ضمیمہ تذکرہ
حصہ 4
Urdu text of the edition of the Ahmadiyya Muslim Jamaat.
گیا اور یاد رہے کہ مسجد سے مراد جماعت ہوتی ہے۔‘‘ (برکاتِ خلافت۔انوار العلوم جلد ۲ صفحہ ۱۷۸ شائع کردہ فضل عمر فاؤنڈیشن پاکستان) ۷۔حضرت امیر المؤمنین خلیفۃ المسیح الثانی رضی اللہ تعالیٰ عنہ نے فرمایا۔’’تھوڑے ہی دن ہوئے مَیں نے حضرت مسیح موعود علیہ الصلوٰۃ والسلام کا یہ الہام دیکھا کہ۔’’بہت لوگ خیال کرتے ہیں کہ عورتیں ان کی کنیز کیں ہیں۔کنیزکیں نہیں بلکہ ان کی ساتھی ہیں۔‘‘ (الفضل جلد ۴نمبر۸۹مورخہ۱۲؍ مئی ۱۹۱۷ء صفحہ ۵مضمون ’’تعدد ازدواج اور جماعت ِ احمدیہ‘‘) ۸۔حضرت امیر المؤمنین خلیفۃ المسیح الثانی رضی اللہ تعالیٰ عنہ نے فرمایا۔’’ایک دفعہ جب حضرت مسیح موعود بیماری کے سخت دَورہ میں تہجد کے لئے اُٹھے اور غش کھاکر گِر گئے اور نماز نہ پڑھ سکے تو الہام ہوا کہ ’’ایسی حالت میں تہجد کی بجائے لیٹے لیٹے یہی۱؎ پڑھ لیا کرو۔‘‘ (ذکر ِ الٰہی۔انوار العلوم جلد ۳ صفحہ ۵۰۴ شائع کردہ فضل عمر فاؤنڈیشن پاکستان) ۹۔حضرت خلیفۃ المسیح الثانی رضی اللہ تعالیٰ عنہ نے سورۃ الغاشیۃ آیت ۴ تا ۷ کا درس دیتے ہوئے فرمایا کہ۔’’ حضرت مسیح موعود علیہ الصلوٰۃ والسلام نے ایک دفعہ طاعون کا ذکر کرتے ہوئے فرمایا۔’’ابھی کیا ہے۔ابھی وہ دن آئیں گے جب کہ لوگ کہیں گے کہ لاہور بھی کوئی شہر۲؎ہوتا تھا۔‘‘ (ضمیمہ اخبار الفضل جلد ۲ نمبر ۵۰ مورخہ ۱۱؍ اکتوبر ۱۹۱۴ء صفحہ ۹، ۱۰) ۱ (نوٹ از ناشر) یعنی سُـبْحَانَ اللّٰہِ وَ بِـحَمْدِہٖ سُـبْحَانَ اللّٰہِ الْعَظِیْمِ۔کہ اللہ پاک ہے اپنی حمد کے ساتھ۔اللہ پاک ہے بڑی عظمت والا ہے۔۲ (نوٹ از مولانا جلال الدین شمسؓ) لاہور کی تباہی کی پیشگوئی جو حضرت مسیح موعود علیہ السلام کے زمانہ میں شائع ہوچکی تھی وہ یہ ہے۔’’لاہور کی نسبت کہا جاتا تھا کہ اس کی سرزمین میں ایسے اجزاء ہیں کہ اس میں طاعونی کیڑے زندہ نہیں رہ سکتے لیکن وہاں بھی طاعون نے آن ڈیرہ ڈالا ہے۔ابھی لوگوں کو معلوم نہیں ہے لیکن سالہاسال کے بعد لوگ دیکھیں گے کہ کیا ہوگا۔کئی لوگ اور دیہات بالکل تباہ ہوجائیں گے۔دنیا سے اُن کا نام و نشان مِٹ جائے گا اور اُن کے آثار تک باقی نہ رہیں گے۔لیکن یہ حالت کبھی قادیان پر وارد نہ ہوگی۔‘‘ (الحکم مورخہ ۱۷، ۲۴؍ جولائی ۱۹۰۴ء صفحہ ۱۲) لیکن لاہور کے متعلق خاص لفظوں میں الہام، یہ نہ تو پہلے شائع ہوا ہے اور نہ ہی ان شہادتوں سے پتہ ملتا ہے جو اس
۱۰۔حضرت امیر المؤمنین خلیفۃ المسیح الثانی رضی اللہ تعالیٰ عنہ نے تحریر۱؎ فرمایا۔’’مَیں تو چھوٹا تھا۔مولوی شیر علی صاحب ؓ نے مجلس۲؎سے آکر سنایا تھا…کہ محمود ایک تیز روشنی والا لیمپ لے کر سڑک پر کھڑا ہے اور سڑک پر اس کی تیز روشنی پڑ رہی ہے۔‘‘ (تحریر حضرت امیر المؤمنین خلیفۃ المسیح الثانی رضی اللہ تعالیٰ عنہ ) ۱۱۔حضرت امیر المؤمنین خلیفۃ المسیح الثانی رضی اللہ تعالیٰ عنہ نے فرمایا۔’’حضرت مسیح موعود علیہ الصلوٰۃ والسلام کے ناموں میں سے ایک نام خدا تعالیٰ نے سلامتی کا شہزادہ رکھا ہے۔‘‘ (اخبار الفضل جلد ۲۳نمبر۲۲۹مورخہ۴؍ اپریل ۱۹۳۶ء صفحہ ۱۔خطبہ جمعہ فرمودہ ۲۷؍ مارچ ۱۹۳۶ء) ۱۲۔حضرت خلیفۃ المسیح الثانی رضی اللہ تعالیٰ عنہ نے مشاورت ۱۹۳۶ء میں فرمایا۔’’(مَیں) اِس لئے خلیفہ ہوں کہ حضرت خلیفہ اوّل رضی اللہ عنہ کی خلافت سے بھی پہلے حضرت مسیح موعود بقیہ حاشیہ۔پیشگوئی کے متعلق شائع ہوچکی ہیں ہاں مفہوم الہام ان میں ہے چنانچہ علاوہ حضرت خلیفۃ المسیح الثانی ایدہ اللہ تعالیٰ بنصرہ العزیز کے ستائیس مزید شہادتیں اصحابِ ذیل کی اِس بارہ میں اخبار الفضل میں شائع ہوچکی ہیں۔حکیم محمد حسین صاحب قریشی۔بھائی عبدالرحمٰن صاحب قادیانی۔سردار عبدالرحمٰن صاحب (سابق مہر سنگھ)۔مفتی محمد صادق صاحب۔منشی غلام محمد صاحب۔مولوی فخرالدین صاحب۔بابو ابراہیم صاحب سیالکوٹی۔خواجہ کرم داد صاحب جمونی۔ڈاکٹر عبدالرحیم صاحب دہلوی۔مولوی عبدالرحیم صاحب نیّر۔رضیہ بیگم بنت ڈاکٹر خلیفہ رشید الدین صاحب۔شیخ عبدالحمید صاحب آڈیٹر لاہور۔مبارک علی شاہ صاحب۔حافظ محمد ابراہیم صاحب۔عبدالحمید صاحب مورو سندھ۔مرزا عبدالعزیز صاحب گلیانہ ضلع گجرات۔عبدالواحد خان صاحب میرٹھ۔مولوی سیّد احمد علی صاحب۔شیخ یعقوب علی صاحب عرفانی۔چودھری محمد شریف صاحب قادیان۔سیّد ناظر حسین صاحب کالو والی۔مبارک احمد صاحب پنڈی چَری۔غلام محمد صاحب لویریوالہ۔عبدالرحمٰن صاحب نائب تحصیلدار ریاست کپورتھلہ۔ملک اللہ رکھا صاحب۔فضل کریم صاحب اور سیئر لودی ننگل ضلع گورداسپور۔غلام محمد صاحب امیر جماعت ِ احمدیہ سیّدوالہ ضلع شیخوپورہ۔(حوالہ کے لئے دیکھیے پرچہ جات اخبار الفضل مورخہ ۳۰ ؍ جون ۱۹۴۷ء۔یکم؍ جولائی و ۴ ،۱۲ ،۱۸، ۲۸،۳۰ ؍ جولائی ۱۹۴۷ءو ۹؍ اگست، ۱۴ ؍ اگست ۱۹۴۷ء وغیرہ ) ۱ خاکسار عبداللطیف بہاولپوری نے حضور اقدسؑ کی خدمت میں بعض الہامات کی تصدیق کے متعلق عریضہ مورخہ ۷؍فروری ۱۹۵۳ء لکھا۔اس پر حضور ؓ نے یہ تحریر فرمایا۔۲ یعنی حضرت مسیح موعود علیہ الصلوٰۃ والسلام کی مجلس سے۔(شمس)
علیہ الصلوٰۃ والسلام نے خدا تعالیٰ کے الہام سے فرمایا تھا کہ مَیں خلیفہ ہوں گا۔پس مَیں خلیفہ نہیں بلکہ موعود خلیفہ ہوں۔‘‘ (رپورٹ مجلس مشاورت (اجلاس؍ اپریل) ۱۹۳۶ء صفحہ ۱۷) ۱۳۔حافظ صوفی غلام محمد صاحبؓ آف ماریشس نے بیان کیا کہ۔’’حضرت اقدس ؑ نے فرمایا کہ ایک بار میرے جی میں آیا کہ اللہ نے جو انعام مجھ پر کئے ہیں اُن پر ایک کتاب لکھوں۔فرمایا۔اِس ارادے کی تکمیل جب میں کرنے لگا تو کشف میں دیکھا زور سے بارش ہورہی ہے اور اللہ مجھے فرماتا ہے کہ اگر یہ قطرے گن سکتے ہو تو میرے احسان بھی گن سکو گے۔تب مَیں نے یہ ارادہ چھوڑ دیا۔‘‘ (تشحیذ الاذہان جلد ۸ نمبر ۱۰ ماہِ؍ اکتوبر ۱۹۱۳ء صفحہ ۵۳۳۔رجسٹر روایاتِ صحابہ غیر مطبوعہ نمبر ۷ صفحہ ۳۱۰) ۱۴۔’’حافظ نور محمد صاحبؓ ساکن فیض اللہ چک نے مجھ۱؎سے بذریعہ تحریر بیان کیا کہ حضرت صاحب ؑ نے بہت مرتبہ زبانِ مبارک سے فرمایا کہ مَیں نے بارہا بیداری میں ہی آنحضرت صلی اللہ علیہ وسلم سے ملاقات کی ہے اور کئی حدیثوں کی تصدیق آپ سے براہِ راست حاصل کی ہے خواہ وہ لوگوں کے نزدیک کمزور یا کم درجہ کی ہوں۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۵۷۲ صفحہ ۵۵۰ مطبوعہ ۲۰۰۸ء) ۱۵۔ڈاکٹر سیّد عبدالستار شاہ صاحب ؓ نے بیان کیا کہ حضرت مسیح موعود علیہ السلام نے فرمایا۔’’اس مینار کے سامنے دو فرشتے میرے سامنے آئے جن کے پاس دو شیریں روٹیاں تھیں اور وہ روٹیا ں اُنہوں نے مجھے دیں اور کہا کہ ایک تمہارے لئے ہے اور دوسری تمہارے مریدوں کے لئے ہے۲؎۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۸۸۵صفحہ ۷۷۹ مطبوعہ ۲۰۰۸ء) ۱۶۔میر عنایت علی شاہ صاحبؓ نے بیان کیا کہ اوائلِ زمانہ میں قادیان میں حضرت مسیح موعود علیہ السلام نے اپنا ایک رؤیامیر عباس علی صاحب سے بیان کیا تھا جو یہ تھا کہ۔’’ہم کسی شہر میں گئے اور وہاں کے لوگ ہم سے برگشتہ ہیں اور انہوں نے کچھ اپنے شکوک دریافت کئے ۱ یعنی قمر الانبیاء حضرت مرزا بشیر احمد صاحب رضی اللہ عنہ۔(عبد اللطیف بہاولپوری) ۲ (نوٹ از مولانا جلال الدین شمسؓ) یہ رؤیا میں صفحہ ۱۵،۱۶ پر بھی آچکا ہے۔اس میں ایک فرشتہ اور ایک نان کا ذکر ہے اور مریدوں کی بجائے درویشوں کا لفظ ہے۔اگر یہ وہی رؤیا ہے تو راوی کے حافظہ کی غلطی ہوگی یا ممکن ہے کہ یہ کوئی دوسرا کشف ہو۔وَاللہُ اَعْلَمُ بِالصَّوَابِ۔
جن کا جواب دیا گیا لیکن وہ ہمارے خلاف ہی رہے۔نماز کے لئے کہا کہ آؤ تم کو نماز پڑھائیں تو جواب دیا کہ ہم نے پڑھی ہوئی ہے اور خواب میں یہ واقعہ ایک ایسی جگہ پیش آیا تھا جہاں ہماری دعوت تھی۔اُس وقت ہم کو ایک کھلے کمرہ میں بٹھایا گیا لیکن اس میں کھانا نہ کھلایا گیا۔پھر بعد میں ایک تنگ کمرہ میں بٹھلایا گیا اور اُس میں بڑی دِقّت سے کھانا کھایا گیا۔آپ نے یہ رؤیابیان کرکے فرمایا کہ شاید وہ تمہارا لُدھیانہ ہی نہ ہو۔‘‘ پھر یہ رؤیالُدھیانہ میں ہی منشی رحیم بخش صاحب کے مکان پر پورا ہوا۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر ۹۲۵ صفحہ ۷۹۶ مطبوعہ ۲۰۰۸ء) ۱۷۔ڈاکٹر میر محمد اسمٰعیل صاحب ؓ نے بیان کیا کہ۔’’حضرت مولوی عبدالکریم صاحب ؓ ایک دفعہ کسی شخص کا ذکر سنانے لگے کہ وہ عورت پر سخت عاشق ہو گیا اور باوجود ہزار کوشش کے وہ اس عشق کو دل سے نہ نکال سکا۔آخر حضرت صاحب ؑ کے پاس آیا اور طالبِ دعا ہوا۔حضرت صاحب ؑ نے مولوی صاحب ؓ سے فرمایا کہ ’’مجھے خدا کی طرف سے معلوم ہوا ہے کہ یہ شخص اُس عورت سے ضرور بدکاری کرے گا مگر مَیں بھی پورے زور سے اس کے لئے دعا کروں گا۔‘‘ چنانچہ وہ شخص قادیان ٹھہرا رہا اور حضور ؑ دعا کرتے رہے یہاں تک کہ اُس نے ایک روز مولوی صاحب ؓ سے کہا کہ آج رات خواب میں مَیں نے اُس عورت کو دیکھا اور خواب میں ہی اُس سے مباشرت کی اور مَیں نے اِس دَوران میں اس کی شرمگاہ کو جہنّم کے گڑھے کی طرح دیکھا جس سے مجھے اس سے اِس قدر خوف اور نفرت پیدا ہوئی کہ یکدم وہ آتشِ عشق ٹھنڈی ہوگئی اور وہ محبّت کی بے قراری سب دل سے نکل گئی بلکہ دل میں دُوری پیدا ہوگئی اور خدا کے فضل اور حضور ؑ کی دعا کی برکت سے مَیں بدکاری سے بھی محفوظ رہا اور وہ جنون بھی جاتا رہا۔‘‘ (سیرت المہدی مؤلفہ حضرت مرزا بشیر احمد صاحبؓ ایم۔اے، جلد ۱ روایت نمبر۹۵۶ صفحہ ۸۱۶ مطبوعہ ۲۰۰۸ء) ۱۸۔صاحبزادہ پیر سراج الحق صاحب ؓ نے بیان کیا کہ حضرت مسیح موعود علیہ السلام نے فرمایا کہ ’’ ہم ایک روز صحن مکان میں لیٹ رہے تھے جو ہمیں کشف ِ ملکوت ہوا اور کشف میں بہت سے فرشتے دیکھے کہ بہت خوبصورت لباسِ فاخرہ اور مکلّف پہنے ہوئے وَجد کرتے اور گاتے ہیں اور ہماری طرف بار بار چکر لگاتے ہیں اور ہر چکر میں ہماری طرف ہاتھ لمبا کرکے ایک غزل کا شعر پڑھتے ہیں اور اس مصرعہ کا آخر لفظ
’’پیر پیراں‘‘ ہے۔وہ عین ہمارے منہ کے سامنے ہاتھ کرکے ہماری طرف اشارہ کرتے ہیں ’’ پیر پیراں‘‘۔(تذکرۃ المہدی مصنّفہ پیر سراج الحق صاحبؓ نعمانی حصّہ اوّل صفحہ ۷۰ مطبوعہ جون ۱۹۱۵ء) ۱۹۔’’صاحبزادہ پیر سراج الحق صاحب ؓ نے بیان کیا کہ حضرت مسیح موعود علیہ السلام نے فرمایا۔ایک گھنٹہ ہوا ہوگا ہم نے دیکھا کہ والدہ محمود قرآن شریف آگے رکھے ہوئے پڑھتی ہیں۔جب یہ آیت پڑھی۔’’وَ مَنْ يُّطِعِ اللّٰهَ وَ الرَّسُوْلَ فَاُولٰٓىِٕكَ مَعَ الَّذِيْنَ اَنْعَمَ اللّٰهُ عَلَيْهِمْ مِّنَ النَّبِيّٖنَ وَ الصِّدِّيْقِيْنَ۠ وَ الشُّهَدَآءِ وَ الصّٰلِحِيْنَ١ۚ وَ حَسُنَ اُولٰٓىِٕكَ رَفِيْقًا۔‘‘۱؎ جب اُولٰٓىِٕكَ پڑھا تو محمود سامنے آکھڑا ہوا۔پھر دوبارہ اُولٰٓىِٕكَ پڑھا تو بشیر آکھڑا ہوا۔پھر شریف آگیا۔پھر فرمایا جو پہلے ہے وہ پہلے ہے۔‘‘ (تذکرۃ المہدی مصنّفہ پیر سراج الحق صاحبؓ نعمانی حصّہ دوم صفحہ ۳ مطبوعہ دسمبر ۱۹۲۱ء ) ۲۰۔صاحبزادہ پیر سراج الحق صاحبؓ لکھتے ہیں کہ ایک دفعہ حضرت مسیح موعود علیہ السلام نے فرمایا۔’’خدا نے مجھے خبر دی ہے کہ ہمارے سلسلہ میں بھی سخت تفرقہ پڑے گا اور فتنہ انداز اور ہوا و ہوس کے بندے جدا ہوجائیں گے۔پھر خدا تعالیٰ اس تفرقہ کو مٹادے گا۔باقی جو کٹنے کے لائق اور راستی سے تعلق نہیں رکھتے اور فتنہ پرداز ہیں وہ کٹ جائیں گے اور دُنیا میں ایک حشر برپا ہوگا۔وہ اوّل الحشر ہوگا اور تمام بادشاہ آپس میں ایک دوسرے پر چڑھائی کریں گے اور ایسا کُشت و خون ہوگا کہ زمین خون سے بھر جائے گی اور ہر ایک بادشاہ کی رعایا بھی آپس میں خوفناک لڑائی کرے گی۔ایک عالمگیر تباہی آوے گی اور اس تمام واقعات کا مرکز ملک ِ شام ہوگا۔صاحبزادہ۲؎ صاحب! اُس وقت میرا لڑکا موعود ہوگا۔خدا نے اُس کے ساتھ ان حالات کو مقدر کررکھا ہے۔ان واقعات کے بعد ہمارے سلسلہ کو ترقی ہوگی اور سلاطین ہمارے سلسلہ میں داخل ہوں گے۔تم اس موعود کو پہچان لینا۔‘‘ (تذکرۃ المہدی مصنفہ پیر سراج الحق صاحبؓ نعمانی حصّہ دوم صفحہ ۳ مطبوعہ دسمبر ۱۹۲۱ء) ۱ (ترجمہ از مرتّب) اور جو بھی اللہ کی اور اس رسول کی اطاعت کرے تو یہی وہ لوگ ہیں جو ان لوگوں کے ساتھ ہوں گے جن پر اللہ نے انعام کیا ہے یعنی نبیوں میں سے، صدیقوں میں سے، شہیدوں میں سے اور صالحین میں سے اور یہ بہت ہی اچھے ساتھی ہیں۔(النّسآء : ۷۰) ۲ یعنی صاحبزادہ پیر سراج الحق صاحب نعمانی ؓ۔(شمس)
۲۱۔(رؤیا) فرمایا۔’’ مَیں ایک زینہ پر چڑھتا ہوں مگر اِس طرح سے کہ مجھے خطرہ ہوتا ہے کہ مَیں گر نہ پڑوں اور چھال مارکر یعنی قلانچ لگا کر دوسرے قدمچہ پر قدم رکھتا ہوں۔جب مَیں اُوپر چڑھا تو میری ناک سے خون آیا… فرمایا … تعبیر بہت اچھی ہے۔کہنے والا خون آیا کہے تو اچھا ہے اگر بہنا یا جانا کہے تو بُرا ہوتا ہے۔اس میں نقصان ہے۔اِس لئے آنا کہنا چاہیے۔اب معلوم ہوتا ہے کہ آمدن روپیہ کی ہوگی اور خدا تعالیٰ ہمارے ہاتھ کشادہ کردے گا۔‘‘ (تذکرۃ المہدی مصنّفہ پیر سراج الحق صاحب ؓ حصّہ دوم صفحہ ۱۵ مطبوعہ دسمبر ۱۹۲۱ء) ۲۲۔فرمایا۔’’ ہمیں بھی ایک بار حج کے روز کشف میں حج کا نظارہ دکھایا گیا یہاں تک کہ سب کی باتیں اور لبیک اور تسبیح و تہلیل ہم سنتے تھے۔اگر ہم چاہتے تو لوگوں کی باتیں لکھ لیتے۔‘‘ (تذکرۃ المہدی مصنفہ پیر سراج الحق صاحبؓ نعمانی حصّہ دوم صفحہ ۴۵ مطبوعہ دسمبر ۱۹۲۱ء۔الحکم جلد ۴۰ نمبر ۲ مورخہ ۲۱ ؍ جنوری ۱۹۳۷ء صفحہ ۳) ۲۳۔حضرت مسیح موعود علیہ السلام نے ایک موقع پر فرمایا۔’’آج ہمیں دکھایا گیا ہے کہ ان موجود اور حاضر لوگوں میں کچھ ہم سے پیٹھ دیئے بیٹھے ہیں اور ہم سے رُو گردان ہیں اور کراہت کے ساتھ ہم سے دوسری طرف (منہ ) پھیر رکھا ہوا ہے۔‘‘ (تذکرۃ المہدی مصنفہ پیر سراج الحق صاحبؓ نعمانی حصّہ دوم صفحہ ۴۵ مطبوعہ دسمبر ۱۹۲۱ء ) ۲۴۔’’ایک روز مَیں۱؎اور حضرت اقدس علیہ السلام مسجد مبارک میں بیٹھے تھے …آپ ؑ نے سرِ مبارک اُٹھایا اور فرمایا اَب ہمیں اِس وقت یہ الہام ہوا۔حَقّ‘‘ (تذکرۃ المہدی مصنفہ پیر سراج الحق صاحبؓ نعمانی حصّہ دوم صفحہ ۴۶ مطبوعہ دسمبر ۱۹۲۱ء) ۲۵۔’’ایک دفعہ مسجد مبارک میں حضرت اقدس سیّدنا مسیح موعود علیہ الصلوٰۃ والسلام تشریف رکھتے تھے … سبع مثانی کی تحقیق کا ذکر ہوا۔کسی نے الحمد کا نام بتلایا اور کسی نے دوسری آیتوں کا، اور کسی نے کہا کہ الحمد مکہ معظمہ اور مدینہ منورہ میں نازل ہوئی اِس لئے دونوں مقام پر نازل ہونے کے باعث اِس کا نام سبع مثانی ہوا۔حضرت اقدس علیہ الصلوٰۃ والسلام نے فرمایا ممکن ہے کہ ایسا ہو لیکن ہمارے نزدیک اِس سورۃ کا ایک بار آنحضرت صلی اللہ علیہ وسلم پر نازل ہونا اور دوسری بار مہدی و مسیح موعود پر نازل ہونا ہے جس کے سبب سے اِس ۱ یعنی صاحبزادہ پیر سراج الحق صاحب نعمانی ؓ۔(شمس)
کا نام سبع مثانی ہوا۔‘‘ (مکتوب۱؎صاحبزادہ پیر سراج الحق صاحب نعمانی ؓ) ۲۶۔فرمایا۔’’ آج رات کو ہمیں الہام ہوا ہے۔اِنَّ الَّذِيْنَ قَالُوْا رَبُّنَا اللّٰهُ ثُمَّ اسْتَقَامُوْا تَتَنَزَّلُ عَلَيْهِمُ الْمَلٰٓىِٕكَةُ اَلَّا تَخَافُوْا وَ لَا تَحْزَنُوْا وَ اَبْشِرُوْا بِالْجَنَّةِ الَّتِيْ كُنْتُمْ تُوْعَدُوْنَ۔نَحْنُ اَوْلِيَآؤُ۔كُمْ فِي الْحَيٰوةِ الدُّنْيَا وَ فِي الْاٰخِرَةِ۔‘‘۲؎ (مکتوب صاحبزادہ پیر سراج الحق صاحب نعمانیؓ۔البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۶۴۔الحکم جلد ۲۳ نمبر ۱۲ مورخہ ۲۸ ؍ مارچ ۱۹۲۰ءصفحہ ۱) ۲۷۔اس کے بعد پھر الہام ہوا۔’’ نُوْرُالدِّیْن‘‘ (مکتوب صاحبزادہ پیر سراج الحق صاحب نعمانی ؓ۔البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۶۴) ۲۸۔ایک دفعہ حضرت مسیح موعود علیہ السلام نے یہ الہام سنایا کہ۔’’ پَٹی پُٹی گئی‘‘ ۳؎ (مکتوب پیر سراج الحق صاحب نعمانی ؓ۔البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۸۱) ۲۹۔(الف) حضرت مسیح موعود علیہ الصلوٰۃ والسلام نے یہ آیت پڑھی۔’’ لَهٗ مُعَقِّبٰتٌ مِّنْۢ بَيْنِ يَدَيْهِ وَ مِنْ خَلْفِهٖ يَحْفَظُوْنَهٗ مِنْ اَمْرِ اللّٰهِ۔‘‘۴؎ ۱ (نوٹ از مولانا عبد اللطیف بہاولپوری) یہ مکتوب قلمی دفتر تالیف و تصنیف صدر انجمن احمدیہ ربوہ میں بوقت تیاری طبع دوم موجود تھا جس سے خاکسار نے نقل کیا مگر اَب کہیں غائب ہے۔۲ (ترجمہ از مرتّب) یقیناً وہ لو گ جنہوں نے کہا ہمارا ربّ اللہ ہے۔پھر اس پر مضبوطی سے قائم رہے ان پر فرشتے اُترتے ہیں۔یہ بشارت دیتے ہوئے کہ خوف نہ کھاؤ اور نہ غمگین ہو اور بشارت حاصل کرو اُس جنت کی جس کا تمہیں وعدہ دیا جاتا تھا۔ہم تمہارے دوست و مددگار ہیں اِس دُنیا کی زندگی میں بھی اور آخرت میں بھی۔(نوٹ از مولانا جلال الدین شمسؓ) الحکم پرچہ مذکورہ بالا اور البشریٰ صفحہ ۶۴ میں یہ فقرہ ’’ نَحْنُ اَوْلِیَآءُ کُمْ فِی الْحَیٰوۃِ الدُّ نْیَا وَالْاٰخِرَۃِ ‘‘ نہیں ہے اور الحکم پرچہ مذکورہ بالا میں اس کی جگہ نُـوْرُالدِّیْن کے الفاظ ہیں۔۳ (نوٹ از سیّد عبد الحی) پَٹّی ایک قصبہ کا نام ہے جو ضلع لاہور میں ہوتا تھا مگر ملکی تقسیم کے وقت ضلع امرتسر میں چلا گیا۔۴ (ترجمہ از مرتّب) اس (رسول ) کے لئے اس کے آگے اور پیچھے چلنے والے (محافظ) مقرر ہیں جو اللہ کے حکم سے اس کی حفاظت کرتے ہیں۔(الرعد: ۱۲)
اور فرمایا کہ آنحضرت صلی اللہ علیہ وسلم کے صحابہ ؓ کو بھی جو اِس طرح آگے پیچھے دائیں بائیں چلتے دوڑتے تھے اور جنگوں میں بھی یہی حال تھا اِس آیت میں صحابہ ؓ مراد ہیں یہاں فرشتے مراد نہیں۔اسی طرح یہ آیت ہم پر نازل ہوچکی ہے۔(مکتوب صاحبزادہ پیر سراج الحق صاحب نعمانی ؓ) (ب) (شیخ محمد اسمٰعیل صاحب سرساویؓ نے بیان کیا کہ ) ’’حضور ؑ نے فرمایا …قرآن کریم میں جو اللہ تعالیٰ نے وحی کے ذریعہ رسول کریم صلی اللہ علیہ وسلم کو فرمایا کہ ہم تیرے آگے پیچھے، دائیں اور بائیں فرشتے مقرر کریں گے یہی الہام مجھ پر نازل ہوا ہے اور وہ فرشتے یہی ہیں جو میری باتیں سننے کے لئے آگے پیچھے بھاگتے ہیں۔‘‘ (رجسٹر روایاتِ صحابہ غیر مطبوعہ نمبر ۱۰ صفحہ ۳۴۶، ۳۴۷) ۳۰۔’’ وَ۱؎ اِنْ کُنْتُمْ فِیْ رَیْبٍ مِّـمَّا نَـزَّلْنَا فَاْتُوْا بِـاٰیَۃٍ مِّنْ مِّثْلِہٖ سَیُؤْتٰی لَہُ الْمُلْکُ الْعَظِیْمُ وَیُفْتَحُ عَلٰی یَدِ ہِ الْخَزَآ ئِنُ ذٰلِکَ فَضْلُ اللّٰہِ وَ فِیْ اَعْیُنِکُمْ عَـجِیْبٌ۲؎۔حُکْمُ اللّٰہِ الرَّحْـمٰنِ لِـخَلِیْفَۃِ اللّٰہِ الْمُغْلِ السُّلْطَانِ۔اِنْ یَّکُ کَاذِبًـا فَعَلَیْہِ کَذِ بُہٗ وَ اِنْ یَّکُ صَادِقًا یُّصِبْکُمْ بَعْضُ الَّذِیْ یَعِدُکُمْ۔‘‘۳؎ (مکتوب صاحبزادہ پیر سراج الحق صاحب نعمانی ۱ (نوٹ از مولانا جلال الدین شمسؓ) الہام ’’وَ اِنْ کُنْتُمْ فِی رَیْبٍ‘‘ سے لے کر الہام ’’زِدرگاہِ خدا مردے بصد اعزاز مے آید‘‘ الخ کے متعلق صاحبزادہ پیر سراج الحق صاحب ؓ اپنے مکتوب میں لکھتے ہیں کہ ’’یہ الہامات حضرت اقدس ؑ کے دست ِ مبارک کے لکھے ہوئے مَیں نے ایک صاحب سے لے کر نقل کئے تھے۔‘‘ ۲ (ترجمہ) ’’اور اگر تم شک میں ہو اس سے جو ہم نے اُتارا تو اس کی مانند کوئی ایک آیت لاؤ۔عنقریب اس کو ایک ملک ِ عظیم دیا جائے گااور خزائن علوم و معارف اس کے ہاتھ پر کھولے جائیں گے…یہ خدا تعالیٰ کا فضل ہے اور تمہاری آنکھوں میں عجیب۔‘‘ (ازالہ اوہام۔روحانی خزائن جلد ۳ صفحہ ۵۶۶) (نوٹ از مولانا جلال الدین شمسؓ) الہام ’’وَ اِنْ کُنْتُمْ فِیْ رَیْبٍ‘‘ سے لے کر الہام ’’زِ درگاہِ خدا مَردے بصد اعزاز مے آید‘‘ الخ کے متعلق صاحبزادہ پیر سراج الحق صاحب ؓ اپنے مکتوب میں لکھتے ہیں کہ ’’یہ الہامات حضرت اقدس ؑ کے دست ِ مبارک کے لکھے ہوئے مَیں نے ایک صاحب سے لے کر نقل کئے تھے۔‘‘ ۲ (ترجمہ ازمرتب ) خدا ئے رحمٰن کا حکم ہے اپنے خلیفہ مغل سلطان کے لئے۔اگر یہ جھوٹا ہے تو اس کے جھوٹ کا وبال اس پر ہوگا اور اگر سچا ہے تو بعض وہ وعید جو تمہیں سناتا ہے تمہیں پہنچیں گے۔(نوٹ از مولانا جلال الدین شمسؓ) الہام ’’ حُکْمُ اللّٰہِ الرَّحْـمٰنِ لِـخَلِیْفَۃِ اللّٰہِ السُّلْطَانِ‘‘ کے صفحاتِ ذیل ۱۶۵، ۲۱۴، ۳۵۲ اور ۶۱۷ میں موجود ہے مگر وہاں مغل کا لفظ نہیں۔
۳۱۔’’ غُلِبَتِ الرُّوْمُ فِیْ اَدْنَی الْاَرْضِ وَھُمْ مِنْۢ بَعْدِ غَلَبِھِمْ سَیَغْلِبُوْنَ۔لِلّٰہِ الْاَمْرُ مِنْ قَبْلُ وَمِنْۢ بَعْدُ وَ یَـوْمَئِذٍ یَّفْرَحُ الْمُؤْمِنُوْنَ۔وَیَقُوْلُوْنَ اِنَّـا سَـمِعْنَا بِـھٰذَا مِنَ الْاَوَّلِیْنَ۔قُلِ اللّٰہُ اَعْلَمُ وَمَا اُوْتِیْتُمْ مِّنْ عِلْمِہٖ اِلَّا قَلِیْلًا۔وَ یَقْنَعُوْنَ بِظَاھِرِ اللَّفْظِ وَ اِبْـھَامِہٖ وَ یَسْتَکْشِفُوْنَ۔قُلْ اِنِّیْ جِئْتُ عَلٰی قَدَ مِ عِیْسٰی۔قُلْ اِنَّ مَعِیَ رَبِّیْ سَیَـھْدِ یْنِ۔‘‘۱؎ (مکتوب پیر سراج الحق صاحب نعمانی ؓصفحہ ۵) ۳۲۔’’ اِنَّ مَثَلَ عِیْسٰی عِنْدَ اللّٰہِ کَمَثَلِ اٰدَمَ۔‘‘ ۲؎ (مکتوب پیر سراج الحق صاحب نعمانی ؓصفحہ ۵) ۳۳۔’’ اَلْـحَمْدُ لِلہِ الَّذِیْ اَیَّــدَ الْـحَقَّ بِـاٰیَـاتِہٖ۔‘‘۳؎ (مکتوب پیر سراج الحق صاحب نعمانی ؓصفحہ ۵) ۳۴۔’’ سَیَقُوْلُ السُّفَھَآءُ مَا وَلّٰىهُمْ۔قُلِ اللّٰہُ اَعْلَمُ بِتَاْوِیْلِہٖ۔سَیُؤَیِّدُ اللّٰہُ الَّذِیْنَ اٰمَنُوْا۔وَمَنْ عَادٰی وَ لِیًّا فَقَدْ بَـارَزْتُہٗ لِلْـحَرْبِ۔‘‘۴؎ (مکتوب پیر سراج الحق صاحب نعمانی ؓصفحہ ۶) ۳۵۔’’ وَ اِنَّـا اَعْتَدْ نَـا لِلْکَافِرِیْنَ سَلَاسِلَ وَ اَغْلَالًا وَّ سَعِیْرًا۔‘‘ ۵؎ (مکتوب پیر سراج الحق صاحب نعمانی ؓصفحہ ۶) ۱ (ترجمہ از مرتّب) رومی قریب کی زمین میں مغلوب ہوں گئے اور وہ مغلوب ہوجانے کے بعد جلدی غالب آئیں گے۔یہ کام اللہ تعالیٰ کے لئے ہوگا۔پہلا بھی اور بعد کا بھی، اور اُس دن مومن خوش ہوں گے اور کہیں گے کہ ہم نے یقیناً یہ پہلوں سے سنا تھا۔کہہ اللہ بہتر جانتا ہے اور تمہیں اس کے متعلق تھوڑا علم دیا گیا ہے۔وہ ظاہر لفظ اور ابہام پر قناعت کرتے اور حقیقت کا انکشاف چاہتے ہیں۔کہہ کہ مَیں عیسیٰ کے قدم پر آیا ہوں۔کہہ یقیناً میرے ساتھ میرا ربّ ہے جو جلد ی ہی میری رہبری کرے گا۔۲ (ترجمہ از مرتّب) یقینا عیسیٰ کی حالت اللہ کے نزدیک آدم کی حالت کی طرح ہے۔۳ (ترجمہ از مرتّب) سب تعریف اللہ تعالیٰ کے لئے ہے جس نے اپنے نشانات سے حق کی تائید کی۔۴ (ترجمہ از مرتّب) عنقریب بیوقوف لوگ کہیں گے کس چیز نے ان کو پھیرا۔کہہ اللہ تعالیٰ اس کی تاویل کو بہتر جانتا ہے۔عنقریب اللہ تعالیٰ مومنوں کی تائید کرے گا اور جو کوئی (میرے ) ولی سے دشمنی کرتا ہے تو مَیں اُس سے لڑائی کے لئے نکلتا ہوں۔۵ (ترجمہ از مرتّب) اور یقیناً ہم نے کافروں کے لئے زنجیریں اور طَوق اور شعلے آگ کے تیار کر رکھے ہیں۔
۳۶۔’’ اِحْرَامُ الدُّعَآءِ۔کَثُـرَ الدُّعَآءُ لِبَقَآءِکَ۔فَاَحْیَیْنَاہُ بِـرَحْـمَۃٍ مِّنَّا۔وَ اَحِبَّآءُکَ کَاَ۔نْبِیَآءِ بَنِیْٓ اِسْـرَآ ئِیْلَ۔خدا تعالیٰ کا ارادہ ہے کہ تیری توحید تیری عظمت تیری کمالیّت پھیلادے۔اِمَّا مَنًّا بَعْدُ وَ اِمَّا فِدَآءً۔اِنَّ اللّٰہَ یُدَافِعُ عَنِ الَّذِیْنَ اٰمَنُوْا۔‘‘۱؎ (مکتوب پیر سراج الحق صاحب نعمانی ؓصفحہ ۶) ۳۷۔’’ اِنَّ اللّٰہَ یُدَ افِعُ عَنِ الَّذِیْنَ اٰمَنُوْا۔۲؎ اے منکر پا مارا بالا بالا۔۳؎ مُعَمَّرُاللّٰہِ۔نُـوْرٌ۔مُنَوَّرُ اللّٰہِ۔‘‘۴؎ (مکتوب پیر سراج الحق صاحب نعمانی ؓصفحہ ۶) ۳۸۔’’خدا تعالیٰ تجلّی ٔ خاص سے اُترا ‘‘۔(مکتوب پیر سراج الحق صاحب نعمانی ؓصفحہ ۶) ۳۹۔’’ مَثْنٰی وَ ثُلَاثَ وَ رُبَـاعَ۵؎۔(اب )تُو اَمن اور برکت کے ساتھ اپنے گاؤں میں جائے گا اور مَیں تجھے پھر بھی یہاں لاؤں گا۔‘‘ (مکتوب پیر سراج الحق صاحب نعمانی ؓصفحہ ۶۔البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۵۷ ) ۴۰۔؎ ’’زِ درگاہِ خدا مَردے بصد اعزاز مے آید مبارک بادت اے مریم کہ عیسٰی باز مے آید‘‘۶؎ (مکتوب پیر سراج الحق صاحب نعمانی ؓصفحہ ۶۔البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۵۷ ) ۱ (ترجمہ از مرتّب) دعا کا احرام۔تیری بقاء کے لئے کثرت سے دُعاہوئی۔پھر ہم نے اُسے اپنی رحمت سے زندہ کیا اور تیرے خاص دوست بنی اسرائیل کے نبیوں کی مانند ہیں۔اس کے بعد یا تو احسان کرو یا فدیہ لے لو۔یقیناً اللہ تعالیٰ مومنوں کی طرف سے مدافعت کرے گا۔۲ (ترجمہ از مرتّب) یقیناً اللہ تعالیٰ مومنوں کی طرف سے مدافعت کرے گا۔۳ (نوٹ از ناشر) ہمیں اس الہام کی سمجھ نہیں آئی۔۴ (ترجمہ از مرتّب) اللہ تعالیٰ کی طرف سے عمر دیا ہوا۔نور۔اللہ کا روشن کیا ہوا۔۵ (ترجمہ از مرتّب) دو دو اور تین تین اور چار چار۔۶ (ترجمہ از مرتّب) خدا کی درگاہ سے ایک مرد بڑے اعزاز کے ساتھ آتا ہے۔اے مریم تجھے مبارک ہو کہ عیسیٰ دوبارہ آتا ہے۔
۴۱۔’’ فِی النَّارِ مَوْعِدُ ھُمْ۔‘‘۱؎ (البشریٰ قلمی نسخہ مرتبہ صاحبزادہ پیر سراج الحق صاحب نعمانی ؓ صفحہ ۱۸) ۴۲۔’’ وَ اَنْۢبَتْنَا فِیْـھَا مِنْ کُلِّ زَوْجٍۭ بَهِيْجٍ۔‘‘ ۲؎ ( البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۵۳) ۴۳۔’’ رَبَّنَا لَا تَـجْعَلْنَا طُعْمَۃً لِّلْقَوْمِ الظَّالِمِیْنَ۔‘‘۳؎ (البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۵۳) ۴۴۔’’ اَشْـرَقَتِ الْاَرْضُ بِنُوْرِ رَبِـھَا۔‘‘۴؎ ( البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۵۵) ۴۵۔’’دختر نیک آ گاہی شاں خورد تر چندیں سال۔‘‘۵؎ (البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۵۷ ،۶۳) ۴۶۔’’اے خدا اِس پیالہ کو ٹال دے۔‘‘ ( البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۸۹) ۴۷۔’’ نزول در قادیان۔‘‘۶؎ ( البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۹۶) ۴۸۔’’ تیری نمازوں سے تیرے کام افضل ہیں۔‘‘۷؎ ( البشریٰ قلمی نسخہ مرتّبہ پیر سراج الحق صاحب نعمانیؓ صفحہ ۹۹) ۴۹۔مولانا جلال الدین صاحب شمس رضی اللہ عنہ شرح قصیدہ ’’یَا عَیْنَ فَیْضِ اللّٰہِ‘‘ میں لکھتے ہیں۔’’اِسی قصیدہ کے متعلق ایک اَور روایت مرحوم و مغفور حضرت پیر سراج الحق رضی اللہ عنہ کی ہے کہ ’’حضرت مسیح موعود علیہ السلام جب یہ قصیدہ تصنیف فرماچکے تو آپ ؑ کا چہرہ مبارک خوشی سے چمکنے لگا اور فرمایا کہ یہ قصیدہ جنابِ الٰہی میں قبول ہوگیا اور خدا نے مجھ سے فرمایا جو اِس قصیدہ کو حِفظ کرے گا اور ہمیشہ پڑھے گا مَیں اس کے دِل میں اپنی اور اپنے رسول (صلی اللہ علیہ وسلم ) کی محبّت کوٹ کوٹ کر بھر دوں گا اور اپنا قرب عطا کروں گا۔‘‘ (شرح القصیدہ مؤلفہ مولانا جلال الدین شمسؓ صفحہ۱ ،۲۔مطبوعہ ۲۹؍ جون ۱۹۵۶ء) ۱ (ترجمہ از مرتّب) ان کے متعلق آگ میں ڈالنے کا وعدہ ہے۔۲ (ترجمہ از مرتّب) اور ہم نے اس میں ہر قسم کی خوبصورت چیزیں اُگائیں۔۳ (ترجمہ از مرتّب) اے ہمارے رَبّ ہمیں ظالم قوم کی خوراک نہ بنا۔۴ (ترجمہ از مرتّب) زمین اپنے رَبّ کے نور سے جگمگا اُٹھی۔۵ (ترجمہ از مرتّب) ان کی نیک لڑکی سب سے چھوٹی چند سال کی ہے۔(نوٹ از مولانا جلال الدین شمسؓ) اِس الہام کے متعلق پیر صاحبؓ نے البشریٰ صفحہ۶۳ پر لکھا ہے۔’’الہام منقول از بیاض حضرت ؑ آپ کے ہاتھ کی لکھی ہوئی۔‘‘ ۶ (ترجمہ از مرتّب) قادیان میں نزول۔۷ (نوٹ از مولانا جلال الدین شمسؓ) یعنی جو عظیم الشان خدمات تو اسلام کی تائید میں بجا لا رہا ہے۔
۵۰۔حضرت منشی ظفر احمد صاحب کپورتھلوی ؓ نے بیان کیا کہ۔’’ایک مرتبہ حضرت اقدس ؑ کو خارش کی بہت سخت شکایت ہوگئی۔تمام ہاتھ بھرے ہوئے تھے۔لکھنا یا دوسری ضروریات کا سرانجام دینا مشکل تھا۔علاج بھی برابر کرتے تھے مگر خارش دُور نہ ہوئی تھی …ایک دن (مَیں ) حضرت ؑ کی خدمت میں حاضر ہوا۔عصر کے قریب وقت تھا۔کیا دیکھتا ہوں کہ آپ ؑ کے ہاتھ بالکل صاف ہیں مگر آپ ؑ کے آنسو بہہ رہے ہیں… مَیں نے جرأت کرکے پوچھا کہ حضور آج خلافِ معمول آنسو کیوں بہہ رہے ہیں۔حضور ؑ نے فرمایا کہ میرے دِل میں ایک معصیت کا خیال گزرا کہ اللہ تعالیٰ نے کام تو اِتنا بڑا میرے سپرد کیا ہے اور اِدھر صحت کا یہ حال ہے کہ آئے دن کوئی نہ کوئی شکایت رہتی ہے۔اِس پر مجھے الہام ۱؎ہوا کہ ’’ہم نے تیری صحت کا ٹھیکہ لیا ہے‘‘ اِس سے میرے قلب پر بے حد رِقت اور ہیبت طاری ہے کہ مَیں نے ایسا خیال کیوں کیا۔اِدھر تو یہ الہام ہوا مگر جب اُٹھا تو ہاتھ بالکل صاف ہوگئے اور خارش کا نام و نشان نہ رہا۔ایک طرف اِس پُر شوکت الہام کو دیکھتا ہوں دوسری طرف اُس فضل اور رحم کو تو میرے دل میں اللہ تعالیٰ کی عظمت اور جلال اور اس کے رحم و کرم کو دیکھ کر انتہائی جوش پید اہوگیا اور بے اختیار آنسو جاری ہوگئے۔‘‘ (الحکم جلد ۳۷ نمبر ۱۲ مورخہ ۷؍ اپریل ۱۹۳۴ء صفحہ ۴) ۵۱۔حافظ نور محمد صاحبؓ ساکن فیض اللہ چک بیان کرتے ہیں کہ۔’’ایک دفعہ مَیں نے اجازت چاہی کہ مَیں جانا چاہتا ہوں تو آپ ؑ نے فرمایا کہ نہیں آج رہو۔حضورؑ کو الہام ہوا تھا کہ ’’ وَ لَوْ اَلْقٰی مَعَاذِ یْرَہٗ ‘‘ یعنی اگر عُذر بھی کریں آج اجازت نہیں ملتی۔‘‘ (الحکم جلد ۳۷ نمبر ۳۲مورخہ ۷؍ ستمبر ۱۹۳۴ء صفحہ ۴) ۱ (نوٹ از مولانا عبد اللطیف بہاولپوری) یہ الہام غالباً۱۸۹۱ء یا ۱۸۹۲ء کا ہے۔حضرت قمر الانبیاء مرزا بشیر احمد صاحب رضی اللہ عنہ نے خارش کی تکلیف کا واقعہ ۱۸۹۱ء بتلایا۔(سیرت المہدی جلد اوّل روایت نمبر ۲۶۲ صفحہ ۲۳۸ مطبوعہ ۲۰۰۸ء) اور حضرت ڈاکٹر میر محمد اسمٰعیل صاحب رضی اللہ عنہ نے اسے ۱۸۹۲ء کا۔(دیکھیے سیرت المہدی جلد اوّل روایت نمبر ۵۷۴ صفحہ ۵۵۰، ۵۵۱ مطبوعہ ۲۰۰۸ء)