تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 9
Urdu text of the edition of the Ahmadiyya Muslim Jamaat.
(براہین احمدیہ حصّہ چہارم۔روحانی خزائن جلد ۱ صفحہ ۶۲۴ تا ۶۲۶ حاشیہ در حاشیہ نمبر۳) ۹؍اکتوبر۱۸۸۳ء ’’آج رات کیا عجیب خواب آئی کہ بعض اشخاص ہیں جن کو اِس عاجز نے شناخت نہیں کیا وہ سبز رنگ کی سیاہی سے مسجد؎۱ کے دروازہ کی پیشانی پر کچھ آیات لکھتے ہیں۔ایسا سمجھا گیا ہے کہ فرشتے ہیں اور سبز رنگ اُن کے پاس ہے جس سے وہ بعض آیات تحریر کرتے ہیں اور خط ِریحانی میں جو پیچان اورمسلسل ہوتا ہے لکھتے جاتے ہیں۔تب اس عاجز نے اُن آیات کو پڑھنا شروع کیا جن میں سے ایک آیت یاد رہی اور وہ یہ ہے۔لَا رَآ دَّ لِفَضْلِہٖ۔اور حقیقت میں خدا کے فضل کو کون روک سکتا ہے۔جس عمارت کو وہ بنانا چاہے اس کو کون مسمار کرے اور جس کو وہ عزت دینا چاہے اس کو کون ذلیل کرے۔‘‘ (از مکتوب بنام میر عباس علی صاحب لدھیانوی۔مکتوبات احمد جلد ۱ صفحہ ۵۷۷ مطبوعہ ۲۰۰۸ء) ۲۲؍اکتوبر۱۸۸۳ء ’’آج اِس موقع کے اثنا میں جبکہ یہ عاجز بغرض تصحیح کاپی کو دیکھ رہا تھا بعالمِ کشف چند ورق ہاتھ میں دیئے گئے اور اُن پر لکھا ہوا تھا کہ فتح کا نقّارہ بجے پھر ایک نے مسکرا کر اُن ورقوں کی دوسری طرف ایک تصویر دکھلائی اور کہا کہ دیکھو کیا کہتی ہے تصویر تمہاری ۱ یعنی مسجد مبارک (شمس)
جب اِس عاجز نے دیکھا تو وہ اِسی عاجز کی تصویر تھی اور سبز پوشاک تھی مگر نہایت رُعب ناک جیسے سپہ سالار مسلّح فتح یاب ہوتے ہیں اور تصویر کے یمین و یسار میں حجۃ اللہ القادر و سُلطانِ احمد ِ مختار لکھا تھا اور یہ سوموار کا روز اُنیسویں۱۹ ذوالحجہ ۱۳۰۰ھ مطابق ۲۲؍اکتوبر۸۳ء اور ششم کا تک بکرم ہے۔‘‘ (براہین احمدیہ حصّہ چہارم۔روحانی خزائن جلد اوّل صفحہ ۶۱۵ حاشیہ در حاشیہ نمبر۳) ۲۴؍اکتوبر۱۸۸۳ء سے قبل ’’ایک مرتبہ اس عاجز کو خدا تعالیٰ کی طرف سے یہ الہام ہوا کہ اگر تمام لوگ منہ پھیر لیں تو مَیں زمین کے نیچے سے یا آسمان کے اُوپر سے مدد کرسکتا ہوں۔‘‘ (از مکتوب بنام میر عباس علی صاحب۔مکتوبات احمد جلد اوّل صفحہ۵۷۹ مطبوعہ ۲۰۰۸ء) ۲۹؍ اکتوبر۱۸۸۳ء سے قبل ’’ بارہا اس عاجز کو حضرتِ احدیّت کے مخاطبات میں ایسے کلمات فرمائے گئے ہیں۔جن کا ماحصل یہ تھا کہ سب دنیا پنجۂ قدرت احدیّت میں مقہور اور مغلوب ہے اور تصرّفاتِ الٰہیہ زمین وآسمان میں کام کررہے ہیں۔‘‘ (از مکتوب بنام میر عباس علی صاحب۔مکتوبات احمد جلد اوّل صفحہ۵۸۰ مطبوعہ ۲۰۰۸ء) ۲۹؍ اکتوبر۱۸۸۳ء سے قبل ’’ چند روز کا ذکر ہے کہ یہ الہام ہوا۔اِنْ یَّـمْسَسْکَ بِضُـرٍّ فَلَا کَاشِفَ لَہٗ اِلَّاھُوَ۔وَ اِنْ یُّرِدْکَ بِـخَیْرٍ فَلَا رَآ۔دَّ لِفَضْلِہٖ۔اَ لَمْ تَعْلَمْ اَنَّ اللہَ عَلٰی کُلِّ شَیءٍ قَدِیْرٌ۔اِنَّ وَعْدَ اللّٰہِ لَاٰتٍ۔‘‘؎۱ (از مکتوب بنام میر عباس علی صاحب۔مکتوبات احمد جلد اوّلصفحہ۵۸۰ مطبوعہ ۲۰۰۸ء) ۱۹،۲۰ ؍نومبر ۱۸۸۳ء ’’رات کو ایک اور عجیب الہام ہوا اور وہ یہ ہے۔۱ (ترجمہ از مرتّب) اگر وہ (خداوند کریم) تمہیں کوئی تکلیف پہنچائے تو اس کے سوا کوئی بھی اُسے دُور نہیں کرسکتا اور اگر وہ تمہیں کوئی خیر پہنچانا چاہے تو کوئی اس کے فضل کو رد بھی نہیں کرسکتا۔کیا تم جانتے نہیں کہ اللہ تعالیٰ ہر بات پر کامل قدرت رکھتا ہے اللہ کا وعدہ ضرور پورا ہوگا۔(نوٹ از مولانا عبد اللطیف بہاولپوری) مکتوبات احمد میں مکتوب ۲۹؍اکتوبر۱۸۸۳ء میں صفحہ۵۸۰ مطبوعہ ۲۰۰۸ء پر لفظ اِنْ یَّـمْسَسْکَ کی بجائے اِنْ تَـمْسَسْکَ لکھا ہے جو سہو کاتب معلوم ہوتا ہے۔
قُلْ لِّضَیْفِکَ۱؎ اِنِّیْ مُتَوَفِّیْکَ۔قُلْ لِّاَخِیْکَ اِنِّیْ مُتَوَفِّیْکَ۔یہ الہام بھی چند مرتبہ ہوا۔اس کے معنے بھی دو ہی ہیںایک تو یہ کہ جو تیرا مورد فیض یا بھائی ہے اس کو کہہ دے کہ میں تیرے پر اتمام نعمت کروں گا۔دوسرے معنے یہ ہیں کہ میں (تجھے) وفات دوں گا۔معلوم نہیں کہ یہ شخص کون ہے۔اس قسم کے تعلقات کے کم وبیش کوئی لوگ ہیں۔اس عاجز پر اس قسم کے الہامات اور مکاشفات اکثر وارد ہوتے رہتےہیں جن میں اپنی نسبت اور بعض احباب کی نسبت، اُن کے عُسـر یُسـر کی نسبت، اُن کے حوادث کی نسبت، ان کی عمر کی نسبت ظاہر ہوتا رہتا ہے۔‘‘ (ازمکتوب بنام میر عباس علی صاحب۔مکتوبات احمد جلد اوّل صفحہ۵۸۲ مطبوعہ ۲۰۰۸ء) ’’پندرہ؎۲برس کے بعد جب میرے بھائی؎۳کی وفات کا وقت نزدیک آیا تو میں امرتسر تھا مجھے خواب میں دکھلایا گیا کہ اب قطعی طور پر اُن کی زندگی کا پیالہ پُر ہوچکا اور بہت جلد فوت ہونے والے ہیں۔میں نے وہ خواب حکیم محمد شریف کو جو امرتسر میں ایک حکیم تھے سنائی اور پھر اپنے بھائی کو خط لکھا کہ آپ امور آخرت کی طرف متوجہ ہوں کیونکہ مجھے دکھلایا گیا ہے کہ آپ کی زندگی کے دن تھوڑے ہیں۔انہوں نے عام گھر والوں کو اس سے اطلاع دے دی اور پھر چند ہفتہ میں ہی اس جہانِ فانی سے گذرے۔‘‘ (تریاق القلوب۔روحانی خزائن جلد ۱۵ صفحہ ۲۱۱، ۲۱۲) ۱۸۸۳ء ’’ اکسٹھواں نشان اپنے بھائی مرزا غلام قادر مرحوم کی وفات کی نسبت پیشگوئی ہے جس میں میرے ایک بیٹے کی طرف سے بطور حکایت عن الغیر مجھے یہ الہام ہوا۔۱ (نوٹ از حضرت مرزا بشیر احمدؓ) حیاتِ احمد (مرتبہ شیخ یعقوب علی صاحبؓ عرفانی) جلد ۲ نمبر۲ صفحہ ۷۲ پر یہ الہام واضح طور پر بالفاظ قُلْ لِضَیْفِکَ الخ درج ہے لیکن مکتوبات جلد اوّل صفحہ ۶۷ میں یہ لفظ ایسا صاف نہیں لکھا بلکہ کچھ ایسا لکھا (لضیفک) ہے کہ لِضَیْفِکَ کی بجائے لِفَیْضِکَ بھی پڑھا جاسکتا ہے اور ترجمہ کے الفاظ ’’مورد فیض‘‘ اس احتمال کو اور بھی قوت دیتے ہیں۔گو ضَیْف کے معنے بھی موردِ فیض سمجھے جاسکتے ہیں۔وَاللہُ اَعْلَمُ بِالصَّوَابِ۔نیز خاکسار عرض کرتا ہے کہ انہی ایام میں حضور کے بھائی مرزا غلام قادر صاحب کی وفات ہوئی تھی۔۲ (نوٹ از حضرت مرزا بشیر احمد ؓ) ۱۸۶۸ءمیں حضرت اقدس مسیح موعود علیہ السلام کے بھائی مرزا غلام قادر صاحب مرحوم سخت بیمار ہوگئے تھے اور بالکل ایک مُشتِ استخواں سے رہ گئے تھے۔حضرت اقدس ؑ نے ان کے لئے دعا کی تو خواب میں دکھایا گیا کہ آپ ایک پورے تندرست انسان کی طرح بغیر کسی سہارے کے مکان میں چل رہے ہیں چنانچہ حضور ؑ نے لکھا ہے کہ برادر مذکور اس خواب کے پندرہ برس بعد تک زندہ رہے۔مفصل دیکھیے صفحہ نمبر ۷،۸۔۳ (نوٹ از حضرت مرزا بشیر احمد ؓ) مراد مرزا غلام قادر صاحب برادر حضرت اقدس مسیح موعود علیہ الصلوٰۃ والسلام۔
اے عَمّی بازیءِ خویش کردی و مرا افسو س بسیار دادی۔؎۱ یہ پیشگوئی بھی اسی شرمپت آریہ کو قبل از وقت بتلائی گئی تھی اور اس الہام کا مطلب یہ تھا کہ میرے بھائی کی بے وقت اور ناگہانی موت ہوگی جو موجب صدمہ ہوگی… اور بعد اس کے میرے پر کھولا گیا کہ یہ الہام میرے بھائی کی موت کی طرف اشارہ ہے چنانچہ میرا بھائی دو تین دن کے بعد ایک ناگہانی طور پر فوت ہوگیا اور میرے اُس لڑکے کو اس کی موت کا صدمہ پہنچا۔‘‘ (حقیقۃ الوحی۔روحانی خزائن جلد ۲۲ صفحہ ۲۳۳، ۲۳۴) ۱۸۸۳ء ’’ہمارے بھائی مرزا غلام قادر صاحب مرحوم کی وفات سے ایک دن پہلے الہام ہوا ’’ جنازہ ‘‘ اور میں نے اس الہام کی بہت لوگوں کو خبر دے دی چنانچہ دوسرے روز بھائی صاحب فوت ہوئے؎۲۔‘‘ (نزول المسیح۔روحانی خزائن جلد ۱۸ صفحہ ۶۰۳) ۱۸۸۳ء ’’ سنہ ۱۸۸۳ء میں مجھ کو الہام ہوا کہ تین کو چار کرنے والا مبارک۔اور وہ الہام قبل از وقت بذریعہ اشتہارشائع کیا گیا تھا اور اس کی نسبت تفہیم یہ تھی کہ اللہ تعالیٰ اس دوسری بیوی سے چار لڑکے مجھے دے گا اور چوتھے کا نام مبارک ہوگا اوراس الہام کے وقت منجملہ ان چاروں کے ایک لڑکا بھی اس نکاح سے موجود نہ تھا اور اب چاروں لڑکے بفضلہ تعالیٰ موجود ہیں۔‘‘ (نزول المسیح۔روحانی خزائن جلد ۱۸ صفحہ ۵۷۴) دسمبر ۱۸۸۳ء (الف) ’’اس ہفتہ میں بعض کلمات انگریزی وغیرہ الہام ہوئے ہیں… اور وہ کلمات یہ ہیں۔۱پریشن۔۲عمر۔براطوس یا پلا طوس یعنی پڑاطوس لفظ ہے یا پلاطوس لفظ ہے۔بباعث سرعت الہام دریافت نہیں ہوا اور عمرؔ عربی لفظ ہے۔اس جگہ برا طوؔس اور پریشن کے معنی دریافت کرنے ہیں کہ کیا ہیں اور کس زبان کے یہ لفظ ہیں؟پھر دو لفظ اَور ہیں۔۱ (ترجمہ از مرتّب) اے چچا! تو اپنی جان پر کھیل گیا اور مجھے بہت افسوس میں چھوڑ گیا۔۲ (نوٹ از مولانا جلال الدین شمسؓ) خاکسار مرتّب کے عرض کرنے پر حضرت صاحبزادہ مرزا بشیر احمد صاحب نے حضرت اُمّ المؤمنینؓ سے دریافت کیا کہ مرزا غلام قادر صاحب کی وفات کس سنہ میں ہوئی تھی تو آپ نے فرمایا کہ میری شادی سے (جو ۱۸۸۴ء میں ہوئی تھی) ایک سال قبل اُن کی وفات ہوچکی تھی نیز کتاب پنجاب چیفس میں بھی سنہ وفات۱۸۸۳ء ہی لکھا ہے۔
ھو شعنا۔؎۱ ۴ نعسا معلوم نہیں کس زبان کے ہیں اور انگریزی یہ ہیں۔اوّل عربی فقرہ ہے۔۵ یَا دَاوٗدُ عَامِلْ بِالنَّاسِ رِفْقًا وَّ اِحْسَانًـا۔۲؎ ۶ یُوْمَسْٹ ڈو وَہاٹ آئی ٹولڈ یُوْ؎۳۔۷تم کو وہ کرنا چاہیے جو میں نے فرمایا ہے۔یہ اُردو عبارت بھی الہامی ہے۔پھر بعد اس کے ایک اور انگریزی الہام ہے اور ترجمہ اس کا الہامی نہیں… فقرات کی تقدیم تاخیر کی صحت بھی معلوم نہیں اور بعض الہامات میں فقرات کا تقدّم تاخر بھی ہوجاتا ہے… اور وہ الہام یہ ہیں۔۸دَو؎۴ آل من شُڈ بی اَنگری بٹ گاڈ اِز وِد یُوْ۔۹ہِی شل ہلپ یُو۔۱۰وارڈس آف گاڈ ناٹ؎۵ کین ایکس چینج۔ترجمہ۔اگر تمام آدمی ناراض ہوں گے لیکن خدا تمہارے ساتھ ہوگا۔وہ تمہاری مدد کرے گا۔اللہ کے کلام بدل نہیں سکتے۔۱ (الف) ’’یہ ایک عبرانی لفظ ہے جس کے معنے ہیں ’’نجات دے۔‘‘ فرمایا کہ یَـا مَسِیْحَ الْـخَلْقِ عَدْ وَانَـا کا مضمون اس سے ملتا جلتا ہے۔‘‘ (البدر پرچہ ۸ ؍ مئی ۱۹۰۳ء صفحہ ۱۲۲ ) (ب) حضرت مسیح موعود علیہ السلام تحریر فرماتے ہیں۔’’چونکہ یہ غیر زبان میں الہام ہے اور الہامِ الٰہی میں ایک سرعت ہوتی ہے۔اس لئے ممکن ہے کہ بعض الفاظ کے ادا کرنے میں کچھ فرق ہو اور یہ بھی دیکھا گیا ہے کہ بعض جگہ خدا تعالیٰ انسانی محاورات کا پابند نہیں ہوتا یا کسی اور زمانہ کے متروکہ محاورہ کو اختیار کرتا ہے اور یہ بھی دیکھا گیا ہے کہ وہ بعض جگہ انسانی گریمر یعنی صرف و نحو کے ماتحت نہیں چلتا۔اس کی نظیریں قرآن شریف میں بہت پائی جاتی ہیں مثلاً یہ آیت اِنْ ھٰذَانِ لَسَاحِرَانِ انسانی نحو کی رُو سے اِنْ ھٰذَیْنِ چاہیے۔‘‘ ( حقیقۃ الوحی۔روحانی خزائن جلد ۲۲ صفحہ ۳۱۷ حاشیہ) ۲ (ترجمہ از ناشر) اے داؤد لوگوں سے نرمی اور احسان کا سلوک کر۔۳ ۶۔You must do what I told you۔۴ ۸۔Though all men should be angry but God is with you۔۹۔He shall help you۔۱۰۔Words of God not can exchange۔۵ (نوٹ از سیّد عبد الحی) یہ کتابت کی غلطی معلوم ہوتی ہے۔یہی الہام صفحہ۸۷ پر بھی درج ہے جہاں cannot کے الفاظ ہیں۔
پھر بعد اس کے ایک دو۲ اَور الہام انگریزی ہیں۔جن میں سے کچھ تو معلوم ہے اور وہ یہ ہے۔آئی شل ہلپ یُو؎۱ مگربعد اس کے یہ ہے۔یُوہَیو ٹو گو امرت سر؎۲ پھرایک فقرہ ہے جس کے معنے معلوم نہیں اور وہ یہ ہے۔ہِی ہل ٹس ان دی ضلع پشاور؎۳ (از مکتوب بنام میر عباس علی شاہ صاحب۔مکتوبات احمد جلد ۱ صفحہ۵۸۳، ۵۸۴ مطبوعہ ۲۰۰۸ء) (ب) ’’میر عباس علی کو ایک خط لکھا تھا اس میں ایک یہ الہام تھا۔’’پرشین عمر براطوس۔ھو شعنا نعسا۔‘‘ اس کے معنے مفتی محمد صادق صاحب نے اپنے خط۵؍رمضان ۱۹۰۳ء میں یہ کئے ہیں کہ پرشین انگریزی زبان میں فارسی کو کہتے ہیں۔عمر آپ کا نام الہامی ہے اور ھو شعنا کے معنے ہیں ہمیں بچالے اور نعسا کے معنے ہیں ہم نے بچا لیا اور براطوس وہ شخص تھا جس نے یاجوج ماجوج کو قتل کیا تھا اور …۴؎ سے دو کو پکڑ کر انگلینڈ میں لے آیا تھا۔اس صورت میں الہام کے یہ معنے ہیں۔اے فارسی الاصل عمر! براطوس قاتل سے یاجوج و ماجوج لوگ کہتے ہیں ہمیں بچالے۔پس تیرے ذریعہ سے ہم نے ان کو بچالیا۔‘‘ (رجسٹر متفرق یادداشتیں حضرت مسیح موعود علیہ السلام صفحہ ۱۴) جنوری ۱۸۸۴ء ’’ابتدا میں جب یہ کتاب تالیف کی گئی تھی اس وقت اس کی کوئی اَور صورت تھی۔پھر بعد اس کے قدرتِ الٰہیہ کی ناگہانی تجلّی نے اس احقر عباد کو موسیٰ کی طرح ایک ایسے عالم سے خبر دی جس سے v
پہلے خبر نہ تھی یعنی یہ عاجز بھی حضرت ابن عمران کی طرح اپنے خیالات کی شبِ تاریک میں سفر کررہا تھا کہ ایک دفعہ پردۂ غیب سے اِنِّیْ اَنَـا رَبُّکَ۱؎ کی آواز آئی اور ایسے اسرار ظاہر ہوئے کہ جن تک عقل اور خیال کی رسائی نہ تھی۔سو اب اس کتاب کا متولّی اور مہتمم ظاہراً وباطناً حضرت ربّ العالمین ہے۔‘‘ (ہم اور ہماری کتاب۔آخری صفحہ ٹائٹل براہین احمدیہ حصّہ چہارم۔روحانی خزائن جلد ۱ صفحہ ۶۷۳) ۱۸۸۴ء فرمایا۔’’یہ میرا ایک پرانا الہام ہے۔’’ اَفَلَا یَتَدَبَّـرُوْنَ اَمْرَکَ۔وَ لَوْ کَانَ مِنْ عِنْدِغَیْرِ اللّٰہ لَوَجَدُ وْا فِیْہِ اخْتِلَافًا کَثِیْرًا۔‘‘؎۲ (البدر جلد۱ نمبر۵ مورخہ ۲۸؍نومبر۱۹۰۲ء صفحہ ۳۷) جنوری ۱۸۸۴ء ’’کچھ دن گذرے ہیں کہ اس عاجز کو ایک عجیب خواب آیا اور وہ یہ ہے کہ ایک مجمعِ زاہدین اور عابدین ہے اور ہر ایک شخص کھڑا ہو کر اپنے مشرب کا حال بیان کرتا ہے اور مشرب کے بیان کرنے کے وقت ایک شعر موزوں اُس کے منہ سے نکلتا ہے جس کا اخیر لفظ قعود اور سجود اور شہود وغیرہ آتا ہے۔جیسے یہ مصرع تمام شب گذرا نیم در قیام و سجود ۳؎ چند زاہدین اور عابدین نے ایسے ایسے شعر اپنی تعریف میں پڑھے ہیں۔پھر اخیر پر اس عاجز نے اپنے مناسب حال سمجھ کر ایک شعر پڑھنا چاہا ہے مگر اس وقت وہ خواب کی حالت جاتی رہی اور جو شعر اس خواب کی مجلس میں پڑھنا تھا وہ بطور الہام زبان پر جاری ہوگیا اور وہ یہ ہے ؎ طریقِ زہد و تعبّد ندا نم اے زاہد خدائے من قدمم راند بر رہِ داؤد‘‘؎۴ (از مکتوب بنام میر عباس علی صاحب۔مکتوبات احمد جلد اوّل صفحہ ۵۸۷ مطبوعہ ۲۰۰۸ء) ۳؍جنوری ۱۸۸۴ء (الف) ’’آپ کے مبلغ پچاس روپیہ عین ضرورت کے وقت پہنچے۔بعض آدمیوں کے ۱ (ترجمہ از ناشر) یقیناً میں تیرا ربّ ہوں۔۲ (ترجمہ از مرتّب) کیا یہ لوگ تیرے معاملہ میں غور نہیں کرتے اور اگر یہ معاملہ اللہ کی طرف سے نہ ہوتا تو اس میں وہ بہت اختلاف پاتے۔(نوٹ از حضرت مرزا بشیر احمدؓ) چونکہ البدر میں لکھا ہوا ہے کہ یہ پُرانا الہام براہین احمدیہ کے زمانہ کا ہے اس لئے اسے براہین کے بعد رکھا جاتا ہے۔۳ (ترجمہ از ناشر) ہم نے تمام رات قیام و سجود میں گزاری۔۴ (ترجمہ از مرتّب) اے زاہد ! میں تو کوئی زہد و تعبّد کا طریق نہیں جانتا۔میرے خدا نے خود ہی میرے قدم کو داؤد کے راستہ پر ڈال دیا ہے۔
بے وقت تقاضا سے بالفعل پچاس روپیہ کی سخت ضرورت تھی۔دُعا کے لئے یہ الہام ہوا۔بحسن قبولیء دعا بنگر کہ چہ زود دُعا قبُول میکنم۱؎ ۳؍جنوری۱۸۸۴ء کو یہ الہام ہوا۔۶ تاریخ کو آپ کا روپیہ آگیا۔وَالْـحَمْدُ لِلہِ عَلٰی ذٰلِکَ۔‘‘ (از مکتوب بنام میر عباس علی صاحب۔مکتوبات احمد جلد ۱ صفحہ۵۸۷ مطبوعہ ۲۰۰۸ء) (ب) ’’ایک دفعہ ہمیں اتفاقاً پچاس روپیہ کی ضرورت پیش آئی اور جیسا کہ اہل فقر اور توکّل پر کبھی کبھی ایسی حالت گذرتی ہے اس وقت ہمارے پاس کچھ نہ تھا سو جب ہم صبح کے وقت سیر کے واسطے گئے تو اس ضرورت کے خیال نے ہم کویہ جوش دیا کہ اس جنگل میں دُعا کریں۔پس ہم نے ایک پوشیدہ جگہ میں جاکر اس نہر کے کنارہ پر دُعا کی جو قادیان سے تین میل کے فاصلہ پر بٹالہ کی طرف واقع ہے۔جب ہم دُعا کرچکے تو دعا کے ساتھ ہی ایک الہام ہوا جس کا ترجمہ یہ ہے۔دیکھ میں تیری دعاؤں کو کیسے جلد قبول کرتا ہوں تب ہم خوش ہوکر قادیان کی طرف واپس آئے اور بازار کا رُخ کیا تاکہ ڈاکخانہ سے دریافت کریں کہ آج ہمارے نام کچھ روپیہ آیا ہے یا نہیں چنانچہ ہمیں ایک خط ملا جس میں لکھا تھا کہ پچاس روپیہ لدھیانہ سے کسی نے روانہ کئے ہیں اور غالباً وہ روپیہ اُسی دن یا دوسرے دن ہمیں مل گیا۔‘‘ (نزول المسیح۔روحانی خزائن جلد ۱۸ صفحہ ۶۱۲) جنوری ۱۸۸۴ء ’’ایک رات خواب میں دیکھا کہ کسی مکان پر جو یاد نہیں رہا یہ عاجز موجود ہے اور بہت سے نئے نئے آدمی جن سے سابق تعارف نہیں ملنے کو آئے ہوئے ہیں اور آپ بھی ان کے ساتھ موجود ہیں مگر معلوم ہوتا ہے کہ کوئی اور مکان ہے۔اُن لوگوں نے اس عاجز میں کوئی بات دیکھی ہے جو ان کو ناگوار گذری ہے،سو اُن سب کے دل منقطع ہوگئے۔آپ نے اُس وقت مجھ کو کہاکہ وضع بدل لو۔میں نے کہا کہ نہیں۔بدعت ہے سو وہ لوگ بیزار ہوگئےاور ایک دوسرے مکان میں جو ساتھ ہے جاکر بیٹھ گئے۔تب شاید آپ بھی ساتھ ہیں میں ان کے پاس گیا تا اپنی امامت سے ان کو نماز پڑھاؤں۔پھر بھی انہوں نے بیزاری سے کہا کہ ہم نماز پڑھ چکے ہیں تب اس عاجز نے اُن سے علیحدہ ہونا اور کنارہ کرنا چاہا اور باہر نکلنے کے لئے قدم اُٹھایا معلوم ہوا کہ ان سب میں سے ایک شخص پیچھے چلا آتا ہے۔جب نظر اُٹھا کر دیکھا تو آپ ہی ہیں۔اب اگرچہ خوابوں میں تعینات معتبر نہیں ہوتے اور اگر خدا چاہے تو تقدیراتِ معلّقہ کو مبدّل بھی کردیتا ہے لیکن اندیشہ گذرتا ہے کہ خدانخواستہ وہ آپ ۱ (ترجمہ از ناشر) دعا کی قبولیت کی خوبی دیکھ کہ کیسے جلد میں دعا کوقبول کرتا ہوں۔
ہی کا شہر نہ ہو۔لوگوں کے شوق اور ارادت پر آپ خوش نہ ہوں حقیقی شوق اور ارادت کہ جولغزش اور ابتلا کے مقابلہ پر کچھ ٹھہر سکے لاکھوں میں سے کسی ایک کو ہوتا ہے… بہتر ہے کہ آنمخدوم ابھی اس عاجز کی تکلیف کشی کے لئے بہت زورنہ دیں کہ کئی اندیشوں کا محل ہے۔یہ عاجز معمولی زاہدوں اور عابدوں کے مشرب پر نہیں اور نہ ان کی رسم اور عادت کے مطابق اوقات رکھتا ہے بلکہ ان کے پیرایہ سے نہایت بیگانہ اور دُور ہے۔سَیَفْعَلُ اللّٰہُ مَا یَشَآءُ۔‘‘ (از مکتوب بنام میر عباس علی صاحب۔مکتوبات احمد جلد ۱ صفحہ ۵۸۸، ۵۸۹ مطبوعہ ۲۰۰۸ء) تخمیناً فروری ۱۸۸۴ء ’’مجھ کو یاد ہے اور شاید عرصہ تین ماہ یا کچھ کم و بیش ہوا ہے کہ اس عاجز کے فرزند؎۱ نے ایک خط لکھ کر مجھ کو بھیجا کہ جو میں نے امتحان تحصیلداری کا دیا ہے اُس کی نسبت دعا کریں کہ پاس ہوجاوے اور بہت کچھ انکسار اور تذلّل ظاہر کیا کہ ضرور دعا کریں۔مجھ کو وہ خط پڑھ کر بجائے رحم کے غصہ آیا کہ اس شخص کو دنیا کے بارے میں کس قدر ہم اور غم ہے چنانچہ اس عاجز نے وہ خط پڑھتے ہی بہ تمام تر نفرت و کراہت چاک کردیا اور دل میں کہا کہ ایک دنیوی غرض اپنے مالک کے سامنے کیا پیش کروں۔اس خط کے چاک کرتے ہی الہام ہوا کہ ’’پاس ہوجاوے گا‘‘ اور وہ عجیب الہام بھی اکثر لوگوں کو بتلایا گیا چنانچہ وہ لڑکا پاس ہوگیا۔فَالْـحَمْدُ لِلہِ۔‘‘ (الحکم جلد ۳ نمبر ۳۴ مورخہ ۲۳؍ ستمبر ۱۸۹۹ء صفحہ ۱، ۲) ۱۸۸۴ء ’’ایک دفعہ نواب علی محمد؎۲خاں مرحوم رئیس لودھیانہ نے میری طرف خط لکھا کہ میرے بعض امور معاش بند ہوگئے ہیں آپ دعا کریں کہ تا وہ کھل جائیں۔جب مَیں نے دعا کی تو مجھے الہام ہوا کہ کُھل جائیں گے میں نے بذریعہ خط ان کو اطلاع دے دی۔پھر صرف دو چار دن کے بعد وہ وجوہ معاش کُھل گئے اور اُن کو بشدّت اعتقاد ہوگیا۔‘‘ (حقیقۃ الوحی۔روحانی خزائن جلد ۲۲ صفحہ ۲۵۷) ۱ خان بہادر مرزا سلطان احمدصاحب مرحوم مراد ہیں۔(شمس) ۲ (نوٹ از حضرت مرزا بشیر احمد ؓ) نواب علی محمد خانصاحب مرحوم کے متعلق یاد رکھنا چاہیے کہ وہ دراصل جھجر کے رئیس تھے مگر لدھیانہ میں رہائش رکھتے تھے اور آپ حضرت اقدس سے بہت اخلاص رکھتے تھے اور اکثر حضور سے اپنی مشکلات کے حل کروانے کے لئے دعا کروایا کرتے تھے ان کے متعلق جن نشانات کا اس جگہ ذکر کیا گیا ہے ان میں نہ تو کوئی ترتیب مدنظر ہے اور نہ ہی سوائے ایک دو کے کہ جن میں تاریخ درج ہے صحیح طور پر تاریخ کا کوئی اندازہ لگایا جاسکتا ہے۔ہاں صرف قیاس سے یہ کہا جاسکتا ہے کہ یہ واقعات۱۸۸۴ء کے قریب قریب کے ہیں۔
۱۸۸۴ء ’’پھر ایک دفعہ انہوں نے بعض؎۱اپنےپوشیدہ مطالب کے متعلق میری طرف ایک خط روانہ کیا۔اور جس گھڑی انہوں نے خط ڈاک میں ڈالا اُسی گھڑی مجھے الہام ہوا کہ اس مضمون کا خط اُن کی طرف سے آنے والا ہے۔تب میں نے بلا توقف اُن کی طرف یہ خط لکھا کہ اس مضمون کا خط آپ روانہ کریں گے۔دوسرے دن وہ خط آگیا اور جب میرا خط اُن کو ملا تو وہ دریائے حیرت میں ڈوب گئے کہ یہ غیب کی خبر کس طرح مل گئی کیونکہ میرے اس راز کی خبر کسی کو نہ تھی اور ان کا اعتقاد اس قدر بڑھا کہ وہ محبت اور ارادت میں فنا ہوگئے اور انہوں نے ایک چھوٹی سی یادداشت کی کتاب میں وہ دونوں نشان م بالا درج کردیئے اور ہمیشہ اُن کو پاس رکھتے تھے۔‘‘ (حقیقۃ الوحی۔روحانی خزائن جلد ۲۲ صفحہ ۲۵۷، ۲۵۸) تخمیناً ۱۸۸۴ء ’’ عالمِ کشف میں ان؎۲ کا دوسرا خط مجھ کو ملا جس میں بہت بے قراری ظاہر کی گئی تھی تو میں نے… اُن کے لئے دعا کی اور مجھ کو الہام ہواکہ کچھ عرصہ کے لئے یہ روک اُٹھادی جاوے گی اور اُن کو اس غم سے نجات دی جائے گی۔یہ الہام ان کو اسی خط میں لکھ کر بھیجا گیا تھا جو زیادہ تر تعجب کا موجب ہوا چنانچہ وہ الہام جلد تر پور اہوا اور تھوڑے دنوں کے بعد اُن کی منڈی بہت عمدہ طور پر بارونق ہوگئی اور روک اُٹھ گئی۔‘‘ (نزول المسیح۔روحانی خزائن جلد ۱۸ صفحہ ۵۹۷) ۱۲؍ فروری۱۸۸۴ء (الف) ’’شاید پرسوں مکرر الہام ہوا تھا۔یَـا یَـحْیٰی خُذِ الْکِتَابَ بِقُوَّۃٍ۔خُذْ ھَا وَلَا تَـخَفْ سَنُعِیْدُ ھَا سِیْرَتَـھَا الْاُوْلٰی ؎۳ یہ آخری فقرہ پہلے بھی الہام ہوچکا ہے۔‘‘ (از مکتوب بنام میر عباس علی صاحب۔مکتوبات احمد جلد ۱ صفحہ۵۹۷ مطبوعہ ۲۰۰۸ء) ۱ حضرت مسیح موعود علیہ السلام تحریر فرماتے ہیں۔’’علی محمد خان صاحب نواب جھجر نے لدھیانہ میں ایک غلّہ منڈی بنائی تھی کسی شخص کی شرارت کے سبب اُن کی منڈی بےرونق ہوگئی اور بہت نقصان ہونے لگا تب انہوں نے دعا کے لئے میری طرف رجوع کیا لیکن پیشتر اس کے کہ نواب صاحب کی طرف سے میرے پاس کوئی خط اس خاص امر کے لئے دعا کے بارہ میں آتا میں نے اللہ تعالیٰ کی طرف سے یہ خبر پائی کہ اس مضمون کا خط نواب صاحب کی طرف سے آرہے گا۔(نزول المسیح۔روحانی خزائن جلد ۱۸ صفحہ ۵۹۶) ۲ نواب علی محمد خان صاحب آف جھجر۔(مرزا بشیر احمد) ۳ (ترجمہ از مرتّب) اے یحییٰ اس کتاب کو مضبوطی سے پکڑ لے۔اسے پکڑلے اور خوف نہ کر۔ہم اسے اس کی پہلی حالت کی طرف لَوٹا دیں گے۔
(ب) ’’ حضرت اقدس نے اپنا ایک پرانا الہام سنایا۔یَـا یَـحْیٰی خُذِ الْکِتَابَ بِقُوَّۃٍ وَ الْـخَیْرُ کُلُّہٗ فِی الْقُرْآنِ۔اور فرمایا کہ (اس میں ہم کو حضرت یحییٰ کی نسبت دی گئی ہے کیونکہ حضرت یحییٰ کو یہود کی ان اقوام سے مقابلہ کرنا پڑا تھا جو کتاب اللہ توریت کو چھوڑ بیٹھے تھے اور حدیثوں کے بہت گرویدہ ہورہے تھے اور ہر بات میں احادیث کو پیش کرتے تھے۔ایسا ہی اس زمانہ میں ہمارا مقابلہ اہل حدیث کے ساتھ ہوا کہ ہم قرآن پیش کرتے اور وہ حدیث پیش کرتے ہیں۔)‘‘ ( ڈائری حضرت مفتی محمد صادق صاحبؓ مطبوعہ الحکم جلد ۶ نمبر ۱۵ مورخہ ۲۴؍اپریل ۱۹۰۲ء صفحہ ۸) ۱۵؍فروری ۱۸۸۴ء ’’آج حضرت خداوند کریم کی طرف سے الہام ہوا۔یَا عَبْدَ الرَّافِعِ اِنِّیْ رَافِعُکَ اِلَیَّ۔اِنِّیْ مُعِزُّکَ۔لَا مَانِعَ لِمَا اُعْطِیْ۔‘‘؎۱ (از مکتوب بنام میر عباس علی صاحب۔مکتوبات احمدجلد ۱صفحہ۵۹۷ مطبوعہ ۲۰۰۸ء) ۲۸؍ مارچ ۱۸۸۴ء ’’اس خط کی تحریر کے بعد یہ شعر کسی بزرگ۲؎ کا الہام ہوا۔ھرگز نمیرد آنکہ دلش زندہ شد بعشق ثبت است بر جریدۂ عالم دوامِ ما ؎۳ (از مکتوب بنام منشی احمد جانؒ۔مکتوبات احمد جلد ۳ صفحہ ۲۶ مطبوعہ ۲۰۱۳ء) ۹؍ مئی ۱۸۸۴ء ’’حضرت خداوندکریم کی قبولیت کی ایک یہ نشانی ہے کہ بعض اوقات آپ کی توجہات کی مجھ کو وہ خبر دیتا رہا ہے اور پرسوں کے دن بھی ایک عجیب بات ہوئی کہ ابھی آں مخدوم کا منی آرڈر نہیں پہنچا تھا اور نہ خط پہنچا تھا کہ ایک منی آرڈر آپ کی طرف سے برنگ زرد مجھ کو حالتِ کشفی میں دکھلایا گیا اور پھر آں مخدوم کے خط سے اس عاجز کو بذریعہ الہام اطلاع دی گئی اور آپ کے مافی الضمیر سےاورخط کے مضمون سے مطلع کیا گیا۔اس میں بہ پیرایہ الہامی عبارت بطور حکایت آں مخدوم کی طرف سے یہ بھی فقرہ تھا۔میرے خیال میں یہ آپ کی توجہ کا اثر ہے۔چنانچہ یہ خط کا مضمون اور مافی الضمیر کا منشاء تین ہندوؤں اور بہت سے مسلمانوں کو بھی بتلایا گیا۔ازاں بعد آں مخدوم کا منی آرڈر اور خط بھی آگیا۔‘‘ (از مکتوب بنام نواب علی محمد خان صاحبؓ آف جھجر۔مکتوبات احمد جلد ۳ صفحہ ۴۲،۴۳ مطبوعہ ۲۰۱۳ء) ۱ (ترجمہ از مرتّب) اے رفعت بخشنے والے خدا کے بندے۔میں تجھے اپنی جناب میں رفعت بخشوں گا۔میں تجھے عزت اور غلبہ دُوں گا۔جو کچھ میں دُوں اُسے کوئی بند نہیں کرسکتا۔۲ حافظ شیرازیؒ۔(ناشر) ۳ (ترجمہ از مرتّب) وہ شخص ہرگز نہیں مرتا۔جس کا دل عشق سے زندہ ہوگیا۔صفحہ ٔ عالم پر ہمارا دوام ثابت ہے۔
مئی ۱۸۸۴ء ’’ ایک مرتبہ خواب میں دیکھا کہ نواب؎۱ صاحب کی حالت غم سے خوشی کی طرف مبدّل ہوگئی ہے اور آسودہ حال اور شکر گذار ہیں اور نہایت عمدگی اور صفائی سے یہ خواب آئی اور یہ خواب بہ طور کشف تھی۔چنانچہ اسی صبح کو نواب صاحب کو اس خواب سے اطلاع دی گئی۔‘‘ (از مکتوب بنام میر عباس علی شاہ صاحب۔مکتوبات احمد جلد ۱ صفحہ ۶۰۳،۶۰۴ مطبوعہ ۲۰۰۸ء) مئی ۱۸۸۴ء ’’ پھر ایسا اتفاق ہوا کہ ایک صاحب الٰہی بخش نام اکؤنٹنٹ نے کہ جو اس کتاب؎۲ کے معاون ہیں۔کسی اپنی مشکل میں دعا کے لئے درخواست کی اور بطور خدمت پچاس روپیہ بھیجے اور جس روز یہ خواب آئی اس روز سے دو چار دن پہلے ان کی طرف سے دعا کے لئے الحا ح ہوچکا تھا مگر یہ عاجز نواب؎۳ صاحب کے لئے مشغول تھا اس لئے ان کے لئے دُعا کرنے کو کسی اور وقت پر موقوف رکھا اور جس روز نواب صاحب کے لئے بشارت دی گئی تھی تو اس دن خیال آیا کہ آج منشی الٰہی بخش کے لئے توجہ سے دعا کریں سو بعد نماز عصر جب وقت ِ صفا پایا اور دعا کا ارادہ کیا گیا تو پھر بھی دل نے یہی چاہا کہ اس دعا میں بھی نواب صاحب کو شامل کرلیا جائے سو اس وقت نواب صاحب اور منشی الٰہی بخش دونوں کے لئے دعا کی گئی۔بعد دُعا اسی جگہ الہام ہوا۔نُنَجِّیْـھِمَا مِنَ الْغَمِّ یعنی ہم اِن دونوں کو غم سے نجات دیں گے… پھر چند روز کے بعد نواب صاحب کا خط آگیا کہ سرائے کاکام جاری ہوگیا ہے۔‘‘ (از مکتوب بنام میر عباس علی شاہ صاحب۔مکتوبات احمد جلد ۱ صفحہ ۶۰۳،۶۰۴ مطبوعہ ۲۰۰۸ء) نومبر۱۸۸۴ء ’’ایک ابتلا مجھ کو اس شادی؎۴کے وقت یہ پیش آیا کہ بباعث اس کے کہ میرا دل اور دماغ سخت کمزور تھا اور میں بہت سے امراض کا نشانہ رہ چکا تھا…میری حالت ِ مردمی کالعدم تھی اور پیرانہ سالی کے رنگ میں میری زندگی تھی اس لئے میری اس شادی پر میرے بعض دوستوں نے افسوس کیا… کہ آپ بباعث سخت کمزوری کے اس لائق نہ تھے… غرض اس ابتلا کے وقت میں نے جنابِ الٰہی میں دُعا کی اور مجھے اس نے دفع مرض کے لئے اپنے الہام کے ذریعے سے دوائیں بتلائیں اور میں نے کشفی طور پر دیکھا کہ ایک فرشتہ وہ دوائیں میرے منہ میں ڈال رہا ہے چنانچہ وہ دوا میں نے طیّار کی اور اس میں خدا نے اس قدر برکت ڈال دی کہ میں نے دلی یقین سے معلوم کیا کہ وہ پُر صحت طاقت جو ایک پورے تندرست انسان کو دُنیا میں مل سکتی ۱ مراد نواب علی محمد خان صاحب آف جھجر (مرزا بشیر احمد) ۲ براہین احمدیہ (مرزا بشیر احمد) ۳ مراد نواب علی محمد خان صاحب آف جھجر (مرزا بشیر احمد) ۴ جو۱۷؍ نومبر۱۸۸۴ء کو دہلی میں ہوئی۔(مرزا بشیر احمد)