صحیح بخاری 2741: باب الْوَصَايَا

عمرو بن زُرارہ نے ہم سے بیان کیا کہ اسماعیل (بن علیہ) نے ہمیں بتایا۔ انہوں نے (عبداللہ) بن عون سے، ابن عون نے ابراہیم (نخعی) سے، ابراہیم نے اسود (بن یزید) سے روایت کی، کہا کہ (بعض لوگوں) نے حضرت عائشہ کے پاس یہ ذکر کیا کہ حضرت علی رضی اللہ عنہما (نبی ﷺ کے) وصی تھے۔ انہوں نے کہا: آپؐ نے اُن کو کب وصی بنایا تھا، بحالیکہ میں تو آپؐ کو وفات کے وقت اپنے سینے سے سہارا دئیے ہوئے تھی۔ یا کہا: اپنی گود میں لئے ہوئے تھی۔ آپؐ نے طشت منگوایا اور میری گود ہی میں آپؐ جھک گئے اور مجھے پتہ ہی نہ لگا کہ آپؐ فوت ہوگئے ہیں۔ تو آپؐ نے علیؓ کے حق میں کب وصیت کی تھی؟

حَدَّثَنَا عَمْرُو بْنُ زُرَارَةَ أَخْبَرَنَا إِسْمَاعِيلُ عَنِ ابْنِ عَوْنٍ عَنْ إِبْرَاهِيمَ عَنِ الأَسْوَدِ قَالَ ذَكَرُوا عِنْدَ عَائِشَةَ أَنَّ عَلِيًّا ـ رضى الله عنهما ـ كَانَ وَصِيًّا. فَقَالَتْ مَتَى أَوْصَى إِلَيْهِ وَقَدْ كُنْتُ مُسْنِدَتَهُ إِلَى صَدْرِي ـ أَوْ قَالَتْ حَجْرِي ـ فَدَعَا بِالطَّسْتِ فَلَقَدِ انْخَنَثَ فِي حَجْرِي فَمَا شَعَرْتُ أَنَّهُ قَدْ مَاتَ فَمَتَى أَوْصَى إِلَيْهِ

Urdu translation: Hazrat Syed Zain-ul-Abidin Waliullah Shah

باب 1: باب الْوَصَايَا

آج 10 میں سے 10 باقی