تذکرہ یعنی وحی مقدّس و روٴیا و کشوف حضرت مسیح موعود علیہ الصلوٰة و السلام

حصہ 14

Urdu text of the edition of the Ahmadiyya Muslim Jamaat.

میں زمانۂ حال کے اکثر مولویوں کے دل ہیں جو دُنیا سے بھرے ہوئے ہیں)۔‘‘ (ازالہ اوہام۔روحانی خزائن جلد۳ صفحہ ۱۳۹، ۱۴۰حاشیہ) ۱۸۹۱ء ’’کشفی حالت میں اِس عاجز نے دیکھا کہ انسان کی صورت پردو شخص ایک مکان میں بیٹھے ہیں، ایک زمین پر اور ایک چھت کے قریب بیٹھا ہے۔تب میں نےاُس شخص کو جو زمین پر تھا مخاطب کرکے کہا کہ مجھے ایک لاکھ فوج کی ضرورت ہے مگر وہ چپ رہا اور اُس نے کچھ بھی جواب نہ دیا۔تب میں نے اس دوسرے کی طرف رخ کیا جو چھت کے قریب اور آسمان کی طرف تھا اور اُسے میں نے مخاطب کرکے کہا کہ مجھے ایک لاکھ فوج کی ضرورت ہے۔وہ میری اِس بات کو سُن کر بولا کہ ایک لاکھ نہیں ملے گی مگر پانچ ہزار سپاہی دیا جائے گا۔تب میں نے اپنے دل میں کہا کہ اگرچہ پانچ ہزار تھوڑے آدمی ہیں پر اگر خدائے تعالیٰ چاہے تو تھوڑے بہتوں پر فتح پاسکتے ہیں۔اُس وقت میں نے یہ آیت پڑھی۔كَمْ مِّنْ فِئَةٍ قَلِيْلَةٍ غَلَبَتْ فِئَةً كَثِيْرَةًۢ بِاِذْنِ اللّٰهِ۔‘‘ ۱؎ (ازالہ اوہام۔روحانی خزائن جلد۳ صفحہ ۱۴۹حاشیہ) ۱۸۹۱ء ’ ’اس عاجز پر ظاہر کیا گیا ہے کہ جو بات اِس عاجز کی دعا کے ذریعہ سے ردّ کی جائے وہ کسی اَور ذریعہ سےقبول نہیں ہوسکتی اور جو دروازہ اس عاجز کے ذریعہ سے کھولا جائے وہ کسی اور ذریعہ سے بند نہیں ہوسکتا۔‘‘ (ازالہ اوہام۔روحانی خزائن جلد۳ صفحہ ۱۵۸حاشیہ) ۱۸۹۱ء ’’مجھے مخاطب کرکے فرمایا کہ اَنْتَ اَشَدُّ مُنَاسَبَۃً بِعِیْسَی ابْنِ مَرْیَمَ وَاَشْبَہُ النَّاسِ بِہٖ خُلُقًا وَّ خَلْقًا وَّ زَمَانًـا۔‘‘۲؎ (ازالہ اوہام۔روحانی خزائن جلد۳ صفحہ ۱۶۵) ۱۸۹۱ء ’’خدا ئے تعالیٰ نے ایک قطعی اور یقینی پیشگوئی میں میرے پر ظاہر کر رکھا ہے کہ میری ہی ذرّیت سے ایک شخص پیدا ہوگا جس کو کئی باتوں میں مسیح سے مشابہت ہوگی۔وہ آسمان (سے) اُترے گا اور زمین والوں کی راہ سیدھی کردے گا۔وہ اسیروں کو رستگاری بخشے گا اور ان کو جو شبہات کی زنجیروں میں مقیّد ہیں رہائی دے گا۔فرزند دلبند گرامی و ارجمند۔مَظْھَرُ الْـحَقِّ وَالْعَلَآءِ۔کَاَنَّ اللّٰہَ نَـزَلَ مِنَ السَّمَآءِ۔‘‘ ؎۳ (ازالہ اوہام۔روحانی خزائن جلد۳ صفحہ ۱۸۰) ۱ (ترجمہ از ناشر) کتنی ہی کم تعداد جماعتیں ہیں جو اللہ کے حکم سے کثیر التعداد جماعتوں پر غالب آگئیں۔(البقرۃ: ۲۵۰) ۲ (ترجمہ از مرتّب) تُو کیا بلحاظ اخلاق اور کیا بلحاظ صورت و خلقت اور کیا بلحاظ زمانہ عیسیٰ ابنِ مریم کے ساتھ سب لوگوں سے بڑھ کر مناسبت اور مشابہت رکھتا ہے۔۳ (ترجمہ از مرتّب) فرزند دلبند بزرگ اور اقبال مند۔حق اور رفعت کا مظہر گویا کہ خدا آسمان سے اُتر آیا ہے۔

۱۸۹۱ء ’’چند روز کا ذکر ہے کہ اِس عاجز نے اِس طرف توجہ کی کہ کیا اس حدیث کا جو اَلْآ یَاتُ بَعْدَ الْمِأَتَیْنِ ہے ایک یہ بھی منشاء ہے کہ تیرھویں صدی کے اواخر میں مسیح موعود کا ظہور ہوگا اور کیا اس حدیث کے مفہوم میں بھی یہ عاجز داخل ہے تو مجھے کشفی طور پر اس مندرجہ ذیل نام کے اعداد حروف کی طرف توجہ دلائی گئی کہ دیکھ یہی مسیح ہے کہ جو تیرھویں صدی کے پورے ہونے پر ظاہر ہونے والا تھا۔پہلے سے یہی تاریخ ہم نے نام میں مقرر کررکھی تھی اور وہ یہ نام ہے۔غلام ا۱۳۰۰حمد قادیانی اس نام کے عدد پورے ۱۳۰۰تیرہ سو ہیں اور اس قصبہ قادیان میں بجز اِس عاجز کے اور کسی شخص کا غلام احمد نام نہیں بلکہ میرے دل میں ڈالا گیا ہے کہ اس وقت بجز اِس عاجز کے تمام دنیا میں غلام احمد قادیانی کسی کا بھی نام نہیں اور اِس عاجز کے ساتھ اکثر یہ عادت اللہ جاری ہے کہ وہ سبحانہٗ بعض اسرار اعداد حروف تہجی میں میرے پر ظاہر کردیتا ہے۔‘‘ (ازالہ اوہام۔روحانی خزائن جلد۳ صفحہ ۱۸۹،۱۹۰) ۱۸۹۱ء (الف) ’’ ایک دفعہ میں نے آدم کے سن پیدائش کی طرف توجہ کی تو مجھے اشارہ کیا گیا کہ ان اعداد پر نظر ڈال جو سورۃ العصر کے حروف میں ہیں کہ انہیں میں سے وہ تاریخ نکلتی ہے۔‘‘ (ازالہ اوہام۔روحانی خزائن جلد۳ صفحہ ۱۹۰) (ب) ’’خدا تعالیٰ نے مجھے ایک کشف کے ذریعہ سے اطلاع دی ہے کہ سورۃ العصر کے اعداد سے بحساب ابجد معلوم ہوتا ہے کہ حضرت آدم علیہ السلام سے آنحضرت صلی اللہ علیہ وسلم کے مبارک عصر تک جو عہد ِنبوت ہے یعنی تیئیس ۲۳ برس کا تمام و کمال زمانہ یہ کل مدّت گذشتہ زمانہ کے ساتھ ملا کر ۴۷۳۹ برس ابتدائے دنیا سے آنحضرت صلی اللہ علیہ وسلم کے روزِ وفات تک قمری حساب؎۱سے ہیں۔‘‘ (تحفہ گولڑویہ۔روحانی خزائن جلد۱۷ صفحہ ۲۵۱،۲۵۲) ۱۸۹۱ء ’’ایک شخص کی موت کی نسبت خدا ئےتعالیٰ نے اعداد تہجی میں مجھے خبر دی جس کا ماحصل یہ ہے کہ کَلْبٌ یَـمُوْتُ عَلٰی کَلْبٍ ۱ حضرت مسیح موعود علیہ السلام تحریر فرماتے ہیں۔’’اور شمسی حساب کے رُو سے۴۵۹۸ برس بعد آدم صفی اللہ حضرت نبیّنا محمد مصطفیٰ صلی اللہ علیہ وسلم خدا تعالیٰ کی طرف سے ظاہر ہوئے۔‘‘ ( تحفہ گولڑویہ۔روحانی خزائن جلد ۱۷صفحہ ۲۴۷ حاشیہ)

یعنی وہ کُتّا ہے اور کُتّے کے عدد پر مرے گا جو باون ۵۲ سال پر دلالت کررہے ہیں۔یعنی اس کی عمر باون ۵۲ سال سے تجاوز نہیں کرے گی جب باون سال کے اندر قدم دھرے گا تب اُسی سال کے اندر اندر راہیِ مُلکِ بقا ہوگا۔‘‘ (ازالہ اوہام۔روحانی خزائن جلد۳صفحہ ۱۹۰) ۱۸۹۱ء ’’ابھی تھوڑے دن گذرے ہیں کہ ایک مدقوق اور قریب الموت انسان مجھے دکھائی دیا اور اُس نے ظاہر کیا کہ میرا نام دین محمد ہے اور میرے دل میں ڈالا گیا کہ یہ دین محمدی ہے جو مجسّم ہو کر نظر آیا ہے اور میں نے اس کو تسلّی دی کہ تو میرے ہاتھ سے شفا پا جائے گا۔‘‘ (ازالہ اوہام۔روحانی خزائن جلد۳ صفحہ ۲۰۶) ۱۸۹۱ء ’’اور یہ جو میں نے مسمریزمی طریق کا عمل الترب؎۱نام رکھا جس میں حضرت مسیح بھی کسی درجہ تک ۱ (نوٹ از مولانا جلال الدین شمسؓ) تِرب کے معنی لغت میں ہم عمر یا مثیل کے لکھے ہیں مگر اس لفظ میں تُراب کی طرف بھی اشارہ ملتا ہے۔حضرت مسیح موعود علیہ الصلوٰۃ والسلام فرماتے ہیں۔’’وَاَمَّا التُّرَابُ فَاعْلَمْ اَنَّ ھٰذَا اللَّفْظُ مَأْخُـوْذٌ مِّنْ لَفْظِ التِّرْبِ۔وَ تِرْبُ الشَّیْءِ الَّذِیْ خُلِقَ مَعَ ذَالِکَ الشَّیْءِ عِنْدَ اَھْلِ الْعَـرَبِ۔وَ قَالَ ثَعْلَبٌ تِرْبُ الشَّیْءِ مِثْلُہٗ وَمَا شَا۔بَہَ شَیْئًا فِی الْـحُسْنِ وَالْبَھَآءِ۔فَعَلٰی ھٰذَیْنِ الْمَعْنَیَیْنِ سُـمِّیَ التُّرَابُ تُـرَابًـا لِکَوْنِـھَافِیْ خَلْقِھَا تِرْبُ السَّمَآءِ۔فَاِنَّ الْاَرْضَ خُلِقَتْ مَعَ السَّمَآءِ فِیْ اِبْتِدَاءِ الزَّمَانِ۔وَتَشَابُـھًا فِیْ اَ نْوَاعِ صُنْعِ اللّٰہِ الْمَنَّانِ۔‘‘ (انجام آتھم۔روحانی خزائن جلد ۱۱صفحہ ۲۶۲،۲۶۳ حاشیہ) (ترجمہ از مرتّب) ’’لفظ تُـرَاب تِرْب سے ماخوذ ہے اور عربوں کے نزدیک تِرْبُ الشَّیْءِ کے معنی ہیں وہ چیز جو اس کے ساتھ پیدا ہو اور ثعلبؔ کا قول ہے کہ کسی چیز کی تِرب وہ ہے جو خوبی میں اس کی مانند ہو۔پس ان دونوں معنوں کی رُو سے مٹی کا نام تُراب اس لئے رکھا گیا کہ وہ پیدائش میں آسمان کی ہم عمر یا مثیل ہے کیونکہ زمین ابتدائی زمانہ میں آسمان کے ساتھ ہی پیدا ہوئی ہے اور وہ دونوں اللہ تعالیٰ کی صنعت کے اقسام میں مشابہ ہیں۔‘‘ پس اس رُو سے وحی الٰہی میں اس طرف اشارہ ہے کہ یہ علم زمینی ہے نہ کہ آسمانی۔اسے وہی لوگ استعمال کرتے ہیں جو رُوحانیت سے کم حصّہ رکھتے ہیں۔چنانچہ حضرت مسیح موعود علیہ الصلوٰۃ والسلام فرماتے ہیں۔’’ اولیاء اور اہل سلوک کی تواریخ اور سوانح پر نظر ڈالنے سے معلوم ہوتا ہے کہ کاملین ایسے عملوں سے پرہیز کرتے رہے ہیں مگر بعض لوگ اپنی ولایت کا ایک ثبوت بنانے کی غرض سے یا کسی اور نیت سے ان مشغلوں میں مبتلا ہوگئے تھے۔‘‘ (ازالہ اوہام۔روحانی خزائن جلد ۳۔صفحہ ۲۵۷ حاشیہ)

مشق رکھتے تھے یہ الہامی نام ہے اور خدائے تعالیٰ نے مجھ پر ظاہر کیا کہ یہ عمل الترب ہے اور اِس عمل کے عجائبات کی نسبت یہ بھی الہام ہوا۔ھٰذَا ھُوَ التِّرْبُ الَّذِیْ لَا یَعْلَمُوْنَ یعنی یہ وہ عمل الترب ہے جس کی اصل حقیقت کی زمانہ حال کے لوگوں کو کچھ خبر نہیں۔‘‘ (ازالہ اوہام۔روحانی خزائن جلد۳ صفحہ۲۵۹ حاشیہ) ۱۸۹۱ء ’’اور مجھے اُس ذات کی قسم ہے کہ جس کے ہاتھ میں میری جان ہے کہ ابھی اور اسی وقت کشفی طور پر یہ صداقت؎۱ مذکورہ بالا میرے پر ظاہرکی گئی ہے اور اسی مُعلّمِ حقیقی کی تعلیم سے میں نے وہ سب لکھا ہے جو ابھی لکھا ہے۔فَالْـحَمْدُ لِلہِ عَلٰی ذَالِکَ۔‘‘ (ازالہ اوہام۔روحانی خزائن جلد۳ صفحہ ۲۹۳) ۱۸۹۱ء ’’اس عاجز کو ایک سخت بیماری آئی یہاں تک کہ قریب موت کے نوبت پہنچ گئی بلکہ موت کو سامنے دیکھ کر وصیّت بھی کردی گئی اُس وقت گویا یہ پیشگوئی؎۲ آنکھوں کے سامنے آگئی اور یہ معلوم ہورہا تھا کہ اب آخری دم ہے اور کل جنازہ نکلنے والا ہے تب میں نے اس پیشگوئی کی نسبت خیال کیا کہ شاید اس کے اور معنی ہوں گے جو میں سمجھ نہیں سکا۔تب اُسی حالت قریب الموت میں مجھے الہام ہوا۔اَلْـحَقُّ مِنْ رَّبِّکَ فَلَا تَکُوْنَنَّ مِنَ الْمُمْتَرِیْنَ یعنی یہ بات تیرے ربّ کی طرف سے سچ ہے تو کیوں شک کرتا ہے۔‘‘ (ازالہ اوہام۔روحانی خزائن جلد۳صفحہ ۳۰۶) ۱۸۹۱ء ’’خدائے تعالیٰ نے آپ اپنے کلام میں میری طرف اشارہ کرکے فرمایا ہے۔نبی ناصری کے نمونہ پر اگر دیکھا جائے تو معلوم ہوگا کہ وہ بندگانِ خدا کو بہت صاف کررہا ہے اس سے زیادہ کہ کبھی جسمانی بیماریوں کو صاف کیا گیا ہو۔‘‘ (ازالہ اوہام۔روحانی خزائن جلد۳ صفحہ ۳۳۵) ۱ یعنی مَا قَتَلُوْہُ وَمَا صَلَبُوْہُ کی تفسیر بیان فرمودہ از ازالہ اوہام۔روحانی خزائن جلد ۳ صفحہ ۲۹۰ تا ۲۹۳ (مرزا بشیر احمد) ۲ یعنی مرزا احمد بیگ ہوشیار پوری والی پیش گوئی بحوالہ ازالہ اوہام۔روحانی خزائن جلد ۳ صفحہ ۳۰۵، ۳۰۶۔(شمس)

۱۸۹۱ء ’’ ایک؎۱مدّت کی بات ہے جو اس عاجز نے خواب میں دیکھا جو آنحضرت صلی اللہ علیہ وسلم کے روضہ مبارکہ پر مَیں کھڑا ہوں اور کئی لوگ مَر گئے ہیں یا مقتول ہیں اُن کو لوگ دفن کرنا چاہتے ہیں۔اِسی عرصہ میں روضہ کے اندر سے ایک آدمی نکلا اور اُس کے ہاتھ میں ایک سرکنڈہ تھا اور وہ اُس سرکنڈہ کو زمین پر مارتا تھا اور ہر یک کوکہتا تھا کہ تیری اِس جگہ قبر ہوگی۔تب وہ یہی کام کرتا کرتا میرے نزدیک آیا اور مجھ کو دکھلا کر اور میرے سامنے کھڑا ہوکر روضۂ شریفہ کے پاس کی زمین پر اُس نے اپنا سرکنڈہ مارا اور کہا کہ تیری اس جگہ قبر ہوگی۔تب آنکھ کھل گئی۔اور میں نے اپنے اجتہاد سے اس کی یہ تاویل کی کہ یہ معیّت معادی کی طرف اشارہ ہے کیونکہ جو شخص فوت ہونے کے بعد روحانی طور پر کسی مقدس کےقریب ہوجائے تو گویا اس کی قبر اُس مقدس کی قبر کے قریب ہوگئی۔وَاللہُ اَعْلَمُ وَعِلْمُہٗ اَحْکَمُ۔‘‘ (ازالہ اوہام۔روحانی خزائن جلد۳ صفحہ ۳۵۲) ۱۸۹۱ء ’’طلوع شمس کا جو مغرب کی طرف سے ہوگا ہم اُس پر بہرحال ایمان لاتے ہیں لیکن اِس عاجز پر جو ایک رؤیامیں ظاہر کیا گیا وہ یہ ہے جو مغرب کی طرف سے آفتاب کا چڑھنا یہ معنے رکھتا ہے کہ ممالک ِ مغربی جو قدیم سے ظلمت کفرو ضلالت میں ہیں آفتابِ صداقت سے منوّر کئے جائیں گے اور اُن کو اسلام سے حصّہ ملے گا۔‘‘ (ازالہ اوہام۔روحانی خزائن جلد۳ صفحہ ۳۷۶،۳۷۷) ۱۸۹۱ء ’’میں نے دیکھا کہ میں شہر لنڈنؔ میں ایک منبر پر کھڑا ہوں اور انگریزی زبان میں ایک نہایت مُدلّل بیان سے اسلام کی صداقت ظاہر کر رہا ہوں۔بعد اس کے میں نے بہت سے پرندے پکڑے جو چھوٹے چھوٹے درختوں پر بیٹھے ہوئے تھے اور اُن کے رنگ سفید تھے اور شاید تیتر کے جسم کے موافق اُن کا جسم ہوگا۔سو مَیں نے اِس کی یہ تعبیر کی کہ اگرچہ مَیں نہیں مگر میری تحریریں ان لوگوں میں پھیلیں گی اور بہت سے راست باز انگریز صداقت کے شکار ہوجائیں گے۔‘‘ (ازالہ اوہام۔روحانی خزائن جلد۳صفحہ ۳۷۷) ۱۸۹۱ء ’’اُس نے مجھے بھیجا اور میرے پر اپنے خاص الہام سے ظاہر کیا کہ مسیح ابن مریم فوت ہوچکا ہے چنانچہ اُس کا الہام یہ ہے کہ مسیح ۱ (نوٹ از حضرت مرزا بشیر احمدؓ) چونکہ مدّت کی مقدار معلوم نہیں ہوسکی اس لئے اسے اس کے وقت ِ ذکر کی رعایت سے ۱۸۹۱ء کے نیچے ہی رکھا جاتا ہے۔

مسیح ابنِ مریم رسول اللہ فوت ہوچکا ہے اور اُس کے رنگ میں ہوکر وعدہ کے موافق تُو آیا ہے۔وَکَانَ وَعْدُ اللّٰہِ مَفْعُوْلًا۔اَنْتَ مَعِـیْ وَ اَنْتَ عَلَی الْـحَقِّ الْمُبِیْنِ۔اَنْتَ مُصِیْبٌ وَّمُعِیْنٌ لِّلْحَقِّ۔‘‘؎۱ (ازالہ اوہام۔روحانی خزائن جلد۳ صفحہ ۴۰۲ ) ۱۸۹۱ء ’’خدائے تعالیٰ نے مجھے مخاطب کرکے فرمایا کہ تُو مغلوب ہو کر یعنی بظاہر مغلوبوں کی طرح حقیر ہوکر پھر آخر غالب ہوجائے گا اورانجام تیرے لئے ہوگا اور ہم وہ تمام بوجھ تجھ سے اتار لیں گے جس نے تیری کمر توڑ دی۔خدا تعالیٰ کا ارادہ ہے کہ تیری توحید تیری عظمت تیری کمالیت پھیلاوے خدا تعالیٰ تیرے چہرہ کو ظاہر کرے گااور تیرے سایہ کو لمبا کردے گا۔دنیا میں ایک نذیر آیا پر دنیا نے اُسے قبول نہ کیا لیکن خدا اُسے قبول کرے گا اور بڑے زور آور حملوں سے اس کی سچا ئی ظاہر کر دے گا۔عنقریب اسے ایک ملک عظیم دیا جائے گا (یعنی اُس کو قبولیت بخشی جائے گی اور خلق کثیر کے دل اس کی طرف مائل کئے جائیں گے) اور خزائن اُس پر کھولے جائیں گے (یعنی خزائن معارف و حقائق کھولے جائیں گے کیونکہ آسمانی مال جو خدائے تعالیٰ کے خاص بندوں کو ملتا ہے جس کو وہ دنیا میں تقسیم کرتے ہیں دنیا کا درم و دینار نہیں بلکہ حکمت و معرفت ہے جیسا کہ خدا تعالیٰ نے اس کی طرف اشارہ کرکے فرمایا ہے کہ يُؤْتِی الْحِكْمَةَ مَنْ يَّشَآءُ١ۚ وَ مَنْ يُّؤْتَ الْحِكْمَةَ فَقَدْ اُوْتِـیَ خَيْرًا كَثِيْرًا۔۲؎خیر مال کوکہتے ہیں۔سو پاک مال حکمت ہی ہے جس کی طرف حدیث نبوی میں بھی اشارہ ہے کہ اِنَّـمَا اَنَـا قَاسِـمٌ وَاللّٰہُ ھُوَ الْمُعْطِیْ۔۳؎ یہی مال ہے جو مسیح موعود کے نشانوں میں سے ایک نشان ہے ) یہ خدا تعالیٰ کا فضل ہے اور تمہاری آنکھوں میں عجیب۔ہم عنقریب تم میں ہی اور تمہارے اردگرد نشان دکھلاویں گے ۱ (ترجمہ از مرتّب) اور اللہ کا وعدہ پورا ہوکر رہے گا۔تُو میرے ساتھ ہے اور تُو روشن حق پر قائم ہے۔تو راہِ صواب پر ہے اور حق کا مدد گار ہے۔۲ (ترجمہ از ناشر) وہ جسے چاہے حکمت عطا کرتا ہے اور جو بھی حکمت دیا جائے تو یقیناً وہ خیر کثیر دیا گیا۔(البقرۃ: ۲۷۰) ۳ (ترجمہ از ناشر) مَیں تو صرف تقسیم کرنے والا ہوں اور عطا کرنے والا تو اللہ ہے۔

حجّت قائم ہوجائے گی اور فتح کھلی کھلی ہوگی۔کیا یہ لوگ کہتے ہیں کہ ہم لوگ ایک بھاری جماعت ہیں یہ سب بھاگ جائیں گے اور پیٹھ پھیرلیں گے اگر لوگ تجھے چھوڑ دیں گے پرمیں نہیں چھوڑوں گا اور اگر لوگ تجھے نہیں بچائیں گے پر میں بچاؤں گا میں اپنی چمکار دکھاؤں گا اور قدرت نمائی سے تجھے اٹھاؤں گا۔اے ابراہیم تجھ پر سلام ہم نے تجھے خالص دوستی کے ساتھ چن لیا۔خداتیرے سب کا م درست کردے گا اور تیری ساری مرادیں تجھے دے گا۔تو مجھ سے ایسا ہے جیسی میری توحید اور تفرید۔خدا ایسا نہیں جو تجھے چھوڑدے جب تک وہ خبیث کو طیّب سے جُدا نہ کرے۔وہ تیرے مَجد کو زیادہ کرے گا اور تیری ذریّت کو بڑھائے گا اور مِن بَعد تیرے خاندان کا تجھ سے ہی ابتدا قرار دیا جائے گا۔میں تجھے زمین کے کناروں تک عزّت کے ساتھ شہرت دوں گا اور تیرا ذکر بلند کروں گا اور تیری محبت دلوں میں ڈال دوں گا۔جَعَلْنَاکَ الْمسِیْحَ ابْنَ مَرْیَمَ (ہم نے تجھ کو مسیح ابن مریم بنایا) ان کو کہہ دے کہ مَیں عیسیٰ کے قدم پر آیا ہوں۔یہ کہیں گے کہ ہم نے پہلوں سے ایسا نہیں سنا۔سو تو اِن کو جواب دے کہ تمہارے معلومات وسیع نہیں خدا بہتر جانتا ہے۔تم ظاہر لفظ اور ابہام پر قانع ہو اور اصل حقیقت تم پر مکشوف نہیں۔جو شخص کعبہ کی بنیاد کو ایک حکمت ِ الٰہی کا مسئلہ سمجھتا ہے وہ بڑا عقلمند ہے کیونکہ اس کو اسرارِ ملکوتی سے حصّہ ہے۔ایک اولی العزم پیدا ہوگا۔وہ حُسن اور اِحسان میں تیرا نظیر ہوگا۔وہ تیری ہی نسل سے ہوگا۔فرزند دلبند گرامی وارجمند مَظْھَرُالْـحَقِّ وَ الْعَلَآءِ کَاَنَّ اللّٰہَ نَزَلَ مِنَ السَّمَآءِ ؎۱۔یَاْتِیْ ؎۲ عَلَیْکَ زَمَانٌ مُّـخْتَلِفٌ بِاَزْوَاجٍ مُّـخْتَلِفَۃٍ۔وَتَرٰی نَسْلًا بَعِیْدًا۔وَلَنُحْیِیَنَّکَ حَیٰوۃً طَیِّبَۃً۔ثَـمَانِیْنَ حَوْلًا اَوْ قَرِیْبًا مِّنْ ذَالِکَ۔اِنَّکَ بِـاَعْیُنِنَا سَـمَّیْتُکَ الْمُتَوَکِّلَ۔یَـحْمَدُ۔کَ اللّٰہُ مِنْ عَرْشِہٖ۔کَذَّ۔بُوْا ۱ (ترجمہ از ناشر) فرزند دلبند۔بزرگ اور صاحب اقبال۔حق اور رفعت کا مظہر (اس کا آنا ایسا ہے )گویا کہ خدا آسمان سے اتر آیا۔۲ (ترجمہ از مرتّب) تجھ پر مختلف ازواج (یعنی رفقاء) کے ساتھ مختلف زمانے آئیں گے اور تُو دُور کی نسل دیکھے گا اور ہم تجھے خوش زندگی نصیب کریں گے اسّی سال یاا س کے قریب۔یعنی تیری عمر اسی ۸۰ برس یا اس کے قریب ہوگی۔تو ہماری آنکھوں کے سامنے ہے مَیں نے تیرا نام متوکّل رکھا ہے۔خدا عرش پر سے تیری تعریف کررہا ہے۔انہوں نے ہمارے

بِـاٰیٰتِنَا وَ کَانُوْا بِـھَا یَسْتَـھْزِءُوْنَ۔سَیَکْفِیْکَھُمُ اللہُ وَ یَـرُدُّھَا اِلَیْکَ۔لَا تَـبْدِ۔یْلَ لِکَلِمَاتِ اللّٰہِ۔اِنَّ رَبَّکَ فَعَّالٌ لِّمَا یُرِیْدُ۔‘‘ (ازالہ اوہام۔روحانی خزائن جلد ۳صفحہ ۴۴۱ تا۴۴۳) ۱۸۹۱ء ’’یہ وہ زمانہ ہے جو اس عاجز پر کشفی طور پر ظاہر ہوا جو کمال طغیان اس کا اُس سَن ہجری میں شروع ہوگا۔جو آیت وَ اِنَّـا عَلٰی ذَهَابٍۭ بِهٖ لَقَادِ رُوْنَ؎۱ میں بحساب جمل مخفی ہے۔یعنی ۱۲۷۴ھ۔‘‘ (ازالہ اوہام۔روحانی خزائن جلد۳صفحہ۴۵۵) ۱۸۹۱ء ’’خدائے تعالیٰ نے اپنے کشف ِ صریح سے اس عاجز پر ظاہر کیا ہے کہ قرآنِ کریم میں مثالی طور پر ابنِ مریم کے آنے کا ذکر ہے؎۲۔‘‘ (ازالہ اوہام۔روحانی خزائن جلد۳ صفحہ ۴۶۰) ۱۸۹۱ء ’’اُس نے محض اپنے فضل سے بغیر وسیلہ کسی زمینی والد کے اس ابنِ مریم کو رُوحانی پیدائش اور روحانی زندگی بخشی جیسا کہ اس نے خود اس کو اپنے الہام میں فرمایا۔ثُمَّ اَحْیَیْنَاکَ بَعْدَ مَآ اَھْلَکْنَا الْقُرُوْنَ الْاُوْلٰی وَ جَعَلْنَاکَ الْمَسِیْحَ ابْنَ مَرْیَمَ یعنی پھر ہم نے تجھے زندہ کیا بعد اس کے جو پہلے قرنوں کو ہم نے ہلاک کردیا اور تجھے ہم نے مسیح ابنِ مریم بنایا۔یعنی بعد اس کے جو عام طور پر مشائخ اور علماء میں موت روحانی پھیل گئی۔‘‘ (ازالہ اوہام۔روحانی خزائن جلد۳صفحہ ۴۶۴) ۱۸۹۱ء ’’ قُلْ اِنِّیْ اُمِرْتُ وَ اَنَـا اَوَّلُ الْمُوْمِنِیْنَ۔اَلْـحَمْدُ لِلّٰہِ الَّذِیْٓ اَذْھَبَ عَنِّی الْـحَزَنَ وَ اٰتَانِیْ مَا لَمْ یُـؤْتَ اَحَدٌ مِّنَ الْعَالَمِیْنَ۔؎۳ اَحَدٌ مِّنَ الْعَالَمِیْنَ سے مراد زمانہ حال کے لوگ یا آئندہ زمانہ کے ہیں۔وَاللہُ اَعْلَمُ بِالصَّوَابِ۔‘‘ (ازالہ اوہام۔روحانی خزائن جلد۳صفحہ۴۷۹) بقیہ ترجمہ۔نشانوں کو جھٹلایا اور وہ پہلے سے ہنسی کررہے تھے۔خدا ان کے مقابل تجھے کافی ہوجائے گا اور اس کو تیری طرف لوٹائے گا۔اللہ تعالیٰ کے کلمات کو کوئی تبدیل کرنے والا نہیں۔تیرا ربّ وہ قادر ہے کہ جو کچھ چاہے وہی ہوجاتا ہے۔۱ (ترجمہ از مرتّب) یقیناً ہم اُس کو لے جانے پر قادر ہیں۔(المؤمنون: ۱۹) ۲ تفصیل مذکورہ حوالہ میں پڑھیں۔(ناشر) ۳ (نوٹ از مولانا جلال الدین شمسؓ) یہ الہام انجام آتھم۔روحانی خزائن جلد ۱۱ صفحہ ۷۷ پر یُوں درج ہے۔’’۔اَلْـحَمْدُ لِلّٰہِ الَّذِیْ اَذْھَبَ عَنِّی الْـحَزَنَ وَاَعْطَانِیْ مَا لَمْ یُعْـطَ اَحَدٌ مِّنَ الْعَالَمِیْنَ۔‘‘

ترجمہ۔’’ان کو کہہ دے کہ میں خدا کی طرف سے مامور ہوں اور سب سے پہلے اس بات پر ایمان لانے والا مَیں ہوں۔اس خدا کو تعریف ہے جس نے میرا غم دُور کیا اور مجھ کو وہ چیز دی جو اس زمانہ کے لوگوں میں سے کسی کو نہیں دی گئی۔‘‘ (حقیقۃ الوحی۔روحانی خزائن جلد ۲۲ صفحہ۳۵۸ اور ۱۱۰ ) ۱۸۹۱ء ’’جب لوگ مسیح موعود کے دعویٰ سے سخت ابتلا میں پڑگئے یہ الہامات ہوئے۔۱۔اَلَّذِیْنَ تَابُوْا وَاَصْلَحُوْا اُولٰٓئِکَ اَتُـوْبُ عَلَیْـھِمْ وَاَنَـا التَّوَّابُ الرَّحِیْمُ۔۲۔اُمَمٌ یَّسَّـرْنَـا لَھُمُ الْھُدٰی وَ اُمَمٌ حَقَّ عَلَیْھِمُ الْعَذَابُ۔۳۔وَ یَـمْکُرُوْنَ وَ یَـمْکُرُ اللّٰہُ وَاللّٰہُ خَیْرُ الْمَاکِرِیْنَ۔۴۔وَ لَکَیْدُ اللّٰہِ اَکْبَرُ۔۵۔وَ اِنْ یَّتَخِذُ وْنَکَ اِلَّا ھُزُوًا اَھٰذَا الَّذِیْ بَعَثَ اللّٰہُ۔۶۔قُلْ اَیُّـھَا الْکُفَّارُ اِنِّیْ مِنَ الصَّادِقِیْنَ۔۷۔فَانْتَظِرُوْٓا اٰیَاتِیْ حَتّٰی حِیْنٍ۔۸۔سَنُرِیْـھِمْ اٰیَاتِنَا فِی الْاٰفَاقِ وَ فِیْٓ اَنْفُسِھِمْ۔۹۔حُـجَّۃٌ قَآئِـمَۃٌ وَّ فَتْحٌ مُّبِیْنٌ۔۱۰۔اِنَّ اللّٰہَ یَفْصِلُ بَیْنَکُمْ اِنَّ اللّٰہَ لَا یَـھْدِیْ مَنْ ھُوَ مُسْـرِفٌ کَذَّابٌ۔۱۱۔یُرِیْدُ۔وْنَ اَنْ یُّطْفِئُوْا نُوْرَ اللّٰہِ بِـاَفْوَاھِھِمْ وَاللّٰہُ مُتِمُّ نُوْرِہٖ و لَوْکَرِہَ الْکَافِرُوْنَ۔۱۲۔نُرِیْدُ اَنْ نُّنَزِّلَ عَلَیْکَ اَسْـرَارًا مِّنَ السَّمَآءِ وَنُـمَزِّقَ الْاَعْدَآءَ کُلَّ مُـمَزَّقٍ وَّ نُرِیَ فِرْعَوْنَ وَھَامَانَ وَ جُنُوْدَ۔ھُمَا مَاکَانُوْا یَـحْذَ رُوْنَ۔۱۳۔سَلَّطْنَا کِلَابًا عَلَیْکَ وَ غَیَّظْنَا سِبَاعًا مِّنْ قَوْلِکَ وَفَتَنَّاکَ فُتُوْنًا۔۱۴۔فَلَا تَـحْزَنْ عَلَی الَّذِیْ قَالُـوْٓا اِنَّ رَبَّکَ لَبِالْمِرْصَادِ۔۱۵۔حُکْمُ اللّٰہِ الرَّحْـمَانِ لِـخَلِیْفَۃِ اللّٰہِ السُّلْطَانِ ۱۶۔یُؤْتٰی لَہُ الْمُلْکُ الْعَظِیْمُ وَیُفْتَحُ عَلٰی یَدِہِ الْخَزَآ ئِنُ وَ تُشْـرِقُ الْاَرْضُ بِنُوْرِ رَبِّـھَا۔۱۷۔ذَالِکَ فَضْلُ اللّٰہِ وَ فِیْ اَعْیُنِکُمْ عَـجِیْبٌ۔۱ یعنی جو لوگ توبہ کریں گے اور اپنی حالت کو درست کرلیں گے تب مَیں بھی اُن کی طرف رجوع کروں گا اورمیں توّاب اور رحیم ہوں۔۲بعض گروہ وہ ہیں جن کے لئے ہم نے ہدایت کو آسان کردیا اور بعض وہ ہیں جن پر عذاب ثابت ہوا۔۳وہ مکر کررہے ہیں اور اللہ تعالیٰ بھی مکر کررہا ہے اور وہ خیرالماکرین ہے ۴اور اس کا مکر بہت بڑا ہے۔۵اور تجھے ٹھٹھوں میں اُڑاتے ہیں۔کیا یہی ہے جو مبعوث ہوکر آیاہے۔۶ان کو کہہ دے کہ اے منکرو! مَیں صادقوں میں سے ہوں ۷اور کچھ عرصہ کے بعد تم میرے نشان دیکھو گے۔۸ہم اُنہیں اُن کے اِردگرد اور خود اُنہیں میں اپنے نشان دکھائیں گے۔۹حجت قائم کی جائے گی اور فتح کھلی کھلی ہوگی۔۱۰خدا تم میں فیصلہ

کردے گا۔وہ کسی جھوٹے، حد سے بڑھنے والے کا رہنما نہیں ہوتا۔۱۱چاہتے ہیں کہ اللہ تعالیٰ کے نُور کو بُجھا دیں مگر خدا اُسے پُورا کرے گا اگرچہ مُنکر لوگ کراہت ہی کریں۔۱۲ہمارا ارادہ یہ ہے کہ کچھ اسرار تیرے پر آسمان سے نازل کریں اور دشمنوں کو ٹکڑے ٹکڑے کردیں اور فرعونؔ اور ہامانؔ اور ان کے لشکروں کو وہ باتیں دکھا دیں جن سے وہ ڈرتے ہیں۔۱۳ہم نے کُتّوں کو تیرے پر مُسلّط کیا اور درندوں کو تیری بات سے غصّہ دلایا اور سخت آزمائش میں تجھے ڈال دیا ۱۴سو تو اُن کی باتوں سے کچھ غم نہ کر۔تیرا ربّ گھات میں ہے۔۱۵وہ خدا جو رحمان ہے وہ اپنے خلیفہ سلطان کے لئے مندرجہ ذیل حکم صادر کرتا ہے کہ ۱۶ اس کو ایک ملک عظیم دیا جائے گا اور خزائن علوم و معارف اس کے ہاتھ پر کھولے جائیں گے اور زمین اپنے ربّ کے نور سے روشن ہوجائے گی۔۱۷ یہ خدائے تعالیٰ کا فضل ہے اور تمہاری آنکھوں میں عجیب۔‘‘ (ازالہ اوہام۔روحانی خزائن جلد۳ صفحہ ۵۶۵، ۵۶۶ ) ۱۸۹۱ء ’’ جب مولوی محمد حسین صاحب نے ہمارے کفر کا فتویٰ دیا اور لوگوں کو بھڑکایا کہ یہ مسلمان نہیں۔ان کے جنازے درست نہیں اور ان کو مسلمانوں کے قبرستانوں میں دفن نہ ہونے دیا جاوے۔اُس وقت چونکہ بُغض و عداوت بڑھ گئی تھی۔ہم گویا تنہا رہ گئے۔اُس وقت مَیں نے کشفی حالت میں دیکھا کہ میرے بڑے بھائی مرزا غلام قادر مرحوم کی شکل پر ایک شخص آیا ہے مگر مجھے فوراً معلوم کرایا گیا کہ یہ فرشتہ ہے۔مَیں نے کہا کہ تم کہاں سے آئے ہو ؟ اُس نے کہا کہ جِئْتُ مِنْ حَضْـرَۃِ الْوِتْرِ میں جنابِ باری سے آیا ہوں۔میں نے کہا کہ کیوں؟ اُس نے کہا کہ بہت سے لوگ تم سے الگ ہوگئے ہیں اور تمہاری عداوت میں بڑھتے جاتے ہیں۔یہ پیغام دینے آیا ہوں۔مَیں نے اُس کو الگ ہو کر ایک بات کہنی چاہی۔جب وہ الگ ہوا تو مَیں نے کہا کہ لوگ تو مجھ سے علیحدہ ہوگئے ہیں مگر کیا تم بھی الگ ہوگئے ہو؟ اُس نے کہا نہیں۔ہم تو تمہارے ساتھ ہیں۔معاً میری حالت ِ کشف اس پر جاتی رہی۔‘‘ (الحکم جلد۷نمبر ۲مورخہ۱۷؍جنوری۱۹۰۳ء صفحہ۶۔البدر جلد ۱نمبر۱۲ مورخہ۱۶؍جنوری۱۹۰۳ء صفحہ۹۰) ؎۱ ۱۸۹۱ء ’’چونکہ میری توجہ پر مجھے ارشاد ہوچکا ہے کہ اُدْعُوْنِیْٓ اَسْتَجِبْ لَکُمْ ۱ نیز دیکھیے انوار الاسلام۔روحانی خزائن جلد ۹ صفحہ ۵۴۔(عبد اللطیف بہاولپوری)

اور مجھے یقین دلایا گیا ہے کہ اگر آپ؎۱ تقویٰ کا طریق چھوڑ کر ایسی گستا خی؎۲کریں گے اورآیت لَاتَقْفُ مَا لَیْسَ لَکَ بِہٖ عِلْمٌ۳؎ کو نظرانداز کردیں گے تو ایک سال تک اس گستاخی کا آپ پر ایسا کھلا کھلا اثر پڑے گا جو دوسروں کے لئے بطور نشان کے ہوجائے گا۔‘‘ (از اشتہار۱۷؍اکتوبر ۱۸۹۱ء۔مجموعہ اشتہارات جلد ۱ صفحہ ۲۹۰۔مطبوعہ ۲۰۱۸ء) نومبر۱۸۹۱ء ’’ رَاَیْتُنِیْ٭ فِی الْمَنَامِ عَیْنَ اللّٰہِ وَتَیَقَّنْتُ اَنَّنِیْ ھُوَ وَلَمْ یَبْقَ لِیْ اِرَادَۃٌ وَّ لَا خَطْرَۃٌ وَّ لَا عَـمَلٌ مِّنْ جِھَۃِ نَفْسِیْ وَ صِـرْتُ کَـاِنَـاءٍ مُّنْثَلِمٍ بَلْ کَشَیْءٍ تَاَ بَّطَہٗ شَیْءٌ اٰخَرُ وَاَخْفَاہُ فِیْ نَفْسِہٖ حَتّٰی مَا بَقِیَ مِنْہُ اَثَرٌ وَّ لَا رَآئِـحَۃٌ وَّ صَارَ کَا لْمَفْقُوْدِ یْنَ۔وَاَعْنِیْ؎۴ بِعَیْنِ اللّٰہِ رُجُوْعَ الظِّلِّ اِلٰی اَصْلِہٖ وَغَیْبُوْبَتَہٗ فِیْہِ کَمَا یَـجْرِیْ مِثْلُ ھٰذِہِ الْـحَالَاتِ فِیْ بَعْضِ الْاَوْقَاتِ عَلَی الْمُحِبِّیْنَ۔وَتَفْصِیْلُ ذَالِکَ اَنَّ اللّٰہَ اِذَا اَرَادَ شَیْئًا مِّنْ نِّظَامِ الْـخَیْرِ جَعَلَنِیْ مِنْ تَـجَلِّیَاتِہِ الذَّاتِیَّۃِ بِـمَنْزِلَۃِ مَشِیَّتِہٖ وَعِلْمِہٖ وَجَوَارِحِہٖ وَتَوْحِیْدِہٖ وَتَفْرِیْدِہٖ لِاِتْـمَامِ (مضمون بالا کا مفہوم بزبان اُردو حضرت اقدسؑ کے الفاظ میں ) ’’مَیں نے اپنے ایک کشف میں دیکھا کہ مَیں خود خدا؎۵ ہوں اور یقین کیا کہ وہی ہوں اور میرا اپنا کوئی ارادہ اور کوئی خیال اور کوئی عمل نہیں رہا اور مَیں ایک سوراخ دار برتن کی طرح ہوگیا ہوں یا اس شَے کی طرح جسے کسی دوسری شے نے اپنی بغل میں دبا لیا ہو اور اُسے اپنے اندر بالکل مخفی کرلیا ہویہاں تک کہ اُس کا کوئی نام و نشان باقی نہ رہ گیا ہو۔۱ مولوی سید نذیر حسین صاحب دہلوی۔(مرزا بشیر احمد) ۲ یعنی یہ جسارت کہ ’’ایک مجلس میں میرے تمام دلائل وفات مسیح سن کر اللہ جلّ شانہٗ کی تین مرتبہ قَسم کھا کر یہ کہہ دیجئے کہ یہ دلائل صحیح نہیں ہیںاور صحیح اور یقینی امر یہی ہے کہ حضرت مسیح ابنِ مریم زندہ بجسدہ العنصری آسمان کی طرف اُٹھائے گئے ہیں۔‘‘ (اشتہار۱۷ ؍اکتوبر۱۸۹۱ء۔مجموعہ اشتہارات جلد ۱ صفحہ ۲۹۰۔مطبوعہ ۲۰۱۸ء) ۳ (ترجمہ از ناشر) وہ موقف اختیار نہ کر جس کا تجھے علم نہیں۔(بنی اسرائیل: ۳۷) ۴ (ترجمہ از ناشر) اور عین اللہ سے میری مراد ظل کا اپنے اصل کی طرف لوٹ جانا اور اس میں اس کا فنا ہوجانا ہے جیسا کہ بعض اوقات ایسی حالتیں محبّین پر طاری ہوتی رہتی ہیں اور اس کی تفصیل یہ ہے کہ جب اللہ تعالیٰ نے خیر کے نظام میں سے کسی بات کا ارادہ فرمایا تو مجھے اپنی ذاتی تجلیات سے بمنزلہ اپنی مشیت،اپنے علم، اپنے اعضاء، اپنی توحید اور تفرید بنا دیا ۵ (نوٹ از مولانا جلال الدین شمسؓ) خواب میں اگر کوئی دیکھے کہ وہ خدا بن گیا ہے۔تو اس کی یہ تعبیر ہوگی۔’’اِھْتَدٰی اِلَی الصِّرَاطِ الْمُسْتَقِیْمِ۔‘‘ (تعطیرالانام از ابن سیرینؒ باب الالف صفحہ ۹) کہ اس شخص کو سیدھی راہ کی طرف ہدایت ملی۔

مُرَادِہٖ وَتَکْمِیْلِ مَوَاعِیْدِہٖ کَمَا جَرَتْ عَادَتُہٗ بِالْاَ بْدَالِ وَالْاَقْطَابِ وَالصِّدِّیْقِیْنَ۔فَرَاَیْتُ اَنَّ رُوْحَہٗ اَحَاطَ عَلَـیَّ وَاسْتَوٰی عَلٰی جِسْمِیْ وَلَفَّنِیْ فِیْ ضِـمْنِ وُجُوْدِہٖ حَتّٰی مَا بَقِیَ مِنِّیْ ذَرَّۃٌ وَّکُنْتُ مِنَ الْغَآئِبِیْنَ۔وَنَظَرْتُ اِلٰی جَسَدِیْ فَاِذَا جَوَارِحِیْ جَوَارِحُہٗ وَعَیْنِیْ عَیْنُہٗ وَاُذُنِیْ اُذُنُہٗ وَلِسَانِیْ لِسَانُہٗ۔اَخَذَنِیْ رَبِّیْ وَاسْتَوْفَانِیْ وَاَکَّدَ الْاِسْتِیْفَآءَ حَتّٰی کُنْتُ مِنَ الْفَانِیْنَ۔وَ وَجَدْتُّ قُدْرَتَہٗ وَقُوَّتَہٗ تَفُوْرُ فِیْ نَفْسِیْ وَاُلُوْھِیَّتَہٗ تَتَمَوَّجُ فِیْ رُوْحِیْ وَضُرِبَتْ حَوْلَ قَلْبِیْ سُـرَادِقَاتُ الْـحَضْرَۃِ وَ دَقَّقَ نَفْسِیْ سُلْطَانُ الْـجَبَرُوْتِ۔فَـمَا بَقِیْتُ وَمَا بَقِیَ اِرَادَتِیْ وَلَا مُنَایَ۔وَانْـھَدَ مَتْ عِـمَارَۃُ نَفْسِیْ کُلُّھَا وَتَرَاءَتْ عِـمَارَاتُ رَبِّ الْعَالَمِیْنَ۔وَانْـمَـحَتْ اَطْلَالُ وُجُوْدِیْ وَعَفَتْ بَقَایَا اَنَـانِیَّتِیْ وَمَا بَقِیَتْ ذَرَّۃٌ مِّنْ ھُوِیَّــتِیْ۔وَ الْاُلُوْھِیَّۃُ غَلَبَتْ عَلَیَّ غَلَبَۃً شَدِیْدَۃً تَآمَّۃً وَّ جُذِبْتُ اِلَیْھَا مِنْ شَعْرِ رَاْسِیْ اِلٰی اَظْفَارِ اَرْجُلِیْ۔فَکُنْتُ لُبًّا بِلَا قُشُوْرٍ وَّ دُھْنًا بِغَیْرِ ثُفْلٍ وَّ بُذُوْرٍ وَّ بُوْعِدَ بَیْنِیْ وَ بَیْنَ نَفْسِیْ فَکُنْتُ کَشَیْءٍ لَّا یُرٰی اَوْکَقَطْرَۃٍ رَّجَعَتْ اِلَی الْبَحْرِ فَسَتَرَہُ الْبَحْرُ بِرِدَآئِہٖ وَکَانَ تَـحْتَ اَموَاجِ الْیَمِّ کَالْمَسْتُوْرِیْنَ۔فَکُنْتُ فِیْ ھٰذِہِ الْـحَالَۃِ لَا اَدْرِیْ مَاکُنْتُ مِنْ قَبْلُ وَمَاکَانَ وُجُوْدِیْ وَکَانَتِ الْاُلُوْھِیَّۃُ نَفَذَتْ فِیْ عُرُوْقِیْ وَ اَوْتَارِیْ بقیہ ترجمہ۔اِس اثناء میں مَیں نے دیکھا کہ اللہ تعالیٰ کی رُوح مجھ پر محیط ہوگئی اور میرے جسم پر مستولی ہوکر اپنے وجود میں مجھے پنہاں کرلیا یہاں تک کہ میرا کوئی ذرّہ بھی باقی نہ رہا اور مَیں نے اپنے جسم کو دیکھا تو میرے اعضا اُس کے اعضا اور میری آنکھ اُس کی آنکھ اور میرے کان اُس کے کان اور میری زبان اس کی زبان بن گئی تھی۔میرے ربّ نے مجھے پکڑا اور ایسا پکڑا کہ مَیں بالکل اس میں محو ہوگیا اور مَیں نے دیکھا کہ اُس کی قدرت اور قوت مجھ میں جوش مارتی اور اُس کی الُوہیت مجھ میں موجزن ہے۔حضرت عزت کے خیمے میرے دل کے چاروں طرف لگائے گئے اور سلطانِ جبروت نے میرے نفس کو پیس ڈالا۔سو نہ تو مَیں مَیں ہی رہا اور نہ میری کوئی تمنّا ہی باقی رہی۔میری اپنی عمارت گر گئی اور ربّ العالمین کی عمارت نظر آنے لگی۔اور الُو ہیت بڑے زور کے ساتھ مجھ پر غالب ہوئی اور مَیں سر کے بالوں سے ناخنِ پا تک اس کی طرف کھینچا گیا پھر مَیں ہمہ مغز ہوگیا جس میں کوئی پوست نہ تھا اور ایسا تیل بن گیا جس میں کوئی مَیل نہیں تھی اور مجھ میں اور میرے نفس میں جُدائی ڈال دی گئی۔پَس مَیں اُس شے کی طرح ہوگیا جو نظر نہیں آتی یا اُس قطرہ کی طرح جو دریا میں جاملے اور دریا اُس کو اپنی چادر کے نیچے چھپالے۔اس حالت میں مَیں نہیں جانتا تھا کہ اس سے پہلے مَیں کیا تھا اور میرا وجود کیا تھا۔الُوہیت میری رگوں بقیہ ترجمہ از ناشر۔تا وہ اپنا مقصد پورا کرےاور اپنے وعدوں کی تکمیل کرے جیسا کہ ابدال اور اقطاب اور صدیقین کے ساتھ اس کی سنت جاری ہے۔

·

آج 10 میں سے 10 باقی