ضمیمہ تذکرہ

Urdu text of the edition of the Ahmadiyya Muslim Jamaat.

ضمیمہ ضمیمہ میں حضرت مسیح موعود علیہ السلام کے وہ الہامات، رؤیااور کشوف جمع کئے گئے ہیں جو حضور کی زندگی میں شائع نہیں ہوئے یا جنہیں حضرت مسیح موعود علیہ السلام کے صحابہؓ نے بعد میں اپنی روایات میں بیان کیا ہے۔(مرتّب)

بِسْمِ اللّٰهِ الرَّحْمٰنِ الرَّحِيْمِ ۱۸۷۶ء یا اس سے قبل صوفی نبی بخش صاحبؓ ابن مکرم عبد الصمد صاحب ملازم دفتر ایگزامینر صاحب بہادر آف لاہور نے بیان کیا کہ حضرت مسیح موعود علیہ الصلوٰۃ والسلام نے فرمایا۔’’بڑے مرزا صاحب۱؎ پر ایک مقدّمہ تھا۔مَیں نے دُعا کی تو ایک فرشتہ مجھے خواب میں ملا جو چھوٹے لڑکے کی شکل میں تھا۔مَیں نے پوچھا تمہارا کیا نام ہے؟ وہ کہنے لگا میرا نام حفیظ ہے۔پھر وہ مقدّمہ رفع دفع ہوگیا۔‘‘ ( الحکم جلد ۳۸ نمبر ۱۴مورخہ ۲۱؍ اپریل۱۹۳۵ء صفحہ ۴) ۱۸۷۶ء (تقریباً) میاں امام الدین صاحب ؓ سیکھوانی نے بیان کیا۔حضرت مسیح موعود علیہ السلام نے جو نوماہ کے روزے رکھے، اس دَوران میں جورؤیاو کشوف ہوئے، اُن کا ذکر فرماتے ہوئے حضور ؑ نے ایک دفعہ فرمایا۔’’جب مَیں تین ماہ کے قریب پہنچا تو ایک شخص بڑا قد آور، جسیم، رنگ سرخ میرے سامنے یہ الفاظ کہتا تھا قرت، قرت، قرت۔‘‘ ( رجسٹر روایات صحابہ غیر مطبوعہ نمبر ۵ صفحہ ۶۶۔الحکم ۲؎ جلد۳۸ نمبر ۳۰مورخہ ۲۱؍ اگست۱۹۳۵ء صفحہ ۶) ۱۸۸۲ء میاں عبداللہ صاحب سنوریؓ نے بیان کیا۔’’جب مَیں ۱۸۸۲ء میں پہلے پہل قادیان آیا تو اُس وقت …میری ایک شادی ہوچکی تھی اور دوسری کا خیال تھا جس کے متعلق مَیں نے بعض خوابیں بھی دیکھی تھیں۔مَیں نے ایک دن حضرت صاحب کے ساتھ ذکر کیا … آپ نے میرے ماموں محمد یوسف صاحب مرحوم کو …خط لکھا اور اس میں اسمٰعیل کے نام بھی ایک خط ڈالا (جس کی لڑکی کا رشتہ مطلوب تھا)…حضرت صاحب نے اِدھر یہ خطوط لکھے اور اُدھر میرے واسطے دعا شروع ۱ (نوٹ از مولانا جلال الدین شمسؓ) یعنی حضرت مسیح موعود علیہ السلام کے والد ماجد حضرت میرزا غلام مرتضیٰ صاحب مرحوم و مغفور۔۲ (نوٹ از مولانا جلال الدین شمسؓ) الحکم پرچہ مذکورہ بالا میں اِس الہام کا ترجمہ بھی ساتھ ہی درج ہے جو یہ ہے۔’’تجھ کو قدر والا کیا۔تجھ کو قدر والا کیا۔تجھ کو قدر والا کیا۔‘‘ آگے یہ لکھا ہے۔’’یہ بھی ایک کشف تھا۔‘‘ ممکن ہے کہ راوی کو سننے میں غلطی لگی ہو اور دراصل لفظ وَقَرْتَ ہوجیسا کہ ترجمہ سے معلوم ہوتا ہے اور حرف و سہواً حذف ہوگیا ہے۔وقار کے معنی قدر و عظمت کے ہیں۔

فرمائی… (ابھی) دعا میں مصروف تھے کہ عین دعا کرتے کرتے حضرت صاحب کو الہام ہوا۔’’ناکامی‘‘ پھر دعا کی تو الہام ہوا۔’’ اَے بسا آرزُو که خاک شُدہ ‘‘۱؎ پھر اس کے بعد ایک اَور الہام ہوا۔’’ فَصَبْرٌ جَـمِیْلٌ ‘‘۲؎ …فرمایا کہ معلوم نہیں میاں عبداللہ صاحب کا ہمارے ساتھ کیسا تعلق ہے کہ اِدھر دعا کرتا ہوں اور اُدھر اللہ تعالیٰ کی طرف سے جواب مل جاتا ہے۔چند دنوں کے بعد میاں محمد یوسف صاحب کا جواب آگیا کہ میاں عبداللہ کے والد اور دادا اور خسر تو راضی ہوگئے ہیں مگر اسمٰعیل انکار کرتا ہے۔اِس پر حضرت نے فرمایا کہ اَب ہم اسمٰعیل کو خود کہیں گے …ممکن ہے اللہ تعالیٰ کے الہامات کا یہ منشا ہو کہ جس طریق پر کوشش کی گئی ہے اِس میں ناکامی ہے اور کسی اَور طریق پر کامیابی مقدر ہو…پھر حضرت صاحب نے اسمٰعیل کو میرے متعلق کہا مگر اُس نے انکار کیا اور کئی عذر کردیئے۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱۔روایت نمبر ۱۰۱ صفحہ ۷۷ تا ۷۹ مطبوعہ ۲۰۰۸ء) ۱۸۸۲ء میاں عبداللہ صاحب سنوریؓ نے بیان کیا۔’’حضرت صاحب فرماتے تھے کہ ابھی مَیں نے اسمٰعیل سے بات شروع نہیں کی تھی کہ مجھے کشف ہوا تھا کہ اُس نے میرے بائیں ہاتھ پر دَست پھر دیا ہے۔نیز مَیں نے کشف میں دیکھا تھا کہ اُس کی شہادت کی اُنگلی کٹی ہوئی ہے۔اِس پر مَیں سمجھ گیا تھا کہ یہ اِس معاملہ میں مجھے نہایت گندے جواب دے گا… اس کے بعد اسمٰعیل نے اپنی لڑکی کی دوسری جگہ شادی کردی…مگر اِس شادی کے بعد اسمٰعیل پر بڑی مصیبت آئی۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۱۰۱ صفحہ۷۹ مطبوعہ ۲۰۰۸ء) ۱۸۸۳ء مرزا دین محمد صاحبؓ سکنہ لنگروال ضلع گورداسپور نے بیان کیا۔’’ایک مرتبہ حضرت مسیح موعود علیہ السلام نے مجھے صبح کے قریب جگایا اور فرمایا کہ۔’’…مَیں نے دیکھا ہے کہ میرے تخت پوش کے چاروں طرف نمک چُنا ہوا ہے۔‘‘ ۱ (ترجمہ از مرتّب) ہائے بہت سی آرزوئیں ہیں جو خاک میں مل گئیں۔۲ (ترجمہ از مرتّب) پس صبر اچھا ہے۔

…فرمایا کہ کہیں سے بہت سا روپیہ آئے گا۔اس کے بعد مَیں چار دن یہاں رہا۔میرے سامنے ایک منی آرڈر آیا۔جس میں ہزار سے زائد روپیہ تھا۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۶۳۶ صفحہ۶۰۴ مطبوعہ ۲۰۰۸ء) ۱۸۸۳ء (الف) حافظ محمد ابراہیم صاحبؓ ولد میاں نادر علی صاحب سکنہ مکووال ضلع انبالہ نے بیان کیا۔’’۸۳ ء میں جب شہب گرے تو فرمایا۔اس وقت مَیں دیکھ رہا تھا کہ مَیں اور سیّد عبدالقادر برابر برابر کھڑے ہیں۔پھر مَیں نے دیکھا کہ شیخ سعدی اور سیّد عبدالقادر ایک باغ میں سیر کر رہے ہیں۔انہی ایام میں آپ کو الہام ہوا ’’ یَـا عَبْدَ الْقَادِرِ۔‘‘ فرمایا کہ اولیاء کو عبدالقادر کا خطاب اُس وقت دیا جاتا ہے جب اُن کے لئے قادرانہ نشان دکھانے مقصود ہوں۔‘‘ ( الحکم جلد ۳۹ نمبر ۱۰ مورخہ ۲۱ ؍ مارچ ۱۹۳۶ء صفحہ ۵) (ب) حافظ نور محمد صاحبؓ سکنہ فیض اللہ چک ضلع گورداسپور نے بیان کیا۔’’ایک دفعہ حضور ؑ نے فرمایا کہ مَیں نے خواب میں ایک مرتبہ دیکھا کہ سیّد عبدالقادر ؒ صاحب جیلانی آئے ہیں اور آپ نے پانی گرم کراکر مجھے غسل دیا ہے اور نئی پوشاک پہنائی ہے اور گول کمرہ کی سیڑھیوں کے پاس کھڑے ہوکر فرمانے لگے کہ آؤ ہم اور تم برابر برابر کھڑے ہوکر قد ناپیں۔پھر انہوں نے میرے بائیں۱؎ طرف کھڑے ہوکر کندھے سے کندھا ملایا تو اُس وقت دونوں برابر برابر رہے۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت ۴۸۱ صفحہ ۵۰۹ مطبوعہ ۲۰۰۸ء۔الحکم جلد ۳۷ نمبر ۳۳مورخہ ۱۴؍ ستمبر ۱۹۳۶ء صفحہ ۴) مولوی رحیم بخش صاحبؓ سکنہ تلونڈی جُھنگلاں ضلع گورداسپور نے بیان کیا۔’’حضرت صاحب ؑ نے فرمایا کہ مجھے الہام ہوا ہے۔’’ یُنَجِّیْکَ مِنَ الْغَمِّ وَ کَانَ رَبُّکَ قَدِ یْرًا‘‘۲؎ اور آپ ؑ نے فرمایا کہ ’’ ہمیں خدا کے فضل سے غم تو کوئی نہیں ہے شاید آئندہ کوئی غم پیش آئے۔جب مکان پر آئے تو ایک شخص امرتسر سے یہ خبر لایا کہ آپ کا وہ نگینہ جو ’’ اَلَیْسَ اللّٰہُ بِکَافٍ عَبْدَہٗ ‘‘ لکھنے کے واسطے ۱ (نوٹ از مولانا جلال الدین شمسؓ) الحکم میں دائیں طرف کا ذکر ہے۔(الحکم مورخہ ۱۴؍ ستمبر ۱۹۳۶ء صفحہ ۴) ۲ (ترجمہ از مرتّب) خدا تجھے غم سے نجات دے گا اور تیرا ربّ قادر ہے۔(نوٹ از مولانا جلال الدین شمسؓ) الحکم مورخہ ۱۴؍ اگست ۱۹۳۴ء صفحہ ۳ میں متعلقہ حوالہ میں ’’ نُنَجِّیْکَ‘‘ چھپا ہے۔

حکیم محمد شریف صاحب کے پاس امرتسر بھیجا ہوا تھا، وہ گم ہوگیا ہے، اور نیز ایک ورق براہین احمدیہ کا لایا جو بہت خراب تھا او رپڑھا نہیں جاتا تھا۔یہ معلوم کرکے آپ کو بہت تشویش ہوئی… حضرت صاحب اور یہ خاکسار بٹالہ سے گاڑی میں سوار ہوکر امرتسر پہنچے۔جب حکیم صاحب کے مکان پر پہنچے تو حکیم صاحب نے بہت خوش ہوکر کہا کہ یہ آپ ؑ کا نگینہ گم ہوگیا تھا مگر ابھی مل گیا ہے اور جب مطبع میں جاکر کتاب دیکھی تو وہ اچھی چھپ رہی تھی۔جس پر آپ ؑ نے فرمایا کہ اللہ تعالیٰ نے ہم کو پہلے سے بشارت دے دی تھی کہ ہم تجھے غم سے نجات دیں گے سو وہ یہی غم تھا۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۴۵۳ صفحہ ۴۳۱، ۴۳۲ مطبوعہ ۲۰۰۸ء) ۱۸۸۴ء حضرت اُمّ المؤ منین رضی اللہ تعالیٰ عنہا نے فرمایا۔’’میری شادی سے پہلے حضرت صاحب کو معلوم ہوا تھا کہ آپ ؑ کی دوسری شادی دِلّی میں ہوگی۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۶۹ صفحہ ۵۱ مطبوعہ ۲۰۰۸ء) ۱۸۸۴ء ’’حافظ حامد علی صاحبؓ مرحوم خادم حضرت مسیح موعود علیہ السلام بیان کرتے تھے کہ جب حضرت صاحب نے دوسری شادی کی تو ایک عمر تک تجرد میں رہنے اور مجاہدات کرنے کی وجہ سے آپ ؑ نے اپنے قویٰ میں ضعف محسوس کیا۔اس پر وہ الہامی نسخہ جو ’’زدجامِ عشق ‘‘ کے نام سے مشہور ہے بنواکر استعمال کیا چنانچہ وہ نسخہ نہایت ہی بابرکت ثابت ہوا … نسخہ زدجامِ عشق یہ ہے جس میں ہر حرف دوا کے نام کا پہلا حرف مراد ہے۔زعفران، دارچینی، جائفل، افیون، مُشک، عقرقرحا، شنگرف، قرنفل یعنی لَونگ۔اِن سب کو ہم وزن کُوٹ کر گولیاں بناتے ہیں اور روغن سَـمُّ الْفَار میں چرب کرکے رکھتے ہیں اور روزانہ ایک گولی استعمال کرتے ہیں۔الہامی ہونے کے متعلق دو باتیں سنی گئی ہیں۔ایک یہ کہ یہ نسخہ ہی الہام ہوا تھا۔دوسرے یہ کہ کسی نے یہ نسخہ حضور ؑ کو بتایا اور پھر الہام نے اِسے استعمال کرنے کا حکم دیا۔وَاللہُ اَعْلَمُ۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ حصّہ سوم روایت نمبر ۵۶۹ صفحہ۵۴۸ مطبوعہ ۲۰۰۸ء) ۱۸۸۴ء حضرت اُمّ المؤمنین رضی اللہ تعالیٰ عنہا نے فرمایا۔’’جب میری شادی ہوئی اور مَیں ایک مہینہ قادیان ٹھہر کر پھر واپس دہلی گئی تو اُن ایام میں حضرت مسیح موعود ؑ

نے مجھے ایک خط لکھا کہ مَیں نے خواب میں تمہارے تین جوان لڑکے دیکھے ہیں۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ حصّہ اوّل روایت نمبر ۹۱صفحہ ۶۶ مطبوعہ ۲۰۰۸ء) ۱۸۸۴ء میر عنایت علی شاہ صاحبؓ لدھیانوی نے بیان کیا۔’’حضرت اقدس ؑ دہلی سے واپس ہوئے۔سرہند ریلوے سٹیشن پر حضرت اقدس ؑ کو الہام ہوا۔اِنَّـا لِلہِ وَ اِنَّـا اِلَیْہِ رَاجِعُوْنَ …حضور ؑ نے فرمایا کہ اِس الہام میں کسی دوست کے گِرنے کی خبر ہے۔مجھے ڈر ہے کہ میر صاحب۱؎ہی نہ ہوں۔‘‘ ( رجسٹر روایاتِ صحابہ غیر مطبوعہ نمبر ۱ صفحہ ۱۱۹) ۱۸۸۵ء شیخ یعقوب علی صاحبؓ عرفانی ایڈیٹر الحکم نے لکھا۔’’اللہ تعالیٰ کی ایک تحریک خفی کے ماتحت کچھ عرصہ کے لئے ضلع گورداسپور کے پہاڑی علاقہ (سوجان پور) کی طرف جاکر عبادت کرنا چاہتے تھے لیکن پھر خدا تعالیٰ کی صاف صاف وحی نے آپ ؑ کو ہوشیار پور جانے کا ایماء فرمایا اور اس شہر کا نام بتایا۔‘‘ (الحکم جلد ۳۹ نمبر ۱۳ مورخہ ۱۴؍ اپریل ۱۹۳۶ء صفحہ۴) ۱۸۸۶ء میاں عبداللہ صاحب سنوریؓ نے بیان کیا کہ ایام چِلّہ ہوشیار پور میں حضرت مسیح موعود علیہ السلام کو الہام ہوا۔’’ بُـوْرِکَ مَنْ فِیْـھَا وَ مَنْ حَوْلَھَا ‘‘۲؎ اور حضور ؑ نے تشریح فرمائی کہ مَنْ فِیْـھَا سے مَیں مُراد ہوں اور مَنْ حَوْلَھَا سے تم لوگ مراد ہو۔( سیرت المہدی مؤلفہ حضرت مرزا بشیر احمد صاحبؓ ایم۔اے، جلد۱ روایت نمبر ۸۸ صفحہ ۶۵ مطبوعہ ۲۰۰۸ء) ۱ یعنی میر عباس علی شاہ صاحب لدھیانوی۔(شمس) ۲ (ترجمہ از مرتّب) برکت والا ہے وہ جو اس میں ہے اور جو اس کے اِردگرد ہیں۔(نوٹ از مولانا جلال الدین شمسؓ) یہ الہام حضور ؑ کو ہوشیار پور کے چِلّہ کے دَوران ہوا۔میاں عبداللہ صاحبؓ سنوری کا بیان ہے کہ آپ ؑ اُوپر بالاخانہ میں رہتے تھے …ایک دن جب مَیں کھانا رکھنے اُوپر گیا تو حضور ؑ نے فرمایا کہ مجھے الہام ہوا ہے۔( سیرت المہدی جلد اوّل روایت نمبر ۸۸ صفحہ ۶۵)

۱۸۸۶ء میاں عبداللہ صاحبؓ سنوری نے بیان کیا۔’’ہوشیار پور سے پانچ چھ میل کے فاصلہ پر ایک بزرگ کی قبر ہے…حضور ؑ قبر کی طرف تشریف لے گئے … اور تھوڑی دیر تک دعا فرماتے رہے۔پھر …فرمایا۔جب مَیں نے دُعا کے لئے ہاتھ اُٹھائے تو جس بزرگ کی یہ قبر ہے وہ قبر سے نکل کر دو زانو ہوکر میرے سامنے بیٹھ گئے اور اگر آپ۱؎ ساتھ نہ ہوتے تو مَیں اُن سے باتیں بھی کرلیتا۔ان کی آنکھیں موٹی موٹی ہیں اور رنگ سانولا ہے۔پھر کہا کہ دیکھو اگر یہاں کوئی مجاور ہے تو اُس سے ان کے حالات پوچھیں چنانچہ حضور ؑ نے مجاور سے دریافت کیا۔اُس نے کہا مَیں نے ان کو خود نہیں دیکھا کیونکہ ان کی وفات کو قریباً ایک سو سال گزر گیا ہے۔ہاں اپنے باپ یا دادا سے سنا ہے کہ یہ اِس علاقہ کے بڑے بزرگ تھے اور اِس علاقہ میں ان کا بہت اثر تھا۔حضور ؑنے پوچھا، ان کا حلیہ کیا تھا؟ وہ کہنے لگا کہ سنا ہے سانولہ رنگ تھا اور موٹی موٹی آنکھیں تھی۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۸۸ صفحہ۶۴، ۶۵ مطبوعہ ۲۰۰۸ء) ۱۸۸۶ء میاں عبداللہ صاحبؓ سنوری نے بیان کیا۔’’پسرِ موعود کی پیشگوئی کے بعد حضرت صاحب ؑ ہم سے کبھی کبھی کہا کرتے تھے کہ دعا کرو کہ اللہ تعالیٰ ہم کو جلد وہ موعود لڑکا عطا کرے۔اُن دنوں میں حضرت کے گھر اُمید واری تھی۔ایک دن بارش ہوئی تو مَیں نے مسجد مبارک کے اُوپر صحن میں جاکر بڑی دُعا کی…پھر مجھے دُعاکرتے کرتے خیال آیا کہ باہر جنگل میں جاکر دُعا کروں…چنانچہ مَیں قادیان سے مشرق کی طرف چلا گیا اور باہر جنگل میں بارش کے اندر بڑی دیر تک سجدہ میں دُعا کرتا رہا… اُسی دن شام یا دوسرے دن صبح کو حضرت صاحب نے مجھ سے فرمایا کہ مجھے الہام ہوا ہے کہ ’’اُن کو کہہ دو اُنہوں نے رنج بہت اُٹھایا ہے ثواب بہت ہوگا۔‘‘ ( سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۱۱۰ صفحہ ۸۹ مطبوعہ ۲۰۰۸ء ) مئی۱۸۸۶ء ’’ لَیْسَ الذَّکَرُ کَا لْاُنْثٰی‘‘۲؎ (البشریٰ قلمی نسخہ مرتبہ پیر سراج الحق صاحب نعمانیؓ صفحہ ۷۱۔مکتوب از صاحبزادہ پیر سراج الحق صاحب نعمانی ؓ۔حضرت مسیح موعود علیہ الصلوٰۃ والسلام کے دست ِمبارک کے لکھے ہوئے الہامات میں سے ) ۱ اِس سے مراد میاں عبداللہ صاحب سنوری ؓ ہیں۔(شمس) ۲ (ترجمہ) اس لڑکی کے جیسے بعض مرد بھی نہیں۔(نوٹ) یہ الہام صاحبزادی عصمت کی پیدائش پر ہوا تھا۔( البشریٰ قلمی نسخہ مرتبہ پیر سراج الحق صاحب نعمانی ؓصفحہ ۷۱ حاشیہ نمبر ۴)

۶؍ جنوری۱۸۹۱ء (الف) ’’خواب میں دیکھا کہ میرے پاس مرزا غلام قادر میرے بھائی کھڑے ہیں اور مَیں یہ آیت قرآن شریف کی پڑھتا ہوں غُلِبَتِ الرُّوْمُ فِیْ اَدْنَی الْاَرْضِ وَ ھُمْ مِّنْ بَعْدِ غَلَبِھِمْ سَیَغْلِبُوْنَ ۱؎ اور کہتا ہوں کہ اَدْنَی الْاَرْضِ سے قادیان مراد ہے اور مَیں کہتا ہوں کہ قرآن شریف میں قادیان کا نام درج ہے۔‘‘ (مکتوب از پیر سراج الحق صاحب نعمانی ؓ۔حضرت مسیح موعود علیہ الصلوٰۃ والسلام کے دست ِمبارک کے لکھے ہوئے الہامات میں سے ) (ب) ’’ ایک دفعہ ہمیں یہ الہام ہوا کہ ’’غُلِبَتِ الرُّوْمُ فِیْٓ اَدْنَی الْاَرْضِ وَ ھُمْ مِّنْ بَعْدِ غَلَبِھِمْ سَیَغْلِبُوْنَ اور مجھے دکھایا گیا کہ اِس وعدہ کی آخری آیت تک جس قدر حروف ہیں ان میں اکمل اور اخلص موافقین کے نام بھی مخفی ہیں اور جو اشد انکار و عناد و مخالفت میں اپنی قوم میں سے ہیں ان کے نام بھی اس میں پوشیدہ ہیں۔‘‘ پھر فرمایا۔’’اور مَیں نے دیکھا کہ ایک شخص نے اَدْنَی الْاَرْض پر قرآن شریف میں ہاتھ رکھا ہوا ہے اور کہتا ہے کہ یہ قادیان کا نام ہے۔‘‘ ( تذکرۃ المہدی مصنفہ پیر سراج الحق صاحبؓ نعمانی حصّہ دوم صفحہ ۴۵ مطبوعہ دسمبر ۱۹۲۱ء و مکتوب پیر سراج الحق صاحبؓ نعمانی) ۲۷؍ فروری۱۸۹۱ء ’’ فَـجِٓـیْءَ بِـالْکِتَابِ فَھُزِمُوْا۔‘‘۲؎ ( مکتوب پیر سراج الحق صاحب نعمانی ؓو البشریٰ قلمی نسخہ مرتبہ پیر سراج الحق صاحب نعمانیؓ صفحہ ۵۵) ۱۸۹۱ء خواجہ حسن نظامی صاحب نے حضرت مسیح موعود علیہ السلام کا ایک خط شائع کیا ہے جس کا اِقتباس درج ذیل ہے۔’’ہم نے آپ کی صحت کے لئے خدا سے دعا مانگی اور ہم کو الہام ہوا کہ خواجہ حسن نظامی ابھی بہت دن زندہ رہیں گے اور مسلمانوں کے بڑے بڑے کام کریں گے۔‘‘ ( الفضل مورخہ ۱۱؍ اکتوبر ۱۹۵۲ء صفحہ ۲ بحوالہ اخبار منادی دہلی بابت ماہ؍ ستمبر ۱۹۵۲ء صفحہ ۴ تا ۷) ۱ (ترجمہ از ناشر) اہل روم مغلوب کئے گئے۔قریب کی زمین میں۔اور وہ اپنے مغلوب ہونے کے بعد پھر ضرور غالب آجائیں گے۔(الرّوم: ۳، ۴) ۲ (ترجمہ از مرتّب) پھر کتاب لائی گئی۔تب انہیں شکست ہوئی۔(نوٹ از مولانا جلال الدین شمسؓ) پیر صاحبؓ لکھتے ہیں۔یہ الہام حضرت اقدس علیہ السلام کے دست ِ مبارک کے لکھے ہوئے سے نقل کئے گئے۔

فروری۱۸۹۲ء حضرت مولوی نورالدین صاحب خلیفہ اول رضی اللہ عنہ بیان فرماتے تھے کہ۔’’ایک دفعہ کسی بحث۱؎ کے دَوران میں حضرت مسیح موعود ؑ سے کسی مخالف نے کوئی حوالہ طلب کیا…حضرت صاحب ؑ نے بخاری کا ایک نسخہ منگایا اور یونہی اس کی ورق گردانی شروع کردی اور جلد جلد ایک ایک ورق اُس کا اُلٹانے لگ گئے اور آخر ایک جگہ پہنچ کر آپ ٹھہر گئے اور کہا لو یہ لکھ لو۔دیکھنے والے سب حیران تھے کہ یہ کیا ماجرا ہے اور کسی نے حضرت صاحب سے دریافت بھی کیا جس پر حضرت صاحب نے فرمایا کہ ’’جب مَیں نے کتاب ہاتھ میں لے کر ورق اُلٹانے شروع کئے تو مجھے کتاب کے صفحات ایسے نظر آتے تھے کہ گویا وہ خالی ہیں اور اُن پر کچھ نہیں لکھا ہوا اِسی لئے مَیں ان کو جلد جلد اُلٹا تا گیا۔آخر مجھے ایک صفحہ ملا جس پر کچھ لکھا ہوا تھا اور مجھے یقین ہوا کہ یہ وہی حوالہ ہے جس کی مجھے ضرورت ہے۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۳۰۶ صفحہ ۲۸۲ مطبوعہ ۲۰۰۸ء) ۱۸۹۲ء (الف) حضرت امیر المؤمنین خلیفۃ المسیح الثانی ایدہ اللہ تعالیٰ بنصرہِ العزیز نے خطبہ جمعہ میں فرمایا۔’’ملکہ وکٹوریہ کے زمانہ میں خدا تعالیٰ نے خبر دے دی۔’’سلطنتِ برطانیه تا ھشت سال بعد ازاں ضعف و فساد و اِختلال‘‘ اور یہ آٹھ سال جاکر ملکہ وکٹوریہ کی وفات۲؎ پر پورے ہوگئے۔‘‘ (الفضل جلد ۱۶ نمبر ۷۸ مورخہ ۵؍ اپریل ۱۹۲۹ءصفحہ ۵) ۱ (نوٹ از مولانا جلال الدین شمسؓ) مکرم شیخ یعقوب علی صاحب عرفانیؓ لکھتے ہیں۔’’ جہاں تک میری یاد مساعدت کرتی ہے …یہ واقعہ لاہور میں ہوا تھا۔مولوی عبدالحکیم صاحب کلانوری سے حضرت مسیح موعود علیہ السلام کی ’’محدثیت اور نبوت ‘‘ پر بحث ہوئی تھی …حضرت مسیح موعود علیہ السلام نے محدثیت کی حقیقت بیان کرتے ہوئے بخاری کی اس حدیث کا حوالہ دیا جس میں حضرت عمر ؓ کی محدثیت پر استدلال تھا۔مولوی عبدالحکیم صاحب کے مددگار وں میں سے مولوی احمد علی صاحب نے حوالہ کا مطالبہ کیا اور بخاری خود بھیج دی۔مولوی محمد احسن صاحب نے حوالہ نکالنے کی کوشش کی مگر نہ نکلا۔آخر حضرت مسیح موعود ؑ نے خود نکال کر پیش کیا … جب حضرت صاحب نے یہ حدیث نکال کر دکھا دی تو فریقِ مخالف پر گویا ایک موت وارد ہوگئی…اسی پر مباحثہ ختم کردیا۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۴۷۲ صفحہ ۴۹۶ مطبوعہ ۲۰۰۸ء) ۲ ملکہ وکٹوریہ کا انتقال ۲۲؍ جنوری ۱۹۰۱ء میں ہوا۔(شمس)

(ب) حافظ حامد علی صاحبؓ نے مجھ سے کہا کہ آج رات یا شاید کہا ان دنوں میں حضرت صاحب کو الہام ہوا ہے۔’’سلطنتِ برطانیہ تا ھشت سال بعد ازاں ایام ضعف و اختلال‘‘ (سیر ت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۹۶ صفحہ ۶۸ مطبوعہ ۲۰۰۸ء) (ج) میاں عبداللہ صاحب سنوریؓ نے بیان کیا کہ۔’’مجھے (یہ) الہام اِس طرح پر یاد ہے۔’’سلطنتِ برطانیہ تا ھفت سال بعد ازاں باشد خلاف و اِختلال‘‘ (سیر ت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۹۶ صفحہ ۶۸ مطبوعہ ۲۰۰۸ء) (د) صاحبزادہ پیر سراج الحق صاحب نعمانی ؓ نے بیان کیا۔’’مَیں نے حضرت سے یہ الہام اِس طرح پر سنا ہے۔’’قوتِ برطانیہ تا ھشت سال بعد ازاں ایام ضعف و اِختلال‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۳۱۴ صفحہ ۲۹۱ مطبوعہ ۲۰۰۸ء) غالباً ۱۲؍ جولائی ۱۸۹۲ء (خواب میں) ’’ لَہٗ تَبٌّ وَّ سَبٌّ وَّ افْتِضَاحٌ۔‘‘۱؎ (جیبی۲؎بیاض حضرت خلیفۃ المسیح اوّل رضی اللہ تعالیٰ عنہ) ۱۲؍ اکتوبر ۱۸۹۲ء ’’ یُصْلِحُ اللّٰہُ جَـمَاعَتِیْ اِنْ شَآءَ اللّٰہُ تَعَالٰی۔‘‘۳؎ (جیبی بیاض حضرت خلیفۃ المسیح اوّل رضی اللہ تعالیٰ عنہ) ۲۱؍ مارچ ۱۸۹۳ء ’’کل شب کو ایک خواب اور کچھ تحریری طور پر لکھا ہوا پیش ہوا۔لکھا ہوا تو سوائے ن و ض کے اَور کچھ پڑھا نہ گیا اور خواب بھی سارا یاد نہیں رہا اخیری فقرہ یاد رہا وہ یہ تھا۔۱ (ترجمہ از مرتّب) اس کے لئے ہلاکت اور گا لیاں اور ذلت ہے۔۲ (نوٹ از مولانا جلال الدین شمسؓ) یہ جیبی بیاض عبدالرحمٰن صاحب شاکر کارکن صدر انجمن احمدیہ ربوہ کے پاس موجود ہے جو ان کے والد مرحوم ماسٹر نعمت اللہ صاحب گوؔہرؓ کو مرزا محمود بیگ صاحبؓ آف پٹی نے دی تھی اور ان کا بیان ہے یہ بیاض انہیں حضرت خلیفۃ المسیح اوّل رضی اللہ تعالیٰ عنہ نے عطا فرمائی تھی۔۳ (ترجمہ از مرتّب) اللہ تعالیٰ میری جماعت کی اصلاح کردے گا۔انشاء اللہ تعالیٰ۔

’’اِنَّ اللّٰہَ عَلِیْمٌ حَکِیْمٌ۔‘‘۱؎ (از مکتوب مرزا خدا بخش صاحبؓ مندرجہ ’’ اصحابِ احمد‘‘ مؤلفہ ملک صلاح الدین صاحب حصّہ دوم صفحہ ۱۱۶ حاشیہ مطبوعہ ۱۹۵۲ء) مارچ ۱۸۹۳ء ’’نور الدین۲؎کو دو گلاس دُودھ کے پلائے۔ایک ہم نے خود دیا اور دوسرا اُس نے مانگ کر لیا اورکہا سرد ہے۔پھر دُودھ کی ندی بن گئی اورہم اُس میں نبات کی ڈلی ہلاتے جاتے ہیں۔‘‘ (جیبی بیاض حضرت خلیفۃ المسیح اوّل رضی اللہ تعالیٰ عنہ) ۲ ؍۳؎اپریل ۱۸۹۳ء (الف) ’’مولوی عبدالکریم صاحبؓ سے ایک دن ذکر کیا کہ مجھے الہام ہواہے۔لَا تَصْبُوَنَّ اِلَی الْوَطَنْ فِیْہِ تُـھَانُ وَ تُـمْتَحَنْ۴؎ یہ الہام نورالدین کے متعلق معلوم ہوتا ہے۔‘‘ (ضمیمہ اخبار بدر جلد ۸ نمبر۴۰ مورخہ ۲۹جولائی ۱۹۰۹ ء صفحہ ۷۷۔مرقاۃ الیقین فی حیاۃ نور الدین صفحہ ۱۶۹ طبع اوّل) ۱ (ترجمہ از مرتّب) یقیناً اللہ تعالیٰ علیم حکیم ہے۔۲ (نوٹ از مولانا جلال الدین شمسؓ) حضرت مولوی نورالدین صاحب خلیفۃ المسیح الاوّل رضی اللہ تعالیٰ عنہ۔۳ (نوٹ از مولانا عبد اللطیف بہاولپوری) یہ تاریخ حضرت خلیفۃ المسیح اوّل رضی اللہ عنہ کی جیبی بیاض میں درج ہے مگر وہاں سن درج نہیں۔تعیین سال چونکہ بدلائل ۱۸۹۳ء ثابت ہے(دیکھیے تاریخ احمدیت جلد اوّل صفحہ ۴۹۴ مولانا نورالدینؓ کی ہجرت کا ایمان افروز واقعہ) اِس لئے ہم نے یہی سن درج کردیا۔۴ (ترجمہ از مرتّب) تُو وطن کی طرف ہرگز توجہ نہ کر۔اس میں تیری اہانت ہوگی اور تکلیفیں اُٹھانی پڑیں گی۔(نوٹ از مولانا عبد اللطیف بہاولپوری) یہ الہام حضرت خلیفۃ المسیح اوّلؓ کی بیاض جیبی صفحہ ۱۴۹ میں یوں درج ہے۔لَاتَصْبُوَنَّ اِلَی الْوَطَنْ فِیْہِ تُضَامُ وَ تُـمْتَـھَنْ اور اس کے ساتھ ہی حریریؔ کا دوسرا شعربھی درج ہے۔فَاعْلَمْ بِـاَنَّ الْـحُرَّ فِیْ اَوْطَانِہٖ یَلْقَی الْغَبَنْ (ترجمہ) اپنے وطن کی طرف راغب مت ہو اس میں تجھ پر ظلم کیا جائے گا اورذلیل کیا جائے گا۔اوریاد رکھ کہ آزاد انسان اپنے وطن میں خسارہ پاتا ہے۔

(ب) ’’ واِنْ ھٰذَانِ لَسَاحِرَانِ یُرِیْدَانِ اَنْ یُـخْرِجَاکُمْ۔‘‘۱؎ (جیبی بیاض حضرت خلیفۃ المسیح اوّل رضی اللہ تعالیٰ صفحہ ۱۴۹) ’’کشف میں دیکھا۔تفسیر حسینی ۵۰اور۵۱صفحہ پر وَ لِنَجْعَلَکَ اٰیَۃً لِّلنَّاسِ وَانْظُرْاِلَی الْعِظَامِ کَیْفَ نُنْشِـزُھَا ثُمَّ نَکْسُوْھَا لَـحْمًا۔فَلَمَّا تَبَیَّنَ لَہٗ قَالَ اَعْلَمُ اَنَّ اللّٰہَ عَلٰی کُلِّ شَیْءٍ قَدِ یْرٌ۔فَسَّـرَہٗ نُـوْرُ الدِّ یْنِ بِالْمَعَارِفِ الْغَرِیْبَۃِ۔‘‘۲؎ (جیبی بیاض حضرت خلیفۃ المسیح اوّل رضی اللہ تعالیٰ عنہ صفحہ ۱۴۹) ۵؍ اپریل۱۸۹۳ء ۱۔قاضی سلیمان پٹیالوی کی نسبت الہام۔’’پشت بر قبلہ مے کنند نماز‘‘۳؎ ۲۔بعد ظہر کے فرمایا یا بعد دعا بہ نسبت خاکسار راقم۴؎ الہام۔’’ اِنَّ الصَّفَا وَ الْمَرْوَۃَ مِنْ شَعَآئِرِ اللّٰہِ‘‘ ۵؎ (جیبی بیاض حضرت خلیفۃ المسیح اوّل رضی اللہ تعالیٰ عنہ صفحہ ۱۵۷) ۷؍۶؎اپر یل ۱۸۹۳ء پیغمبر خدا صلی اللہ علیہ وسلم نے فرمایا۔۱ (ترجمہ ازمرتّب) یہ دونوں بڑے ہوشیار اورچالاک ہیں تمہیں نکالنا چاہتے ہیں۔(نوٹ از مولانا جلال الدین شمسؓ) اِس الہام کے متعلق جیبی بیاض میں کوئی تاریخ درج نہیں اورنہ کوئی تشریح ہے۔لیکن یہ الہام اسی صفحہ پر درج ہے جہاں الہام لَا تَصْبُوَنَّ لکھا ہے۔۲ (ترجمہ از مرتّب) اور تاکہ ہم تجھے لوگوں کے لئے نشان بنائیں اوراُن ہڈیوں کی طرف دیکھ۔ہم انہیں کیسے اُبھارتے، پھر انہیں گوشت پہناتے ہیں۔پھر جب اس پر واضح ہوگیا تو کہا مَیں جانتا ہوں کہ اللہ ہر چیز پر قادر ہے۔نورالدین نے اس کی عجیب و غریب معارف کے ساتھ تفسیر کی۔۳ (ترجمہ از مرتّب) قبلہ کو پیٹھ دے کر نماز ادا کرتے ہیں۔۴ یعنی حضرت مولانا نورالدین صاحب خلیفہ اوّل رضی اللہ عنہ۔(عبد اللطیف بہاولپوری) ۵ (ترجمہ از مرتّب) یقینا صفا اور مروہ شعائر اللہ میں سے ہیں۔۶ (نوٹ از مولانا جلال الدین شمسؓ) اِس الہام اور اگلے چار الہاموں کی جیبی بیاض میں صرف تاریخیں لکھی ہوئی ہیں مگر سنہ درج نہیں غالباً ۱۸۹۳ء ہی ہوگا۔

آج 10 میں سے 10 باقی