تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام
حصہ 13
Urdu text of the edition of the Ahmadiyya Muslim Jamaat.
توجہ میں اُن کے لئے برکت دے گا بشرطیکہ وہ ربّانی شرائط پر چلنے کے لئے بدل و جان طیار ہوں گے۔یہ ربّانی حکم ہے جو آج میں نے پہنچا دیا ہے۔اس بارہ میں عربی الہام یہ ہے۔اِذَا عَـزَمْتَ فَتَوَکَّلْ عَلَی اللّٰہِ وَ اصْنَعِ الْفُلْکَ بِـاَعْیُنِنَا وَ وَحْیِنَا۔اَلَّذِیْنَ یُبَایِعُوْنَکَ اِنَّـمَا یُـبَایِعُوْنَ اللّٰہَ یَدُ اللّٰہِ فَـوْقَ اَیْدِیْـھِمْ۔‘‘ ۱ (نوٹ از حضرت مرزا بشیر احمدؓ) مورخہ۱۲؍جنوری۱۸۸۹ء کو جب حضرت خلیفۃ المسیح الثانی ایدہ اللہ تعالیٰ پیدا ہوئے تو حضرت مسیح موعود علیہ السلام نے آپ کی پیدائش کی اطلاع اس اشتہار کے ذریعہ جس کا عنوان ’’تکمیل تبلیغ‘‘ تھا۔یوں شائع فرمائی۔’’ خدائے عزّوجلّ نے جیسا کہ اشتہار دہم جولائی ۱۸۸۸ء اور اشتہار یکم دسمبر۱۸۸۸ء میں مندرج ہے اپنے لطف وکرم سے وعدہ دیا تھا کہ بشیر اوّل کی وفات کے بعد ایک دوسرا بشیر دیا جائے گا جس کا نام محمود بھی ہوگا اور اِس عاجز کو مخاطب کرکے فرمایا تھا کہ وہ اولوالعزم ہوگا اور حسن و احسان میں تیرا نظیر ہوگا۔وہ قادر ہے جس طور سے چاہتا ہے پیدا کرتا ہے۔سو آج ۱۲؍جنوری۱۸۸۹ء میں مطابق ۹جمادی الاوّل۱۳۰۶ھ روز شنبہ میں اس عاجز کے گھر میں بفضلہ تعالیٰ ایک لڑکا پیدا ہوگیا ہے جس کا نام بالفعل محض تفاؤل کے طور پر بشیر اور محمود بھی رکھا گیا ہے اور کامل انکشاف کے بعد پھر اطلاع دی جائے گی مگر ابھی تک مجھ پر یہ نہیں کھلا کہ یہی لڑکا مصلح موعود اور عمر پانے والا ہے یا وہ کوئی اور ہے لیکن میں جانتا ہوں اور محکم یقین سے جانتا ہوں کہ خدا تعالیٰ اپنے وعدہ کے موافق مجھ سے معاملہ کرے گا اور اگر ابھی اس موعود لڑکے کے پیدا ہونے کا وقت نہیں آیا تو دوسرے وقت میں وہ ظہور پذیر ہوگا اور اگر مدّتِ مقررہ سے ایک دن بھی باقی رہ جائے گا تو خدائے عزّوجلّ اُس دن کو ختم نہیں کرے گا جب تک اپنے وعدہ کو پورا نہ کرلے۔مجھے ایک خواب میں اس مصلح موعود کی نسبت زبان پر یہ جاری ہوا تھا ؎ اے فخر رسل قرب تو معلومم شد دیر آمدۂٖ ز راہِ دُور آمدۂٖ پس اگر حضرت باری جلّ شانہٗ کے ارادہ میں دیر سے مراد اسی قدر دیر ہے جو اس پسر کے پیدا ہونے میں جس کا نام بطور تفاؤل بشیر الدین محمود رکھا گیا ہے ظہور میں آئی تو تعجب نہیں کہ یہی لڑکا موعود لڑکا ہو ورنہ وہ بفضلہ تعالیٰ دوسرے وقت پر آئے گا۔‘‘ (اشتہار تکمیل تبلیغ مطابق ۱۲؍ جنوری۱۸۸۹ء۔مجموعہ اشتہارات جلد۱ صفحہ ۲۰۷، ۲۰۸ حاشیہ۔مطبوعہ ۲۰۱۸ء) (نوٹ از مولانا جلال الدین شمسؓ) اس اشتہار میں حضرت مسیح موعود علیہ السلام نے مصلح موعود کی پیشگوئی کا مصداق سیدنا حضرت خلیفۃ المسیح الثانی ایدہ اللہ تعالیٰ کو ہی قرار دیا اور تفاؤل کے طور پر نام بھی بشیر الدین محمود رکھا مگر کامل انکشاف کے بعد صحیح اطلاع دینے کا وعدہ فرمایا۔سو حضور علیہ السلام ایفائے عہد فرماتے ہیں اور اس امر کے متعلق مختلف کتب میں اطلاع دیتے ہیں۔(الف) ’’محمود جو بڑا لڑکا ہے اس کی پیدائش کی نسبت اس سبز اشتہار میں صریح پیشگوئی مع محمود کے نام کے
(سبز اشتہار۔روحانی خزائن جلد ۲ صفحہ ۴۷۰) (ترجمہ) جب تو نے اس خدمت کے لئے قصد کرلیا تو خدا تعالیٰ پر بھروسا کر اور یہ کشتی ہماری آنکھوں بقیہ حاشیہ۔موجود ہے جو پہلے لڑکے کی وفات کے بارے میں شائع کیا گیا تھا جو رسالہ کی طرح کئی ورق کا اشتہار سبز رنگ کے ورقوں پر ہے۔‘‘ (ضمیمہ انجامِ آتھم۔روحانی خزائن جلد۱۱ صفحہ ۲۹۹) (ب) ’’پانچویں پیشگوئی میں نے اپنے لڑکے محمودؔ کی پیدائش کی نسبت کی تھی کہ وہ اَب پیدا ہوگا اور اُس کا نام محمود رکھا جائے گا اور اس پیشگوئی کی اشاعت کے لئے سبز ورق کے اشتہار شائع کئے گئے تھے جو اَب تک موجود ہیں اور ہزاروں آدمیوں میں تقسیم ہوئے تھے چنانچہ وہ لڑکا پیشگوئی کی میعاد میں پیدا ہوا اور اب نویں سال میں ہے۔‘‘ (سراج منیر۔روحانی خزائن جلد ۱۲ صفحہ ۳۶) (ج) ’’مـحموؔد جو میرا بڑا بیٹا ہے اس کے پیدا ہونے کے بارے میں اشتہار دہم جولائی ۱۸۸۸ء میں اور نیز اشتہار یکم دسمبر ۱۸۸۸ء میں جو سبز رنگ کے کاغذ پر چھاپا گیا تھا پیشگوئی کی گئی اور سبز رنگ کے اشتہار میں یہ بھی لکھا گیا کہ اس پیدا ہونے والے لڑکے کا نام محمودؔ رکھا جائے گا… پھر جبکہ اس پیشگوئی کی شہرت بذریعہ اشتہارات کامل درجہ پر پہنچ چکی… تب خدا تعالیٰ کے فضل اور رحم سے۱۲؍جنوری۱۸۸۹ء کو مطابق۹جمادی الاوّل۱۳۰۶ھ میں بروز شنبہ مـحموؔد پیدا ہوا۔‘‘ (تریاق القلوب۔روحانی خزائن جلد۱۵، صفحہ ۲۱۹) (نوٹ از حضرت مرزا بشیر احمدؓ) مصلح موعود کے متعلق حضرت مسیح موعود علیہ السلام کی پیشگوئی جیسا کہ خود حضرت مسیح موعود علیہ السلام نے اپنے اشتہار تکمیل تبلیغ مورخہ۱۲؍جنوری۱۸۸۹ء کے حاشیہ میں خیال ظاہر فرمایا تھا اور بعض دوسرے مقامات پر بھی اشارات کئے ہیں حضرت امیر المؤمنین خلیفۃ المسیح الثانی ایّدہ اللہ تعالیٰ کے وجود میں پوری ہوئی۔چنانچہ جملہ واقعات اور کوائف اس پر شاہد ہیں اور خود حضرت امیرالمؤمنین خلیفۃ المسیح الثانی ایّدہ اللہ تعالیٰ نے بھی اسے صراحت کے ساتھ اپنے اوپر چسپاں کیا ہے۔(نوٹ از مولانا جلال الدین شمسؓ) چنانچہ حضور نے ۲۸؍جنوری۱۹۴۴ء بروز جمعۃ المبارک خطبہ جمعہ میں اللہ تعالیٰ کی طرف سے علم پاکر اپنے مصلح موعود ہونے کا اعلان فرمایا۔حضور فرماتے ہیں۔(الف) ’’خدا تعالیٰ نے اپنی مشیت کے ماتحت آخر اس امر کو ظاہر کردیا اور مجھے اپنی طرف سے علم بھی دے دیا کہ مصلح موعود سے تعلق رکھنے والی پیشگوئیاں میرے متعلق ہیں۔‘‘ (ب) ’’آج پہلی دفعہ میں نے وہ تمام پیشگوئیاں پڑھیں اور اب ان پیشگوئیوں کو پڑھنے کے بعد میں خدا تعالیٰ کے فضل سے یقین اور وثوق کے ساتھ کہہ سکتا ہوں کہ خدا تعالیٰ نے یہ پیشگوئی میرے ذریعہ سے ہی پوری کی ہے۔‘‘ (روزنامہ الفضل یکم فروری۱۹۴۴ء صفحہ ۶)
کے رُو برو اور ہماری وحی سے بنا۔جو لوگ تجھ سے بیعت کریں گے وہ تجھ سے نہیں بلکہ خدا سے بیعت کریں گے خدا کا ہاتھ ہوگا جو ان کے ہاتھوں پر ہوگا۔(ازالہ اوہام۔روحانی خزائن جلد ۳صفحہ ۵۶۵) (ب) ’’اُس نے اس سلسلہ کے قائم کرنے کے وقت مجھے فرمایا کہ زمین میں طوفانِ ضلالت برپا ہے تو اِس طوفان کے وقت میں یہ کشتی طیار کر۔جو شخص اِس کشتی میں سوار ہوگا و ہ غرق ہونے سے نجات پا جائے گا اور جو انکار میں رہے گا اُس کے لئے موت درپیش ہے۔اورفرمایا کہ جو شخص تیرے ہاتھ میں ہاتھ دے گا اُس نے تیرے ہاتھ میں نہیں بلکہ خدا تعالیٰ کے ہاتھ میں ہاتھ دیا۔‘‘ (فتح اسلام۔روحانی خزائن جلد۳ صفحہ۲۴، ۲۵) ۱۸۸۹ء ’’خدا تعالیٰ نے مجھے مخاطب کرکے فرمایا… کہ خدا تعالیٰ کے حضور میں اپنی تمام طاقتوں کے ساتھ حاضر ہوجاؤ اور اپنے ربّ کریم کو اکیلا مت چھوڑو۔جو شخص اُسے اکیلا چھوڑتا ہے وہ اکیلا چھوڑا جائے گا۔‘‘ (اشتہار تکمیل تبلیغ مورخہ ۱۲ ؍ جنوری ۱۸۸۹ء۔مجموعہ اشتہارات جلد ۱ صفحہ۲۰۹ مطبوعہ ۲۰۰۸ء ) ۴؍ مارچ ۱۸۸۹ء ’’مجھے معلوم ہوا ہے کہ بعض فوائد و منافع بیعت کہ جو آپ لوگوں کے لئے مقدّر ہیں اِس انتظام پر موقوف ہیں کہ آپ سب صاحبوں کے اسماء مُبارکہ ایک کتاب میں بقید ولدیت و سکونت مستقل و عارضی طورمعہ کسی قدر کیفیت کے (اگرممکن ہو) اندراج پاویں۔‘‘ (اشتہار گذارش ضروری مورخہ ۴؍مارچ ۱۸۸۹ء۔ازالہ اوہام۔روحانی خزائن جلد۳ صفحہ ۵۵۸) ۴؍ مارچ ۱۸۸۹ء ’’یہ انتظام جس کے ذریعہ سے راستبازوں کا گروہ کثیر ایک ہی سلک میں منسلک ہوکر وحدت مجموعی کے پیرایہ میں خلق اللہ پر جلوہ نما ہوگا اور اپنی سچائی کی مُـختلفُ المَخرَج شعاعوں کو ایک ہی خط ِ ممتد میں ظاہر کرے گا۔خداوند عزّوجلّ کو بہت پسند آیا ہے۔‘‘ (اشتہار گذارش ضروری مورخہ ۴؍ مارچ۱۸۸۹ء۔ازالہ اوہام۔روحانی خزائن جلد۳ صفحہ ۵۵۹) ۴؍ مارچ ۱۸۸۹ء ’’خدا تعالیٰ نے ارادہ فرمایا ہے کہ محض اپنے فضل اور کرامت خاص سے اس عاجز کی دعاؤں او راس ناچیز کی توجہ کو ان کی؎۱پاک استعدادوں کے ظہور و بروز کا وسیلہ ٹھہراوے اور اس قدوس جلیل الذّات نے مجھے جوش بخشا ہے تا میں ان طالبوں کی تربیت باطنی میں مصروف ہوجاؤں۔‘‘ (اشتہار گذارش ضروری مورخہ۴؍مارچ۱۸۸۹ء۔ازالہ اوہام۔روحانی خزائن جلد۳ صفحہ۵۶۲) ۱ (نوٹ از حضرت مرزا بشیر احمدؓ) بیعت ِ اولیٰ لدھیانہ میں ۲۰؍رجب ۱۳۰۶ھ مطابق۲۳؍ مارچ ۱۸۸۹ء بروز شنبہ کو ہوئی۔
مارچ ۱۸۸۹ء ’’ منجملہ ان نشانوں کے جو پیشگوئی کے طور پر ظہور میں آئے وہ پیشگوئی ہے جو میں نے اخویم قاضی ضیاء الدین صاحب قاضی کوٹی ضلع گوجرانوالہ کے متعلق کی تھی… اور وہ یہ ہے… کہ قاضی صاحب آپ کو ایک سخت ابتلاء پیش آنے والا؎۲ہے۔‘‘ (تریاق القلوب۔روحانی خزائن جلد۱۵صفحہ ۴۷۲) اپریل۳؎ ۱۸۸۹ء ’’ایک دفعہ مجھے علی گڑھ میں جانے کا اتفاق ہوا اور مرض ضعفِ دماغ کی و جہ سے جس کا قادیان میں بھی کچھ مدّت پہلے دورہ ہوچکا تھا میں اس لائق نہیں تھا کہ زیادہ گفتگو یا اور کوئی دماغی محنت کاکام کرسکتا… اس حالت میں علی گڑھ کے ایک مولوی صاحب محمد اسمٰعیل نام مجھ سے ملے اور انہوں نے نہایت انکساری سے وعظ کے لئے درخواست کی… میں نے اس درخواست کو بشوقِ دل قبول کیا اور چاہا کہ لوگوں کے عام مجمع میں اسلام کی حقیقت بیان کروں… لیکن بعد اس کے میں خدا تعالیٰ کی طرف سے روکا گیا۔مجھے یقین ہے کہ چونکہ میری صحت کی حالت اچھی نہیں تھی اس لئے خدا تعالیٰ نے نہ چاہا کہ زیادہ مغزخواری کرکے کسی جسمانی بَلا میں پڑوں۔اس لئے اُس نے وعظ کرنے سے مجھے روک دیا۔ایک دفعہ اس سے پہلے بھی ایسا ہی اتفاق ہوا تھا کہ میری ضُعف کی حالت میں ایک نبی گذشتہ نبیوں میں سے کشفی طور پر مجھ کو ملے اور مجھے بطور ہمدردی اور نصیحت کے کہا کہ اس قدر دماغی محنت کیوں کرتے ہو اس سے تو تم بیمار ہوجاؤ گے۔‘‘ (فتح اسلام۔روحانی خزائن جلد۳ صفحہ ۱۷، ۱۸ حاشیہ) دسمبر ۱۸۹۰ء ’’ کیا شک ہے ماننے میں تمہیں اِس مسیح کے جس کی مماثلت کو خدا نے بتادیا حاذق طبیب پاتے ہیں تم سے یہی خطاب ۱ یعنی بیعت کرنے والوں کی۔(شمس) ۲ (نوٹ از مولانا عبد اللطیف بہاولپوری) یہ پیشگوئی حضور ؑ نے اس وقت فرمائی جبکہ قاضی صاحب لدھیانہ میں حضورؑ کی بیعت سے مشرف ہوئے اور پھر جس طرح یہ ابتلاء پیش آیا اور پیشگوئی پوری ہوئی اس کی تفصیل قاضی صاحب موصوف نے اپنے خط میں درج کرکے حضرت مسیح موعود علیہ السلام کی خدمت میں بھیجی چنانچہ حضور ؑ نے اس خط کو بھی اسی کتاب تریاق القلوب میں درج فرما دیا۔تفصیل وہاں دیکھ لی جاوے۔۳ (نوٹ از ناشر) علی گڑھ کا سفر حضرت مسیح موعود علیہ السلام نے اپریل ۱۸۸۹ء میں اختیار کیا۔(حیات احمد جلد ۳ صفحہ ۵۳ مطبوعہ ۲۰۱۳ء)
خوبوں کو بھی تو تم نے مسیحا بنا دیا ‘‘ (ٹائٹل رسالہ فتح اسلام۔روحانی خزائن جلد۳، صفحہ ۱) ۱۸۹۰ء ’’حضرت عالی سیدنا و مولانا صلی اللہ علیہ وآلہٖ وسلم بطور پیشگوئی فرماچکے ہیں کہ اِس اُمّت پر ایک زمانہ آنے والا ہے جس میں وہ یہودیوں سے سخت درجہ کی مشابہت پیدا کرلے گی… تب فارسؔ کی اصل میں سے ایک ایمان کی تعلیم دینے والا پیدا ہوگا۔اگر ایمان ثریّاؔ میں معلّق ہوتا، تو وہ اُسے اس جگہ سے بھی پالیتا۔یہ پیشگوئی آنحضرت صلی اللہ علیہ وسلم کی ہے جس کی حقیقت الہام الٰہی نے اِس عاجز پر کھول دی اور تصریح سے اُس کی کیفیت ظاہر کردی اور مجھ پر خدا تعالیٰ نے اپنے الہام کے ذریعہ سے کھول دیا کہ حضرت مسیح بن مریم بھی درحقیقت ایک ایمان کی تعلیم دینے والا تھا جو حضرت موسیٰ سے چودہ سَو۱۴۰۰ برس بعد پیدا ہوا اس زمانہ میں جبکہ یہودیوں کی ایمانی حالت نہایت کمزور ہوگئی تھی اور وہ بوجہ کمزوری ایمان کے ان تمام خرابیوں میں پھنس گئے تھے جو درحقیقت بے ایمانی کی شاخیں ہیں۔پس جبکہ اس اُمّت کو بھی اپنے نبی صلی اللہ علیہ وسلم کی بعثت کے عہد پر چودہ سو برس کے قریب مدّت گذری تو وہی آفات ان میں بھی بکثرت پیدا ہوگئیں جو یہودیوں میں پیدا ہوئی تھیں۔تا وہ پیشگوئی پوری ہو جو ان کے حق میں کی گئی تھی۔پس خدا تعالیٰ نے اِن کے لئے بھی ایک ایمان کی تعلیم دینے والا مثیلِ مسیح اپنی قدرتِ کاملہ سے بھیج دیا۔مسیح جو آنے والا تھا یہی ہے چاہو تو قبول کرو جس کسی کے کان سننے کے ہوں سُنے۔یہ خدا تعالیٰ کا کام ہے اور لوگوں کی نظر میں عجیب۔‘‘ (فتح اسلام۔روحانی خزائن جلد ۳ صفحہ ۹،۱۰ حاشیہ) ۱۸۹۰ء ’’ خدا تعالیٰ نے مجھے بھی بشارت دی کہ موت کے بعد مَیں پھر تجھے حیات بخشوں گا اور فرمایا کہ جو لوگ خدا تعالیٰ کے مقر ّب ہیں وہ مرنے کے بعد پھر زندہ ہو جایا کرتے ہیں۔اور فرمایا کہ میں اپنی چمکار دکھلاؤں گا اور اپنی قدرت نمائی سے تجھے اُٹھاؤں گا پس میری اس دوبارہ زندگی سے مراد بھی میرے مقاصد کی زندگی ہے۔‘‘ (فتح اسلام۔روحانی خزائن جلد۳ صفحہ ۱۶ حاشیہ)
۱۸۹۰ء ’’ اس حکیم و قدیر نے اِس عاجز کو اصلاحِ خلائق کے لئے بھیج کر … دنیا کو حق اور راستی کی طرف کھینچنے کے لئے کئی شاخوں؎۱ پر امر تائید حق اور اشاعت ِ اسلام کو مُنقسم کردیا… یہ پانچ طور کا سلسلہ جو خدا تعالیٰ نے اپنے ہاتھ سے قائم کیا… خدا تعالیٰ کی نظر میں یہ سب ضروری ہیں اور جس اصلاح کے لئے اُس نے ارادہ فرمایا ہے وہ اِصلاح بجز استعمال ان پانچوں طریقوں کے ظہور پذیر نہیں ہوسکتی۔‘‘ (فتح اسلام۔روحانی خزائن جلد۳ صفحہ ۱۱،۱۲ و۲۵،۲۶) ۱۸۹۰ء ’’ مجھے یاد ہے کہ ایک مرتبہ ایک سخت بے دین ہندو سے اس عاجز کی گفتگو ہوئی اور اس نے حد سے زیادہ تحقیر دین متین کے الفاظ استعمال کئے۔غیرت دینی کی و جہ سے کسی قدر اس عاجز نے وَاغْلُظْ عَلَیْـھِمْ پر عمل کیامگر چونکہ وہ ایک شخص کو نشانہ بنا کر درشتی کی گئی تھی اس لئے الہام ہوا کہ تیرے بیان میں سختی بہت ہے رِفق چاہیے رِفق۔‘‘ (از مکتوب بنام مولوی محمد حسین صاحب بٹالوی۔مکتوبات احمد جلد۱ صفحہ ۳۱۶ مطبوعہ ۲۰۰۸ء) جنوری ۱۸۹۱ء توضیح مرام ۲؎ (توضیح مرام ٹائٹل پیج روحانی خزائن جلد ۳ صفحہ ۴۹ ) ۱۸۹۱ء ’’فضل الرحمٰن؎۱کی نسبت اس عاجز کو پہلے سے ظنِّ نیک ہے۔ایک دفعہ اس کی نسبت سَیُـھْدٰی؎۲ کا الہام ہوچکا ہے۔‘‘ (از مکتوب بنام حضرت حکیم مولوی نور الدین صاحبؓ۔مکتوبات احمد جلد ۲ صفحہ ۱۱۰ مطبوعہ ۲۰۰۸ء) ۱۸۹۱ء ’’اللہ جلّ شانہٗ کی وحی اور الہام سے میں نے مثیل مسیح ہونے کا دعویٰ کیا ہے اور یہ بھی میرے پر ظاہر کیا گیا ہے کہ میرے بارہ میں پہلے سے قرآنِ شریف اور احادیثِ نبویہ میں خبر دی گئی ہے اور وعدہ دیا گیا ہے۔‘‘ (از مکتوب بنام مولوی عبدالجبار صاحب غزنوی۔مکتوبات احمد جلد ۱ صفحہ ۴۲۴۔مطبوعہ ۲۰۰۸ء) ۱۸۹۱ء ’’ کل میں نے اپنے بازو پر یہ لفظ اپنے تئیں لکھتے ہوئے دیکھا کہ ۱ (نوٹ از مولانا جلال الدین شمسؓ) یہ پانچ شاخیں ہیں جن کی تفصیل حضور اقدس نے آگے اسی کتاب میں فرمائی ہے۔ایک شاخ تالیف و تصنیف کا سلسلہ ہے دوسری اشتہارات۔تیسری مہمان خانہ اور مہمانوں کی خاطر مدارات۔چوتھی مکتوبات اور پانچویں شاخ سلسلہ بیعت ہے۔(تفصیل کے لئے دیکھیے فتح اسلام۔روحانی خزائن جلد۳صفحہ ۱۲تا ۲۵) ۲ اس رسالہ توضیح مرام کا نام الہامی ہے۔(عبد اللطیف بہاولپوری)
میں اکیلا ہوں اور خدا میرے ساتھ ہے۔اور اس کے ساتھ مجھے الہام ہوا۔اِنَّ مَعِیَ رَبِّیْ سَیَـھْدِیْنِ ؎۳ سو میں جانتا ہوں کہ خداوند تعالیٰ اپنی طرف سے کوئی حجّت ظاہر کردے گا۔‘‘ (از مکتوب بنام مولوی محمد حسین صاحب بٹالوی۔مکتوبات احمد جلد ۱ صفحہ ۳۱۲۔مطبوعہ ۲۰۰۸ء) ۱۱؍مارچ ۱۸۹۱ء ’’شاید ایک ہفتہ ہوا میں نے آپ کو خواب میں دیکھا۔گویا آپ مجھ سے پوچھتے ہیں کہ میں کیا کروں۔تو میں نے آپ کو یہ کہا ہے۔خدا سے ڈر پھر جو چاہے کر۔‘‘ (از مکتوب بنام شیخ فتح محمد صاحب۔مکتوبات احمد جلد ۳ صفحہ ۲۸۰۔مطبوعہ ۲۰۱۳ء) ۱۸۹۱ء ’’ہماری ایک لڑکی عصمت بی بی نام تھی ایک دفعہ اس؎۱کی نسبت الہام ہوا۔کَرْمُ الْـجَنَّۃِ دَوْحَۃُ الْـجَنَّۃِ ؎۲ تفہیم یہ تھی کہ وہ زندہ نہیں رہے گی۔سو ایسا ہی ہوا۔‘‘ (نزول المسیح۔روحانی خزائن جلد ۱۸صفحہ ۵۹۳) ۱۸۹۱ء ’’ایک دفعہ ایسا اتفاق ہوا کہ میں نعمت اللہ ولی کا وہ قصیدہ دیکھ رہا تھا جس میں اس نے میرے آنے کی بطور پیشگوئی خبر دی ہے اور میرا نام بھی لکھا ہے اور بتلایا ہے کہ تیرھویں صدی کے اخیر میں وہ مسیح موعود ظاہر ہوگا اور میری نسبت یہ شعر لکھا ہے کہ؎ مھدیٔ وقت و عیسٰی ٔ دوراں ھر دو را شہسوار مے بینم ۱ مفتی فضل الرحمٰن صاحب داماد حضرت خلیفۃ المسیح الاوّل ؓ۔(مرزا بشیر احمد) ۲ (ترجمہ از مرتّب) وہ ضرور سیدھے راستہ پر ڈالا جائے گا۔(نوٹ از عرفانی صاحبؓ) مفتی فضل الرحمٰن صاحبؓ کے رشتہ نکاح کے متعلق حضرت مولوی صاحبؓ نے مشورہ پوچھا تھا… حضرت مسیح موعود علیہ السلام نے مشورہ دیا اور الہام الٰہی نے اس کی تائید فرمائی۔(از مکتوب بنام حضرت حکیم مولوی نور الدین صاحبؓ۔مکتوبات احمد جلد ۲ صفحہ ۱۱۰ مطبوعہ ۲۰۰۸ء) ۳ (ترجمہ از مرتّب) میرے ساتھ میرا خدا ہے۔وہ ضرور میرے لئے راستہ پیدا کردے گا۔
یعنی وہ آنے والا مہدی بھی ہوگا اور عیسیٰ بھی ہوگا۔دونوں ناموں کا مصداق ہوگا اور دونوں طور کے دعوے کرے گا۔پس اِس اثناء میں کہ میں یہ شعر پڑھ رہا تھا عین پڑھنے کے وقت مجھے یہ الہام ہوا۔از پئے آں محمد احسن را تارکِ روزگار مے بینم؎۳ یعنی میں دیکھتا ہوں کہ مولوی سید محمد احسن امروہی اسی غرض کے لئے اپنی نوکری سے جو ریاست بھوپال میں تھی علیحدہ ہوگئے تا خدا کے مسیح موعود کے پاس حاضر ہوں اور اس کے دعوے کی تائید کے لئے خدمت بجالاوے، اور یہ ایک پیشگوئی تھی جو بعد میں نہایت صفائی سے ظہور میں آئی۔‘‘ (حقیقۃ الوحی۔روحانی خزائن جلد۲۲ صفحہ ۳۴۶) ۱۸۹۱ء ’’جب یہ آیتیں اُتریں کہ مشرکین رجس ہیں، پلید ہیں، شرّالبریّہ ہیں، سفہا ہیں اور ذریّت شیطان ہیں اور اُن کے معبود وقود النار اور حصب جہنّم ہیں تو ابوطاؔلب نے آنحضرت صلی اللہ علیہ وسلم کو بُلا کر کہا کہ اے میرے بھتیجے! اب تیری دشنام دہی سے قوم سخت مشتعل ہوگئی ہے اور قریب ہے کہ تجھ کو ہلاک کریں اور ساتھ ہی مجھ کو بھی۔تُونے اُن کے عقلمندوں کو سفیہ قرار دیا اور اُن کے بزرگوں کو شرّالبریّہ کہا اور ان کے قابلِ تعظیم معبودوں کا نام ہیزمِ جہنّم اور وَقُوْدُ النَّارِ رکھا اور عام طور پر ان سب کو رِجس اور ذریّت شیطان اور پلید ٹھہرایا۔میں تجھے خیر خواہی کی راہ سے کہتا ہوں کہ اپنی زبان کو تھام اور دشنام دہی سے باز آجا ورنہ میں قوم کے مقابلہ کی طاقت نہیں رکھتا۔آنحضرت صلی اللہ علیہ وسلم نے جواب میں کہا کہ اے چچا! یہ دشنام دہی نہیں ہے بلکہ اظہارِ واقعہ اور نفس الامر کا عین محل پر بیان ہے، اور یہی تو کام ہے جس کے لئے میں بھیجا گیا ہوں۔اگر اس سے مجھے مرنا درپیش ۱ (نوٹ از حضرت مرزا بشیر احمدؓ) سیرۃ المہدی جلد ۱ صفحہ ۴۴۵ مطبوعہ ۲۰۰۸ء سے معلوم ہوتا ہے کہ صاحبزادی عصمت بی بی کی وفات ۱۸۹۱ء میں تصنیف و اشاعت ازالہ اوہام سے پہلے ہوئی تھی اور یہ الہام بہر حال پہلے کا ہے مگر چونکہ ہم پہلے کی تعیین نہیں کرسکتے اس لئے اسے ۱۸۹۱ء میں ہی رکھا جاتا ہے۔۲ (ترجمہ از مرتّب) انگور کی جنّتی بیل۔جنت کا بڑا درخت۔۳ (نوٹ از حضرت مرزا بشیر احمدؓ) یہ الہامی شعر نمونہ پرچہ القادیان یکم ستمبر ۱۹۰۲ء میں بھی درج ہے لیکن پہلے مصرعہ میں’’ از پئے آں محمد احسن را‘‘ کی بجائے ’’ از برایش محمد احسن را ‘‘ لکھا ہے۔اگر یہ راوی کے حافظہ کی غلطی نہیں ہے تو معلوم ہوتا ہے کہ اس الہامی شعر کی دو۲ قراءتیں ہیں۔وَاللہُ اَعْلَمُ۔
ہے تو میں بخوشی اپنے لئے اِس موت کو قبول کرتا ہوں۔میری زندگی اِسی راہ میں وقف ہے۔میں موت کے ڈر سے اظہارِ حق سے رُک نہیں سکتا۔اور اے چچا! اگر تجھے اپنی کمزوری اور اپنی تکلیف کا خیال ہے تو تُو مجھے پناہ میں رکھنے سے دست بردار ہوجا۔بخدا مجھے تیری کچھ بھی حاجت نہیں میں احکامِ الٰہی کے پہنچانے سے کبھی نہیں رکوں گا۔مجھے اپنے مولیٰ کے احکام جان سے زیادہ عزیز ہیں۔بخدا اگر میں اس راہ میں مارا جاؤں تو چاہتا ہوں کہ پھر بار بار زندہ ہوکر ہمیشہ اسی راہ میں مرتا رہوں۔یہ خوف کی جگہ نہیں بلکہ مجھے اس میں بے انتہا لذّت ہے کہ اس کی راہ میں دُکھ اُٹھاؤں۔آنحضرت صلی اللہ علیہ وسلم یہ تقریر کررہے تھے اور چہرہ پر سچائی اور نورانیت سے بھری ہوئی رِقّت نمایاں ہورہی تھی اور جب آنحضرت صلی اللہ علیہ وسلم یہ تقریر ختم کرچکے تو حق کی روشنی دیکھ کر بے اختیار ابو طاؔلب کے آنسو جاری ہوگئے اور کہا کہ میں تیری اس اعلیٰ حالت سے بے خبر تھا۔تُو اورہی رنگ میں اور اَور ہی شان میں ہے جا اپنے کام میں لگا رہ جب تک میں زندہ ہوں جہاں تک میری طاقت ہے میں تیرا ساتھ دوں گا۔یہ سب مضمون ابوطالب کے قصّہ کا اگرچہ کتابوں میں درج ہے مگر یہ تمام عبارت الہامی ہے جو خدائے تعالیٰ نے اِس عاجز کے دل پر نازل کی صرف کوئی کوئی فقرہ تشریح کے لئے اِس عاجز کی طرف سے ہے اس الہامی عبارت سے ابو طالب کی ہمدردی اور دلسوزی ظاہر ہے لیکن بکمال یقین یہ بات ثابت ہے کہ یہ ہمدردی پیچھے سے انوار نبوت وآثار استقامت دیکھ کر پیدا ہوئی تھی ہمارے سیّد ومولیٰ صلی اللہ علیہ وسلم نے ایک بڑا حصّہ عمر کا جو چالیس برس ہے بے کسی اور پریشانی اور یتیمی میں بسر کیا تھاکسی خویش یا قریب نے اس زمانہ تنہائی میں کوئی حق خویشی اور قرابت کا ادا نہیں کیا تھا یہاں تک کہ وہ روحانی بادشاہ اپنی صغر سنی کی حالت میں لاوارث بچوں کی طرح
بعض بیابان نشین اور خانہ بدوش عورتوں کے حوالہ کیا گیا اور اُسی بے کسی اور غریبی کی حالت میں اس سیّد الانام نے شیر خوارگی کے دن پورے کئے اورجب کچھ سن تمیز پہنچاتو یتیم اور بے کس بچوں کی طرح جن کا دنیا میں کوئی بھی نہیں ہوتا اُن بیابان نشین لوگوں نے بکریاں چرانے کی خدمت اُس مخدوم العالمین کے سپُرد کی اور اُس تنگی کے دنوں میں بجز ادنیٰ قسم کے اناجوں یا بکریوں کے دُودھ کے اور کوئی غذانہ تھی جب سن بلوغ پہنچا تو آنحضرت صلی اللہ علیہ وسلم کی شادی کے لئے کسی چچاوغیرہ نے باوجود آنحضرت کے اوّل درجہ کے حسن وجمال کے کچھ فکر نہیں کی بلکہ پچیس برس کی عمر ہونے پر اتفاقی طورپر محض خدائے تعالیٰ کے فضل وکرم سے ایک مکّہ کی رئیسہ نے آنحضرت صلی اللہ علیہ وسلم کو اپنے لئے پسند کر کے آپ سے شادی کر لی یہ نہایت تعجب کا مقام ہے کہ جس حالت میں آنحضرت صلی اللہ علیہ وسلم کے حقیقی چچا ابو طالب اور حمزہ اور عبّاس جیسے موجود تھے اور بالخصوص ابوطالب رئیس مکّہ اور اپنی قوم کے سردار بھی تھے اوردنیوی جاہ وحشمت ودولت ومقدرت بہت کچھ رکھتے تھے مگر باوجود ان لوگوں کی ایسی امیرانہ حالت کے آنحضرت صلی اللہ علیہ وسلم کے وہ ایّام بڑی مصیبت اور فاقہ کشی اور بے سامانی سے گذرے یہاں تک کہ جنگلی لوگوں کی بکریاں چرانے تک نوبت پہنچی اور اس دردناک حالت کو دیکھ کر کسی کے آنسو جاری نہیں ہوئے اور آنحضرت صلی اللہ علیہ وسلم کی عمر شباب پہنچنے کے وقت کسی چچا کو خیال تک نہیں آیا کہ آخر ہم بھی تو باپ ہی کی طرح ہیں شادی وغیرہ امور ضروریہ کے لئے کچھ فکر کریں حالانکہ اُن کے گھر میں اوراُن کے دوسرے اقارب میں بھی لڑکیاں تھیں۔سو اس جگہ بالطبع یہ سوال پیدا ہوتا ہے کہ اس قدر سرد مہری اُن لوگوں سے کیوں ظہور میں آئی اس کا واقعی جواب یہی ہے کہ ان لوگوں نے ہمارے سیّد ومولیٰ صلی اللہ علیہ وسلم کو دیکھا کہ ایک لڑکا یتیم ہے جس کا باپ نہ ماں ہے بے سامان ہے جس کے پاس کسی قسم کی جمعیت نہیں نادار ہے جس کے ہاتھ پلّے کچھ بھی نہیں ایسے مصیبت زدہ کی ہمدردی سے فائدہ ہی کیا ہے اور اُس کو اپنا داماد بنانا تو گویا اپنی لڑکی کو تباہی میں ڈالنا ہے مگر اس بات کی خبر نہیں تھی کہ وہ ایک شہزادہ اور روحانی بادشاہوں کا سردار ہے جس کو دنیا کے تمام خزانوں کی کنجیاں دی جائیں گی۔‘‘ (ازالہ اوہام۔روحانی خزائن جلد ۳ صفحہ ۱۱۰ تا ۱۱۴ حاشیہ) ۱۸۹۱ء ’’صحیح مسلم میں یہ جو لکھا ہے کہ حضرت مسیح دمشق کے منارہ سفید شرقی کے پاس اُتریں گے… دمشق کے لفظ کی تعبیر میں میرے پر منجانب اللہ یہ ظاہر کیا گیا ہے کہ اس جگہ ایسے قصبہ کا نام دمشق رکھا گیا ہے جس میں ایسے لوگ رہتے ہیں جو یزیدی الطبع اور یزید پلید کی عادات اور خیالات کے پیرو ہیں… مجھ پر یہ ظاہر کیا
گیا ہے کہ دمشق کے لفظ سے دراصل وہ مقام مراد ہے جس میں یہ دمشق والی مشہور خاصیّت پائی جاتی ہے اور خدائے تعالیٰ نے مسیح کے اُترنے کی جگہ جو دمشق کو بیان کیا تو یہ اس بات کی طرف اشارہ ہے کہ مسیح سے مراد وہ اصلی مسیح نہیں ہے جس پر انجیل نازل ہوئی تھی بلکہ مسلمانوں میں سے کوئی ایسا شخص مراد ہے جو اپنی روحانی حالت کی رُو سے مسیح سے اور نیز امام حسین سے بھی مشابہت رکھتا ہے کیونکہ دمشق پایۂ تخت یزید ہوچکا ہے اور یزیدیوں کا منصوبہ گاہ جس سے ہزار ہا طرح کے ظالمانہ احکام نافذ ہوئے وہ دمشق ہی ہے… سو خدائے تعالیٰ نے اُس دمشق کو جس سے ایسے پُر ظلم احکام نکلتے تھے اور جس میں ایسے سنگ دل اور سیاہ دروں لوگ پیدا ہوگئے تھے اِس غرض سے نشانہ بنا کر لکھا کہ اب مثیل دمشق عدل اور ایمان پھیلانے کا ہیڈ کوارٹر ہوگا کیونکہ اکثر نبی ظالموں کی بستی میں ہی آتے رہے ہیں اور خدا تعالیٰ لعنت کی جگہوں کو برکت کے مکانات بناتا رہا ہے۔‘‘ (ازالہ اوہام۔روحانی خزائن جلد ۳ صفحہ ۱۳۴ تا ۱۳۷ حاشیہ) ۱۸۹۱ء ’’قادیان کی نسبت مجھے یہ بھی الہام ہوا کہ اُخْرِجَ مِنْہُ الْیَزِیْدِ یُّوْنَ یعنی اس میں یزیدی لوگ پیدا کئے گئے ہیں۔‘‘ (ازالہ اوہام۔روحانی خزائن جلد۳ صفحہ ۱۳۸ حاشیہ) ۱۸۹۱ء (الف) ’’ایک صاف اور صریح کشف میں مجھ پر ظاہر کیا گیا کہ ایک شخص حارثؔ نام یعنی حر ّاث ؎۱ آنے والا جو ابوداؤد کی کتاب میں لکھا ہے یہ خبر صحیح ہے اور یہ پیشگوئی اور مسیح کے آنے کی پیشگوئی درحقیقت یہ دونوں اپنے مصداق کی رُو سے ایک ہی ہیں۔یعنی اِن دونوں کا مصداق ایک ہی شخص ہے جو یہ عاجز ہے۔‘‘ (ازالہ اوہام۔روحانی خزائن جلد ۳ صفحہ ۱۳۵ حاشیہ) (ب) ’’یہ پیشگوئی جو ابوداؤد کی صحیح میں درج ہے کہ ایک شخص حارث نام یعنی حر ّاث ماورائے نہر سے یعنی سمر قند کی طرف سے نکلے گاجو آلِ رسول کو تقویّت دے گا جس کی امداد اور نصرت ہر ایک مومن پر واجب ہوگی۔الہامی طور پر مجھ پر ظاہر کیا گیا ہے کہ یہ پیشگوئی اور مسیح کے آنے کی پیشگوئی جو مسلمانوں کا امام اور مسلمانوں میں سے ہوگا دراصل یہ دونوں پیشگوئیاں متحد المضمون ہیں اور دونوں کا مصداق یہی عاجز ہے۔‘‘ (ازالہ اوہام۔روحانی خزائن جلد۳ صفحہ ۱۴۱حاشیہ) ۱ (نوٹ از مولانا جلال الدین شمسؓ) حارث کے معنے زمیندار کے ہیں اور حَرّاث سے مراد بڑا زمیندار ہے اور یہ بات حضرت مسیح موعود علیہ السلام میں پائی جاتی ہے۔
۱۸۹۱ء ’’پھر وہ منصور؎۱مجھے کشف کی حالت میں دکھایا گیا اور کہا گیا کہ خوشحال ہے۔خوشحال ہے مگر خدائے تعالیٰ کی کسی حکمت خفیہ نے میری نظر کو اُس کے پہچاننے سے قاصر رکھا لیکن امید رکھتا ہوں کہ کسی دوسرے وقت دکھایا جائے۔‘‘ (ازالہ اوہام۔روحانی خزائن جلد ۳ صفحہ ۱۴۹ حاشیہ) ۱۸۹۱ء ’’الہام ہوا قُلْ لَّوْ کَانَ الْاَمْرُمِنْ عِنْدِ غَیْرِاللّٰہِ لَوَجَدْتُّمْ فِیْہِ اخْتِلَافًا کَثِیْرًا۔قُلْ لَّوِاتَّبَعَ اللّٰہُ اَھْوَآءَکُمْ لَفَسَدَ۔تِ السَّمٰوَاتُ وَالْاَرْضُ وَمَنْ فِیْـھِنَّ وَلَبَطَلَتْ حِکْمَتُہٗ۔وَکَانَ اللّٰہُ عَزِیْزًا حَکِیْـمًا۔قُلْ لَّوْ کَانَ الْبَحْرُ مِدَادًا لِّکَلِمَاتِ رَبِّیْ لَنَفِدَالْبَحْرُ قَبْلَ اَنْ تَنْفَدَ کَلِمَاتُ رَبِّیْ وَلَوْ جِئْنَا بِـمِثْلِہٖ مَدَ۔دًا۔قُلْ اِنْ کُنْتُمْ تُـحِبُّوْنَ اللّٰہَ فَاتَّبِعُوْنِیْ یُـحْبِبْکُمُ اللّٰہُ وَکَانَ اللّٰہُ غَفُوْرًا رَّحِیْـمًا۔؎۲ پھر اس کے بعد الہام کیا گیا کہ اِن علماء نے میرے گھر کو بدل ڈالا۔میری عبادت گاہ میں اِن کے چُولہے ہیں۔میری پرستش کی جگہ میں ان کے پیالے اور ٹھوٹھیاں رکھی ہوئی ہیں اور چوہوں کی طرح میرے نبی کی حدیثوں کو کُتر رہے ہیں۔(ٹھوٹھیاں وہ چھوٹی پیالیاں ہیں جن کو ہندوستانی میں سکوریاں کہتے ہیں۔عبادت گاہ سے مراد اس الہام میں ۱ حضرت مسیح موعود علیہ السلام تحریر فرماتے ہیں۔’’اس کے لشکر یعنی اس کی جماعت کا سردار وسرگروہ ایک توفیق یافتہ شخص ہو گا جس کو آسمان پر منصور کے نام سے پکاراجاوے گا کیونکہ خدائے تعالیٰ اس کے خادمانہ ارادوں کا جو اس کے دل میں ہوں گے آپ ناصر ہوگا۔اس جگہ اگرچہ اُس منصور کو سپہ سالار کے طور پر بیان کیا ہے مگر اس مقام میں درحقیقت کوئی ظاہری جنگ وجدل مراد نہیں ہے بلکہ یہ ایک روحانی فوج ہوگی کہ اُس حارث کو دی جائے گی۔‘‘ (ازالہ اوہام۔روحانی خزائن جلد ۳ صفحہ ۱۴۸، ۱۴۹ حاشیہ) ۲ (ترجمہ از مرتّب) کہہ کہ اگر یہ معاملہ اللہ تعالیٰ کی طرف سے نہ ہوتا بلکہ غیر اللہ کی بناوٹ ہوتا تو تم اس میں بہت اختلاف پاتے۔کہہ کہ اگر اللہ تعالیٰ تمہارے خیالاتِ باطلہ کی پیروی کرتا تو آسمان و زمین اور ان کے اندر رہنے والی مخلوق میں فساد برپا ہوجاتا اور حکمتِ الٰہی باطل ہوجاتی اور اللہ تعالیٰ غالب اور حکیم ہے۔کہہ کہ اگر سمندر میرے ربّ کی باتوں (کے لکھنے) کے لئے روشنائی بن جاتے تو میرے ربّ کی باتوں کے ختم ہونے سے پہلے سمندر ختم ہوجاتے اگرچہ ہم اتنے ہی اور (سمندر) ان میں شامل کرکے انہیں بڑھاتے۔کہہ اگر تم اللہ تعالیٰ سے محبت رکھتے ہو تو میری پیروی کرو۔اللہ تعالیٰ تم سے محبّت کرے گا اور اللہ تعالیٰ بہت ہی بخشنے والا اور رحم کرنے والا ہے۔