے الہام کے ذریعہ ان کی خبر دی۔(نوٹ از مولانا جلال الدین شمسؓ) اس کے متعلق حضرت امّ المؤمنین رضی اللہ تعالیٰ عنہا کی روایت ہے۔فرمایا۔’’ جب میری شادی ہوئی اور میں ایک مہینہ قادیان ٹھہر کر پھر واپس دہلی گئی تو ان ایّام میں حضرت مسیح موعودؑ نے مجھے ایک خط لکھا کہ میں نے خواب میں تمہارے تین جوان لڑکے دیکھے ہیں۔‘‘ (سیرۃ المہدی جلد اوّل صفحہ ۶۶ مطبوعہ ۲۰۰۸ء) ۲ (ترجمہ از مرتّب) میں نے تجھ کو تمام جہانوں پر فضیلت دی۔کہہ میں تم سب کی طرف بھیجا گیا ہوں۔۳ (نوٹ از مولانا جلال الدین شمسؓ) یعنی اشتہار ضمیمہ سُرمہ چشم آریہ جو اُردو اور انگریزی دونوں زبانوں میں شائع ہوا۔
یہ تجویز نہ اپنے فکر و اجتہا دسے قرار پائی ہے بلکہ حضرت مولیٰ کریم کی طرف سے اس کی اجازت ہوئی ہے اور بطور پیشگوئی یہ بشارت ملی ہے کہ اس خط کے مخاطب (جو خط پہنچنے پر رجوع بحق نہ کریں گے) ملزم و لاجواب و مغلوب ہوجائیں گے۔‘‘ (مجموعہ اشتہارات جلد اوّل صفحہ ۳۰،۳۱ مطبوعہ ۲۰۱۸ء) ۶؍اپریل ۱۸۸۵ء ’’آج اسی وقت میں نے خواب دیکھا ہے کہ کسی ابتلاء میں پڑا ہوں اور میں نے اِنَّالِلّٰہِ وَ اِنَّـآ اِلَیْہِ رَاجِعُوْنَ کہا اور جو شخص سرکاری طور پر مجھ سے مؤاخذہ کرتا ہے میں نے اُس کو کہا کیا مجھ کو قید کریں گے یا قتل کریں گے۔اس نے کچھ ایسا کہا کہ انتظام یہ ہوا ہےکہ گرایا جائے گا۔مَیں نے کہا کہ میں اپنے خداوند تعالیٰ جلّ شانہٗ کے تصرّف میں ہوں۔جہاں مجھ کو بٹھائے گا بیٹھ جاؤں گا اور جہاں مجھ کو کھڑا کرے گا کھڑا ہوجاؤں گا اور یہ الہام ہوا۔یَدْعُوْنَ لَکَ اَ بْدَالُ الشَّامِ وَعِبَادُ اللّٰہِ مِنَ الْعَرَبِ یعنی تیرے لئے ابدال شام کے دُعا کرتے ہیں اور بندے خدا کے عرب میں سے دُعا کرتے ہیں۔خدا جانے یہ کیا معاملہ ہے اور کب اور کیوں کر اس؎۱کا ظہور ہو۔وَاللّٰہُ اَعْلَمُ بِالصَّوَابِ۔‘‘ (از مکتوب بنام میر عباس علی صاحب۔مکتوبات احمد جلد۱ صفحہ۶۰۷،۶۰۸ مطبوعہ ۲۰۰۸ء) ۱۰؍ جولائی ۱۸۸۵ء ’’ایک مرتبہ مجھے یا دہے کہ میں نے عالمِ کشف میں دیکھا؎۲کہ بعض احکام قضاء و قدر مَیں نے اپنے ہاتھ سے لکھے ہیں کہ آئندہ زمانہ میں ایسا ہوگا اور پھر اُس کو دستخط کرانے کے لئے خداوند ِ قادرِ مطلق جلّ شانہٗ کے سامنے پیش کیا ہے (اور یاد رکھنا چاہیے کہ مکاشفات اوررؤیاصالحہ میں اکثر ایسا ہوتا ہے کہ بعض صفاتِ جمالیہ یا جلالیہ الٰہیہ انسان کی شکل پر متمثل ہوکر صاحبِ کشف کو نظر آجاتے ہیں اور مجازی طور پر وہ یہی ۱ (نوٹ از مولانا جلال الدین شمسؓ) آج خطۂ شام اور ملک عرب اس الہام کی تصدیقی شہادت بصدائے عام کررہا ہے اور آج وہاں سلسلہ کی کئی جماعتیں قائم ہوگئی ہیں جو حضور اقدس کے کام میں ہاتھ بٹاتیں اور حضور پر درود اور سلام بھیجتی ہیں۔۲ (نوٹ از حضرت مرزا بشیر احمد ؓ) اس واقعہ کے متعلق حضرت مولوی عبداللہ صاحب سنوری رضی اللہ عنہ کی روایت جو انہوں نے شہادت کے طور پر اخبار الفضل جلد ۴ نمبر۲۴مورخہ۲۶؍ ستمبر۱۹۱۶ء میں شائع کرائی تھی درج ذیل ہے۔’’رمضان شریف میں یہ عاجز حاضر خدمت سراپا برکت تھا کہ آخری عشرہ میں ۲۷؍تاریخ کو جمعہ تھا۔اس جمعہ کی صبح کی نماز پڑھ کر حضرت اقدس حسب معمول حجرہ مذکور (یعنی مسجد مبارک کے ساتھ مشرق والا چھوٹا حجرہ) میں جاکر چارپائی پر لیٹ گئے اور یہ عاجز پاس بیٹھ کر حسب معمول پاؤں مبارک دبانے لگ گیا حتیٰ کہ آفتاب نکل آیا اور حجرہ میں بھی روشنی ہوگئی۔
خیال کرتا ہے کہ وہی خداوند قادرِ مطلق ہے اور یہ امر ارباب کشوف میں شائع و متعارف و معلوم الحقیقت ہے جس سے کوئی صاحب ِ کشف انکار نہیں کرسکتا) غرض وہی صفت جمالی جو بعالم کشف قوت ِمتخیلہ کے آگے ایسی دکھلائی بقیہ حاشیہ۔حضرت اقدس اس وقت کروٹ کے بل لیٹے ہوئے تھے اور منہ مبارک پر اپنا ہاتھ کہنی کی جگہ سے رکھا ہوا تھا۔میرے دل میں اس وقت بڑے سرور اور ذوق سے یہ خیالات موجزن تھے کہ میں کیا خوش نصیب ہوں کیا ہی عمدہ موقعہ اللہ سبحانہٗ تعالیٰ نے مجھے دیا ہے کہ مہینوں میں مہینہ مبارک رمضان شریف کا ہے اور تاریخ بھی جو ۲۷ ہے مبارک ہے۔اور عشرہ بھی مبارک ہے اور دن بھی جمعہ ہے جو نہایت مبارک ہے اور جس شخص کے پاس بیٹھا ہوں وہ بھی نہایت مبارک ہے اللہ اکبر کس قدر برکتیں آج میرے لئے جمع ہیں۔اگر خدا وند کریم اس وقت کوئی نشان حضرت اقدس کا مجھے دکھا دے تو کیا بعید ہے۔میں اسی سرور میں تھا اور پاؤں ٹخنہ کے قریب سے دبا رہا تھا کہ یکایک حضرت اقدس کے بدنِ مبارک پر لرزہ سا محسوس ہوا اور اس لرزہ کے ساتھ ہی حضور نے اپنا ہاتھ مبارک منہ پر سے اُٹھا کر میری طرف دیکھا۔اُس وقت آپ کی آنکھوں میں آنسو بھرے ہوئے تھے شاید جاری بھی تھے اور پھر اسی طرح منہ پر ہاتھ رکھ کر لیٹے رہے جب میری نظر ٹخنہ پر پڑی تو اُس پر ایک قطرہ سُرخی کا جو پھیلا ہوا نہیں بلکہ بستہ تھا مجھے دکھلائی دیا۔مَیں نے اپنی شہادت کی انگلی کا پھول اُس قطرہ پر رکھا تو وہ پھیل گیا اور سُرخی میری اُنگلی کو بھی لگ گئی۔اس وقت میں حیران ہوا اور میرے دل میں یہ آیت گذری۔صِبْغَۃَ اللّٰہِ وَمَنْ اَحْسَنُ مِنَ اللّٰہِ صِبْغَۃً۔نیز یہ بھی دل میں گذرا کہ اگر یہ اللہ کا رنگ ہے تو اس میں شاید خوشبو بھی ہو۔چنانچہ میں نے اپنی انگلی سونگھی مگر خوشبو وغیرہ کچھ نہ تھی۔پھر میں ٹخنہ کی طرف سے کمر کی طرف دبانے لگا۔تو حضرت اقدس کے کُرتہ پر بھی چند داغ سُرخی کے گیلے گیلے دیکھے۔مجھ کو نہایت تعجب ہوا اور میں وہاں سے اُٹھ کھڑا ہوا اور حجرہ کی ہر جگہ کو خوب اچھی طرح دیکھا مگر مجھے سُرخی کا کوئی نشان حجرہ کے اندر نہ ملا۔آخر حیران سا ہوکر بیٹھ گیا اور بدستور پاؤں دبانے لگ گیا۔حضرت صاحب منہ پر ہاتھ رکھے لیٹے رہے۔تھوڑی دیر کے بعد حضور اُٹھ کر بیٹھ گئے اور پھر مسجد مبارک میں آکر بیٹھ گئے یہ عاجز بدستور پھر کمر وغیرہ دبانے لگ گیا۔اس وقت میں نے حضور سے عرض کی کہ حضور پر یہ سرخی کہاں سے گری۔پہلے تو ٹال دیا پھر اس عاجز کے اصرار پر وہ سارا واقعہ بیان فرمایا جس کو حضرت اقدس تفصیل کے ساتھ اپنی کتابوں میں درج فرماچکے ہیں مگر بیان کرنے سے پہلے اس عاجز کو رؤیت باری تعالیٰ کا مسئلہ اور کشفی امور کا خارج میں وجود پکڑنا حضرت محی الدین عربی کے واقعات سنا کر خوب اچھی طرح سے ذہن نشین کرادیا تھا کہ اس جہان میں کاملین کو بعض صفاتِ الٰہیہ جمالی یا جلالی متمثل ہوکر دکھلائی دی جاتی ہیں۔پھر حضرت اقدس نے مجھے فرمایا کہ آپ کے کپڑوں پر بھی کوئی قطرہ گرا۔میں نے اپنے کپڑے اِدھر اُدھر سے دیکھ کر عرض کیاکہ حضرت میرے پر تو کوئی قطرہ نہیں ہے فرمایا اپنی ٹوپی پر (جو سفید ململ کی تھی) دیکھو۔میں نے ٹوپی اُتار کر دیکھی تو ایک قطرہ اس پر بھی تھا۔مجھے اس وقت بہت ہی خوشی ہوئی کہ میرے پر بھی ایک قطرہ خدا کی روشنائی کا گرا۔اس عاجز نے وہ کُرتہ جس پر سُرخی گری تھی تبرکاًحضرت اقدس سے باصرار تمام لے لیا اس عہد پر کہ میں وصیت کر جاؤں گا کہ میرے کفن کے ساتھ دفن
دی تھی جو خداوند قادر مطلق ہے اُس ذاتِ بے چون و بے چگون کے آگے وہ کتاب قضاء وقدر پیش کی گئی اور اُس نے جو ایک حاکم کی شکل پر متمثّل تھا اپنے قلم کو سُرخی کی دوات میں ڈبو کر اوّل اُس سُرخی کو اِس عاجز کی طرف چھڑکا اور بقیہ سُرخی کا قلم کے مونہہ میں رہ گیا اُ س سے اُس کتاب پر دستخط۱؎کردیئے اور ساتھ ہی وہ حالت کشفیہ دُور ہوگئی اور آنکھ کھول کر جب خارج میں دیکھا تو کئی قطرات سُرخی کے تازہ بتازہ کپڑوں پر پڑے چنانچہ ایک صاحب عبداللہ نام جو سنور ریاست پٹیالہ کے رہنے والے تھے اور اُس وقت اس عاجز کے پاس نزدیک ہوکر بیٹھے ہوئے تھے دو یا تین قطرہ سُرخی کے اُن کی ٹوپی پر پڑے۔پس وہ سُرخی جو ایک امر کشفی تھا وجود خارجی پکڑ کر نظر آگئی۔اسی طرح اور کئی مکاشفات میں جن کا لکھنا موجب تطویل ہےمشاہدہ کیا گیا ہے۔‘‘ (سرمہ چشم آریہ۔روحانی خزائن جلد ۲ صفحہ ۱۷۹، ۱۸۰ حاشیہ) ۱۸۸۵ء ’’میں نے دیکھا کہ خدا تعالیٰ کی عدالت میں ہوں اور منتظر ہوں کہ میرا مقدّمہ بھی ہو اتنے میں جواب ملا۔اِصْبِرْ سَنَفْرُغُ یَـا مِرْزَا ؎۲ پھر ایک بار دیکھا کہ کچہری میں گیا ہوں تو اللہ تعالیٰ ایک حاکم کی صورت پر عدالت کی کُرسی پر بیٹھا ہے اور ایک سر رشتہ دار کے ہاتھ میں ایک مثل ہے جو وہ پیش کررہا ہے۔حاکم نے مثل دیکھ کر کہا کہ مرزا حاضر ہے۔تو میں بقیہ حاشیہ۔کردیا جاوے۔کیونکہ حضرت اقدس اس و جہ سے اُسے دینے سے انکار کرتے تھے کہ میرے اور آپ کے بعد اس سے شرک پھیلے گا اور لوگ اس کو زیارت گاہ بنا لیں گے۔اور اس کی پُوجا شروع ہوجائے گی۔غرض کہ بہت ردّ و قدح کے بعد دیا جو میرے پاس اس وقت تک موجود ہے اور سُرخی کے نشان اس وقت تک بلا کم و کاست بعینہٖ موجود ہیں۔یہ ہے سچی عینی شہادت! اگر میں نے جھوٹ بولا ہو تو لَعْنَۃُ اللہِ عَلَی الْکَاذِ۔بِـیْنَ کی وعید کافی ہے میں خدا کو حاضر ناظر جان کر اور اُسی کی قسم کھا کر کہتا ہوں کہ جو کچھ میں نے لکھا ہے سراسر سچ ہے۔اگر جھوٹ بولا ہو تو مجھ پر خدا کی لعنت! لعنت!! لعنت!!! مجھ پر خد اکا غضب! غضب!!غضب!!! عاجز عبداللہ سنوری‘‘ ۱ حضرت مسیح موعود علیہ السلام تحریر فرماتے ہیں۔’’چونکہ عین آریہ صاحبوں کے مقابل پر یہ نشان ظاہر ہوا تھا اس لئے میرے خیال میں یہ پنڈت لیکھرام کے مارے جانے کی طرف اشارہ تھا اور طاعون کے وقوع کی طرف بھی اشارہ تھا۔‘‘ (نسیم دعوت۔روحانی خزائن جلد ۱۹ صفحہ ۴۲۷ حاشیہ ) ۲ (ترجمہ از مرتّب) مرزا! ذرا ٹھہرو ہم ابھی فارغ ہوتے ہیں۔
نے غور سے دیکھا کہ اللہ تعالیٰ کے پاس ایک خالی کرسی پڑی ہے مجھے اُس پر بیٹھنے کا اشارہ کیا اور پھر میں بیدار ہوگیا۔‘‘ (الحکم جلد۷ نمبر۵ مورخہ۷ فروری۱۹۰۳ء صفحہ۱۴ کالم نمبر ۲ و البدر جلد۲ نمبر۶ مورخہ۲۷ فروری ۱۹۰۳ء صفحہ ۴۲ کالم نمبر۱) ۵؍ اگست ۱۸۸۵ء ’’مرزا امام الدین و نظام الدین کی نسبت مجھے الہام ہوا ہے کہ اکتیس ماہ تک اُن پر ایک سخت مصیبت پڑے گی۔ان کے اہل و عیال و اولاد میں سے کسی مرد یا کسی عورت کا انتقال ہوجائے گا۔جس سے اُن کو سخت تکلیف اور تفرقہ پہنچے گا۔آج ہی کی تاریخ کے حساب جو تئیس۲۳ ساون مطابق۵؍اگست ۱۸۸۵ء ہے، یہ واقعہ ظہور میں آئے گا؎۱۔مرقوم۵؍اگست۱۸۸۵ء۔‘‘ (اعلان مورخہ ۲۰؍ مارچ۱۸۸۸ء۔مجموعہ اشتہارات جلد ۱ صفحہ ۱۶۲ مطبوعہ ۲۰۱۸ء) ۱۸۸۵ء (الف) ’’ قریباً چودہ برس کا عرصہ گذرا ہے کہ میں نے خواب میں دیکھا تھا کہ میری اس بیوی؎۲ کو چوتھا لڑکا پیدا ہوا ہےاور تین پہلے موجود ہیں اور یہ بھی خواب میں دیکھا تھا کہ اس پسر چہارم کا عقیقہ بروز دو شنبہ یعنی پیر ہوا ہے۔اور جس وقت یہ خواب دیکھی تھی اس وقت ایک بھی لڑکا نہ تھا۔یعنی کوئی بھی نہیں تھا اور خواب میں دیکھا تھا کہ اس بیوی سے میرے چار لڑکے ہیں اور چاروں میری نظر کے سامنے موجود ہیں اور چھوٹے لڑکے کا عقیقہ پیر کو ہوا ہے۔اب جبکہ یہ لڑکا یعنی مبارک احمد پیدا ہوا تو وہ خواب بھول گئے اور عقیقہ اتوار کے دن مقرر ہوا لیکن خدا کی قدرت ہے کہ اس قدر بارش ہوئی کہ اتوار میں عقیقہ کا سامان نہ ہوسکا اور ہر طرف سے حارج پیش آئے۔ناچار پیر کے دن عقیقہ قرار پایا پھر ساتھ یاد آیا کہ قریباً چودہ برس گذر گئے کہ خواب میں دیکھا تھا کہ ایک چوتھا لڑکا پیدا ہوگا اور اس کا عقیقہ پیر کے دن ہوگا۔تب وہ اضطراب ایک خوشی کے ساتھ مبدّل ہوگیا کہ کیوں کر خدا تعالیٰ نے اپنی بات کو پورا کیااور ہم سب زور لگار ہے تھے کہ عقیقہ اتوار کے دن ہو مگر کچھ بھی پیش نہ گئی اور عقیقہ پیر کو ہوا۔یہ پیشگوئی بڑی بھاری تھی کہ اس چودہ برس کے عرصہ میں یہ پیشگوئی کہ چار لڑکے پیدا ہوں گے اور پھر چہارم کا عقیقہ پیر کے دن ہوگا۔انسان کو یہ بھی معلوم نہیں کہ اس مدت تک کہ چار لڑکے پیدا ہوسکیں، زندہ بھی رہیں یہ خدا کے کام ہیں مگر افسوس کہ ہماری قوم دیکھتی ہے پھر آنکھ بند کرلیتی ہے۔‘‘ (از مکتوب بنام سیٹھ عبدالرحمٰن صاحبؓ مدراسی۔مکتوبات احمدجلد ۲ صفحہ ۳۹۷ مطبوعہ ۲۰۰۸ء) ۱ حضرت مسیح موعود علیہ السلام تحریر فرماتے ہیں۔’’چنانچہ عین اکتیسویں مہینہ کے درمیان مرزا نظام الدین کی دختر یعنی مرزا امام الدین کی بھتیجی بعمر (پچیس )سال ایک بہت چھوٹا بچہ چھوڑ کر فوت ہوگئی۔‘‘ (مجموعہ اشتہارات جلد اوّل صفحہ ۱۶۲ مطبوعہ ۲۰۱۸ء) ۲ حضرت اُمّ المؤمنین رضی اللہ تعالیٰ عنہا۔(شمس)
(ب)’’عرصہ چوداں برس کا ہوا ہے کہ ایک خواب آئی تھی کہ چار لڑکے ہوں گے اور چوتھے لڑکے کا عقیقہ پیر کے دن ہوگا۔‘‘ (از مکتوب بنام ڈاکٹر خلیفہ رشید الدین صاحب۔مکتوبات احمد جلد ۴ صفحہ ۲۱۹ مطبوعہ ۲۰۱۵ء) ۱۸۸۵ء ’’میاں عبداللہ سنوری جو علاقہ پٹیالہ میں پٹواری ہیں ایک مرتبہ ان کو ایک کام پیش آیا جس کے ہونے کے لئے انہوں نے ہر طرح سے کوشش کی اور بعض وجوہ سے ان کو اس کام کے ہوجانے کی امید بھی ہوگئی تھی۔پھر انہوں نے دعا کے لئے ہماری طرف التجا کی۔ہم نے جب دعا کی تو بلاتوقف الہام ہوا۔’’ اے بسا آرزو کہ خاک شدہ‘‘۱؎ تب میں نے ان کو کہہ دیا کہ یہ کام ہرگز نہیں ہوگا اور وہ الہام سنا دیا اور آخرکار ایسا ظہور میں آیا اور کچھ ایسے موانع پیش آئے کہ وہ کام ہوتا ہوتا رہ گیا۔‘‘ (نزول المسیح۔روحانی خزائن جلد ۱۸صفحہ ۶۱۲) ۲۸؍نومبر۱۸۸۵ء ’’۲۸ نومبر۱۸۸۵ء کی رات کو یعنی اُس رات کو جو ۲۸نومبر۱۸۸۵ء کے دن سے پہلے آئی ہے اس قدر شہب کا تماشا آسمان پر تھا جو میں نے اپنی تمام عمر میں اس کی نظیر کبھی نہیں دیکھی اور آسمان کی فضا میں اس قدر ہزار ہا شعلے ہر طرف چل رہے تھے جو اُس رنگ کا دنیا میں کوئی بھی نمونہ نہیں تا میں اُس کو بیان کرسکوں۔مجھ کو یاد ہے کہ اُس وقت یہ الہام بکثرت ہوا تھا کہ مَا رَمَیْتَ اِذْ رَمَیْتَ وَلٰکِنَّ اللّٰہَ رَمٰی ؎۲ سو اُس رمی کو رمیِ شہب سے بہت مناسبت تھی۔یہ شہبِ ثاقبہ کا تماشا جو۲۸نومبر۱۸۸۵ء کی رات کو ایسا وسیع طور پر ہوا جو یورپ اور امریکہ اور ایشیا کے عام اخباروں میں بڑی حیرت کے ساتھ چھپ گیا لوگ خیال کرتے ہوں گے کہ یہ بے فائدہ تھا لیکن خداوند کریم جانتا ہے کہ سب سے زیادہ غور سے اس تماشا کے دیکھنے والا اور پھر اس سے حظ اور لذّت اُٹھانے والا میں ہی تھا۔میری آنکھیں بہت دیر تک اس تماشا کے دیکھنے کی طرف لگی رہیں اور وہ سلسلہ رمی شہب کا شام سے ہی شروع ہوگیا تھا جس کو میں صرف الہامی بشارتوں کی و جہ سے بڑے سرور کے ساتھ دیکھتا رہا کیونکہ میرے دل میں الہاماً ڈالا گیا تھا کہ یہ تیرے لئے نشان ظاہر ہوا ہے۔اور پھر اُس کے بعد یورپ کے لوگوں کو وہ ستارہ دکھائی دیا جو حضرت مسیح کے ظہو رکے وقت میں نکلا تھا۔۱ (ترجمہ از ناشر) افسوس بہت سی آرزوئیں ہیں جو خاک میں مل گئیں۔۲ (ترجمہ) ’’جو کچھ تونے چلایا وہ تونے نہیں چلایا بلکہ خدا نے چلایا۔‘‘ (حقیقۃ الوحی۔روحانی خزائن جلد ۲۲ صفحہ ۷۳)
میرے دل میں ڈالا گیا کہ یہ ستارہ بھی تیری صداقت کے لئے ایک دوسر انشان ہے۔‘‘ (آئینہ کمالات اسلام۔روحانی خزائن جلد ۵صفحہ۱۱۰ ، ۱۱۱ حاشیہ) نومبر۱۸۸۵ء (الف) ’’ہم پر خود اپنی نسبت اپنے بعض جدّی اقارب کی نسبت، اپنے بعض دوستوں کی نسبت اور بعض اپنے فلاسفر قومی بھائیوں کی نسبت کہ گو یا نجم الہند؎۱ہیں اور ایک دیسی امیر نووارد؎۲پنجابی الاصل ۱ حضرت مسیح موعود علیہ السلام تحریر فرماتے ہیں۔(الف) ’’وہ پیشگوئی بھی بڑی ہیبت کے ساتھ پوری ہوئی اور یک دفعہ ناگہانی طور سے ایک شریر انسان کی خیانت سے ڈیڑھ لاکھ روپے کے نقصان کا آپ کو صدمہ پہنچا… آپ نے اس غم سے تین دن روٹی نہیں کھائی… ایک مرتبہ غشی بھی ہوگئی۔‘‘ (اشتہار۳؎۱۲؍مارچ۱۸۹۷ء مجموعہ اشتہارات جلد ۲ صفحہ ۲۲۷ مطبوعہ ۲۰۱۸ء) (ب) ’’اخیر عمر میں سید صاحب کو ایک جوان بیٹے کی موت کا جانکاہ صدمہ پہنچا۔‘‘ (نزول المسیح۔روحانی خزائن جلد ۱۸صفحہ ۵۶۹) ۲ حضرت مسیح موعود علیہ السلام تحریر فرماتے ہیں۔(الف) ’’ ہم نے صد ہا ہندوؤں اور مسلمانوں کو مختلف شہروں میں بتلادیا تھا کہ اس شخص پنجابی الاصل سے مراد دلیپ سنگھ ہے جس کی پنجاب میں آنے کی خبر مشہورہورہی ہے لیکن اس ارادہ سکونت پنجاب میں وہ ناکام رہے گا بلکہ اس سفر میں اُس کی عزت و آسائش یا جان کا خطرہ ہے… بالآخر اُس کو مطابق اِسی پیشگوئی کے بہت حرج اور تکلیف اور سُبکی اور خجالت اُٹھانی پڑی اور اپنے مدّعا سے محروم رہا۔‘‘ (اشتہار محکّ اخیار و اشرار ضمیمہ سرمہ چشم آریہ۔روحانی خزائن جلد ۲صفحہ ۳۱۸) (ب) ’’دلیپ سنگھ عدن سے واپس۴؎ ہوا اور اس کی عزت و آسائش میں بہت خطرہ پڑا جیسا کہ میں نے صدہا آدمیوں کو خبر دی تھی۔‘‘ (نزول المسیح۔روحانی خزائن جلد ۱۸ صفحہ ۶۰۴) (ج) ’’وہ فقرہ اشتہار۲۰فروری۱۸۸۶ء جس میں لکھا ہے کہ ایک امیر نووارد پنجابی الاصل کی نسبت متوحش خبریں، اس سے مراد دلیپ سنگھ ہے۔ایسا ہی یہ خبر جابجا صدہا ہندوؤں اور مسلمانوں کو جو پانچ سو سے کسی قدر زیادہ ہی ہوں گے کئی شہروں میں پیش از وقوع بتلائی گئی تھی اور اشتہارات ۲۰فروری۱۸۸۶ء بھی دُور دُور ملکوں تک تقسیم کئے گئے تھے۔پھر آخر کار جیسا کہ پیش از وقوع بیان کیا گیا اور لکھا گیا تھا وہ سب باتیں دلیپ سنگھ کی نسبت پوری ہوگئیں۔‘‘ (سرمہ چشم آریہ۔روحانی خزائن جلد ۲ صفحہ ۲۳۶) ۳ اس اشتہار میں سرسید احمد خان صاحب مخاطب ہیں۔(عبد اللطیف بہاولپوری) ۴ (نوٹ از حضرت مرزا بشیر احمد ؓ) اخبار ریاضؔ ہند امرت سر مطبوعہ۳؍مئی۱۸۸۶ء میں صفحہ ۲۱۴ کالم نمبر۱ پر مہاراجہ دلیپ سنگھ صاحب کے عدنؔ میں رہ جانے کی خبر شائع ہوئی۔
کی نسبت بعض متوحش خبریں جو کسی کے ابتلا اور کسی کی موت و فوت اعِزّہ اور کسی کی خود اپنی موت پر دلالت کرتی ہیں جو انشاء اللہ القدیر بعد تصفیہ لکھی جائیں گی منجانب اللہ منکشف ہوئی ہیں۔‘‘ (اشتہار ۲۰فروری۱۸۸۶ء۔مجموعہ اشتہارات جلد ۱ صفحہ ۱۲۳،۱۲۴ مطبوعہ ۲۰۱۸ء) (ب) ’’ دلیپ سنگھ کی نسبت پیش از وقوع اُس کو؎۱ بتلایا گیا کہ مجھ کو کشفی؎۲طور پر معلوم ہوا ہےکہ پنجاب کا آنا اُس کے لئے مقدر نہیں۔یا تو یہ مرے گا اور یا ذلّت اور بے عزتی اُٹھائے گا اور اپنے مطلب سے ناکام رہے گا۔‘‘ (شحنہ حق۔روحانی خزائن جلد ۲ صفحہ ۳۸۲) ۱۸۸۶ء (الف) ’’خداوند کریم جلّ شانہٗ نے اُس شہر کا نام بتادیا ہے کہ جس میں کچھ مدت بطور خلوت رہنا چاہیے اور وہ ہوشیارپور؎۳ہے۔(از مکتوب بنام چوہدری رستم علی صاحبؓ مکتوبات احمد جلد ۲ صفحہ ۴۷۲ مطبوعہ ۲۰۰۸ء) (ب) ’’ حضرت مسیح موعود علیہ الصلوٰۃ والسلام کا ایک الہام مشہو رہوچکا ہے… بایں الفاظ یا بایں معنی ایک معاملہ کی عقدہ کشائی ہوشیار پور میں ہوگی۔‘‘ (بدر جلد ۶ نمبر ۳۶ مورخہ۵ستمبر۱۹۰۷ء صفحہ ۱۰) ۱ لالہ شرمپت کو۔(شمس) ۲ (نوٹ از مولانا جلال الدین شمسؓ) مولوی جمال الدین صاحبؓ سکنہ سیکھواں ضلع گورداسپور کی روایت سے معلوم ہوتا ہے کہ یہ کشف حضور کو ماہ نومبر۱۸۸۵ء میں ہو اتھا۔لکھتے ہیں۔’’یہ خاکسار درماہ نومبر۱۸۸۵ء کو واسطے ملاقات جناب مرزا صاحب موصوف (حضرت مسیح موعود علیہ السلام) کے گیا اور اسی روز منجانب اللہ بابت مہاراجہ دلیپ سنگھ کے منکشف ہوا تھا وہ میرے پاس اور نیز کئی آدمی جو اس وقت موجود تھے ظاہر کیا کہ یہ لوگ آمدن دلیپ سنگھ صاحب کے (باعث)سرور و خوشی کررہے ہیں یہ ان کو سرور حاصل نہ ہوگا۔مجھ کو آج خدا کی طرف سے ظاہر ہوا ہے کہ جب وہ آئے گا بہت شدائد و مصائب اُٹھائے گا۔بلکہ یہاں تک اس وقت مرزا صاحب نے فرمایا کہ اس کی لاش ایک صندوق میں مجھ کو دکھلائی گئی ہے۔‘‘ (رجسٹر روایات صحابہ نمبر ۴ صفحہ ۱۵۵ روایت مولوی جمال الدین صاحب سیکھوانیؓ) ۳ (نوٹ از مولانا جلال الدین شمسؓ) میاں عبداللہ صاحب سنوریؓ کی روایت ہے کہ پہلے حضورؑ کا ارادہ چلّہ کشی کے لئے سوجان پور ضلع گورداسپور میں جانے کا تھا مگر بعد میں الہام ہوا کہ ’’تمہاری عقدہ کشائی ہوشیار پور میں ہوگی۔‘‘ (سیرۃ المہدی جلد اوّل صفحہ ۶۲ مطبوعہ ۲۰۰۸ء )
جنوری ۱۸۸۶ء (الف) ’’اِعْلَمْ اَنَّ زَوْجَۃَ اَحْـمَدَ وَ اَقَارِبَـھَا کَانُوْا مِنْ عَشِیْرَتِیْ۔وَ کَانُوْا لَا یَتَّخِذُوْنَ فِیْ سُبُلِ الدِّیْنِ وَتِیْرَتِیْ۔بَلْ کَانُوْا یَـجْتَرِءُوْنَ عَلَی السَّیِّئَاتِ۔وَاَنْوَاعِ الْبِدْعَاتِ۔وَکَانُوْا فِیْھَا مُفْرِطِیْنَ۔فَاُلْھِمْتُ مِنَ الرَّحْـمَانِ اَنَّہٗ مُعَذِّ بُـھُمْ لَوْ لَمْ یَکُوْنُوْا تَائِبِیْنَ۔وَقَالَ لِیْ رَبِّیْ اِنَّـھُمْ اِنْ لَّمْ یَتُوْبُوْا وَلَمْ یَرْجِعُوْا فَنُنَـزِّلُ عَلَیْـھِمْ رِجْسًا مِّنَ السَّمٰوَاتِ۔وَ نَـجْعَلُ دَارَھُمْ مَـمْلُوَّۃً مِّنَ الْاَرَامِلِ وَالثَّیِّبَاتِ۔وَنَتَوَفَّاہُمْ اَبَـاتِـرَ مَـخْذُ۔وْلِیْنَ وَ اِنْ تَـا۔بُوْا وَ اَصْلَحُوْا فَنَتُوْبُ عَلَیْـھِمْ بِـالرَّحْـمَۃِ۔وَنُغَیِّرُ مَا اَرَدْنَا مِنَ الْعُقُوْبَۃِ۔فَیَظْفَرُوْنَ بِـمَا یَبْتَغُوْنَ فَرِحِیْنَ۔فَنَصَحْتُ لَھُمْ اِتْـمَامًا لِّلْحُــجَّۃِ۔وَقُلْتُ اسْتَغْفِرُوْا رَبَّکُمْ ذِی الْمَغْفِرَۃِ۔فَـمَا سَـمِعُوْا کَلِمَاتِیْ۔وَ زَادُوْا فِیْ مُعَادَاتِیْ۔فَبَدَا لِیْ اَنَ اُشِیْعَ الْاِشْتِـھَارَ فِیْ ھٰذَا الْبَابِ۔لَعَلَّھُمْ یَتَّقُوْنَ وَ یَرْجِعُوْنَ اِلٰی طُرُقِ الصَّوَابِ۔وَلَعَلَّھُمْ یَکُوْنُوْنَ مِنَ الْمُسْتَغْفِرِیْنَ۔فَاَشَعْتُ الْاِ شْتِھَارَ۔وَاَنَـا فِیْ ھُشْیَارَ۔فَنَبَذُ وْہُ وَرَآءَظُھُوْرِھِمْ غَیْرَ مُبَالِیْنَ۔‘‘ ۱؎ (انجام آتھم۔روحانی خزائن جلد ۱۱صفحہ ۲۱۱ تا۲۱۳) ۱۸۸۶ء (الف) ’’ فَلَمَّا؎۲ لَمْ یَنْتَـھُوْا بِـھٰذَا الْاِشْتِـھَارِ۔وَلَمْ یَتْرُکُوْا طَرِیْقَ التَّبَارِ۔فَکَشَفَ اللّٰہُ ۱ (ترجمہ از مرتّب) جاننا چاہیے کہ احمد بیگ کی بیوی اور اس کے دیگر اقارب میرے رشتہ داروں میں سے تھے اور دینی امور کی راہوں میں میرا طریقہ اختیار نہیں کرتے تھے بلکہ وہ ہر قسم کی بدکرداریوں اور گوناگوں بدعتوں کا بڑی دلیری سے ارتکاب کرتے تھے اور اس بات میں حد سے بڑھے ہوئے تھے پس مجھے خدا تعالیٰ کی طرف سے الہاماًبتایا گیا کہ اگر انہوں نے توبہ نہ کی تو اللہ تعالیٰ اُن پر عذاب نازل کرے گا اور مجھے میرے پروردگار نے کہا کہ اگر ان لوگوں نے توبہ نہ کی اور اپنی بے راہیوں سے باز نہ آئے تو ہم اُن پر آسمان سے عذاب نازل کریں گے اور ان کے گھروں کو بیواؤں سے بھردیں گے اور انہیں ابتر، ذلیل حالت میں وفات دیں گے۔اوراگر انہوں نے توبہ کی اور اپنی اصلاح کی تو ہم رحمت کے ساتھ اُن کی طرف رجوع کریں گے اور سزا کے ارادہ کو تبدیل کردیں گے۔پس جو کچھ وہ چاہتے ہیں بخوشی خاطر دیکھیں گے۔اور میں نے اُن کو اتمام حجت کے لئے نصیحت کی اور کہا کہ خداوند غفور سے مغفرت چاہو مگر انہوں نے میری کوئی بات نہ سنی اور دشمنی میں اور بھی بڑھ گئے۔پھر میرے دل میں آیا کہ اس بارہ میں اشتہار شائع کروں تا یہ لوگ ڈریں اور راہ صواب کی طرف رجوع کریں اور خدا تعالیٰ سے بخشش چاہیں۔پس میں نے اشتہار شائع کردیا اور میں اس وقت ہوشیار پور میں تھا۔مگر انہوں نے اس اشتہار کو بےپرواہی سے پیٹھ کے پیچھے پھینک دیا۔۲ (ترجمہ از مرتّب) پھر جب وہ اس اشتہار سے نہ رُکے اور ہلاکت کی راہ کونہ چھوڑا تو اللہ تعالیٰ نے مجھ پر اس خاندان
عَلَـیَّ اُمُوْرًا لِتِلْکَ الْفِئَۃِ وَاَنَا بَیْنَ النَّوْمِ وَالْیَقْظَۃِ۔وَکَانَ ھٰذَا الْکَشْفُ تَفْصِیْلَ ذَالِکَ الْاِلْھَامِ فِی الْمَرَّۃِ الثَّانِیَۃِ۔وَ بَیَانُہٗ اَنِّیْ کُنْتُ اُرِیْدُ اَنْ اَرْقُدَ۔فَاِذَا تَـمَثَّلَتْ لِیْ اُمُّ زَوْجَۃِ اَحْـمَدَ۔وَرَاَیْتُھَا فِیْ شَانٍ اَحْزَنَنِیْ وَ اَرْجَدَ۔وَھُوَ اَنِّیْ وَجَدْتُّـھَا فِیْ فَزَعٍ شَدِیْدٍ عِنْدَالتَّلَاقِیْ۔وَعَبَرَاتُـھَا یَتَحَدَّرْنَ مِنَ الْمَاٰقِیْ۔فَقُلْتُ اَیَّتُـھَا الْمَرْءَۃُ تُوْبِیْ تُوْبِیْ فَاِنَّ الْبَلَآءَ عَلٰی عَقِبِکِ۔اَیْ عَلٰی بِنْتِکِ وَبِنْتِ بِنْتِکِ۔ثُمَّ تَنَزَّلْتُ مِنْ ھٰذَا الْمَقَامِ۔وَفُھِّمْتُ مِنْ رَّبِّیْ اَنَّہٗ تَفْصِیْلُ الْاِلْھَامِ السَّابِقِ مِنَ اللّٰہِ الْعَلَّامِ۔وَاُلْقِیَ فِیْ قَلْبِیْ فِیْ مَعْنَی الْعَقِبِ مِنَ الدَّیَّانِ۔اَنَّ الْمُرَادَ ھٰھُنَا بِنْتُـھَا وَ بِنْتُ بِنْتِـھَا لَا اَحَدٌ مِّنَ الصِّبْیَانِ۔وَنُفِثَ فِیْ رُوْعِیْ اَنَّ الْبَلَآءَ بَلَآءَانِ۔بَلَآءٌ عَلٰی بِنْتِـھَا وَ بَلَآءٌ عَلٰی بِنْتِ الْبِنْتِ مِنَ الرَّحْـمٰنِ وَ اِنَّـھُمَا مُتَشَابِـھَانِ مِنَ اللّٰہِ اَحْکَمِ الْـحَاکِمِیْنَ۔‘‘ (انجام آتھم۔روحانی خزائن جلد ۱۱صفحہ ۲۱۳،۲۱۴) (ب) ’’جنوری ۱۸۸۶ء میں بمقام ہوشیار پور ایک اور الہام عربی مرزا احمد بیگ؎۱ کی نسبت ہوا تھا۔جس کو ایک مجمع میں جس میں بابو الٰہی بخش صاحب اکونٹنٹ و مولوی برہان الدین صاحب جہلمی بھی موجود تھے، سنایا گیا تھا۔جس کی عبارت یہ ہے۔بقیہ ترجمہ۔کے متعلق چند امور ظاہر فرمائے جبکہ میں نیند اور بیداری کے بَین بَین تھا۔اور یہ کشف دوبارہ اس الہام کی تفصیل تھا جس کا واقعہ یوں ہے کہ جب میں سونے لگا تو احمد بیگ کی خوشدامن میرے سامنے متمثّل ہوئی۔میں نے اُسے جس حال میں دیکھا دیکھتے ہی میں غمگین ہوگیا اور میرا بدن لرز گیا۔بوقت ِ ملاقات میں نے اسے سخت گھبراہٹ میں پایا اور دیکھا کہ اس کی آنکھوں سے آنسو بہہ رہے تھے تب مَیں نے اُسے کہا اے عورت! توبہ کر۔توبہ کر۔کیونکہ تیری نسل پر مصیبت آنے والی ہے۔یعنی تیری بیٹی اور نواسی پر۔پھر مجھ پر سے وہ کشفی حالت جاتی رہی اور مجھے اپنے ربّ کی طرف سے تفہیم ہوئی کہ یہ خدائے علّام کی طرف سے پہلے الہام کی تفصیل ہے۔اور عقب کے معنی کے متعلق میرے دل میں خدا تعالیٰ کی طرف سے یہ ڈالا گیا کہ یہاں مراد اس کی بیٹی اور نواسی ہے نہ کوئی اور بچہ اور میرے دل میں یہ پھونکا گیا کہ بَلا سے مُراد دو۲ مصیبتیں ہیں ایک وہ مصیبت جو اس کی بیٹی پر آنے والی ہے اور دوسری وہ جو اُس کی نواسی پر آئے گی۔اور یہ دونوں خدائے احکم الحاکمین کی طرف سے باہم مشابہ ہیں۔۱ (نوٹ از مولانا جلال الدین شمسؓ) یعنی مرزا احمد بیگ ہوشیار پوری جن کے ساتھ حضرت مسیح موعود علیہ السلام کی چچازاد بہن بیاہی گئی تھیں جن کے بطن سے محمدی بیگم پیدا ہوئیں۔
رَأَیْتُ ھٰذِہِ الْمَرْأَ۔ۃَ وَ اَثَـرُ الْبُکَآءِ عَلٰی وَجْھِھَا فَقُلْتُ اَیَّتُـھَا الْمَرْءَۃُ تُوْبِیْ تُوْبِیْ فَاِنَّ الْبَلَآءَ عَلٰی عَقَبِکِ وَالْمُصِیْبَۃُ نَازِلَۃٌ عَلَیْکِ یَـمُوْتُ وَیَبْقٰی مِنْہُ کِلَابٌ مُتَعَدِّدَۃٌ۔‘‘۱؎ (اشتہار پانز ۱۵دہم جولائی۱۸۸۸ء۔مجموعہ اشتہارات جلد ۱ صفحہ۱۸۳ حاشیہ۔مطبوعہ ۲۰۱۸ء) ۲۰؍ فروری ۱۸۸۶ء ’’خدائے رحیم و کریم بزرگ و برتر نے جو ہریک چیز پر قادر ہے (جَلَّ شَانُہٗ وَ عَزَّ اِسْـمُہٗ) مجھ کو اپنے الہام سے مخاطب کرکے فرمایا کہ میں تجھے ایک رحمت کا نشان دیتا ہوں اسی کے موافق جو تونے مجھ سے مانگا۔سو میں نے تیری تضرّعات کو سنا اور تیری دُعاؤں کو اپنی رحمت سے بپایۂ قبولیت جگہ دی اور تیرے سفر کو (جو ہوشیار پور اور لدھیانہ کا سفر ہے) تیرے لئے مبارک کردیا۔سو قدرت اور رحمت اور قربت کا نشان تجھے دیا جاتا ہے۔فضل اور احسان کا نشان تجھے عطا ہوتا ہے اور فتح اور ظفر کی کلید تجھے ملتی ہے۔اے مظفر! تجھ پر سلام خدا نے یہ کہا تا وہ جو زندگی کے خواہاں ہیں موت کے پنجہ سے نجات پاویں اور وہ جو قبروں میں دبے پڑے ہیں باہر آویں اور تادین اسلام کا شرف اور کلام اللہ کا مرتبہ لوگوں پر ظاہر ہو اور تاحق اپنی تمام برکتوں کے ساتھ آجائے اور باطل اپنی تمام نحوستوں کے ساتھ بھاگ جائے اور تا لوگ سمجھیں کہ میں قادر ہوں جو چاہتا ہوں کرتا ہوں اور تا وہ یقین لائیں کہ میں تیرے ساتھ ہوں اور تا انہیں جو خدا کے وجود پر ایمان نہیں لاتے اور خدا اور خدا کے دین اور ا س کی کتاب اور اس کے پاک رسول محمد مصطفیٰؐ کو انکار اور تکذیب کی نگاہ سے دیکھتے ہیں ایک کھلی نشانی ملے اور مجرموں کی راہ ظاہر ہوجائے۔۱ (ترجمہ از مرتّب) میں نے اس عورت (یعنی مرزا احمد بیگ ہوشیار پوری کی ساس کو جو محمدی بیگم کی نانی اور مرزا امام الدین وغیرہ کی والدہ تھی) کو ایسے حال میں دیکھا کہ اس کے منہ پر گریہ و بُکا کے آثار تھے تب میں نے اُسے کہا کہ اے عورت! توبہ کر، توبہ کر کیونکہ بلا تیری نسل کے سر پر کھڑی ہے اور یہ مصیبت تجھ پر نازل ہونے والی ہے۔وہ شخص (یعنی مرزا احمد بیگ) مرے گا اور اس کی و جہ سے کئی سگ سیرت لوگ (پیدا ہوکر) پیچھے رہ جائیں گے۔
سو تجھے بشارت ہو کہ ایک وجیہ اور پاک لڑکا تجھے دیا جائے گا۔ایک زکی غلام(لڑکا) تجھے ملے گا۔وہ لڑکا تیرے ہی تخم سے تیری ہی ذرّیّت و نسل ہوگا۔خوبصورت پاک؎۱ لڑکا تمہارا مہمان آتا ہے اُس کانام عنموائیل اور بشیر بھی ہے۔اس کو مقدس رُوح دی گئی ہے اور وہ رِجس سے پاک ہے۔وہ نوراللہ ہے۔مبارک وہ جو آسمان سے آتا ہے۔اس کے ساتھ فضل؎۲ ہے جو اُس کےآنے کے ساتھ آئے گا۔؎۳ وہ صاحب ِ شکوہ اور عظمت اور دَولت ہوگا۔وہ دُنیا میں آئے گا اور اپنے مسیحی نفس اور رُوح الحق کی برکت سے بہتوں کو بیماریوں سے صاف کرے گا۔وہ کلمۃ اللہ ہے کیونکہ خدا کی ۱ حضرت مسیح موعود علیہ السلام تحریر فرماتے ہیں۔’’یہ عبارت کہ خوبصورت، پاک لڑکا تمہارا مہمان… جو آسمان سے آتا ہے یہ تمام عبارت… چند روزہ زندگی کی طرف اشارہ ہے کیونکہ مہمان وہی ہوتا ہے جو چند روز رہ کر چلا جاوے اور دیکھتے دیکھتے رخصت ہوجاوے اور بعد کا فقرہ مصلح موعود کی طرف اشارہ ہے اور اخیر تک اسی کی تعریف ہے… بیس۲۰ فروری۱۸۸۶ء کی پیش گوئی… ۲دو پیشگوئیوں پر مشتمل تھی جو غلطی سے ایک سمجھی گئی اور پھر بعد میں … الہام نے اس غلطی کو رفع کردیا۔‘‘ (از مکتوب بنام حضرت حکیم مولوی نور الدین صاحب ؓ۔مکتوبات احمد جلد ۲صفحہ ۷۵ مطبوعہ ۲۰۰۸ء) ۲ حضرت مسیح موعود علیہ السلام تحریر فرماتے ہیں۔’’بذریعہ الہام صاف طور پر کھل گیا ہے کہ… مصلح موعود کے حق میں جو پیشگوئی ہے وہ اِس عبارت سے شروع ہوتی ہے کہ اُس کے ساتھ فضل ہے کہ جو اُس کے آنے کے ساتھ آئے گا۔پس مصلح موعود کا نام الہامی عبارت میں فضل رکھا گیا اور نیز دوسرا نام اُس کا محمودؔ اور تیسرا نام اس کا بشیر ثانی بھی ہے اور ایک الہام میں اُس کا نام فضلِ عمر ظاہر کیاگیا ہے اور ضرور تھا کہ اُس کا آنا معرضِ التوا میں رہتا جب تک یہ بشیر جو فوت ہوگیا ہے پیدا ہوکر پھر واپس اُٹھایا جاتا کیونکہ یہ سب امور حکمت ِ الٰہیہ نے اُس کے قدموں کے نیچے رکھے تھے اور بشیر اوّل جو فوت ہوگیا ہے بشیر ثانی کے لئے بطور ارہاص تھا اِس لئے دونوں کا ایک ہی پیشگوئی میں ذکر کیا گیا۔‘‘ (سبز اشتہار۔روحانی خزائن جلد ۲ صفحہ ۴۶۷ حاشیہ) ۳ (نوٹ از مولانا عبد اللطیف بہاولپوری) رسالہ التبلیغ ملحقہ کتاب آئینہ کمالات اسلام میں مصلح موعود کے متعلق مزید اوصاف کا ذکر ہے۔’’ وَ الْفَضْلُ یَنْزِلُ بِنُزُوْلِہٖ۔وَ ھُوَ نُوْرٌ وَ مُبَارَکٌ وَ طَیِّبٌ وَ مِنَ الْمُطَھَّرِیْنَ۔یُفْشِی