ضمیمہ تذکرہ
حصہ 5
Urdu text of the edition of the Ahmadiyya Muslim Jamaat.
۵۲۔(الف) میاں فضل محمد صاحب ہرسیاں والے حافظ حامد علی صاحب ؓ سے روایت کرتے ہیں کہ۔’’ ایک دفعہ مجھے۱؎حضرت اقدس ؑنے ایک کام کے لئے ایک غیر ملک میں بھیجا۔ایک مقررہ جہاز پر روانہ ہوا۔جب جہاز نصف سفر طے کرچکا تو سمندر میں طوفان کے آثار دکھائی دیئے اور ایسا معلوم ہوا کہ جہاز غرق ہونے لگا ہے۔لوگ چِلّانے لگے اور جہاز میں شورِ قیامت برپا ہوگیا۔لوگ روتے اور آہ و بُکا کرتے تھے۔مَیں نے بڑے زور اور دعویٰ سے کہا کہ مَیں پنجاب سے آیا ہوں اور مَیں ایسے شخص کے کام کو جارہا ہوں جسے خدا نے اِس زمانہ کا نبی بناکر بھیجا ہے اِس لئے جب تک مَیں اِس جہاز میں سوار ہوں خدا تعالیٰ اِس جہاز کو غرق نہیں کرے گا چنانچہ خدا تعالیٰ نے اس حالت کو بدل دیا اور جہاز طوفانی حالت سے نکل کر خیریت سے کنارے جا لگا اور مَیں اپنی جگہ پر اُتر گیا اور جہاز آگے روانہ ہوگیا۔مگر تھوڑی دُور ہی گیا تھا کہ غرق ہوگیا… ہندوستان میں جب اِس جہاز کے غرق ہونے کی اطلاع آئی تو میرے عزیز روتے ہوئے حضرت ؑ کے پاس گئے اور کہا جس جہاز پر حامد علی سوار تھا وہ غرق ہوگیا ہے۔حضور ؑ نے فرمایا کہ ہاں سنا تو ہے کہ جس جہاز پر حامد علی سوار تھا وہ فلاں تاریخ غرق ہوگیا ہے۔یہ کہہ کر حضور ؑ خاموش ہوگئے لیکن تھوڑی دیر کے بعد فرمایا مگر حامد علی اپنا کام کر رہا ہے،وہ غرق نہیں ہوا۔بعد کے واقعات نے حضور ؑ کے اِس ارشاد کی تائید کی۔معلوم ایسا ہوتا ہے کہ حضورؑ کو کشفی طور پر سارا واقعہ دکھا یا گیا۔‘‘ (الحکم جلد ۳۸ نمبر ۲مورخہ ۲۱؍ جنوری ۱۹۳۵ء صفحہ ۵) (ب) شیخ زین العابدین صاحب ؓ برادر حافظ حامد علی صاحب ؓنے بیان کیا کہ حضرت مسیح موعود علیہ السلام نے فرمایا کہ ’’حافظ حامد علی کی نسبت تو مجھے الہام بھی ہوچکا ہے کہ یہ زندہ آئے گا اور فائدہ حاصل کرکے آئے گا۔‘‘ (رجسٹر روایاتِ صحابہ غیر مطبوعہ نمبر ۱۱صفحہ ۵۴) ۵۳۔شیخ فضل الٰہی صاحبؓ چٹھی رساں نے بیان کیا کہ۔’’ ایک مرتبہ کا ذکر ہے کہ مَیں ڈاک لے کر حضور ؑ ( کی خدمت ) میں جارہا تھا۔جب ڈپٹی شنکرداس کے مکان۲؎ کے آگے سے گزرا تو مکان کے آگے چبوترہ پر ڈپٹی مذکور چارپائی پر بیٹھا تھا۔مجھے (اوشیخ) پکار کر کہا کہ ۱ یعنی حافظ حامد علی صاحبؓ کو۔(عبد اللطیف بہاولپوری) ۲ (نوٹ از سیّد عبد الحی ٔ) یہ گھر جماعت نے ستمبر ۱۹۳۱ء کے لگ بھگ خریدا تھا۔خرید کے وقت نہ تو پلستر شدہ تھا
غلام احمد کو کہہ دو کہ لڑکے جب مسجد میں آتے ہیں تو شور ڈالتے ہیں اور باتوں سے بھی کھڑاک کرتے ہیں ہم کو تکلیف ہوتی ہے۔ان کو منع کردے کہ وہ آرام سے گذارہ کریں۔مَیں نے حضرت صاحب ؑ سے ایسا ہی جاکر عرض کردیا تو حضور ؑ نے فرمایا کہ۔’’یہ مکان تو ہمارے قبضہ میں آنے والا ہے۔خدا نے ہم کو اِس مکان کا وعدہ فرمایا ہے۔‘‘ (الحکم جلد ۳۸ نمبر ۹مورخہ ۱۴؍ مارچ ۱۹۳۵ء صفحہ ۴) ۵۴۔حکیم محمد قاسم صاحبؓ ساکن لالہ موسیٰ نے بیان کیا کہ حضرت مسیح موعود علیہ السلام نے فرمایا ’’ مجھے خدا تعالیٰ کہتا ہے کہ۔’’یہ زمین تیری اور تیرے مریدوں کی ہے۔‘‘ (الحکم جلد ۳۸ نمبر ۲۵مورخہ ۱۴؍ جولائی ۱۹۳۵ء صفحہ ۴) ۵۵۔ماسٹر اللہ دِتّا صاحبؓ مہاجر قادیان نے بیان کیا کہ حضرت مسیح موعودعلیہ السلام نے ایک دفعہ مفتی۱؎صاحب کو فرمایا کہ۔’’مَیں نے دیکھا ہے کہ منظور۲؎ کی طرف چیل جھپٹی ہے۔آپ ایک مسکین کو کھانا کھلایا کریں۔حضرت مفتی صاحب سلّمہ اللہ نے عرض کی کہ حضور مقرر کردیا ہے۔‘‘ (الحکم جلد ۳۸ نمبر ۲۵مورخہ ۱۴؍ جولائی ۱۹۳۵ء صفحہ ۱۰) ۵۶۔حضرت مولوی شیر علی صاحب ؓ نے ذکر ِ حبیب ؑ کی ایک مجلس میں فرمایا کہ ’’میرے چچا صاحب … کو حُقّہ کی بہت عادت تھی۔انہوں نے سنایا کہ مَیں قادیان گیا تو ہم دو آدمی بقیہ حاشیہ۔نہ سفیدی ہوئی تھی اور فرش بھی کچے تھے۔اس کے علاوہ بالائی منزل میں دو کمرے اور برآمدہ کی تعمیر ہوئی تھی۔بنیادی تعمیرات اور مرمت کے بعد حضرت خلیفۃ المسیح الثانی رضی اللہ عنہ نے اپریل ۱۹۳۲ء میں از سر نو تعمیر شدہ عمارت کا افتتاح کیا۔(تفصیل کے لئے ملاحظہ فرمائیں الفضل مورخہ ۳؍مئی ۱۹۳۲ء صفحہ ۵ کالم ۱ و ۲ و تاریخ احمدیت جلد ۵ صفحہ ۲۹۸) چونکہ مسجد اقصیٰ کی توسیع کا منصوبہ کافی عرصہ سے زیر غور تھا کیونکہ عمارت شکستہ حال ہوچکی تھی اس لئے بعد از منظوری حضرت خلیفۃ المسیح الخامس ایدہ اللہ تعالیٰ بنصرہ العزیز اکتوبر ۲۰۰۷ء میں اسے گرادیا گیا۔اب اس جگہ کو مسجد اقصیٰ کی توسیع میں شامل کرلیا گیا ہے۔۱ یعنی مفتی محمد صادق صاحب ؓ۔(شمس) ۲ یہ مفتی صاحب ؓ کے صاحبزادے منظور احمد کی طرف اشارہ ہے۔(شمس)
تھے۔مسجد مبارک میں ہم سو گئے۔صبح حضرت مسیح موعود علیہ السلام تشریف لائے تو آپ ؑ نے فرمایا۔’’مَیں نے آج خواب میں دیکھا کہ مسجد میں دو حُقّے پڑے ہوئے ہیں۔‘‘ (الحکم جلد ۳۸ نمبر ۲۷مورخہ۲۸؍ جولائی ۱۹۳۵ء صفحہ ۴) ۵۷۔میاں امام الدین صاحبؓ سیکھوانی کی پاکٹ بک میں (درج ) ہے کہ حضرت مسیح موعود علیہ السلام نے فرمایا۔’’ایک روز مَیں نے خواب میں دیکھا کہ ہمارا جو باہر کا مکان ہے اُس کے آگے دو گھوڑے خوب موٹے تازےبندھے ہوئے ہیں اور عربی گھوڑے معلوم ہوتے ہیں۔پھر ایک گھوڑے پر رسول اللہ صلی اللہ علیہ وسلم سوار ہوئے ہیں اور ایک گھوڑے پر مَیں سوار ہوں اور ہم دونوں بہادروں کی طرح تیز رفتار چلتے ہیں اور چلنے (میں) کوئی کمی نہیں۔بعد (میں) میری آنکھ کھل گئی۔‘‘ (الحکم جلد ۳۸ نمبر ۳۰مورخہ ۲۱؍ اگست ۱۹۳۵ء صفحہ ۶) ۵۸۔مولوی رحیم بخش صاحبؓ ساکن موضع بہادر حسین تحصیل بٹالہ کا تحریری بیان ہے کہ۔’’ ایک مرتبہ عاجز اور شرمپت اور حضرت مسیح موعود علیہ السلام مسجد اقصیٰ میں تھے۔آپ ؑ اِدھر اُدھر ٹہل رہے تھے۔ساتھ ساتھ ہم بھی پھرتے تھے۔شرمپت کو حضور ؑ نے مخاطب کرکے فرمایا کہ شرمپت مجھ کو الہام ہوا ہے کہ ملاوا یہودا اسکریوطی ہے اور یہودا اسکریوطی وہ تھا جس نے حضرت عیسیٰ علیہ السلام کو پکڑوایا تھا۔یہ ہمارا دوست ہے اس کو نہ بتانا شاید یہ الفاظ کہہ کر رنجیدہ ہوگیا لیکن یہ فرمایا کہ تاریخ اور الہام لکھ رکھو۔اس کے ایک مدت کے بعد ملاوا آپ ؑ کا سخت مخالف ہوگیا تھا۔‘‘ (الحکم جلد ۳۹ نمبر ۱۵ مورخہ ۱۴ ؍ جون ۱۹۳۶ء صفحہ ۱۰) ۵۹۔حافظ عبدالعلی صاحبؓ برادر مولوی شیر علی صاحب ؓ نے بیان کیا کہ حضرت مسیح موعود علیہ السلام نے فرمایا۔’’ جو لوگ میرے پاؤں دباتے ہیں، اُن کے روحانی حالات مجھے رات بوقت دعا معلوم ہوتے ہیں۔مَیں اُن کے لئے دعا کرتا ہوں۔‘‘ (الحکم جلد۴۴ نمبر ۲۰ تا ۲۳ مورخہ ۷، ۱۴، ۲۱، ۲۸ ؍ اگست ۱۹۴۲ء صفحہ ۳۔رجسٹر روایاتِ صحابہ غیر مطبوعہ نمبر۳ صفحہ ۱۴۵) ۶۰۔مٹھہ ٹوانا ضلع شاہ پور سے ایک سِکّھ معہ اپنے لڑکے کے آیا۔اُس کے لڑکے کو غالباً تپ دِق کا مرض تھا۔حضرت مولوی نورالدین صاحب رضی اللہ تعالیٰ عنہ سے علاج کرانے آیا تھا۔اس لڑکے کا باپ دُعا کے لئے حاضر ہوتا۔آپ ؑ دُعا فرماتے آپ ؑ کو الہاماً ایک نسخہ معلوم ہوا جو اس پر حضرت مولوی صاحبؓ کی معرفت استعمال کرایا گیا اور وہ لڑکا شفایاب ہوگیا۔(الفضل جلد۳۰ نمبر ۱۴۴مورخہ۲۴ ؍ جون۱۹۴۲ء صفحہ ۳)
۶۱۔فرمایا۔’’مَیں نے کشف میں دیکھا ہے کہ اِس سال ہمارے تین چار دوست داغِ مفارقت دے جائیں گے۔مَیں۱؎نے عرض کیا حضور ! وہ قادیان میں سے تو نہیں۔فرمایا نہیں۔پھر مَیں نے عرض کیا کہ حضور وہ کپورتھلہ کے تو نہیں؟فرمایا نہیں کپورتھلہ تو قادیان کا ایک محلّہ ہے۔‘‘ (الفضل جلد۲۶ نمبر۷۵مورخہ یکم اپریل ۱۹۳۸ء صفحہ ۴) ۶۲۔’’خدا نے مجھے آپ کے بارہ میں علم دیا ہے کہ آپ جن ہموم۲؎و غموم میں مبتلا ہیں اُن کو خدا تعالیٰ میری دعا سے ٹال دے گا بشرطیکہ آپ خدا کے مامور پر ایمان لے آئیں۔‘‘ (الفضل جلد۳۱ نمبر۲۵۱مورخہ ۲۶؍ اکتوبر ۱۹۴۳ءصفحہ ۳ خط بنام نواب صاحب رام پور) ۶۳۔(الف) مکرم میاں اللہ دِتّا صاحبؓ سہرانی سکنہ بستی رنداں ضلع ڈیرہ غازی خان روایت کرتے ہیں کہ حضرت اقدسؑ نے فرمایا۔’’ رات۳؎اللہ تعالیٰ نے مجھے خبر دی کہ … لنگر خانہ میں رات کو رِیا کیا گیا ہے۔‘‘ (فرمایا)۔’’اب جو لنگر خانہ میں کام کررہے ہیں ان کو علیحدہ کرکے قادیان سے چھ ماہ تک نکال دیں اور ایسے شخص مقرر کئے جائیں جو نیک فطرت ہوں اور صالح ہوں۔‘‘ (رجسٹر روایاتِ صحابہ غیر مطبوعہ نمبر ۳ صفحہ ۱۹۴) (ب) مکرم میاں اللہ دِتّا صاحبؓ سہرانی سکنہ بستی رنداں ضلع ڈیرہ غازی خاں روایت کرتے ہیں کہ حضرت اقدسؑ نے فرمایا۔’’ رات خدا تعالیٰ کی طرف سے جھڑک آئی ہے میرا لنگر ذرا بھی منظور نہیں ہوا کیونکہ اس میں رِیا کیا گیا ہے۔مسکین محروم رہ گئے ہیں اور اُمراء کو اچھا کھانا کھلایا گیا ہے۔پھر کھانے کا اِنتظام حضرت صاحب ؑ نے اپنے سامنے کروایا اور سب کو ایک قسم کا کھانا کھلایا۔‘‘ ( رجسٹر روایاتِ صحابہ غیر مطبوعہ نمبر ۳ ۱صفحہ ۱۰۹) ۶۴۔مولوی عبد العزیز صاحبؓ آف بھینی شرقپور ضلع شیخوپورہ بیان کرتے ہیں کہ ’’ایک صاحب ایران ۱ یعنی منشی ظفر احمد صاحبؓ کپورتھلوی۔(عبد اللطیف بہاولپوری) ۲ (نوٹ از مولانا جلال الدین شمسؓ) نواب صاحب ان ایام میں بہت رنجیدہ تھے جس کی وجہ یہ تھی کہ ان کی ایک چہیتی بیوی مرضِ سِل میں مبتلا تھی اور اس کے علاج و معالجہ میں بہت کوشش کی گئی لیکن وہ جانبر نہ ہوسکی۔اس رنج و غم کی اطلاع خدا نے آپ کو دی۔(الفضل مورخہ ۲۶؍ اکتوبر ۱۹۴۳ء صفحہ ۳) ۳ (نوٹ از مولانا جلال الدین شمسؓ) میاں اللہ دِتّا صاحب بتاتے ہیں کہ یہ عید کا موقعہ تھا۔لنگر خانہ میں خاص و عام کی تمیز کی گئی۔میرے دل میں بد گمانی پیدا ہوئی۔صبح جب حضور ؑ نے یہ الہام سنایا تو وسوسہ جاتا رہا۔(ملخص از روایات مذکورہ بالا رجسٹر روایات صحابہؓ غیر مطبوعہ نمبر ۳ صفحہ۱۹۴، و نمبر۱۳ صفحہ ۱۰۹)
کے رہنے والے جو خدا رسیدہ اور ملہم انسان تھے، ان کو خدا کی طرف سے الہام ہوا کہ ’’ مقصودِ تو از قادیان حاصل مے شود‘‘۱؎ …(وہ) قادیان شریف تشریف لائے … حضرت مسیح موعود علیہ السلام سَیر کے لئے گھر سے باہر تشریف لائے اور احباب منتظرین آپ ؑ کے ساتھ چل دیئے۔جب حضور ؑ چند قدم باہر کو تشریف لے گئے تو خدا کی طرف سے آپ کو الہام ہوا۔’’آپ کی تلاش میں ایک شخص بازار میں پِھر رہا ہے اور آپ باہر جارہے ہیں۔‘‘ حضور ؑ پیچھے کو لَوٹ پڑے اور فرمایا۔حکم ہوا کہ بازار کو چلو… جب بڑے بازار میں چوک کے پاس پہنچے تو وہ صاحب مِل گئے۔‘‘ ( رجسٹر روایاتِ صحابہ غیر مطبوعہ نمبر ۴صفحہ ۱۷ ،۱۸) ۶۵۔سیّد محمود عالم شاہ صاحبؓ ( محاسب صدر انجمن احمدیہ) حضرت خلیفۃ المسیح اوّل رضی اللہ تعالیٰ عنہ سے روایت کرتے ہیں کہ۔’’ایک مرتبہ حضرت مسیح موعود علیہ السلام نے … (فرمایا) کہ مجھے بتلایا گیا ہے کہ ایک شخص نے رات دس مرتبہ زنا کیا ہے چنانچہ حضرت مولوی صاحب ؓ فرماتے تھے کہ ایک شخص نے مجھ سے اقرار کیا کہ وہ مَیں ہوں۔رات مجھے دس مرتبہ اِس قسم کے خیالات پیدا ہوئے۔‘‘ ( رجسٹر روایاتِ صحابہ غیر مطبوعہ نمبر ۴صفحہ ۳۷) ۶۶۔میاں چراغ الدین صاحبؓ ولد میاں صدرالدین صاحبؓ قادیان نے بیان کیاکہ۔’’ایک دفعہ حضور ؑ میاں صاحب (حضرت مرزا محمود احمدصاحب خلیفۃ المسیح الثانی ایدہ اللہ تعالیٰ بنصرہ العزیز) کی اُنگلی پکڑ کر سَیر کے لئے بسراواں تشریف لے گئے جہاں پر آج کل چھپڑ ہے۔وہاں پہنچ کر فرمایا کہ ’’دیکھو میاں! گاڑی کی آواز آرہی ہے۔‘‘ پھر آپؑ یہ کہہ کر چل پڑے۔خدا کے فضل سے آج کل گاڑی کی آواز سنائی دیتی ہے۔‘‘ ( رجسٹر روایاتِ صحابہ غیر مطبوعہ نمبر ۴صفحہ ۵۶) ۶۷۔سردار ماسٹر عبدالرحمٰن صاحبؓ جالندھری لکھتے ہیں کہ میاں چراغ دین صاحبؓ چپڑاسی بیان کرتے ہیں کہ ’’اِس سے پیشتر حضور ؑ نے اپنی رؤیابیان فرمائی تھی کہ مَیں ریل گاڑی میں سوار ہوکر قادیان آیا ہوں ۱ (ترجمہ از مرتّب) تیرا مقصود تجھے قادیان میں حاصل ہوگا۔
اور گاڑی بازار قادیان میں کھڑی ہوگئی۔‘‘ ۱؎ ( اصحاب احمد مؤلفہ ملک صلاح الدین صاحب جلد ہفتم صفحہ ۱۳۱ مطبوعہ اگست ۱۹۶۰ء) ۶۸۔مکرم میاں امام الدین صاحبؓ سیکھوانی ضلع گورداسپور بیان کرتے ہیں۔’’ اَرْضُ اللّٰہِ لَیِّنَۃٌ وَ مُلْکٌ لَّیِّنٌ۔‘‘۲؎ (رجسٹر روایاتِ صحابہ غیر مطبوعہ نمبر۵ صفحہ ۶۲ ) ۶۹۔مکرم بدر الدین صاحبؓ ولد گل محمد صاحب سابق مالیر کوٹلہ حال قادیان بیان کرتے ہیں۔’’رات کو نو بج چکے تھے … حضور ؑ اپنے ہاتھ میں ایک پیالہ، جس میں دُودھ اور ڈبل روٹی پڑی تھی، اُٹھائے کنویں پر آگئے اور آکر میرے والد صاحب سے فرمانے لگے ’’ باباجی کوئی مہمان بھوکا ہے‘‘ …جب مہمان خانہ میں جاکر مہمانوں سے معلوم کیا تو کوئی نہ ملا۔تو پھر ہم شیر محمد صاحب دکاندار والی دکان جو اس وقت کھلی تھی کے پاس پہنچے تو وہاں سے ایک صاحب نے کہا کہ حضور مَیں نے دُودھ ڈبل روٹی کھانی ہے۔اِس پر حضور ؑ نے وہ پیالہ اُس صاحب کو دے دیا۔‘‘ (رجسٹر روایاتِ صحابہ غیر مطبوعہ نمبر ۷ صفحہ ۱۷۰ ) ۷۰۔(الف) مکرم میاں فضل الدین عبداللہ صاحبؓ ولد محمد بخش صاحب قادیان روایت کرتے ہیں۔حضور ؑ نے فرمایا۔’’ مخالف ہماری تبلیغ کو روکنا چاہتے ہیں، مجھے تو اللہ تعالیٰ نے میری جماعت ریت کے ذرّوں کی طرح دکھائی ہے۔‘‘ (رجسٹر روایاتِ صحابہ غیر مطبوعہ نمبر ۸ صفحہ ۲۰۳ ) (ب) شیخ عبدالکریم صاحبؓ جلد ساز کراچی روایت کرتے ہیں کہ ایک روز سیر کے موقع پر حضرت اقدس مسیح موعود علیہ السلام نے فرمایا۔’’ مَیں اپنی جماعت کو رشیا کے علاقہ میں ریت کی مانند دیکھتا ہوں۔‘‘ (رجسٹر روایاتِ صحابہ غیر مطبوعہ نمبر ۱۲ صفحہ ۱۱۴ ) ۷۱۔بابو غلام محمد صاحبؓ ریٹائرڈ ڈرافٹسمین لاہور بیان کرتے ہیں کہ ’’حضورؑ نےفرمایا کہ مجھے ابھی غنودگی سی ہوگئی اور مَیں نے دیکھا کہ میرے دائیں بائیں رحمت اللہ کے بچے ہیں اور … فرمایا رحمت اللہ سے مراد اللہ تعالیٰ کی رحمت ہے۔‘‘ (رجسٹر روایاتِ صحابہ غیر مطبوعہ نمبر ۹صفحہ ۶۹) ۷۲۔میاں عبدالعزیز صاحبؓ المعروف مغل سکنہ لاہور روایت کرتے ہیں کہ ایک دفعہ بہت قحط پڑگیا اور آٹا ۱ (نوٹ از سید عبد الحی) یہ پیشگوئی بعینہٖ ۱۹۲۸ء میں پوری ہوئی اور ریل گاڑی قادیان تک پہنچی اور وہی اس کا آخری سٹیشن تھا۔۲ (ترجمہ از مرتّب) خدا کی زمین نرم ہے اور حکومت بھی نرم ہے۔
روپیہ کا پانچ سیر ہوگیا۔حضرت مسیح موعود (علیہ السلام ) کو لنگر کے خرچ کی نسبت فکر پڑی تو آپ ؑ کو الہام ہوا۔’’ اَلَیْسَ اللّٰہُ بِکَا فٍ عَبْدَ ہٗ۔‘‘ ۱؎ (رجسٹر روایاتِ صحابہ غیر مطبوعہ نمبر ۹صفحہ ۱۰۵) ۷۳۔قاضی محبوب عالم صاحبؓ ولد میاں غلام قادر صاحبؓ سکنہ لاہور نے حضرت مسیح موعود علیہ السلام کی خدمت میں دعا کا خط لکھا جس کے جواب میں مولوی عبد الکریم صاحب سیالکوٹیؓ کا کارڈ موصول ہوا جس میں درج تھا کہ حضرت مسیح موعود علیہ السلام نے فرمایا۔’’ آج رات مَیں محبوب عالم کے لئے دعا کررہا تھا کہ مجھے الہام ہوا۔’’دِل پھیر دیا گیا ‘‘ ۲؎ (رجسٹر روایاتِ صحابہ غیر مطبوعہ نمبر ۹صفحہ ۱۳۲ مکتوب مولوی عبد الکریم صاحبؓ بنام محبوب عالم صاحبؓ) ۷۴۔بابو غلام محمد صاحبؓ ریٹائرڈ ڈرافٹسمین لاہور بیان کرتے ہیں کہ ’’حضرت صاحب ؑ کا الہام ہے جس کا مفہوم یہ ہے کہ کچھ آگ کی چنگاریاں مجھ پر پڑیں جو میرے تک آتے ہوئے بھسم ہوگئیں۔‘‘ (رجسٹر روایاتِ صحابہ غیر مطبوعہ نمبر ۹صفحہ ۲۱۳) ۷۵۔شیخ زَین العابدین صاحبؓ ولد شیخ فتح محمد صاحب سکنہ تھہ غلام نبی ضلع گورداسپور نے بیان کیا کہ ’’میری بیوی کو اٹھرا کی بیماری تھی …مَیں حضرت صاحب ؑ کی خدمت میں حاضر ہوا ( اور دعا کے لئے درخواست کی)فرمایا۔آپ بھی دعا کریں اور مَیں بھی دعا کرتا ہوں۔ظہر کی نماز کے بعد سے لے کر عصر کی اذان تک حضور ؑنے دعا کی … حضور ؑ نے دُعا ختم کی اور فرمایا تمہاری دعا قبول ہوگئی اور اٹھرا کی بیماری دُور ہوگئی ہے۔اِس حمل میں لڑکا ہوگا۔آپ کی بیوی کی شکل اور بچہ کی شکل بھی مجھے دکھائی گئی ہے … خدا تعالیٰ کے فضل سے دعا کے بعد اَب تک میرا کوئی بچہ فوت نہیں ہوا۔چار لڑکے اور تین لڑکیاں زندہ موجود ہیں۔‘‘ (رجسٹر روایاتِ صحابہ غیر مطبوعہ نمبر ۱۱صفحہ ۶۱ تا ۶۳) ۱ (ترجمہ از مرتّب) کیا اللہ اپنے بندے کے لئے کافی نہیں۔۲ (نوٹ از مولانا جلال الدین شمسؓ) منشی محبوب عالم صاحبؓ سکنہ لاہور نے حضور ؑ کی خدمت میں بار بار ایک عورت سے رشتہ کے متعلق دعا کے لئے لکھا اور پھر ایک دفعہ یہ لکھا کہ ’’حضور اگر وہ عورت مجھے نہیں دلا سکتے تو اس جہنّم سے جس میں مَیں پڑا ہوا ہوں، مجھے نکالیں اور میرا دل اس سے پھِر جائے۔‘‘ اِس پر حضور ؑ کو مذکورہ بالا الہام ہوا اور فرمایا ’’ یا تو یہ عورت آپ کو مل جائے گی یا پھر آپ کو اس کا خیال ہی نہیں آئے گا۔‘‘ (رجسٹر روایاتِ صحابہ غیر مطبوعہ نمبر ۹صفحہ ۱۳۲۔مکتوب مولوی عبدالکریم صاحب ؓ بنام محبوب عالم صاحب
۷۶۔شیخ زَین العابدین صاحبؓ ولد شیخ فتح محمد صاحب سکنہ تھہ غلام نبی ضلع گورداسپور روایت کرتے ہیں کہ ’’ایک دفعہ ہمارے بڑے بھائی برکت علی صاحب شدید بیمار ہوگئے اور جسم پنجر کی طرح رہ گیا۔یہاں (قادیان) لے آئے۔حضرت صاحب ؑ دو ماہ تک علاج کرتے رہے۔آخر … حضور ؑ نے بھائی حامد علی صاحب کو فرمایا کہ اَب تم اپنے بھائی کو واپس لے جاؤ اس کا بچنا محال ہے …آدمی (کہار کو بلانے کے لئے ) گاؤں کو چل پڑا۔ابھی غالباً رجاوہ۱؎ہی پہنچا ہوگا کہ پیچھے سے حضرت صاحب ؑ کو الہام ہوگیا کہ۔’’برکت علی صحت یاب ہوجائے گا‘‘ حضور ؑ نے اُسی وقت حامد علی کو بلا کر فرمایا کہ جس آدمی کو آپ نے بھیجا ہے واپس بلالو …آدمی واپس آگیا اور دوسرے دن بخار ٹوٹ گیا۔‘‘ (رجسٹر روایاتِ صحابہ غیر مطبوعہ نمبر ۱۱صفحہ ۶۵) ۷۷۔شیخ زین العابدین صاحب ؓ نے بیان کیا کہ۔’’مہر علی۲؎ کو یہاں۳؎ لایا گیا تو حضور ؑ نے اس کا مہینہ ڈیڑھ مہینہ علاج کیا۔مروڑہَٹ گئے مگر حضور ؑ کو الہام ہوا کہ یہ بچہ بچ نہیں سکے گا…مگر یہ خیال رکھنا کہ یہ چلتا پھرتا مرے گا لیٹا ہوا نہیں مرے گا۔جس دن اس نے مرنا تھا بازار چلا گیا اور سیر دُودھ پیا اور شام کے قریب گھر آیا…والدہ نے اُسے کھڑے کھڑے چھاتی سے لگایا مگر اسی حالت میں اس کی جان نکل گئی۔حضرت صاحب ؑ نے جنازہ پڑھایا اور یہیں دفن کیا۔‘‘ (رجسٹر روایاتِ صحابہ غیر مطبوعہ نمبر ۱۱ صفحہ ۶۶، ۶۷) ۷۸۔ملک غلام حسین صاحبؓ رہتاسی مہاجر خادم المسیح محلہ دار الرحمت قادیان کا بیان ہے کہ حضرت صاحب ؑ شام کی نماز پڑھ کر مسجد میں لیٹ جایا کرتے تھے اور بچے حضور ؑ کو دبایا کرتے تھے۔میرا بچہ محمد حسین بھی دبا رہا تھا۔حضرت اقدس ؑ کی آنکھیں بند تھیں۔ایک اَو ر لڑکا جلال جو ’’پٹّی‘‘ کا تھا اور مغل تھا وہ بھی دبا رہا تھا۔حضرت اُمّ المؤمنین (رضی اللہ تعالیٰ عنہا)بھی پاس بیٹھے تھے۔یک دم حضرت صاحب ؑ نے جو آنکھ کھولی تو فرمایا کہ ۱ قادیان کے قریب ایک گائوں۔(شمس) ۲ (نوٹ از مولانا جلال الدین شمسؓ) یعنی راوی شیخ زین العابدین صاحبؓ کا بھائی جو سخت بیمار تھا۔جسے چھ ماہ سے دست آرہے تھے۔۳ یعنی قادیان میں۔(شمس)
’’محمد حسین ڈپٹی کمشنر بنے گا۱؎ اور جلال اس کے گھوڑے کو چارہ ڈالا کرے گا۔‘‘ حضرت اُمّ المؤمنین نے جب یہ الفاظ سنے تو فوراً اُٹھ کر اندر گئیں اور میری بیوی کو جاکر مبارکباد دی۔‘‘ (رجسٹر روایاتِ صحابہ غیر مطبوعہ نمبر ۱۱صفحہ ۹۲) ۷۹۔منشی ظفر احمدصاحبؓ کپورتھلوی نے بیان کیا کہ حضرت مسیح موعود علیہ السلا م نے فرمایا۔’’ رات مَیں نےرؤیادیکھا کہ میرے خدا کو کوئی گالیاں دیتا ہے۔مجھے اس کا بڑا صدمہ ہوا۔جب آپ ؑ نےرؤیا ذکر فرمایا تو اس سے اگلے روز چودھری۲؎صاحب کا لڑکا فوت ہوگیا۔کیونکہ ایک ہی لڑکا تھا اس کی والدہ نے بہت جزع فزع کی اور اس حالت میں اس کے منہ سے ( یہ کلمہ) نکلا۔ارے ظالم تو نے مجھ پر بڑا ظلم کیا۔‘‘ (رجسٹر روایاتِ۳؎ صحابہ غیر مطبوعہ نمبر ۱۳صفحہ ۳۶۱) ۸۰۔مولوی صدرالدین صاحب سابق مبلّغ ایران نے خاکسار عبداللطیف بہاولپوری مرتّب کو اپنی روایات کی کاپی میں سے ایک یہ روایت سنائی کہ۔حضرت مسیح موعود علیہ الصلوٰۃ والسلام کے ایک خادم فضل الدین صاحب المعروف فجّا نے انہیں ایک روایت سنائی کہ ’’ایک دفعہ اتفاقاًایک لیمپ میں تیل ڈالتے ہوئے میرے کپڑوں میں آگ لگ گئی… میرا بہت سا جسم جَل گیا اور ڈاکٹر یعقوب بیگ صاحبؓ کہنے لگے کہ یہ بیس منٹ سے زیادہ زندہ نہیں رہ سکتا۔حضرت خلیفۃ المسیح اوّل ؓ فرمانے لگے کہ ایک گھنٹہ بمشکل زندہ رہے گا۔حضرت مسیح موعود علیہ الصلوٰۃ والسلام فرمانے لگے کہ ’’ مَیں نے ابھی رؤیادیکھا ہے اور اس کو باغ میں دیکھا ہے۔‘‘ ۱ (نوٹ از مولانا جلال الدین شمسؓ) چنانچہ آخری عمر میں جبکہ وہ افریقہ میں تھے نیروبی کا ڈپٹی کمشنر جب چار ماہ کی رخصت پر گیا تو اُس کا عارضی قائم مقام محمد حسین کو مقرر کیا گیا۔(رجسٹر روایاتِ صحابہ نمبر ۱۱ صفحہ ۹۵) ۲ (نوٹ از مولانا جلال الدین شمسؓ) یعنی چودھری رستم علی خاں صاحبؓ مرحوم انسپکٹر ریلوے، جو اُن دنوں قادیان میں دارِ مسیح میں قیام پذیر تھے۔۳ (نوٹ از مولانا جلال الدین شمسؓ) منشی عبدالرحمٰن صاحبؓ کی روایت جو الحکم پرچہ ۷؍نومبر۱۹۳۴ء صفحہ ۶ پر شائع ہوئی ہے۔اس میں اس واقعہ بے اَدبی کا تو ذکر ہے مگر ابتدائی حصّہ یعنی رؤیا کا ذکر نہیں۔(نوٹ از مولانا عبد اللطیف صاحب بہاولپوری) حضور ؑ کو جب اس کی اطلاع ہوئی تو سخت ناراض ہوئے اور اُسے گھر سے نکل جانے کا حکم فرمایا۔(رجسٹر مذکور
مطلب یہ کہ اولاد والا ہوگا …پھر حضور علیہ الصلوٰۃ والسلام نے میرے لئے ساری رات دُعا کی اور حضرت اُمّ المؤمنین (رضی اللہ تعالیٰ عنہا) اور دو اَور عورتوں کو پاس باری باری بٹھا یا اور ساری رات میرے لئے دُعا کی اور آخر اللہ تعالیٰ نے مجھے موت سے نجات بخشی اور شفا عطا فرمائی۔‘‘ (کاپی مولوی صدرالدین صاحب) ۸۱۔مولوی محمد اسمٰعیل صاحبؓ فاضل پروفیسر جامعہ احمدیہ مرحوم و مغفور فرماتے تھے کہ مَیں نے متعدد مرتبہ حضرت میاں عبداللہ صاحبؓ سنوری مرحوم سے سنا تھا کہ مجھ پر جس قدر حالات (میری زندگی میں) آنے والے تھے وہ سب مجھے حضور ؑ نے پہلے سے بتادیئے ہوئے تھے اور اس کے مطابق وہ سب مجھ پر گزرے اور حضور ؑ نے یہ بھی فرمایا تھا کہ تمہاری وفات جمعہ کے روز ہوگی۔آپ کی وفات (۷؍ اکتوبر ۱۹۲۷ءکو جمعہ کے روز) قادیان میں ہوئی اور بہشتی مقبرہ میں دفن ہوئے۔‘‘ ( طبع اوّل میں یہ روایت صفحہ ۱۳۴ کے حاشیہ میں دی گئی ہے۔جبکہ طبع ثانی میں اسے ضمیمہ کے متن میں دیا گیا ہے) ۸۲۔قاضی محمد یوسف صاحب ؓ امیر جماعت ِ احمدیہ سرحد اپنی تصنیف ’’ سوانح ظہورِ احمد ِ موعود ‘‘ میں لکھتے ہیں کہ۔’’حضرت احمد ؑ نے جماعت کے بارہ میں کوئی شکایت کی تو یہ الہام ہوا۔بھمیں مَردماں بباید ساخت یعنی انہیں لوگوں کے ساتھ گذارہ کرنا ہے۔‘‘ (ظہورِ احمد ِ موعود ؑ صفحہ ۵۱ مطبوعہ ۳۰ ؍ جنوری ۱۹۵۵ء) ۸۳۔مولوی عبداللہ صاحب ؓ بوتالوی تحریر فرماتے ہیں۔’’خاکسار جب قادیان آیا تو میرے ایّامِ قیام میں ایک دن حضرت مسیح موعود علیہ السلام گھر سے مسجد مبارک میں تشریف لائے …حضور ؑ نے کھڑے کھڑے فرمایا کہ شاید کسی دوست کو یاد ہو ہم نے ایک دفعہ پہلے بھی بتایا تھا کہ ہمیں دکھلایا گیا ہے کہ اِس چھوٹی مسجد (مبارک) سے لے کر بڑی مسجد (اقصیٰ) تک مسجد ہی مسجد ہے …اس کے بعد حضور ؑ نے فرمایا کہ اَب مجھے پھر یہی دکھایا گیا ہے کہ اِس چھوٹی مسجد سے لے کر بڑی مسجد تک مسجد ہی مسجد ہے۔‘‘ (اصحابِ احمد مؤلفہ ملک صلاح الدین صاحب جلد ۷صفحہ ۲۰۷ مطبوعہ اگست ۱۹۶۰ء) ۸۴۔محترمہ صالحہ بی بی صاحبہ ؓ اہلیہ قاضی عبدالرحیم صاحب ؓ فرماتی ہیں کہ ’’ہندوؤں والے بازار میں سے جو اَب بڑا بازار کہلاتا ہے اور اُس وقت چھوٹا سا تھا ایک دفعہ حضور ؑ ( وہاں سے ) گزر کر سَیر کے لئے شمال کی طرف جہاں اَب حضرت مولوی شیر علی صاحب ؓ کا گھر۱؎ ہے، تشریف لے گئے۔۱ آپؓ محلہ دار العلوم قادیان میں رہتے تھے۔(ناشر)
ہم دس پندرہ عورتیں حضور ؑ کے ہمراہ ہوں گی۔واپسی پر اسی بازار میں سے گزرتے ہوئے چوک میں جو مسجد اقصیٰ کے متّصل شمال میں ہے کنوئیں کے پاس ٹھہر گئے اور سوٹی کی نوک زمین میں لگا کر فرمایا کہ یہ عنقریب احمدی بازار کہلائے گا اور یہاں احمدی ہی احمدی ہوں گے۔‘‘ (اصحابِ احمد مؤلفہ ملک صلاح الدین صاحب جلد۶صفحہ ۱۲۳ ،۱۲۴ طبع اوّل) ۸۵۔مرزا غلام اللہ صاحبؓ انصار ساکن قادیان فرماتے ہیں۔’’میرے بھائی نظام الدین صاحبؓ نے ذکر کیا کہ جن دنوں حضرت صاحب ؑ سیالکوٹ میں نوکر تھے مَیں بھی آپ کے ساتھ تھا۔مجھے حضرت صاحب ؑ پڑھایا بھی کرتے تھے۔آپ ؑ وہاں بھیم سین وکیل کو جو ہندو تھا، قرآن شریف پڑھایا کرتے تھے اور اس نے تقریباً چودہ پارہ تک قرآن حضرت صاحب ؑ سے پڑھا تھا۔ایک دن حضرت صاحب ؑ نے صبح اُٹھ کر بھیم سین کو مخاطب کرکے یہ خواب سنایا کہ آج رات مَیں نے رسولِ اکرم صلی اللہ علیہ وسلم کو خواب میں دیکھا۔آپ ؐ مجھ کو بارگاہِ ایزدی میں لے گئے اور وہاں سے مجھے ایک چیز ملی جس کے متعلق ارشاد ہوا کہ یہ سارے جہان کو تقسیم کردو۔‘‘ (سیرتِ احمد ؑ مصنّفہ مولوی قدرت اللہ صاحب ؓ سنوری صفحہ ۱۸۲ ، ۱۸۳ روایت نمبر ۶۶) ۸۶۔حضرت خلیفۃ المسیح الثانی رضی اللہ عنہ نے بیان فرمایا۔’’ حضرت مسیح موعود علیہ السلام کی وفات کے بعد حضرت مولوی صاحب خلیفہ اوّلؓ نے مسجد مبارک کے پاس کے کمرہ میں جہاں اُس وقت مولوی محمد علی صاحب رہتے تھے اجلاس صدر انجمن احمدیہ کے دوران میں آ کر فرمایا تھا کہ حضرت مسیح موعود علیہ السلام کا ایک الہام ہے کہ ’’آپ کے خاندان کو اڑھائی سو روپیہ ماہوار خرچ کے لئے دیا جائے۔‘‘ (پیغام صُلح کے چند الزامات کی تردید۔تقریر فرمودہ ۱۰؍ ستمبر ۱۹۱۶ء۔انوار العلوم جلد ۳ صفحہ ۳۹۰ شائع کردہ فضل عمر فاؤنڈیشن پاکستان) ۸۷۔حضرت سیدہ مریم صدیقہ صاحبہ حرم حضرت خلیفۃ المسیح الثانی رضی اللہ عنہ بیان فرماتی ہیں کہ حضرت سیّدہ نواب مبارکہ بیگم صاحبہ رضی اللہ عنہا نے بیان فرمایا کہ ’’جب میں بڑی ہوئی تو حضرت مسیح موعود علیہ السلام نے کوٹھے پر ایک کمرہ جو بیت العافیت کہلاتا تھا میرے لئے الگ کردیا کہ یہ تمہارا کمرہ ہے …… میں اپنی چیزیں وہاں رکھتی تھی۔اپنا کام وغیرہ وہیں کیا کرتی
تھی لیکن رات کو نیچے حضرت مسیح موعود علیہ السلام کے کمرہ میں ہی سویا کرتی تھی۔اس کمرہ کے ایک دروازہ پر حضرت اماں جان نے ’’مبارک‘‘ لکھ دیا۔حضرت مسیح موعود علیہ السلام نے کاٹ کر ’’مبارکہ‘‘ کردیا۔بہت زمانہ تک وہ نام لکھا رہا۔حضرت مسیح موعود علیہ السلام کو الہام ہوا۔’’کوٹھے پر ایک حادثہ‘‘ اس پر حضرت مسیح موعود علیہ السلام نے مجھے فرمایا زیادہ اوپر نہ جایا کرو۔‘‘ (روایت حضرت سیّدہ ام متین صاحبہ) ۸۸۔حضرت مصلح موعود رضی اللہ عنہ فرماتے ہیں۔’’خدا تعالیٰ نے حضرت مسیح موعود علیہ السلام پر الہام کرکے کہا۔اے دل تو نیز خاطر ایناں نگاہ دار کآخر کنند دعوٰیءِ حبّ پیغمبرم ‘‘۱؎ (الفضل مورخہ ۱۸؍اکتوبر ۱۹۳۷ءصفحہ۹) تــــــــــمّـــــــت خخخخخ ۱ (ترجمہ از ناشر) اے دل تو ان لوگوں کا خیال رکھ کیونکہ آخر میرے پیغمبرؐ کی محبت کا دعویٰ کرتے ہیں